spot_img
Home Blog Page 5588

ଲିଙ୍ଗଗତ ସମାନତା ଦାବିରେ ଟପ୍‌ଲେସ୍ ହେଲେ ମହିଳା: ସମର୍ଥନ ଜଣାଇ ପୁରୁଷମାନେ କଲେ ଏଭଳି ପ୍ରତିବାଦ

ବର୍ଲିନ୍: ଜର୍ମାନୀରେ ଅଜବ ପ୍ରତିବାଦ । ରାଜଧାନୀ ବର୍ଲିନ୍‌ରେ ଲିଙ୍ଗଗତ ସମାନତା ଦାବି ଟପଲେସ୍ ହୋଇ ପ୍ରତିବାଦ କରିଛନ୍ତି ମହିଳା । ପ୍ରତିବାଦ ବେଳେ ମହିଳାମାନେ ବିନା କପଡ଼ାରେ ସଡ଼କ ଉପରେ ସାଇକେଲ ଚଳାଉଥିବା ଦେଖିବାକୁ ମିଳିଥିଲା । କିଛି ଦିନ ତଳେ ଜଣେ ଫରାସୀ ମହିଳା ସହରର ପାର୍କରେ ବିନା ଟପ୍‌ରେ ସନ୍ ବାଥ୍ ନେଉଥିବା ଅଭିଯୋଗରେ ତାଙ୍କୁ ପାର୍କରୁ ବାହାର କରିଦିଆଯାଇଥିଲା ଯାହାକୁ ବିରୋଧ କରି ଏଭଳି ପ୍ରତିବାଦ କରାଯାଇଛି ।

topless

ମିଳିଥିବା ସୂଚନା ଅନୁଯାୟୀ ଫରାସି ମହିଳା ନିଜର ଜଣେ ବନ୍ଧୁ ଏବଂ ୨ଜଣ ଶିଶୁଙ୍କୁ ସୁଇମିଂ ପାର୍କରେ ଖେଳିବା ପାଇଁ ନେଇଥିଲେ । ସେଠାରେ ସେ  ଟପଲେସ୍ ହୋଇ ସନ୍ ବାଥ୍ ନେଉଥିଲେ । ଏହା ଦେଖଇ ଦାୟିତ୍ୱରେ ଥିବା ଗାର୍ଡ ଜଣଙ୍କ ମହିଳାଙ୍କୁ ସ୍ତନ ଘୋଡ଼ାଇବାକୁ କହିଥିଲେ । କିନ୍ତୁ ଏଥଇରେ ରାଜି ହୋଇନଥିଲେ ମହିଳା, ଏବଂ ସେ କାହିଁକି ଏଳ କରିବେ ବୋଲି ପ୍ରଶ୍ନ କରିଥିଲେ । ତାଙ୍କ ଯୁକ୍ତି ହେଲା ଯେ, ଯଦି ପୁରୁଷମାନେ ବିନା ଟପ୍‌ରେ ବୁଲିପାରୁଛନ୍ତି ସେ କାହିଁକି ନୁହେଁ । କିନ୍ତୁ ଗାର୍ଡ ତାଙ୍କ ଯୁକ୍ତି ନଶୁଣି ତାଙ୍କୁ ପାର୍କୁ ବାହାର କରିଦେଇଥିଲେ  ।

topless

ଶନିବାର ୧୦ ଜୁଲାଇ ଦ୍ୱିପ୍ରହରରେ ବର୍ଲିନର ମେରିଏନ୍‌ପ୍ଳାଜାରେ ମହିଳାମାନେ ଅଧିକାରୀଙ୍କ ଏହି ଫଇସଲାକୁ ବିରୋଧ କରିଥିଲେ । ଏବଂ ଲିଙ୍ଗଗତ ସମାନତା ଦାବି କରିବା ସହ ଟପଲେସ୍ ହୋଇ ସରକାରଙ୍କ ନିକଟରେ ନିଜ ଦାବି ରଖିଥିଲେ । ତେବେ ବିଶେଷ କଥା ଏହା ଯେ, ସମାନତାକୁ ନେଇ କରାଯାଉଥିବା ପ୍ରଦର୍ଶନର ଡ୍ରେସକୋର୍ଡ ଥିଲା ଟପଲେସ୍ ହେବା । ଯାହାକୁ କଡ଼ାକଡ଼ି ଭାବେ ଲାଗୁ କରାଯାଇଥିଲା । ତେବେ ଏଥିରୁ କିଛି ମହିଳା ନିଜ ସ୍ତନରେ ଟାଟୁ ମଧ୍ୟ ବନାଇଥିଲେ । ତେବେ ମହିଳାଙ୍କ ଏହି ଦାବିକୁ ସମର୍ଥନ ଜଣାଇ ପ୍ରତିବାଦରେ ସାମିଲ ହୋଇଥିବା ପୁରୁଷମାନେ ବ୍ରା ପିନ୍ଧି ଏହାକୁ ସମର୍ଥନ ଜଣାଇଥିଲେ ।

topless

ରିଚାର୍ଡଙ୍କ ସହିତ ମହାକାଶକୁ ଯାଉଥିବା ସିରିଶା କିଏ ?

ନୂଆଦିଲ୍ଲୀ: ପୁରୁଡେ ୟୁନିଭସିଟିରେ ପଢ଼ିଥିବା ଭାରତୀୟ ବଂଶୋଦ୍ଭବ, ୩୪ ବର୍ଷୀୟ ଏରୋନେଟିକାଲ ଇଞ୍ଜିନିୟର ବି. ସିରିଶା ଅନ୍ତରୀକ୍ଷ ଯାତ୍ରା କରିବେ । ଏଥିସହିତ ଅନ୍ତରୀକ୍ଷକୁ ଯାଇଥିବା ଭାରତୀୟମାନଙ୍କ ମଧ୍ୟରେ ସେ ତୃତୀୟ ମହିଳା ଭାବେ ପରିଚିତ ହେବେ । ଯାହା ଭାରତ ପାଇଁ ଗର୍ବର କଥା ।

ବ୍ରିଟେନ୍ ଆରବପତି ରିଚର୍ଡ ବ୍ରିନସନ୍ କମ୍ପାନୀ ଭିର୍ଜିନ ଗାଲାଟିକ୍ ର ସ୍ପେଶ୍ ସିପ୍ ଟୁ ୟୁନିଟି ଯେତେବେଳେ ଅନ୍ତରୀକ୍ଷ ଯାତ୍ରା ଆରମ୍ଭ କରିବେ ସେତେବେଳେ ସିରିଶା ମଧ୍ୟ ସାମିଲ ହେବେ । ସିରିଶାଙ୍କ ପୂର୍ବରୁ କଳ୍ପନା ଚାଓ୍ୱଲା , ସୁନିତା ଓ୍ୱିଲିୟମସ ଏହି ଉପଲବ୍ଧି ହାସଲ କରିସାରିଛନ୍ତି । ଆନ୍ଧ୍ର ପ୍ରଦେଶ ଗୁଣ୍ଠୁରରେ ଜନ୍ମିତ ସିରିଶା ଆମେରିକାର ଟେକ୍ସାସସ୍ଥିତ ହୁଷ୍ଟନରେ ବଢ଼ିଛନ୍ତି । ଅନ୍ତରୀକ୍ଷ ଯାତ୍ରାରେ ରିଚର୍ଡ ବ୍ରେନସନ୍ ଏବଂ ପାଞ୍ଚ ଅନ୍ୟ ଲୋକ ମଧ୍ୟ ରହିବେ ।

ଏଥିସହିତ ପଢ଼ନ୍ତୁ: ଭାଜପା ରାଷ୍ଟ୍ରୀୟ ଅଧ୍ୟକ୍ଷଙ୍କୁ ଭେଟିବେ ଦିଲ୍ଲୀପ ଘୋଷ: ଦଳୀୟ ଅସ୍ତନ୍ତୋଷ ନେଇ ହୋଇପାରେ ଆଲୋଚନା

