spot_img
Home Blog Page 5438

ରାଜ୍ୟରେ ୮୮୭ ଜଣ ନୂଆ କରୋନା ସଂକ୍ରମିତ ଚିହ୍ନଟ: ୧୮ ବର୍ଷରୁ କମ୍ ବର୍ଗର ୧୩୧ ଜଣ ଚିହ୍ନଟ

ଭୁବନେଶ୍ୱର: ରାଜ୍ୟରେ ନିୟନ୍ତ୍ରଣରେ ରହିଛି କରୋନା । ପୁଣି ୧ ହଜାର ତଳେ ସଂକ୍ରମିତ ଚିହ୍ନଟ ହୋଇଛନ୍ତି । ଗତ ୨୪ ଘଣ୍ଟା ମଧ୍ୟରେ ରାଜ୍ୟରେ ମୋଟ ୮୮୭ ଜଣ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ୧୮ ବର୍ଷରୁ କମ୍ ୧୩୧ ଜଣ  ସଂକ୍ରମିତ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନ୍ ସେଣ୍ଟରରୁ ୫୧୫ ଜଣ ଚିହ୍ନଟ ହୋଇଥିବା ବେଳେ ସ୍ଥାନୀୟ ଅଞ୍ଚଳରୁ ୩୭୨ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଅନୁଗୁଳରୁ ୨୭, ବାଲେଶ୍ୱରରୁ ୫୬, ବରଗଡ଼ ୯, ଭଦ୍ରକ ୯, ବୌଦ୍ଧ ୧, କଟକ ୧୧୯, ଦେବଗଡ଼ ୯, ଢେଙ୍କାନାଳ ୧୬, ଗଜପତି ୩, ଗଞ୍ଜାମ୨,ଯାଜପୁର୪୩,ଝାରସୁଗୁଡ଼ା୫,କଳାହାଣ୍ଡି ୧, କନ୍ଧମାଳ ୨, କେନ୍ଦ୍ରାପଡ଼ା ୧୫, କେନ୍ଦୁଝର ୧୯, ଖୋର୍ଦ୍ଧା ୩୨୩, କୋରାପୁଟ ୪, ମାଲକାନଗିରି ୨, ମୟୂରଭଞ୍ଜ ୩୧, ନବରଙ୍ଗପୁର ୨, ନୟାଗଡ଼ ୧୧, ନୂଆପଡ଼ା ୩, ପୁରୀ ୩୯, ରାୟଗଡ଼ା ୨, ସମ୍ୱଲପୁର ୨୧, ସୁନ୍ଦରଗଡ଼ ୭ ଓ ଷ୍ଟେଟ୍ ପୁଲ୍‌ରୁ ୬୯ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ତେବେ ବର୍ତ୍ତମାନ ରାଜ୍ୟରେ ୮୨୨୬ କରୋନା ମାମଲା ରାଜ୍ୟରେ ସକ୍ରିୟ ରହିଛି ।

 

