spot_img
Home Blog Page 5723

ଏନ୍‌ଆଇଟି ଛାତ୍ରଛାତ୍ରୀଙ୍କ ଉଦ୍ଭାବନ: ଆପ୍ ଜରିଆରେ ଜାଣି ହେବ କରୋନା ସମ୍ପର୍କିତ ସବୁ ସୂଚନା

ଏଣିକି ଆପ ଜରିଆର ଜାଣିହେବ କରୋନା ରୋଗୀଙ୍କ ସ୍ଥିତି । ଦେଶର କେଉଁ ହସ୍ପିଟାଲରେ ଚାଲିଛି ରୋଗୀଙ୍କ ଚିକିତ୍ସା, କେଉଁଠି ବେଡ ଖାଲି ରହିଛି, ଆପ ଦ୍ବାରା ଏହାର ତଥ୍ୟ ମିଳିପାରିବ । ଖାଲି ସେତିକି ନୁହେଁ ପ୍ଲାଜମା, ଡାକ୍ତର, ଅକ୍ସିଜେନ ମଧ୍ୟ କେଉଁଠି ଉପଲବଧ ଅଛି ସେସବୁର ତଥ୍ୟ ମିଧ୍ୟ ମିଳିଯିବ । ରାଉରକେଲା ଏନଆଇଟିର ୧୮ ଜଣ ଛାତ୍ର ଛାତ୍ରୀ ଏମିତି ଏକ ଆପ ତିଆରି କରି ଏବେ ଚର୍ଚ୍ଚାକୁ ଆସିଛନ୍ତି । ଆପରେ ମିଳିବ କୋଭିଡ ତଥ୍ୟ । ଜଣା ପଡିବ ରୋଗୀ ଓ ବେଡର ସ୍ଥିତି । ଦେଶ ଓ ରାଜ୍ୟରେ ଏବେ ଚିନ୍ତା ବଢାଇଛି କରୋନା । ଏଥିପାଇଁ ଚିକିତ୍ସା ଓ ଟିକାକରଣକୁ ପ୍ରାଥମିକତା ଦେଇଛନ୍ତି ସରକାର । ହେଲେ ଅନେକ ହସପିଟାଲ, ଅକ୍ସିନେଜ, ପ୍ଲାଜମା, ଚିକିତ୍ସା ବାବଦରେ ଅବଗତ ନଥିବାରୁ ରୋଗୀ ଗୁରୁତର ହୋଉଛନ୍ତି । ଏପରି ସ୍ଥିତିରେ ଲୋକଙ୍କ ସୁବିଧା ପାଇଁ ରାଉରକେଲା ଏନଆଇଟିର ୧୮ ଜଣ ଛାତ୍ରଛାତ୍ରୀ ତିଆରି କରିଛନ୍ତି ଏକ ଆପ୍ ।

ଯେଉଁଥିରେ କେଉଁ ହସ୍ପିଟାଲରେ ଚାଲିଛି ରୋଗୀଙ୍କ ଚିକିତ୍ସା, କେଉଁଠି ବେଡ ଖାଲି ରହିଛି, ପ୍ଲାଜମା, ଡାକ୍ତର, ଅକ୍ସିଜେନ କେଉଁଠି ଉପଲବଧ ଅଛି ସେସବୁର ତଥ୍ୟ ମିଳିପାରିବ । କରୋନା ରୋଗୀଙ୍କୁ ସେଵା ଯୋଗାଉଥିବା ସଂସ୍ଥା, ହସ୍ପିଟାଲ ଓ ସାମାଜିକ ଓ ସ୍ଵଛାସେଵୀ ସଂଗଠନର ତଥ୍ୟ ଦେବା ଉଦ୍ଦେଶ୍ୟରେ ଏହି ଆପ୍ ନିର୍ମାଣ କରିଥିବା କହିଛନ୍ତି ଛାତ୍ରଛାତ୍ରୀ । breathin.glideapp.io ଏହି ଆପ୍ ଦ୍ବାରା ରୋଗୀଙ୍କୁ ଉପଯୁକ୍ତ ସମୟରେ ଠିକ ଚିକିତ୍ସା ମିଳିପାରିବ ଓ ସେମାନଙ୍କ ଜୀବନ ବଞ୍ଚାଯାଇ ପାରିବ ବୋଲି ସେମାନେ କହିଛନ୍ତି । ଛାତ୍ରଛାତ୍ରୀଙ୍କ ଏହି ଉଦ୍ୟମକୁ ବିଭିନ୍ନ ମହଲରୁ ପ୍ରଶଂସା କରାଯାଇଥିବାବେଳେ ସଙ୍କଟ କାଳରେ ଏହି ଆପ ଲୋକଙ୍କ ନିଶ୍ଚିତ ଉପକାରରେ ଆସିବ ବୋଲି କହିଛନ୍ତି ।

ଏଥିସହିତ ପଢ଼ନ୍ତୁ: ପୋଲିସ ବାବୁଙ୍କର ଲାଞ୍ଚୁଆ ମନୋବୃତ୍ତି, କହିଲେ ୫ ଶହ ଖର୍ଚ୍ଚଦେ ନହଲେ ୫ ହଜାର ଫାଇନ୍‌ କାଟିବି

ଟେଷ୍ଟିଂ ସାଙ୍ଗକୁ ଶତ ପ୍ରତିଶତ ଟିକାକରଣ ଉପରେ ବିଏମ୍‌ସିର ଗୁରୁତ୍ୱ: ବୁଲା ବିକାଳିଙ୍କ ମଧ୍ୟ ଚାଲିଛି କରୋନା ପରୀକ୍ଷା

