ନନ୍ଦିଘୋଷ ବ୍ୟୁରୋ: ସୁବର୍ଣ୍ଣପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଅଭାବନୀୟ ଘଟଣା। ଭୁଲ୍ ଚିକିତ୍ସା ଯୋଗୁଁ ରୋଗୀଙ୍କ ଜୀବନ ଯାଇଥିବା ଅଭିଯୋଗ । ଜିଲ୍ଲା ମୁଖ୍ୟ ଚିକିତ୍ସାଳୟରେ ଏମର୍ଜେନ୍ସି ବିଭାଗରେ ଚିକିତ୍ସା ହେଉଥିବାବେଳେ ଘଟିଛି ଅଘଟଣ । ମୃତକ ହେଲେ ପାଣିସିଆଲି ଗାଁ ର ପ୍ରଶାନ୍ତ ତ୍ରିପାଠୀ । ସାମାନ୍ୟ ଅସୁସ୍ଥତା ଅନୁଭବ କରିବାରୁ ତାଙ୍କୁ ଗତ ରାତିରେ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ଦାୟିତ୍ୱରେ ଥିବା ଡାକ୍ତର ପ୍ରାଥମିକ ଚିକିତ୍ସା କରି ସୁଗର୍ କମ ଥିବା କହିବା ସହିତ ଗ୍ଲୁକୋଜ ଚଢ଼ାଇ ଥିଲେ । ପରେ ସେ ସୁସ୍ଥ ଅନୁଭବ କରି ଘରକୁ ଯିବା ପାଇଁ କହିଥିଲେ । ହେଲେ ଡାକ୍ତର ତାଙ୍କୁ ପୁଣି ଇଞ୍ଜେକସନ ଦେବା ପରେ ତାଙ୍କର ମୃତ୍ୟୁ ହୋଛି । ଭୁଲ୍ ଇଞ୍ଜେକସନ ଯୋଗୁଁ ତାଙ୍କ ମୃତ୍ୟୁ ହୋଇଥିବା ଅଭିଯୋଗ କରିଛନ୍ତି ପରିବାର ଲୋକ । ଏନେଇ ସୋନପୁର ଥାନାରେ ଲିଖିତ ଅଭିଯୋଗ କରିଥିବାବେଳେ ପୋଲିସ ଡାକ୍ତରଖାନାକୁ ପହଞ୍ଚି ଶବକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇ ଅଧିକ ତଦନ୍ତ କରୁଛି ।
Home Blog
ରାଜ୍ୟରେ ଲାଗି ରହିଛି ତୁହାକୁ ତୁହା ବର୍ଷା..ହନ୍ତସନ୍ତ ଲୋକେ
ନନ୍ଦିଘୋଷ ବ୍ୟୁରୋ:ବର୍ଷାରେ ବେହାଲ ସାରା ଓଡ଼ିଶା । ଗଭୀର ଅବପାତ ସ୍ଥଳଭାଗ ଛୁଇଁବା ପରେ ତୁହାକୁ ତୁହା ବର୍ଷା । ୮ ଦିନ ଧରି ବର୍ଷାରେ ଟୁଇନ ସିଟି ଉବୁଟୁବୁ । ଲଗାଣ ବର୍ଷା ଓ ହୀରାକୁଦ ଗେଟ୍ ଖୋଲିବା ପରେ ଫୁଲୁଛି ମହାନଦୀ । ଶ୍ରୀକୋରୁଆଁ ରେ ନଦୀ ପଠାରେ ଫସିଥିବା ୧୨ ପଶୁଙ୍କୁ ଉଦ୍ଧାର କରିଛି ଅଗ୍ନିଶମ ବାହିନୀ । ଯୋବ୍ରା ବ୍ୟାରେଜରୁ ଏକ ଅଜଣା ମୃତଦେହ ଉଦ୍ଧାର କରାଯାଇଛି । ବାଙ୍କୀ ଥାନା ଅନ୍ତର୍ଗତ କେଉଟପାଟଣାରେ ଗଛ ପଡ଼ି ୩ ଜଣ ଆହତ ହୋଇଛନ୍ତି । ତାଳବସ୍ତ ବିଲିପଡା ରାସ୍ତାରେ ୪ ଫୁଟର ବନ୍ୟା ଜଳ ପ୍ରବାହିତ ହେବାସହ ଅନେକ ଚାଷ ଜମି ଜଳମଗ୍ନ ହୋଇଛି । ସମ୍ବଲପୁରରେ ଗୋଟିଏ ପଟେ ମହାନଦୀ ଫୁଲୁଥିବାବେଳେ ସହରର ବର୍ଷା ପାଣି ନିଷ୍କାସିତ ହୋଇ ନବାରି ସହରରେ ଜମିଛି ପାଣି । ସହରର ଅନେକ ସ୍ଥାନରେ କୃତ୍ରିମ ବନ୍ୟାସ୍ଥିତି ସୃଷ୍ଟି ହୋଇଛି । ସହରର ପଟ୍ଟନାୟକ ପଡ଼ାର ଏକ ପୁରୁଣା ଭଙ୍ଗା ଘରୁ ଜଣେ ବୟସ୍କା ବୃଦ୍ଧାଙ୍କୁ ଉଦ୍ଧାର କରିଛି ଅଗ୍ନିଶମ ବାହିନୀ । ହୀରାକୁଦ ଜଳ ଭଣ୍ଡାର ଭିତରକୁ ପ୍ରତି ସେକେଣ୍ଡରେ ୧ ଲକ୍ଷ ୬୩ ହଜାର ୬୫୭ ଘନଫୁଟ ବନ୍ୟାଜଳ ପ୍ରବେଶ କରୁଛି ।
