spot_img
Home Blog Page 5579

ରାଜ୍ୟରେ ଟିକା ସଂକଟ: ୧୧ ଜିଲ୍ଲାରେ ଟିକାକରଣ ବନ୍ଦ

ଭୁବନେଶ୍ୱର: ରାଜ୍ୟର ୧୧ ଜିଲ୍ଲାରେ ବନ୍ଦ ରହିଛି ଟିକାକରଣ । କେନ୍ଦ୍ର ଆବଶ୍ୟକୀୟ ଟିକା ଦେଉନଥିବାରୁ ଦିନକୁ ଦିନ ଜଟିଳ ହେଉଛି ଟିକା ସଂକଟ ।  ଆଜି ବଲାଙ୍ଗିର, ବାଲେଶ୍ୱର, ଦେବଗଡ଼, ଗଜପତି, କଳାହାଣ୍ଡି, କେନ୍ଦ୍ରାପଡ଼ାରେ ବନ୍ଦ ରହିଛି ଟିକାକରଣ  । ସେହିଭଳି କୋରାପୁଟ, ମାଲକାନଗିରି, ମୟୂରଭଞ୍ଜ, ନବରଙ୍ଗପୁର ଓ ନୂଆପଡ଼ାରେ ବନ୍ଦ ରହିବ ଟିକାକରଣ  । ଆସନ୍ତା ୧୫ରେ କେନ୍ଦ୍ର ସରକାର କୋଭିସିଲଡ ଟିକା ପଠାଇବେ । ତେଣୁ ସେ ପର୍ଯ୍ୟନ୍ତ ରାଜ୍ୟରେ ଟିକାକରଣ ବାଧାପ୍ରାପ୍ତ ହେବ  । ୧୫ ତାରିଖ ପରେ ଟିକାକରଣରେ ସାମିଲ ହେବେ ଗର୍ଭବତୀ । ଏନେଇ ସ୍ୱତନ୍ତ୍ର ଗାଇଡ୍‌ଲାଇନ ପ୍ରସ୍ତୁତ କରିଛି ସ୍ୱାସ୍ଥ୍ୟ ବିଭାଗ ।

ଏଥିସହିତ ପଢ଼ନ୍ତୁ: ମୁଖ୍ୟମନ୍ତ୍ରୀଙ୍କ ପରେ ଅଲିମ୍ପିକ୍ସରେ ଭାଗ ନେବାକୁ ଥିବା ଖେଳାଳିଙ୍କ ସହ ଆଲୋଚନା କଲେ ପ୍ରଧାନମନ୍ତ୍ରୀ

ବନପାଳଙ୍କ ଅଫିସରେ ମଦ୍ୟପ ଯୁବକଙ୍କ ଉନ୍ମତ୍ତ କାଣ୍ଡ: ଠେଙ୍ଗାରେ ପିଟିଲେ, ମୁଣ୍ଡ ଫଟାଇଲେ

କାମାକ୍ଷାନଗର: ବନପାଳଙ୍କ ଅଫିସରେ ପସି ମଦ୍ୟପ ଯୁବକଙ୍କ ଉନ୍ମତ୍ତ କାଣ୍ଡ । କାମାକ୍ଷାନଗର ପଶ୍ଚିମାଞ୍ଚଳ ରେଞ୍ଜ ମୁକ୍ତାପଶି ବନପାଳଙ୍କ କାର୍ଯ୍ୟାଳୟ ଭିତରେ ପଶି ବନପାଳଙ୍କୁ ମାଡ଼ ମାରିଛନ୍ତି ଜଣେ ଯୁବକ । ନିଶାଶକ୍ତ ଅବସ୍ଥାରେ ଥିବା ଯୁବକ ଜଣଙ୍କ ବନପାଳଙ୍କୁ ଠେଙ୍ଗାରେ ମାଡ଼ ମାରି ଲହୁଲୁହାଣ କରିଛନ୍ତି । ଦ୍ବିପ୍ରହରରେ ବନପାଳ ଚନ୍ଦ୍ରଶେଖର ବେହେରା ଖାଉଥିବା ବେଳେ ପଦ୍ମପୋଖରୀ ଗାଁର ପିଙ୍ଗୁ ପରିଡ଼ା ତାଙ୍କୁ ମରଣାନ୍ତକ ଆକ୍ରମଣ କରିଥିଲେ ।

ଯୁବକଙ୍କ ଆକ୍ରମଣରେ ବନପାଳଙ୍କ ମୁଣ୍ଡରେ ଗଭୀର ଆଘାତ ଲାଗିଥିବା ବେଳେ ପ୍ରବଳ ରକ୍ତସ୍ରାବ ହୋଇଥିଲା । ଚିତ୍କାର ଶୁଣି ଅନ୍ୟ ବନ କର୍ମଚାରୀମାନେ ଘଟଣା ସ୍ଥଳରେ ପହଞ୍ଚି ମଦ୍ୟପ ଯୁବକଙ୍କୁ କାବୁ କରି ପୋଲିସ ଜିମା ଦେଇଥିଲେ । ହାତୀ ସ୍କ୍ବାଡର ଜଣେ ସଦସ୍ୟଙ୍କ କଥାରେ ସେ ବନପାଳଙ୍କୁ ମାରିଥିବା ପିଙ୍କୁ କହିଥିବା ବେଳେ କାମାକ୍ଷାନଗର ପୋଲିସ ଘଟଣାର ତଦନ୍ତ ଜାରି ରଖିଛି ।