ଭୁବନେଶ୍ୱର: ରାଜଧାନୀରେ ଶତ ପ୍ରତିଶତ ଟିକାକରଣ ପାଇଁ ଲକ୍ଷ୍ୟ ରଖିଛି ବିଏମସି । ଗୋଟିଏ ପରେ ଗୋଟିଏ ବର୍ଗର ଲୋକଙ୍କ ଟିକାକରଣ ପାଇଁ ସ୍ବତନ୍ତ୍ର ପଦକ୍ଷେପ ନିଆଯାଉଛି । ବିଏମସି ନଜରରେ ଏବେ ସହରାଞ୍ଚଳ ବାସହୀନ । ୩ ଦିନରେ ୫ଶହ ବାସହୀନଙ୍କର ହେବ ଟିକାକରଣ । ସେପଟେ ଆରମ୍ଭ ହେଲା ବୁଲା ବିକାଳୀଙ୍କ ବାଧ୍ୟତାମୂଳକ ଟେଷ୍ଟିଂ । ଟିକାକରଣରୁ ବଞ୍ଚିତ ହେବେନି କେହି । ଏବେ ବିଏମସି ନଜରରେ ସହରାଞ୍ଚଳ ବାସହୀନ । ଟିକା ସହ ଟେଷ୍ଟିଂକୁ ମଧ୍ୟ ଦିଆଯାଉଛି ପ୍ରାଥମିକତା । ହଟସ୍ପଟ ଭୁବନେଶ୍ୱରରେ ଏବେ ତଳମୁହାଁ କରୋନା ଗ୍ରାଫ୍ । ହେଲେ ଜରିମାନା ଓ କାର୍ଯ୍ୟାନୁଷ୍ଠାନ ପରେ ବି ହାଟ ଓ ବଜାରରେ କମୁନି ଭିଡ଼ । ତେଣୁ ସଂକ୍ରମଣ ବଢିବା ନେଇ ସୃଷ୍ଟି ହୋଇଛି ଆଶଂକା । ଚେକ ଦେବାକୁ ବିଏମସି ଆରମ୍ଭ କରିଛି ବୁଲା ବିକାଳୀଙ୍କ ଅନସ୍ପଟ ବାଧ୍ୟତାମୂଳକ ଟେଷ୍ଟିଂ । ମୋବାଇଲ ଭ୍ୟାନ ମାଧ୍ୟମରେ ବଜାର ବଜାର ବୁଲି କରାଯିବ ଟେଷ୍ଟିଂ । ବିଏମସିର ନର୍ଥ ଯୋନ ଅନ୍ତର୍ଗତ ଅସ୍ଥାୟୀ ତାରିଣୀ ବଜାରରୁ ଆରମ୍ଭ ହୋଇଛି ସ୍ବତନ୍ତ୍ର ଡ୍ରାଇଭ । ସେପଟେ ସହରାଞ୍ଚଳ ବାସହୀନଙ୍କୁ ଚିହ୍ନଟ କରି ସେମାନଙ୍କ ଟିକାକରଣକୁ ମଧ୍ୟ ଗୁରୁତ୍ବ ଦିଆଯାଇଛି । ଭୁବନେଶ୍ୱରରେ ଥିବା ସମସ୍ତ ୭ଟି ସହରାଞ୍ଚଳ ବାସହୀନ ଥଇଥାନ କେନ୍ଦ୍ରରେ ୫ଶହ ବସହୀନଙ୍କୁ ୩ଦିନ ମଧ୍ୟରେ ଟିକାକରଣ କରାଯିବ । କୋଉଇନ ଅପର ସ୍ବତନ୍ତ୍ର ସେସନ ଜରିଆରେ ଏହି ନିର୍ଦ୍ଧିଷ୍ଟ ବର୍ଗର ଲୋକଙ୍କର କରାଯାଉଛି ଟିକାକରଣ । ପରିଚୟପତ୍ର ନଥିବାରୁ ଟିକାକରଣରୁ ବାଦ ପଡିଥିଲେ ବାସହୀନ । ତେଣୁ ସମସ୍ୟାର ସମାଧାନ କରିଛନ୍ତି ବିଏମସି କର୍ତ୍ତୃପକ୍ଷ । ନିକଟରେ ସମସ୍ତ ଅନ୍ତେବାସୀଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇଥିବା ବେଳେ ଆଜି ସମସ୍ତଙ୍କର ଟିକାକରଣ ସମ୍ଭବପର ହୋଇଛି । ସେପଟେ ଆବଶ୍ୟକତା ଦୃଷ୍ଟିରୁ ବଜାରକୁ ଲୋକେ ଆସୁଥିଲେ ବି ମନରେ ଥିଲା ସଂକ୍ରମଣର ଭୟ । ତେଣୁ ବିଏମସି ପକ୍ଷରୁ ବୁଲାବିକାଳୀଙ୍କ ବାଧ୍ୟତାମୂଳକ ଟେଷ୍ଟିଂ କରାଯିବା ନିଶ୍ଚିତ ପକ୍ଷେ ଏକ ସ୍ୱାଗତଯୋଗ୍ୟ ପଦକ୍ଷେପ ବୋଲି ମତ ପ୍ରକାଶ ପାଇଛି । ଟିକାର ଅଭାବ ସତ୍ତ୍ୱେ ବିଭିନ୍ନ ତଥା ଅବହେଳିତ ବର୍ଗଙ୍କ ପାଇଁ ବିଏମସିର ଏଭଳି ପଦକ୍ଷେପ ରାଜ୍ୟବ୍ୟାପୀ ଅନ୍ୟମାନଙ୍କ ପାଇଁ ଉଦାହରଣ ସୃଷ୍ଟି କରିପାରିଛି ।

