spot_img
Home Blog Page 5580

ବିଦା ହେଲେ ଓଲି: ପଞ୍ଚମ ଥର ପାଇଁ ନେପାଳ ପ୍ରଧାନମନ୍ତ୍ରୀ ହେଲେ ସେର୍ ବାହାଦୁର

କାଠମାଣ୍ଡୁ: ନେପାଳରେ ବଦଳିଲା ସରକାର । ସେର ବାହାଦୁର ଦେଉବା ହେଲେ ପ୍ରଧାନମନ୍ତ୍ରୀ । ରାଷ୍ଟ୍ରପତି ତାଙ୍କ ନିଯୁକ୍ତିକୁ ମଞ୍ଜୁରୀ ଦେଇଛନ୍ତି । ନେପାଳୀ କଂଗ୍ରେସ ବିରୋଧୀ ଦଳକୁ ନେଇ ସରକାର ଗଠନ କରିବେ । ଏଥିସହ ଭଙ୍ଗ ହୋଇଥିବା ସଂସଦ ମଧ୍ୟ ଖୁବଶୀଘ୍ର ଚାଲୁ ହେବ । ସେର ବାହାଦୁର ପ୍ରଧାନମନ୍ତ୍ରୀ ହେବା ପରେ ଭାରତ ସହ ସମ୍ପର୍କ ସୁଧୁରିବ ବୋଲି ଆଶା କରାଯାଉଛି । ପଲିଟିକାଲ କ୍ରାଇସିସର ଦି ଏଣ୍ଡ । ନେପାଳରେ ନୂଆ ପ୍ରଧାନମନ୍ତ୍ରୀଙ୍କ ନିଯୁକ୍ତି ମିଳିଛି । ରାଷ୍ଟ୍ରପତି ବିଦ୍ୟା ଦେବୀ ଭଣ୍ଡାରୀ ସମ୍ବିଧାନର ଧାରା ୭୬ (୫) ଅନୁସାରେ ନିଯୁକ୍ତିକୁ ମଞ୍ଜୁରୀ ଦେଇଛନ୍ତି । ନେପାଳର ସୁପ୍ରିମକୋର୍ଟ ଦୁଇ ଦିନ ମଧ୍ୟରେ ସେର୍ ବାହାଦୁରଙ୍କୁ ପ୍ରଧାନମନ୍ତ୍ରୀ ନିଯୁକ୍ତି କରିବା ପାଇଁ ନିର୍ଦ୍ଦେଶ ଦେଇଥିଲେ । ଏଥିସହ ଭଙ୍ଗ ସଂସଦକୁ ମଧ୍ୟ ଆଉ ଥରେ ଚାଲୁ କରିବା ପାଇଁ ନିର୍ଦ୍ଦେଶ ଦିଆଯାଇଛି । ସେର୍ ବାହାଦୁର ଦେଉବା ବିରୋଧୀ ଦଳକୁ ନେଇ ସଂଖ୍ୟା ଗରିଷ୍ଠତା ହାସଲ କରିବା ସହ ସରକାର ଗଠନ କରିବେ । ଏହି ଗଠବନ୍ଧନରେ ନେପାଳୀ କଂଗ୍ରେସ, ସିପିଏନଏମ, ସିପିଏନ-ୟୁଏମଏଲ ଏବଂ ଜନତା ସମାଜବାର୍ଦି ପାର୍ଟି ସାମିଲ ହେବେ ।

ସେର୍ ବାହାଦୁର ସିଂହ ଭାରତର ସମର୍ଥକ ବୋଲି କୁହାଯାଏ । ପୂର୍ବରୁ ୪ ଥର ପ୍ରଧାନମନ୍ତ୍ରୀତ୍ୱ କାଳରେ ସେର୍ ବାହାଦୁର ଭାରତ ସହ ସମ୍ପର୍କ ଭଲ ରଖିବା ପାଇଁ ଅନେକ ନିଷ୍ପତ୍ତି ନେଇଛନ୍ତି । ୨୦୧୭ରେ ଯେତେବେଳେ ସେ ପ୍ରଧାନମନ୍ତ୍ରୀ ହୋଇଥିଲେ, ସେ ଦିଲ୍ଲୀ ଆସି ଦୁଇ ରାଷ୍ଟ୍ର ମଧ୍ୟରେ ସୁସମ୍ପର୍କ ରଖିବା ପାଇଁ ଗୁରୁତ୍ୱ ଦେଇଥିଲେ । ଗତ ମେ ୨୨ ତାରିଖରେ ପୂର୍ବତନ ପ୍ରଧାନମନ୍ତ୍ରୀ କେପି ଶର୍ମାଙ୍କ ଓଲିଙ୍କ ସୁପାରିସ କ୍ରମେ ସଂସଦ ଭଙ୍ଗ କରିଦେଇଥିଲେ ରାଷ୍ଟ୍ରପତି । ୫ ମାସରେ ଭିତରେ ଦୁଇ ଦୁଇ ଥର ସଂସଦ ଭଙ୍ଗ ହୋଇଥିବା ବେଳେ ରାଜନୈତିକ ସଙ୍କଟ ମଧ୍ୟ ନେପାଳରେ ଜୋର ଧରିଥିଲା । ଏଥିସହ ୧୨ ଓ ୧୯ ନଭେମ୍ବରରେ ନିର୍ବାଚନ କରିବା ପାଇଁ ନିର୍ଦ୍ଦେଶ ଦିଆଯାଇଥିଲା । ହେଲେ ଏହା ବିରୋଧରେ କୋର୍ଟରେ ଆବେଦନ କରାଯାଇଥିଲା । ବିରୋଧୀ ମଧ୍ୟ ନିର୍ବାଚକୁ ନାପସନ୍ଦ କରିଥିଲେ । ନେପାଳୀ କଂଗ୍ରେସ ଅଧ୍ୟକ୍ଷ ଶେର ବାହାଦୁର ଦେଓବାଙ୍କୁ ପ୍ରଧାନମନ୍ତ୍ରୀ କରିବାକୁ ବିଭିନ୍ନ ମହଲରୁ ଦାବି ଉଠିଥିଲା ।