ପୁଣି ଟି-ସାର୍ଟରେ ନବୀନ, ବିନ୍ଦାସ ମୁଡ଼ରେ ବୈଠକ

ଭୁବନେଶ୍ୱର: ପୁଣି ପରଦାରେ ଫିଟନେସ ନବୀନ  । ଦୀର୍ଘ ଦୁଇ ବର୍ଷପରେ ଟି ସାର୍ଟରେ ନଜର ଆସିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  । ଫଟୋରେ ତାଙ୍କ ସହ ବ୍ୟକ୍ତିଗତ ସଚିବ ଭି. କାର୍ତ୍ତିକେୟ ପାଣ୍ଡିୟାନ ପାଖରେ ରହିଥିବାବେଳେ ମୁଖ୍ୟମନ୍ତ୍ରୀ ବେଶ ଖୁସି ଥିବା ନଜର ଆସିଛନ୍ତି  । ନବୀନ ନିବାସରେ ମୁଖ୍ୟମନ୍ତ୍ରୀ ରାଜ୍ୟର ଅନେକ ପ୍ରସଙ୍ଗକୁ ନେଇ ମନ୍ତ୍ରୀ ମାନଙ୍କ ସହ ଆଲୋଚନା କରିଥିବା ଜଣାପଡିଛି  । ଭିସି ଯୋଗେ ଏହି ବୈଠକ ଆହୁତ ହୋଇଥିବାବେଳେ ଫଟୋରେ ମୁଖ୍ୟମନ୍ତ୍ରୀ ଖୁବ ସାଧାରଣ ଭାବେ ଆଲୋଚନା କରୁଥିବା ନଜର ଆସିଛନ୍ତି  ।

୨୦୧୯ ମସିହାରେ ପ୍ରଥମ ଥର ପାଇଁ ମୁଖ୍ୟମନ୍ତ୍ରୀ ଟି ସାର୍ଟ ଏବଂ ପ୍ୟାଣ୍ଟରେ ନଜର ଆସିଥିଲେ  । ଧଳା ପାଇଜାମାରେ ସର୍ବଦା ଦୃଶ୍ୟମାନ ହେଉଥିବା ନବୀନ ଫିଟନେସର ପଚିଚୟ ଦେଇଥିଲେ  । ପ୍ରାତଃ ଭ୍ରମଣ ଠାରୁ ଆରମ୍ଭ କରି କିପରି ଜିମରେ ସମୟ ଅତିବାହିତ କରନ୍ତି ତାହା ଦେଖିବାକୁ ମିଳିଥିଲା  । ଠିକ ଦୁଇବର୍ଷ ତଳେ କଳା ରଙ୍ଗର ଏକ ଟି ସାର୍ଟ ଏବଂ ପ୍ୟାଣ୍ଟ ପରିଧାନରେ ମୁଖ୍ୟମନ୍ତ୍ରୀ ପରଦାରେ ଆସିଥିଲେ  ।

ଆଜି ପୁନର୍ବାର ଏକ ଫଟୋରେ ନବୀନ ନଜର ଆସିଛନ୍ତି  । ମନ୍ତ୍ରୀ ମାନଙ୍କ ସହ ଆଲୋଚନା କରିଛନ୍ତି କିନ୍ତୁ ଅତି ସାଧାରଣ ବ୍ୟକ୍ତିତ୍ୱର ପରିଚୟ ପ୍ରଦାନ କରିଛନ୍ତି  । ପାଖରେ ବ୍ୟକ୍ତିଗତ ସଚିବ ଭି କାର୍ତ୍ତିକେୟ ପାଣ୍ଡିୟନ ମଧ୍ୟ ଉପସ୍ଥିତ ରହିଛନ୍ତି  । ସେପଟେ ମୁଖ୍ୟମନ୍ତ୍ରୀ କେଉଁ ମନ୍ତ୍ରୀମାନଙ୍କ ସହ ଆଲୋଚନା କରିଛନ୍ତି ଏବଂ କେଉଁ ପ୍ରସଙ୍ଗରେ ଆଲୋଚନା କରିଛନ୍ତି ତାହା ଜଣାପଡ଼ି ନାହିଁ  ।

ଜନ୍ମବେଦୀକୁ ବିଜେ ହେଲେ ଚତୁର୍ଦ୍ଧା ମୂରତି, ଭକ୍ତଶୂନ୍ୟ ଶରଧାବାଲି

ପୁରୀ: ଜନ୍ମବେଦୀକୁ ବିଜେ ହେଲେ ଚତୁର୍ଦ୍ଧା ମୂରତି । ସମସ୍ତ ରୀତିନୀତି ଅନୁସାରେ ପ୍ରଥମେ ଆଡ଼ପ ମଣ୍ଡପକୁ ଆସିଥିଲେ ଚକ୍ରରାଜ ଶ୍ରୀସୁଦର୍ଶନ । ପରେ ବଡ଼ଠାକୁର ବଳଭଦ୍ର ଓ ଦେବୀ ସୁଭଦ୍ରା ଆଡ଼ପ ମଣ୍ଡପରେ ବିଜେ କରିଥିଲେ । ଏହା ପରେ ଗୋଟି ପହଣ୍ଡିରେ ବିଜେ କରିଥିଲେ ପ୍ରଭୁ ଶ୍ରୀଜଗନ୍ନାଥ । ରଥରୁ ଆଡ଼ପ ମଣ୍ଡପକୁ ଶ୍ରୀଜିଉଙ୍କୁ ବିଜେ କରାଯାଇଛି ।

