spot_img
Home Blog Page 5722

କୋଭିଡ ହସ୍ପିଟାଲରୁ ଆସିଛି ଆଶ୍ୱସ୍ତିକର ଦୃଶ୍ୟ: ଆପଣାର ନୁହଁନ୍ତି କିନ୍ତୁ ଆତ୍ମୀୟଙ୍କ ଭଳି ଚାଲିଛି ଚିକିତ୍ସା

ବ୍ରହ୍ମପୁର:  ମହାରାଜା କୃଷ୍ଣଚନ୍ଦ୍ର ଗଜପତି ଭେଷଜ ମହାବିଦ୍ୟାଳୟ ଏବଂ ହସ୍ପିଟାଲ( ଏମକେସିଜି)ରୁ ଆସିଛି ଭଲଖବର । କରୋନା ରୋଗୀଙ୍କ ଚିକିତ୍ସା ସହ ଦିଆଯାଉଛି ଏକ୍ସଟ୍ରା କେୟାର । ବହୁ ସମୟରେ ମେଡିକାଲରେ ରୋଗୀଙ୍କୁ ଚିକିତ୍ସା ଅବା ଯତ୍ନ ଠିକ୍‌ରେ ନିଆଯାଉନଥିବା ଅଭିଯୋଗ ହେଉଛି । କିନ୍ତୁ ବ୍ରହ୍ମପୁର ବଡ଼ ମେଡିକାଲର ଏଭଳି ଚିତ୍ର ସମସ୍ତଙ୍କ ମନରେ ଆଶ୍ୱସ୍ତି ଆଣିଦେଇଛି ।

ଏମକେସିଜିରେ କରୋନା ରୋଗୀଙ୍କୁ ମେଡିକାଲ ଷ୍ଟାଫ ମାନଙ୍କ ଦ୍ୱାରା ଏକ୍ସଟ୍ରା କେୟାର କରାଯାଉଛି । କରୋନାରେ ଆକ୍ରାନ୍ତ ହେବା ପରେ ସାଧାରଣତଃ ଦୁର୍ବଳ ହୋଇଯାନ୍ତି ଲୋକ । ବୟସ୍କମାନେ ବସି ଉଠି ପାରୁନଥିବା ବେଳେ ଚାଲିବାରେ ବି ଅକ୍ଷମ ଥାନ୍ତି । ଏହି ସମୟରେ ନିଜର ଲୋକ ପାଖରେ ନାହାନ୍ତି । ତେଣୁ ହସ୍ପିଟାଲ ଷ୍ଟାଫ୍ ସେମାନଙ୍କ ଯତ୍ନ ନେଉଛନ୍ତି । ମହିଳାଙ୍କ ମୁଣ୍ଡ କୁଣ୍ଡାଇବା, ବେଣୀ ପକାଇବା, ଚୁଟିରେ ତେଲ ଲଗାଇବା, ପୁରୁଷଙ୍କୁ ଦାଢି କାଟିବା ପରି କେୟାର ନେଉଥିବାର ଭିଡିଓ ସାମ୍ନାକୁ ଆସିଛି । ଏଭଳି କରିବା ଦ୍ୱାରା ରୋଗୀ ମଧ୍ୟ ଧୀରେ ଧୀରେ ଆତ୍ମବିଶ୍ବାସ ପାଇ ସୁସ୍ଥ ହେଉଥିବା ଦେଖାଯାଉଛି । ଏଭଳି ଭିଡ଼ିଓକୁ ନେଇ ଜିଲା ପ୍ରଶାସନ ଡାକ୍ତର ଓ ମେଡିକାଲ ଟିମକୁ ପ୍ରଶଂସା କରିଛନ୍ତି ।