ଶ୍ରୀମନ୍ଦିର ଢାଞ୍ଚାରେ ପ୍ରସ୍ତୁତ ହେବ ଲିଙ୍ଗରାଜ ମନ୍ଦିର ଦ୍ୱାର

ଭୁବନେଶ୍ୱର: ଶ୍ରୀମନ୍ଦିର ଢାଞ୍ଚାରେ ତିଆରି ହେବ ଲିଙ୍ଗରାଜ ମନ୍ଦିରର ଦ୍ୱାର । ଲିଙ୍ଗରାଜ ମନ୍ଦିରର ସିଂହଦ୍ୱାରରେ ହେବ ରୁପା ଛାଉଣୀ । ଏନେଇ ଆସିଥିବା ଏକ ପ୍ରସ୍ତାବ ଉପରେ ଲାଗିଛି ମୋହର । ବିଏମ୍‌ସି କମିଶନରଙ୍କ ଅଧ୍ୟକ୍ଷତାରେ ଏଏସଆଇ କାର୍ଯ୍ୟାଳୟରେ ଅନୁଷ୍ଠିତ ଏକ ଗୁରୁତ୍ୱପୂର୍ଣ୍ଣ ବୈଠକରେ ଏନେଇ ନିଷ୍ପତ୍ତି ହୋଇଛି । ବୈଠକରେ ଏଏସ୍‌ଆଇ ଭୁବନେଶ୍ୱର ଏଡିଏମ, ଏଏସଆଇଇ ସୁପରିଟେଣ୍ଡେଣ୍ଟ ଓ ୪ ନିଯୋଗର କର୍ମକର୍ତ୍ତା ଉପସ୍ଥିତ ଥିଲେ । ଏଥିରେ ପ୍ରଭୁଙ୍କ ସିଂହଦ୍ୱାର ପାଇଁ ରୂପା କବାଟ ଲାଗିବା ନେଇ ପ୍ରସ୍ତାବ ଦିଆଯାଇଥିଲା । ଏଥିରେ ସମସ୍ତଙ୍କ ସହମତି ମିଳିଛି । ମନ୍ଦିରର ସିଂହଦ୍ୱାର ରୁପା କବାଟ ନିର୍ମାଣ ସହିତ ମନ୍ଦିର ପରିସରର ମରାମତି ଓ ଗର୍ଭଗୃହର ପୁନରୁଦ୍ଧାର ନେଇ ବିସ୍ତୃତ ଆଲୋଚନା ହୋଇଛି । ଆସନ୍ତା ଶୁକ୍ରବାର ସକାଳ ସାଢେ ୭ଟା ସମୟରେ ଏସମ୍ପର୍କରେ ଅନୁଧ୍ୟାନ କରିବ ଏଏସ୍‌ଆଇର ସ୍ୱତନ୍ତ୍ର ଟିମ୍‌ ।

ଏଥିସହିତ ପଢ଼ନ୍ତୁ: ଟ୍ରପଲାଇନ୍ ପ୍ରଭାବରେ ବଦଳିବ ପାଗ: ୯ଜିଲ୍ଲାକୁ ସତର୍କ ସୂଚନା ଜାରି କଲା ପାଣିପାଗ ବିଭାଗ

 

ପର୍ଣ୍ଣ ଭିଡିଓ ପ୍ରସ୍ତୁତ ମାମଲା: ଗିରଫ ରାଜ କୁନ୍ଦ୍ରାଙ୍କ ଜାମିନ ଆବେଦନ ଉପରେ ଶୁଣାଣି ଆଜି

ମହାରାଷ୍ଟ୍ର: ପର୍ଣ୍ଣ ଫିଲ୍ମ ମାମଲାରେ ଗିରଫ ରାଜ କୁନ୍ଦ୍ରାଙ୍କର ଆଜି ହେବ ଜାମିନ ଶୁଣାଣି । ବମ୍ବେ ହାଇକୋର୍ଟରେ ଜାମିନ ଶୁଣାଣି କରାଯିବ । ତଳ କୋର୍ଟରେ ଜାମିନ ଆବେଦନ ଖାରଜ ହୋଇଥିବାବେଳେ ପରେ ହାଇକୋର୍ଟରେ ଆବେଦନ କରିଥିଲେ ରାଜ କୁନ୍ଦ୍ରା । ମଧ୍ୟବର୍ତ୍ତୀକାଳୀନ ଆଶ୍ୱସ୍ତି ଦେଇ ଅଗଷ୍ଟ ୨୫ରେ ଶୁଣାଣି ପାଇଁ କୋର୍ଟ ସ୍ଥିର କରିଥିଲେ । ୨୦୨୦ ମସିହାରେ ପର୍ଣ୍ଣ ଫିଲ୍ମ ରାକେଟରେ ସାଇବର ପୁଲିସ ଦ୍ୱାରା ପଞ୍ଜୀକୃତ ମାମଲାରେ ଜାମିନ ଲାଗି ବମ୍ବେ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ ରାଜ କୁନ୍ଦ୍ରା । ସେ ତାଙ୍କ ଆବେଦନରେ କହିଛନ୍ତି ଯେ ଗତ ବର୍ଷ ସାଇବର ପୁଲିସ ଦ୍ୱାରା ପଞ୍ଜୀକୃତ ହୋଇଥିବା ଏତଲାରେ ତାଙ୍କ ନାମ ଅନ୍ତର୍ଭୁକ୍ତ ହୋଇନାହିଁ। ପୂର୍ବରୁ ପୁଲିସକୁ ନିଜର ବିବୃତ୍ତି ଦେଇଛନ୍ତି ଏବଂ ତଦନ୍ତରେ ସମ୍ପୂର୍ଣ୍ଣ ସହଯୋଗ କରିଛନ୍ତି । ଏବଂ ତାଙ୍କ ବିରୋଧରେ କୌଣସି ପ୍ରମାଣ ନାହିଁ ବୋଲି ସେ ଆବେଦନରେ ଦର୍ଶାଇଛନ୍ତି । ତେବେ ପର୍ଣ୍ଣ ଫିଲ୍ମ ମାମଲାରେ ଗିରଫ ହୋଇ ଏବେ ଜେଲରେ ଅଛନ୍ତି ରାଜ କୁନ୍ଦ୍ରା ।

