spot_img
Home Blog Page 5578

ଶ୍ରୀମନ୍ଦିର ଯାଞ୍ଚ ନେଇ ପହଞ୍ଚିଲା ବୈଷୟିକ କମିଟି: ଗର୍ଭ ଗୃହ ଓ ନାଟ ମଣ୍ଡପ ସ୍ଥିତି ବୁଲି ଦେଖୁଛନ୍ତି

ପୁରୀ: ଶ୍ରୀମନ୍ଦିର ଯାଞ୍ଚ କରିବା ନେଇ ପହଞ୍ଚିଲେ ବୈଷୟିକ କମିଟିର ସ୍ୱତନ୍ତ୍ର ଟିମ । ଟିମ ଗର୍ଭ ଗୃହ, ନାଟ ମଣ୍ଡପ ସ୍ଥିତି ଦେଖିବା ସହ ଶ୍ରୀମନ୍ଦିର ଭିତରର ସମସ୍ତ ସ୍ଥିତି ଯାଞ୍ଚ କରିବ । ବେହରଣ ଦ୍ୱାର ଖୋଲା ଯାଇଥିବା ବେଳେ ଏହାର ନିର୍ମାଣ କାର୍ଯ୍ୟର ଅଗ୍ରଗତି ଓ ଅନ୍ୟ ଦ୍ୱାର ଗୁଡିକର ସ୍ଥିତି ସମ୍ପର୍କରେ ଅନୁଧ୍ୟାନ କରାଯିବ । ସେହିଭଳି ଶ୍ରୀମନ୍ଦିରରେ ଥିବା ଆର୍ଥିଙ୍ଗ ସିଷ୍ଟମର ସ୍ଥିତି ଦେଖିବେ ବୈଷୟିକ କମିଟିର ସ୍ୱତନ୍ତ୍ର ଟିମ୍ । ରୁଟିନ ଯାଞ୍ଚ ପ୍ରକ୍ରିୟା ଜାରି ରହିଛି ।

ଅପରପକ୍ଷରେ ଆଡ଼ପ ବିଜେପି ପରେ ଜନ୍ମବେଦିରେ ପୂଜା ପାଉଛନ୍ତି ଶ୍ରୀଜିଉ ।  ବାହାରିଲା ଆଡ଼ପ ଅବଢ଼ା  । ଶ୍ରୀଗୁଣ୍ଡିଚା ମନ୍ଦିର ପାଖ ନୃସିଂହ ମନ୍ଦିର ଓ ବସ୍‌ଷ୍ଟାଣ୍ଡରେ ଅବଢ଼ା ବିକ୍ରି ପାଇଁ ନିଯୋଗ ଓ ପ୍ରଶାସନ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି  । କାଲି ସମସ୍ତ ରିତିନିତି ଅନୁସାରେ ପ୍ରଥମେ ଆଡ଼ପ ମଣ୍ଡପକୁ ଆସିଥିଲେ ଚକ୍ରରାଜ ଶ୍ରୀସୁଦର୍ଶନ । ପରେ ବଡ଼ଠାକୁର ବଳଭଦ୍ର ଓ ଦେବୀ ସୁଭଦ୍ରା ବିଜେ କରିଥିଲେ । ଏହା ପରେ ଗୋଟି ପହଣ୍ଡିରେ ବିଜେ କରିଥିଲେ ପ୍ରଭୁ ଶ୍ରୀଜଗନ୍ନାଥ ।

ଏଥିସହିତ ପଢ଼ନ୍ତୁ: ଜନ୍ମବେଦୀରେ ମହାପ୍ରଭୁ: ଆଜିଠୁ ବାହାରିବ ଆଡ଼ପ ଅବଢ଼ା

ଜମ୍ମୁ-କାଶ୍ମୀରର ପୁଲଓ୍ୱାମାରେ ଲସ୍କରର ୩ ଆତଙ୍କବାଦୀ ନିହତ

ଜମ୍ମୁ:  ଜାମ୍ମୁ-କାଶ୍ମୀରର ପୁଲଓ୍ୱାମାରେ ଆତଙ୍କବାଦୀ-ସୁରକ୍ଷାକର୍ମୀ ମୁହାଁମୁହିଁ । ଗୁଳିବିନିମୟରେ ଲସ୍କର ଏ ତୋଏବାର କମାଣ୍ଡର ଆୟାଜ ସମେତ ୩ ଆତଙ୍କବାଦୀ ନିହତ ହୋଇଥିବା ସୂଚନା ମିଳିଛି ।

