spot_img

Latest Posts

ଗର୍ଜିଲା KL Rahulଙ୍କ ବ୍ୟାଟ୍, SENA ଦେଶରେ ଶତକର ନୂଆ ରେକର

ନନ୍ଦିଘୋଷବ୍ୟୁରୋ:  ଭାରତର ଦମଦାର ବ୍ୟାଟିଂ । ଗର୍ଜିଲା କେ.ଏଲ୍. ରାହୁଲଙ୍କ ବ୍ୟାଟ୍ । ରାହୁଲଙ୍କ ଶତକୀୟ ଇନିଂସରେ ମଜବୁତ ହେଲା ଭାରତର ସ୍ଥିତି । ତାଙ୍କ ସହ ଭଲ ଷ୍ଟାର୍ଟ ଦେଇଛନ୍ତି ପାଡିକଲ । ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଟେଷ୍ଟର ତୃତୀୟ ଦିନରେ ଭାରତୀୟ ବ୍ୟାଟରଙ୍କ ଦମଦାର ପ୍ରଦର୍ଶନ ଦେଖିବାକୁ ମିଳିଛି ।

ୱେଲିଂଟନର ବେସିନ୍ ରିଜର୍ଭରେ ଖେଳାଯାଉଥିବା ଟେଷ୍ଟ ମ୍ୟାଚରେ କେ.ଏଲ୍. ରାହୁଲ ୨୦୭ଟି ବଲ୍ ଖେଳି ନିଜର ୧୩ତମ ଟେଷ୍ଟ ଶତକ ହାସଲ କରିଛନ୍ତି । ଗତକାଲି ୫୨ ରନରେ ଅପରାଜିତ ଥିବା ରାହୁଲ ଆଜି ଜାକବ ଡଫିଙ୍କ ବଲରେ ସିଙ୍ଗଲ୍ ନେଇ ଶତକ ପୂରଣ କରିଥିଲେ । ଏହି ଶତକ ସହ ରାହୁଲ ଏକ ନୂଆ ଇତିହାସ ରଚିଛନ୍ତି । ସମସ୍ତ SENA ଦେଶ ଅର୍ଥାତ୍ ଦକ୍ଷିଣ ଆଫ୍ରିକା, ଇଂଲଣ୍ଡ, ନ୍ୟୁଜିଲାଣ୍ଡ ଓ ଅଷ୍ଟ୍ରେଲିଆରେ ଟେଷ୍ଟ ଶତକ ହାସଲ କରିଥିବା ପ୍ରଥମ ଭାରତୀୟ ଓପନର୍ ହୋଇଛନ୍ତି କେ.ଏଲ୍. ରାହୁଲ ।

ଏହାସହ ସଚିନ ତେନ୍ଦୁଲକର, ରାହୁଲ ଦ୍ରାବିଡ, ବିରାଟ କୋହଲି ଓ ମହମ୍ମଦ ଆଝାରୁଦ୍ଦିନଙ୍କ ପରେ ସମସ୍ତ SENA ଦେଶରେ ଟେଷ୍ଟ ଶତକ ହାସଲ କରିଥିବା ଭାରତୀୟଙ୍କ ଏଲିଟ୍ ତାଲିକାରେ ସାମିଲ ହୋଇଛନ୍ତି । ସେହିପରି ୧୨ ବର୍ଷ ପରେ ନ୍ୟୁଜିଲାଣ୍ଡ ମାଟିରେ କୌଣସି ଭାରତୀୟଙ୍କ ଟେଷ୍ଟ ଶତକ ଏହା ପ୍ରଥମ । ରାହୁଲଙ୍କ ଏହି ଶତକ ଭାରତୀୟ ଦଳ ପାଇଁ ଏକ ବଡ଼ ଉପଲବ୍ଧି ସାବ୍ୟସ୍ତ ହୋଇଛି ।

Latest Posts

Don't Miss