ଭକ୍ତଶୂନ୍ୟ ଥିଲା ଶରଧାବାଲି । ଯେମିତି ଭକ୍ତଙ୍କୁ ଖୋଜୁଥିଲେ ରଥାରୂଢ଼ ଭାବଗ୍ରାହୀ। ରଥ ଉପରେ ଶ୍ରୀଜିଉଙ୍କ ସମସ୍ତ ନୀତିକାନ୍ତି କରାଯାଇଥିଲା । ଅପରାହ୍ନରେ ଆରମ୍ଭ ହୋଇଥିଲା ଜନ୍ମବେଦୀ – ଶ୍ରୀଗୁଣ୍ଡିଚା ମନ୍ଦିରର ଆଡ଼ପମଣ୍ଡପକୁ ବିଜେ ନୀତି। ଆସନ୍ତାକାଲିଠାରୁ ଆଡ଼ପ ଅବଢ଼ା ବାହାରିବ । ଶ୍ରୀଗୁଣ୍ଡିଚା ମନ୍ଦିର ପାଖ ନୃସିଂହ ମନ୍ଦିର ଓ ବସ୍‌ଷ୍ଟାଣ୍ଡରେ ଆଡ଼ପ ଅବଢ଼ା ବିକ୍ରି ପାଇଁ ନିଯୋଗ ଓ ପ୍ରଶାସନ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି ।

ହକି ଲିଜେଣ୍ଟ ଦିଲ୍ଲୀପ ତିର୍କିଙ୍କ ପୁଅ କ୍ରିକେଟ୍ ଫ୍ୟାନ୍

ନନ୍ଦିଘୋଷ ବ୍ୟୁରୋ: ହକି ଲିଜେଣ୍ଟ ଦିଲ୍ଲୀପ ତିର୍କିଙ୍କ ପୁଅ କ୍ରିକେଟ୍ ଫ୍ୟାନ୍। ବାପା ହକି ଷ୍ଟିକ୍ ଧରୁଥିବା ବେଳେ ପୁଅ ଜୟସ ଧରୁଛନ୍ତି କ୍ରିକେଟ୍ ବ୍ୟାଟ୍ । ବାପା ଦିଲ୍ଲିପ ତିର୍କିଙ୍କ ଫ୍ୟନ୍ ସାରା ବିଶ୍ୱ ଥିବା ବେଳେ ପୁଅ ଜୟସ କିନ୍ତୁ କ୍ରିକେଟ୍ କିମ୍ବଦନ୍ତୀ ସଚିନ ତେନ୍ଦୁଲକର,ଧୋନୀ ଓ ବିରାଟ କୋହଲିଙ୍କ ଫ୍ୟାନ । ସେପଟେ ମହାନ ହକି ଖେଳାଳି ଦିଲ୍ଲୀପଙ୍କୁ, ପୁଅର ପାସନ ଓ ଖୁସି ଏବେ ଦିନର ଦୁଇ ବେଳା କ୍ରିକେଟ ପଡିଆକୁ ଟାଣି ନେଉଛି । ହକି ଲିଜେଣ୍ଟ ଦିଲ୍ଲୀପ ତିର୍କିଙ୍କ ପୁଅ ଏବେ କ୍ରିକେଟ୍ ଫ୍ୟାନ୍। ବାପା ଦିଲ୍ଲୀପ ତିର୍କି ଆକର୍ଷଣୀୟ ହକି ଖେଳି ସାରା ବିଶ୍ୱର ଜଣେ ଲୋକପ୍ରିୟ ହକି ଖେଳାଳି ଭାବ ପରଚୟ ସୃଷ୍ଟିକରିଥିବା ବେଳେ ପୁଅ କିନ୍ତୁ ଧରିଛନ୍ତି କ୍ରିକେଟ୍ ବ୍ୟାଟ୍ ।

ସେପଟେ ବାପା ଦିଲ୍ଲିପ ତିର୍କିଙ୍କ ଫ୍ୟନ୍ ସାରା ବିଶ୍ୱ ଥିବା ବେଳେ ପଅ କିନ୍ତୁ କ୍ରିକେଟ୍ କିମ୍ବଦନ୍ତୀ ସଚିନ ତେନ୍ଦୁଲକରଙ୍କ ପ୍ୟାନ୍। ସଚିନଙ୍କ ବ୍ୟତିତ ଧୋନୀ ଓ ବିରଟ କୋହଲିଙ୍କ ବ୍ୟାଟିଂ ମଧ୍ୟ ତାଙ୍କୁ ବେଶ୍ ପ୍ରଭାବିତ କରିଥିବ କହିଛନ୍ତି କୁନି କ୍ରିକେଟର ତଥା ଦିଲ୍ଲୀପ ତିର୍କିଙ୍କ ପୁଅ ଜୟସ ତିର୍କି। ହକି ଅପେକ୍ଷା କ୍ରିକେଟ୍ ତାଙ୍କୁ ଅଧିକ ଆକର୍ଷିତ କରିଥିବ କହିଛନ୍ତି ଜୟସ। ସେ ଜଣେ ଲେଫ୍ଟି ବ୍ୟାଟ୍ସମ୍ୟାନ।ପ୍ରଗତି ସ୍ପୋର୍ଟିଂ ଓ ଇଣ୍ଡୋର କ୍ରିକଟ୍ ହଲ ଗାଡକଣରେ ଏବେ ଜୟସ ନିୟମିତ ଅଭ୍ୟାସ ଜାରି ରଖିଛନ୍ତି । କ୍ରିକେଟର ଏବିସିଡି ସିଖୁଥିବା ପିଅ ଜୟସଙ୍କର ଇଛା ଜଣେ ଭଲ ବ୍ୟାଟ୍ସମ୍ୟାନ୍ ହେବା।

