spot_img
Home Blog Page 5439

କାମ ଦେଇଛି 5-T ସଂସ୍କାର: ଗତ ବର୍ଷ ତୁଳନାରେ ୫୭ ପ୍ରତିଶତ ଅଧିକ ରାଜସ୍ୱ ସଂଗ୍ରହ

ଭୁବନେଶ୍ୱର: କରୋନା ପାଇଁ ପ୍ରଭାବିତ ହୋଇନି ରାଜ୍ୟ ଅର୍ଥନୀତି । ଲକ୍‌ଡାଉନ୍‌ ସତ୍ତ୍ୱେ ରାଜସ୍ୱ ସଂଗ୍ରହରେ ରାଜ୍ୟକୁ ମିଳିଛି ସଫଳତା । ୨୦୨୧ ଏପ୍ରିଲରୁ ଜୁଲାଇ ମାସ ଭିତରେ ରାଜସ୍ୱ ସଂଗ୍ରହ ଗତବର୍ଷ ଅପେକ୍ଷା ୫୭ ପ୍ରତିଶତ ବୃଦ୍ଧି ପାଇଛି । ରାଜ୍ୟ ସରକାରଙ୍କ ଫାଇଭ୍‌-ଟି ସଂସ୍କାର ଯୋଗୁଁ ଏହି ସଫଳତା ମିଳିଥିବା ବିଶେଷଜ୍ଞ କହିଛନ୍ତି  । ଅଣଟିକସ ରାଜସ୍ୱ ଆଦାୟ ଆହୁରି ବଢ଼ିବ ବୋଲି ଆକଳନ କରାଯାଇଛି ।

କରୋନାରେ ପ୍ରଭାବିତ ହୋଇନି ରାଜ୍ୟ ଅର୍ଥନୀତି  । ୪ ମାସ ଧରି ଲକ୍‌ଡାଉନ୍‌ ସ୍ଥିତିରେ ମୋଟ ରାଜସ୍ୱ ସଂଗ୍ରହ ୭ ହଜାର ୬୬୮ କୋଟି  । ଯାହାକି ଗତବର୍ଷ ତୁଳନାରେ ୫୭ ପ୍ରତିଶତ ଅଧିକ  । ରାଜସ୍ୱ ସଂଗ୍ରହରେ କାମ ଦେଇଛି ରାଜ୍ୟ ସରକାରଙ୍କ ୫-ଟି ସଂସ୍କାର । ଅର୍ଥ ବିଭାଗର ତଥ୍ୟ ଅନୁଯାୟୀ, ୨୦୨୧ ଏପ୍ରିଲରୁ ଜୁଲାଇ ୩୧ ତାରିଖ ଭିତରେ ଓଜିଏସ୍‌ଟି ସଂଗ୍ରହ ଗତବର୍ଷ ଅପେକ୍ଷା ୬୪ ପ୍ରତିଶତ ବୃଦ୍ଧି ଘଟିଛି । ପେଟ୍ରୋଲ, ଡିଜେଲ ଓ ମଦ ଉପରେ ଭାଟ୍‌ ଆଦାୟ ହୋଇଛି ଅଧିକ ୮୯ ପ୍ରତିଶତ । ବିରୋଧୀ ବି ସରକାରଙ୍କ ଏହି ସଫଳତାକୁ ସ୍ୱୀକାର କରିଛନ୍ତି । ପୂର୍ବତନ ଅର୍ଥମନ୍ତ୍ରୀଙ୍କ ମତରେ, ସାନିଟାଇଜର ମେସିନ୍‌, ଔଷଧ ଓ ଅନ୍ୟ ମେଡିକାଲ ଜିନିଷ କିଣାକିଣିରେ ଲୋକ ଅଧିକ ବ୍ୟୟ କରିଛନ୍ତି । ଏସବୁ ସାମଗ୍ରୀ ଉପରେ ଅଧିକ ଜିଏସ୍‌ଟି ସଂଗ୍ରହ ହୋଇଛି । ସେହିପରି ଲକ୍‌ଡାଉନ୍‌ ପାଇଁ ଅଫଲାଇନ୍‌ କାରବାର ବନ୍ଦ ଥିଲେ ବି ଅନ୍‌ଲାଇନ୍‌ ଯୋଗେ ଲୋକମାନେ ବିଭିନ୍ନ ସାମଗ୍ରୀ କିଣିଛନ୍ତି ।

ଲକ୍‌ଡାଉନ୍‌ରେ ଖଣିଜ ଉତ୍ତୋଳନ ବନ୍ଦ ନଥିଲା । ଶିଳ୍ପ ବି ଚାଲୁଥିଲା । ଏଥିପାଇଁ ଜିଏସ୍‌ଟି ଆଦାୟ ଭଲ ହୋଇଛି । ଏବେ ଅନ୍ତରାଷ୍ଟ୍ରୀୟ ବଜାରରେ ଲୁହାପଥର ଓ ଅନ୍ୟ ଖଣିଜ ପଦାର୍ଥର ବଜାର ଦର ଉଚ୍ଚା ରହିଛି । ଏହା ସହିତ ଆଡ୍‌-ଭାଲୋରମ୍‌ ବ୍ୟବସ୍ଥା ଯୋଗୁ ଉତ୍ତୋଳିତ ଖଣିଜ ପଦାର୍ଥର ବଜାର ଦର ଅନୁଯାୟୀ ଆନୁପାତିକ ଜିଏସଟି ମିଳୁଛି । ଏହା ରାଜସ୍ୱ ବୃଦ୍ଧିରେ ସହାୟକ ହୋଇଛି । ଆଗକୁ ଏହି ଧାରା ଜାରି ରହିବ । ଫଳରେ ସରକାର ଅଣଟିକସ କ୍ଷେତ୍ରରୁ ଅଧିକ ରାଜସ୍ୱ ପାଇବେ ।