ପୁଲଓ୍ୱାମା ସହରର ଜିଲ୍ଲା ଚିକିତ୍ସାଳୟ ନିକଟରେ ଆତଙ୍କବାଦୀ ଲୁଚି ରହିଥିବା ଖବର ସୁରକ୍ଷାକର୍ମୀଙ୍କ ପାଖରେ ପହଞ୍ଚିଥିଲା । ସୁରକ୍ଷାକର୍ମୀମାନେ ଚାରିପଟୁ ଘେରିଯିବା ଯୋଗୁଁ ଆତଙ୍କବାଦୀମାନେ ଫାୟରିଂ ଆରମ୍ଭ କରିଥିଲେ । ଏହାପରେ ସୁରକ୍ଷାକର୍ମୀଙ୍କ ପାଲଟା ଗୁଳିରେ ୩ ଆତଙ୍କବାଦୀଙ୍କ ମୃତ୍ୟୁ ହୋଇଛି । ସାରା ସହରରେ କର୍ଫ୍ୟୁ ଜାରି କରାଯାଇଥିବା ବେଳେ ଏବେ ବି ସର୍ଚ୍ଚ ଅପରେସନ ଜାରି ରହିଛି ।

 


ରିପୋର୍ଟ ଅନୁସାରେ ଆତଙ୍କବାଦୀ ସୁରକ୍ଷାକର୍ମୀଙ୍କୁ ଗୁଳି ଚଳାଇବାରୁ ସର୍ଚ୍ଚ ଅପରେସନ ଏନକାଉଣ୍ଟରର ରୂପ ନେଇଥିଲା । ତେବେ ଗତ ୨୪ ଘଣ୍ଟା ମଧ୍ୟରେ  ଭିନ୍ନ ଭିନ୍ନ ସ୍ଥାନରେ ୫ ଜଣ ଆତଙ୍କବାଦୀ  ନିହତ ହୋଇଛନ୍ତି ।

 

ଜମ୍ମୁରେ ପୁଣି ନଜର ଆସିଲା ଡ୍ରୋନ୍,BSFର ଗୁଳି ମାଡ଼ ପରେ ପାକିସ୍ତାନୀ ସୀମା ଭିତରକୁ ଫେରିଲା

ଜମ୍ମୁ:  ପୁଣି ଭାରତ ଉପରେ ଶତ୍ରୁର ନଜର । ଜାମ୍ମୁ ଅନ୍ତର୍ଜାତୀୟ ସୀମାରେଖାରେ ପୁଣି ଠାବ ହୋଇଛି ଡ୍ରୋନ । ମଙ୍ଗଳବାର ରାତି  ପ୍ରାୟ ୧0ଟାରେ ସୀମା ରେଖା ଉପରେ ଏକ ଡ୍ରୋନ ଠାବ ହେବା ପରେ ତା ଉପରକୁ ସୀମା ସୁରକ୍ଷା ବଳ ଗୁଳିଚାଳନା କରିଥିଲେ । ପରେ ଏହା ପାକିସ୍ତାନ ସୀମା ଭିତରକୁ ଚାଲିଯାଇଥିଲା । ଗତ ରାତିରେ ସୀମାରେଖା ଉପରେ ନାଲି ଆଲୋକ ବିଛୁରିତ କରୁଥିବା ଏକ ଡ୍ରୋନ ଉଡିବା ପରିଲକ୍ଷିତ ହୋଇଥିଲା । ବିଏସଫ ଯବାନମାନେ ସତର୍କ ହୋଇ ଗୁଳିଚାଳନା କରିଥିଲେ ।

ଏହି ଘଟଣା ସମ୍ବଦ୍ଧରେ ବିଏସଏଫ ଏକ ବୟାନ ଜାରି କରି ସୂଚନା ଦେଇଛନ୍ତି ।  ଏହି ଘଟଣା ପ୍ରାୟ ରାତି ୧୦ଟାରେ ଜମ୍ମୁର ଅରନିୟା ସେକ୍ଟରରେ ହୋଇଛି । ସୈନିକଙ୍କୁ ଆକାଶରେ ଦେଖା ଯାଇଥିବା ଲାଲ ରଙ୍ଗର ଆଲୋକ ପ୍ରାୟ ୨୦୦ ମିଟର ଉପରେ ରହିଥିଲା ।

