spot_img
Home Blog Page 5216

୨ ଲକ୍ଷ ଟଙ୍କା ଚୋରି ସନ୍ଦେହରେ ମାଡ଼ ମାରି ୩ ସରପଞ୍ଚ ଗିରଫ

କେନ୍ଦ୍ରାପଡ଼ା: ବନ୍ଧାହେଲେ ସରପଞ୍ଚ । ସମିତି ସଭ୍ୟାଙ୍କ ସ୍ୱାମୀ ମଧ୍ୟ ଗିରଫ । କଙ୍ଗାରୁକୋର୍ଟ କରି ନିର୍ଯାତନା ଓ ସୋସିଆଲ୍ ମିଡିଆରେ ନିର୍ଯାତନାର ଭିଡିଓ ଭାଇରାଲ୍ ପରେ ଆକ୍ସନକୁ ଆସିଛି ପୋଲିସ । ଘଟଣାରେ କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ବ୍ଲକର ତିନି ଜଣ ସରପଞ୍ଚଙ୍କ ଜଣେ ସମିତ ସଭ୍ୟଙ୍କ ସ୍ୱାମୀ ଓ ଅନ୍ୟ ଦୁଇ ଜଣଙ୍କୁ ଗିରଫ କରିଛି ପୋଲିସ । ପେଟ୍ରୋଲ୍ ପମ୍ପ ମାଲିକଙ୍କୁ ଧରିବାକୁ ଉଦ୍ୟମ ଚଳାଇଛି ପୋଲିସ ।

Three Sarpanch Of Pattamundai Block Arrested In Torturing Petrol Pump Employee

ଗତ ୮ ତାରିଖରେ ସାହୁପଡ଼ାରେ ଥିବା ପେଟ୍ରୋଲ ପମ୍ପରୁ ୧ ଲକ୍ଷ ୯୭ ହଜାର ଟଙ୍କା ଚୋରି ହୋଇଥିଲା । ଟଙ୍କା ଚୋରି ସନ୍ଦେହରେ ପେଟ୍ରୋଲ ପମ୍ପର ଜଣେ କର୍ମଚାରୀକୁ ୧୧ ତାରିଖରେ ଘରକୁ ଡାକି ଅକଥନୀୟ ନିର୍ଯାତନା ଦେଇଥିଲେ ମାଲିକ । ଆଉ ମାଡ଼ର ଭିଡିଓକୁ ମୋବାଇରେ କଏଦ କରିଥିଲେ । ପରେ ପେଟ୍ରୋଲ୍ ପମ୍ପ ପଛପଟୁ ଟଙ୍କା ମିଳିବାରୁ କର୍ମଚାରୀଙ୍କୁ ବୁଝାସୁଝା କରି ଛାଡ଼ି ଦେଇଥିଲେ । ତେବେ ମାଡ଼ମକା ଭିଡିଓ ସୋସିଆଲ ମିଡିଆରେ ଭାଇରାଲ୍ ହେବା ପରେ ତାତିଥିଲେ ସ୍ଥାନୀୟ ଲୋକେ ।

Three Sarpanch Of Pattamundai Block Arrested In Torturing Petrol Pump Employee

ଆଜି ପେଟ୍ରୋଲ ପମ୍ପ ସମ୍ମୁଖରେ ଧାରଣା ଦେଇ ଅଭିଯୁକ୍ତଙ୍କ ଗିରଫ ଦାବି କରିଥିଲେ । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିଥିଲେ । କଙ୍ଗାରୁକୋର୍ଟ ଘଟଣାରେ ସମ୍ପୃକ୍ତ ଥିବା ମୋହନପୁର ପଞ୍ଚାୟତର ସରପଞ୍ଚ ରବୀନ୍ଦ୍ର ବେହେରା, ବିଜୟନଗର ସରପଞ୍ଚ ସୋମନାଥ ତ୍ରିପାଠୀ, ବଳିପାଳ ସରପଞ୍ଚ ପଞ୍ଚାନନ ସ୍ୱାଇଁ ଓ ସମିତି ସଭ୍ୟାଙ୍କ ସ୍ୱାମୀ ତପନ ରାଉତକୁ ଗିରଫ କରିଛି ପୋଲିସ । ପେଟ୍ରୋଲ୍ ପମ୍ପ ମାଲିକଙ୍କ ପୁଅ ସହ ଅନ୍ୟଜଣେ କର୍ମଚାରୀ ମଧ୍ୟ ଗିରଫ ହୋଇଛନ୍ତି ।