ସିରିଶା କହିଛନ୍ତି ଯେ, ମୁଁ ୟୁନିଟର କ୍ରୁ ଏବଂ ଏଭଳି କମ୍ପାନୀର ଅଂଶ ହୋଇ ଗର୍ବିତ ମନେ କରୁଛି । ଯାହାର ମିଶନ ସମସ୍ତଙ୍କୁ ଅନ୍ତରୀକ୍ଷକୁ ବୁଲାଇ ନେବା । ଭାରତରୁ ଆମେରିକାରେ ପହଞ୍ଚିବା ପରେ ହୁଷ୍ଟନରେ ନାସାର ଜନସନ୍ ସ୍ପେସ୍ ସେଣ୍ଟର ନିକଟରେ ପିଲାଦିନ କଟିଥିଲା । ଏବଂ ସେ ସର୍ବଦା ଏକ ମହାକାଶଚାରୀ ହେବାକୁ ଚାହୁଁଥିଲେ । କିନ୍ତୁ ଦୃଷ୍ଟିଶକ୍ତି କମ ଥିବା କାରଣରୁ ସେ ପାଇଲଟ୍ କିମ୍ୱା ମହାକାଶଚାରୀ ହେବା ସ୍ୱପ୍ନ ପୂରା ହୋଇପାରିନଥିଲା । ସେ ପରଡୁ ୟୁନିଭରସିଟିରୁ ଏରୋନେଟିକ ଇଞ୍ଜିନିୟରିଂ କରିଥିଲେ । ତେବେ ଏହି ଯାତ୍ରାରେ ସିରିଶାଙ୍କ ଭୂମିକା ରିସର୍ଚ୍ଚର ହେବ । ଏବଂ ସେ ମାନବୀୟ ଅନୁଭବ ସହିତ ଜଡ଼ିତ ବିଭିନ୍ନ ଦିଗକୁ ନେଇ ରିସର୍ଚ୍ଚ କରିବେ । ଆଉ ଏଥିଲାଗି ଫ୍ଳୋରିଡା ୟୁନିଭରସିଟିର ବ୍ୟବହାର କରାଯିବ ।

ଜଙ୍ଗଲ ଭିତରେ ଚାଲିଛି ମଦ ରନ୍ଧା, କେଉଁଠି ଇଟାଭାଟି ପାଖରେ ତ କେଉଁଠି ଜଙ୍ଗଲରେ

ଟିଟିଲାଗଡ:  ଜଙ୍ଗଲ ଭିତରେ ଚାଲିଛି ମଦ ରନ୍ଧା । ବେଆଇନ ଭାବରେ ଚାଲିଛି ମଦ ତିଆରି । କେଉଁଠି ଇଟା ଭାଟି ପାଖରେ ତ ଆଉ କେଉଁଠି ଘଞ୍ଚ ଜଙ୍ଗଲ ଭିତରେ ଚାଲିଛି ମଦ ତିଆରି। ପାଖରେ ବସ୍ତା ବସ୍ତା ମହୁଲ ଫୁଲ ବି ରହିଛି। ବିଭିନ୍ନ ରାସାୟନିକ ସାମଗ୍ରୀ ତଥା ମାଦକ ଦ୍ରବ୍ୟ ସହ ମହୁଲ ଫୁଲ ମିଶାଇ ତିଆରି ହେଉଛି ଦେଶୀ ମଦ। ଟିଟିଲାଗଡରୁ ଅଦି ସାମ୍ନାକୁ ଆସିଛି ଏଭଳି ଦୃଶ୍ୟ ।

ଅବକାରୀ ବିଭାଗ ଟିଟିଲାଗଡ ମାଥନପଲା ଡ୍ୟାମ ଓ ଝାରଦେବନ୍ଧ ଜଙ୍ଗଲରେ ପେଟ୍ରୋଲିଂ କରୁଥିବା ସମୟ ଦେଖିବାକୁ ପାଇଛି । ଘଟଣାସ୍ଥଳରୁ ବ୍ୟାପକ ପରିମାଣରେ ମଦ ସହ ମଦ ଉପକରଣ ଜବତ କରିଛି ଅବକାରୀ ବିଭାଗ । ତେବେ ଏହି ଘଟଣାରେ ସମ୍ପୃକ୍ତ ଜଣକୁ ବି ଧରିବାରେ ସଫଳ ହୋଇ ନାହିଁ ଅବକାରୀ ବିଭାଗ ।

ଆତଙ୍କବାଦୀ ଗିରଫ ହେବା ପରେ ଅଯୋଧ୍ୟା, କାଶୀ ସମେତ ବହୁ ରାଜନେତାଙ୍କ ସୁରକ୍ଷା ବ୍ୟବସ୍ଥା କଡ଼ାକଡ଼ା

ଲକ୍ଷ୍ନୌ: କାକୋରୀ ଅଞ୍ଚଳରେ ଘେରାବନ୍ଧୀ କରି ଅଲ୍‌ କାଏଦାର ୨ ଜଣ ଆତଙ୍କବାଦୀଙ୍କୁ ଗିରଫ କରିଛି ଏଟିଏସ୍ । ସେମାନଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ପ୍ରେସର କୁକର ବମ୍ ଏବଂ କିଛି କାଗଜପତ୍ର ମଧ୍ୟ ଜବତ କରିଛି । ଏଥିସହିତ କିଛି ମ୍ୟାପ୍ ମଧ୍ୟ ଜବତ କରିଥିବା ସୂଚନା ରହିଛି । ଆଉ ଏହାରି ଆଧାରରେ ଆତଙ୍କୀଙ୍କୁ ପଚରାଉଚରା କରିବା ସହ ତନାଘନା ଆରମ୍ଭ କରିଦେଇଛି ।

ଏଟିଏସ୍ ସୂଚନା ମୁତାବକ, ଆତଙ୍କୀ କାକୋରୀ ଅଞ୍ଚଳରେ ଏକ ବଡ଼ ଯୋଜନା କରୁଥିଲେ । ଯେଉଁ ଅଞ୍ଚଳରେ ଏଟିଏସ୍ ଚଢ଼ାଉ କରିଥିଲା ସେଠାରେ ୩ ଜଣଙ୍କ ଘର । ପ୍ରଥମ ଘର ଶାହିଦର ଓରଫ୍ ଗୁଡ୍ଡୁ ଯିଏ କି ଗତ ପାଞ୍ଚ ବର୍ଷ ହେଲା ସାଉଦି ଆରବରେ ରହି ଆସିଛନ୍ତି । ସେ ଟେଲିଗ୍ରାମ ଆପ୍ ଯୋଗେ ଆତଙ୍କୀଙ୍କ ସମ୍ପର୍କରେ ଆସିଥିବା ଜଣାପଡ଼ିଛି । ଅନ୍ୟ ଘରଟି ସିରାଜ ଏବଂ ତୃତୀୟ ଘରଟି ରିୟାଜର । ଏବଂ ୩ ଘର ମଧ୍ୟରେ ଏକ ଗୁପ୍ତ ବୈଠକ ଗୃହ ମଧ୍ୟ ରହିଛି ।

ବର୍ତ୍ତମାନ ଗୋଟିଏ କଥା ସ୍ପଷ୍ଟ ହୋଇଛି ଯେ, ୟୁପିର ଅନେକ ଜିଲ୍ଲା ସେମାନଙ୍କ ଟାର୍ଗେଟରେ ଥିଲା । ଅଯୋଧ୍ୟା ଏବଂ ମଥୁରାର ସୁରକ୍ଷା ବଢ଼ାଇ ଦିଆଯାଇଛି । ମିଳିଥିବା ସୂଚନା ମୁତାବକ ୟୁପି ଏଟିଏସ୍ ବହୁ ରାଜନେତା ମଧ୍ୟ ସେମାନଙ୍କ ଟାର୍ଗେଟରେ ଥିଲେ । ତେବେ ଏବେ ମଧ୍ୟ ଏଟିଏସ୍‌ର ଅପରେସନ୍ ଜାରି ରହିଛି ।

ଏଥିସହିତ ପଢ଼ନ୍ତୁ: ନିକୋଲା ଟେସଲା, ଓ୍ୱାୟରଲେସ୍ ଟେକ୍ନୋଲୋଜିର ସ୍ରଷ୍ଟା: ଯାହାଙ୍କୁ ପାଗଳ କହୁଥିଲେ ଲୋକେ