ପୁଅର ପାସନ୍ ପାଇଁ ହକି କିମ୍ବଦନ୍ତୀ ଦିଲ୍ଲୀପ ତିର୍କୀଙ୍କୁ ଏବେ ହକି ପଡ଼ିଆ ନୁହେଁ କ୍ରିକେଟ୍ ପଡ଼ିଆରେ ଦେଖିବାକୁ ମିଳୁଛି। ପ୍ରତ୍ୟେକ ଦିନ ପୁଅକୁ ଧରି କ୍ରିକେଟ ପଡ଼ିଆରେ ପହଞ୍ଚି ଯାଉଛନ୍ତି ଦିଲ୍ଲୀପ। ପୁଅର ପାସନ ଓ ଖୁସି, ବାପ ଦିଲ୍ଲିପଙ୍କୁ ପ୍ରତିଦିନ କ୍ରିକେଟ୍ ପଡ଼ିଆକୁ ଯିବାକୁ ବାଧ୍ୟ କରୁଛି। ପୁଅ ଜୟସର ସ୍ୱପ୍ନ ଦିନେ ଭାରତୀୟ କ୍ରିକେଟ ଦଳରେ ସ୍ଥାନ ପାଇବେ। ପୁଅର ସ୍ୱପ୍ନ ପୂରଣ କରିବା ପାଇଁ ବାପା ଦିଲ୍ଲିପ ତିର୍କ୍କି ଅଣ୍ଟା ଭିଡିଛନ୍ତି। ବର୍ତ୍ତମାନ ଜୟସ ୧୧୦ ଓ ୧୨୦ ସ୍ପିଡର ବୋଲିଂ ମେସିନରୁ ଆସୁଥିବା ବଲକୁ ଖେଳୁଛନ୍ତି। କୋଚ ସୌମେନ ଓ ରଣଜୀ ତାରକା ବିବିସିସି ମହାପାତ୍ର ନିକଟରେ ଜୟସ ଏବେ କୋଚିଂ ନେଉଛନ୍ତି। କୋଚଙ୍କ ମତରେ ଜୟସର ଇଛାଶକ୍ତି ବହୁତ ଅଧିକ ଜହା ସିଖାଯାଉଛି ସହଜରେ ସେ ଗ୍ରେହଣ କରିନେଉଛନ୍ତି ।

ଚଳିତ ବର୍ଷ ବି କାଉଡ଼ିଆଙ୍କୁ ବୋଲବମ୍ ମନା, କୋଭିଡ ପାଇଁ ରୋକ୍ ଲଗାଇଲେ ସରକାର

ଭୁବନେଶ୍ୱର: ଚଳିତ ବର୍ଷ ବି କାଉଡ଼ିଆଙ୍କୁ ବୋଲବମ୍ ମନା । କରୋନା କଟକଣା ପାଇଁ ରୋକ୍ ଲଗାଇଲେ ସରକାର । ବୋଲବମ୍ ନଯିବାକୁ SRCଙ୍କ ପକ୍ଷରୁ ନିର୍ଦ୍ଦେଶନାମା ଜାରି କରାଯାଇଛି । ଶ୍ରାବଣ ମାସରେ ବିଭିନ୍ନ ଶୈବପୀଠକୁ କାଉଡିଆ ମାନେ ବୋଲବମ୍‌ ଯାତ୍ରା କରିଥାନ୍ତି । କିନ୍ତୁ କରୋନା କଟକଣା ପାଇଁ ଗତବର୍ଷ ଭଳି ଏବର୍ଷ ବି ଏଭଳି ସମାଗମକୁ ମନା କରାଯାଇଛି ।

କୋଭିଡର ପ୍ରଥମ ଲହର ବେଳେ ସରକାର କଟକଣା ଲଗାଇଥିଲେ  । ଦ୍ୱିତୀୟ ଲହର ଅନ୍ତିମ ପର୍ଯ୍ୟାୟ ଏବଂ ତୃତୀୟ ଲହର ଆସୁଥିବାବେଳେ ସରକାର ପୁନର୍ବାର କଟକଣା ଲଗାଇବାକୁ ନିଷ୍ପତି ନେଇଛନ୍ତି  । ଚଳିତବର୍ଷ ରଥଯାତ୍ରାକୁ କଟକଣା ଭିତରେ ସରକାର ସମାପନ କରିବାକୁ ନିଷ୍ପତି ନେଇଛନ୍ତି  । ଯେଉଁଥିପାଇଁ ଗୁଣ୍ଡିଚାଯାତ୍ରାରେ ପୁରୀ ବାସୀଙ୍କୁ ମଧ୍ୟ ଦର୍ଶନରୁ ବାଦ ଦିଆଯାଇଛି  ।

ତେଣୁ ଏଭଳି ସ୍ଥିତିରେ ବୋଲବମକୁ ଅନୁମତି ଦେଲେ ସଂକ୍ରମଣ ବଢିବାର ଆଶଙ୍କା ରଖିଛନ୍ତି ସରକାର  । ଯେଉଁଥିପାଇଁ ଚଳିତବର୍ଷର କଟକଣା ଉପରେ ରୋକ ଲଗାଯାଇଛି  । କୌଣସି ମଧ୍ୟ ଶୈବ ପୀଠରେ ଜଳଲାଗି ହେବ ନାହିଁ କିମ୍ବା କାଉଡ଼ିଆ ମାନେ କୌଣସି ଶୈବ ପୀଠକୁ ଜଳଲାଗି ପାଇଁ ଅନୁମତି ପାଇବେ ନାହିଁ ବୋଲି  ସ୍ପଷ୍ଟ ଭାବେ କହିଛନ୍ତି ମୁଖ୍ୟ ଶାସନ ସଚିବ ସୁରେଶ ମହାପାତ୍ର  ।