ଏଥିସହିତ ପଢ଼ନ୍ତୁ: ରାଜ୍ୟରେ କରୋନାର ତୃତୀୟ ଲହର ଅଧିକ କ୍ଷତି କରିବ ନାହିଁ: ଡାକ୍ତର ନିରୋଜ ମିଶ୍ର

ଦେଶରେ କମୁଛି ସଂକ୍ରମଣ ହାର: ୭ ପ୍ରତିଶତ ତଳେ ରହୁଛି ପଜିଟିଭ୍ ହାର

ନୂଆଦିଲ୍ଲୀ: ଦେଶରେ କମିବାରେ ଲାଗିଛି କରୋନା ଗ୍ରାଫ । ପଜିଟିଭ ହାର ୭ ପ୍ରତିଶତ ତଳକୁ ଖସିଥିବାବେଳେ ଆରୋଗ୍ୟ ହାର ୯୩ ଦଶମିକ ୧ ପ୍ରତିଶତରେ ପହଞ୍ଚିଛି । ୩୭୭ଟି ଜିଲ୍ଲାରେ ୫ ପ୍ରତିଶତରୁ କମ ପଜିଟିଭ୍ ହାର ଥିବା କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟର ଯୁଗ୍ମ ସଚିବ ଲବ୍ ଅଗ୍ରଓ୍ବାଲ ସୂଚନା ଦେଇଛନ୍ତି । ମେ’ ୭ରୁ ଦେଶରେ ଆରମ୍ଭ ହୋଇଥିଲା ସଂକ୍ରମଣର ପିକ୍ । ଏବେ ଦୈନିକ ୬୮ ପ୍ରତିଶତ ସଂକ୍ରମଣ ହ୍ରାସ ପାଇବାରେ ଲାଗିଛି । ତେବେ ଏବେ ବି ୨୫୭ଟି ଜିଲ୍ଲାରୁ ଦୈନିକ ୧୦୦ଟି ସଂକ୍ରମଣ ମାମଲା ସାମ୍ନାକୁ ଆସୁଛି । ଦେଶରେ ସଂକ୍ରମଣ କମ ହେବା ଏକ ଶୁଭ ଖବର ବୋଲି ସ୍ବାସ୍ଥ୍ୟ ମନ୍ତ୍ରାଳୟ ପକ୍ଷରୁ କୁହାଯାଇଛି । ଦେଶରେ ୬୦ ପ୍ରତିଶତରୁ ଅଧିକ ବୟସ୍କ ଟିକା ନେଇସାରିଛନ୍ତି । ଶିଶୁଙ୍କୁ ଟିକା ଦେବା ନେଇ ସମସ୍ତ ପ୍ରସ୍ତୁତି ଜାରି ରହିଛି । କୋଭାକସିନ୍ ଏ ନେଇ କାମ ଜାରି ରଖିଛି । ଶିଶୁଙ୍କ ପାଇଁ ୨୫ କୋଟି ଟିକାର ଆବଶ୍ୟକ ଥିବା ନୀତି ଆୟୋଗ ସଦସ୍ୟ ଭି. କେ ପଲ୍ କହିଛନ୍ତି ।

ଏଥିସହିତ ପଢ଼ନ୍ତୁ: ସ୍ପୁଟ୍‌ନିକ୍‌-ଭି ଟିକା ତିଆରି କରିବ ସେରମ୍ ଇନ୍‌ଷ୍ଟିଚ୍ୟୁଟ୍

ସ୍ପୁଟ୍‌ନିକ୍‌-ଭି ଟିକା ତିଆରି କରିବ ସେରମ୍ ଇନ୍‌ଷ୍ଟିଚ୍ୟୁଟ୍

ନୂଆଦିଲ୍ଲୀ: ସ୍ପୁଟ୍‌ନିକ୍‌-ଭି ଟିକା ତିଆରି କରିବ ସେରମ୍ ଇନ୍‌ଷ୍ଟିଚ୍ୟୁଟ୍ । ଏ ନେଇ ସେରମ ଇନଷ୍ଟିଚ୍ୟୁଟ୍‌କୁ ମିଳିଲା ଡିସିଜିଆଇ ପକ୍ଷରୁ ଅନୁମତି ମିଳିିଛି ।ଭାରତରେ ଡକ୍ଟର ରେଡ୍ଡୀ ଲ୍ୟାବ୍‌ ତିଆରି କରୁଛି ସ୍ପୁଟନିକ୍‌ ଭି । ସେରମ ଇନଷ୍ଟିଚ୍ୟୁଟ୍‌ ମଧ୍ୟ ସରକାରଙ୍କ ଅନୁମତି ମାଗିଥିଲା । ଋଷିଆ ପ୍ରସ୍ତୁତ ଟିକା ସ୍ପୁଟନିକ୍‌ ଭି ତିଆରି କରିବ ସେରମ୍ । କମ୍ପାନୀ ତା’ର ହଦପସର ପ୍ରତିଷ୍ଠାନରେ ଏହାର ଉତ୍ପାଦନ କରିବ। ଏଥିପାଇଁ କିଛି ସର୍ତ୍ତ ମଧ୍ୟ ଲାଗୁ କରାଯାଇଛି। ହଦପସର ପ୍ରତିଷ୍ଠାନରେ ସ୍ପୁଟନିକ ଭି ଟିକାକୁ ବିକଶିତ କରିବା ପାଇଁ ସେରମ ରୁଷର ମସ୍କୋରେ ଥିବା ଗାମେଲିୟା ରିସର୍ଚ୍ଚ ଇନଷ୍ଟିଚ୍ୟୁଟ ଅଫ ଏପିଡେମୋଲୋଜି ଓ ମାକ୍ରୋବାୟୋଲିଜି ସହ ଅନୁବନ୍ଧିତ ହୋଇଛି । ଅପରପକ୍ଷରେ ଭାରତରେ ଉପଲବ୍ଧ ଭ୍ୟାକ୍ସିନ୍ କୋଭାକ୍ସିନ ୮୧% ପ୍ରଭାବଶାଳୀ ଥିବା ବେଳେ କୋଭିସିଲ୍ଡି ୭୦ ପ୍ରତିଶତ ଓ ସ୍ପଟନିକ୍ ଭି ୯୨ ପ୍ରତିଶତ ପ୍ରଭାବଶାଳୀ  । ତେବେ ମାତ୍ର ୨୧ ଦିନ ପରେ ଏହାର ଦ୍ୱିତୀୟ ଡୋଜ୍ ନେବାକୁ ପଡ଼ିଥାଏ ।