ଚାଷୀଙ୍କ ପାଇଁ ସବୁ ସମବାୟ ସମିତିରେ ଖୋଲିବ ହେଲ୍‌ପ ଡେସ୍କ

ଭୁବନେଶ୍ୱର: ରାଜ୍ୟରେ ଧାନ କିଣା ଅଧିକ ସରଳ ଓ ସହଜ ହେବ । ଚାଷୀଙ୍କ ସମସ୍ୟା ତୁରନ୍ତ ସମାଧାନ ହେବ । ଜୁଲାଇ ୧୫ରୁ ଅଗଷ୍ଟ ୧୬ ଯାଏଁ ଖରିଫ ଧାନ କିଣା ପାଇଁ ଚାଲିବ ଚାଷୀ ପଞ୍ଜୀକରଣ । ଯେଉଁ ଚାଷୀ ସରକାରଙ୍କୁ ଧାନ ବିକିବେ, ସେମାନେ ସମସ୍ତ ତଥ୍ୟ ସହ ଫର୍ମ ପୂରଣ କରି ସରକାରଙ୍କ ଅନଲାଇନ୍ ବ୍ୟବସ୍ଥାରେ ପଞ୍ଜୀକରଣ କରିବେ । ପଞ୍ଜୀକରଣ ପାଇଁ ଚାଷୀଙ୍କୁ ସହଯୋଗ କରିବାକୁ ସମସ୍ତ ସମବାୟ ସମିତିରେ ହେଲ୍‌ପ ଡେସ୍କ ଖୋଲିବ ବୋଲି ନିର୍ଦ୍ଦେଶ ଦେଇଛନ୍ତି ସମବାୟ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ  ।

ସେହିପରି ସବୁ ଚାଷୀଙ୍କ ତଥ୍ୟ ଆସିଲେ ସେପ୍ଟେମ୍ବର ସୁଦ୍ଧା ପ୍ରକ୍ରିୟା ସାରି ନଭେମ୍ବର ମାସରୁ ସରକାର ଧାନ କିଣିବା ଆରମ୍ଭ କରିବେ । ଜମି ମାଲିକଙ୍କ ସମ୍ମତି ଆଣି ଭାଗଚାଷୀ ମଧ୍ୟ ସରକାରଙ୍କୁ ଧାନ ବିକିପାରିବେ ।  ନିର୍ଭୁଲ ପଞ୍ଜୀକରଣ ପାଇଁ ଅଧିକାରୀମାନେ ଗୁରୁତ୍ୱ ଦେବାକୁ ସମବାୟ ମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ସେପଟେ ସବୁ ଚାଷୀ ପ୍ରକ୍ରିୟାରେ ସାମିଲ ହେବାକୁ ବିଜେଡି ବିଧାୟକ ଦେବେଶ ଆଚାର୍ଯ୍ୟ ଅନୁରୋଧ କରିଛନ୍ତି ।

ତେବେ ହେଲ୍‌ପ ଡେସ୍କ ବ୍ୟବସ୍ଥାକୁ ବିରୋଧୀ ସ୍ୱାଗତ କରିଥିଲେ ମଧ୍ୟ ଏହାର କାର୍ଯ୍ୟକାରିତା ଉପରେ ପ୍ରଶ୍ନ ଉଠାଇଛନ୍ତି । ଗତବର୍ଷ ପ୍ରାୟ୧୫ଲକ୍ଷ ଚାଷୀ ଧାନ ବିକ୍ରି ପାଇଁ ପଞ୍ଜୀକରଣ କରିଥିବା ବେଳେ ସରକାର ୫୪ଲକ୍ଷ ମେଟ୍ରିକ୍‌ ଟନ୍ ଧାନ କିଣିବାକୁ ଟାର୍ଗେଟ କରିଥିଲେ । ଏଥର ଭାଗଚାଷୀଙ୍କୁ ସୁବିଧା ମିଳିଥିବାରୁ ଚାଷୀଙ୍କ ସଂଖ୍ୟା ବଢ଼ିବା ସହ ଟାର୍ଗେଟ ୭୨ଲକ୍ଷ ମେଟ୍ରିକ୍‌ ଟନ୍ ଧାନ ହେବ ବୋଲି ଆକଳନ କରାଯାଉଛି ।

ନିକୋଲା ଟେସଲା, ଓ୍ୱାୟରଲେସ୍ ଟେକ୍ନୋଲୋଜିର ସ୍ରଷ୍ଟା: ଯାହାଙ୍କୁ ପାଗଳ କହୁଥିଲେ ଲୋକେ

ସେ ଏମିତି ଜଣେ ବୈଜ୍ଞାନିକ ଥିଲେ ଯିଏ ନିଜ ସମୟଠାରୁ ଢେର ଆଗରେ ଥିଲେ । ତାଙ୍କ ଯୁଗଠାରୁ ସେ ଥିଲେ ଢେର ଆଗରେ । ଯେତେବେଳେ ୱାୟରଲେସ୍ ଟେକ୍ନୋଲୋଜି ତା’ର ଶୈଶବ ଅବସ୍ଥାରେ ଥିଲା ସେତେବେଳେ ସେ ଏହାର ଭବିଷ୍ୟତ ଚିନ୍ତା କରିଥିଲେ । ବିଂଶ ଶତାବ୍ଦୀର ହାତଗଣତି କେଇ ଜଣଙ୍କ ମଧ୍ୟରୁ ସିଏ ଥିଲେ, ଯେଉଁମାନଙ୍କ ବିଚାର ବିଶ୍ୱକୁ ବଦଳାଇ ଦେଇଥିଲ । ସେ ଥିଲେ ନିକୋଲା ଟେସଲା

ନିକୋଲା ଯାହାଙ୍କ ପାଇଁ ଆପଣ ହାତ ପାହନ୍ତାରେ ବିଜୁଳି ପାଆନ୍ତି । ନିକୋଲା ଯିଏ ରେଡିଓର ମୁଳଦୁଆ ରଖିଥିଲେ । କିନ୍ତୁ ଦୁଃଖର କଥା ହେଉଛି ଏହି ବୈଜ୍ଞାନିକଙ୍କ ଶେଷ ଜୀବନ ଗରିବୀ ଭିତରେ କଟିଥିଲା । ଦେବାଳିଆ ହୋଇ ଜୀବନ ହାରିଥିଲେ ଏହି ମହାନ ବୈଜ୍ଞାନିକ । ତାଙ୍କ ସମୟରେ ତାଙ୍କ ବିଚାରକୁ ଉଦ୍ଭଟ, ଅସମ୍ଭବ ବୋଲି କୁହାଯାଇଥିଲା । କିନ୍ତୁ ବର୍ଷ କେଇଟା ମଧ୍ୟରେ ସେହି ଅସମ୍ଭବ ସବୁ ସମ୍ଭବ ହୋଇଥିଲା ।

ନିକୋଲା ଟେସଲାଙ୍କ ଜନ୍ମ ୧୦ ଜୁଲାଇ ୧୮୫୬ରେ କ୍ରୋଶିଆରେ ହୋଇଥିଲା । । ନିକୋଲା ଟେସଲା ଗଣିତର କଠିନରୁ କଠିନ ପ୍ରଶ୍ନର ଉତ୍ତରକୁ ନିଜ ମନରେ ହିଁ ସମାଧାନ କରିଦେଉଥିଲେ । ତାଙ୍କୁ ବହି ପଢିବା ଓ ନୂଆ ନୂଆ ଭାଷା ଶିଖିବାକୁ ବେଶ୍ ଭଲ ଲାଗୁଥିଲା । ନିଜ ପାଠପଢା ଶେଷ କରିବା ପରେ ଟେସଲା ଅନେକ ଜାଗାରେ କାମ କରିଥିଲେ । ଏମିତିକି ବୈଜ୍ଞାନିକ ଥୋମାସ ଏଡିସନଙ୍କ ସହ କାମ ମଧ୍ୟ କାମ କରିଥିଲେ ।