ସୋସିଆଲ ମିଡିଆରେ ବିଧାୟିକାକୁ ଅଶ୍ଳୀଳ ଭାଷା, ଗିରଫ ହେଲେ ଦୁଇ ଯୁବକ

ଗଞ୍ଜାମ:  ଚିକିଟି ବିଧାୟିକାଙ୍କୁ ନେଇ ସାମାଜିକ ଗଣମାଧ୍ୟମ ରେ ଅଶ୍ଳୀଳ ମେସେଜ ଲେଖିବା ମହଙ୍ଗା ପଡିଲା  । ସୋସିଆଲ ମିଡିଆରେ ବିଧାୟକଙ୍କ ପ୍ରତି ଅସମ୍ମାନ ବୋଧକ ଶବ୍ଦ ବ୍ୟବହାର କରିବା ସହ ଅଶୀଳ୍ପ ଭାଷା ମଧ୍ୟ ଲେଖିଥିବା ଦୃଷ୍ଟିଗୋଚର ହୋଇଛି  । ସେପଟେ ଜଣେ ସମ୍ମାନସ୍ପଦ ଲୋକଙ୍କ ପ୍ରତି ଏଭଳି ଦୁର୍ବବ୍ୟହାର ଗ୍ରହଣୀୟ ହୋଇନଥିବା ନେଇ ସାମାଜିକ କର୍ମୀ ସୁରେନ୍ଦ୍ର ପାଣିଗ୍ରାହୀ ଥାନାରେ ଏତଲା ଦେଇଥିଲେ  ।

ସୁରେନ୍ଦ୍ରଙ୍କ ଅଭିଯୋଗ ପରେ ପୋଲିସ ଏନେଇ କାର୍ଯ୍ୟନୁଷ୍ଠାନ ଗ୍ରହଣ କରିଛି  । ଏହି ମାମଲାରେ ଦୁଇ ଜଣଙ୍କୁ  ଗିରଫ କରିଛି ପୋଲିସ  । ସୂଚନା ମୁତାବକ  ଅଭିଯୁକ୍ତ ଦ୍ୱୟ ହେଉଛନ୍ତି  ଜରଡା ଥାନା ଗୋଠଗାଁ ର ରଞ୍ଜନ କୁମାର ପ୍ରଧାନ,ସୁମାଣ୍ଡି ଗାଁ ର ବାଦଲ ପ୍ରଧାନ।

 

ମୁଖ୍ୟମନ୍ତ୍ରୀଙ୍କ ପରେ ଅଲିମ୍ପିକ୍ସରେ ଭାଗ ନେବାକୁ ଥିବା ଖେଳାଳିଙ୍କ ସହ ଆଲୋଚନା କଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପରେ ମଙ୍ଗଳବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟୋକିଓ ଅଲିମ୍ପିକ୍ସରେ ଦେଶର ପ୍ରତିନିଧିତ୍ୱ ନେବାକୁଥିବା କ୍ରୀଡ଼ାବିତଙ୍କ ସହ କଥା ହୋଇଛନ୍ତି । ଏହି କ୍ରମରେ ଟୋକିଓ ଅଲିମ୍ପିକ୍ସ ପାଇଁ ଯୋଗ୍ୟତା ହାସଲ କରିଥିବା ଓଡ଼ିଆ ଦୌଡ଼ ରାଣୀ ତଥା ଭାରତୀୟ ସ୍ପ୍ରିଣ୍ଟର ସ୍ପ୍ରିଣ୍ଟର ଦୂତି ଚାନ୍ଦଙ୍କ ସହ ମଧ୍ୟ ପ୍ରଧାନମନ୍ତ୍ରୀ କଥା ହୋଇଛନ୍ତି । ଦୂତୀଙ୍କ ସମେତ ତୀରନ୍ଦାଜ ଦୀପିକା କୁମାରୀ, ପ୍ରବୀଣ ଯାଦବ, ଜାଭେଲିନ୍ ତାରକା ନୀରଜ ଚୋପ୍ରା, ମୁଷ୍ଠିଯୋଦ୍ଧା ଆଶିଷ କୁମାରଙ୍କ ସହ ମଧ୍ୟ କଥା ହୋଇ ଶୁଭେଚ୍ଛା ଜଣାଇଛନ୍ତି  ।

ଦୂତୀ ଚାନ୍ଦ ଅଲିମ୍ପିକରେ ୧୦୦ ଏବଂ ୨୦୦ ମିଟର ଦୌଡରେ ଦେଶର ପ୍ରତିନିଧିତ୍ୱ କରିବେ। ପ୍ରଧାନମନ୍ତ୍ରୀଙ୍କ ସହ କଥା ହେବା ବେଳେ ଚାନ୍ଦ ରାଙ୍କକୁ ଆସିବାବେଳେ ସମ୍ମୁଖୀନ ହୋଇଥିବା କଠିନ ଆହ୍ୱାନ ବିଷୟରେ କହିଥିଲେ। ଏହା ପରେ ପ୍ରଧାନମନ୍ତ୍ରୀ ମୋଦୀ ତାଙ୍କୁ କହିଥିଲେ ଯେ, ସାରା ଦେଶ ତାଙ୍କୁ ଟୋକିଓରେ ପୋଡିୟମ ଶେଷ କରୁଥିବାର ଦେଖିବାକୁ ଚାହୁଁଛି ।