ଗତ ଜୁନରେ ଏୟାରବେସ ଆକ୍ରମଣ ପରଠାରୁ ବର୍ତ୍ତମାନ ଯାଏଁ ଏହାକୁ ମିଶାଇ ୬ଟି ଡ୍ରୋନ ଠାବ ହେଲାଣି । ଜାମ୍ମୁ ବିସ୍ଫୋରଣରେ ଆଇଇଡି ବ୍ୟବହୃତ ହୋଇଥିବାବେଳେ ଦୁଇ ଜଣ ଯବାନ ଆହତ ହୋଇଥିଲେ ।

ଏହି ଘଟଣା ପରେ ଜମ୍ମୁ କାଶ୍ମୀରର ପୋଲିସ୍‌  ସୂଚନା ଦେଇଥିଲେଯେ, ପାକିସ୍ତାନ ସଙ୍ଗଠନ ‘ଲସ୍କର ଏ ତୟାବା’ର ଏକ ଆତଙ୍କବାଦୀ ମଧ୍ୟ ଆଇଇଡି ସହିତ ଧରା ପଡ଼ିଥିଲା ।  ଭିଡ଼ ସ୍ଥାନରେ ବିସ୍ଫୋରଣ କରିବା ପାଇଁ ସେ ଷଡ଼ଯନ୍ତ୍ର ରଚିଥିଲା । ଏହି ଘଟଣା ପରେ ତା ପରଦିନ ଜମ୍ମୁର ଭିନ୍ନ ଭିନ୍ନ ସ୍ଥାନରେ ଡ୍ରୋନ୍‌ ଦେଖାଯାଇଥିଲା ।

କଳାହାଣ୍ଡିର ବରିଷ୍ଠ ସାମ୍ୱାଦିକ ସଦ୍ୟବାଦୀ ନାଏକଙ୍କ ଦେହାନ୍ତ

କଳାହାଣ୍ଡି: ଆଉ ନାହାନ୍ତି କଳାହାଣ୍ଡିର ବରିଷ୍ଠ ସାମ୍ବାଦିକ ସତ୍ୟବାଦୀ ନାଏକ । ସେ ଜନ ଆନ୍ଦୋଳନର ଜଣେ ଆଗଧାଡ଼ିର ସଂଗ୍ରାମୀ, ଦଳିତ ଓ ଆଦିବାସୀ ଆନ୍ଦୋଳନର ଅନ୍ୟଜଣେ ପୁରୋଧା । ନିୟମଗିରି ଏବଂ ଉଠାଦୋକାନୀ ଆନ୍ଦୋଳନର ଆଗ ଧାଡ଼ିର ନେତା ବିଶାଖାପାଟଣାର ଏକ ଘରୋଇ ହସ୍ପିଟାଲରେ ଚିକିତ୍ସାଧିନ ଅବସ୍ଥାରେ ତାଙ୍କର ବିୟୋଗ ହୋଇଛି । ମୃତ୍ୟୁ ସମୟରେ ତାଙ୍କୁ ୪୫ ବର୍ଷ ହୋଇଥିଲା । ତାଙ୍କ ବିୟେଗରେ ଗଭୀର ଶ୍ରଦ୍ଧାଞ୍ଜଳି ଜଣାଇଛି କଳାହାଣ୍ଡି ସାମ୍ବାଦିକ ସଂଘ ।

ଏଥିସହିତ ପଢ଼ନ୍ତୁ: କରୋନା କାଳରେ ସ୍କୁଲ ହତା ସବୁ ପାଲଟିଲାଣି ଜଙ୍ଗଲ: କାଲିମେଳା ବ୍ଳକର ଏହି ସ୍କୁଲ ବଜାୟ ରଖିଛି ତା’ ସୌନ୍ଦର୍ଯ୍ୟତା

 