ଏଥିସହିତ ପଢ଼ନ୍ତୁ: ଗ୍ଳୋବାଲ୍ ଟେଣ୍ଡର ପ୍ରକ୍ରିୟାରେ ୨ ବିଦେଶୀ କମ୍ପାନୀଙ୍କ ଆବେଦନ

ଅନ୍ୟପକ୍ଷରେ ବିଶ୍ୱସ୍ତରରେ ସ୍ପୁଟନିକ-ଭିର ମାର୍କେଟିଂ କରୁଥିବା ରୁଷିଆର ଆରଡିଆଇଏଫ ଭାରତରେ ଏହାର ଉତ୍ପାଦନ ପାଇଁ ୬ଟି କମ୍ପାନୀ ସହ ଚୁକ୍ତି କରିଛି। ଏମାନଙ୍କ ମଧ୍ୟରେ ଡା ରେଡ୍ଡୀ ଲ୍ୟାବ, ଗ୍ଳେନ୍ ଫାର୍ମା, ହେଟ୍ରୋ ବାୟୋଫାର୍ମା, ପାନେସିୟା ବାୟୋଟେକ, ଷ୍ଟେଲିସ ବାୟୋଫାର୍ମା ଓ ଭାରତ ବାୟୋଟେକ ରହିଛନ୍ତି।

ଗ୍ଳୋବାଲ୍ ଟେଣ୍ଡର ପ୍ରକ୍ରିୟାରେ ୨ ବିଦେଶୀ କମ୍ପାନୀଙ୍କ ଆବେଦନ

ଭୁବନେଶ୍ୱର: ଗ୍ଲୋବାଲ ଟେଣ୍ଡର ଦୁଇ ବିଦେଶୀ କମ୍ପାନୀଙ୍କ ବିଡିଂ । ଆଜିଠାରୁ ରାଜ୍ୟ ସରକାରଙ୍କ ଗ୍ଲୋବାଲ ଟେଣ୍ଡର ପ୍ରକ୍ରିୟା ଅନ୍‌ଲାଇନ୍‌ରେ ଖୋଲିଛି । ଏହି ପ୍ରକ୍ରିୟାରେ ଦୁଇଟି ସଂସ୍ଥା ଆବେଦନ କରିଛନ୍ତି । ଯାହାକୁ ରାଜ୍ୟ ସରକାର ଗ୍ରହଣ କରି ତର୍ଜମା କରୁଛନ୍ତି । ଜୁନ ୯ ତାରିଖରେ ସରକାର କେତେ ଟଙ୍କାରେ ଟିକା କିଣିବେ ସେନେଇ ଗ୍ଲୋବାଲ ଟେଣ୍ଡରର ବିଡିଂ ଖୋଲିବେ । ଏ ନେଇ ସୂଚନା ଦେଇଛନ୍ତି ଏସିଏସ ପ୍ରଦୀପ୍ତ ମହାପାତ୍ର । ଗ୍ଲୋବାଲ ଟେଣ୍ଡର ଜରିଆରେ ୩ କୋଟି ୮୦ ଲକ୍ଷ ଟିକା ବିଦେଶ କମ୍ପାନୀରୁ କିଣିବା ପାଇଁ ଲକ୍ଷ୍ୟ ରଖିଛନ୍ତି ରାଜ୍ୟ ସରକାର । ୧୮ ବର୍ଷରୁ ୪୪ ବର୍ଷ ବର୍ଗଙ୍କୁ ମାଗଣାରେ ଟିକା ଯୋଗାଇ ଦେବା ପାଇଁ ରାଜ୍ୟରେ ଟିକାର ଅଭାବକୁ ଦୂର କରିବା ପାଇଁ ଗ୍ଲୋବାଲ ଟେଣ୍ଡର ପ୍ରକ୍ରିୟା କରିଥିଲେ । ଟିକାକରଣକୁ ଶତ ପ୍ରତିଶତ ସଫଳ କରିବା ପାଇଁ ଉଦ୍ୟମ ଜାରି ରହିଛି । ଅନଲାଇନ୍ ଟେଣ୍ଡର ପ୍ରକ୍ରିୟାରେ ଦୁଇଟି ସଂସ୍ଥା ଆବେଦନ କରିଥିବାରୁ ଏହା ଶୁଭ ସଙ୍କେତ ଦେଇଛି । ଗ୍ଲୋବାଲ ଟେଣ୍ଡର ପ୍ରକ୍ରିୟାରେ ଭାଗ ନେବା ପାଇଁ ଅନେକ ନୀତିରେ ସରଳ କରିଛନ୍ତି ସରକାର । ଏହି ପ୍ରକ୍ରିୟାରେ ଫାଇଜର, ମଡର୍ଣ୍ଣା, ଜନସନ୍ ଆଣ୍ଡ ଜନସନ୍ ଭଳି ଡିଜିସିଆଇ ଦ୍ବାରା ଅନୁମୋଦିତ ପ୍ରାପ୍ତ ବିଭିନ୍ନ କମ୍ପାନୀ ଏଥିରେ ସାମିଲ ହୋଇପାରିବେ ।