ରାଉରକେଲାରେ ଲଗାଣ ଵର୍ଷା ଯୋଗୁଁ ବିଶ୍ରା ଛକ ଠାରେ ଥିବା କର୍ମଚାରୀ ରାଜ୍ୟ ବୀମା ଚିକିତ୍ସାଳୟରେ ବର୍ଷା ଜଳ ଜମି ରହି ଅସ୍ଵାସ୍ଥ୍ୟକର ପରିବେଶ ସୃଷ୍ଟି ହୋଇଛି । ଛାତରୁ ପାଣି ଗଳୁଥିବା ବହୁ ଔଷଧ ନଷ୍ଟ ହେଉଛି । ରୋଗୀ ଓ କର୍ମଚାରୀ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ପାନପୋଷ ଜଗନ୍ନାଥ କଲୋନୀରେ ରାସ୍ତା ଉପରେ ଦୁଇ ଫୁଟର ବର୍ଷା ଜଳ ପ୍ରବାହିତ ହେବା ସହ ଅନେକ ଘର ଭିତରେ ପାଣି ପଶିଛି । ପ୍ରବଳ ବର୍ଷା ଯୋଗୁଁ ବଲାଙ୍ଗୀରର ବିଭିନ୍ନ ତଳିଆ ଅଞ୍ଚଳ ଜଳମଗ୍ନ ହୋଇଛି । ଲକ୍ଷ୍ମୀଯୋର ବ୍ରିଜ ଉପରେ ୩ ଫୁଟର ବର୍ଷା ଜଳ ପ୍ରବାହିତ ହେଉଛି । ବାଲେଶ୍ବରରେ ବିପଦ ସଙ୍କେତ ଛୁଇଁଛି ଜଳକା ନଦୀର ଜଳସ୍ତର । ଲଘୁଚାପ ଜନିତ ଲଗାଣ ବର୍ଷା ଯୋଗୁଁ ବସ୍ତା ଅଞ୍ଚଳରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ମୟୂରଭଞ୍ଜ ଜିଲ୍ଲାର ରାସଗୋବିନ୍ଦପୁର, ଶୁଳିଆପଦା, ମୋରଡା, ଚିତ୍ରଡି ଅଞ୍ଚଳରେ ପ୍ରବଳ ବର୍ଷା ଜାରି ରହିଛି । ବସ୍ତା ବ୍ଲକର ୧୦ ଟି ଏବଂ ସଦର ବ୍ଲକର ୩ ଟି ପଞ୍ଚାୟତ ପ୍ରଭାବିତ ହୋଇଛି ।
ଲଗାଣ ବର୍ଷାରେ ଜନଜୀବନ ପ୍ରଭାବିତ ହୋଇଥିବାବେଳେ ବର୍ଷାକୁ ଦେଖି ସମ୍ବଲପୁର, ମୟୂରଭଞ୍ଜ, ବାଲେଶ୍ବର, କେନ୍ଦୁଝର, ଭଦ୍ରକ, ବୌଦ୍ଧ ଜିଲ୍ଲାରେ ସମସ୍ତ ସ୍କୁଲ ବନ୍ଦ ରହିଛି ।…
ମରଣଯନ୍ତା ପାଲଟିଛି ରାଜପଥ
ନନ୍ଦିଘୋଷ ବ୍ୟୁରୋ: ରାଜପଥ ପାଲଟିଛି ମୃତ୍ୟୁପଥ । ପାଦେ ପାଦେ ବିପଦ । କେତେବେଳେ କଣ ଘଟିବ କହି ହେବନାହିଁ ।…ମରଣଯନ୍ତା ପାଲଟିଛି ଗଜପତି ଜିଲ୍ଲା ମୋହନା ଠାରୁ ପାରଳାଖେମୁଣ୍ଡି ଦେଇ ଯାଇଥିବା ୩୨୬ ନମ୍ବର ଜାତୀୟ ରାଜପଥ । ରାସ୍ତାର ଉଭୟ ପାର୍ଶ୍ଵରେ ଅନେକ ବିରାଟ ଶୁଖିଲା ଗଛ ଛିଡ଼ା ହୋଇଛି । ଦୀର୍ଘ ଦିନ ଧରି ଗଛ ଗୁଡ଼ିକ ଶୁଖିଯାଇଥିଲେ ସୁଦ୍ଧା ସେଗୁଡ଼ିକ ହଟାଇବା ପାଇଁ ପଦକ୍ଷେପ ନିଆଯାଉନଥିବା ଅଭିଯୋଗ ହୋଇଛି । କିଛି ଦିନ ତଳେ ଏକ ଶୁଖିଲା ଗଛ ଚଳନ୍ତା କାର ଉପରେ ଭାଙ୍ଗି ପଡ଼ିଥିଲା । ତିନି ଜଣ ଯାତ୍ରୀ ଆହତ ହୋଇଥିଲେ । ବିଶେଷ କରି ବର୍ଷା ଓ ପବନ ସମୟରେ ଗଛଗୁଡ଼ିକ ଭାଙ୍ଗି ପଡ଼ିବା ଆଶଙ୍କା ରହୁଥିବାରୁ ଭୟଭୀତ ଅବସ୍ଥାରେ ଯାଆସ କରୁଛନ୍ତି ଲୋକେ ।…
ଯାତ୍ରୀଙ୍କ ସୁରକ୍ଷାକୁ ଦୃଷ୍ଟିରେ ରଖି ସମ୍ପୃକ୍ତ ବିଭାଗ ତୁରନ୍ତ ବିପପଜ୍ଜନକ ଗଛଗୁଡ଼ିକୁ କାଟି ହଟାଇବାକୁ ସ୍ଥାନୀୟ ଲୋକେ ଦାବି କରିଛନ୍ତି । ପାରଳାଖେମୁଣ୍ଡି ବନଖଣ୍ଡ ଅଧିକାରୀ କହିଛନ୍ତି, ଜାତୀୟ ରାଜପଥ ବିଭାଗ ପକ୍ଷରୁ ଚିଠି ଆସିଛି । ଶୀଘ୍ର ବିପଦଶଙ୍କୁଳ ଅବସ୍ଥାରେ ଥିବା ଗଛକୁ ହଟାଇବା ପାଇଁ ବ୍ୟବସ୍ଥା କରାଯିବ ।…
ରାସ୍ତାକଡ଼ରୁ ଗଛ ଗୁଡ଼ିକୁ କଟାନଗଲେ କାହାର ଯଦି ଜୀବନ ହାନି ହୁଏ ? ତେବେ କିଏ ରହିବ ଦାୟୀ ?