କେବଳ ସେତିକି ନୁହେଁ ଏଡିସନଙ୍କ ଅନେକ ଆବିଷ୍କାରରେ ଟେସଲା ତାଙ୍କୁ ସାହାର୍ଯ୍ୟ ମଧ୍ୟ କରିଛନ୍ତି । ଏଡିସନଙ୍କ ସହ କାମ କଲେ ତାଙ୍କୁ ଅନେକ କିଛି ଶିଖିବାକୁ ମିଳିବ ବୋଲି ସେ ତାଙ୍କ ନିକଟରେ ଚାକିରି ମଧ୍ୟ କଲେ । କିନ୍ତୁ ଦିନେ ଏମିତି ଏକ ଘଟଣା ଘଟିଲା ଯାହା ଟେସଲା ଓ ଏଡିସନଙ୍କ ମଝିରେ ଫାଟ ସୃଷ୍ଟି କରିଦେଲା । କୁହାଯାଏ ଏଡିସନ , ଟେସଲାଙ୍କ ବୁଦ୍ଧିକୁ ପରୀକ୍ଷା କରିବାକୁ ଯାଇ ଗୋଟିଏ ଜେନେରେଟର ଓ ମୋଟରକୁ ଭଲଭାବରେ ତିଆରି କରିବାର ଚ୍ୟାଲେଞ ଦେଲେ । ଆଉ କହିଲେ ଯଦି ସେ ଏହା ନିର୍ମାଣ କରିଦିଅନ୍ତି ତାହାଲେ ତାଙ୍କୁ ୧ହଜାର ଡୋଲାର ମିଳିବ । କିନ୍ତୁ ପରବର୍ତ୍ତୀ ସମୟରେ ଟେସଲା ସେହି ମୋଟର ବନାଇବାରେ ସଫଳ ତ ହେଲେ କିନ୍ତୁ ଏଡିସନ ନିଜ କଥାରୁ ଓହରି ଗଲେ ଓ ସେ କହିଥିବା ୧ହଜାର ଡୋଲାରର ପ୍ରତିଶୃତିକୁ ଭୁଲିଗଲେ ।

ଯେଉଁଥିପାଇଁ ଟେସଲା ଓ ଏଡିସନଙ୍କ ଭିତରେ ମତଭେଦ ହେଲା ଓ ଟେସଲା ଏଡିସନଙ୍କ ପାଖରେ ଆଉ ଚାକିରୀ କଲେ ନାହିଁ । ଏଡିସନ ଡାଇରେକ୍ଟ କରେଣ୍ଟ ଅର୍ଥାତ ଡିସିକୁ ବହୁତ ଉନ୍ନତଧରଣର ଭାବୁଥିଲେ । ଯାହା ୧୦୦ ଭୋଲ୍ଟ ପାୱାରରେ କାମ କରୁଥିଲା । କିନ୍ତୁ ତାହା ଅନ୍ୟ ଭୋଲଟେଜକୁ ବଦଳାଇବା ଖୁବ୍ ମୁସ୍କିଲ ଥିଲା । କିନ୍ତୁ ଟେସଲାଙ୍କ ମତ ଥିଲା ଯେ, ଅଲଟରନେଟିଙ୍ଗ କରେଣ୍ଟ ଅର୍ଥାତ ଏସି ,ଡିସି ଠାରୁ ଭଲ । କାରଣ ଏହାକୁ ଗୋଟିଏ ସ୍ଥାନରୁ ଅନ୍ୟସ୍ଥାନକୁ ନେବାରେ ସହଜ ହୁଏ । ପ୍ରକୃତରେ ଟେସଲା ହିଁ ଥିଲେ ଯିଏକି ଅଲଟରନେଟିଙ୍ଗ କରେଣ୍ଟ ଟ୍ରାନ୍ସମିଶନର ଉପାୟକୁ କାର୍ଯ୍ୟକାରୀ କରିଥିଲେ । ଆଜି ସାରା ଦୁନିଆରେ ଏହି ଟେକନିକକୁ ନେଇ ବିଜୁଳି ବିତରଣ କରାଯାଉଛି । ନିକୋଲା ଟେସଲାଙ୍କ ସିଦ୍ଧାନ୍ତ ଅନୁସାରେ ରେଡିଓ ତରଙ୍ଗ ଦୁନିଆର କୋଣ ଅନୁକୋଣକୁ ଯାଇପାରିବ ବୋଲି ପ୍ରମାଣିତ କରିଥିଲେ । ଯାହା ପାଇଁ ଆଜି ଇଣ୍ଟରନେଟରୁ ଆରମ୍ଭ କରି ଅନ୍ତରୀକ୍ଷ ଅନୁସନ୍ଧାନ ପର୍ଯ୍ୟନ୍ତ ଏହି ଉପାୟ କାମ ଦେଉଛି ।

ଆଜିର ୱେୟାରଲେସ ଯୁଗର ମୂଳଦୂଆ ଟେସଲାଙ୍କ ଟେକନିକ ପାଇଁ ସମ୍ଭବ ହୋଇଛି ବୋଲି କହିଲେ ବି ଅତ୍ୟୁକ୍ତି ହେବନାହିଁ । ହେଲେ ଏସବୁ ତିଆରି କରିଥିବା ବୈଜ୍ଞାନିକ ନିକୋଲାଙ୍କ ପ୍ରତିଭାକୁ ଠିକ ରୂପେ ସ୍ୱିକୃତି ମିଳିନଥିଲା । ଏଡିସନଙ୍କ ଉଦ୍ଭାବନ ସହ ନିକୋଲା ଟେସଲାଙ୍କ ଉଦ୍ଭାବନକୁ ସବୁବେଳେ ତୁଳନା କରାଯାଉଥିଲା । ଆଉ ଯେଉଁଥିରେ ଏଡିସନ ସଂମ୍ପୂର୍ଣ୍ଣ ରୂପେ ଟେସଲାଙ୍କ ଆବିଷ୍କାରକୁ ଅସ୍ୱିକାର କରୁଥିଲେ । ଅନେକ ସଂଘର୍ଷ କରିଛନ୍ତି ଟେସଲା ନିଜ ଆବିଷ୍କାରକୁ ପ୍ରମାଣିତ କରିବା ପାଇଁ । ଟେସଲା ଚାହୁଁଥିଲେ ଏମିତି ଏକ ସମୟ ଆସୁ ଯେବେ ସାରା ଦୁନିଆକୁ ମାଗଣାରେ ବିଜୁଳି ମିଳିପାରିବ । ସେଥିପାଇଁ ସେ ପ୍ରଥମ ବ୍ୟକ୍ତି ଥିଲେ ଯିଏକି ୧୮୯୫ରେ ନାଇଗ୍ରା ଫଲ୍ସରେ ପ୍ରଥମ ହାଇଡ୍ରୋଇଲେକ୍ଟ୍ରିକ ପାୱାରପ୍ଲାଣ୍ଟ ପାଇଁ ଏକ ବଡ ପ୍ରଜେକ୍ଟ କରିବାର ସ୍ୱପ୍ନ ଦେଖିଲେ ।

ଏହି ପ୍ରଜେକ୍ଟ ପାଇଁ ତାଙ୍କୁ ନିବେଶକ ମଧ୍ୟ ମିଳିଲା ହେଲେ ପରବର୍ତ୍ତୀ ସମୟରେ କୈଣସି ଷଡଯନ୍ତ୍ର କାରଣରୁ ନିବେଶକ ଏହି ପ୍ରଜେକ୍ଟରୁ ଓହରୀ ଗଲେ । ଯାହାଦ୍ୱାରା ଟେସଲାଙ୍କୁ ପ୍ରଜେକ୍ଟ ଛାଡିବାକୁ ପଡିଲା । ସେ ସମୟରେ ମାର୍କୋନୀଙ୍କର ଆବିଷ୍କାରକୁ ଲୋକେ ଅଧିକ ବିଶ୍ୱାସ କରିବସିଲେ । ଆଉ ଏହିଭଳି ସ୍ଥିତି ଆସିଗଲା ଯେ ୧୯୧୭ରେ ନିକୋଲା ଟେସଲାଙ୍କୁ ଦେବାଳିଆ ଘୋଷିତ କରିଦିଆଗଲା । ତାଙ୍କ ଆବିଷ୍କାର ସବୁ ଭୁଲ୍ ଓ ବ୍ୟବହାର ଉପଯୋଗୀ ନୁହଁ ବୋଲି କୁହାଗଲା । ସେ ଜଣେ ଦୂରଦୃଷ୍ଟି ସଂମ୍ପର୍ଣ୍ଣ ବୈଜ୍ଞାନିକରୁ ପାଗଳର ପରିଚୟ ପାଇଲେ । ୭ ଜାନୁଆରୀ ୧୯୪୩ ରେ ଟେସଲାଙ୍କର ମୃତ୍ୟୁ ହୋଇଥିଲା । ଏବଂ ତାଙ୍କ ମୃତ୍ୟୁ ପରେ ଆମେରିକାର ସୁପ୍ରିମକୋର୍ଟ ବୈଜ୍ଞାନିକଙ୍କ ମାର୍କୋନିଙ୍କର କିଛି ଉଦ୍ଭାବନର ପ୍ୟାଟେଣ୍ଟ୍ ଉପରେ ରହିତାଦେଶ ଲଗାଇ ଟେସଲାଙ୍କର ରେଡିଓ ଆବିଷ୍କାରକୁ ମାନ୍ୟତା ଦେଇଥିଲେ । କିନ୍ତୁ ଏହା ଶୁଣିବାକୁ କି ଦେଖିବାକୁ ଟେସଲା ଆଉ ଜୀବିତ ନଥିଲେ । ଆଜି ବି ତାଙ୍କର ଅନେକ ବିଚାର ଓ ଉଦ୍ଭାବନ କେବଳ ବହିରେ ହିଁ ସିମିତ ରହିଯାଇଛି । ଯାହା ପଢିଲେ ଜାଣିହୁଏ ଆଜିର ଏହି ଉନ୍ନତ ଟେକନୋଲୋଜୀର ଦୁନିଆକୁ ସେ କେତେ ପୂର୍ବରୁ କଳ୍ପନା କରିସାରିଥିଲେ ।