ମୋଦିଙ୍କ ସହ ତେଲ କମ୍ପାନୀ CEOଙ୍କ ଭେଟ: କମି ପାରେ ପେଟ୍ରୋଲ ଦର

ନୂଆଦିଲ୍ଲୀ: ଦିନକୁ ଦିନ ବଢ଼ି ଚାଲିଥିବା ପେଟ୍ରୋଲ ଓ ଡିଜେଲ ଦରରେ ଲାଗି ପାରେ ଲଗାମ୍ । ପୁଣି ଗ୍ରାହକଙ୍କୁ ସୁହାଇଲା ଭଳି ଦରକୁ ଖସି ପାରେ ତେଲ । ଏମିତି କିଛି ସମ୍ଭାବନା ସୃଷ୍ଟି ହୋଇଛି । କାରଣ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବଢ଼ି ଚାଲିଥିବା ତେଲ ଦରକୁ ନେଇ ବିଶ୍ବର ପ୍ରମୁଖ ତେଲ ଏବଂ ଗ୍ୟାସ୍ କମ୍ପାନୀଙ୍କ CEOଙ୍କ ସହ କରୁଛନ୍ତି ଆଲୋଚନା । ତେଲ ଦର କମ କରିବା ନେଇ ବୈଠକରେ ହୋଇପାରେ ବଡ଼ ନିଷ୍ପତ୍ତି ।

ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରାଳୟ ସଚିବ ତରୁଣ କପୁର ପ୍ରଧାନମନ୍ତ୍ରୀଙ୍କ ବୈଠକ ନେଇ ସୂଚନା ଦେଇଛନ୍ତି । ସେ କହିଛନ୍ତି, ପ୍ରଧାନମନ୍ତ୍ରୀଙ୍କ ସହ ବୈଠକରେ ତେଲ ଓ ଏନର୍ଜୀ କମ୍ପାନୀଙ୍କ CEO ୩ ମିନିଟ କହିବାକୁ ସୁଯୋଗ ପାଇବେ । ଏହାପରେ ପ୍ରଧାନମନ୍ତ୍ରୀ ବିଚାର କରିବେ ।

ବୈଠକରେ ଋଷର ରୋଜନେଫ୍ଟ ଚେୟାରମ୍ୟାନ ତଥା ସିଇଓ ଡ. ଆଇଗୋର ସେଚିନ୍, ସାଉଦୀ ଆରାମକୋ ସଭାପତି ତଥା ସିଇଓ ଅମିନ ନାସିର, ବ୍ରିଟେନ ପେଟ୍ରୋଲିୟ ସିଇଓ ବର୍ଣ୍ଣାଡ ଲୁନୀ, ଆମେରିକାର ସ୍ଲମବର୍ଗର ଲିମିଟେଡ ସିଇଓ ଓଲିବର ଲି ପେଚ୍, ୟୁରୋପର ହନିଓ୍ବେଲ ସଭାପତି ତଥା ସିଇଓ ବ୍ରାୟନ ଗ୍ଲୋବର, ରିଲିୟାନ୍ସ ଇଣ୍ଡଷ୍ଟ୍ରିଜର ଚେୟାରପର୍ସନ ତଥା ଏମଡି ମୁକେଶ ଅମ୍ବାନୀ ଏବଂ ବେଦାନ୍ତ ଲିମିଟେଡ ଚେୟାରପର୍ସନ ଅନୀଲ ଅଗ୍ରଓ୍ବାଲ ପ୍ରମୁଖ ସାମିଲ ହୋଇଛନ୍ତି ।

କପୁର କହିଛନ୍ତି, ଅଶୋଧିତ ତେଲ ଉତ୍ପାଦନ ବଢ଼ାଇବା ଉପରେ ଆଲୋଚନା ହେବ । କାରଣ ପେଟ୍ରୋଲ ଓ ଡିଜେଲ ଦର ସୀମା ବାହାରକୁ ଚାଲିଗଲାଣି ।

ସେ ଆହୁରି କହିଛନ୍ତି, ତେଲ ଉତ୍ପାଦନ କରୁଥିବା ଦେଶମାନେ ଏହା ଉପରେ ମତ ରଖିବା ଉଚିତ । ଆମେ କହୁନୁ ତେଲ ଦର ହଠାତ କମ କରିବାକୁ, ହେଲେ ଅଶୋଧିତ ତେଲ ଉତ୍ପାଦନ କରୁଥିବା କମ୍ପାନୀଙ୍କୁ ମଧ୍ୟ ବୁଝିବାକୁ ପଡ଼ିବ ତେଲ ଦର ଏତେ ମହଙ୍ଗା ହେବା ବି ଉଚିତ ନୁହେଁ ।