ଏଥିସହିତ ପଢ଼ନ୍ତୁ: ସେଲ୍ଫି ନେଲା ୧୧ ଜୀବନ, ଅମ୍ବର ଦୁର୍ଗରେ ଅଭାବନୀୟ ଘଟଣା

ନୂଆ ଉପାୟରେ ଲୁଟୁଛନ୍ତି ସାଇବର ଠକ, ଢାଲ ସାଜିଛନ୍ତି ସୁନ୍ଦରୀ ଯୁବତୀ

ଭୁବନେଶ୍ୱର:  ରାଜଧାନୀରେ ସାଇବର ଠକଙ୍କ ବଦଳୁଛି ଠକେଇର ଉପାୟ । ସେକ୍ସଟରସନ ଜରିଆରେ ଟଙ୍କା ଲୁଟ୍ କରୁଛନ୍ତି ଠକ । ସୁନ୍ଦରୀ ଯୁବତୀଙ୍କୁ ଢ଼ାଲ କରି ବ୍ଲାକ ମେଲିଂ କରି ଆଖି ପିଛୁଳାକେ ଲୁଟୁଛନ୍ତି ଲକ୍ଷଲକ୍ଷ ଟଙ୍କା । ଗତ କିଛି ଦିନ ହେବ ଏପରି ଅଭିଯୋଗ ବାରମ୍ବାର ଆସିବା ପରେ ଲୋକଙ୍କୁ ସଚେତନ କରିଛି କମିସନରେଟ୍ ପୋଲିସ । ଅଜଣା ଯୁବତୀଙ୍କ ସହ ବନ୍ଧୁ ନବାନ୍ଧିବା ପାଇଁ ଲୋକଙ୍କୁ ଅବଗତ କରିଛି ପୋଲିସ ।  ସେକ୍ସଟରସନ ହେଉଛି,  ପ୍ରଥମେ ଫେସବୁକ୍ ପରି ସୋସିଆଲ ମିଡ଼ିଆରେ ଯୁବତୀ ମାନେ ଆପଣଙ୍କ ସହ ବନ୍ଧୁ ବାନ୍ଧିବେ । ପରେ ସମ୍ପର୍କ ନିବିଡ଼ କରିବେ । ହ୍ୱାଟ୍ସଆପ ନମ୍ବର ଦିଆନିଆ ବି ହେବ ।

ପରେ ଭିଡିଓ କଲ୍ କରି ଆପଣଙ୍କୁ ଅଶ୍ଳୀତ ଇଙ୍ଗିତ ଦେବେ । ଆପଣ ଯଦି ତାଙ୍କ କଥାରେ ଢ଼ଳିଯିବେ । ତେବେ ଆପଣଙ୍କ ସହ ସବୁ କାର୍ଯ୍ୟକଳାପକୁ ରେକର୍ଡିଂ କରିବା ପରେ ଆପଣଙ୍କ ସହ ବ୍ଲାକ୍ ମେଲିଂ ଆରମ୍ଭ କରିବେ । ଗତ କିଛି ଦିନ ହେବ ଡିସିପିଙ୍କ ଅଫିସରେ ଥିବା ସାଇବର ଡେକ୍ସକୁ ଏପରି ଅଭିଯୋଗ ଆସୁଥିବାରୁ ଲୋକଙ୍କୁ ସଚେତନ କରିଛନ୍ତି ଭୁବନେଶ୍ବର ଡିସିପି । ରାଜଧାନୀରେ ଏବେ ୪ଟି ଉପାୟରେ ଲୋକଙ୍କୁ ଠକୁଛନ୍ତି ସୋସିଆଲ ଅପରାଧୀ । ଟାଓ୍ୱାର ବସାଇବା ନାଁରେ ବି ହୋଇଛି ଅନେକ ଠେକଇ । ସେହିଭଳି ସିମକାର୍ଡ ଏକ୍ସପାରୀ ହୋଇଯିବ କହି ଗଲା ୪ ମାସରେ ୧୨ଶହ ଲୋକଙ୍କୁ ଠକିଛନ୍ତି ସାଇବର ଲୁଟେରା ।

ସେହିପରି ଡେବିଡ଼ ଆଉ କ୍ରେଡିଟ କାର୍ଡ଼ ଜରିଆରେ ବରିଷ୍ଠ ଲୋକଙ୍କୁ ମଧ୍ୟ ସାଇବର ଠକ ଠକେଇ କରୁଥିବା ଅଭିଯୋଗ ହୋଇଛି । ଅନ୍ୟପଟେ ଲାଟେରୀ ଲାଗିଛି କହି ଲିଙ୍କ ପଠାଇ ଲକ୍ଷ ଲକ୍ଷ ଟଙ୍କା ଲୁଟୁଛନ୍ତି ସାଇବର ଠକ । ସାଇବର ଲୁଟ୍‌ ବଢ଼ୁଥିବାରୁ ଜାନୁଆରୀ ମାସରେ ଭୁବନେଶ୍ବର ୟୁପିଡ଼ି ପକ୍ଷରୁ ଗଠନ ହୋଇଥିଲା ସାଇବର ଡେକ୍ସ । ଜାନୁଆରୀରୁ ଜୁନ୍ ପର୍ଯ୍ୟନ୍ତ ୬ ମାସ ମଧ୍ୟରେ ଠକେଇର ଶିକାର ହୋଇଛନ୍ତି ୧୭୦୫ଜଣ ରାଜଧାନୀ ବାସିନ୍ଦା । ଯେଉଁଥିରେ ଲୁଟି ନେଇଛନ୍ତି ୪କୋଟି ୧୬ଲଧରୁ ଅଧିକ ଟଙ୍କା । ତେଣୁ ଏଭଳି ଫୋନ୍ କଲକୁ ଅଧିକ ଗୁରୁତ୍ବ ନଦେବାକୁ ପରାମର୍ଶ ଦେଇଛନ୍ତି ଭୁବନେଶ୍ବର ଡିସିପି ଓ ସାଇବର ଏକ୍ସପର୍ଟ ।