୨୦୨୦ରୁ କରୋନା ଲାଗି ରହିଥିଲେ ବି ରାଜ୍ୟ ସରକାରଙ୍କ ସ୍ୱଚ୍ଛ ଶିଳ୍ପନୀତି ଲକ୍ଷାଧିକ କୋଟି ଟଙ୍କାର ପୁଞ୍ଜି ଆକୃଷ୍ଟ କରିଛି । ଏଭଳି ଧାରା ଜାରି ରହିଲେ ଆଗାମୀ ଦିନରେ ବଜେଟ୍‌ ଆକଳନ ଅନୁଯାୟୀ ଆର୍ଥିକବର୍ଷ ସରିବା ପୂର୍ବରୁ ରାଜସ୍ୱ ସଂଗ୍ରହ ଲକ୍ଷ୍ୟ ପୂରଣ ହୋଇଯିବ ।

କେନ୍ଦ୍ରକୁ ମହଙ୍ଗା ପଡିପାରେ MP ସିଟ୍ ହ୍ରାସ, 5600 କୋଟି କ୍ଷତିପୂରଣ ମାଗିଛନ୍ତି ମାଡ୍ରାସ ହାଇକୋର୍ଟ

ନୂଆଦିଲ୍ଲୀ: କେନ୍ଦ୍ରକୁ ମହଙ୍ଗା ପଡିପାରେ ବିଭିନ୍ନ ରାଜ୍ୟରେ ଏମପି ଆସନ ସଂଖ୍ୟା ହ୍ରାସ । ଦୁଇଟି ଏମପି ଆସନ ସଂଖ୍ୟା ହ୍ରାସ କରାଯାଇଥିବାରୁ ତାମିଲନାଡୁକୁ କ୍ଷତିପୂରଣ ବାବଦରେ 5,600 କୋଟି ଟଙ୍କା ମିଳିବା ଉଚିତ ବୋଲି କହିଛନ୍ତି ମାଡ୍ରାସ ହାଇକୋର୍ଟ । ପ୍ରଥମରୁ ରହିଆସିଥିବା 41ଟି ଆସନକୁ ହ୍ରାସ କରି 39ଟି ଆସନ କରାଯିବା ଘଟଣାରେ ଉତକ୍ଷିପ୍ତ ହୋଇଛନ୍ତି ଅଦାଲତ । ଜାତୀୟ ପରିବାର ନିୟୋଜନ କାର୍ଯ୍ୟକ୍ରମରେ ରାଜ୍ୟରେ ଜନସଂଖ୍ୟା ହ୍ରାସ କରାଯାଇପାରିଥିବାରୁ ସେତେବେଳେ ତତକାଳୀନ କେନ୍ଦ୍ର ସରକାର ଏମପି ଆସନ ସଂଖ୍ୟା ହ୍ରାସ କରିଥିଲେ । ରାଜ୍ୟରେ ଜନସଂଖ୍ୟା ହ୍ରାସ କରିବା କ୍ଷେତ୍ରରେ ରାଜ୍ୟ ସରକାରଙ୍କୁ ପ୍ରଶଂସା ଦିଆଯିବା କଥା ।

ମାତ୍ର ଏହାର ଅର୍ଥନୁହେଁ ସାଂସଦ ଆସନ ସଂଖ୍ୟା ହ୍ରାସ କରିବା । ଜଷ୍ଟିସ ଏନ. କିରୁବାକାରନ ଓ ଜଷ୍ଟିସ ବି. ପୁଗାଲେନ୍ଧିଙ୍କୁ ନଇ ଗଠିତ ଖଣ୍ଡପୀଠ କହିଛନ୍ତି 1962 ଯାଏଁ ରାଜ୍ୟରେ 41ଟି ଲୋକସଭା ଆସନ ଥିଲା । ମାତ୍ର 1967ରେ ଏହି ସଂଖ୍ୟା 39କୁ ହ୍ରାସ କରାଯାଇଥିଲା । ରାଜ୍ୟରେ ଜନସଂଖ୍ୟା ହ୍ରାସ ପାଇବା ପରେ ଏହି ପଦକ୍ଷେପ ନିଆଯାଇଥିଲା । ସିଟ ସଂଖ୍ୟା ହ୍ରାସ କରି ରାଜ୍ୟର ସ୍ବାର୍ଥକୁ ବଳି ପକାଯାଇପାରିବ ନାହିଁ ବୋଲି କୋର୍ଟ କହିଛନ୍ତି । କେବଳ ତାମିଲନାଡୁ ନୁହେଁ, ଆନ୍ଧ୍ରପ୍ରଦେଶ ଓ ଅନ୍ୟ କେତେକ ରାଜ୍ୟରେ ମଧ୍ୟ 2ଟି ଲେଖାଏଁ ଏମପି ସିଟ୍ ହ୍ରାସ କରାଯାଇଥିଲା ।

କୋର୍ଟ କହିଛନ୍ତି ବର୍ତ୍ତମାନ ଦେଶର ଜନସଂଖ୍ୟା 138 କୋଟିରୁ ଅଧିକ ହେଲାଣି । 2050 ସୁଦ୍ଧା ଭାରତ ବିଶ୍ବର ସର୍ବାଧିକ ଜନବହୁଳ ରାଷ୍ଟ୍ର ହେବ । ଜାତୀୟ ସ୍ତରରେ ଦେଖିବାକୁ ଗଲେ ଜଣେ ସାଂସଦ 5 ବର୍ଷରେ ଯେଉଁ ଅବଦାନ କରିଥାନ୍ତି ତାହାର ପରିମାଣ 200 କୋଟି ଟଙ୍କା ହେବ । ତେଣୁ ତାମିଲନାଡୁରେ ଗୋଟିଏ ନିର୍ବାଚନ ଲାଗି ଏହି କ୍ଷତି ବାବଦରେ 400 କୋଟି ଟଙ୍କା ମିଳିବା ଉଚିତ । ବର୍ତ୍ତମାନ ସୁଦ୍ଧା ତାମିଲନାଡୁରେ 14ଟି ନିର୍ବାଚନ ହେଲାଣି । ତେଣୁ ସମସ୍ତ ନିର୍ବାଚନ ବାବଦରେ ରାଜ୍ୟକୁ ମୋଟ କ୍ଷତିପୂରଣ ପରିମାଣ 5 ହଜାର 600 କୋଟି ଟଙ୍କା ଦିଆଯିବା ଉଚିତ ବୋଲି ହାଇକୋର୍ଟ କହିଛନ୍ତି । 1999ରେ ଗୋଟିଏ ଭୋଟ ଲାଗି ଅଟଳ ବିହାରୀ ବାଜପାୟୀ ସରକାରର ପତନ ଉଦାହରଣ ଦେଇ କୋର୍ଟ କହିଛନ୍ତି ଯଦି ଗୋଟିଏ ଭୋଟରେ ଗୋଟିଏ ସରକାରର ପତନ ହୋଇପାରୁଛି ତେବେ ଦୁଇଟି ଏମପି ଆସନ ହ୍ରାସ କରାଯାଇପାରିବ କିପରି ।