ଏଥିସହିତ ପଢ଼ନ୍ତୁ: ରାଜଧାନୀରେ ପ୍ରେମୀ ଯୁଗଳଙ୍କ ହାଇଡ୍ରାମା: ପ୍ରେମିକକୁ ବାହା ହେବାକୁ ବିବାହିତା ପ୍ରେମିକାର ଜିଦ୍

ଆଦିବାସୀ ଅଧ୍ୟୁଷିତ ଅଞ୍ଚଳରେ କରୋନା ଟିକାକରଣ ନେଇ ଲୋକଙ୍କୁ ସଚେତନ ଓ ନାମ ପଞ୍ଜୀକରଣ କରୁଛି ଗ୍ରାମ ବିକାଶ

ଭୁବନେଶ୍ୱର: ରାଜ୍ୟର ଅଦିବାସୀ ଅଧ୍ୟୁଷିତ ଅଞ୍ଚଳରେ ଟିକାକରଣ କାର୍ଯ୍ୟକ୍ରମ ଅଧିକ ବ୍ୟାପକ କରିବାକୁ ଅଣ୍ଟା ଭିଡ଼ିଛି ଗ୍ରାମ ବିକାଶ । କରୋନା ମୁକାବିଲା ଦିଗରେ ଟିକାକରଣ ଏକ ପ୍ରମୁଖ ଅସ୍ତ୍ର ହୋଇଥିବା ବେଳେ ବିଭିନ୍ନ କାରଣରୁ ରାଜ୍ୟ ଅଦିବାସୀ ଅଧ୍ୟୁଷିତ ଓ ଦୁର୍ଗମ ଅଞ୍ଚଳରେ ଟିକାକରଣ କାର୍ଯ୍ୟକ୍ରମକୁ ବ୍ୟାପକ କରାଯାଉପାରୁନି । ଲୋକଙ୍କ ମଧ୍ୟରେ କରୋନା ଟିକାକୁ ନେଇ ସଚେତନତାର ଅଭାବ ଓ ଇଣ୍ଟରନେଣ୍ଟର ସୁବିଧା ନଥିବାରୁ ଟିକାକରଣରେ ଅସୁବିଧା ହେଉଛି । ଏଣୁ ଗ୍ରାମ ବିକାଶ ସ୍ୱେଚ୍ଛାସେବୀ ଗ୍ରାଉଣ୍ଡ ଜିରୋରେ ପହଞ୍ଚି ଲୋକଙ୍କୁ ସଚେତନ କରାଉଛନ୍ତି । ଏବଂ ସେମାନଙ୍କ ପାଇଁ ଅନଲାଇନ୍ ପଞ୍ଜୀକରଣ କରୁଛନ୍ତି । ମଇ ୨୯ ସୁଦ୍ଧା ଗ୍ରାମ ବିକାଶ ସ୍ୱେଚ୍ଛାସେବୀମାନେ ମୋଟ ୨୭୮୯ ଲୋକଙ୍କ ନାମ ଟିକାକରଣ ନେଇ ପଞ୍ଜୀକୃତ କରିଛନ୍ତି । ଆଉ ସେମାନଙ୍କ ଏହି କାର୍ଯ୍ୟକ୍ରମରେ ସହଯୋଗ କରୁଛନ୍ତି ଗ୍ରାମ ବିକାଶ କମିଟି ସଦସ୍ୟ । ଗ୍ରାମ ବିକାଶ ସ୍ୱେଚ୍ଛାସେବୀମାନେ ରାୟଗଡ଼ାର ରଘୁନାଥପୁର, ଗୁମ୍ମା ବ୍ଳକ୍‌ର ନୂଆଁଗାଁ ଓ ଜଗନ୍ନାଥପୁର ଅଞ୍ଚଳରେ କରୋନା ଟିକା ନେଇ ଲୋକଙ୍କ ନାମ ପଞ୍ଜୀକୃତ କରିଥିଲେ । ସେହିଭଳି ରାଜ୍ୟର ଅନ୍ୟ ସ୍ଥାନ ଗୁଡ଼ିକରେ ମଧ୍ୟ ୧୮-୪୪ ବର୍ଗର ଲୋକଙ୍କ ଟିକାକରଣ ନେଇ ପଞ୍ଜୀକୃତ କରାଉଛନ୍ତି ଗ୍ରାମ ବିକାଶ ସ୍ୱେଚ୍ଛାସେବୀ ।

ଏଥିସହିତ ପଢ଼ନ୍ତୁ: ଆଶା ସଞ୍ଚାର କଲେ ୨୦ ବର୍ଷର ଯୁବକ: ସମ୍ କୋଭିଡ ହସ୍ପିଟାଲରେ ଦୀର୍ଘ ଦିନ ଧରି ଭେଣ୍ଟିଲେଟରରେ ରହିବା ପରେ ସୁସ୍ଥ ହେଲେ