ବ୍ଳୁ ଟିକ୍ ହଟାଇବାର କିଛି ଘଣ୍ଟା ପରେ ପୁଣି ଯୋଡ଼ିଲା ଟ୍ୱିଟର୍

ନୂଆଦିଲ୍ଲୀ: ଭାରତର ଉପ ରାଷ୍ଟ୍ରପତି ଏମ୍‌. ଭେଙ୍କିୟା ନାଇଡୁ ଟ୍ୱିଟ୍‌ର ହ୍ୟାଣ୍ଡେଲରୁ ଶନିବାର ‘ବ୍ଲୁ ବ୍ୟାଜ୍’ ବା ‘ ବ୍ଲୁ ଟିକ୍‌’ ସଂକେତ ହଟାଯିବାର କିଛି ଘଣ୍ଟା ପରେ ପୁଣି ତାକୁ ଲଗାଇ ଦିଆଯାଇଛି । ଏସଂକ୍ରାନ୍ତରେ ସ୍ପଷ୍ଟିକରଣ ଦେଇ ‘ଟ୍ୱିଟର’ କହିଛି ଯେ, ‘ଲଗ୍‌ଇନ୍‌’ କରିବାରେ ଦୀର୍ଘ ଦିନ ବ୍ୟବଧାନ ରହିବା କାରଣୁ ‘ବ୍ଲୁ ଟିକ୍‌’ ଉଠିଯାଇଥିଲା। କିନ୍ତୁ, ୯.୩୨ ଲକ୍ଷ ଅନୁଗାମୀ ଥିବା ଉପରାଷ୍ଟ୍ରପତିଙ୍କ ସରକାରୀ ହ୍ୟାଣ୍ଡଲ୍‌ରେ ‘ବ୍ଲୁ ଟିକ୍‌’ ପୂର୍ବବତ୍ ରହିଛି। ଏହାକୁ ଉପରାଷ୍ଟ୍ରପତିଙ୍କ ସଚିବାଳୟ ପରିଚାଳନା କରିଥାଏ।

ସୂଚନାଯୋଗ୍ୟ, ଭେଙ୍କୟା ନାଇଡୁଙ୍କ ବ୍ୟକ୍ତିଗତ ଟୁଇଟର୍‌ ହ୍ୟାଣ୍ଡଲ୍‌ରେ ୧.୩ ମିଲିୟନ୍ ଊର୍ଦ୍ଧ୍ବ ଅନୁଗାମୀ ରହିଛନ୍ତି। ‘ଟୁଇଟର୍‌ ହ୍ୟାଣ୍ଡଲ୍‌’ଟି ଅସଲି ବୋଲି ‘ବ୍ଲୁ ଟିକ୍‌’ ସୂଚାଇ ଥାଏ। ‘ବ୍ଲୁ ଟିକ୍‌’ ପାଇବାକୁ ହେଲେ ଆକାଉଣ୍ଟ୍‌ ଅସଲି, ଗୁରୁତ୍ବପୂର୍ଣ୍ଣ ହେବା ସହ ଏବଂ ସକ୍ରିୟ ରହିଥିବା ଆବଶ୍ୟକ। ସରକାରୀ କମ୍ପାନି, ବ୍ରାଣ୍ଡ୍‌ ଏବଂ ଲାଭରହିତ ସଂସ୍ଥାନ, ସମ୍ବାଦ ସଂସ୍ଥାନ ଏବଂ ସାମ୍ବାଦିକ, ମନୋରଞ୍ଜନ, କ୍ରୀଡ଼ା ଏବଂ ଗେମିଙ୍ଗ୍‌, ସାମାଜିକକର୍ମୀ, ସଂଗଠକ ଏବଂ ଅନ୍ୟାନ୍ୟ ପ୍ରଭାବଶାଳୀ ବ୍ୟକ୍ତିବିଶେଷଙ୍କର ଆକାଉଣ୍ଟ୍‌ ସବୁକୁ ଟୁଇଟର୍‌ ଯାଞ୍ଚ କରିଥାଏ। ଯେକୌଣସି ସମୟରେ ଏବଂ ବିନା ନୋଟିସ୍‌ରେ ‘ଟୁଇଟର୍‌’ ଯେକୌଣସି ‘ଟୁଇଟର୍‌ ଆକାଉଣ୍ଟ୍‌’ରୁ ‘ଭେରିଫାଏଡ୍‌ ବ୍ୟାଜ୍’ ଏବଂ ‘ଭେରିଫାଏଡ୍‌ ଷ୍ଟାଟସ୍‌’ ପ୍ରତ୍ୟାହାର କରି ନେଇପାରେ।