‘ପାକିସ୍ତାନକୁ କାଶ୍ମୀର ଭେଟି ଦେବ ତାଲିବାନ, ଆଫଗାନକୁ ନେଇ ଉତ୍ସାହିତ ଇମରାନଙ୍କ ଦଳ‘

ଲାହୋର: ତାଲିବାନ ଅଫଗାନିସ୍ତାନ ଦଖଲ କରିବା ପରେ ବାଉଳି ହେଲାଣି ପାକିସ୍ତାନ  । ରକ୍ତର ହୋଲି ଖେଳୁଥିବା ତାଲିବାନ ଏବେ ମଧ୍ୟ ଆଫଗାନରେ ଆତଙ୍କ ରଚୁଛି  । କିଏ ଦେଶରେ ବଞ୍ଚିବା ଅପେକ୍ଷା ମୃତ୍ୟୁକୁ ଆଦରି ନେଉଛି ତ, ଆଉ କିଏ ବଞ୍ଚିବାର ଆଶା ନେଇ ମୃତ୍ୟୁର ଦ୍ୱାରଦେଶରେ ପହଁଚୁଛି  । ଏପରି ସ୍ଥିତି ଭିତରେ ତାଲିବାନ ସରକାର ଗଢିବା ନେଇ ଅଡ଼ି ବସିଥିବାବେଳେ ବିଶ୍ୱ ସମୂହ କିନ୍ତୁ ସମର୍ଥନ ଦେଇନାହିଁ  । ଏପଟେ ଇମରାନ ଖାନଙ୍କ ଦଳର କିଛି ନେତାଙ୍କ ମନ୍ତବ୍ୟ ଧୁମ ଭାଇରାଲ ହେବାରେ ଲାଗିଛି  ।

ପାକିସ୍ତାନ ଗଣମାଧ୍ୟମର ବିତର୍କରେ ଭାଗ ନେଇ ପାକିସ୍ତାନ ତହରିକ-ଏ-ଇଶାଙ୍କ (ପିଟିଆଇ) ଦଳର ନେତା ଯେଉଁଭଳି ମନ୍ତବ୍ୟ ଦେଇଛନ୍ତି, ତାବା ବର୍ତ୍ତମାନ କୋଦ ପାକିସ୍ତାନ ରାଜନୀତିକୁ ଖୋରାକ ଯୋଗାଇଛି  । ଅଫଗାନିସ୍ତାନରେ ତାଲିବାନ ସରକାର ଗଢିବା ପରେ ଏହା ପାକିସ୍ତାନ ପାଇଁ କାମ କରିବା ବୋଲି କହିଛନ୍ତି ଦଳର ନେତା ନୀଲମ ଇରସାଦ ସେଖ୍  । ତାଲିବାନ ପାକିସ୍ତାନ ସହ ମିଶି କାମ କରିବ ଏବଂ ଭାରତ ଠାରୁ କାଶ୍ମୀରକୁ ଛଡ଼ାଇ ପାକିସ୍ତାନ ହାତରେ ସମର୍ପି ଦେବ ବୋଲି କହିଛନ୍ତି ଏହି ନେତା  ।

ନୀଲମଙ୍କର ଏହି ମନ୍ତବ୍ୟ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି  । ଇମରାନ ଖାନଙ୍କ ଦଳର ନେତାଙ୍କର ଏଭଳି ମନ୍ତବ୍ୟକୁ ସୋସିଆଲ ମିଡି଼ଆରେ ହାସ୍ୟାସ୍ପଦ ବୋଲି ମଧ୍ୟ ଉଲ୍ଲେଖ କରାଯାଇଛି  । ସେପଟେ ସାମ୍ବାଦିକ ଜଣଙ୍କ ମଧ୍ୟ ପ୍ରଶ୍ନ କରି କହିଛନ୍ତି ଯେ, ପାକିସ୍ତାନ ସେନା ତେବେ କଣ କରୁଛି ? ଯଦି ପାକିସ୍ତାନର ସାମର୍ଥ୍ୟ ରହିଛି ତେବେ ତାଲିବାନ କଣ ପାଇଁ କାଶ୍ମୀର ପାଇଁ ଲଢାଇ କରିବ ବୋଲି କହିଛନ୍ତି ସାମ୍ବାଦିକ  ।

ବାଇକ୍ ଉପରେ ଚଢ଼ିଗଲା ଟ୍ରକ୍: ମାଆ ଓ ପୁଅ ମୃତ

ନୀଳଗିରି: ଔପଦା ଥାନା କମାରପାଳ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା । ବାଇକ ଉପରେ ଚଢ଼ିଗଲା ଟ୍ରକ । ଘଟଣା ସ୍ଥଳରେ ମାଆ ଓ ପୁଅ ମୃତ । ବାଇକ ଚାଳକ ଗୁରୁତର । ମୃତ ପୁଅର ବୟସ ୮ବର୍ଷ ସୂଚନା । ମୃତକଙ୍କ ଘର ବାଲିମୁଣ୍ଡଳୀ ଗାଁରେ । ଜଣେ ସମ୍ପର୍କୀୟଙ୍କ ଘରୁ ଫେରିବା ବେଳେ ରାସ୍ତାରେ ଧକ୍କା ଦେଲା ଟ୍ରକ୍ । ମାଆ ପୁଅ ବାଇକରେ ବସିଥିବା ବେଳେ ଉଭୟଙ୍କ ଉପରେ ଟ୍ରକ୍ ଚଢିଯାଇଥିଲା । ଘଟଣାସ୍ଥଳରେ ଟ୍ରକକୁ ଅଟକ ରଖିଛନ୍ତି ସ୍ଥାନୀୟ ଲୋକେ ।