ବାଟବଣା ଆବାସ ଯୋଜନା … ପ୍ରକୃତ ହିତାଧିକାରୀଙ୍କୁ ମିଳୁନି ଘର
ନନ୍ଦିଘୋଷ ବ୍ୟୁରୋ: ନୂଆଁଣିଆ ଚାଳ ଘର । ଉପରେ ପଡ଼ିଛି ଜରି ପାଲ । ତା ଭିତରେ ଦିନ କାଟୁଛନ୍ତି ୮ ପ୍ରାଣୀ କୁଟୁମ୍ବ ।… ଜୀବନ ଚିନ୍ତାରେ କଟକ ଜିଲ୍ଲା ବଡ଼ମ୍ବା ବ୍ଲକ ଖୁଣ୍ଟକଟା ଗାଁର ଯଦୁମଣି ବେହାରଙ୍କ ପରିବାର । ଆବାସ ଯୋଜନାରେ ଘର ଖଣ୍ଡେ ପାଇଁ ଯଦୁମଣି ଓ ତାଙ୍କ ଭାଇ ନିରଞ୍ଜନ ବେହେରା ଅନେକ ଥର ପ୍ରଶାସନର ଦ୍ଵାରସ୍ଥ ହେଲେଣି । ଖାଲି ମିଳୁଛି ଫମ୍ପା ପ୍ରତିଶୃତି । ହେଲେ ଗରିବଙ୍କ କଥା ଶୁଣୁଛି କିଏ ? ବାଧ୍ୟ ହୋଇ ନୂଆଁଣିଆ ଚାଳ ଘରେ କାଳ କାଟୁଛନ୍ତି ପୂରା ପରିବାର । ବର୍ଷା ଲାଗି ରହିଲେ ଅନ୍ୟ ବାରଣ୍ଡାରେ ନେଉଛନ୍ତି ଆଶ୍ରୟ । …
ଗରିବ ମାନଙ୍କ ପାଇଁ ସରକାରଙ୍କ ମାଳମାଳ ଯୋଜନା ରହିଛି । ହେଲେ ଯଦୁମଣିଙ୍କ ପରିବାକୁ କାହିଁକି ମିଳୁନି ଘର ଖଣ୍ଡେ ? ଏଥିପାଇଁ ଦାୟୀ କିଏ ? ଅନ୍ୟପଟେ ଜଦୁମଣିଙ୍କୁ ଖୁବଶୀଘ୍ର ଆବାସ ଯୋଜନାରେ ଅନ୍ତର୍ଭୁକ୍ତ କରାଯାଇ ଘର ଯୋଗାଇ ଦିଆଯିବ ବୋଲି ପ୍ରତିଶୃତି ଦେଇଛନ୍ତି ବିଡ଼ିଓ ।…
ଜାପାନରେ ଭୂକମ୍ପ: 7.1 ପ୍ରବଳ ତୀବ୍ରତା ଝଟକାରେ ଥରିଲା ମାଟି
ନନ୍ଦିଘୋଷ ବ୍ୟୁରୋ:ମଙ୍ଗଳବାର ଦିନ ଜାପାନର କୁମାମୋଟୋ ପ୍ରଦେଶରେ 7.1 ପ୍ରବଳ ତୀବ୍ରତାର ଏକ ଭୂକମ୍ପ ଅନୁଭୂତ ହୋଇଛି। ଭୂକମ୍ପ ପରେ ସୁନାମି ଚେତାବନୀ ଜାରି କରାଯାଇଛି। ଜାପାନରେ ମଙ୍ଗଳବାର (28 ଜୁଲାଇ 2026) ଦିନ 7.1 ତୀବ୍ରତାର ଭୂକମ୍ପ ଝଟକା ଅନୁଭୂତ ହୋଇଛି। ଜାପାନ ପାଣିପାଗ ଏଜେନ୍ସି (JMA) ଅନୁଯାୟୀ, କୁମାମୋଟୋ ପ୍ରଦେଶରେ ରିକ୍ଟର ସ୍କେଲରେ 7.1 ତୀବ୍ରତାର ଭୂକମ୍ପ ରେକର୍ଡ କରାଯାଇଛି। ଭୂକମ୍ପର ଠିକ୍ ପରେ ଜାପାନ ପାଣିପାଗ ଏଜେନ୍ସି ସୁନାମି ଚେତାବନୀ ଜାରି କରିଛି। ଏଜେନ୍ସି ଜଣାଇଛି ଯେ ସମୁଦ୍ରରେ ପ୍ରାୟ 1 ମିଟର (ପାଖାପାଖି 3.28 ଫୁଟ) ଓ୍ଵଚ୍ଚତାର ଲହରୀ ଉଠିବାର ଆଶଙ୍କା ରହିଛି। ଏହା ଯୋଗୁଁ ଉପକୂଳବର୍ତ୍ତୀ ଅଞ୍ଚଳରେ ରହୁଥିବା ଲୋକଙ୍କୁ ସତର୍କ ରହିବାକୁ ଏବଂ ନିରାପଦ ସ୍ଥାନକୁ ଚାଲିଯିବାକୁ ପରାମର୍ଶ ଦିଆଯାଇଛି।
ଭୂକମ୍ପ ପରେ ଜାପାନ ସରକାର ମଧ୍ୟ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ଜରୁରୀକାଳୀନ ଭୂକମ୍ପ ଚେତାବନୀ ଜାରି କରିଛନ୍ତି। ଏହି ଚେତାବନୀ ଜାପାନର ଦକ୍ଷିଣ କ୍ୟୁଶୁ ଦ୍ୱୀପର ଅନେକ ପ୍ରଦେଶ ପାଇଁ ଜାରି କରାଯାଇଛି। ସରକାରଙ୍କ ପକ୍ଷରୁ କୁମାମୋଟୋ, ନାଗାସାକି, କାଗୋସିମା, ଫୁକୁଓକା, ସାଗା, ଓଇଟା ଏବଂ ମିୟାଜାକି ପ୍ରଦେଶ ପାଇଁ ଜରୁରୀକାଳୀନ ଆଲର୍ଟ ଜାରି କରାଯାଇଛି। ପ୍ରଶାସନ ପକ୍ଷରୁ ସ୍ଥିତି ଉପରେ କ୍ରମାଗତ ନଜର ରଖାଯାଇଛି ଏବଂ ଲୋକଙ୍କୁ ସରକାରୀ ନିର୍ଦ୍ଦେଶାବଳୀ ପାଳନ କରିବାକୁ ଅନୁରୋଧ କରାଯାଇଛି।