ନାବାଳିକାଙ୍କୁ ଦୁଷ୍କର୍ମ ଅଭିଯୋଗରେ ନାଗିନ ଫେମ୍ ଅଭିନେତା ପର୍ଲ ବି ଗିରଫ

ମୁମ୍ବାଇ: ମୁମ୍ବାଇର ବାଲିବ ପୋଲିସ ନାଗିନ ଫେମ୍ଟିଭି ଆକ୍ଟର ପର୍ଲ ବି ପୁରୀଙ୍କ ବିରୁଦ୍ଧରେ ଦୁଷ୍କର୍ମ ମାମଲା ଅଭିଯୋଗ ହୋଇଛି । ପୋଲିସ ୪ ଜୁନ ଶୁକ୍ରବାର ଏହି ଅଭିନେତାଙ୍କୁ ଗିରଫ କରିଛି । ଏହି ମାମଲାକୁ ନେଇ ପୀଡ଼ିତା ପୋଲିସକୁ ବୟାନ ଦେଇଛନ୍ତି । ବାରମ୍ବାର ଦୁଷ୍କର୍ମ କରାଯାଇଥିବା ଅଭିଯୋଗ ଆଣିଛନ୍ତି ପୀଡ଼ିତା ।

 

 

View this post on Instagram

 

A post shared by Pearl V Puri (@pearlvpuri)

ଅଭିନେତାଙ୍କୁ ପୋଲିସ ହେପାଜତକୁ ନିଆଯାଇଛି । ପର୍ଲଙ୍କୁ Pocso ଧାରା ଅନୁସାରେ ନାବାଳିକାକୁ ଦୁଷ୍କର୍ମ ଅଭିଯୋଗରେ ଗିରଫ କରାଯାଇଛି ।
ପର୍ଲ ଅଧିକାଂଶ ସମୟରେ ରିଲେସନସିପକୁ ନେଇ ଚର୍ଚ୍ଚାରେ ରୁହନ୍ତି । କିଛି ଦିନ ପୂର୍ବରୁ କରିସ୍ମା ତନ୍ନାଙ୍କ ସହିତ ତାଙ୍କ ସମ୍ପର୍କକୁ ନେଇ ଖୁବ୍ଚର୍ଚ୍ଚା ହେଉଥିଲା । କିନ୍ତୁ ଦୁଇଜଣଙ୍କ ମଧ୍ୟରେ ବ୍ରେକ୍ଅପ ହୋଇଗଲା । କିନ୍ତୁ ଏବେ ମଧ୍ୟ ଦୁଇଜଣଙ୍କ ମଧ୍ୟରେ ବନ୍ଧୁତା ରହିଛି ।

ପର୍ଲ ନାଗିନ ଥ୍ରି ବ୍ୟତୀତ ଅନ୍ୟ କେତେକ ଟିଭି ଶୋ’ରେ ମଧ୍ୟ ନଜର ଆସିଛନ୍ତି । ଦିଲ କି ନଜର ସେ ଖୁବସୁରତ, ଫିର ଭି ନା ମାନେ ବତମିଜ୍ଦିଲ, ମେରୀ ଶାଶୁ ମା, ନାଗାର୍ଜୁନ ଏକ ଯୋଦ୍ଧା, ବେପନହା ପ୍ୟାର ଏବଂ ବ୍ରହ୍ମରାକ୍ଷସରେ ପର୍ଲ ବି ନଜର ଆସିଥିଲେ ।

ଅଭିନେତା ଅଟଳ ବିହାରୀଙ୍କ ବିୟୋଗରେ ମୁଖ୍ୟମନ୍ତ୍ରୀଙ୍କ ଶୋକ

ଭୁବନେଶ୍ୱର: ବୁର୍ଲା ଭିମସାରରେ ଚିକିତ୍ସାଧୀନ ଅବସ୍ଥାରେ ବିଶିଷ୍ଟ ଅଭିନେତା, ନାଟ୍ୟ କଳାକାର ତଥା କଥାକାର ଅଟଳ ବିହାରୀ ପଣ୍ଡାଙ୍କ ପରଲୋକ ହୋଇଛି। ତାଙ୍କ ଦେହାନ୍ତ ଖବର ପାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଭୀର ଶୋକପ୍ରକାଶ କରିଛନ୍ତି । ଶଲାବୁଢ଼ା, ‘ଆଦିମ ବିଚାର’ ପରି ଚଳଚ୍ଚିତ୍ରରେ ନିଖୁଣ ଅଭିନୟ ତାଙ୍କୁ ଚିରସ୍ମରଣୀୟ କରି ରଖିବ ବୋଲି କହିଛନ୍ତି ମୁଖ୍ୟମନ୍ତ୍ରୀ । ତାଙ୍କ ବିୟୋଗ ଓଡ଼ିଆ କଳା ଜଗତ ପାଇଁ ଏକ ଅପୂରଣୀୟ କ୍ଷତି। ତାଙ୍କ ଅମର ଆତ୍ମାର ସଦଗତି କାମନା ସହ ପରିବାରବର୍ଗଙ୍କ ପ୍ରତି ସମବେଦନା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ଏଥିସହିତ ପଢ଼ନ୍ତୁ: ଆରପାରିକୁ ଚାଲିଗଲେ ‘ଶଲାବୁଢ଼ା’, ଚିକିତ୍ସାଧିନ ଅବସ୍ଥାରେ ବୁର୍ଲା ଭିମସାରରେ ପରଲୋକ