ଏଥିସହିତ ପଢ଼ନ୍ତୁ: ଜାମିନ ପାଇଲେ କେନ୍ଦ୍ରମନ୍ତ୍ରୀ ନାରାୟଣ, ମହଙ୍ଗା ପଡିଥିଲା ମୁଖ୍ୟମନ୍ତ୍ରୀ ଉଦ୍ଧବଙ୍କୁ ଆପତ୍ତିଜନକ ଶବ୍ଦ

ଇନ୍ଫୋଭ୍ୟାଲି ଅଞ୍ଚଳରୁ ୫୦ ଗ୍ରାମ ବ୍ରାଉନସୁଗାର ଜବତ

ଖୋର୍ଦ୍ଧା: ଥମୁନି ବ୍ରାଉନ୍‌ସୁଗାର କାରବାର । ଗତକାଲି ରାତିରେ ତଳଖେଦା ଇନ୍ଫୋଭାଲି ଛକ ନିକଟରୁ ବ୍ରାଉନ୍‌ ସୁଗାର ଜବତ କରିଛି ସ୍ଥାନୀୟ ପୋଲିସ । ୫୦ଗ୍ରାମ୍‌ ବ୍ରାଉନସୁଗାର ଜବତ ସହ ୨ ଜଣଙ୍କୁ ଗିରଫ କରିଛି ପୋଲିସ । ବ୍ରାଉନସୁଗାର ସହ ୩ଟି ମୋବାଇଲ ଏବଂ ନଗଦ ୩ ହଜାର ୨୮୦ ଟଙ୍କା ଜବତ କରାଯାଇଛି । ଦୁଇ ଅଭିଯୁକ୍ତ ସାଗୁଆନ ବଗିଚା ଅଞ୍ଚଳର ବୋଲି ଜଣାପଡ଼ିଛି । ଏମାନେ ରୀତିମତ ଭାବେ ଖୋର୍ଦ୍ଧା, ଜଟଣୀ, ଖଣ୍ଡଗିରି ଅଞ୍ଚଳରେ ବ୍ରାଉନସୁଗାର ବିକ୍ରି କରି ଆସୁଥିବା କହିଛନ୍ତି ଜଟଣୀ ଥାନା ଅଧିକାରୀ ବିଶ୍ୱ ରଞ୍ଜନ ସାହୁ ।