ଏଥିସହିତ ପଢ଼ନ୍ତୁ: ରାଜ୍ୟରେ ଆଉ ୫୬ ଜଣ ଡେଙ୍ଗୁ ରୋଗୀ ଚିହ୍ନଟ

ତାଲିବାନୀଙ୍କ କ୍ରୁରତା, ଜିନ୍ସ ପିନ୍ଧିଥିବାରୁ ରାସ୍ତା ମଝିରେ ଯୁବକଙ୍କୁ ଚାବୁକ ମାଡ଼

କାବୁଲ: ତାଲିବାନ ଆଫଗାନିସ୍ତାନକୁ କାବୁ କରିବା ପରେ ସେମାନେ ସେଠାରେ ଥିବା ସାଧାରଣ ଜନତାଙ୍କ ଉପରେ ଅତ୍ୟାଚାର କରିବା ଆରମ୍ଭ କରିଛନ୍ତି। ଜିନ୍ସ ପରି ‘ପାଶ୍ଚାତ୍ୟ’ ପୋଷାକ ପିନ୍ଧିଥିବାରୁ ଆଫଗାନିସ୍ତାନ ରାସ୍ତାରେ ସାଧାରଣ ନାଗରିକଙ୍କୁ ମାଡ ମାରୁଛନ୍ତି ତାଲିବାନୀ । ବେଳେବେଳେ ଏକ ଚାବୁକ ସହିତ ପିଟୁଛନ୍ତି ମଧ୍ୟ ।

ଡେଲି ମେଲ ରିପୋର୍ଟ ଅନୁଯାୟୀ, ଅନେକ ଯୁବକ ଆଫଗାନିସ୍ତାନ ସୋସିଆଲ ମିଡିଆରେ ପୋଷ୍ଟ କରିଛନ୍ତି ଯେ ଜିନ୍ସ ପିନ୍ଧି ଇସଲାମ ଧର୍ମକୁ ଅସମ୍ମାନ କରୁଥିବା ଅଭିଯୋଗ କରି ତାଲିବାନ ଆତଙ୍କବାଦୀମାନେ ସେମାନଙ୍କୁ ମାଡ ମାରିଛନ୍ତି ।

ଏକ ପୋଷ୍ଟରେ କୁହାଯାଇଛି ଯେ, କିଛି ଯୁବକ କାବୁଲରେ ନିଜ ସାଙ୍ଗ ମାନଙ୍କ ସହ ବୁଲାବୁଲି କରୁଥିଲେ, ଛିକ ସେହି ସମୟରେ କିଛି ତାଲିବାନୀଙ୍କ ସହ ମୁହାଁମୁହିଁ ହୋଇଗଲେ, କିଛି ଯୁବକ ଦୌଡ଼ି ପଳାଇଲେ, ଆଉ କିଛିଙ୍କୁ ବନ୍ଧୁକ ମୁନରେ ଅଟକାଇଲେ ତାଲିବାନୀ । ପରେ ସେମାନଙ୍କୁ ରାସ୍ତାରେ ମାଡ଼ ମାରିଥିଲେ । ଜଣେ ତାଲିବାନୀ ସ୍ଥାନୀୟ ଖବରକାଗଜ ଇଟିଲାଟ୍ରୋଜକୁ କହିଛନ୍ତି ଯେ, ପୁରୁଷଙ୍କ ପାଇଁ ଡ୍ରେସ କୋଡ ସ୍ଥିର କରିବା ବାକି ଅଛି ।କିନ୍ତୁ ରିପୋର୍ଟରେ ଦର୍ଶାଯାଇଛି ଯେ ପାରମ୍ପାରିକ ‘ଆଫଗାନିସ୍ତାନ ପୋଷାକ’ରୁ ଛାଡ଼ି ‘ପାଶ୍ଚାତ୍ୟ ‘ପୋଷାକକୁ ତାଲିବାନ ଅନୁମତି ଦେବାକୁ ଅନିଚ୍ଛା ପ୍ରକାଶ କରୁଛି।

ରାଜ୍ୟ ଦକ୍ଷତା ବିକାଶ ପ୍ରାଧିକରଣକୁ ଆଉ ଏକ ସଫଳତା: ବାହାର ରାଜ୍ୟରେ ଚାକିରି ପାଇଲେ ୧୫ ଆଦିବାସୀ ଯୁବତୀ

 ଓଡ଼ିଶା ରାଜ୍ୟ ଦକ୍ଷତା ବିକାଶ ପ୍ରାଧିକରଣର ଆଉ ଏକ ସଫଳତା । କୁଶଳି କରି ଗଢିତୋଳିବା ପରେ ୧୫ ଆଦିବାସୀ ଝିଅ ପାଇଲେ ଚାକିରି । କେରଳର ଏକ ଘରୋଇ ଶିଳ୍ପରେ ଚାକିରି ପାଇବା ପରେ ପ୍ରଥମ କରି ରାଜ୍ୟ ବାହାରକୁ ଯାଇଛନ୍ତି ଆଦିବାସୀ ଯୁବତୀ । ଟ୍ରେନିଂ ନେବା ପରେ ରୋଜଗାର କରିବାକୁ ଯାଇଥିବା ଯୁବତୀମାନଙ୍କ ମୁହଁରେ ଦେଖିବାକୁ ମିଳିଥିଲା ଖୁସି । ମାଗଣା ଖାଇବା ରହିବା ସହ ଟ୍ରେନିଂ ଦେଇ ରାଜ୍ୟ ବାହାରକୁ ଯାଇ ରୋଜଗାର କରିବାର ସୁଯୋଗ ସୃଷ୍ଟି କରିଥିବାରୁ ରାଜ୍ୟ ସରକାରଙ୍କୁ ଧନ୍ୟବାଦ ଦେଇଛନ୍ତି ଯୁବତୀ ।