ତୃତୀୟ ପିଲାକୁ ନେଇ ବିବାଦରେ କରୀନା କପୂର

 ମୁମ୍ବାଇ: ବଲିଉଡ ଅଭିନେତ୍ରୀ କରୀନା କପୂର ଖାନ୍‌ ନିକଟରେ ତାଙ୍କ ତୃତୀୟ ପିଲାକୁ ନେଇ ଘୋଷଣା କରିବା ପରେ ସମସ୍ତେ ଆଶ୍ଚର୍ଯ୍ୟ ହୋଇ ଯାଇଛନ୍ତି । ସୋସିଅଲ ମିଡିଆରେ ସେ କେବଳ ଏହା ଘୋଷଣା କରିନାହାଁନ୍ତି  ବରଂ ପିଲାର ନାଁ ମଧ୍ୟ ଘୋଷଣା କରି ସାରିଛନ୍ତି । ତେବେ ଏହି ନାଁ’କୁ ନେଇ କରୀନା ବିବାଦକୁ ଆସି ଯାଇଛନ୍ତି । କରୀନା ଫ୍ୟାନ୍ସଙ୍କ ସହିତ ନିଜ ପୁସ୍ତକ ‘Pregnancy Book’ ବିଷୟରେ   ଘୋଷଣା କରିଥିଲେ ।  ଯେଉଁଥିରେ ସେ ଗର୍ଭଧାରଣ ସମୟର ଅଭିଜ୍ଞତା ଶେୟାର କରିଛନ୍ତି ।  ଏହି ପୁସ୍ତକକୁ କରୀନା ତାଙ୍କର ତୃତୀୟ ପିଲା ବୋଲି କହିଥିଲେ । ଯାହାର ନାଁ ସେ ବାଇବେଲ ରଖିଛନ୍ତି । ଏହା ନାଁ’କୁ ଏବେ  ନେଇ ‘ଅଲ ଇଣ୍ଡିଆ ମାଇନରିଟି ବୋର୍ଡ଼’  ପ୍ରଶ୍ନବାଚୀ ସୃଷ୍ଟି କରିଛି ।

କରୀନାଙ୍କ ପୁସ୍ତକକୁ ନେଇ ବିବାଦ ସୃଷ୍ଟି ହୋଇଛି ।  ଗଣମାଧ୍ୟମର ଖବର ଅନୁସାରେ ଅଲ ଇଣ୍ଡିଆ ମାଇନରିଟି ବୋର୍ଡ଼’ର  ଅଧ୍ୟକ୍ଷ ଡାୟମଣ୍ଡ ୟୁସୁଫ୍‌ କାନପୁରର ଚୁନ୍ନିଗଞ୍ଜ ସ୍ଥିତ  ସିମେଟ୍ରିରେ ଏକ ବୈଠକ ଆୟୋଜନ କରିଥିଲେ । ଏହି ଆୟୋଜନରେ କରୀନାଙ୍କ ଦ୍ୱାର ନାମକରଣ ହୋଇଥିବା ପୁସ୍ତକକୁ ନେଇ ବିରୋଧ  ପ୍ରଦର୍ଶନ କରିଛନ୍ତି ।

ବୋର୍ଡର ଏହି ବୈଠକର ନିଷ୍ପତ୍ତି ଅନୁସାରେ ଯଥାଶୀଘ୍ର ଅଭିନେତ୍ରୀଙ୍କ ବିରୁଦ୍ଧରେ ମାମଲା ରୁଜୁ ହୋଇପାରେ ।

ରାଜସ୍ଥାନରେ ୧୧ ଜଣ ଆକ୍ରାନ୍ତଙ୍କ ନିକଟରେ କପା ଭ୍ୟାରିଆଣ୍ଟ ଚିହ୍ନଟ

ନୂଆଦିଲ୍ଲୀ:   ଡେଲଟା ଓ ଡେଲଟା ପ୍ଲସ ପରେ ଏବେ କରୋନାର ନୂଆ ଭ୍ୟାରିଆଣ୍ଟକୁ ନେଇ ଚିନ୍ତା । ରାଜସ୍ଥାନରେ ଏବେ କରୋନାର ଏହି ନୂଆ ଭ୍ୟାରିଆଣ୍ଟରେ ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ହ୍ରାସ ପାଉଥିବା ବେଳେ ଭୂତାଣୁର ନୂଆ ରୂପ ‘କପା’କୁ ନେଇ ଚିନ୍ତାବ୍ୟକ୍ତ କରିଛନ୍ତି ବିଶେଷଜ୍ଞ ।