ଶନିବାରଠାରୁ ସାମ୍ୱାଦିକଙ୍କୁ ଦିଆଯିବ କରୋନା ଟିକାର ଦ୍ୱିତୀୟ ଡୋଜ୍

ଭୁବନେଶ୍ୱର: ଶନିବାର ଠାରୁ ରାଜଧାନୀରେ ଆରମ୍ଭ ହେବ ସାମ୍ୱାଦିକଙ୍କୁ ଟିକାକରଣ କାର୍ଯ୍ୟକ୍ରମର ଦ୍ୱିତୀୟ ପର୍ଯ୍ୟାୟ । ଭୁବନେଶ୍ୱର ମ୍ୟୁନସିପାଲଟି କର୍ପୋରେସନ୍ ପକ୍ଷରୁ ଆରମ୍ଭ ହେବାକୁ ଥିବା ଏହି କାର୍ଯ୍ୟକ୍ରମରେ ଅପରାହ୍ଣ ୩ ଘଣ୍ଟିକାରୁ ସନ୍ଧ୍ୟା ୬ ଘଣ୍ଟିକା ପର୍ଯ୍ୟନ୍ତ ରାଜ୍ୟ ସରକାରଙ୍କ ଗୋପବନ୍ଧୁ କାର୍ଯ୍ୟରତ ସାମ୍ବାଦିକ ସ୍ୱାସ୍ଥ୍ୟବୀମା କାର୍ଡ଼ଧାରୀ ସାମ୍ବାଦିକମାନେ ଏହି ଟିକାକରଣ କାର୍ଯ୍ୟକ୍ରମରେ ଟିକା ପାଇପାରିବେ । ବିଏମସି ସୂତ୍ରରୁ ମିଳିଥିବା ସୂଚନା ଅନୁସାରେ ଆଇଆରସି ଭିଲେଜ ନୟାପଲ୍ଲୀ ସ୍ଥିତ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ଠାରେ ଏହି ୨ୟ ଡୋଜ ଟିକା ପ୍ରଦାନ କରାଯିବ। ଯେଉଁମାନେ ପୂର୍ବରୁ ଅନୁଷ୍ଠିତ ସ୍ୱତନ୍ତ୍ର ଟିକାକରଣ କାର୍ଯ୍ୟକ୍ରମରେ ପ୍ରଥମ ଡୋଜ ଟିକା ନେଇଛନ୍ତି ସେମାନଙ୍କୁ ଏହି ଠାରେ ୨ୟ ଡୋଜ ଟିକା ପ୍ରଦାନ କରାଯିବ। ଏହି କାର୍ଯ୍ୟକ୍ରମ ଆସନ୍ତା ସୋମବାର (୭ତାରିଖ) ଓ ମଙ୍ଗଳବାର(୮ତାରିଖ) ସକାଳ ୯ଟା ୩୦ମିନିଟ ଠାରୁ ଦିନ ଗୋଟାଏ ଓ ଅପରାହ୍ଣ ୩ଟାରୁ ୬ଟା ପର୍ଯ୍ୟନ୍ତ ଟୀକାକରଣ ଚାଲୁ ରହିବ। ଏଣୁ ନିର୍ଦ୍ଧାରିତ ସ୍ଥାନ ଓ ସମୟରେ ଉପସ୍ଥିତ ରହି ଟିକା ନେବାକୁ ବିଏମ୍‌ସି ପକ୍ଷରୁ ଅନୁରୋଧ କରାଯାଇଛି । ଟିକା ନେବାକୁ ଥିବା ସାମ୍ବାଦିକମାନଙ୍କ ତାଲିକା ବିଏମସି ପକ୍ଷରୁ ଦିଆଯିବ। ଏଣୁ ସେହି ତାଲିକା ଅନୁସାରେ ସାମ୍ବାଦିକମାନେ ଉପସ୍ଥିତ ରହିବାକୁ ଅନୁରୋଧ।

ଏଥିସହିତ ପଢ଼ନ୍ତୁ: ରାଜଧାନୀରେ ପ୍ରେମୀ ଯୁଗଳଙ୍କ ହାଇଡ୍ରାମା: ପ୍ରେମିକକୁ ବାହା ହେବାକୁ ବିବାହିତା ପ୍ରେମିକାର ଜିଦ୍

କରୋନାର ତୃତୀୟ ଲହର ! ଦୁଇଟି ରାଜ୍ୟରେ ୯୦ହଜାର ପିଲା ସଂକ୍ରମିତ

ନୂଆଦିଲ୍ଲୀ: ଦେଶରେ କରୋନା ସଂକ୍ରମଣର ଦ୍ୱିତୀୟ ଲହର ଥମିନି କିନ୍ତୁ ଲାଗୁଛି ଯେମିତି କରୋନାର ତୃତୀୟ ଲହରୀ ଦେଶରକୁ ଗ୍ରାସ କରିବାକୁ ବସିଲାଣି । ଏହି ତୃତୀୟ ଲହର ପିଲାମାନଙ୍କ ପାଇଁ ଅଧିକ ବିପଜ୍ଜନକ ହୋଇପାରେ ବୋଲି ବିଶେଷଜ୍ଞମାନେ ମତ ରଖିଛନ୍ତି । କାରଣ ଯଦି ଆମେ କରୋନା ଆକଳନକୁ ଦେଖିବା, ବର୍ତ୍ତମାନ କେବଳ ଦୁଇଟି ରାଜ୍ୟରେ ୯୦,୦୦୦ରୁ ଅଧିକ ପିଲା କରୋନା ସଂକ୍ରମିତ ହୋଇଛନ୍ତି । ଏଭଳି ପରିସ୍ଥିତିରେ ଅନୁମାନ କରାଯାଉଛି ଯେ, ଯଦି ଏବେ ଦୁଇଟି ରାଜ୍ୟର ଅବସ୍ଥା ଏମିତି, ତେବେ ପୂରା ଦେଶରେ କ’ଣ ହେବ ? ଏଭଳି ପରିସ୍ଥିତିକୁ କରୋନାର ତୃତୀୟ ଲହର ବୋଲି କହିବା ଭୁଲ ହେବ ନାହିଁ।