ଟ୍ରପଲାଇନ୍ ପ୍ରଭାବରେ ବଦଳିବ ପାଗ: ୯ଜିଲ୍ଲାକୁ ସତର୍କ ସୂଚନା ଜାରି କଲା ପାଣିପାଗ ବିଭାଗ

ଭୁବନେଶ୍ୱର: ଓଡ଼ିଶାରେ ଚିନ୍ତା ବଢ଼ାଇଛି ନିଆଣ୍ଟିଆ ବର୍ଷା । ଜୁଲାଇ ମାସରେ ସାଧାରଣ ବର୍ଷା ହୋଇଥିଲେ ମଧ୍ୟ ଅଗଷ୍ଟ ମାସରେ କମ୍ ବର୍ଷା ହୋଇଛି । ଯାହା ଗତ କିଛି ଦଶନ୍ଧିର ରେକର୍ଡ ଭାଙ୍ଗିଛି । ଆଗାମୀ ୭ ଦିନ ମଧ୍ୟରେ ଲଘୁଚାପ ହେବାର ସମ୍ଭାବନା ନାହିଁ  । ତେବେ ଟ୍ରପଲାଇନ୍ ପ୍ରଭାବରେ ରାଜ୍ୟରେ ବଦଳିବ ପାଗ । ବିଭିନ୍ନ ଜିଲ୍ଲାକୁ ଘଡ଼ଘଡ଼ି ବିଜୁଳି ସହ ବର୍ଷା ନେଇ ୟେଲୋ ୱାର୍ଣ୍ଣିଂ ଜାରି କରିଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର। ଆସନ୍ତା ୪ଦିନ ପର୍ଯ୍ୟନ୍ତ ବିଭିନ୍ନ ଜିଲ୍ଲାକୁ ସତର୍କ ସୂଚନା ଜାରି କରାକରାଯାଇଛି । ଆଜି ପାଇଁ ୯ ଜିଲ୍ଲାକୁ ସତର୍କ ସୂଚନା ଜାରି କରାଯାଇଛି  ।  କନ୍ଧମାଳ, ନୟାଗଡ, ଖୋର୍ଦ୍ଧା, କଟକ, ଅନୁଗୁଳ, ଢେଙ୍କାନାଳ, କେଉଁଝର, ମୟୂରଭଂଜ ଓ ବାଲେଶ୍ୱରର ଗୋଟିଏ ଦୁଇଟି ସ୍ଥାନରେ ଘଡଘଡି ବିଜୁଳି ସହ ବଜ୍ରପାତ ବର୍ଷା ହେବାର ସମ୍ଭାବନା ରହିଛି  । ଆସନ୍ତାକାଲି ରାଜ୍ୟରେ ବର୍ଷାର ପରିମାଣ ଆହୁରି ବୃଦ୍ଧି ପାଇବା ସହ କିଛି ଜିଲ୍ଲାରେ ପ୍ରବଳ ବର୍ଷା ହେବାର ସମ୍ଭାବନା ରହିଛି  । ଏପର୍ଯ୍ୟନ୍ତ ମୌସୁମୀର ସ୍ଥିତି ଅନୁଯାଇ ରାଜ୍ୟରେ ୩୧ ପ୍ରତିଶତ ନିଅଣ୍ଟିଆ ବର୍ଷା ହୋଇଛି  । ଜୁନ ପହିଲାରୁ ଆଜି ପର୍ଯ୍ୟନ୍ତ ମୋଟ ୫୮୮ ଦଶମିକ ୩ ମିଲିମିଟର ବର୍ଷା ରେକର୍ଡ ହୋଇଛି ଯାହା ସ୍ବାଭାବିକ ଠାରୁ ୩୧ ପ୍ରତିଶତ କମ୍ ବୋଲି ସୂଚନା ଦେଇଛି ପାଣିପାଗ କେନ୍ଦ୍ର ।  ରାଜ୍ୟର ୨୭ଟି ଜିଲ୍ଲାରେ ନିଅଣ୍ଟିଆ ହୋଇଥିବାବେଳେ କୋରାପୁଟ, ମାଲକାନଗିରି ଏବଂ ନୂଆପଡାରେ ସ୍ୱାଭାବିକ ବର୍ଷା ରେକର୍ଡ ହୋଇଛି  ।

ଏଥିସହିତ ପଢ଼ନ୍ତୁ: ସ୍ତ୍ରୀ’ ଜୁଇରେ ଝାସ ଦେଇ ଆତ୍ମହତ୍ୟା କଲେ ସ୍ୱାମୀ

 

 

 

 

