spot_img

Latest Posts

କାଲିମେଳାରୁ ୩୯୦ଟି ଭାରତୀୟ ଫ୍ଲାପ୍‌ସେଲ୍ କଇଁଛ ଜବତ

କାଲିମେଳା: ମାଲକାନଗିରି କାଲିମେଳାରୁ ୩୯୦ଟି ଭାରତୀୟ ଫ୍ଲାପ୍‌ସେଲ୍ କଇଁଛ ଜବତ  । ବୋଲେର ଗାଡ଼ି ଛାଡ଼ି ଅନ୍ଧାରରେ ଚମ୍ପଟ ମାରିଲା ଚାଳକ । ବେଆଇନ ଭାବେ କଇଁଛ ଚାଲାଣ ହେଉଥିବା ବେଳେ କାଲିମେଳା ବନ ବିଭାଗର ଏକ ଟିମ୍ ଏମ୍‌ପିଭି-୭୪ କୁମ୍ଭାର ସାହି ନିକଟରେ ଚଢ଼ାଉ କରିଥିଲା । ଏହି ସମୟରେ  ସନ୍ଦେହଜନକ ବୋଲେରୋ ଗାଡ଼ିକୁ ଅଟକାଇବାକୁ ଉଦ୍ୟମ କରାଯାଇଥିଲା। ମାତ୍ର ଗାଡ଼ିର ଚାଳକ ବନ କର୍ମଚାରୀଙ୍କୁ ଦେଖି ଗାଡ଼ି ଛାଡ଼ି ଅନ୍ଧାରର ସୁଯୋଗ ନେଇ ଫେରାର ହୋଇଯାଇଥିଲା । ପରେ ବନ ବିଭାଗ ଗାଡ଼ି ସହ ୯ଟି ଅଖା ବସ୍ତାରେ ଭର୍ତ୍ତି ହୋଇଥିବା ମୋଟ ୩୯୦ଟି ଭାରତୀୟ ଫ୍ଲାପ୍‌ସେଲ୍ କଇଁଛ ଜବତ କରାଯାଇଛି । ପରେ ସମସ୍ତ କଇଁଛକୁ କାଲିମେଳା ରେଞ୍ଜ କାର୍ଯ୍ୟାଳୟକୁ ଅଣାଯାଇଛି । ଏହି ବେଆଇନ କଇଁଛ ଚାଲାଣ ପଛରେ କିଏ ସମ୍ପୃକ୍ତ ଅଛି, କଇଁଛ ଗୁଡ଼ିକ କେଉଁଠାରୁ ଆସିଥିଲା ?  କେଉଁ ସ୍ଥାନକୁ ଚାଲାଣ ହେଉଥିଲା ? ସେନେଇ ବନ ବିଭାଗ ପକ୍ଷରୁ ତଦନ୍ତ ଜାରି ରହିଛି । ଫେରାର ଚାଳକଙ୍କୁ ଚିହ୍ନଟ କରି ଧରିବା ପାଇଁ ମଧ୍ୟ ଉଦ୍ୟମ କରାଯାଉଛି । ….

Latest Posts

Don't Miss