ସମ୍ପ୍ରତି ଭୂକମ୍ପ ଯୋଗୁଁ କୌଣସି ପ୍ରକାରର କ୍ଷତି କିମ୍ବା କେହି ମୃତାହତ ହୋଇଥିବା ନେଇ କୌଣସି ସରକାରୀ ସୂଚନା ସାମ୍ନାକୁ ଆସିନାହିଁ। ରିଲିଫ ଏବଂ ଉଦ୍ଧାରକାରୀ ଏଜେନ୍ସିଗୁଡ଼ିକୁ ସତର୍କ କରାଯାଇଛି ଏବଂ ପ୍ରଭାବିତ ଅଞ୍ଚଳରେ ସ୍ଥିତିର ଆକଳନ କରାଯାଉଛି। ଜାପାନ ବିଶ୍ୱର ସବୁଠାରୁ ଅଧିକ ଭୂକମ୍ପ ପ୍ରଭାବିତ ଦେଶଗୁଡ଼ିକ ମଧ୍ୟରୁ ଅନ୍ୟତମ। ଏହି ଦେଶ ପ୍ରଶାନ୍ତ ମହାସାଗରର ‘ରିଙ୍ଗ ଅଫ୍ ଫାୟାର’ ଅଞ୍ଚଳରେ ଅବସ୍ଥିତ, ଯେଉଁଠାରେ ପ୍ରାୟତଃ ଭୂକମ୍ପ ଏବଂ ଜ୍ୱାଲାମୁଖୀ କାର୍ଯ୍ୟକଳାପ ଘଟୁଥାଏ। ଏହି କାରଣରୁ ଜାପାନରେ ଭୂକମ୍ପର ମୁକାବିଲା କରିବା ପାଇଁ ଏକ ଦୃଢ଼ ବିପର୍ଯ୍ୟୟ ପରିଚଳନା ବ୍ୟବସ୍ଥା ବିକଶିତ କରାଯାଇଛି।
ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା: କାରଣ ଏବଂ ପରିସ୍ଥିତି
ନନ୍ଦିଘୋଷ ବ୍ୟୁରୋ : ଆନ୍ଦୋଳନର ୩୬ ଦିନ ପରେ କେନ୍ଦ୍ରୀୟ ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନିଜ ପଦରୁ ଇସ୍ତଫା ଦେଇଛନ୍ତି। ଛାତ୍ରମାନଙ୍କ ଭବିଷ୍ୟତକୁ ଦୃଷ୍ଟିରେ ରଖି ସେ ଏହି ନିଷ୍ପତ୍ତି ନେଇଥିବା ଘୋଷଣା କରିଛନ୍ତି। ତଥାପି, ଛାତ୍ରମାନଙ୍କର କ୍ରମାଗତ ବିରୋଧ ପ୍ରଦର୍ଶନ ତାଙ୍କୁ ଏହି ପଦ ଛାଡ଼ିବାକୁ ବାଧ୍ୟ କରିଥିଲା।
ଛାତ୍ରମାନଙ୍କର ପ୍ରତିବାଦର ୩୭ ଦିନ ପରେ ଭାରତର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଇସ୍ତଫା ପତ୍ର ପ୍ରଦାନ କରିଛନ୍ତି। ଇସ୍ତଫା ଦେବା ଅବସରରେ ସେ ଉଲ୍ଲେଖ କରିଛନ୍ତି ଯେ ଜନ୍ତର-ମନ୍ତରରେ ସୃଷ୍ଟି ହୋଇଥିବା ପରିସ୍ଥିତି ଦେଶର ଏକତା ଏବଂ ଅଖଣ୍ଡତା ପ୍ରତି ବିପଦ ସୃଷ୍ଟି କରୁଛି। ସେ ଆହୁରି ମଧ୍ୟ କହିଛନ୍ତି ଯେ ଯୁବପିଢ଼ିଙ୍କ ଭବିଷ୍ୟତ ଯେପରି ନଷ୍ଟ ନ ହେଉ ଏବଂ ସେମାନେ ଆଇନଗତ ଜଟିଳତାରେ ନ ଫଶନ୍ତୁ, ତାହାକୁ ବିଚାର କରି ସେ ଇସ୍ତଫା ଦେବାକୁ ସିଦ୍ଧାନ୍ତ ନେଇଛନ୍ତି। ମୋଦୀ ସରକାରଙ୍କ ୧୨ ବର୍ଷର କାର୍ଯ୍ୟକାଳ ମଧ୍ୟରେ ଧର୍ମେନ୍ଦ୍ର ପ୍ରଧାନ ହେଉଛନ୍ତି ପ୍ରଥମ ମନ୍ତ୍ରୀ, ଯାହାଙ୍କୁ ବିରୋଧ ପ୍ରଦର୍ଶନର ଚାପରେ ପଦରୁ ହଟିବାକୁ ପଡ଼ିଛି।