ନିକଟରେ ଦୂତୀ ଇଣ୍ଡିଆନ ଗ୍ରାଣ୍ଡ ପ୍ରିକ୍ସ୪ର ୧୦୦ ମିଟର ଇଭେଣ୍ଟକୁ ୧୧.୧୭ ସେକେଣ୍ଡ ଅତିକ୍ରମ କରି ନିଜର ପୂର୍ବ ରେକର୍ଡକୁ କାଟିଦେଇଥିଲେ । ସେ ମାତ୍ର ୦.୦୨ ସେକେଣ୍ଡ ପାଇଁ ସେ ଅଳ୍ପକେ ସିଧାସଳଖ ଅଲିମ୍ପିକ ଯୋଗ୍ୟତା ଅର୍ଜନ କରିପାରିନଥିଲେ । ତେବେ ନିଜର ବିଶ୍ୱ ମାନ୍ୟତା ଅନୁସାରେ ସେ ଅଲିମ୍ପିକ ଯୋଗ୍ୟତା ଅର୍ଜନ କରିଛନ୍ତି ।

ଅପରପକ୍ଷରେ ଗତ କିଛି ଦିନ ପୂର୍ବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଅଲିମ୍ପିକ୍ସରେ ଭାଗ ନେବାକୁ ଥିବା ଓଡ଼ିଆ ଖେଳାଳିଙ୍କ ସହ କଥା ହୋଇଥିଲେ । ସେମାନଙ୍କୁ ଶୁଭେଚ୍ଛା ଜଣାଇବା ସହ ପଦକ ପାଇଁ ପୁରସ୍କାର ଘୋଷଣା କରିଥିଲେ । ଅଲିମ୍ପିକ୍ସରେ ସ୍ୱର୍ଣ୍ଣ ଜିତିଲେ ୬ କୋଟି, ରୌପ୍ୟ ଜିତିଲେ ୪ କୋଟି ଓ ବ୍ରୋଞ୍ଜ ଜିତିଲେ ୨ କୋଟି ଟଙ୍କାର ଆର୍ଥିକ ପୁରସ୍କାର ରାଜ୍ୟ ସରକାରଙ୍କ ପକ୍ଷରୁ ଦିଆଯିବ ବୋଲି ମୁଖ୍ୟମନ୍ତ୍ରୀ ଘୋଷଣା କରିଥିଲେ । ଅପରପକ୍ଷରେ ମୁଖ୍ୟମନ୍ତ୍ରୀଙ୍କ ଏଭଳି ଘୋଷଣାକୁ ସାଧାରଣରେ ବେଶ୍ ପ୍ରଶଂସା କରାଯିବା ସହ ଏହା ଖେଳାଳିଙ୍କ ମନୋବଳ ବଢ଼ାଇବ ବୋଲି କ୍ରୀଡ଼ାବିତ କହିଛନ୍ତି ।

ନନ୍ଦିଘୋଷ ଟିଭିର ମହାପ୍ରଭାବ: ନିଲମ୍ବନ ହେଲେ ଫରେଷ୍ଟର ଓ ଗାର୍ଡ଼

ବାଲେଶ୍ୱର:  ନନ୍ଦିଘୋଷ ଟିଭିର ମହାପ୍ରଭାବ । ନିଲମ୍ବନ ହେଲେ ଲଙ୍ଗଳେଶ୍ୱର ବିଟ୍‌ର ଫରେଷ୍ଟର ଓ ଗାର୍ଡ଼ । ଫରେଷ୍ଟର ହେଲେ ପ୍ରକାଶ ଚନ୍ଦ୍ର ମହାନ୍ତି ଓ ଫରେଷ୍ଟ ଗାର୍ଡ଼ ସୁଜାତା ଓଝା । କାର୍ଯ୍ୟରେ ଅବହେଳା ଯୋଗୁ ଡ଼ିଏଫଓ ଉଭୟଙ୍କୁ ନିଲମ୍ବନ କରିଛନ୍ତି । ଚୋରା କତରତକଳ ବ୍ୟବସାୟରେ ସମ୍ପୃକ୍ତି ଥିବା ନେଇ ନନ୍ଦିଘୋଷ ଟିଭିରେ ଅନୁସନ୍ଧାନ ମୂଳକ ଖବର ପ୍ରସାରଣ କରାଯାଇଥିଲା । ଖବର ପ୍ରସାରଣ ପରେ ବିଭାଗ ତରଫରୁ ଚଡ଼ାଉ କରାଯାଇ 16 ଲକ୍ଷ ଟଙ୍କାର ଯନ୍ତ୍ରାଂଶ ଓ 20 ଟ୍ରକରୁ ଅଧିକ କାଠ ଜବତ କରାଯାଇଥିଲା । ଏହି କାରବାରରେ ସମ୍ପୃକ୍ତି ଥିବା ନେଇ ସ୍ଥାନୀୟ ଫରେଷ୍ଟର ଓ ଗାର୍ଡ଼ଙ୍କ ବିରୁଦ୍ଧରେ ବିଭାଗୀୟ ତଦନ୍ତ ନିର୍ଦ୍ଦେଶ ଦେଇଥିଲେ ଡ଼ିଏଫଓ ।