ଦେଶରେ ଏପ୍ରିଲ ୬ ପରେ ସବୁଠୁ କମ ସଂକ୍ରମିତ ଚିହ୍ନଟ

ନୂଆଦିଲ୍ଲୀ: କରୋନାକୁ ନେଇ ଆସିଛି ଆଶ୍ୱସ୍ତିକର ଖବର । ଏବେ ଦେଶରେ ନିୟନ୍ତ୍ରଣକୁ ଆସୁଛି କରୋନା । ୨୪ ଘଣ୍ଟାରେ ଚିହ୍ନଟ ହୋଇଛନ୍ତି ୧ ଲକ୍ଷ ୨୦ ହଜାର ୫୨୯ ପଜିଟିଭ୍ । ଏପ୍ରିଲ ୬ ପରେ ଶନିବାର ଦିନ ସବୁଠୁ କମ ସଂକ୍ରମିତ ଚିହ୍ନଟ ହୋଇଛନ୍ତି । ସେହିପରି ଆଉ ୩ ହଜାର ୩୮୦ ଜଣଙ୍କ ଜୀବନ ନେଇଛି ମହାମାରୀ ।

ତେବେ ଆଜିର ସଂଖ୍ୟାକୁ ମିଶାଇ ଦେଶରେ ଏପର୍ଯ୍ୟନ୍ତ ଚିହ୍ନଟ ହେଲେଣି ୨ କୋଟି ୮୬ ଲକ୍ଷ ୯୪ ହଜାର ୮୭୯ ଜଣ । ସେହିପରି ଦେଶରେ କିଲର ଭାଇରସରେ ପ୍ରାଣ ହରାଇଲେଣି ୩ ଲକ୍ଷ ୪୪ ହଜାର ୮୨ ଜଣ । ଦେଶରେ ୨ କୋଟି ୬୭ ଲକ୍ଷ ୯୫ ହଜାର ୫୪୯ ଜଣ ସୁସ୍ଥ ହୋଇଥିବା ବେଳେ, ଆକ୍ଟିଭ୍ କେସ୍ ରହିଛି ୧୫ ଲକ୍ଷ ୫୫ ହଜାର 2୪୮ ।

ଦେଶରେ କରୋନାର ମୃତ୍ୟୁ ହାର ୧.୧୯ ପ୍ରତିଶତ ଥିବାବେଳେ ସୁସ୍ଥ ହାର ୯୩ ପ୍ରତିଶତରୁ ଅଧିକ ହୋଇଛି । ସକ୍ରିୟ ମାମଲା ୬ ପ୍ରତିଶତରୁ କମ୍ ହୋଇଛି । କରୋନା ସକ୍ରିୟ ମାମଲାରେ ଭାରତ ବିଶ୍ୱରେ ଦ୍ୱିତୀୟ ସ୍ଥାନରେ ରହିଛି। ମୋଟ ସଂକ୍ରମିତ ସଂଖ୍ୟା ଦୃଷ୍ଟିରୁ ମଧ୍ୟ ଭାରତ ଦ୍ୱିତୀୟ ସ୍ଥାନରେ ରହିଛି। ଆମେରିକା ବ୍ରାଜିଲ ପରେ ବିଶ୍ୱରେ ଭାରତରେ ମୃତ୍ୟୁ ସଂଖ୍ୟା ସର୍ବାଧିକ ରହିଛି ।