ସ୍ତ୍ରୀ’ ଜୁଇରେ ଝାସ ଦେଇ ଆତ୍ମହତ୍ୟା କଲେ ସ୍ୱାମୀ

ଧର୍ମଗଡ଼: ସ୍ତ୍ରୀର ଜୁଇରେ ସ୍ୱାମୀ ଝାସ ଦେଇ ଆତ୍ମାହୂତି ଦେଲେ ସ୍ୱାମୀ । ଏଭଳି ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି କଳାହାଣ୍ଡି ଜିଲ୍ଲା କେଗାଁ ଥାନା ସିଆଲଜୋଡି ଗାଁରୁ । ସୂଚନା ଅନୁସାରେ ଚହକା ଗ୍ରାମ ପଞ୍ଚାୟତର ସିଆଲଯୋଡ଼ିସ୍ଥିତ ୫ ନମ୍ବର ୱାର୍ଡସଭ୍ୟା ରଇବାରୁ ଶବର ଅସୁସ୍ଥ ହୋଇ ଗତକାଲି ସ୍ଥାନୀୟ ଡାକ୍ତରଖାନାକୁ ଯାଇଥିଲେ । ଚିକିତ୍ସିତ ହୋଇ ଘରକୁ ଫେରି ଆସିବା ପରେ ତାଙ୍କ ସ୍ବାସ୍ଥ୍ୟାବସ୍ଥା ଆହୁରି ବିଗିଡ଼ି ଯାଇଥିଲା । ଆଜି ସନ୍ଧ୍ୟାରେ ତାଙ୍କର ମୃତ୍ୟୁ ହୋଇଥିଲା । ସ୍ତ୍ରୀଙ୍କ ମୃତ୍ୟୁପରେ ସମ୍ପର୍କୀୟମାନେ ରୀତିନୀତି ମୁତାବକ ତାଙ୍କ ଶବ ସତ୍କାର କରିବାକୁ ଗାଁ ନିକଟରେ ଥିବା ଜମିକୁ ନେଇଥିଲେ । ସମ୍ପର୍କୀୟମାନେ ଶବସତ୍କାର କରି ଫେରୁଥିବା ବେଳେ, ସ୍ୱାମୀ ନୀଳମଣି ଶବର ଅଧାରୁ ଫେରିଯାଇ ସ୍ତ୍ରୀଙ୍କ ଜୁଇକୁ ଡେଇଁପଡିଥି​ଲେ । ନିଆଁ ଜଳୁଥିବାରୁ ଜୀବନ୍ତ ଦଗ୍ଧ ହୋଇଯାଇଛନ୍ତି ସ୍ୱାମୀ । ସେପଟେ ଘଟଣା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।

ଏଥିସହିତ ପଢ଼ନ୍ତୁ: ବାଇକ୍ ଚୋରି କରି ଚମ୍ପଟ ମାରିବା ବେଳେ କାବୁ କଲେ ଗ୍ରାମବାସୀ

 

 

ଜାମିନ ପାଇଲେ କେନ୍ଦ୍ରମନ୍ତ୍ରୀ ନାରାୟଣ, ମହଙ୍ଗା ପଡିଥିଲା ମୁଖ୍ୟମନ୍ତ୍ରୀ ଉଦ୍ଧବଙ୍କୁ ଆପତ୍ତିଜନକ ଶବ୍ଦ

ମୁମ୍ବାଇ: ଗିରଫ ହେବାର ଆଠ ଘଣ୍ଟା ପରେ କେନ୍ଦ୍ରମନ୍ତ୍ରୀ ନାରାୟଣ ରାଣେଙ୍କୁ ମିଳିଛି ଜାମିନ  । ମାମଲା ରୁଜୁ ପରେ ପୋଲିସ ଗିରଫ କରିଥିଲା  । ପରବର୍ତ୍ତୀ ସମୟରେ କୋର୍ଟରେ ହାଜର ହୋଇଥିଲେ କେନ୍ଦ୍ରମନ୍ତ୍ରୀ ନାରାୟଣ ରାଣେ  । କୋର୍ଟରେ ହାଜର ହେବା ପରେ କେନ୍ଦ୍ରମନ୍ତ୍ରୀ ରାଣେଙ୍କୁ ମିଳିଲା ଜାମିନ  । ମୁଖ୍ୟମନ୍ତ୍ରୀ ଉଦ୍ଧବ ଠାକ୍‌ରେଙ୍କ ବିରୋଧରେ ଅପଶବ୍ଦ ବ୍ୟବହାର କରି ଅଡୁଆରେ ଫସିଥିଲେ କେନ୍ଦ୍ରମନ୍ତ୍ରୀ ନାରାୟଣ ରାଣେ  ।