ମମିତା ହତ୍ୟା ମାମଲା, କଳାହାଣ୍ଡି ଓ ବଲାଙ୍ଗିର ଏସପିଙ୍କୁ ରିପୋର୍ଟ ତଲବ  

ଭୁବନେଶ୍ୱର: ମହାଲିଙ୍ଗ ମମିତା ମେହେର ହତ୍ୟା ମାମଲା ରିପୋର୍ଟ ତଲବ କଲେ ମହିଳା କମିଶନ । ଘଟଣାକୁ ଗୁରୁତର ସହ ନେଇ କଳାହାଣ୍ଡି ଓ ବଲାଙ୍ଗୀର ଏସ୍‌ପିଙ୍କୁ ମହିଳା କମିଶନ ରିପୋର୍ଟ ତଲବ କରିଛନ୍ତି । ୧୫ ଦିନ ମଧ୍ୟରେ ଘଟଣାର ତଦନ୍ତ କରି ଉତ୍ତର ରଖିବାକୁ କୁହାଯାଇଛି । ଯେଉଁମାନେ ଏଥିରେ ସମ୍ପୃକ୍ତ ସେମାନଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ । ଆବଶ୍ୟକସ୍ଥଳେ ମହିଳା କମିଶନଙ୍କ ପକ୍ଷରୁ ଏକ ଟିମ୍ ଘଟଣାସ୍ଥଳ ପରିଦର୍ଶନ କରିବେ । ପୋଲିସ ତଦନ୍ତ ପ୍ରକ୍ରିୟାରେ ସହଯୋଗ କରିବାକୁ ବିରୋଧୀଙ୍କୁ ମହିଳା କମିଶନ ଅଧ୍ୟକ୍ଷା କହିଛନ୍ତି ।

National Women Commission Sought Report On Mamata Murder Case

ଅନ୍ୟପଟେ ଘଟଣାରେ ପୋଲିସ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁଙ୍କୁ ୫ ଦିନିଆ ରିମାଣ୍ଡରେ ନେଇଛି । ରିମାଣ୍ଡ ବେଳେ ପୋଲିସ ଗୋବିନ୍ଦ ଠାରୁ ବହୁ ତଥ୍ୟ ଆଦାୟ କରିବ । ମମିତାଙ୍କୁ କାହିଁକି ହତ୍ୟା କଲା ଗୋବିନ୍ଦ ? ଘଟଣା ପଛରେ ଗୋବିନ୍ଦ ପରକିୟା ପ୍ରୀତି ନା ଆଉ କିଛି ରହସ୍ୟ ରହିଛି । ମମିତାଙ୍କ ହତ୍ୟାରେ ଆଉ କାହାର ସମ୍ପୃକ୍ତି ରହିଛି । ସେନେଇ ଗୋବିନ୍ଦଙ୍କୁ ମାରାଥନ୍ ଜେରା କରିବ ପୋଲିସ ।

କାଲି ଗୁଳିମାଡ଼ କରି ଖସିଥିଲା, ଆଜି ଗୁଳି ଖାଇଲା  

ପୁରୀ: ପୁରୀ ପୋଲିସର ଏନକାଉଣ୍ଟର । ପୋଲିସ ଏନକାଉଣ୍ଟରରେ ଦୁର୍ଦ୍ଦାନ୍ତ ଅପରାଧୀ ବିଜୁ ବେହେରା ଗୁରୁତର ଆହାତ ହୋଇଛି । ବିଜୁର ବାମ ଗୋଡ଼ରେ ଗୁଳି ବାଜିଥିବା ବେଳେ ତାକୁ ଚନ୍ଦନପୁର ମେଡିକାଲରେ ଭର୍ତ୍ତି କରାଯାଇଛି । ବିଶ୍ୱସ୍ତ ସୂତ୍ରରୁ ଖବର ପାଇ ଚନ୍ଦନପୁର ନିକଟରେ ପୋଲିସ ଚଢ଼ାଉ କରିଥିଲା । ରେଡ୍ ବେଳେ ଆତ୍ମସମର୍ପଣ ପାଇଁ ବିଜୁକୁ କହିଥିଲା ପୋଲିସ । ହେଲେ ବିଜୁ ପୋଲିସ ଉପରକୁ ଗୁଳି ଚଳାଇଥିଲା । ଆତ୍ମରକ୍ଷା ପାଇଁ ପୋଲିସ ଗୁଳି କରିଥିଲା । ଗୁରୁତର ଅବସ୍ଥାରେ ବିଜୁକୁ ଚନ୍ଦନପୁର ମେଡିକାଲରେ ଭର୍ତ୍ତି କରାଯାଇଛି ।