ସୂଚନା ଅନୁଯାୟୀ, ଯଦି ଆମେ କରୋନାର ଆକଳନକୁ ଦେଖିବା, ତେବେ ମହାରାଷ୍ଟ୍ରର ପ୍ରତ୍ୟେକ ଥର ଭଳି ତୃତୀୟ ଲହର ବିପଜ୍ଜନକ ବୋଲି ନଜର ଆସୁଛି। ମହାରାଷ୍ଟ୍ରର ଅହମ୍ମଦନଗରରେ କେବଳ ମେ ମାସରେ ୯ ହଜାର ଶିଶୁ କରୋନାରେ ଆକ୍ରାନ୍ତ ହୋଇଛନ୍ତି। ପିଲାମାନଙ୍କଠାରେ ବଢୁଥିବା କରୋନା ମାମଲା ବର୍ତ୍ତମାନ ସ୍ୱାସ୍ଥ୍ୟ ବିଭାଗକୁ ଚିନ୍ତାରେ ପକାଇଛି । ଏହାକୁ ଦୃଷ୍ଟିରେ ରଖି ବର୍ତ୍ତମାନଠାରୁ ପ୍ରସ୍ତୁତି ଜୋରଦାର ହୋଇଛି । ଏଥି ସହିତ ମାର୍ଚ୍ଚରୁ ମେ ମଧ୍ୟରେ ତେଲେଙ୍ଗାନାରେ ୩୭,୩୩୨ ପିଲା କରୋନା ସଂକ୍ରମିତ ହୋଇଥିବା ସୂଚନୀ ମିଳିଛି ।

କରୋନାର ପ୍ରଭାବ ନବଜାତ ଶିଶୁଠାରୁ ଆରମ୍ଭ କରି ୧୯ ବର୍ଷ ବୟସର ପିଲାମାନଙ୍କ ଉପରେ ଅଧିକ ଦେଖାଦେଇଛି । ତେଲେଙ୍ଗାନା ସ୍ୱାସ୍ଥ୍ୟ ବିଭାଗର ସୂଚନାନୁସାରେ, ପିଲାମାନେ ଯେଉଁଭଳି ଭାବେ ସଂକ୍ରମିତ ହେଉଛନ୍ତି ତାହା ଚିନ୍ତାର ବିଷୟ। ସେହିପରି କରୋନାର ପ୍ରଥମ ଲହର ସମୟରେ ୧୫ଅଗଷ୍ଟରୁ ୧୫ ସେପ୍ଟେମ୍ବର ୨୦୨୦ ପର୍ଯ୍ୟନ୍ତ ତେଲେଙ୍ଗାନାରେ ୧୯,୮୨୪ ପିଲା ସଂକ୍ରମିତ ହୋଇଥିଲେ।

ମଧ୍ୟପ୍ରଦେଶର ଅବସ୍ଥା ମଧ୍ୟ ଏହି ସମୟରେ ଖରାପ ହେବାରେ ଲାଗିଛି। ମଧ୍ୟପ୍ରଦେଶରେ କରୋନାର ପ୍ରଥମ ଏବଂ ଦ୍ୱିତୀୟ ଲହର ଆରମ୍ଭରୁ ବର୍ତ୍ତମାନ ପର୍ଯ୍ୟନ୍ତ ପ୍ରାୟ ୫୪ ହଜାର ପିଲା କରୋନା ସଂକ୍ରମିତ ହୋଇଛନ୍ତି। ସେମାନଙ୍କ ବୟସ ସୀମା ୦ ରୁ ୧୮ ବର୍ଷ ମଧ୍ୟରେ ଥିବା କୁହାଯାଉଛି ।

୭ ହଜାର କୃଷକଙ୍କୁ ଟିକା ଦେଲେଣି ତବସୁମ

ପୁଲଓ୍ୱାମା: ଦେଶରେ କରୋନା ସଂକ୍ରମଣ ମାମଲା ହ୍ରାସ ହେଉଛି । ଭିନ୍ନ ଭିନ୍ନ ରାଜ୍ୟରେ ଆଗଧାଡ଼ିର ଯୋଦ୍ଧା ନିଜ କାମରେ ଲାଗିଛନ୍ତି । କରୋନା ଭୂତାଣୁକୁ ହରାଇବା ପାଇଁ ସମସ୍ତ ପ୍ରକାରର ଉଦ୍ୟମ ଜାରି ରହିଛି । ଭ୍ୟାକ୍ସିନେସନ ଅଭିଯାନକୁ ଦେଶରେ ଖୁବ୍‌ଗୁରୁତ୍ୱ ଦିଆଯାଉଛି । କରୋନରୁ ଲଢିବା ପାଇଁ ଭ୍ୟାକ୍ସିନ୍‌ଗୁରୁତ୍ୱପୂର୍ଣ୍ଣ । ଯାହାକୁ ଖୁବ୍‌ଭଲ ଭାବରେ ବୁଝିଛନ୍ତି ଜମ୍ମୁ କାଶ୍ମୀରର ତବସୁମ ।