ମୋଦୀ କ୍ୟାବିନେଟରେ ଧର୍ମେନ୍ଦ୍ର ପ୍ରଧାନ ଜଣେ ପ୍ରଭାବଶାଳୀ ମନ୍ତ୍ରୀ ଭାବେ ପରିଗଣିତ ହେଉଥିଲେ। ସେ ୨୦୧୪ ମସିହାରୁ ସରକାରରେ ମନ୍ତ୍ରୀ ରହିଆସିଥିଲେ। ଶିକ୍ଷା ମନ୍ତ୍ରାଳୟର ଦାୟିତ୍ୱ ଗ୍ରହଣ କରିବା ପୂର୍ବରୁ ସେ ପେଟ୍ରୋଲିୟମ ଏବଂ ଇସ୍ପାତ ଭଳି ଗୁରୁତ୍ୱପୂର୍ଣ୍ଣ ବିଭାଗର ମନ୍ତ୍ରୀ ଥିଲେ। କିନ୍ତୁ NEET ପେପର ଲିକ ବିବାଦ ପରେ କ୍ୟାବିନେଟରେ ତାଙ୍କର ସ୍ଥିତି ଦୁର୍ବଳ ହୋଇପଡ଼ିଥିଲା ଏବଂ ଶେଷରେ ତାଙ୍କୁ ନିଜ କ୍ଷମତା ଛାଡ଼ିବାକୁ ପଡ଼ିଲା।
ଇସ୍ତଫା ପଛର ୫ଟି ପ୍ରମୁଖ କାରଣ:
-
୧. ଛାତ୍ର ଏବଂ ବିରୋଧୀଙ୍କ ଜିଦ୍: ଜନ୍ତର-ମନ୍ତରରେ ପ୍ରଦର୍ଶନର ନେତୃତ୍ୱ ନେଉଥିବା ଦଳ ଏବଂ ବିରୋଧୀ ଦଳଗୁଡ଼ିକ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ବ୍ୟତୀତ ଅନ୍ୟ କୌଣସି ବୁଝାମଣା ପାଇଁ ରାଜି ନଥିଲେ। ସରକାରଙ୍କ ସହ ଆଲୋଚନା ସମୟରେ ମଧ୍ୟ ସ୍ପଷ୍ଟ କରିଦିଆଯାଇଥିଲା ଯେ ଇସ୍ତଫା ନମିଳିବା ପର୍ଯ୍ୟନ୍ତ ଆନ୍ଦୋଳନ ବନ୍ଦ ହେବ ନାହିଁ।
-
୨. ସଂସଦରୁ ରାସ୍ତା ପର୍ଯ୍ୟନ୍ତ ହଙ୍ଗାମା: ରାସ୍ତାଠାରୁ ଆରମ୍ଭ କରି ସଂସଦ ପର୍ଯ୍ୟନ୍ତ ପ୍ରତିବାଦ ଜୋରଦାର ହୋଇଥିଲା। ସଂସଦର କାର୍ଯ୍ୟକଳାପ ସମ୍ପୂର୍ଣ୍ଣ ଠପ୍ ହୋଇଯାଇଥିଲା ଏବଂ ଦେଶର ବିଭିନ୍ନ ରାଜ୍ୟରେ ମଧ୍ୟ ବିରୋଧ ପ୍ରଦର୍ଶନ ବ୍ୟାପିଯାଇଥିଲା।
-
୩. ଡ୍ୟାମେଜ୍ କଣ୍ଟ୍ରୋଲ୍ କରିବାରେ ବିଫଳତା: ବିବାଦ ବଢ଼ିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଆଗକୁ ଆସିବାକୁ ପଡ଼ିଥିଲା। ମାତ୍ର ଧର୍ମେନ୍ଦ୍ର ପ୍ରଧାନ ଏହି ପରିସ୍ଥିତିକୁ ଠିକ୍ ଭାବେ ସମ୍ଭାଳି ପାରି ନଥିଲେ ଏବଂ ଛାତ୍ରମାନଙ୍କଠାରୁ ସମ୍ପୂର୍ଣ୍ଣ ଅଲଗା ହୋଇଯାଇଥିଲେ।
-
୪. ଅଡ଼ିଆଳ ମନୋଭାବ: ମୋଦୀ କ୍ୟାବିନେଟରେ ବିରୋଧ ପ୍ରଦର୍ଶନ ପରେ ହଟିବାରେ ପ୍ରଧାନ ହେଉଛନ୍ତି ପ୍ରଥମ ମନ୍ତ୍ରୀ। ସଙ୍କଟ ସମୟରେ ଛାତ୍ର ନେତାମାନଙ୍କ ସହ ଆଲୋଚନା ନକରି ତାଙ୍କର ଏଭଳି ଅଡ଼ିଆଳ ମନୋଭାବ ତାଙ୍କ ପାଇଁ କ୍ଷତିକାରକ ସାବ୍ୟସ୍ତ ହୋଇଥିଲା।
-
୫. ଅବହେଳା ଅଭିଯୋଗ: ପୂର୍ବରୁ ମଧ୍ୟ ପେପର ଲିକ ମାମଲା ସାମ୍ନାକୁ ଆସିବା ସତ୍ତ୍ୱେ ଏବଂ କମିଟିର ସୁପାରିଶଗୁଡ଼ିକୁ ସମ୍ପୂର୍ଣ୍ଣ ଭାବେ କାର୍ଯ୍ୟକାରୀ ନକରିବାରୁ NTAର ଅବହେଳା ଏବଂ ତ୍ରୁଟିର ସମସ୍ତ ଦାୟିତ୍ୱ ତାଙ୍କୁ ବହନ କରିବାକୁ ପଡ଼ିଥିଲା।
ପଦରୁ ଇସ୍ତଫା ଦେଲେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ
ନନ୍ଦିଘୋଷ ବ୍ୟୁରୋ: ଦେଶର ଶିକ୍ଷା କ୍ଷେତ୍ରରୁ ଆସିଛି ଏକ ବଡ଼ ଖବର। କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନିଜ ପଦବୀରୁ ଇସ୍ତଫା ଦେଇଛନ୍ତି। ଗତ କିଛି ଦିନ ହେବ NEET-UG ପରୀକ୍ଷା ପ୍ରଶ୍ନପତ୍ର ଲିକ୍ ଏବଂ ଜାତୀୟ ପରୀକ୍ଷା ଏଜେନ୍ସି ର କାର୍ଯ୍ୟଶୈଳୀକୁ ନେଇ ସାରା ଦେଶରେ ତୀବ୍ର ସମାଲୋଚନା ଓ ଛାତ୍ର ଆନ୍ଦୋଳନ ଜାରି ରହିଥିଲା। ଏହି ଚାପ ଓ ବିବାଦ ମଧ୍ୟରେ ସେ ନିଜ ପଦରୁ ଓହରିଯିବାକୁ ନିଷ୍ପତ୍ତି ନେଇଛନ୍ତି।
ଇସ୍ତଫାର ମୁଖ୍ୟ କାରଣ: NEET-UG ପରୀକ୍ଷାରେ ହୋଇଥିବା ପ୍ରଶ୍ନପତ୍ର ଲିକ୍ ଓ ଅନିୟମିତତାକୁ ନେଇ କ୍ରମାଗତ ଭାବେ ବିରୋଧୀ ଦଳ ଏବଂ ଛାତ୍ର ସଂଗଠନଗୁଡ଼ିକ ତାଙ୍କ ଇସ୍ତଫା ଦାବି କରିଆସୁଥିଲେ। ତେବେ ଏହି ସମ୍ବେଦନଶୀଳ ମାମଲାରେ ସିବିଆଇ (CBI) ତଦନ୍ତ ଚାଲୁଥିବା ବେଳେ ଏବଂ ସୁପ୍ରିମ୍ କୋର୍ଟଙ୍କ କଡ଼ା ଆଭିମୁଖ୍ୟ ପରେ ଏହି ସ୍ଥିତି ଉପୁଜିଛି। ତେବେ ଛାତ୍ରଛାତ୍ରୀଙ୍କ ଭବିଷ୍ୟତ ଓ ଦେଶର ପରୀକ୍ଷା ବ୍ୟବସ୍ଥାର ସ୍ୱଚ୍ଛତାକୁ ଆଖିଆଗରେ ରଖି ସେ ଏହି ନୈତିକ ନିଷ୍ପତ୍ତି ନେଇଥିବା ଚର୍ଚ୍ଛା ହେଉଛି।
ସୂଚନାଯୋଗ୍ୟ ଯେ, NEET-UG ପରୀକ୍ଷା ଫଳାଫଳ ପ୍ରକାଶ ପାଇବା ପରଠାରୁ ହିଁ ସାରା ଦେଶରେ ଅସନ୍ତୋଷର ନିଆଁ ଜଳୁଥିଲା। ଲକ୍ଷ ଲକ୍ଷ ପରୀକ୍ଷାର୍ଥୀ ଓ ଗାର୍ଜିଆନ୍ ଏହି ପରୀକ୍ଷାରେ ବ୍ୟାପକ ଜାଲିଆତି ହୋଇଥିବା ଅଭିଯୋଗ ଆଣିଥିଲେ। କେନ୍ଦ୍ର ଶିକ୍ଷା ମନ୍ତ୍ରଣାଳୟ ଏହାକୁ ସୁଧାରିବା ପାଇଁ ଏକାଧିକ କମିଟି ଗଠନ କରିଥିଲେ ମଧ୍ୟ ବିବାଦ ଥମିବାର ନାଁ ନେଉନଥିଲା।
ଶେଷରେ ବିରୋଧୀଙ୍କ ଆକ୍ରମଣାତ୍ମକ ରୂପ ଏବଂ ଦେଶବ୍ୟାପୀ ଆନ୍ଦୋଳନ ଆଗରେ ନୋଇ ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନିଜ ପଦବୀରୁ ଇସ୍ତଫା ଦେଇଛନ୍ତି। ତାଙ୍କ ଇସ୍ତଫା ପତ୍ର ପ୍ରଧାନମନ୍ତ୍ରୀଙ୍କ ନିକଟକୁ ପଠାଯାଇଥିବା ସୂଚନା ମିଳିଛି ।
ଚମ୍ପୁଆରେ ୨୫ ଟିକିଆ ହାତୀପଲଙ୍କ ଉତ୍ପାତ: ଭାଙ୍ଗିଲେ ଘର, ଆତଙ୍କିତ ଗ୍ରାମବାସୀ
ନନ୍ଦିଘୋଷ ବ୍ୟୁରୋ: ମୟୁରଭଞ୍ଜରୁ ଲେଉଟିବା ପରେ ଚମ୍ପୁଆ ରେଞ୍ଜରେ ପୁଣି ଥରେ ୨୫ ଟିକିଆ ହାତୀପଲଙ୍କ ଉତ୍ପାତ ଦେଖିବାକୁ ମିଳିଛି। ଗତ ଏକ ମାସ ତଳେ ମୟୁରଭଞ୍ଜକୁ ଚାଲିଯାଇଥିବା ଏହି ହାତୀପଲ ଗତକାଲି ପୁଣି ଥରେ ଚମ୍ପୁଆ ରେଞ୍ଜକୁ ଫେରିଆସିଛନ୍ତି।