ଆଦିବାସୀ ବଣ ପାହାଡ଼ ଘେରା ଉପାନ୍ତ ଅଞ୍ଚଳରୁ କେରଳ ଶିଳ୍ପାଞ୍ଚଳ । ୧୫ ଜଣ ଆଦିବାସୀ ଯୁବତୀ ପାଇଲେ ନିଯୁକ୍ତି  । ସଫଳତା ଦେଉଛି ଓଡ଼ିଶା ରାଜ୍ୟ ଦକ୍ଷତା ବିକାଶ ପ୍ରାଧିକରଣ  । ବଣ ମଲ୍ଲୀ ବଣରେ ଫୁଟି ଝଡ଼ିପଡ଼ିବା ଭଳି ଗାଁରେ ରହି ମୂଲ ଲାଗୁଥିଲେ ଆଦିବାସୀ ଝିଅ । ନା ବାହାର ଦୁନିଆ ବିଷୟରେ ଜାଣି ପାରୁଥିଲେ ନା ରୋଜଗାର କରିପାରୁଥିଲେ । ଆଧୁନିକତାର ପାଦରେ ପାଦ ମିଶାଇ ଚାଲିବା ବି ଅସମ୍ଭବ ଥିଲା । କିନ୍ତୁ ରାଜ୍ୟ ସରକାରଙ୍କର ଦକ୍ଷତା ବିକାଶ ଟ୍ରେନିଂ ସେଣ୍ଟର ଦେଲା ନୂଆ ପରିଚୟ । ପାଠ କମ୍ ପଢିଲେ ମଧ୍ୟ ଟ୍ରେନିଂ ନେଇ କୁଶଳୀ ହେବା ପରେ ଚାକିରି ପାଇଛନ୍ତି ଏହି ଯୁବତୀମାନେ । ସେମାନେ ବିମାନରେ ଚଢ଼ିବାକୁ ଲାଇନ୍ ଲଗାଇଛନ୍ତି । ବାହାର ରାଜ୍ୟକୁ ଯିବେ । ରୋଜଗାର କରି ପରିବାର ପୋଷିବେ । ଆଖିରେ ଆଖିଏ ସ୍ୱପ୍ନ ଦେଖିଥିବା ଏହି ଯୁବତୀମାନେ ସୁନ୍ଦରଗଡ ଜିଲ୍ଲାରୁ କେରଳ ଯାଇଛନ୍ତି ।

ନିଯୁକ୍ତିଦାତାଙ୍କ ପାଇଁ ପ୍ରଥମ ପସନ୍ଦ ପାଲଟିଛି ଓଡ଼ିଶା । ଗରିବ ପିଲାଙ୍କୁ ଆଣି ମାଗଣା ଖାଇବା ରହିବା ସହ ପିଲାମାନଙ୍କୁ ଦକ୍ଷ କରି ପ୍ରସ୍ତୁତ କରୁଛନ୍ତି ଦକ୍ଷତା ବିକାଶ କର୍ତ୍ତୃପକ୍ଷ । ପ୍ରତିବର୍ଷ ରାଜ୍ୟରୁ ପାଖାପାଖି ୫ ହଜାର ପିଲାଙ୍କୁ କୁଶଳୀ କରିବା ସହ ରାଜ୍ୟ ତଥା ରାଜ୍ୟ ବାହାରେ ନିଯୁକ୍ତି ଦେଉଛି ଦକ୍ଷତା ବିକାଶ ପ୍ରାଧିକରଣ । ରାଜ୍ୟର ୩୦ଟି ଜିଲ୍ଲାରେ ୩୦ଟି ଦକ୍ଷତା ବିକାଶ କେନ୍ଦ୍ର ରହିଥିବା ବେଳେ ପ୍ରତି ବ୍ୟାଚର ପିଲାଙ୍କୁ ଦୁଇ ମାସର ଟ୍ରେନିଂ ଦିଆଯାଉଛି । ପୂର୍ବରୁ ହଜାର ହଜାର ଯୁବକ ଯବତୀ ବେକାର ହୋଇ ରହୁଥିଲେ । କିନ୍ତୁ ରାଜ୍ୟ ସରକାରଙ୍କ ଦକ୍ଷତା ବିକାଶ ଏମାନଙ୍କୁ ନୂଆ ପରିଚୟ ଦେଇଛି ।

ଏଥିସହିତ ପଢ଼ନ୍ତୁ: ମୋଦି- ପୁଟିନଙ୍କ ଆଲୋଚନା, ଆଫଗାନିସ୍ତାନ ସଙ୍କଟକୁ ନେଇ ୪୫ ମିନିଟ୍ ବାର୍ତ୍ତାଳପ

ରାଜଧାନୀରେ ଆଉ ୫୬ ଜଣ ଡେଙ୍ଗୁ ରୋଗୀ ଚିହ୍ନଟ

ଭୁବନେଶ୍ୱର: ଗତ ୨୪ଘଣ୍ଟାରେ ଭୁବନେଶ୍ୱରରେ ଆଉ ୫୬ଜଣ ଡେଙ୍ଗୁ ରୋଗୀ ଚିହ୍ନଟ ହୋଇଛନ୍ତି । ଫଳରେ ଭୁବନେଶ୍ୱରରେ ମୋଟ ଡେଙ୍ଗୁ ରୋଗୀଙ୍କ ସଂଖ୍ୟା ୧୮୩୭କୁ ବୃଦ୍ଧି ପାଇଛି । ବର୍ତ୍ତମାନ ସୁଦ୍ଧା ୧୪୫୬ଜଣ ସୁସ୍ଥ ହୋଇଛନ୍ତି । ୩୮୧ଟି ମାମଲା ବର୍ତ୍ତମାନ ସକ୍ରିୟ ରହିଛି । ଗତ ୨୪ଘଣ୍ଟାରେ ସଚେତନତା ଓ ସଫେଇ କାର୍ଯ୍ୟକ୍ରମକୁ ବ୍ୟାପକ କରାଯାଇ ୨୮୧୫୭ଟି ଘରେ ମୋଟ ୧,୧୭,୭୮୬ ଲୋକଙ୍କ ଠାରୁ ତଥ୍ୟ ସଂଗ୍ରହ କରାଯାଇଛି । ୭୦୯୪୦ଟି ସମ୍ଭାବ୍ୟ ମଶା ବୃଦ୍ଧି ସ୍ଥାନକୁ ହଟେଇବା ସହ ୭୩୧୧୦ଟି ସ୍ଥାନରୁ ମଶାର ଲାର୍ଭାକୁ ଚିହ୍ନଟ କରି ନଷ୍ଟ କରାଯାଇଥିବା ବିଏମସି ପକ୍ଷରୁ ସୂଚନା ମିଳିଛି ।