ସେହିପରି ଉତ୍ତରପ୍ରଦେଶରେ ମଧ୍ୟ ସଂକ୍ରମିତଙ୍କ ସଂଖ୍ୟାରେ ହ୍ରାସ ହେଉଥିବା ନଜର ଆସିଛି । ଗତ ୨୪ ଘଣ୍ଟା ମଧ୍ୟରେ ୟୁପିରେ ୧,୧୭୫ ନୂତନ ସଂକ୍ରମିତ ରୋଗ ଦେଖିବାକୁ ମିଳିଛି । ଏହାସହ ୧୩୬ ଜଣଙ୍କର ମୃତ୍ୟୁ ହୋଇଛି। ଶୁକ୍ରବାର ଦିନ ୩୬୪୬ ଲୋକ ମଧ୍ୟ ଏହି ସଂକ୍ରମଣରୁ ମୁକ୍ତ ହୋଇଛନ୍ତି।

ଡେଲ୍ଟା ଭାରିଆଣ୍ଟ ବିରୋଧରେ କାମ କରୁନି ଫାଇଜର ଟିକା

ନୂଆଦିଲ୍ଲୀ: କରୋନା ଭାଇରସର ଡେଲଟା ଭାରିଆଣ୍ଟ ବିରୋଧରେ କାମ କରୁନି ଫାଇଜର ଟିକା । ଯେଉଁମାନଙ୍କଠାରେ କରୋନାର ଡେଲଟା ଭାରିଆଣ୍ଟ ଠାବ ହୋଇଛି, ସେମାନେ ଫାଇଜର ଟିକା ନେବା ପରେ ବି ୫ ଗୁଣା କମ୍ ଆଣ୍ଟିବଡି ତିଆରି ହେଉଛି । ଫାଇଜରର ଟିକାର ଦୁଇଟି ଯାକ ଡୋଜ ନେଇଥିବା ବ୍ୟକ୍ତି କରୋନାର ମୂଳ ଭାଇରସ ତୁଳନାରେ ଡେଲଟା ଭାରିଆଣ୍ଟ କ୍ଷେତ୍ରରେ ଏଭଳି ଦୁର୍ବଳ ପ୍ରଦର୍ଶନ କରୁଛି । ଆଗାମୀ ଦିନରେ ଟିକା ନିର୍ମାତା ଫାଇଜର ଓ ବାଇୟୋନ ଟେକ୍ କମ୍ପାନୀ ଏହାର ବୁଷ୍ଟର ଡୋଜ୍ ସମ୍ପର୍କରେ ଯୋଜନା କରୁଛି । ଏହି ସର୍ଭେ ରିପୋର୍ଟ ଅନୁସାରେ କରୋନାର ମୂଳ ଭାରିଆଣ୍ଟ ବିରୋଧରେ ଫାଇଜର ଗୋଟିଏ ଡୋଜ୍ ଟିକା ୭୯ ପ୍ରତିଶତ ଲୋକଙ୍କଠାରେ ଆଣ୍ଟିବଡ଼ି ତିଆରି କରିପାରୁଥିଲା । କିନ୍ତୁ ଆଲଫା ଭାରିଆଣ୍ଟ କ୍ଷେତ୍ରରେ ଏହା ମାତ୍ର ୫୦ ପ୍ରତିଶତ, ଡେଲଟା କ୍ଷେତ୍ରରେ ୩୨ ପ୍ରତିଶତ ଏବଂ ବେଟା ଭାରିଆଣ୍ଟ କ୍ଷେତ୍ରରେ ୨୫ ପ୍ରତିଶତ ଆଣ୍ଟିବଡ଼ି ତିଆରି କରିପାରୁଛି ।

ଏଥିସହିତ ପଢ଼ନ୍ତୁ: ଏନ୍‌ଆଇଟି ଛାତ୍ରଛାତ୍ରୀଙ୍କ ଉଦ୍ଭାବନ: ଆପ୍ ଜରିଆରେ ଜାଣି ହେବ କରୋନା ସମ୍ପର୍କିତ ସବୁ ସୂଚନା