କାର୍ଯ୍ୟରେ ଅବହେଳା ଦର୍ଶାଇ ଡ଼ିଏଫଓ ଆଜି ଦୁଇଜଣଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ବାଲେଶ୍ୱର ଜିଲ୍ଲାରେ ଫରେଷ୍ଟର ଓ ଗାର୍ଡ଼ଙ୍କ ପ୍ରୋତ୍ସାହନରେ ଚୋରାରେ କରତକଳ ଚାଲୁଥିବା ନେଇ ନନ୍ଦିଘୋଷ ଟିଭିରେ ଅନୁସନ୍ଧାନ ମୂଳକ ରିପୋର୍ଟ ପ୍ରସାରଣ କରାଯାଇଥିଲା । ଖବର ପ୍ରସାରଣ ପରେ ବିଭାଗ ତରଫରୁ ଚଡ଼ାଉ କରାଯାଇ 16ଲକ୍ଷ ଟଙ୍କାର ଯନ୍ତ୍ରାଂଶ ଓ 20 ଟ୍ରକରୁ ଅଧିକ କାଠ ଜବତ କରାଯାଇଥିଲା । ଏହି ଚୋରା କାରବାରରେ ସମ୍ପୃକ୍ତି ଥିବା ନେଇ ଫରେଷ୍ଟର ପ୍ରକାଶଚନ୍ଦ୍ର ମହାନ୍ତି ଓ ଫରେଷ୍ଟଗାର୍ଡ ସୁଜାତା ଓଝାଙ୍କ ବିରୁଦ୍ଧରେ ଡ଼ିଏଫଓ ବିଭାଗୀୟ ତଦନ୍ତ ନିର୍ଦ୍ଦେଶ ଦେଇଥିଲେ । ତଦନ୍ତ ରିପୋର୍ଟ ଆସିବା ପରେ ଆଜି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ।

ସେଦିନ ୟଶପାଲ ଯଦି ‘କାନ୍ଥ’ ହୋଇ ଛିଡା ହୋଇନଥାନ୍ତେ ତେବେ ୧୯୮୩ ବିଶ୍ୱକପର ଇତିହାସ ଅଲଗା ହୋଇଥାନ୍ତା

ନୂଆଦିଲ୍ଲୀ:  ୧୯୮୩  କ୍ରିକେଟ୍ ବିଶ୍ୱକପ ବିଜୟ ସହିତ ଭାରତ କ୍ରିକେଟ ଦୁନିଆର ଗୋଟିଏ ଶକ୍ତି ଭାବେ ଉଭା ହୋଇଥିଲା । ଅଣ୍ଡରଡଗ୍ କୁହାଯାଉଥିବା ଭାରତୀୟ ଟିମ୍ କ୍ରିକେଟ ବିଶାରଦଙ୍କୁ ଚମକାଇ ଦେଇଥିଲା ନିଜ ପ୍ରଦର୍ଶନ ଦ୍ୱାର । ଭାରତୀୟ ଟିମ୍ କୁ କେହିମଧ୍ୟ ଟାଇଟଲର ଦାବିଦାର ବୋଲି ବିଚାର କରୁନଥିଲେ । କିନ୍ତୁ ପ୍ରଥମ ମ୍ୟାଚରେ ହିଁ ଭାରତୀୟ ଟିମ୍ ବଡଧରଣର ହଟଚମଟ ସୃଷ୍ଟି କରିବାରେ ସଫଳ ହୋଇଥିଲା । କ୍ରିକେଟ ଜଗତର ଦ ଅନବ୍ରେକବୁଲ ଭାବେ ପରିଚିତ ୱେଷ୍ଟ ଇଣ୍ଡିଜ୍ ଟିମକୁ ପରାସ୍ତ କରି ବିଶ୍ୱକପରେ ନିଜ ଉପସ୍ଥିତିକୁ ଜାହିର କରିଥିଲା ଭାରତ । ଏସବୁ ହୋଇଥିଲା କେବଳ ୟଶପାଲଙ୍କ ପାଇଁ । ଯିଏ ମଙ୍ଗଳବାର ଦିନ ମାତ୍ର ୬୬ ବର୍ଷରେ ଦୁନିଆକୁ ଅଲବିଦା କହିଛନ୍ତି ।

 

୧୯୮୩ ଓ୍ୱର୍ଲଡ କପ୍ ଅଭିଯାନରେ ଭାରତକୁ ପ୍ରଥମ ମ୍ୟାଚରେ ଲଗାତାର ଦୁଇ ଥରର ବିଶ୍ୱ ଚାମ୍ପିଅନ ଓ୍ୱେଷ୍ଟଇଣ୍ଡିଜ୍ର ସାମ୍ନା କରିବାକୁ ପଡ଼ିଥିଲା ।  ଦୁଇଟି ବିଶ୍ୱ କପରେ ଖରାପ ପ୍ରଦର୍ଶନ ହେତୁ  ଭାରତୀୟ ଟିମକୁ ଓ୍ୱେଷ୍ଟଇଣ୍ଡିଜ୍  ଗୁରୁତ୍ୱ ଦେଉନଥିଲା । ଯେମିତି ଦିନେ ଭାରତୀୟ ଟିମ୍ ସାମ୍ନାରେ ୧୯୯୬ ବିଶ୍ୱକପ ପୂର୍ବରୁ ଶ୍ରୀଲଙ୍କା ଟିମ୍ ଥିଲା । ସେମିତି ୱେଷ୍ଟଇଣ୍ଡିଜ୍ ଟିମ୍ ଖେଳ ଆରମ୍ଭ ପୂର୍ବରୁ ହିଁ ମ୍ୟାଚ୍ ସେମାନଙ୍କ ପକେଟରେ ବୋଲି ଭାବିନେଇଥିଲା । ଅବଶ୍ୟ ଏଥିପାଇଁ ଭାରତର ଖରାପ ରେକର୍ଡ ମଧ୍ୟ ଦାୟି ଥିଲା । କିନ୍ତୁ ସେଇ ଗୋଟିଏ ମ୍ୟାଚ୍ ସବୁକିଛି ବଦଳାଇବାକୁ ଯାଉଥିଲା । ସେଇ ଗୋଟିଏ ମ୍ୟାଚ୍ ରୁ ଜନ୍ମ ନେଇଥିଲା ଆଉ ଗୋଟିଏ କ୍ରିକେଟ୍ ସୁପର ପାୱାର ।

 