ଏଥିସହିତ ପଢ଼ନ୍ତୁ: ଦୁର୍ଘଟଣାଗ୍ରସ୍ତଙ୍କ ପାଇଁ ‘ସୋଲାସିୟମ୍ ପାଣ୍ଠି’: ଆହତ ଓ ମୃତକଙ୍କ ପରିବାର ପାଇବେ ଆର୍ଥିକ ସହାୟତା

 

କିଏ ସେହି ପାକିସ୍ତାନୀ ଯିଏ ବିଲ୍ ଗେଟ୍ସଙ୍କଠାରୁ ଠକି ନେଇଛି ୭୦୦ କୋଟି ଟଙ୍କା ?

ନୂଆଦିଲ୍ଲୀ: ଠକାମୀର ଶିକାର ହେଲେ ବିଶ୍ୱର ସବୁଠାରୁ ଧନୀ ବ୍ୟକ୍ତି ବିଲ ଗେଟସ । ଜଣେ ପାକିସ୍ତାନୀ ବ୍ୟକ୍ତି ବିଲ ଗେଟସଙ୍କ ପାଖରୁ ୭୦୦ କୋଟି ଟଙ୍କା ଠକିଛନ୍ତି । ଏହି ଦାବି ଏକ ପୁସ୍ତକରେ କରାଯାଇଛି । ‘The Key Man: The True Story of How The Global Elite was Duped by a Capitalist Fairy Tale’ ପୁସ୍ତକରେ ଦାବି କରାଯାଇଛି ଯେ ଆରିଫ୍ ନାକଭି ନାମକ ଜଣେ ପାକିସ୍ତାନୀ ବିଲ୍ ଗେଟ୍ସଙ୍କ ଠାରୁ ୭୪୧ କୋଟି ଟଙ୍କାର ଠକେି କରିଛନ୍ତି । ଏହି ପୁସ୍ତକଟିକୁ ସାଇମନ୍ କ୍ଲାର୍କ ଏବଂ ୱିଲ୍ ଲଚ୍ ଲେଖିଛନ୍ତି। ବହିରେ କୁହାଯାଇଥିଲା ଯେ ବାସ୍ତବରେ ଆରିଫ ନାକଭି ଜଣେ ‘ଠକ’ ଥିଲେ, ଯିଏ କୋଟିପଟିଙ୍କ ସମ୍ପତ୍ତି ହଡ଼ପ କରୁଥିଲେ।

ରିପୋର୍ଟ ଅନୁଯାୟୀ, ଆରିଫ ପାକିସ୍ତାନର ଏକ ଘରୋଇ ଇକ୍ୱିଟି ଫାର୍ମର ମୁଖ୍ୟ ଥିଲେ। ସେ ବିଭିନ୍ନ ବ୍ୟବସାୟରେ ଟଙ୍କା ବିନିଯୋଗ କରିବା ପାଇଁ ଦୁନିଆର ନିବେଶକମାନଙ୍କ ପାଇଁ କାମ କରୁଥିଲେ । ଏହାରି ଭିତରେ ସେ ବିଲ୍ ଗେଟ୍ସଙ୍କ ସମେତ ଅନେକ ଧନୀ ବ୍ୟକ୍ତିଙ୍କ ସହ ଭଲ ସମ୍ପର୍କ ସ୍ଥାପନ କରିଥିଲେ। ପରେ, ଏହି ସମ୍ପର୍କଗୁଡିକର ଫାଇଦା ଉଠାଇ ସେ ବିଲ୍ ଗେଟ୍ସଙ୍କ ଠାରୁ ବିପୁଳ ପରିମାଣର ଅର୍ଥ ବିନିଯୋଗ କରିଥିଲେ।

ପୁସ୍ତକ ଅନୁଯାୟୀ, ଆରିଫ ନାକଭି ପ୍ରାୟ ୧୦୦ ମିଲିୟନ୍ ଡଲାରର ଅପବ୍ୟବହାର କରିଥିଲେ। ଏହି ରାଶିର ଅଧା ହିସାବ ମିଳିଲା ନାହିଁ । ଏହି ମାମଲାରେ ନାକଭି ଜେଲ ମଧ୍ୟ ଯାଇଥିଲେ । କାରଣ ତାଙ୍କର ଜଣେ କର୍ମଚାରୀ ଇ-ମେଲ ପଠାଇ ସମସ୍ତ ନିବେଶକଙ୍କୁ ସୂଚନା ଦେଇଥିଲେ।

କୁହାଯାଇଥିଲା ଯେ ଏକ ସମୟରେ ଆରିଫ ନାକଭିଙ୍କ ସ୍ଥିତି ଏତେ ବୃଦ୍ଧି ପାଇଥିଲା ଯେ ଆମେରିକାର ରାଷ୍ଟ୍ରପତି ବାରାକ ଓବାମା ତାଙ୍କୁ ମୁସଲିମ ବ୍ୟବସାୟ ନେତାଙ୍କ ଶିଖର ସମ୍ମିଳନୀକୁ ନିମନ୍ତ୍ରଣ କରିଥିଲେ। କେବଳ ଏତିକି ନୁହେଁ, ନାକଭିର ଏକ କମ୍ପାନୀରେ ଆମେରିକା ସରକାର ମଧ୍ୟ ଅନେକ ମିଲିୟନ ଡଲାର ବିନିଯୋଗ କରିଥିଲେ। ତେବେ ନାକଭି ନିଜେ ନିଜର ସମ୍ମାନ ବଢ଼ାଇବା ପାଇଁ ବଡ ଦାନ ଦେଇଥିଲେ। ବିଲ୍ ଏବଂ ମେଲିଣ୍ଡା ଗେଟ୍ସଙ୍କ ପରି ସେ ମଧ୍ୟ ନିଜର ‘ଅମନ୍ ଫାଉଣ୍ଡେସନ୍’ ସୃଷ୍ଟି କରିଥିଲେ