ଟେସଲାଙ୍କୁ ନେଇ ଆଉ ଗୋଟିଏ ରୋଚକ ତଥା ଅବିଶ୍ୱସନୀୟ କାହାଣୀ ହେଉଛି କାଳେ ସିଏ ଭୂମିକମ୍ପ ସୃଷ୍ଟିକାରି ଏକ ମେସିନ ତିଆରି କରିଥିଲେ । 1898ରେ ଟେସଲା ଏମିତି ଗୋଟିଏ ଭାଇବ୍ରେଟର ତିଆର କରିଥିଲେ ଯାହା ଦ୍ୱାରା କମ୍ପନ ସୃଷ୍ଟି ହେଉଥିଲା । ଟେସଲାଙ୍କ ଲକ୍ଷ୍ୟ ଥିଲା ଏହି କମ୍ପନକୁ ବିଦ୍ୟୁତ ଶକ୍ତିରେ ପରିଣତ କରିବା । ନ୍ୟୁୟର୍କର ଗୋଟିଏ ଅଧା ତିଆରି କୋଠାର ଲୁହା ବିମରେ ସେ ଏହି ଭାଇବ୍ରେଟରକୁ ଲଗାଇ ପରୀକ୍ଷା କରିଥିଲେ । ଭାଇବ୍ରେଟରରୁ ସୃଷ୍ଟି କମ୍ପନ ଦ୍ୱାରା ଆତଙ୍କିତ ହୋଇ ବିଲ୍ଡିରେ କାମ କରୁଥିବା ଶ୍ରମିକ ତଳକୁ ଓହ୍ଲାଇ ଆସିଥିଲେ । କୁହାଯାଏ ଯେ, ଟେସଲା ଯଦି ଭାଇବ୍ରେଟରକୁ ଆଉ ୧୦ ମିନଟ ଚଲାଇ ଥାନ୍ତେ ତେବେ ସେହି ବିଲ୍ଡିଂ ମାଟିରେ ମିଶି ଯାଇଥାନ୍ତା । ଏହି ଘଟଣା ପରେ ସେଠାକୁ ପୋଲିସ ଆସିଥିଲା । କିନ୍ତୁ ଟେସଲା ଭାଇବ୍ରେଟରକୁ ପକେଟରେ ଭର୍ତ୍ତି କରି ସେହି ଜାଗାରୁ ଚାଲି ଯାଇଥିଲେ । ୧୯୩୦ ପର୍ଯ୍ୟନ୍ତ ଟେସଲା ଏହି ଯନ୍ତ୍ର ଉପରେ କାମ କରୁଥିଲେ । ବିଦ୍ୟୁତ ଉତ୍ପାଦନ ସହିତ ଭୂକମ୍ପକୁ ଏହି ମେସିନ ରୋକି ପାରିବ ବୋଲି ଟସଲା ବିଶ୍ୱାସ କରୁଥିଲେ । କିନ୍ତୁ ତାଙ୍କ ମେସିନ ପ୍ରୋଟୋଟାଇପରୁ ଆଗକୁ ଯାଇ ପାରିନଥିଲା ।

କେମିତି ଗ୍ୟାରେଜରୁ ଜନ୍ମ ନେଇଥିବା ଗୋଟିଏ ବହି ଦୋକାନ ହେଲା ଦୁନିଆର ସବୁଠାରୁ ବଡ଼ ଅନଲାଇନ୍ ସପିଂ ସାଇଟ୍ ? ଜାଣନ୍ତୁ

ନୂଆଦିଲ୍ଲୀ: ମାଇକ୍ରୋସଫ୍ଟ, ଆପଲ ଓ ଆମାଜନ ମଧ୍ୟରେ ସମାନତା କ’ଣ ? ଉତ୍ତର ଯଦି ଖୋଜିବାରେ ଅସୁବିଧା ହେଉଛି ତେବେ ଏହାକୁ ଆଉ ଟିକିଏ ସହଜ କରିଦେଉଛି । ବିଲ ଗେଟ୍ସ,ଜେଫ୍ ବିଜୋସ ଓ ଷ୍ଟିଭ୍ ଜବସଙ୍କ ମଧ୍ୟରେ ସମାନତା କ’ଣ ? ଏହି ତିନି ଜଣ ଓ ସେମାନଙ୍କ ଦ୍ୱାରା ତିଆରି କମ୍ପାନୀଙ୍କ ଆରମ୍ଭ ବା ଜନ୍ମ ହୋଇଥିଲା ଗୋଟିଏ ଗୋଟିଏ ଗ୍ୟାରେଜରୁ । ସିଧା ଅର୍ଥରେ କହିଲେ ଗ୍ୟାରେଜରୁ ହିଁ ଆରମ୍ଭ ହୋଇଥିଲା ବିଶ୍ୱ ବିଜୟର କାହାଣୀ ।

जेफ बेजोस (Getty)
ସଫଳ ମଣିଷର କାହାଣୀ ଶୁଣିବାକୁ ଭଲଲାଗେ । ସେଥିରୁ ଅନ୍ୟମାନେ ପ୍ରେରଣା ପାଇଥାଆନ୍ତି । ଆଜି ଯିଏ ସଫଳତାର ଶୀର୍ଷରେ ପହଂଚିଛି ତା’ର ସଫଳତା ପଛର କାହାଣୀ କ’ଣ ସେ ବିଷୟରେ ବି ଜାଣିବାକୁ ସମସ୍ତେ ଚାହାନ୍ତି । ସେହିଭଳି ଜଣେ ସଫଳ ମଣିଷ ହେଉଛନ୍ତି ଜେଫ୍ ବିଜୋସ । ବିଶ୍ୱର ଏକ ନମ୍ବର ଧନୀ ଜେଫଙ୍କ ଯାତ୍ରା କିନ୍ତୁ ଆରମ୍ଭ ହୋଇଥିଲା ଗୋଟିଏ ଗ୍ୟାରେଜରୁ । ଗ୍ୟାରେଜରୁ ସେ ଆରମ୍ଭ କରିଥିଲେ ଆଜିର ଅନଲାଇନ୍ ସପିଂ ଜିଆଣ୍ଟ୍ ଆମାଜନ ।