ସେଲ୍ଫି ନେଲା ୧୧ ଜୀବନ, ଅମ୍ବର ଦୁର୍ଗରେ ଅଭାବନୀୟ ଘଟଣା

 ଜୟପୁର: ସେଲ୍ଫି ନେବା ସମୟରେ ଗଲା ୧୧ ଜଣଙ୍କ ଜୀବନ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଜୟପୁରରେ । ଜୟପୁରର ଓମେର ଦୁର୍ଗର  ବଞ୍ଚ୍‌ ଟାଓ୍ୱାର ଉପରେ ବର୍ଷା ହେଉଥିବା ସମୟରେ ସେଲ୍ଫି ନେଉଥିବା ବେଳେ ଏଭଳି ଅଘଟଣ ଘଟିଛି । ଘଟଣା ବେଳେ ଟାଓ୍ୱାର ଉପରେ ୨୭ ଜଣ ଉପସ୍ଥିତ ଥିଲେ । ବର୍ଷା ସହିତ ଅତି ଜୋରରେ ବିଜୁଳି ମାରିବାରୁ  କିଛି ଲୋକ ଟାଓ୍ୱାର ଉପରୁ ତଳକୁ ଡେଇଁ ପଡ଼ିଥିଲେ ଏବଂ ରହି ଯାଇଥିବା କିଛି ଲୋକ ବିଜୁଳି ଆଘାତରେ ଜୀବନ ହରାଇଛନ୍ତି । ଜଣେ ବରିଷ୍ଠ ପୋଲିସ ଅଧିକାରୀଙ୍କ କହିବା  ହେଉଛି ମୃତକଙ୍କ ମଧ୍ୟରେ ଅଧିକ ଯୁବକ ଥିଲେ ।   ୧୧ ଜଣଙ୍କ ମୃତ୍ୟୁ ହେବା ସହିତ ୧୧ ଜଣଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି ।  ଅନ୍ୟପଟେ  ଝାଲାବାଡ଼ରେ ଜଣେ, ବାରୋରେ ଜଣେ, ଧୋଲପୁରରେ ୩ ଜଣ, ଏବଂ କୋଟାରେ ୪ ଜଣ ବିଜୁଳି ଆଘାତରେ ପ୍ରାଣ ହରାଇଛନ୍ତି । ଏହା ସହିତ କୋଟାରେ ୮ ଜଣଙ୍କ ଅବସ୍ଥା ଗୁରୁତର ଅଛି । ଯାହାକୁ ନେଇ ରାଜସ୍ଥାନର ମୁଖ୍ୟମନ୍ତ୍ରୀ ଅଶୋକ ଗହଲୋଟ  ଦୁଃଖ ପ୍ରକାଶ କରିଛନ୍ତି ।  ରିପୋର୍ଟ କହୁଛି ରବିବାର ହୋଇଥିବା ବାଦଲ ଫଟା ବର୍ଷାରେ ବିଜୁଳି ମାରିବା ହେତୁ ଉତ୍ତରପ୍ରଦେଶରେ ୪୨ ଲୋକଙ୍କ ଜୀବନ ଯାଇଛି । ଏହା ସହିତ ୨୪୯ ପଶୁ ପ୍ରାଣ ହରାଇଛନ୍ତି ।

ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ସେଲ୍ଫି ନେବାକୁ ନେଇ ଅନେକଥର ସଚେତନ କରାଯାଇଥିଲେ ମଧ୍ୟ ସତର୍କ ନ ରହିବାରୁ ଏଭଳି ପରିସ୍ଥିତି ସୃଷ୍ଟି ହେଉଛି । ଅନ୍ୟପଟେ  ବିଜୁଳିରେ ପ୍ରତିବର୍ଷ ହଜାର ହଜାର ସଂଖ୍ୟକ ଜୀବନ ଯାଉଛି । ତେବେ ବିଜୁଳି ମାରିବା ଦ୍ୱାରା କାହିଁକି ଲୋକଙ୍କ ମୃତ୍ୟୁ ହେଉଛି?

ଭାରତରେ ପ୍ରତିବର୍ଷ ବିଜୁଳି ମାରିବା ଦ୍ୱାରା ଅନେକ ଲୋକଙ୍କ ଜୀବନ ଯାଉଛି । ଏହା ବିଶେଷକରି ଉତ୍ତର ଭାରତୀୟ ରାଜ୍ୟରେ ଅଧିକ ମାତ୍ରାରେ ହେଉଛି ।

ଭାରତରେ ବିଜୁଳିରେ ମୃତ୍ୟୁସଂଖ୍ୟା କାହିଁକି ଅଧିକ?

ଏହାର ସବୁଠାରୁ ବଡ଼ କାରଣ ହେଉଛି, ଆମେରିକା ଏବଂ ବ୍ରିଟେନ୍‌ ଭଳି ଦେଶରେ  ସତର୍କ ବ୍ୟବସ୍ଥା ଖୁବ୍‌ କଡ଼ାକଡ଼ି । ଯାହା ଭାରତରେ ସାମାନ୍ୟ କମ୍‌ । ଏହା ବ୍ୟତୀତ ଜୁନରୁ ସେପ୍ଟେମ୍ବର ମାସରେ ଭାରତରେ ମୌସୁମୀ ଜଳବାୟୁ ପ୍ରଭାବରେ ପ୍ରଚୁର ବୃଷ୍ଟିପାତ ହୁଏ । ଏହାର କାରଣ ହେଉଛି ଭାରତର ଭୌଗୋଳିକ ପରିସ୍ଥିତି । ଉତ୍ତର-ପୂର୍ବ ରାଜ୍ୟରେ ମୌସୁମୀର ପ୍ରଭାବ ଯଥେଷ୍ଟ ଅଧିକ ।  ଏଥିପାଇଁ ଏଠାରେ ବିଜୁଳିର ଆଶଙ୍କା ସବୁଠାରୁ ଅଧିକ ।

ଏହା ବ୍ୟତୀତ ଅନ୍ୟ ଦେଶ ଗୁଡ଼ିକ ତୁଳନାରେ ଭାରତରେ ଅଧିକାଂଶ ଲୋକ ଚାଷ କାମ ପାଇଁ ବାହାରକୁ ଯାଆନ୍ତି  ଏବଂ ବିଜୁଳି ମାରିବା ଦ୍ୱାରା ତାହାର ଶୀକାର ହୋଇଯାନ୍ତି ।

ତେବେ ବିଜୁଳି ମାରିବା ସମୟରେ କ’ଣ ସବୁ ସତର୍କତା ଅବଲମ୍ବନ କରିବେ ନଜର ପକାନ୍ତୁ…

ଯଦି କାହାକୁ ବିଜୁଳି ମାରିଛି ତେବେ, ତତକ୍ଷଣାତ୍‌ ଡାକ୍ତରଙ୍କ ନିକଟକୁ ନେଇଯାନ୍ତୁ ।  ଏଭଳି ଲୋକଙ୍କୁ ଛୁଇଁବା ଦ୍ୱାରା ଆପଣଙ୍କୁ କୌଣସି କ୍ଷତି ପହଞ୍ଚିବ ନାହିଁ ।

ଯଦି ବିଜୁଳି ମାରିବା ସମୟରେ ଆପଣ ବାହାରେ ଅଛନ୍ତି ତେବେ ଧ୍ୟାନ ଦିଅନ୍ତୁ  କାନ ବନ୍ଦ କରି ପାଦରେ ଭରାଦେଇ ନଇଁଯାନ୍ତୁ  ଏବଂ ହାତକୁ ଆଣ୍ଠୁ ଉପରେ ରଖନ୍ତୁ ।