ରାଜସ୍ଥାନରେ ନୂଆ ଭ୍ୟାରିଆଣ୍ଟ ଆକ୍ରାନ୍ତ ୧୧ଜଣ ଚିହ୍ନଟ ହୋଇଛନ୍ତି । ୪ ଆକ୍ରାନ୍ତ ଜୟପୁରରୁ ଚିହ୍ନଟ ହୋଇଥିବା ବେଳେ ୪ ଜଣ ଅଲଓ୍ୱର, ୨ ଜଣ ବାଡ଼ମେର ଓ ଜଣେ ଆକ୍ରାନ୍ତ ଭିଲଓ୍ୱାଡ଼ାର ବୋଲି ସୂଚନା ମିଳିଛି । ତେବେ କରୋନାର ଡେଲ୍ଟା ଭ୍ୟାରିଆଣ୍ଟ ଠାରୁ ଏହି ଭ୍ୟାରିଆଣ୍ଟ କମ୍ ମାରାତ୍ମକ ବୋଲି ରାଜସ୍ଥାନ ସ୍ୱାସ୍ଥ୍ୟମନ୍ତ୍ରୀ  ଡା. ରଘୁ ଶର୍ମା କହିଛନ୍ତି ।

ଏହା ପୂର୍ବରୁ ଉତ୍ତରପ୍ରଦେଶର ଲକ୍ଷ୍ନୌର କିଙ୍ଗ୍‌ ଜଜ୍‌ ମେଡିକାଲ କଲେଜରେ ପରୀକ୍ଷା ହୋଇଥିବା ୧୦୯ଟି ନମୁନା ମଧ୍ୟରୁ ଦୁଇଟି ରିପୋର୍ଟ ପଜିଟିଭ୍‌ ଚିହ୍ନଟ ହୋଇଥିଲା । ଉଭୟ କପା ଭ୍ୟାରିଆଣ୍ଟ ବୋଲି ଜଣା ପଡ଼ିଥିଲା । ଅନ୍ୟ ୧୦୭ଟି ନମୁନାରେ ଡେଲଟା ଭ୍ୟାରିଆଣ୍ଟ ଚିହ୍ନଟ ହୋଇଥିଲା ।

ନନ୍ଦିଗ୍ରାମ ନିର୍ବାଚନ ଫଳାଫଳ ଅନିୟମିତତା ଅଭିଯୋଗ: କୋଲକାତା ହାଇକୋର୍ଟରେ ଶୁଣାଣି

ପଶ୍ଚିମବଙ୍ଗରେ ନନ୍ଦିଗ୍ରାମ ବିଧାନସଭା ନିର୍ବାଚନ ଫଳାଫଳ ଅନିୟମିତତା ଅଭିଯୋଗରେ ଆଜି ହେବ ଶୁଣାଣି । କୋଲକାତା ହାଇକୋର୍ଟର ବିଚାରପତି ସାମ୍ପା ସରକାର ମାମଲାର ଶୁଣାଣି କରିବେ ।

ମୁଖ୍ୟମନ୍ତ୍ରୀ ମମତା ବାନାର୍ଜୀ ନନ୍ଦିଗ୍ରାମ ନିର୍ବାଚନ ଫଳାଫଳରେ ଅନିୟମିତତା ଅଭିଯୋଗ କରି କୋର୍ଟଙ୍କ ଦ୍ୱାରସ୍ଥ ହୋଇଥିଲେ । ବିଜେପିର ବିଧାୟକ ଶୁଭେନ୍ଦୁ ଅଧିକାରୀ ଅନିୟମିତତା କରିଥିବା ମମତା ତାଙ୍କ ଆବେଦନରେ ଦର୍ଶାଇଛନ୍ତି । ନନ୍ଦିଗ୍ରାମ ଆସନରୁ ମମତା ଓ ଶୁଭେନ୍ଦୁ ନିର୍ବାଚନ ଲଢିଥିବା ବେଳେ ଅତି କମ୍‌ ଭୋଟ୍‌ ବ୍ୟବଧାନରେ ଦିଦି ସେଠାରେ ହାରି ଯାଇଥିଲେ । ପରେ ଭୋଟ ଗଣତିରେ ଅନିୟମିତତା ହୋଇଥିବା ଅଭିଯୋଗ କରିଥିଲେ ଦିଦି ।