ଦୁର୍ଘଟଣାଗ୍ରସ୍ତଙ୍କ ପାଇଁ ‘ସୋଲାସିୟମ୍ ପାଣ୍ଠି’: ଆହତ ଓ ମୃତକଙ୍କ ପରିବାର ପାଇବେ ଆର୍ଥିକ ସହାୟତା

ଭୁବନେଶ୍ୱର: ଲୋକଙ୍କ ପାଇଁ ବହୁ ଯୋଜନା ରହିଥିଲେ ସୁଦ୍ଧା ସଚେତନତା ଅଭାବ ଯୋଗୁଁ ଅନେକ ବିଷୟରେ ଅନଭିଜ୍ଞ ଲୋକେ । ସୋଲାସିୟମ୍‌ ପାଣ୍ଠି ଏହାର ଏକ ନଗ୍ନ ଉଦାହରଣ । ହିଟ୍‌ ଆଣ୍ଡ ରନ୍‌ ମାମଲା ବା ଅଜଣା ଗାଡ଼ି ଧକ୍କାରେ ମୃତାହତ କରୁଥିବା ବ୍ୟକ୍ତିଙ୍କ ପାଇଁ ରହିଛି ଏହି ଯୋଜନା । ସଚେତନତା ଅଭାବରୁ ଶତକଡା ୫ପ୍ରତିଶତରୁ କମ୍‌ ଲୋକ ଏହାର ଲାଭ ପାଇଛନ୍ତି । ଏନେଇ ସଚେତନତାକୁ ବ୍ୟାପକ କରିବାକୁ ସରକାରଙ୍କ ପକ୍ଷରୁ ଜାରି ହୋଇଛି ନିର୍ଦ୍ଦେଶନାମା ।

କାମରେ ଲାଗୁନି ‘ସୋଲାସିୟମ୍‌ ପାଣ୍ଠି’ । ପାଣ୍ଠି ସମ୍ପର୍କରେ ସଚେତନ ନାହନ୍ତି ଲୋକେ । ୨୦୧୮ ରୁ ଗଠିତ ହୋଇଛି ଏହି ପାଣ୍ଠି । ଦିନକୁ ଦିନ ବଢିବାରେ ଲାଗିଛି ସଡ଼କ ଦୁର୍ଘଟଣା । ସେଥିମଧ୍ୟରୁ ହିଟ୍‌ ଆଣ୍ଡ ରନ୍‌ ବା ଅଜାଣା ଗାଡି ଧକ୍କା ସଂଖ୍ୟା ଅଧିକ । ଏଭଳି ଦୁର୍ଘଟଣାରେ ଅଜଣା ଗାଡ଼ି ହୋଇଥିବାରୁ ମୃତ ବା ଆହତଙ୍କୁ ବୀମା ଅର୍ଥ ମିଳିନଥାଏ । ଏହାକୁ ଦୃଷ୍ଟିରେ ରଖି ସୁପ୍ରିମ୍‌କୋର୍ଟଙ୍କ ନିର୍ଦେଶ କ୍ରମେ ଦେଶବ୍ୟାପୀ ସବୁ ରାଜ୍ୟରେ ଗଠନ କରାଯାଇଛି ସୋଲାସିୟମ୍‌ ପାଣ୍ଠି । ତେବେ ଆଜି ପର୍ଯ୍ୟନ୍ତ ଏହାର ଲାଭ ଉଠାଇପାରି ନାହାନ୍ତି ଲୋକେ । ଦୁର୍ଘଟଣାର ୬ ମାସ ମଧ୍ୟରେ ଆବେଦନ କରିବାକୁ ଥିବା ବେଳେ ଆବେଦନର ୧୫ଦିନ ମଧ୍ୟରେ ଏହି ସହାୟତା ପ୍ରଦାନ କରିବାକୁ ନିୟମ ରହିଛି । ସୋଲାସିୟମ୍‌ ପାଣ୍ଠି ସମ୍ପର୍କରେ ଲୋକେ ସଚେତନ ନଥିବା କାରଣରୁ ଆଜି ପର୍ଯ୍ୟନ୍ତ ମାତ୍ର ୫ ପ୍ରତିଶତ ଲୋକ ହିଁ ଏହାର ସୁବିଧା ପାଉଛନ୍ତି ।

ଓଡିଶାରେ ୨୦୧୮ ରୁ ଏକ କୋଟି ଟଙ୍କାର ପାଣ୍ଠି ସୃଷ୍ଟି କରାଯାଇଛି । ଦୁର୍ଘଟଣାରେ ମୃତକଙ୍କ ପାଇଁ ୨ଲକ୍ଷ ଟଙ୍କା ଓ ଆହତଙ୍କ ପାଇଁ ୫୦ହଜାର ଟଙ୍କାର ଆର୍ଥିକ ସହାୟତା ବ୍ୟବସ୍ଥା ରହିଛି । ତେବେ ଲୋକଙ୍କ ମଧ୍ୟରେ ଏନେଇ ସଚେତନତାର ଅଭାବ ଥିବା ସ୍ୱୀକାର କରିଛନ୍ତି ରାଜ୍ୟ ପରିବହନ ମନ୍ତ୍ରୀ । ସଡ଼କ ସୁରକ୍ଷା ମାସ ପାଳନ ଅବସରରେ ଏନେଇ ଲୋକଙ୍କ ମଧ୍ୟରେ ସଚେତନ ସୃଷ୍ଟି କରିବାକୁ ବିଭାଗ ଲକ୍ଷ୍ୟ ରଖିଛି । ତେବେ ବର୍ତ୍ତମାନ ରାଜ୍ୟର ସମସ୍ତ ଆଞ୍ଚଳିକ ପରିବହନ ଅଧିକାରୀ ଓ ସବୁ ଏସ୍‌ପିଙ୍କୁ ସସଚେତନତା କାର୍ଯ୍ୟକ୍ରମକୁ ବ୍ୟାପକ କରିବାକୁ ନିର୍ଦେଶନାମା ଜାରି କରାଯାଇଛି । ସେପଟେ ଭୁବନେଶ୍ୱରରେ ସମସ୍ତ ଥାନା ଇନ୍ସପେକ୍ଟରମାନଙ୍କୁ ଏନେଇ ଅବଗତ କରାଯାଇ ଏହିକୁ ତ୍ୱରାନ୍ୱିତ କରାଯାଇଥିବା କହିଛନ୍ତି ଡିସିପି ।ଦୁର୍ଘଟଣା ପରେ ଯଦି କୌଣସି ସମୟରେ ଦୁର୍ଘଟଣା ଭିଆଇଥିବା ଗାଡ଼ି ସମ୍ପର୍କରେ ସୂଚନା ମିଳେ ତେବେ ସୋଲାସିୟମ୍‌ ପାଣ୍ଠିରୁ ଆର୍ଥିକ ସହାୟତା ପାଇଥିବା ବ୍ୟକ୍ତି ବା ତାଙ୍କ ପରିବାର ଏହି ଟଙ୍କା ଫେରାଇବାକୁ ପଡିଥାଏ ।