जेफ बेजोस (Getty)
ଜେଫ୍ ବିଜୋସ ଏହି ଜୁଲାଇ ୫ ତାରିଖରୁ ଆମାଜନର ସିଇଓ ପଦବୀରୁ ସେ ଇସ୍ତଫା ଦେଇଛନ୍ତି । ଏହି ୫ ଜୁଲାଇ ତାରିଖରେ ହିଁ ସେ ଆମାଜନର ସିଇଓ ପଦବୀ କାହିଁକି ଛାଡିଲେ ଜାଣନ୍ତି । କାରଣ ସେ ୧୯୯୪ ୫ ଜୁଲାଇରେ ହିଁ ଆମାଜନର ମୂଳଦୂଆ ସ୍ଥାପନ କରିଥିଲେ । ଏହି ତାରିଖ ତାଙ୍କ ପାଇଁ ଖୁବ୍ ଖାସ୍ । ୨୭ ବର୍ଷ ପର୍ବରୁ ଏହି ତାରିଖରେ ସେ ନିଜର ଛୋଟିଆ ଗ୍ୟାରେଜରୁ ଆମାଜନ କଂମ୍ପାନୀର କାମ ଆରମ୍ଭ କରିଥିଲେ ।

Amazon प्रतीकात्मक फोटो (Getty)

ସେ କେବେ କଳ୍ପନା ବି କରିନଥିଲେ ଏହି ଛୋଟିଆ କଂମ୍ପାନୀ ଦିନେ ଦୁନିଆର ଏକ ବଡ ଅନଲାଇନ ସପିଂ ସଂସ୍ଥାର ପରିଚୟ ପାଇବ । କେବଳ ସେତିକି ନୁହେଁ ଜେଫ୍ ବିଜୋସ ନିଜେ କେବେ କଳ୍ପନା ହିଁ କରିନଥିବେ କି ନାମିଦାମୀ ଓ ଧନୀ ପ୍ରଭାବଶାଳୀଙ୍କ ଭିତରେ ତାଙ୍କ ନାଁ ପରିଚୟ ପାଇବ । ଜେଫ୍ ବେଜୋସଙ୍କ ଆମାଜନ ସ୍ୱପ୍ନ ଗ୍ୟାରେଜରୁ ଆରମ୍ଭ ହୋଇଥିଲେ ବି ଆଜି ଟପ୍ ୫ କଂମ୍ପାନୀଙ୍କ ଭିତରେ ଆମାଜନର ନାଁ ଆସେ । ଜେଫଙ୍କ କାହାଣୀ ଜାଣିଲେ ଆପଣ ବି ଭାବିବେ ଏହି ଅସମ୍ଭବକୁ ସେ କେଉଁଭଳି ସମ୍ଭବ କରିପାରିଲେ ।

river, Amazon, Forest, Nature, Landscape, Tropical Forest Wallpapers HD / Desktop and Mobile Backgrounds

ଗ୍ୟାରେଜରେ ଆମାଜନ ଆରମ୍ଭ କରିବା ସମୟରେ ଜେଫ୍ ପ୍ରଥମେ ପୁରୁଣା ବହି ଦୋକାନ ଖୋଲିବାର ଯୋଜନା କଲେ । ଆଉ ତାର ନାଁ ରଖିଲେ ଆମାଜନ । ନିଜ କମ୍ପାନୀର ନାଁ ଆମାଜନ ରଖିବା ପଛରେ ଜେଫଙ୍କ ଆଶା ଥିଲା ଯେ, ଆମେରିକା ମହାଦେଶର ସବୁଠାରୁ ବଡ଼ ନଦୀ ଆମାଜନ ଭଳି ତାଙ୍କ କମ୍ପାନୀ ବିଶ୍ୱର ସବୁଠାରୁ ବୃହତ ଅନଲାଇନ ସପିଂ ସାଇଟ୍ ହେବ ।

प्रतीकात्मक फोटो

୧୯୯୭ ବେଳକୁ ଏହି କଂମ୍ପାନୀ ୧୫୦ରୁ ଅଧିକ ଦେଶରେ ୧୫ଲକ୍ଷରୁ ଅଧିକ ଲୋକଙ୍କୁ ନିଜର ଗ୍ରାହକ ବନାଇବାରେ ସଫଳ ହୋଇଥିଲା । । ପ୍ରଥମେ କଂମ୍ପାନୀ ଅନେକ ଅସୁବିଧାର ସମ୍ମୁଖୀନ ହୋଇଛି କିନ୍ତୁ ପରବର୍ତ୍ତୀ ସମୟରେ କଂମ୍ପାନୀରେ ଲାଭ ଦ୍ୱିଗୁଣିତ ହେଇ ବଢିଚାଲିଲା । ଯଦି ଆମେ ଗତ ବର୍ଷର କଥା କହିବା ତାହାଲେ ଆମାଜନ ୨୦୨୦ରେ ୩.୮୬ ଲକ୍ଷ ମିଲିୟନ ଡଲାର ଅର୍ଥାତ ୨୮.୭୬ ଲକ୍ଷ କୋଟି ଟଙ୍କାର ରେଭିନ୍ୟୁ ମିଳିଥିଲା ଓ ସେଥିରୁ କଂମ୍ପାନୀ ୨୧,୩୩୧ ମିଲିୟନ ଡଲାର ଅର୍ଥାତ ୧.୫୮ ଲକ୍ଷ କୋଟି ଟଙ୍କାର ଲାଭ ଅର୍ଜନ କରିଥିଲା । ୨୦୧୮ ସମୟରେ ଆମାଜନର ମାର୍କେଟ କ୍ୟାପ ୧ ଟ୍ରିଲିୟନ ଡୋଲାର ପାର୍ ହୋଇଯାଇଥିଲା ।

जेफ बेजोस (Getty)

ଏହି ୨୦୧୮ରେ ହିଁ ବିଜୋସ ଫୋବ୍ସର ବିଲେନିୟର ତାଲିକାରେ ପ୍ରଥମ ନମ୍ବରରେ ସ୍ଥାନ ପାଇଥିଲେ ଓ ବିଲଗେଟ୍ସଙ୍କୁ ପଛରେ ପକାଇଦେଇଥିଲେ । ମାର୍କେଟ କ୍ୟାପର ଆକଳନରେ ଆମାଜନ -ଏପଲ, ମାଇକ୍ରୋସଫ୍ଟ ଓ ସାଉଦି ଆରମକୋ ପରେ ୪ନମ୍ବର ସ୍ଥାନରେ ରହିଛି । ଏତେ ଧନୀ ଓ ପ୍ରଭାବଶାଳୀ ବ୍ୟକ୍ତି ହୋଇ ବି ୨୩ ବର୍ଷରୁ ବେଜୋସଙ୍କର ଦରମା ସେମିତି ରହିଥିଲା । ଟଙ୍କାଏ ବି ବଢିନଥିଲା । ୧୯୯୮ରେ ତାଙ୍କୁ ୮୧,୮୪୦ ଡୋଲାର ଦରମା ମିଳୁଥିଲା ଯାହା ଆଜିଯାଏଁ ବି ସେତିକି ଥିଲା ।
ତେବେ ଆମାଜନକୁ ଏତେ ଉଚ୍ଚସ୍ତରକୁ ଆଣିବା ପରେ ଏବେ ସେ ସିଇଓ ପଦରୁ ଇସ୍ତଫା ଦେବାର କାରଣ କଣ ତାହା ଆପଣମାନେ ଭାବୁଥିବେ । ଇସ୍ତଫା ଦେବା ପରେ କହିଥିଲେ ଏବେ ସେ ତାଙ୍କର ଅନ୍ୟାନ୍ୟ କମ୍ପାନୀ ଓ ବିଜନେଓ ଉପରେ ଫକୋସ କରିବେ । ତେଣୁକରି ଏବେ ଆମାଜନର ନୂଆ ସିଇଓ ପଦବୀରେ ଏଣ୍ଡି ଜେସି ବସି ଏହାର କାଯ୍ୟଭାର ସମ୍ଭାଳିବେ । ତେବେ ଆଜି ଆପଣ ସହଜରେ ଓ ସୁବିଧାରେ ଆମାଜନକୁ ବ୍ୟବହାର କରୁଛନ୍ତି । ଯେଉଁଥିରୁ ଆପଣଙ୍କର ଆବଶ୍ୟକତା ପୁରଣ ହେଉଛି । କୋଟି କୋଟି ଲୋକ ଦୁନିଆରେ ଏଥିରୁ ଉପକୃତ ହେଉଛନ୍ତି । ତେବେ ଭାବନ୍ତୁ ଯଦି ବିଜୋସ ନିଜର କାମ ଉପରେ ବିଶ୍ୱାସ ନ ରଖିଥାନ୍ତେ ତାହାଲେ କଣ ଏସବୁ ସମ୍ଭବ ହୋଇଥାନ୍ତା । ସେହି ଦୃଢ ବିଶ୍ୱାସ ହିଁ ତାଙ୍କୁ ସଫଳତାର ଶୀର୍ଷରେ ପହଞ୍ଚିପାରିଲା ।

