spot_img

Latest Posts

ଆସନ୍ତାକାଲି UPI ସେବାରେ ବଡ଼ ବାଧା, ୪୫ ମିନିଟ୍ ହେବନି ଟ୍ରାଞ୍ଜାକ୍ସନ୍

ନନ୍ଦିଘୋଷବ୍ୟୁରୋ:  ଦେଶର ସବୁଠାରୁ ବଡ଼ ସରକାରୀ ବ୍ୟାଙ୍କ ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ (SBI) ଗ୍ରାହକମାନଙ୍କ ପାଇଁ ଏକ ଜରୁରୀ ସୂଚନା ଜାରି କରିଛି। ବ୍ୟାଙ୍କର ସୂଚନା ଅନୁସାରେ, ନଭେମ୍ବର ୧୯ ଅର୍ଥାତ କାଲି, ପ୍ରାୟ ୪୫ ମିନିଟ୍ ପାଇଁ ବ୍ୟାଙ୍କର UPI ସେବା ସାମୟିକ ଭାବେ ବନ୍ଦ ରହିବ। ବ୍ୟାଙ୍କ ପକ୍ଷରୁ ସୋସିଆଲ ମିଡିଆ ମାଧ୍ୟମରେ ଏହି ସତର୍କ ସୂଚନା ଦିଆଯାଇଛି।

ତେବେ SBI ବ୍ୟାଙ୍କର ସ୍ପଷ୍ଟୀକରଣ ଅନୁଯାୟୀ, କାଲି ଅପରାହ୍ନ ୧ଟା ୧୫ ମିନିଟରୁ ଦ୍ୱିପ୍ରହର ୨ଟା ପର୍ଯ୍ୟନ୍ତ SBIର UPI ସେବା ଉପଲବ୍ଧ ହେବ ନାହିଁ। ବ୍ୟାଙ୍କର ବୈଷୟିକ ବ୍ୟବସ୍ଥାକୁ ଅଧିକ ଉନ୍ନତ ଏବଂ ସୁରକ୍ଷିତ ରଖିବା ପାଇଁ ଏହି ମେଣ୍ଟେନାନ୍ସ କାର୍ଯ୍ୟ କରାଯାଉଛି। ତେବେ ଧାର୍ଯ୍ୟ ସମୟ ପୂର୍ବରୁ ମଧ୍ୟ ଏହି କାମ ଶେଷ ହୋଇପାରେ ବୋଲି ବ୍ୟାଙ୍କ ପକ୍ଷରୁ କୁହାଯାଇଛି।

ତେବେ ଏହି ନିର୍ଦ୍ଧାରିତ ମେଣ୍ଟେନାନ୍ସ କାର୍ଯ୍ୟ ଯୋଗୁଁ ଗ୍ରାହକଙ୍କୁ ହେବାକୁ ଥିବା ଅସୁବିଧା ପାଇଁ ବ୍ୟାଙ୍କ ପକ୍ଷରୁ ଦୁଃଖ ପ୍ରକାଶ କରାଯାଇଛି। ତେଣୁ SBI ଗ୍ରାହକମାନେ ଉକ୍ତ ୪୫ ମିନିଟ୍ ସମୟକୁ ଧ୍ୟାନରେ ରଖି ନିଜର ସମସ୍ତ ଜରୁରୀ ଅନଲାଇନ୍ କାରବାର ପୂର୍ବରୁ କିମ୍ବା ପରେ କରିନେବା ଭଲ। ସେବା ପୁନର୍ବାର ଆରମ୍ଭ ହେବା ପରେ ଗ୍ରାହକମାନେ ପୂର୍ବଭଳି ସାଧାରଣ ଭାବେ UPI ପେମେଣ୍ଟ୍ କରିପାରିବେ।

Latest Posts

Don't Miss