ରାଜ୍ୟରେ ଆଉ ୨ହଜାର ୭୪ ଜଣ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର: ରାଜ୍ୟରେ ପୁଣି ୨ ହଜାର ଉପରେ କରୋନା ସଂକ୍ରମଣ । ମୃତ୍ୟୁ ସଂଖ୍ୟାରେ ଲାଗୁନି ବ୍ରେକ । ଆଉ ୬୫ ଜଣଙ୍କର ଜୀବନ ନେଲା ମହାମାରୀ । ଗତ ୨୪ ଘଣ୍ଟାରେ ଚିହ୍ନଟ ହୋଇଛନ୍ତି ଆଉ ୨ ହଜାର ୭୪ କରୋନା ସଂକ୍ରମିତ । କ୍ୱାରେଣ୍ଟାଇନ୍‌ରୁ ୧୧ ଶହ ୯୨ ସଂକ୍ରମିତ ଚିହ୍ନଟ ହୋଇଥିବା ବେଳେ, ଲୋକାଲ କେସ୍ ରହିଛି ୮୮୨ । ଖୋର୍ଦ୍ଧାରୁ ସର୍ବାଧିକ ୪୪୩ ପଜିଟିଭ ଚିହ୍ନଟ ସହ କଟକରୁ ୨୮୩, ଯାଜପୁର ୧୨୦, ଭଦ୍ରକ ୧୧୦, ବାଲେଶ୍ୱରରୁ ୧୧୫ କରୋନା ଆକ୍ରାନ୍ତ ଚିହ୍ନଟ । ସେହିପରି ପୁରୀ ୧୩୩, ମୟୂରଭଞ୍ଜ ୧୧୫, ନୟାଗଡ଼ ୫୮, ସୁନ୍ଦରଗଡ଼ ୫୬, ଷ୍ଟେଟ୍ ପୁଲରୁ ୮୫, ଓ ଢେଙ୍କାନାଳରୁ ୬୧ ଆକ୍ରାନ୍ତ ଚିହ୍ନଟ । ସେହିପରି ଜଗତସିଂହପୁରରୁ ୯୯, କେନ୍ଦ୍ରାପଡ଼ା ୫୮, କେନ୍ଦୁଝର ୪୬, କୋରାପୁଟ ୧୦, ମାଲକାନଗିରି ୪୭, ମୟୂରଭଞ୍ଜ ୧୧୫, ନବରଙ୍ଗପୁର ୧୦, ନୟାଗଡ଼ ୫୮, ନୂଆପଡ଼ା ୪, ପୁରୀ ୧୩୩, ରାୟଗଡ଼ା ୧୬, ସମ୍ୱଲପୁର ୩୦, ସୋନପୁର ୯, ସୁନ୍ଦରଗଡ଼ ୫୬ ଓ ଷ୍ଟେଟ୍ ପୁଲରୁ ୮୫ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

 

କରୋନା କାଳରେ ସ୍କୁଲ ହତା ସବୁ ପାଲଟିଲାଣି ଜଙ୍ଗଲ: କାଲିମେଳା ବ୍ଳକର ଏହି ସ୍କୁଲ ବଜାୟ ରଖିଛି ତା’ ସୌନ୍ଦର୍ଯ୍ୟତା

କାଲିମେଳା: କରୋନା ଖାଇଛି ପିଲାଙ୍କ ପାଠପଢ଼ା । ସ୍କୁଲ ବନ୍ଦ ଥିବାରୁ ଅନେକ ବିଦ୍ୟାଳୟ ହତା ଏବେ ଜଙ୍ଗଲ ପାଲଟିଲାଣି । ହେଲେ କାଲିମେଳା ବ୍ଲକ୍ ଅନ୍ତର୍ଗତ ତେଲରାଇ ପଞ୍ଚାୟତ ଜବାନିପାଲୀ ଉଚ୍ଚ ପ୍ରାଥମିକ ବିଦ୍ୟାଳୟ କିନ୍ତୁ ତାର ସୌନ୍ଦର୍ଯ୍ୟ ବଜାୟ ରଖିଛି । ଉପାନ୍ତ ଅଞ୍ଚଳ ହୋଇଥିଲେ ସୁଦ୍ଧା ଏହାର ପରିବେଶ ଲୋକଙ୍କୁ ଆକର୍ଷିତ କରୁଛି । ସ୍କୁଲ ବନ୍ଦ ଥିବା ଯୋଗୁଁ ଅନଲାଇନ୍ କ୍ଲାସ ଚାଲିଥିବା ବେଳେ ଏହାର ସୌନ୍ଦର୍ଯ୍ୟକରଣ ପାଇଁ ବିଶେଷ ଦୃଷ୍ଟି ଦେଇଛନ୍ତି ସ୍କୁଲ ପ୍ରଧାନଶିକ୍ଷକ ।