ମନେ ରଖନ୍ତୁ ବର୍ଷା ଛାଡ଼ିବାର ପ୍ରାୟ ଅଧ ଘଣ୍ଟା ପରେ ବିଜୁଳି ମାରିବାର ସମ୍ଭାବନା ମଧ୍ୟ ଥାଏ । ଏହାଦ୍ୱାରା ମାଟି ସହିତ ଆପଣଙ୍କ ଯୋଗାଯୋଗ କମ୍‌ ହୋଇଥାଏ । ମୋବାଇଲ କିମ୍ବା ଅନ୍ୟ କୌଣସି ଧାତବ ପଦାର୍ଥ ବ୍ୟବହାର କରିବା ଠାରୁ ଦୂରେଇ ରୁହନ୍ତୁ ।

କରୋନାରେ ମାନନ୍ତୁ ABCD ନିୟମ

ନୂଆଦିଲ୍ଲୀ:  ସାରା ବିଶ୍ୱରେ ଏବେ ମଧ୍ୟ ସକ୍ରିୟ କରୋନ ଭୂତାଣୁ । ଏବେ ଏହାର ନୂଆ ଭ୍ୟାରିଆଣ୍ଟ ସାମ୍ନାକୁ ଆସି ଲୋକଙ୍କ ସହିତ ସରକାରଙ୍କର ମଧ୍ୟ ଚିନ୍ତା ବଢାଇଛି । ଏଭଳି ସ୍ଥିତିରେ ଲୋକଙ୍କ ମନରେ ଯେପରି କୌଣସି ଉଡ଼ାଖବର  ଘର ନ କରୁ ସେଥିପାଇଁ କେନ୍ଦ୍ର ସରକାର ଲୋକଙ୍କ ପାଇଁ ଅପିଲ ଜାରି କରିଛନ୍ତି ।

କରୋନା ଭାଇରସର ଆଲଫା,ବିଟା,ଗାମା ଓ ଡେଲଟା ଭ୍ୟାରିଆଣ୍ଟକୁ ନେଇ ଉଡ଼ାଖବର ଉପରେ ଧ୍ୟାନ ନ ଦେଇ ମୌଳିକ ପ୍ରୋଟକଲ ଉପରେ ଧ୍ୟାନ ଦେବାକୁ ଲୋକଙ୍କୁ କହିଛନ୍ତି କେନ୍ଦ୍ର ସରକାର ।

କେନ୍ଦ୍ର ସରକାରଙ୍କ  ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ପକ୍ଷରୁ ଏହାକୁ ନେଇ ଟ୍ୱିଟରରେ ସୂଚନା ଦିଆଯାଇଛି । ଏହି ଟ୍ୱିଟ୍‌ ମାଧ୍ୟମରେ  କରୋନା ଭୂତାଣୁର ଆଲଫା,ବିଟା,ଗାମା ଓ ଡେଲଟା ଭାଇରସ ସମ୍ପଦ୍ଧିତ ଉଡ଼ା ଖବରକୁ ବିଶ୍ୱାସ ନ କରି ABCD ନିୟମକୁ ପାଳନ କରିବାକୁ କୁହାଯାଇଛି ।  ତେବେ କ’ଣ ଏହି ABCD, ଯାହାକୁ ଅନୁସରଣ କରିବା ସମସ୍ତଙ୍କ ପାଇଁ ହିତକାରକ ।

Aର ଅର୍ଥ ହେଉଛି ଆଡଭାଇଜ, B ମାନେ ବିଲିଭ୍‌, Cର ଅର୍ଥ ହେଉଛି କ୍ରସ୍‌ ଚେକ୍‌ ଏବଂ Dର ଅର୍ଥ ହେଉଛି Do Not Promote Fear ।  ତେବେ Ministry of Information and Broadcasting  ଏହି ABCDକୁ ଗ୍ରାଫିକ୍ସ ମାଧ୍ୟମରେ ଲୋକଙ୍କ ନିକଟରେ ପହଞ୍ଚାଇବାକୁ ଚେଷ୍ଟା କରିଛନ୍ତି ।  ଯାହା କରୋନା ଭୂତାଣୁ ସହିତ ଲଢିବା ପାଇଁ ଲୋକଙ୍କୁ ଖୁବ୍‌ ସାହାଯ୍ୟ କରିବ ।  ଏହା ପୂର୍ବରୁ ୨୪ ଜୁନ୍‌ରେ  ପ୍ରଧାନମନ୍ତ୍ରୀ ନରେନ୍ଦ୍ର ମୋଦି  ଲୋକଙ୍କୁ କରୋନା ଭୂତାଣୁ ସମ୍ପଦ୍ଧିତ ଉଡ଼ାଖବରଠାରୁ ଦୂରେଇ ରହିବାକୁ  ଅପିଲ କରି ସାରିଛନ୍ତି ।  ବିଶ୍ୱରୁ ମହାମାରୀ କରୋନା ଭୂତାଣୁ ମୂଳପୋଛ ହୋଇନାହିଁ ବରଂ ରୂପ ବଦଳାଉଛି  ବୋଲି କହିଛନ୍ତି ପ୍ରଧାନମନ୍ତ୍ରୀ । ତେଣୁ ଏଥିରୁ ବଞ୍ଚିବା ପାଇଁ  କରୋନା ଭାଇରସ ସମ୍ପଦ୍ଧିତ ସମସ୍ତ ପ୍ରୋଟୋକଲକୁ ମାନି ଭ୍ୟାକ୍ସିନ୍‌ ନେବାପାଇଁ କହିଛନ୍ତି ।

ପଞ୍ଜାବ ମୁଖ୍ୟମନ୍ତ୍ରୀଙ୍କ ସହ ତିକ୍ତତା ମଧ୍ୟରେ ସିଦ୍ଧୁଙ୍କ ନୂଆ ସନ୍ଦେଶ: କହିଲେ, ମୋ ଉଦ୍ଦେଶ୍ୟକୁ AAP ବୁଝିପାରିଲା