ପୁରୀରେ ପୋଲିସ ଡିଜି ଅଭୟଙ୍କ ସମୀକ୍ଷା, ଶୃଙ୍ଖଳିତ ରଥଯାତ୍ରାକୁ ଫୋକସ

ପୁରୀ: ଦିନକ ପରେ ଘୋଷଯାତ୍ରା  । କଟକଣାରେ ମାଉସୀ ମା ଘର ଯିବେ ମହାବାହୁ  । ବିଶ୍ୱନିୟନ୍ତାଙ୍କ ଯାତ୍ରାକୁ ଶାନ୍ତି ଶୃଙ୍ଖଳାର ସହ କରିବାକୁ ପୋଲିସ ପକ୍ଷରୁ ବ୍ୟାପକ ପ୍ରସ୍ତୁତି  । ସେପଟେ ପୁରୀରେ ପହଁଚିଛନ୍ତି ପୋଲିସ ଡିଜି ଅଭୟ  । ପହଁଚିବା ପରେ ପୁରୀ ଏସପି ଏବଂ ଅନ୍ୟାନ ବରିଷ୍ଠ ଅଧିକାରୀଙ୍କ ସହ ସମୀକ୍ଷା ବୈଠକ କରିଛନ୍ତି ଡିଜିପି  ।  ଆଜି ତିନି ରଥକୁ ଦକ୍ଷିଣ ମୋଡ଼ କରିଛନ୍ତି ଦଇତା ଓ ସେବାୟତ  । ରଥଯାତ୍ରା ସମୟରେ କେବଳ ତିନିରଥକୁ ମହାପ୍ରଭୁଙ୍କ ସେବାୟତ ମାନେ ଟାଣିବାର ଅନୁମତି ଦେଇଛନ୍ତି ପ୍ରଶାସନ  ।

ସୁରକ୍ଷାବଳୟରେ ଶ୍ରୀକ୍ଷେତ୍ର । ଘୋଷଯାତ୍ରା ପାଇଁ ପୁରୀରେ ପୋଲିସ ଛାଉଣୀ । ରାତିପାହିଲେ ବିଶ୍ବପ୍ରସିଦ୍ଧ ରଥଯାତ୍ରା । ଏହା ପୂର୍ବରୁ ଆଜି ପୁରୀରେ ସୁରକ୍ଷା ବ୍ୟବସ୍ଥାର ତଦାରଖ କରିଛନ୍ତି ପୋଲିସ ଡିଜି ଅଭୟ । ଶୃଙ୍ଖଳିତ ରଥଯାତ୍ରା ଉପରେ ଗୁରୁତ୍ବ ଦିଆଯାଉଥିବାବେଳେ ପ୍ରଶାସନକୁ ସହଯୋଗ କରିବା ପାଇଁ ପୁରୀବାସୀଙ୍କୁ ଅପିଲ୍ କରିଛନ୍ତି ଡିଜିପି । ସମସ୍ତ ପୋଲିସ କର୍ମଚାରୀ ପୂର୍ବବର୍ଷ ପରି ଉତ୍ସାହିତ ଅଛନ୍ତି । ଘୋଷଯାତ୍ରା ଓ ବାହୁଡାରେ ପୋଲିସ କର୍ମଚାରୀମାନେ ସୁରୁଖୁରରେ ନିଜର ଦାୟିତ୍ବ ନିର୍ବାହ କରିବେ ।

ଘୋଷଯାତ୍ରାକୁ ଶୃଙ୍ଖଳାର ସହ ଶେଷ କରିବା ପାଇଁ ପ୍ରଶାସନିକ ପ୍ରସ୍ତୁତି ଅନ୍ତିମ ପର୍ଯ୍ୟାୟରେ ପହଞ୍ଚିଛି । ରଥଯାତ୍ରା ବେଳେ ଶାନ୍ତିଶୃଙ୍ଖଳା ରକ୍ଷା ପାଇଁ ପୁରୀ ସହରକୁ ୧୨ଟି ଜୋନରେ ବିଭକ୍ତ କରାଯାଇଛି । ୬୫ ପ୍ଲାଟୁନ ଫୋର୍ସ ମୁତୟନ ହୋଇଛନ୍ତି । ୧୦ ଜଣ ଅତିରିକ୍ତ ଏସପି, ୨୧ଜଣ ଡିଏସପି, ୬୪ ଜଣ ଇନସପେକ୍ଟର, ୨୨୨ ଏଏସ୍ଆଇ ଏବଂ ଏସ୍ଆଇଙ୍କୁ ଦାୟିତ୍ବ ଦିଆ ଯାଇଛି । ଆଜି ରାତି ୮ଟାରୁ ମଙ୍ଗଳବାର ରାତି ୮ଟା ପର୍ଯ୍ୟନ୍ତ ପୁରୀରେ କର୍ଫ୍ୟୁ ଲାଗୁ ହେବ । ଅନ୍ୟପଟେ ସମୀକ୍ଷା ବୈଠକ ପରେ ସାମ୍ବାଦିକ ସମ୍ମିଳନୀ କରିଛନ୍ତି ଡିଜିପି  । ପୁରୀରେ ରଥଯାତ୍ରା ସମୟରେ ଶାନତି ଶୃଙ୍ଖଳା ବଜାୟ ରଖିବା ପାଇଁ ସାଧାରଣ ଲୋକଙ୍କୁ ଅପିଲ କରିଛନ୍ତି ଅଭୟ  ।

ତୃତୀୟ ଲହରର କାରଣ ହୋଇପାରେ ଲାମ୍ବାଡ଼ା ଓ ଡେଲଟା ପ୍ଲସ୍ ଭେରିୟଣ୍ଟ

ଭୁବନେଶ୍ୱର: ତୃତୀୟ ଲହରର କାରଣ ହୋଇପାରେ ଲାମ୍ବାଡ଼ା ଓ ଡେଲଟା ପ୍ଲସ୍ ଭେରିୟଣ୍ଟ । ଏହା ଉପରେ ସରକାରଙ୍କୁ ସତର୍କ ଦୃଷ୍ଟି ରଖିବାକୁ ପଡ଼ିବ । ତ୍ରିପୁରାରେ 90 ପ୍ରତିଶତ ଡେଲଟା ପ୍ଲସ୍ ଭେରିୟଣ୍ଟ ଚିହ୍ନଟ ହେଇଛନ୍ତି । ବର୍ତ୍ତମାନ ସେଠି ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଉଛି । ଯେହେତୁ ଗୋଟିଏ ରାଜ୍ୟରେ ବଢୁଛି ତେଣୁ ଅନ୍ୟ ରାଜ୍ୟକୁ ଏହା ବ୍ୟାପିବାର ଯଥେଷ୍ଟ ସମ୍ଭାବନା ରହିଛି । ସେଥିପାଇଁ କୋଭିଡ ଗାଇଡ଼ ଲାଇନ କଡାକଡି ଭାବେ ଅନୁପାଳନ କରିବାର ଆବଶ୍ୟକ ରହିଛି ।

କଟକ, ଖୋର୍ଦ୍ଧା, ଯାଜପୁର, ମୟୁରଭଞ୍ଜ, ପୁରୀ ଭଳି ଜିଲ୍ଲାରେ ସଂକ୍ରମଣ କମୁନାହିଁ । ଏଠି ଅନଲକ ପ୍ରକ୍ରିୟା ଜାରି ରହିବା ସହ କୋଭିଡ ନିୟମକୁ କଡାକଡି ଲାଗୁ କରାଯିବା ଦରକାର । ଲାମ୍ବାଡ଼ା ଭେରିୟଣ୍ଟ ଦକ୍ଷିଣ ଆମେରିକାର ଚିଲିରେ ଅଧିକ ଚିହ୍ନଟ ହୋଇଥିଲେ । ମାତ୍ର ଏହି ଭେରିୟଣ୍ଟ ଦ୍ୱାରା ପେରୁ ଅଧିକ ମୃତ୍ୟୁ ହୋଇଛି । ଗତବର୍ଷ ସେପ୍ଟେମ୍ବରରେ ଏହା ଦେଖା ଯାଇଥିଲେ ।