କଟକଣା ମଧ୍ୟରେ ସୋମବାର ଠାରୁ ଖୋଲିବ ଓଡ଼ିଶା ହାଇକୋର୍ଟ

କଟକ: କଟକଣାରେ ଆସନ୍ତା ସୋମବାରଠୁ ଚାଲିବ ହାଇକୋର୍ଟ । ସୋମବାର ଠାରୁ ଜୁଲାଇ ୨ ତାରିଖ ଯାଏଁ କୋର୍ଟ ଚାଲିବ । ପ୍ରତି କାର୍ଯ୍ୟ ଦିବସରେ ଗୋଟିଏ ଡିଭିଜନ ଓ ୬ ସିଙ୍ଗିଲ ବେଞ୍ଚ କାମ କରିବ । ଭିସିରେ ସକାଳ ୧୦ଟା ୩୦ରୁ ଚାଲିବ କୋର୍ଟ କାମ । ୫୦ ପ୍ରତିଶତ କର୍ମଚାରୀରେ କୋର୍ଟ କାମ ଜାରି ରହିବ । କୋର୍ଟକୁ ଆସୁଥିବା କର୍ମଚାରୀ ସାଙ୍ଗରେ ଆଇକାର୍ଡ ନେଇ ଆସିବେ । ଅଫିସର ଓ କର୍ମଚାରୀଙ୍କ ବ୍ୟତୀତ ଅନ୍ୟମାନଙ୍କୁ କୋର୍ଟ ଆସିବା ମନା । ଅନଲାଇନରେ ଚାଲିବ ଅଭିଯୋଗ ଓ କାଗଜପତ୍ର ଦାଖଲ ପ୍ରକ୍ରିୟା । ଇ-ଫାଇଲିଂ ପୋର୍ଟାଲରେ ଅଭିଯୋଗ ଓ କାଗଜପତ୍ର ଦାଖଲ କରିହେବ । ସକାଳ ୧୦ଟା ୩୦ରୁ ୧୨ଟା ୩୦ ମଧ୍ୟରେ ଅନଲାଇନରେ ଆବେଦନ କରିପାରିବେ ।

ଏଥିସହିତ ପଢ଼ନ୍ତୁ: ଆରପାରିକୁ ଚାଲିଗଲେ ‘ଶଲାବୁଢ଼ା’, ଚିକିତ୍ସାଧିନ ଅବସ୍ଥାରେ ବୁର୍ଲା ଭିମସାରରେ ପରଲୋକ

ରାଜ୍ୟରେ ଆଉ ୭ହଜାର ୩୯୫ ସଂକ୍ରମିତ ଚିହ୍ନଟ: ୪୦ ଆକ୍ରାନ୍ତଙ୍କ ମୃତ୍ୟୁ

ଭୁବନେଶ୍ୱର: ରାଜ୍ୟରେ ଖସୁଛି କରୋନା ଗ୍ରାଫ୍ । ୨୪ ଘଣ୍ଟାରେ ଆଉ ୭ହଜାର ୩୯୫ ପଜିଟିଭ ଚିହ୍ନଟ ହୋଇଛନ୍ତି । ୪୦ ଆକ୍ରାନ୍ତଙ୍କ ଜୀବନ ନେଇଛି କିଲର ଭାଇରସ୍ । ୧୧ହଜାର ୩୪୭ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି । କ୍ବାରେଣ୍ଟାଇନରୁ ୪ହଜାର ୧୬୯, ଲୋକାଲ କେସ୍ ୩ହଜାର ୨୨୬ । ଚିହ୍ନଟ ହୋଇଥିବା ବେଳେ ଖୋର୍ଦ୍ଧାରୁ ସର୍ବାଧିକ ୧୦୬୯, କଟକରୁ ୮୬୮ ସଂକ୍ରମିତ ଚିହ୍ନଟ ହୋଇଛନ୍ତି । ଯାଜପୁରରୁ ୫୧୬ ସଂକ୍ରମିତ ଚିହ୍ନଟ ହୋଇଛନ୍ତି ।

ସେହିଭଳି ଅନୁଗୁଳରୁ ୪୪୩, ବାଲେଶ୍ୱରରୁ ୨୮୫, ବରଗଡ଼ ୧୭୧, ଭଦ୍ରକ ୨୩୮, ବଲାଙ୍ଗୀର ୮୧, ବୌଦ୍ଧ ୧୩୩, କଟକ ୮୬୮, ଦେବଗଡ଼ ୫୭, ଢେଙ୍କାନାଳ ୮୧, ଗଜପତି ୫୨, ଗଞ୍ଜାମ ୬୯, ଜଗତସିଂହପୁର ୨୮୮, ଯାଜପୁର ୫୧୬, ଝାରସୁଗୁଡ଼ା ୬୬, କନ୍ଧମାଳ ୭୬, କେନ୍ଦ୍ରାପନା ୩୪୧, କେନ୍ଦୁଝର ୧୫୮, କୋରାପୁଟ ୧୬୧, ମାଲକାନଗିରି ୧୧୦, ମୟୂରଭଞ୍ଜ ୩୮୪, ନବରଙ୍ଗପୁର ୧୯୬, ନୟାଗଡ଼ ୨୪୩, ନୂଆପଡ଼ା ୨୨, ପୁରୀ ୩୫୬, ରାୟଗନା ୧୨୫, ସମ୍ୱଲପୁର ୧୩୭, ସୋନପୁର ୯୧, ସୁନ୍ଦରଗଡ଼ ୨୬୭ ଓ ଷ୍ଟେଟ୍ ପୁଲ୍‌ରୁ  ୧୪୫ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି ।  ରାଜ୍ୟରେ ମୋଟ୍ ସଂକ୍ରମିତଙ୍କ ସଂଖ୍ୟା ୮ଲକ୍ଷ ୬ହଜାର ୯୪ ଥିବା ବେଳେ ମୋଟ୍ ସୁସ୍ଥ ହେଲେଣି ୭ଲକ୍ଷ ୨୪ହଜାର ୪୦୨ । ଆକ୍ଟିଭ କେସ୍ ୭୮ହଜାର ୬୮୭ ।