ଚଣ୍ଡିଗଡ଼: ପଞ୍ଜାବ କଂଗ୍ରେସ ପାଇଁ ପୁଣି ମୁଣ୍ଡ ବ୍ୟଥା ବଢ଼ାଇଛନ୍ତି ନବଜ୍ୟୋତ ସିଂହ ସିଦ୍ଧୁ ।  ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦ୍ର ସିଂହଙ୍କ ଜାରି ତିକ୍ତତା ମଧ୍ୟରେ ସିଦ୍ଧୁଙ୍କ ନୂଆ ଟ୍ୱିଟ୍ ଦଳୀୟ କର୍ମୀ ଓ ନେତୃତ୍ୱକୁ ଅଡ଼ୁଆରେ ପକାଇଛି । ଏଥରେ ସେ ଆମ ଆଦମି ପାର୍ଟିର ପଞ୍ଜାବ ମୁଖ୍ୟ ଭଗବନ୍ତ ମାନ୍ନଙ୍କ ଏକ ଟ୍ୱିଟର ଭିଡିଓ ଅପଲୋଡ୍ କରିଛନ୍ତି, ଯେଉଁଥିରେ ଶ୍ରୀ ମାନ୍ନ ଏବଂ ଆପ୍ ନେତା ସଞ୍ଜୟ ସିଂହ ସିନ୍ଧୁଙ୍କ ପ୍ରଶଂସା କରୁଥିବା ନଜର ଆସିଛି । ସିଦ୍ଧୁ ଟ୍ୱିଟ କରି କହିଛନ୍ତି ଯେ, ଆମ ବିପକ୍ଷ ଦଳ ଆମ ଆଦମୀ ପାର୍ଟି ସର୍ବଦା ପଞ୍ଜାବ ନେଇ ମୋର ଭିଜନ ଏବଂ କାମକୁ ସଠିକ୍ ଭାବେ ବୁଝିପାରିଛି । ୨୦୧୭ ପୂର୍ବରୁ କୃଷକଙ୍କ ସମସ୍ୟା, ଭ୍ରଷ୍ଟାଚାର ଏବଂ ବିଜୁଳି ସମସ୍ୟା ନେଇ ମୁଁ ସ୍ୱର ଉଠାଇଥିଲି । ଆଉ ଏବେ ସେମାନେ ପଞ୍ଜାବ ମଡେଲ ନେଇ ଡିିଣ୍ଡିମ୍ ପିଟୁଛନ୍ତି । ସେମାନେ ସ୍ପଷ୍ଟ ଭାବେ ଜାଣିଛନ୍ତି ଏ ସବୁ ନେଇ କିଏ ସଂଘର୍ଷ କରିଥିଲା ।

ଏହି ଭିଡିଓ ଅପଲୋଡ୍ କରି ସିଦ୍ଧୁ ପଞ୍ଜାବ ନେତାମାନଙ୍କୁ ତ ଦ୍ୱନ୍ଦ୍ୱରେ ପକାଇଦେଇଛନ୍ତି  । ଏଥିସହିତ ପାର୍ଟି ହାଇକମାଣ୍ଡକୁ ମଧ୍ୟ କନ୍‌ଫ୍ୟୁଜ କରିବାକୁ ଚେଷ୍ଟା କରିଛନ୍ତି । ଗତ କିଛି ଦିନ ହେଲା ପାର୍ଟି ହାଇକମାଣ୍ଡ ପଞ୍ଚାବରେ ଚାଲିଥିବା ଦଳୀୟ କନ୍ଦଳର ସମାଧାନ କରିବା ଲାଗି  ପ୍ରୟାସ ଜୋରଦାର କରିଛି । ଏହାରି ମଧ୍ୟରେ ସିଦ୍ଦୁଙ୍କ ଏଭଳି ସନ୍ଦେଶ ସମସ୍ୟା ସୃଷ୍ଟି କରିବା ସହ ନୂଆ ସମୀକରଣ ଆଡ଼କୁ ଇଙ୍ଗିତ କରିଛି ।

 ବିଜୁଳି ଦର ବୃଦ୍ଧି ପ୍ରସଙ୍ଗ: ବିଜେପି ଅଭିଯୋଗର ଜବାବ ରଖିଲା ବିଜେଡ଼ି

ଭୁବନେଶ୍ୱର: ବିଜେପିର ପ୍ରେସମିଟ ପରେ ଜବାବ ରଖିଛି ବିଜେଡ଼ି  ।   ବିଜୁଳି ଦର ବୃଦ୍ଧି ପ୍ରସଙ୍ଗରେ ବିଜେପି ଆଣିଥିବା ଅଭିଯୋଗର ଉତ୍ତର ରଖିଛନ୍ତି ବିଜେଡ଼ି ମୁଖପାତ୍ର ଲେନିନ ମହାନ୍ତି  । ବିଜେପି ରାଜ୍ୟ କାର୍ଯ୍ୟଳାୟରେ ଦଳର ରାଜ୍ୟ ସଭାପତି ସମୀର ମହାନ୍ତି ସାମ୍ବାଦିକ ସମ୍ମିଳନୀ କରିଥିଲେ   । ବିଜୁଳି ଦର ବୃଦ୍ଧି ପ୍ରସଙ୍ଗରେ ରାଜ୍ୟ ସରକାରଙ୍କ ଉପରେ ସମସ୍ତ ଦୋଷାରୋପ କରିଥିଲେ ସମୀର ମହାନ୍ତି  । ଏନେଇ ବିଜେଡ଼ି ପକ୍ଷରୁ ଦଳର ମୁଖପାତ୍ର ବିବୃତ୍ତି ରଖିଛନ୍ତି  ।

ଲେଲିମ ମହାନ୍ତି କହିଛନ୍ତି  ବିଜୁଳି ଦର କଥା ଉଠାଇ ବିଜେପି ରାଜ୍ୟ ସଭାପତି ନିଜକୁ ନିଜେ expose କରିଛନ୍ତି। ନିଜକୁ କାଠଗଡାରେ ଠିଆ କରାଇଛନ୍ତି। ପେଟ୍ରୋଲ, ଡିଜେଲ ସହ ସବୁ କ୍ଷେତ୍ରରେ ଅହେତୁକ ଦର ବୃଦ୍ଧି ନେଇ ସାଧାରଣ ଲୋକଙ୍କ ହନ୍ତସନ୍ତ ହେଉଛନ୍ତି। ତାଙ୍କ ଦଳ ଉପରେ ରାଗିକି ଅଛନ୍ତି। ଦର ବୃଦ୍ଧି ଉପରେ ସେ ଲୋକଙ୍କୁ କ୍ଷମା ମାଗିବେ ବୋଲି ଆମେ ଆଶା କରିଥିଲୁ। କିନ୍ତୁ ତାହା ନ କରି ସେ ବିଜୁଳି ଦର ଉପରେ କହିଲେ।