ପୁଲଓ୍ୱାମା ଅଞ୍ଚଳରେ ଖୁବ୍‌ପ୍ରଶଂସା ସାଉଁଟୁଛନ୍ତି ତବସୁମ । ଚାଷୀ ମାନଙ୍କୁ ବଞ୍ଚାଇବା ପାଇଁ ଚାଷ ଜମିରେ ବୁଲି ସେମାନଙ୍କୁ ଟିକା ଦେଉଛନ୍ତି । ଏପର୍ଯ୍ୟନ୍ତ ସାତ ହଜାରରୁ ଅଧିକ ଲୋକଙ୍କୁ ଭ୍ୟାକ୍ସିନ ଦେଇ ସାରିଲେଣି ତବସୁମ । କେବଳ ଟିକା ଦେଉନାହାଁନ୍ତି ବରଂ ସମସ୍ତେ ଟିକା ନେବାପାଇଁ ସେ ଅନ୍ୟମାନଙ୍କୁ ପ୍ରେରଣା ଯୋଗାଉଛନ୍ତି ।

 

ଚାଷୀ ମାନଙ୍କୁ ଟିକା ଦେବାପାଇଁ ଠାଣି ନେଇଥିବା ତବସୁମ ଆଗକୁ ମଧ୍ୟ ଏହି ପ୍ରୟାସ ଜାରି ରଖିବେ ବୋଲି କୁହନ୍ତି । ରାସ୍ତା ଯେତେ ମଧ୍ୟ ଦୁର୍ଗମ ହେଉ, ଏସବୁକୁ ଖାତିର କରୁନାହାଁନ୍ତି ତବସୁମ ।

 

ସୂଚନାଯୋଗ୍ୟ ଜମ୍ମୁ କାଶ୍ମୀରରେ କରୋନା ମାମଲା କଥା ଯଦି ଆଲୋଚନା କରିବା ତେବେ ୨୪ ଘଣ୍ଟାରେ ସେଠାରେ ୨୪ ଲୋକଙ୍କ ଜୀବନ ନେଇଛି କିଲର ଭାଇରସ ।

‘ଉରି’ ଫିଲ୍ମର ନିର୍ଦ୍ଦେଶକଙ୍କ ସହ ବିବାହ ବନ୍ଧନରେ ବାନ୍ଧି ହେଲେ ୟାମି ଗୌତମ

ମୁମ୍ବାଇ: ଉରି ଫିଲ୍ମର ନିର୍ଦ୍ଦେଶକ ଆଦିତ୍ୟ ଧରଙ୍କ ସହିତ ବିବାହ ବନ୍ଧନରେ ବାନ୍ଧିହେଲେ ସୁନ୍ଦରୀ ବଲିଉଡ ଅଭିନେତ୍ରୀ ୟାମି ଗୌତମ । ଇଂଷ୍ଟାଗ୍ରାମରେ ଏହି କପଲ ଏକ ଫଟୋ ଶେୟାର କରି ବିବାହ କରିଥିବା ସୂଚନା ଦେଇଛନ୍ତି । କେବଳ ନିକଟ ସମ୍ପର୍କୀୟ ଏବଂ ବନ୍ଧୁବାନ୍ଧବଙ୍କ ଉପସ୍ଥିତରେ ବିବାହ କରିଛନ୍ତି ଏହି ଲଭ୍ବର୍ଡ଼ । ୟାମି ଲାଲ ରଙ୍ଗର ଶାଢୀ ପିନ୍ଧିଥିବା ବେଳେ ଆଦିତ୍ୟଙ୍କୁ ଅଫ୍ହ୍ୱାଇଟ୍ସେରଓ୍ୱାନୀରେ ଦେଖିବାକୁ ମିଳିଛି ।
ଏହି ଫଟୋ ସୋସିଅଲ ମିଡିଆରେ ଶେୟାର କରିବା ପରେ ଉଭୟଙ୍କୁ ବନ୍ଧୁ ଏବଂ ପ୍ରଶଂସକଙ୍କ ପକ୍ଷରୁ ପ୍ରଶଂସାର ସୁଅ ଛୁଟୁଛି ।

 

 

View this post on Instagram

 

A post shared by Yami Gautam (@yamigautam)

ସୂଚନାଯୋଗ୍ୟ ୟାମି ଗୌତମ ଏବଂ ଆଦିତ୍ୟ ଧର ୨୦୧୯ରେ ଉରି ଫିଲ୍ମରେ ଏକା ସାଙ୍ଗରେ କାମ କରିଥିଲେ । ଉରି ପାଇଁ ପୁରସ୍କାର ପାଇଥିବା ଆଦିତ୍ୟ ଏବେ ତାଙ୍କର ଆଗାମୀ ଫିଲ୍ମ ପାଇଁ ପ୍ରସ୍ତୁତ ହେଉଛନ୍ତି । ଅନ୍ୟପଟେ ୟାମି A Thursedayର ରିଲିଜକୁ ଅପେକ୍ଷା କରିଛନ୍ତି । ଯେଉଁଥିରେ ତାଙ୍କୁ ଏକ ଶିକ୍ଷୟତ୍ରୀ ଚରିତ୍ରରେ ଦେଖିବାର ସୁଯୋଗ ପାଇବେ ଦର୍ଶକ ।