ଏଥିସହିତ ପଢ଼ନ୍ତୁ: ପୁଣି ଫେରୁଛି Joker Virus ! ପୋଲିସର ଚେତାବନୀ, ଫୋନରୁ ତୁରନ୍ତ ହଟାନ୍ତୁ ଏହି ୮ଟି ଆପ୍

୭୦ ବର୍ଷର ସମ୍ପତିକୁ ବିକି ଦେଲେ ମୋଦି ସରକାର: ରାହୁଲ ଗାନ୍ଧୀ

ନୂଆଦିଲ୍ଲୀ: କେନ୍ଦ୍ରରେ ଶାସନାଧିନ ମୋଦି ସରକରାଙ୍କ ଉପରେ ଅନର୍ଗଳ ଆରୋପ ଲଗାଇଛନ୍ତି କଂଗ୍ରେସ ସାଂସଦ ତଥା ପୂର୍ବତନ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ  । ଅପରାହ୍ନରେ ରାହୁଲ ଗାନ୍ଧୀ ଜାତୀୟ କଂଗ୍ରେସ କାର୍ଯ୍ୟାଳୟରେ ସାମ୍ବାଦିକ ସମ୍ମିଳନୀ କରି କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି  । ଏଥିସହିତ ମୋଦି ସରକରାଙ୍କ ଅମଳରେ ଦେଶ କଣ ସବୁ କ୍ଷତି ସହିଛି ଏବଂ ଆଗକୁ ଦେଶର ଭବିଷ୍ୟତ କଣ ହେହାକୁ ଯାଉଛି, ତାହାକୁ ଉଲ୍ଲେଖ କରିଛନ୍ତି ରାହୁଲ  । ସେହିପରି ସାମ୍ହାଦିକ ସମ୍ମିଳନୀରେ ସ୍ପଷ୍ଟରୂପେ ମୋଦି ସରକାର ଅଭିଯୋଗର ଲମ୍ବା ଫର୍ଦ୍ଦ ଗଦା କରିଛନ୍ତି  ।

କେନ୍ଦ୍ରରେ ପୂର୍ବରୁ ଶାସନ କରିଥିବା କଂଗ୍ରେସ ସରକାର ଦୀର୍ଘ ସାତ ଦଶନ୍ଧିରେ ଯାହା ଉପାର୍ଜନ କରିଥିଲା, ସେ ସବୁକୁ ସାତ ବର୍ଷରେ ବିକ୍ରୟ କରିଦେଇଥିବା ଅଭିଯୋଗ କରିଛନ୍ତି ରାହୁଲ  । ନରେନ୍ଦ୍ର ମୋଦି ଏବଂ ତାଙ୍କ ଦଳ ବିଜେପିର ନାରା ଥିଲା,  ଦୀର୍ଘ ୭୦ ବର୍ଷରେ ଦେଶ ପାଇଁ କଂଗ୍ରେସ କିଛି କରିନାହିଁ  । କିନ୍ତୁ ଦୀର୍ଘ ୭୦ ବର୍ଷ ଧରି କଂଗ୍ରେସ ଯାହା ଉପାର୍ଜନ କରିଥିଲା ତାହାକୁ ସୋମବାର ସୁଦ୍ଧା ବିଜେପି ସରକାର ବିକ୍ରି କରିଦେଇଥିବା ନେଇ କହିଛନ୍ତି କଂଗ୍ରେସ ସାଂସଦ ରାହୁଲ ଗାନ୍ଧୀ  ।

ଦେଶରେ ପାଣି, ଖଣି, ବିମାନବନ୍ଦର, କ୍ରୀଡ଼ା, ଟେଲିକମ, ବିଦ୍ୟୁତ, ଏବଂ ରାଷ୍ଟ୍ରାୟତ କମ୍ପାନୀ ଗୁଡ଼ିକୁ ମୋଦି ସରକାର ଘରୋଇ ମାର୍କେଟରେ ନିଲାମ କରିଦେଇଛି  । ଯଦ୍ୱାରା ଦେଶ ଆଗାମୀ ଦିନରେ ବହୁମୂଲ୍ୟ ଦେବାକୁ ଯାଉଛି  । ମୋଦି ସରକାର କେବଳ କିଛିଟା ହାତଗଣତି ବ୍ୟବସାୟୀଙ୍କ ଲାଭ ପାଇଁ ଏସବୁ କରୁଛନ୍ତି  । କ୍ଷୁଦ୍ର, ମଧ୍ୟମ ଧରଣର ବ୍ୟବସାୟୀ ମାନେ ତଳି ତଳାନ୍ତ ହୋଇ ଗଲଣି  । ସେମାନଙ୍କର ଅବସ୍ଥା ସୋଚନୀୟ ହେଲାଣି  । କିନ୍ତୁ କେବଳ ତିନି, ଚାରିଟା ଶିଲ୍ପପତିଙ୍କର ଉନ୍ନତି ଘଟୁଥିବା ଅଭିଯୋଗ ଲଗାଇଛି କଂଗ୍ରେସ  ।