ସେହିପରି ଲେନିନ କହିଛନ୍ତି  ମଧ୍ୟପ୍ରଦେଶ,କର୍ଣ୍ଣାଟକ, ୟୁପି ଭଳି ବିଜେପି ଶାସିତ ରାଜ୍ୟରେ ଓଡ଼ିଶା ଠାରୁ ଅଧିକ ଦର ବୃଦ୍ଧି ହୋଇଛି। ଲୋକେ ଭଲଭାବେ ବୁଝିଛନ୍ତି ଓଡିଶା ବିଜେପିର କୁମ୍ଭୀର କାନ୍ଦଣା। ତଥ୍ୟ ଓ ସତ୍ୟ ନ ଥାଇ କେବଳ ରାଜିନୀତି କରୁଛନ୍ତି। ନିଜ କର୍ମୀଙ୍କୁ ଉତ୍ସାହିତ କରିବା ପାଇଁ ଦଳର ସଭାପତି ଭାବେ ଏହା କହୁଛନ୍ତି ବୋଲି ପାଲଟା ଆରୋପ ଲଗାଇଛନ୍ତି ବିଜେଡି ମୁଖପାତ୍ର ଲେନିନ ମହାନ୍ତି  ।

ଶେଷ ହେଲା ସନ୍ଧ୍ୟା ଧୂପ ନୀତି, ଗୁଣ୍ଡିଚା ମନ୍ଦିର ବିଜେ କରୁଛନ୍ତି ଶ୍ରୀଜିଉ

ପୁରୀ: ନବଦିନାତ୍ମକ ଯାତ୍ରାରେ ମହାପ୍ରଭୁ ମାଉସୀ ମା ଘରକୁ ଆସିଛନ୍ତି  । ସୋମବାର ଗୁଣ୍ଡିଚା ମନଦିରକୁ ଆସିଥିବା ତିନି ଠାକୁର ଶରଧାବାଲିରେ ରହି ଭକ୍ତଙ୍କୁ ଦର୍ଶନ ଦେଇଛନ୍ତି  । ସେପଟେ କୋଭି଼ଡ କଟକଣା ଯୋଗୁଁ ଏଥର ଭକ୍ତ ଶୂନ୍ୟ ବଡଦାଣ୍ଡରେ ମହାପ୍ରଭୁ ଭକ୍ତଙ୍କୁ ନିରାଶ କରିଥିଲେ  । ଆଜି ସମସ୍ତ ନୀତିକାନ୍ତି ସରିବା ପରେ ତିନି ଠାକୁର ଆଡ଼ପ ମଣ୍ଡପ ବିଜେ କରିଛନ୍ତି  । ମହାପ୍ରଭୁଙ୍କ ଶ୍ରୀଗୁଣ୍ଡିଚା ବିଜେ ହୋଇଛି । ଘୋଷଯାତ୍ରାରେ ଆସିଥିବା ଚତୁର୍ଦ୍ଧାମୂର୍ତ୍ତି ଜନ୍ମବେଦୀକୁ ବିଜେ ପ୍ରକ୍ରିୟା ଆରମ୍ଭ ହୋଇଛି ।

ଗୋଟି ପହଣ୍ଡିରେ ଗୁଣ୍ଡିଚା ମନ୍ଦିରକୁ ବିଜେ କରିବେ ମହାପ୍ରଭୁ । ରଥ ଉପରେ ମହାପ୍ରଭୁଙ୍କ ଦୈନନ୍ଦିନ ନୀତି କାନ୍ତି ଅନୁଷ୍ଠିତ ହୋଇ ସନ୍ଧ୍ୟା ଧୂପ ନୀତି ଶେଷ ପରେ ଆଡପ ମଣ୍ଡପ ବିଜେ କାର୍ଯ୍ୟ ଆରମ୍ଭ ହୋଇଛି । ଆସନ୍ତାକାଲି ବାହାରିବ ଆଡପ ଅବଢା । ସେପଟେ ଗୁଣ୍ଡିଚା ମନ୍ଦିର ଆଡ଼ପ ଅଭଡ଼ା ପାଇଁ ସ୍ଵତନ୍ତ୍ର ବ୍ୟବସ୍ଥା କରାଯାଛି । ନୃସିଂହମନ୍ଦିର ଓ ବସଷ୍ଟାଣ୍ଡରେ ହେବ ଅଭଡ଼ା ବିକ୍ରିର ବ୍ୟବସ୍ଥା ।

ସେପଟେ  ଜିଲ୍ଲାପାଳ ସମର୍ଥ ବର୍ମା ସୁଆର ମହସୁଆର ନିଯୋଗ ସହ ଆଲୋଚନା କରି ଵ୍ୟଵସ୍ଥାର ଅନୁଧ୍ୟାନ ପରେ ଶ୍ରୀମନ୍ଦିର ଉନ୍ନୟନ ପ୍ରଶାସକ ଏହି ସୂଚନା ଦେଇଛନ୍ତି । ଗତକାଲି ଶାନ୍ତିଶୃଙ୍ଖଳା ସହ ଶେଷ ହୋଇଛି ମହାପ୍ରଭୁଙ୍କ ରଥଯାତ୍ରା । କେବଳ ସେବାୟତଙ୍କୁ ରଥ ଟାଣିବା ପାଇଁ ଅନୁମତି ମିଳିଥିବାବେଳେ ପୁରୀ ବାସୀଙ୍କୁ ମଧ୍ୟ ଦର୍ଶନରୁ ବାଦ ଦିଆଯାଇଥିଲା   । କୋଭିଡ ପରିସ୍ଥିତିରେ କିପରି ବିନା ଭକ୍ତରେ ରଥଯାତ୍ରା ହୋଇ ପାରିବ ସେନେଇ ପୁରୀ ଜିଲ୍ଲା ପ୍ରଶାସନ ପକ୍ଷରୁ ସମସ୍ତ ପ୍ରସ୍ତୁତି କରାଯାଇଥିଲା  ।

