spot_img

Latest Posts

ସୁବର୍ଣ୍ଣପୁର ସହରରେ ଅଳିଆ ଅବ୍ୟବସ୍ଥା, ପୌର ପ୍ରଶାସନକୁ ଘେରିଲେ ଲୋକେ

ନନ୍ଦିଘୋଷ ବ୍ୟୁରୋ:  ଯୁଆଡ଼େ ଦେଖିବେ କୁଢ଼ କୁଢ଼ ଅଳିଆ ଆବର୍ଜନା । ଦୁର୍ଗନ୍ଧରେ ଫାଟି ପଡୁଛି ରାସ୍ତା । ଏ ହେଉଛି ସୁବର୍ଣ୍ଣପୁର ଜିଲ୍ଲା ମୁଖ୍ୟାଳୟକୁ ମୁଖ୍ୟ ପ୍ରବେଶ ଦ୍ୱାରର ଦୃଶ୍ୟ । ସୁସଜ୍ଜିତ ତୋରଣ, ତୋରଣ ପରେ ରାସ୍ତା କଡ଼ରେ ପାହାଡ ଭଳି ଗଦା ହୋଇଛି ଅଳିଆ । କେବଳ ଏହି ବୁଢ଼ାରାଜା ଅଞ୍ଚଳରେ ନୁହେଁ ସହରର ବିଭିନ୍ନ ସ୍ଥାନରେ ପଡିଛି କୁଢ଼ କୁଢ଼ ଅଳିଆ । ସୋନପୁର ପୌର ପ୍ରଶାସନର ଅପାରଗତା ଯୋଗୁଁ ସଫା ହେଉନି ଅଳିଆ । ଯିଏ ଯେଉଁଠି ପାରିଲେ ପକାଇ ଚାଲିଛନ୍ତି ଅଳିଆ ଆବର୍ଜନା । ଏନେଇ ଅସନ୍ତୋଷ ବ୍ୟକ୍ତ କରିଛନ୍ତି ସ୍ଥାନୀୟ ବାସିନ୍ଦା ।

ସ୍ବଚ୍ଛ ସୁନ୍ଦର ଆମ ସୁବର୍ଣ୍ଣପୁର ନାରାର ଯଥାର୍ଥତାକୁ ଭୁଲି ଯାଇଛି ପୌର ପରିଷଦ । ସ୍ୱଚ୍ଛତା ଠୁ ବହୁ ଦୂରରେ ସହର । ସହରର ମଇଳା ନେଇ ଦିନକୁ ଗୋଟିଏ ଡମ୍ପିଙ୍ଗ ୟାର୍ଡ ସୃଷ୍ଟି କରୁଛି । ଲକ୍ଷାଧିକ ଟଙ୍କାରେ ନିର୍ମିତ MCC MRF ର କାର୍ଯ୍ୟ କଣ, ବୋଲି ପ୍ରଶ୍ନ କରିଛନ୍ତି ସହରବାସୀ । ତେବେ ତୁରନ୍ତ ଅଳିଆ ଉଠାଇ ସହରକୁ ସଫା କରିବାକୁ ଦାବି କରିଛନ୍ତି ସ୍ଥାନୀୟ ବାସିନ୍ଦା । ଅନ୍ୟପଟେ, ଆମେ ଘରକୁ ଘର ଯାଇ ମଇଳା ସଂଗ୍ରହ ସହ ଉପଯୁକ୍ତ ସ୍ଥାନରେ ପକାଉଛୁ। ଲୋକମାନେ ରାସ୍ତା କଡ଼ରେ ମଇଳା ପକାଉଛନ୍ତି ବୋଲି କହିଛନ୍ତି ନିର୍ବାହୀ ଅଧିକାରୀ ।

Latest Posts

Don't Miss