କୋଙ୍କଣ ଅଞ୍ଚଳରେ ଜନୌଷଧି ରାଲିରେ ଯୋଗ ଦେବା ଅବସରରେ ରାଣେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକେରଙ୍କ ବିରୋଧରେ ଆପତ୍ତିଜନକ ମନ୍ତବ୍ୟ ଦେଇଥିଲେ । ରାଣେ କହିଥିଲେ- ମୁଖ୍ୟମନ୍ତ୍ରୀ ଉଦ୍ଧବ ଠାକରେ ସ୍ବାଧୀନତାର ବର୍ଷ ଜାଣନ୍ତି ନାହିଁ । ଠାକରେ ଭାଷଣ ଦେବା ବେଳେ ଏହି ବିଷୟ ଜାଣିବା ଉଚିତ । ଯଦି ଏହି ଅବସରରେ ସେଠାରେ ନିଜେ ଉପସ୍ଥିତ ଥାନ୍ତେ ତେବେ ଠାକରେଙ୍କୁ ସେ ଚାପୁଡା ମାରିଥାନ୍ତେ ବୋଲି କହିଛନ୍ତି ରାଣେ ।

ସେପଟେ ରାଣେଙ୍କ ବିରୋଧରେ ବିଭିନ୍ନ ଥାନାରେ ୪ଟି ମାମଲା ରୁଜୁ ହୋଇଛି । ପୁଣେ, ନାସିକ, ମହାଦ ଓ ରାଇଗଡ ଜିଲ୍ଲାରେ ଏସବୁ ମାମଲା ରୁଜୁ ହୋଇଛି । ପ୍ରତିବାଦରେ ନାସିକ ସ୍ଥିତ ବିଜେପି କାର୍ଯ୍ୟାଳୟ ଉପରକୁ ଶିବସେନା କର୍ମୀ ଟେକାପଥରମାଡ କରିଛନ୍ତି । ସ୍ଥିତି ପ୍ରତି ସଜାଗ ଦୃଷ୍ଟି ଦେବା ଲାଗି ନାସିକ ପୋଲିସ କମିଶନର ଦୀପକ ପାଣ୍ଡେ ପୋଲିସକୁ ନିର୍ଦ୍ଦେଶ ଦେଇଛନ୍ତି । ଏହି ପ୍ରସଙ୍ଗକୁ ନେଇ ମୁମ୍ବାଇରେ ବିଜେପି- ଶିବସେନା କର୍ମୀଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା  ।

ପଞ୍ଜାବରେ ତୁଟିନି, ଛତିଶଗଡ଼ରେ ବିଭ୍ରାଟ ନିଆଁ

ରାୟପୁର:କଂଗ୍ରେସର ପିଛା ଛାଡୁନି କନ୍ଦଳ  । ଯେଉଁଠି ଦେଖିବ ସେଠାରେ କେଁ  ।  ଗୋଟେପଟେ ଦଳ ଦୁଇ ତିନୋଟି ରାଜ୍ୟରେ ସରକରାର ଗଢିବାରେ ସାମର୍ଥ ହୋଇଥିବାବେଳେ ସେଥିରେ ମଦ୍ୟ ବିବାଦ  ।  ପଞ୍ଜାବ କଂଗ୍ରେସ କଳି ନ ତୁଟୁଣୁ ଛତିଶଗଡ଼ କଂଗ୍ରେସରେ ଏବେ ଫାଟ ଦେଖାଯାଇଛି । ମୁଖ୍ୟମନ୍ତ୍ରୀ ପଦ ପାଇଁ ଦୁଇଫାଳ ହୋଇଛି ଛତିଶଗଡ଼ କଂଗ୍ରେସ । ବିବାଦ ବଢ଼ିବା ପରେ ମୁଖ୍ୟମନ୍ତ୍ରୀ ଭୂପେଶ ବାଘେଲଙ୍କୁ ଗାଦିଚ୍ୟୁତ କରିବାକୁ ହାଇକମାଣ୍ଡଙ୍କ ଉପରେ ଚାପ ପଡୁଛି ।