ମୃତ୍ୟୁର ମହାଜାଲ, ବଜ୍ରପାତ ନେଲା ପରିବାରର ୩ ମୁଣ୍ଡ

ମୟୂରଭଞ୍ଜ: ଏମିତି ବି ଆସେ ମୃତ୍ୟୁର ମହାଜାଲ । ଆକସ୍ମାକେ ଆସିଲା ଏବଂ ତିନି ଜଣଙ୍କର ଜୀବନ ନେଇଗଲା  । ପ୍ରାକୃତିକ ଦୁର୍ବିପାକର ରୂପ ନେଇ ବଜ୍ରପାତ ଘଟିଚାଲିଥିବା ବେଳେ ଆଜି ପୁଣି ଗୋଟିଏ ପରିବାରର ତିନି ଜଣଙ୍କ ଜୀବନ ନେଇଛି ବଜ୍ରପାତ  । ଗତ କିଛିଦିନ ହେବ ସମଗ୍ର ଭାରତରେ ବଜ୍ରପାତରେ ମୃତ୍ୟୁ ସଂଖ୍ୟା ବଢିଚାଲିଥିବା ବେଳେ ଆଜି ଏପରି ଏକ ଖବର ସଭିଙ୍କୁ ଆଶ୍ଚର୍ଯ୍ୟ କରିଛି  ।

ସୂଚନା ମୁତାବକ ବଜ୍ରପାତରେ ଗୋଟିଏ ପରିବାରର ୩ ନାବାଳକଙ୍କ ଜୀବନ ନେଲା ବଜ୍ରପାତ । ମୟୂରଭଞ୍ଜ ଜିଲ୍ଲାର ଚାନ୍ଦୁଆ ଥାନା ଅନ୍ତର୍ଗତ ବାଘୂଆଶୋଳ ଗ୍ରାମ ବଜ୍ରପାତ । ବିଲରେ ଛେଳି ଚରାଉଥିବା ବେଳେ ବଜ୍ରପାତରେ ତିନିଜଣଙ୍କର ମୃତ୍ୟୁ ହୋଇଛି ।  ମୃତକ ତିନି ଜଣ ଗୋଟିଏ ପରିବାରର ହୋଇଥିବା ସୂଚନା । ମୃତକ ମାନେ ହେଲେ ବାଵଲୁ ନାଏକ, ବର୍ଷା ନାଏକ, ଓ ସୁଜିତ ନାଏକ । ସେପଟେ ଚାନ୍ଦୁଆ ପୋଲିସ ଘଟଣାସ୍ଥଳରେ ପହଁଚି ମୃତ ଦେହକୁ ଉଦ୍ଧାର କରିଛି ।

ପୋଷ୍ଟ ଅଫିସ୍‌ର ଏହି ସ୍କିମ୍ ଆପଣଙ୍କ ଟଙ୍କାକୁ କରିଦେବ ଦୁଇ ଗୁଣା: ୫ଲକ୍ଷ ଜମା କଲେ ମିଳିବ ୧୦ଲକ୍ଷ

ନୂଆଦିଲ୍ଲୀ: ଆପଣ ଆପଣଙ୍କ କଷ୍ଟଅର୍ଜିତ ଟଙ୍କାକୁ ଏଭଳି ଜାଗାରେ ଜମା ରଖିବାକୁ ଚାହୁଁଛନ୍ତି କି? ଯାହା ସୁରକ୍ଷିତ ବି ରହିବ ଏବଂ ଆପଣଙ୍କୁ ଏହା ବଦଳରେ ଭଲ ରିଟର୍ଣ୍ଣ ମଧ୍ୟ ମିଳିବ ।  ତେବେ ପଢ଼ନ୍ତୁ ପୂରା ଖବର ।

ପୋଷ୍ଟ ଅଫିସଗୁଡ଼ିକରେ ଆରମ୍ଭ ହୋଇଛି କିଷାନ ବିକାଶ ଯୋଜନା । ଏହି ଯୋଜନା ଭାରତ ସରକାରଙ୍କ ଏକ ଓ୍ୱାନ ଟାଇମ୍ ସ୍କିମ୍ । ଯେଉଁଥିରେ ଆପଣଙ୍କ ଟଙ୍କା ଏକ ନିର୍ଦ୍ଦାରିତ ସମୟ ମଧ୍ୟ ଦ୍ୱିଗୁଣା ହୋଇଯିବ । କିଷାନ ବିକାଶ ପତ୍ର ଦେଶର ସବୁ ଡାକଘର ଏବଂ ବଡ଼ ବ୍ୟାଙ୍କରେ ଉପଲବ୍ଧ ରହିଛି । ଯାହାର ମେଚ୍ୟୁରିଟି ପିରିୟଡ୍ ବର୍ତ୍ତମାନ ୧୨୪ ମାସ ରହିଛି । ଏଥିରେ ନ୍ୟୁନତମ ନିବେଶ ୧୦୦୦ ଟଙ୍କା ରହିଥାଏ । ଏବଂ ଅଧିକତମ ନିବେଶର କୌଣସି ଲିମିଟ ନାହିଁ । ଏହି ଯୋଜନା କୃଷକଙ୍କ ପାଇଁ ପ୍ରସ୍ତୁତ କରାଯାଇଛି । ଯାହା ଦ୍ୱାରା ସେମାନେ ଲମ୍ୱା ଅବଧି ପାଇଁ ସେମାନଙ୍କ ଟଙ୍କାକୁ ଜମା ରଖିପାରିବେ ।

ଏହି ଯୋଜନାରେ ୨୦୨୧ ବର୍ଷର ପ୍ରଥମ ତିନିମାସ ପାଇଁ ସୁଧ ୬.୯ ପ୍ରତିଶତ ଧାର୍ଯ୍ୟ କରାଯାଇଛି । ଏଠାରେ ଆପଣଙ୍କ ନିବେଶ ୧୨୪ ମାସରେ ଡବଲ ହୋଇଯିବ । ଯଦି ଆପଣ ଥରକେ ୫ଲକ୍ଷ ଟଙ୍କା ନିବେଶ କରନ୍ତି ତେବେ ଆପଣ ନିର୍ଦ୍ଦାରିତ ସମୟ ପୂରା ହେଲା ପରେ ଆପଣଙ୍କ ୧୦ ଲକ୍ଷ ଟଙ୍କା ପାଇବେ । ତେବେ ଏହି ଯୋଜନାରେ ୧୦୦୦ ହଜାର ଟଙ୍କାର ମିନିମନ୍ ଇନ୍‌ଭେଷ୍ଟମେଣ୍ଟ ହୋଇଥିବା ଆବଶ୍ୟକ । ଏହାପରେ ଆପଣଙ୍କୁ ଆପଣଙ୍କ ଜମାରାଶି ମୁତାବକ ଯଥାକ୍ରମେ ୧୦୦୦, ୨୦୦୦, ୫୦୦୦ ଓ ୫୦୦୦ ଏଭଳି ସର୍ଟିଫିକେଟ୍ ପ୍ରଦାନ କରାଯିବ । ଯେଉଁଥିରେ ଆପଣଙ୍କ ଜମାରାଶି ସମ୍ପର୍କରେ ଉଲ୍ଲେଖ ରହିଥିବ । ଏବଂ ଏ ନେଇ ସରକାରଙ୍କ ପକ୍ଷରୁ ଗ୍ୟାରେଣ୍ଟି ଦିଆଯିବ ।