ମନ ମୋହୁଛି ଜବାନପାଲୀ ସ୍କୁଲ ପରିବେଶ । ଆକର୍ଷଣୀୟ ବଗିଚା ସାଙ୍ଗକୁ ଫଳ, ଫୁଲର ସମ୍ଭାର । ସ୍ୱଚ୍ଛ ଓ ସୁନ୍ଦରତା ପାଇଁ ସାଉଁଟୁଛି ପ୍ରଶଂସା । କରୋନା ଯୋଗୁଁ ରାଜ୍ୟର ସମସ୍ତ ସ୍କୁଲ ବନ୍ଦ ରହିଛି । ଉପାନ୍ତ ଅଞ୍ଚଳରେ ଅନେକ ବିଦ୍ୟାଳୟ ରକ୍ଷଣାବେକ୍ଷଣ ଅଭାବରୁ ଜଙ୍ଗଲ ହେଲାଣି । ନିକଟରେ କିଛି ସ୍କୁଲର ଶ୍ରେଣୀଗୃହ ଗୋଦାମ ପାଲଟିଥିବା ଦେଖିବାକୁ ମିଳିଛି । କେନ୍ଦୁପତ୍ର, ସିମେଣ୍ଟ, ଲୁହାଛଡ ପଡ଼ି ରହିଥିବାବେଳେ ହତାରେ ଚରୁଛନ୍ତି ଗାଈଗୋରୁ । କିନ୍ତୁ ଉପାନ୍ତ କାଲିମେଳା ବ୍ଲକ୍ ଅନ୍ତର୍ଗତ ତେଲରାଇ ପଞ୍ଚାୟତ ଜବାନିପାଲୀ ଉଚ୍ଚ ପ୍ରାଥମିକ ବିଦ୍ୟାଳୟ କିନ୍ତୁ ତାର ସୌନ୍ଦର୍ଯ୍ୟ ପାଇଁ ସାଉଁଟୁଛି ପ୍ରଶଂସା ।

୧୯୭୧ ରେ ସ୍ଥାପିତ ହୋଇଥିଲା ଏହି ବିଦ୍ୟାଳୟ । ୨୦୦୬ରେ ନବ କିଶୋର ମଲ୍ଲିକ ଏଠାକୁ ଆସିବା ପରେ ଏହାର ସୌନ୍ଦର୍ଯ୍ୟକରଣ ପାଇଁ ଅଧିକ ଗୁରୁତ୍ବ ଦେଇଛନ୍ତି । ଖାଲି ସୌନ୍ଦର୍ଯ୍ୟକରଣ ନୁହେଁ ହତାରେ ଲାଗିଥିବା ବିଭିନ୍ନ ପନିପରିବା ମଧ୍ୟ ସମସ୍ତଙ୍କୁ ଆକର୍ଷିତ କରୁଛି । ଡାଳିମ୍ବ, ଲିଚୁ, ତେଜପତ୍ର, ଗୁଜୁରାତି, ତୁଳସୀ ପରି ଅନେକ ଔଷଧୀୟ ବୃକ୍ଷ ରହିଛି । ତେବେ ୨୦ ଫୁଟର ସେଓ ଗଛରେ ଫଳିଥିବା ପେନ୍ଥାପେନ୍ଥା ସେଓ ଦେଖିବାକୁ ଲୋକଙ୍କ ଆଗ୍ରହ ବଢୁଛି । କରୋନା ମହାମାରୀ ଯୋଗୁଁ ଶିକ୍ଷକମାନେ ଗାଁ ଗାଁ ବୁଲି ଛାତ୍ରଛାତ୍ରୀମାନଙ୍କୁ ୟୁଟ୍ୟୁବ ମାଧ୍ୟମରେ ଶିକ୍ଷାଦାନ କରୁଛନ୍ତି । ଏପରିସ୍ଥିତିରେ ସ୍କୁଲର ରକ୍ଷଣାବେକ୍ଷଣ କରିବାକୁ ଶିକ୍ଷକମାନେ ପରାମର୍ଶ ଦେଇଛନ୍ତି ।