ମୁଖ୍ୟମନ୍ତ୍ରୀ ପଦକୁ ନେଇ ଜୋରଦାର ଚର୍ଚ୍ଚା ଲାଗି ରହିଥିବା ବେଳେ ଭୂପେଶ ବାଘେଲଙ୍କ ସମେତ ସ୍ବାସ୍ଥ୍ୟମନ୍ତ୍ରୀ ଟି ଏସ୍ ସିଂଦେଓ ଓ ଅନ୍ୟ ବରିଷ୍ଠ ନେତା ଆଜି ଦିଲ୍ଲୀରେ ରାହୁଲ ଗାନ୍ଧୀଙ୍କୁ ଭେଟିଛନ୍ତି । ଟି ଏସ୍‌ ସିଂଦେଓଙ୍କ ଗୋଷ୍ଠୀଙ୍କ କହିବା କଥା ଯେ, ଜୁନରେ ଭୂପେଶ ବାଘେଲ ମୁଖ୍ୟମନ୍ତ୍ରୀ ହେବାକୁ ଅଢ଼େଇ ବର୍ଷ ପୁରିଛି । ଏବେ ସିଂଦେଓଙ୍କୁ ମୁଖ୍ୟମନ୍ତ୍ରୀ କରାଯାଉ । ସରକାର ଗଠନ ପୂର୍ବରୁ ଏ ନେଇ ଆଲୋଚନା ସରିଥିଲା । ତେଣୁ ଏବେ ସିଂଦେଓଙ୍କୁ ଦାୟିତ୍ବ ହସ୍ତାନ୍ତର କରିବାକୁ ଦାବି କରିଛନ୍ତି ଛତିଶଗଡ଼ କଂଗ୍ରେସର ଏକ ଗୋଷ୍ଠୀ।

ବାଇକ୍ ଚୋରି କରି ଚମ୍ପଟ ମାରିବା ବେଳେ କାବୁ କଲେ ଗ୍ରାମବାସୀ

ବଲାଙ୍ଗୀର: ବାଇକ୍ ଚୋରକୁ କାବୁ କଲେ ଗ୍ରାମବାସୀ । ଲୋଇସିଂହା ଥାନା ଅନ୍ତର୍ଗତ ଝରଣିପାଳି ଗାଁର ଦୁଇ ଜଣ ବାଇକ ଚୋର ହାଟରୁ ଜଣେ ଗ୍ରାମବାସୀଙ୍କ ବାଇକ ଚୋରି କରି ଚମ୍ପଟ ମାରିବାକୁ ଉଦ୍ୟମ କରୁଥିଲେ । ଏ ନେଇ ଜାଣିବାକୁ ପାଇବା ପରେ ଗ୍ରାମାବୀସ ଚୋରଙ୍କ ପିଛା କରିଥିଲେ । ପରେ ଚୋରି ବାଇକ ଉଦ୍ଧାର କରିବା ସହ ଦୁଇ ଜଣ ବାଇକ ଚୋରକୁ ରାସ୍ତାରେ ନିର୍ଧୁମ ମାଡ଼ ମାରିଥିଲେ । ଉଭୟ ଚୋରକୁ ମାଡ଼ ମାରି ଲୋଇସିଂହା ପୋଲିସର ଜିମା ଦେଇଥିଲେ । ପୋଲିସ ପଚାରଉଚୁରା ପରେ ଦୁଇ ଜଣକୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ବାଇକ ଚୋର ମାନେ ହେଲେ ବରଗଡ଼ ଜିଲ୍ଲା ଗାଈସିଲେଟର ରାହୁଲ ସା ଓ ପଦ୍ମପୁରର ଚିତରଞ୍ଜନ ଦାସ । ଗିରଫ ବାଇକ ଦୁହିଁଚୋରଙ୍କ ନାଁରେ ବିଭିନ୍ନ ଥାନାରେ ବାଇକ ଚୋରି ମାମଲା ରହିଛି । ଗତ କିଛି ଦିନ ହେଲା ଲୋଇସିଂହା ଓ ପାଟଣାଗଡ଼ ଅଞ୍ଚଳରୁ କିଛି ବାଇକ ଚୋରି କରି ବିକ୍ରି କରିଥିବା ନେଇ ପୋଲିସକୁ କହିଛନ୍ତି । ତେବେ ପୋଲିସ ଦୁଇ ଚୋରକୁ ରିମାଣ୍ଡରେ ଆଣି ଅଧିକ ତଦନ୍ତ କରିବ ବୋଲି ଜଣାପଡ଼ିଛି ।