କିଷାନ ବିକାଶ ପତ୍ରରେ ଯେ କୌଣସି ଜଣେ ବ୍ୟକ୍ତି କିମ୍ୱା ଅଧିକତମ ୩ଜଣ ବ୍ୟକ୍ତି ମିଶି ଜଏଣ୍ଟ ଆକାଉଣ୍ଟ ମାଧ୍ୟମରେ ୧୦ ବର୍ଷ ବୟସରୁ ଊର୍ଦ୍ଧ୍ୱ  ନାବାଳକ କିଣିପାରିବେ । ଏହା ବ୍ୟତୀତ ନାବାଳକ ପକ୍ଷରୁ କୌଣସି ବ୍ୟକ୍ତି ଏବଂ ମାନସିକ ବିକାରଗ୍ରସ୍ତଙ୍କ ପାଇଁ ତାଙ୍କ ଅଭିଭାବକ ଏହାକୁ କିଣିପାରିବେ ।

ଏଥିସହିତ ପଢ଼ନ୍ତୁ: କ୍ରିକେଟ ବିଶ୍ୱକପ୍ ବିଜୟୀ ଦଳର ଅନ୍ୟତମ କର୍ଣ୍ଣଧାର ୟଶପାଲଙ୍କୁ ସୁଯୋଗ ଦେଇଥିଲେ ଦିଲ୍ଲୀପ: ଜାଣନ୍ତୁ କିଭଳି

ବଢିବ ଜୁନିଅର କଲେଜରେ ଯୁକ୍ତ ଦୁଇ ସିଟ୍, ଅନୁମତି ଦେଲେ ରାଜ୍ୟ ସରକାର

ଭୁବନେଶ୍ୱର: ବଢିବ ଜୁନିଅର କଲେଜରେ ଯୁକ୍ତ ଦୁଇ ସିଟ୍ । ସିଟ ବୃଦ୍ଧି ପାଇବା ନେଇ ଉଚ୍ଚମାଧ୍ୟମିକ ଶିକ୍ଷା ନିର୍ଦ୍ଦେଶାଳୟକୁ ଅନୁମତି ଦେଇଛନ୍ତି ରାଜ୍ୟ ସରକାର । ସରକାରଙ୍କ ନିୟମ ମୁତାବକ ଯେଉଁ କଲେଜ୍ ଚାହିଁବେ ଆବେଦନ କରିପାରିବେ । ସିଟ୍ ବୃଦ୍ଧି ପାଇଁ ୭ ଦିନ ମଧ୍ୟରେ ଆବେଦନ କରିପାରିବେ । ଏବଂ ଏଥିପାଇଁ ସାମ୍ସରେ ଅନ୍‌ଲାଇନ୍ ଜରିଆରେ  ଆବେଦନ କରିହେବ ବୋଲି ସ୍ପଷ୍ଟ ଉଲ୍ଲେଖ କରିଛନ୍ତି ସରକାର ।

ଚଳିତବର୍ଷ ମାଟ୍ରିକ୍ ବୋର୍ଡ ପରୀକ୍ଷାକୁ ସରକାର କୋଭିଡ ଗାଇଡଲାଇନ ଭିତ୍ତିରେ ଫଳ ପ୍ରକାଶ କରିଛନ୍ତି  । ନବମ ଏବଂ ଦଶମ ଶ୍ରେଣିରେ ଦେଇଥିବା ପ୍ରି ପରୀକ୍ଷାକୁ ଦୃଷ୍ଟିରେ ରଖି ବୋର୍ଡ ମାର୍କ ସ୍ଥିର କରାଯାଇଥିଲା  । ଚଳିତବର୍ଷ ମଧ୍ୟ ଦଶମ ଶ୍ରେଣିରେ ରେକର୍ଡ ସଂଖ୍ୟକ ଛାତ୍ରଛାତ୍ରୀ  ପାସ ହୋଇଛନ୍ତି  । ମାଧ୍ୟମିକ ଶିକ୍ଷା ପରିଷଦର ରିପୋର୍ଟ ମୁତାବକ ଚଳିତବର୍ଷ ଦଶମ ବୋର୍ଡରେ ୬ ଲକ୍ଷ ୬୨ ହଜାର ୧୦ ଜଣ ଛାତ୍ରଛାତ୍ରୀ ପାସ ହୋଇଛନ୍ତି । ସେପଟେ ରାଜ୍ୟର ଯୁକ୍ତ ଦୁଇ ସିଟ୍ ସଂଖ୍ୟା  ୪ ଲକ୍ଷ ୪୩ ହଜାର ୩୫୪ ରହିଛି।

ତେଣୁ ଏଭଳି ସ୍ଥିତିରେ ଆଡମିଶନକୁ ନେଇ ବିବାଦ ସୃଷ୍ଟି ହୋଇଥିଲା  । ବଳକା ଛାତ୍ରଛାତ୍ରୀ କିପରି ପାଠ ପଢିବେ ବୋଲି ପ୍ରଶ୍ନବାଚୀ ସୃଷ୍ଟି ହୋଇଥିଲା  । କିନ୍ତୁ ଏହି ପ୍ରସଙ୍ଗରେ  ଗଣଶିକ୍ଷାମନ୍ତ୍ରୀ ସମୀର ଦାସ ବିବୃତ୍ତି ରଖିଥିଲେ  । ଏବଂ ପ୍ରବେଶିକା ପରୀକ୍ଷାର ଯୋଗ୍ୟତା ଭିତ୍ତିରେ ଛାତ୍ରଛାତ୍ରୀ ଆଡମିଶନ କରିବା ନେଇ ସ୍ପଷ୍ଟ କରିଥିଲେ  । ପରବର୍ତ୍ତୀ ସମୟରେ ସରକାର ଏନେଇ ନିଷ୍ପତ୍ତି ନେବେ ବୋଲି ସୂଚନା ଦେଇଥିଲେ  । ଶେଷରେ ଆଜି ସରକାର ଯୁକ୍ତ ଦୁଇ କଲେଜରେ ସିଟ ବୃଦ୍ଧି ନେଇ ନିର୍ଦ୍ଦେଶ ଦେଇଛନ୍ତି  ।