ଗତକାଲି ଚମ୍ପୁଆ ରେଞ୍ଜରେ ପ୍ରବେଶ କରିବା ପରେ ହାତୀପଲ ଜଙ୍ଗଲ ମଧ୍ୟରେ ଥିବା ଏକ ପୋଖରୀରେ ଦୀର୍ଘ ସମୟ ଧରି ଜଳକ୍ରୀଡ଼ା କରିଥିଲେ। ଏହା ପରେ ସେମାନେ ବର୍ଦ୍ଧନା ଗାଁ ମଧ୍ୟକୁ ପଶି ଆସିଥିଲେ। ଗାଁରେ ପଶି ହାତୀପଲ ଗୋଟିଏ ଘର ଭାଙ୍ଗିବା ସହ ବ୍ୟାପକ କ୍ଷୟକ୍ଷତି କରିଛନ୍ତି, ଯାହା ଫଳରେ ସ୍ଥାନୀୟ ଅଞ୍ଚଳରେ ଭୟ ଓ ଆଶଙ୍କାର ପରିବେଶ ସୃଷ୍ଟି ହୋଇଛି। ଏହି ୨୫ ଟିକିଆ ହାତୀପଲରେ ୯ ଟି ଛୁଆ ହାତୀ ଥିବା ଜଣାପଡ଼ିଛି।
ତେବେ ଖବର ପାଇ ବନ ବିଭାଗ ଟିମ୍ ତୁରନ୍ତ ଗାଁରେ ପହଞ୍ଚି ହାତୀପଲଙ୍କୁ ଗାଁରୁ ଜଙ୍ଗଲ ଆଡ଼କୁ ଘଉଡ଼ାଇବା ପାଇଁ ଲଗାତାର ପ୍ରୟାସ ଜାରି ରଖିଛନ୍ତି।
ତେବେ ସ୍ଥିତିକୁ ଦୃଷ୍ଟିରେ ରଖି ବନବିଭାଗ ପକ୍ଷରୁ ଗ୍ରାମବାସୀଙ୍କୁ ହାତୀପଲଙ୍କ ଠାରୁ ନିରାପଦ ଦୂରତା ବଜାୟ ରଖିବା ସହ ସମ୍ପୂର୍ଣ୍ଣ ସତର୍କ ରହିବାକୁ ପରାମର୍ଶ ଦିଆଯାଇଛି।
ମଧ୍ୟପ୍ରାଚ୍ୟରେ ବଢ଼ୁଛି ସଂକଟ: ଇରାନ ଯୁଦ୍ଧରେ ହାଉଥିର ଏଣ୍ଟ୍ରି, ବିଶ୍ୱ ବାଣିଜ୍ୟ ପ୍ରତି ବଡ଼ ବିପଦ
ନନ୍ଦିଘୋଷ ବ୍ୟୁରୋ: ମଧ୍ୟପ୍ରାଚ୍ୟରେ ଚାଲିଥିବା ସଂଘର୍ଷ ଏବେ ଆହୁରି ଭୟଙ୍କର ରୂପ ନେବାରେ ଲାଗିଛି। ଇରାନ ସମର୍ଥିତ ୟେମେନର ଆତଙ୍କବାଦୀ ସଂଗଠନ ‘ହାଉଥି’ ଏବେ ସିMiddleEastଧାସଳଖ ଏହି ଯୁଦ୍ଧରେ ପ୍ରବେଶ କରିଛି। ସାଉଦି ଆରବର ଜିଜାନ ସହର ଉପରେ କ୍ଷେପଣାସ୍ତ୍ର ମାଡ଼ କରିଥିବା ନେଇ ହାଉଥି ଦାବି କରିଛି।
ପୂର୍ବରୁ ୟେମେନରେ ହାଉଥି ସଂଗଠନ ଉପରେ ସାଉଦି ଆରବ ଆକ୍ରମଣ କରିଥିଲା। ଏହାର ପ୍ରତିଶୋଧ ନେବା ପାଇଁ ଏହି କ୍ଷେପଣାସ୍ତ୍ର ମାଡ଼ କରାଯାଇଥିବା ସଂଗଠନ ପକ୍ଷରୁ କୁହାଯାଇଛି।
ସାଉଦି ଆରବର ଜାହାଜଗୁଡ଼ିକୁ ଅଟକାଇବା ସହ ସେଗୁଡ଼ିକୁ ଟାର୍ଗେଟ କରିଥିଲା ହାଉଥି। ଏହାର ଜବାବରେ ସାଉଦି ଆରବ ମଧ୍ୟ ହାଉଥି ଠିକଣା ଉପରେ ଆକ୍ରମଣ କରିଛି, ଯାହା ଫଳରେ ସମଗ୍ର ଅଞ୍ଚଳରେ ପରିସ୍ଥିତି ଆହୁରି ସଂକଟଜନକ ହୋଇପଡ଼ିଛି। ହୋର୍ମୁଜ ପ୍ରଣାଳୀରେ ଆମେରିକା ନୌସେନା ଅବରୋଧ କରିଥିବା ବେଳେ, ଜବାବରେ ଇରାନ ସମର୍ଥିତ ହାଉଥି ଲୋହିତ ସାଗରରେ ଅବରୋଧ ସୃଷ୍ଟି କରିଛି।
ତେବେ ହାଉଥି ସ୍ପଷ୍ଟ ଭାବେ କହିଛି ଯେ, ଇସ୍ରାଏଲ ଏବଂ ଇସ୍ରାଏଲକୁ ସମର୍ଥନ କରୁଥିବା ଜାହାଜଗୁଡ଼ିକ ଉପରେ ଆକ୍ରମଣ ଜାରି ରହିବ। ଲୋହିତ ସାଗର ହେଉଛି ସୁଏଜ କେନାଲ ଏବଂ ବାବ-ଏଲ-ମନ୍ଦେବ ପ୍ରଣାଳୀକୁ ଯୋଡ଼ୁଥିବା ମୁଖ୍ୟ ରାସ୍ତା, ଯାହା ୟୁରୋପ ଓ ଏସିଆ ମଧ୍ୟରେ ବାଣିଜ୍ୟର ପ୍ରମୁଖ କରିଡର।
ତେବେ ବିଶ୍ୱର ପ୍ରାୟ ୮୦ ପ୍ରତିଶତ ସାମଗ୍ରୀ ସମୁଦ୍ର ପଥରେ ପରିବହନ ହୋଇଥାଏ। ପଶ୍ଚିମ ଏସିଆର ଏହି ଯୁଦ୍ଧ ଯୋଗୁଁ ବିଶ୍ୱ ବାଣିଜ୍ୟ ବାଧାପ୍ରାପ୍ତ ହେବା ସହ ଗମ୍ଭୀର ଅର୍ଥନୈତିକ ସଙ୍କଟ ସୃଷ୍ଟି ହେବାର ଆଶଙ୍କା ଦେଖାଦେଇଛି।
