spot_img

Latest Posts

ଭୁବନେଶ୍ୱରରେ ପ୍ରେମ ବିବାଦରୁ ଅଘଟଣ, ଏମ୍ସରେ ଆଖି ବୁଜିଲେ ୨୧ ବର୍ଷୀୟା ଯୁବତୀ

ନନ୍ଦିଘୋଷ ବ୍ୟୁରୋ: ପ୍ରେମ ପାଇଁ ତୁମୁଳକାଣ୍ଡ ପରେ ଜୀବନ ହାରିଲେ ଯୁବତୀ । ପ୍ରଥମେ ବ୍ରେକ ଅପ୍ ଓ ପରେ ଝଗଡାକୁ ନେଇ ନିଜ ଦେହରେ ନିଜେ ଲଗାଇଥିଲେ ନିଆଁ । ମଙ୍ଗଳବାର ରାତିରେ ବୟଫ୍ରେଣ୍ଡଙ୍କ ସମ୍ମୁଖରେ ଜଳିଯାଇଥିଲେ ୨୧ ବର୍ଷୀୟା ଯୁବତୀ ଜଣଙ୍କ । ଇନ୍ଫୋସିଟି ଥାନା ଅନ୍ତର୍ଗତ ପଥରଗାଡ଼ିଆର ଏକ କ୍ୟାଫେ ସମ୍ମୁଖରେ ଘଟିଥିଲା ଅଭାବନୀୟ ଘଟଣା । ସେପଟେ ବୟଫ୍ରେଣ୍ଡ କୁ କ୍ରାଇମ ସ୍ପଟରୁ କାବୁ କରିଥିଲା କମିଶନରେଟ ପୋଲିସ । ଘଟଣା ଘଟିବା ପରେ ଭୁବନେଶ୍ୱର ଡିସିପି, ସାଇଣ୍ଟିଫିକ ଟିମ ସେଠାରେ ପହଁଚି ଚଳାଇଥିଲେ ସର୍ଜମିନ ଯାଞ୍ଚ ।

ଇନ୍ଫୋସିଟି ଥାନା ପୋଲିସ ସ୍ଥାନୀୟ ଲୋକଙ୍କୁ ପଚରାଉଚରା ସହ କରିଥିଲା ସିସିଟିଭି ଯାଞ୍ଚ । ଘଟଣା ଘଟିବା ବେଳେ ଶରୀରର ୯୦ ପ୍ରତିଶତ ଜଳିଯାଇଥିବା ବେଳେ ପ୍ରଥମେ ଚିକିତ୍ସା ପାଇଁ ଯୁବତୀ ଜଣଙ୍କୁ କ୍ୟାପିଟାଲ ହସ୍ପିଟାଲ ଓ ପରେ ଏମ୍ସ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ମୃତ୍ୟୁ ଘଟିଛି । ମୃତ ଯୁବତୀଙ୍କ ଘର ଯାଜପୁରରେ ହୋଇଥିବା ବେଳେ ସେ ନୟାପଲ୍ଲୀ ଅଞ୍ଚଳରେ ଥିବା ଏକ ନର୍ସିଂ ଇନଷ୍ଟିଚ୍ୟୁଟ ରେ କମ୍ପ୍ୟୁଟର ଅପରେଟର ଭାବେ କାମ କରୁଥିଲେ । ଏହା ପୂର୍ବରୁ ସେ ଅନୁଗୁଳ ରେ ଚାକିରୀ କରୁଥିବା ବେଳେ ଜଣେ ଯୁବକ ସହ ତାଙ୍କର ପ୍ରେମ ସମ୍ପର୍କ ଗଢି ଉଠିଥିଲା । ତେବେ ଝିଅର ମୃତ୍ୟୁ ଖବର ପାଇବା ପରେ ପରିବାର ସଦସ୍ୟଙ୍କ ମଧ୍ୟରେ ଶୋକର ଛାୟା ଖେଳିଯାଇଛି ।

Latest Posts

Don't Miss