ଏଥିସହିତ ପଢ଼ନ୍ତୁ: ଜନ୍ମବେଦୀରେ ମହାପ୍ରଭୁ: ଆଜିଠୁ ବାହାରିବ ଆଡ଼ପ ଅବଢ଼ା

ଜନ୍ମବେଦୀରେ ମହାପ୍ରଭୁ: ଆଜିଠୁ ବାହାରିବ ଆଡ଼ପ ଅବଢ଼ା

ପୁରୀ: ଜନ୍ମବେଦିରେ ମହାପ୍ରଭୁ । ଆଡ଼ପ ବିଜେ ପରେ ଏବେ ଜନ୍ମବେଦିରେ ପୂଜା ପାଉଛନ୍ତି ଚତୁର୍ଦ୍ଧା ମୂରତି । ଆଜିଠାରୁ ବାହାରିବ ଆଡ଼ପ ଅବଢ଼ା  । ଶ୍ରୀଗୁଣ୍ଡିଚା ମନ୍ଦିର ପାଖ ନୃସିଂହ ମନ୍ଦିର ଓ ବସ୍‌ଷ୍ଟାଣ୍ଡରେ ଅବଢ଼ା ବିକ୍ରି ପାଇଁ ନିଯୋଗ ଓ ପ୍ରଶାସନ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି  । କାଲି ସମସ୍ତ ଋତିନୀତି ଅନୁସାରେ ପ୍ରଥମେ ଆଡ଼ପ ମଣ୍ଡପକୁ ଆସିଥିଲେ ଚକ୍ରରାଜ ଶ୍ରୀସୁଦର୍ଶନ । ପରେ ବଡ଼ଠାକୁର ବଳଭଦ୍ର ଓ ଦେବୀ ସୁଭଦ୍ରା ବିଜେ କରିଥିଲେ । ଏହା ପରେ ଗୋଟି ପହଣ୍ଡିରେ ବିଜେ କରିଥିଲେ ପ୍ରଭୁ ଶ୍ରୀଜଗନ୍ନାଥ ।

ଗତକାଲି ସମସ୍ତ ରୀତିନୀତି ଅନୁସାରେ ପ୍ରଥମେ ଆଡ଼ପ ମଣ୍ଡପକୁ ଆସିଥିଲେ ଚକ୍ରରାଜ ଶ୍ରୀସୁଦର୍ଶନ । ପରେ ବଡ଼ଠାକୁର ବଳଭଦ୍ର ଓ ଦେବୀ ସୁଭଦ୍ରା ଆଡ଼ପ ମଣ୍ଡପରେ ବିଜେ କରିଥିଲେ । ଏହା ପରେ ଗୋଟି ପହଣ୍ଡିରେ ବିଜେ କରିଥିଲେ ପ୍ରଭୁ ଶ୍ରୀଜଗନ୍ନାଥ । ରଥରୁ ଆଡ଼ପ ମଣ୍ଡପକୁ ଶ୍ରୀଜିଉଙ୍କୁ ବିଜେ କରାଯାଇଛି ।  ଭକ୍ତଶୂନ୍ୟ ଥିଲା ଶରଧାବାଲି । ଯେମିତି ଭକ୍ତଙ୍କୁ ଖୋଜୁଥିଲେ ରଥାରୂଢ଼ ଭାବଗ୍ରାହୀ। ରଥ ଉପରେ ଶ୍ରୀଜିଉଙ୍କ ସମସ୍ତ ନୀତିକାନ୍ତି କରାଯାଇଥିଲା । ଅପରାହ୍ନରେ ଆରମ୍ଭ ହୋଇଥିଲା ଜନ୍ମବେଦୀ – ଶ୍ରୀଗୁଣ୍ଡିଚା ମନ୍ଦିରର ଆଡ଼ପମଣ୍ଡପକୁ ବିଜେ ନୀତି। ଆସନ୍ତାକାଲିଠାରୁ ଆଡ଼ପ ଅବଢ଼ା ବାହାରିବ । ଶ୍ରୀଗୁଣ୍ଡିଚା ମନ୍ଦିର ପାଖ ନୃସିଂହ ମନ୍ଦିର ଓ ବସ୍‌ଷ୍ଟାଣ୍ଡରେ ଆଡ଼ପ ଅବଢ଼ା ବିକ୍ରି ପାଇଁ ନିଯୋଗ ଓ ପ୍ରଶାସନ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି ।

ଏଥିସହିତ ପଢ଼ନ୍ତୁ: ପୁଣି ଟି-ସାର୍ଟରେ ନବୀନ, ବିନ୍ଦାସ ମୁଡ଼ରେ ବୈଠକ