ଅନ୍ୟପଟେ, ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନକୁ ପୁଣି ଥରେ ଖୋଲା ଧମକ ଦେଇଛନ୍ତି।
1. ଯଦି ଇରାନ ଡିଲ୍ ନକରେ, ତେବେ ଆଗକୁ ପରିସ୍ଥିତି ଆହୁରି ଭୟଙ୍କର ହେବ।
2. ତେହେରାନ ଡିଲ୍ ଚାହୁଁଛି, କିନ୍ତୁ ଜାଣିଶୁଣି ସମୟ ନଷ୍ଟ କରୁଛି ଓ ଡେରି କରୁଛି।
ମଧ୍ୟପ୍ରାଚ୍ୟରେ ଦିନକୁ ଦିନ ବିଗୁଡ଼ୁଥିବା ଏହି ପରିସ୍ଥିତି ଏବେ ସାରା ବିଶ୍ୱ ପାଇଁ ଚିନ୍ତାର କାରଣ ପାଲଟିଛି।
ମୋତେ ସାଧୁତାର ପ୍ରମାଣପତ୍ର ଦରକାର ନାହିଁ: ୨୬ ଦିନିଆ ଅନଶନ ପରେ ସମାଲୋଚକଙ୍କୁ ସୋନମ୍ ୱାଙ୍ଗଚୁକ୍ଙ୍କ କଡ଼ା ଜବାବ
ନୂଆଦିଲ୍ଲୀ: NEET-UG ପ୍ରଶ୍ନପତ୍ର ଲିକ୍ ବିବାଦ, ପରୀକ୍ଷା ବ୍ୟବସ୍ଥାରେ ସଂସ୍କାର ଏବଂ ପୀଡ଼ିତ ଛାତ୍ରଛାତ୍ରୀଙ୍କୁ ନ୍ୟାୟ ଦାବିରେ ନୂଆଦିଲ୍ଲୀରେ ଚାଲିଥିବା ୨୬ ଦିନିଆ ଅନଶନ ଶେଷ କରିବା ପରେ ନିଜର ସଚ୍ଚୋଟତାକୁ ନେଇ ଆସୁଥିବା ଅଭିଯୋଗର ଦୃଢ଼ ଜବାବ ଦେଇଛନ୍ତି ସୋନମ୍ ୱାଙ୍ଗଚୁକ୍।
ସୋସିଆଲ ମିଡିଆ ଓ ବିରୋଧୀ ଦଳଗୁଡ଼ିକ ପକ୍ଷରୁ କେନ୍ଦ୍ର ସରକାରଙ୍କ ସହ କୌଣସି “ରାଜନୈତିକ ବୁଝାମଣା” କରାଯାଇଥିବା ନେଇ ହେଉଥିବା ଅଭିଯୋଗକୁ ସେ ସମ୍ପୂର୍ଣ୍ଣ ପ୍ରତ୍ୟାଖ୍ୟାନ କରିଛନ୍ତି ।
ତେବେ ୱାଙ୍ଗଚୁକ୍ଙ୍କ ହଠାତ୍ ଅନଶନ ଶେଷ କରିବା ନିଷ୍ପତ୍ତିକୁ ନେଇ କିଛି ସମାଲୋଚକ ଓ ରାଜନୈତିକ ଗୋଷ୍ଠୀ ପ୍ରଶ୍ନ ଉଠାଇଥିଲେ । କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଜେ.ପି. ନଡ୍ଡା ଏବଂ କେନ୍ଦ୍ରମନ୍ତ୍ରୀ ଜିତେନ୍ଦ୍ର ସିଂହଙ୍କ ହାତରୁ ସୁପ୍ ପିଇ ସେ ଅନଶନ ଭାଙ୍ଗିବା ପରେ ସୋସିଆଲ ମିଡିଆରେ ଚର୍ଚ୍ଚା ଜୋର୍ ଧରିଥିଲା । କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦାବିରୁ ସେ ଓହରି ଯାଇଛନ୍ତି ଏବଂ ସରକାରଙ୍କ ସହ ଭିତିରି ବୁଝାମଣା କରି ଛାତ୍ର ଆନ୍ଦୋଳନକୁ ଦବାଇ ଦେଇଛନ୍ତି ବୋଲି ଅପପ୍ରଚାର କରାଯାଇଥିଲା ।
ତେବେ ଏହି ସମସ୍ତ ସମାଲୋଚନା ଓ ପ୍ରଚାରର କଡ଼ା ଜବାବ ଦେଇ ୱାଙ୍ଗଚୁକ୍ ଏକ ଭିଡିଓ ବାର୍ତ୍ତା ଜାରି କରିଛନ୍ତି । ସେଥିରେ ସେ ନିଜର ଶାରୀରିକ ଓ ମାନସିକ କଷ୍ଟ ବିଷୟରେ ଉଲ୍ଲେଖ କରିବା ସହ କହିଛନ୍ତି ଯେ ୨୬ ଦିନର ଅନଶନ କାରଣରୁ ମୋର ୧୧ କିଲୋଗ୍ରାମ ଓଜନ କମିଯାଇଛି । ଏଭଳି ଜୀବନ-ମରଣ ସ୍ଥିତି ଦେଇ ଗତି କରିବା ପରେ ମୋତେ କାହାଠାରୁ ନିଜର ସାଧୁତା କିମ୍ବା ନିଷ୍ଠାର ପ୍ରମାଣପତ୍ର ନେବାର ଆବଶ୍ୟକତା ନାହିଁ ।