ଏଥିସହିତ ପଢ଼ନ୍ତୁ: ବାଇକ୍ ଉପରେ ଚଢ଼ିଗଲା ଟ୍ରକ୍: ମାଆ ଓ ପୁଅ ମୃତ

ଏଫଡିଏର ଅନୁମତି, ବ୍ୟବହାର ହୋଇପାରିବ ଫାଇଜର-ବାୟୋଏନଟେକ ଟିକା

ୱାସିଂଟନ : ଫାଇଜର-ବାୟୋଏନଟେକ ଟିକାକୁ ପୂର୍ଣ୍ଣକାଳୀନ ଅନୁମତି ଦେଲା ଆମେରିକା ଖାଦ୍ୟ ଓ ଔଷଧ ପ୍ରଶାସନ ବା ଏଫଡିଏ । ଏଫଡିଏ ଦ୍ବାରା ପୂର୍ଣ୍ଣ ଅନୁମତି ଲାଭ କରିବାରେ ଏହି ଟିକା ହେଉଛି ପ୍ରଥମ । 16ବର୍ଷରୁ ଅଧିକ ବୟସର ଲୋକଙ୍କୁ ଏହି ଟିକା ଦିଆଯିବ । ଏହି ଟିକା କୋମିର୍ନାଟି ନାମରେ ପରିଚିତ ହେବ । 12ରୁ 15 ବର୍ଷ ବୟସ୍କ ପିଲାଙ୍କ ଲାଗି ଏହା ଜରୁରୀକାଳୀନ ଟିକା ଭାବେ ବ୍ୟବହାର କରାଯାଇପାରିବ ।

ଏହା ସହ ଦୁର୍ବଳ ବ୍ୟକ୍ତିବିଶେଷଙ୍କ କ୍ଷେତ୍ରରେ ଏହାକୁ ତୃତୀୟ ଡୋଜ ଭାବେ ବ୍ୟବହାର କରାଯାଇପାରିବ । କୋଭିଡ ମୁକାବିଲାରେ ଏହି ଟିକା ଏବେ ଗୁରୁତ୍ବପୂର୍ଣ୍ଣ ଭୂମିକା ନିର୍ବାହ କରିବ । ଏହି ଅତି ଉଚ୍ଚମାନର ଏବଂ ନିରାପଦ ବୋଲି ଏଫଡିଏ କହିଛି । ଯଦିଓ ବିଶ୍ବବ୍ୟାପୀ କୋଟି କୋଟି ଲୋକ ବିଭିନ୍ନ ଟିକା ନେଲେଣି ତଥାପି ଫାଇଜରର ଏହି ଟିକା ଆତ୍ମବିଶ୍ବାସ ସୃଷ୍ଟି କରିବା ସହ ଏକ ମାଇଲଖୁଣ୍ଟି ହେବ ବୋଲି କୁହାଯାଇଛି । ପୂର୍ବରୁ ଗତବର୍ଷ ଡିସେମ୍ବରରୁ 16ବର୍ଷରୁ ଅଧିକ ବୟସର ଲୋକଙ୍କ ଲାଗି ଫାଇଜର ବାୟୋଏନେଟିକାକୁ ଜରୁରୀକାଳୀନ ବ୍ୟବହାର ଲାଗି ଅନୁମତି ଦିଆଯାଇଥିଲା ।