ଭାରତକୁ ଦୁର୍ବଳ ଭାବୁଥିବା କାରିବିୟାନ ଟିମ୍  ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା । ଆଉ ୱେଷ୍ଟ ଇଣ୍ଡିଜର  ନିଷ୍ପତ୍ତି ପ୍ରାୟ ଠିକ୍ ପ୍ରମାଣିତ ହେବାକୁ ଲାଗିଲା । ୭୬ ରନରେ ତିନୋଟି ୱିକେଟ୍ ହରାଇ ଭାରତୀୟ ଟିମ୍ ବିପର୍ଯ୍ୟୟ ଆଡକୁ ମୁହାଁଉଥିବା ବେଳେ ପଡିଆକୁ ଆସିଥିଲେ ୟଶପାଲ । ତା’ପରର କଥା ଥିଲା କ୍ରିକେଟ୍ ଇତିହାସର କାହାଣୀ । ଜଣେ ବ୍ୟାଟସମ୍ୟାନଙ୍କ ୱେଷ୍ଟ ଇଣ୍ଡିଜର ଶକ୍ତିଶାଳୀ ପେସ ବୋଲିଂ ଆଗରେ ହିମାଳୟ ଭଳି ଛିଡା ହେବାର କାହାଣୀ । ଏମିତି ବି କୁହାଯାଇପାରେ ରାହୁଲ ‘ୱାଲ’ ଦ୍ରାଭିଡଙ୍କ ଆଗମନ ପୂର୍ବରୁ ୟଶପାଲ ୱାଲ୍ ବା କାନ୍ଥ ଭଳି ୱେଷ୍ଟଇଣ୍ଡିଜର ଦ୍ରୁତ ବୋଲରଙ୍କୁ ନିଡର ଭାବେ ସାମ୍ନା କରିଥିଲେ । ୧୪୧ ରନ୍ ପର୍ଯ୍ୟନ୍ତ ଅଧା ଟିମ୍ ପାଭିଲିୟନ ଫେରି ସାରିଥିଲେ, କିନ୍ତୁ ଧୈର୍ଯ୍ୟହରା ହୋଇନଥିଲେ ୟଶପାଲ ।

ମାଂଚେଷ୍ଟରର ଓଲ୍ଡ ଟ୍ରାଫଡ ଗ୍ରାଉଣ୍ଡରେ ୟଶପାଲ ଶର୍ମା ୧୨୦ ବଲ୍ ର ସାମ୍ନା କରି ଭାରତୀୟ ଇନିଂସକୁ ସମ୍ଭାଳିଥିଲେ । ସେ କେବଳ ଷ୍ଟ୍ରୋକ୍ ର ସାହାରା ନେଇନଥିଲେ ବରଂ ଓ୍ୱିକେଟ୍ ମଧ୍ୟରେ ଦୌଡି ରନ୍ କରିବାକୁ ଖୁବ୍ ଚେଷ୍ଟା କରିଥିଲେ ।  ସେ ଏକା ୮୯ ରନ୍ କରିଥିଲେ । ଯାହାପରେ ଭାରତର ସ୍କୋର ୬୦ ଓଭରରେ ୨୬୨ ରନ୍ କରି ୮ ଓ୍ୱିକେଟ୍ ହରାଇଥିଲେ ।  ୟଶପାଲଙ୍କ ସେହି ସାନଦାର ପର୍ଫମାନ୍ସରେ ଭାରତ ଗ୍ରୁପ୍ ବି’ର ପ୍ରଥମ ମ୍ୟାଚରେ ଓ୍ୱେଷ୍ଟଇଣ୍ଡିଜକୁ ୩୪ ରନରେ ମାତ୍ ଦେଇଥିଲା ।

ୟଶପାଲ ଶର୍ମା ସେହି ଓ୍ୱର୍ଲଡ କପରେ ଅଷ୍ଟ୍ରେଲିୟା ବିପକ୍ଷରେ ଖେଳି  ୪୦ ବଲରେ ୪୦ ରନ୍ କରିଥିଲେ ।  ସେହି ମ୍ୟାଚରେ ଏହା କେବଳ ଭାରତର ସର୍ବାଧିକ ସ୍କୋର ନଥିଲା ବରଂ ଅଷ୍ଟ୍ରେଲିୟାର କୌଣସି ଖେଳାଳି ମଧ୍ୟ ଏତେ ରନ୍ କରିନଥିଲେ । କେବଳ ସେତିକି ନୁହେଁ ବରଂ ୟଶପାଲ ୟାଦବ ସେମିଫାଇନାଲରେ ଇଂଲଣ୍ଡ ବିପକ୍ଷରେ ହୋଇଥିବା ମ୍ୟାଚରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ ।  ସେ ସର୍ବାଧିକ ୬୧ ରନ୍ କରିଥିଲେ ।  ଭାରତ ସେହିଥର ୬ ଓ୍ୱିକେଟରେ ଜିତି ଫାଇନାଲରେ ପହଂଚିଥିଲା । ଏହାପରେ ଯାହା ହେଲା ତାହା ଇତିହାସ ହୋଇଗଲା ।

ଭାରତୀୟ ଟିମ୍ ଓ୍ୱେଷ୍ଟଇଣ୍ଡିଜର ଲଗାତାର ତୃତୀୟ ଓ୍ୱର୍ଲଡ କପ୍  ଜିତିବାର ସ୍ୱପ୍ନକୁ ଭାଙ୍ଗି ଦେଇଥିଲା । ୧୯୮୩ ଓ୍ୱର୍ଲଡ କପରେ କପିଲ ଦେବ ଏବଂ ୟଶପାଲ ଯାଦବ ସର୍ବାଧିକ ରନ୍ କରିଥିଲେ ।