ଏହା ଉପରେ ବର୍ତ୍ତମାନ ବିସ୍ତୃତ ଅନୁଧ୍ୟାନ ହୋଇ ନାହିଁ । ଯେହେତୁ ବର୍ତ୍ତମାନ ୟୁକେରେ ଏହା ଦେଖା ଗଲାଣି ଆଉ ୟୁକେରୁ ଭାରତକୁ ଅଧିକ ଲୋକ ଯାତାୟାତ କରୁଛନ୍ତି । ତେଣୁ ଏହା ଉପରେ ସତର୍କ ଦୃଷ୍ଟି ରଖିବା ସମୟର ଆହ୍ୱାନ । ବିଶ୍ୱ ସ୍ୱାସ୍ଥ୍ୟ ସଂଗଠନ ଏହାକୁ ଭେରିୟଣ୍ଟ ଆଫ ଇଣ୍ଟରେଷ୍ଟ କହିଛି ମାତ୍ର ଭେରିୟଣ୍ଟ ଆଫ କନସନ କହି ନାହିଁ ।
ସ୍ୱାସ୍ଥ୍ୟ ବିଶେଷଜ୍ଞ ନିରୋଜ ମିଶ୍ରଙ୍କ ପ୍ରତିକ୍ରିୟା

ଉପଭୋକ୍ତା ଫୋରମ୍‌ର ରାୟ: ଗନ୍ଧ ଦ୍ୱାରା ପ୍ରମାଣିତ ହୁଏନି ମଦୁଆ, ବୀମା ରାଶି ପଇଠ କରିବାକୁ ନିର୍ଦ୍ଦେଶ

ଚଣ୍ଡିଗଡ଼: ମଦ ଗନ୍ଧ ଆସିବା ଦ୍ୱାରା ଏହା ପ୍ରମାଣିତ ହୁଏନି ଯେ, ବ୍ୟକ୍ତି ଜଣଙ୍କ ମଦ ପିଇଛନ୍ତି । ଏହା ଦ୍ୱାରା ଏହା ଅନୁମାନ କରାଯାଇପାରିବ ନାହିଁ ଯେ, ବ୍ୟକ୍ତି ଜଣଙ୍କ ନିଜ ଆୟତ୍ତରେ ନାହାନ୍ତି, ସେ ଗାଡ଼ି ଚଳାଇବାକୁ ଅସମର୍ଥ । ଏହା କହିବା ସହ ପଞ୍ଜାବର ଉପଭୋକ୍ତା ଫୋରମ୍ କାର ଦୁର୍ଘଟଣା ମାମଲାରେ ଜଣେ ପୀଡ଼ିତକୁ ବୀମା ବାବଦକୁ ୧.୮୪ ଲକ୍ଷ ଟଙ୍କା ଦେବାକୁ ନିର୍ଦ୍ଦେଶ ଦେଇଛନ୍ତି ।

ଅଭିଯୋଗକାରୀ ରଞ୍ଜନ ଦୀପ ସିଂହ କହିଛନ୍ତି ଯେ, ୩୧ ମଇ ୨୦୧୮ ଠାରୁ ୩୦ ମଇ ୨୦୧୯ ମଧ୍ୟରେ ୮ଲକ୍ଷ ଟଙ୍କାର ଆଇଡିବି ନେଇ ଓରିଏଣ୍ଟାଲ ଇନ୍ସ୍ୟୁରାନ୍ସ କମ୍ପାନୀରେ ଗାଡ଼ିର ବୀମା କରାଇଥିଲେ । ୨୦୧୯ ଫେବୃଆାରୀ ପହିଲାରେ ମଧ୍ୟ ରାତ୍ରିରେ ଅନ୍ଧାର ଯୋଗୁଁ ସେକ୍ଟର ୩୪/୩୫ ନିକଟରେ ତାଙ୍କ ଦୁର୍ଘଟଣା ହୋଇଥିଲା । ତାଙ୍କୁ ଚିକିତ୍ସା ନେଇ ସରକାରୀ ହସ୍ପିଟାଲ ନିଆଗଲା । ସେ ୩ ଫେବୃଆରୀ ଯାଏଁ ସେଠାରେ ଚିକିତ୍ସିତ ହେଲେ । ତାଙ୍କ କାର୍ ବୀମା କ୍ୟାସଲେସ୍ ଥିଲା ଏଣୁ ୧୦ ହଜାର ଟଙ୍କା ଜମା କରି କାର୍ ନେଇଯାଇଥିଲେ ।

୧୪ ମାର୍ଚ୍ଚ ୨୦୧୯ରେ ଅଭିଯୋଗକାରୀ ରାଜନଙ୍କୁ ହୁଣ୍ଡାଇ ଡିଲରସିପ୍‌ଠାରୁ ୧ଲକ୍ଷ ୬୧ ହଜାର ୧୭୮ ଟଙ୍କା ପଇଠ କରିବାକୁ କଲ୍ ଆସିଲା । ସେମାନେ କହିଲେ ଯେ,ବୀମା କମ୍ପାନୀ ମରାମତି ବାବଦକୁ ହୋଇଥିବା ଟଙ୍କା ପଇଠ କରିବାକୁ ମନା କରିଦେଲେ । ଏଣୁ ତାଙ୍କୁ ୧ ଲକ୍ଷ ୬୧ ହଜାର ୧୭୮ କୋଟି ଟଙ୍କା ପଇଠ କରିବାକୁ ପଡ଼ିବ ।  ୨୨ମଇ ୨୦୧୯ରେ ତାଙ୍କୁ ଲେଟର ମିଳିଥିଲା ଯେଉଁଥିରେ କୁହାଯାଇଥିଲା ଯେ, ତାଙ୍କ ବୀମା କ୍ଳେମ୍ ଖାରିଜ କରାଗଲା, କାହିଁକି ନା ସେ ମଦ ପିଇ ଅବା ଡ୍ରଗ୍ସ ସେବନ କରି ଗାଡ଼ି ଚଳାଉଥିଲେ ।

ଏଥିସହିତ ପଢ଼ନ୍ତୁ: ଭାଜପା ରାଷ୍ଟ୍ରୀୟ ଅଧ୍ୟକ୍ଷଙ୍କୁ ଭେଟିବେ ଦିଲ୍ଲୀପ ଘୋଷ: ଦଳୀୟ ଅସ୍ତନ୍ତୋଷ ନେଇ ହୋଇପାରେ ଆଲୋଚନା

ଯୁକ୍ତି ଶୁଣିବା ପରେ ଆୟୋଗ କହିଛନ୍ତି ଯେ, ବୀମା କମ୍ପାନୀ ଅଭିଯୋଗକାରୀଙ୍କ ମେଡିକାଲ ଯାଞ୍ଚ ରିପୋର୍ଟ ଭାବେ କୌଣସି ଠୋସ୍ କିମ୍ୱା ବିଶ୍ୱସନୀୟ ପ୍ରମାଣ ମିଳିନାହିଁ । ଯାହା ଦ୍ୱାରା କି ସେ ମଦ ପିଇ ଗାଡ଼ି ଚଳାଉଥିବା ସମୟରେ ସେ ମଦ ନିଶାରେ ଚୂର ଥିଲେ, ଏଣୁ ସେ ନିଜ ଆୟତ୍ତରେ ନଥିଲେ ଏବଂ ଗାଡ଼ି ଚଳାଇବାକୁ ଅସମର୍ଥ ଥିଲେ । ଆୟୋଗ ପକ୍ଷରୁ କୁହାଯାଇଛି ଯେ, ମଦର ମାତ୍ରା ଜାଣିବା ନେଇ  ରକ୍ତ ପରୀକ୍ଷା  ନ କରି ଅଭିଯୋଗକାରୀଙ୍କ ପଟୁ ଆସୁଥିବା କେବଳ କିଛି ଦୁର୍ଗନ୍ଧ ଆଧାରରେ ଏଭଳି କୌଣସି ସିର୍ଦ୍ଧାନ୍ତରେ ପହଞ୍ଚି ହେବନାହିଁ ।