ଆରପାରିକୁ ଚାଲିଗଲେ ‘ଶଲାବୁଢ଼ା’, ଚିକିତ୍ସାଧିନ ଅବସ୍ଥାରେ ବୁର୍ଲା ଭିମସାରରେ ପରଲୋକ

ସମ୍ବଲପୁର: ଚାଲିଗଲେ ବରିଷ୍ଠ ଅଭିନେତା ଅଟଳ ବିହାରୀ ପଣ୍ଡା। ଚିକିତ୍ସାଧିନ ଅବସ୍ଥାରେ ବୁର୍ଲା ଭିମସାରରେ ତାଙ୍କର ପରଲୋକ ହୋଇଛି। ଗତକାଲି ବିଳମ୍ବିତ ରାତି ୩ଟା ୪୫ରେ ତାଙ୍କର ମୃତ୍ୟୁ ହୋଇଥିବା ଜଣାପଡିଛି। ଶଲାବୁଢ଼ା, ଆଦିମ ବିଚାର, ଶଲାବୁଢାର ବଦଲାରେ ମୁଖ୍ୟ ଚରିତ୍ରରେ ଅଭିନୟ କରି ଘରେ ଘରେ ପରିଚିତ ଥିଲେ ଅଟଳ ବିହାରୀ ପଣ୍ଡା। ଏହାସହ ସମ୍ବଲପୁରୀ ଚଳଚ୍ଚିତ୍ରରେ ମଧ୍ୟ ଅଭିନୟ କରିଥିଲେ । ବାର୍ଦ୍ଧକ୍ୟ ଜନିତ କାରଣରୁ ତାଙ୍କ ବିୟୋଗ ହୋଇଛ। ମୃତ୍ୟୁ ବେଳକୁ ତାଙ୍କୁ ୯୧ ବର୍ଷ ହୋଇଥିଲା ।

ଶଲା ବୁଢ଼ା’ ସିନେମା ପଶ୍ଚିମ ଓଡ଼ିଶାର ଜଣେ ଗାଉଁଲି ଜମିଦାର କାହାଣୀକୁ ନେଇ ନିର୍ମାଣ କରାଯାଇଥିବା ଏହି ସିନେମା । ଯାହା କେବଳ ଭାରତରେ ନୁହେଁ, ଦେଶ ବାହାରେ ମଧ୍ୟ ରେକର୍ଡ କରିଛି। ଅନେକ ପୁରସ୍କାର ସାଉଁଟିଛି । ବିଶେଷ କରି ‘ଶଲା ବୁଢ଼ା’ର ମୁଖ୍ୟ ଚରିତ୍ରରେ ଅଭିନୟ କରିଥିବା ଅଟଳ ବିହାରୀ ପଣ୍ଡାଙ୍କ ନିଖୁଣ ଅଭିନୟ ଓ ଜଣେ କଳାକାରର ମିଶ୍ରିତ ଛୁଙ୍କକୁ ପ୍ରତିପାଦିତ କରିଛି। ଅଟଳ ପଣ୍ଡା ଏହି ସିନେମାରେ ଯେଉଁ ଅଭିନୟ କରିଛନ୍ତି ତାହା ତାଙ୍କୁ ଜଣେ ଆଗଧାଡ଼ିର କଳାକାରଙ୍କ ମଧ୍ୟରେ ସାମିଲ କରି ପାରିଥିଲେ। ତେବେ ପିତା  ନବେ ବର୍ଷ ବୟସରେ ଶଲା ବୁଢ଼ା କିଭଳି ବଦଲା ବା ପ୍ରତିଶୋଧ ନେଉଛି, ତାହା ଏହି ସିନେମାର କାହାଣୀ। ‘ଶଲା ବୁଢ଼ାର୍ ବଦଲା’କୁ ମିଳିଛି ଜାତୀୟ ଚଳଚ୍ଚିତ୍ର ପୁରସ୍କାର। ୬୭ ତମ ଜାତୀୟ ଚଳଚ୍ଚିତ୍ର ପୁରସ୍କାର ସାଉଁଟିଥିବା ଏହି ସିନେମା କେବଳ ଯେ ଜଣେ ନିଚ୍ଛକ ଗାଉଁଲି ବୁଢ଼ାର ବଦଲାକୁ ନେଇ ନିର୍ମିତ ତାହା ନୁହେଁ। ଜଣେ ନିଷ୍କପଟ, ସରଳ ହୃଦୟର ବର୍ଣ୍ଣନା ମଧ୍ୟ, ଯାହାକୁ ଫିଲ୍ମ ଆକାରରେ ବାସ୍ତବ ଦୁନିଆକୁ ଅଣାଯାଇଥିଲା ।

ବ୍ରିଟେନ୍‌ରେ ପିଲାଙ୍କ ପାଇଁ ଫାଇଜର ଟିକାକୁ ଅନୁମତି

ଲଣ୍ଡନ: ଆସୁଛି କରୋନାର ତୃତୀୟ ଲହର । ତୃତୀୟ ଲହରରେ ଶିଶୁ ବା ୧୮ ବର୍ଷରୁ କମ୍‌ ପିଲାଙ୍କୁ କରୋନା ସଂକ୍ରମଣ ହେବର ଆଶଙ୍କା ରହିଛି । ଏନେଇ ଭାରତ ରଣନୀତି ପ୍ରସ୍ତୁତି କରୁଥିବା ବେଳେ ବ୍ରିଟେନ୍‌ରେ ୧୨ରୁ ୧୫ ବର୍ଷର ପିଲାଙ୍କ ଟିକାକରଣ ହେବା ନେଇ ନିଷ୍ପତ୍ତି ହୋଇଛି । ବ୍ରିଟେନ୍‌ ସରକାର ପିଲା ମାନଙ୍କ ଟିକାକରଣ କରାଇବାକୁ ନିଷ୍ପତ୍ତି ନେଇଛନ୍ତି । ବ୍ରିଟେନ୍‌ରେ ୧୨ରୁ ୧୫ ବର୍ଷର ପିଲାଙ୍କୁ ଫାଇଜର ଟିକା ଦେବା ପାଇଁ ଅନୁମତି ଦେଇଛନ୍ତି । ବ୍ରିଟେନ୍‌ରେ ଏନେଇ ଗତକାଲି ସମୀକ୍ଷା କରାଯାଇ ନିଷ୍ପତ୍ତି ନିଆଯାଇଥିଲା । ପରେ ଏନେଇ ଗଣମାଧ୍ୟମକୁ ସୂଚନା ଦିଆଯାଇଥିବା ଜଣାପଡ଼ିଛି । ବ୍ରିଟେନ୍‌ ସରକାରଙ୍କ କହିବା ଅନୁଯାୟୀ, ଫାଇଜରର ଟିକା ପିଲାଙ୍କ ସମ୍ପୂର୍ଣ୍ଣ ସୁରକ୍ଷିତ । EU ଓ USରେ ବି ଏହାକୁ ନେଇ ସମୀକ୍ଷା କରାଯାଉଛି । ଅପରପକ୍ଷରେ ଭାରତରେ କୋଭାକ୍ସିନ୍ କୁ ଡିଜିସିଏ ପକ୍ଷରୁ ଅନୁମତି ମିଳିଥିବା ବେଳେ ଏ ନେଇ କ୍ଳିନିକାଲ ଟ୍ରାଏଲ ଆରମ୍ଭ ହୋଇଯାଇଛି ।

ଏଥିସହିତ ପଢ଼ନ୍ତୁ: ସ୍ପୁଟ୍‌ନିକ୍‌-ଭି ଟିକା ତିଆରି କରିବ ସେରମ୍ ଇନ୍‌ଷ୍ଟିଚ୍ୟୁଟ୍