Puri Police Encounter Hardcore Criminal Biju Injured

ଗତକାଲି ପୁରୀ ନରେନ୍ଦ୍ରକୋଣରେ ଦାଦାବାଟିକୁ ନେଇ ବିଜୁ ଓ ତାର ସହଯୋଗୀ ମହିଳାଙ୍କୁ ଗୁଳିମାଡ଼ କରି ଫେରାର୍ ହୋଇ ଯାଇଥିଲେ । ଗୁରୁତର ଆହତ ଶକୁନ୍ତଳାଙ୍କୁ ପ୍ରଥମେ ପୁରୀ ସଦର ମୁଖ୍ୟ ଚିକିତ୍ସାଳୟ ଓ ପରେ କଟକ ଏସସିବିକୁ ସ୍ଥାନାନ୍ତର କରାଯାଇଥିଲା । ସେହି ଅଞ୍ଚଳର ଦୁର୍ଦ୍ଦାନ୍ତ ଅପରାଧୀ ବିଜୁ ବେହେରା ଓ କାଳିଆ ବେହେରା ଗୁଳିମାଡ଼ କରି ଫେରାର ହୋଇଯାଇଥିବା ପୋଲିସ ସୂଚନା ଦେଇଥିଲା । ଅଭିଯୁକ୍ତଙ୍କୁ ଧରିବା ଲାଗି ପୋଲିସ ୪ଟି ଟିମ୍ ଗଠନ କରିଥିବା ବେଳେ ବିଜୁକୁ ଏନକାଉଣ୍ଟର କରାଯାଇଛି ।

ପୂର୍ବରୁ ଶକୁନ୍ତଳାଙ୍କୁ ଦାଦାବଟି ମାଗିଥିଲେ ଅଭିଯୁକ୍ତ । ଶକୁନ୍ତଳାଙ୍କୁ ଗୁଳିମାଡ଼ ପରେ ଦୁର୍ବୃତ୍ତ ଦ୍ୱୟ ମାଟିତୋଟାରେ ଦାଦାବଟି ପାଇଁ ଗୁଳିମାଡ଼ ସହ ଟୁନି ବେହେରା ଓ ପୁଅ କାର୍ତ୍ତିକ ବେହେରାଙ୍କୁ ଆକ୍ରମଣ କରିଥିଲେ । ଗୁରୁତର ମାଆ ପୁଅଙ୍କୁ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।

ୟୁପି ନିର୍ବାଚନ ପାଇଁ ସମାଜବାଦୀ ପାର୍ଟି ଓ ସୁହେଲଦେବ ଭାରତୀୟ ସମାଜ ପାର୍ଟି ମେଣ୍ଟ

ଲକ୍ଷ୍ନୌ: ଉତ୍ତରପ୍ରଦେଶ ନିର୍ବାଚନ ଯେତିକି ପାଖଉଛି ରାଜ୍ୟ ରାଜନୀତି ସେତିକି ସରଗରମ ହେବାରେ ଲାଗିଛି । ଦଳ ଡିଆଁ ଆରମ୍ଭ ହୋଇଯାଇଥିବା ବେଳେ ନୂଆ ନୂଆ ମେଣ୍ଟ ଦେଖିବାକୁ ମିଳିଛି । ଭାଇଯାନଙ୍କ ହାତ ଛାଡ଼ି ଅଖିଳେଶ ଯାଦବଙ୍କ ସହ ମିଶି ବିଜେପିକୁ ହରାଇବାକୁ ଅଣ୍ଟା ଭିଡିଛନ୍ତି ଓପି ରାଜଭର ।

ତାଜା ସୂଚନା ଅନୁସାରେ ସମାଜବାଦୀ ପାର୍ଟି ଓ ସୁହେଲଦେବ ଭାରତୀୟ ସମାଜ ପାର୍ଟି ମଧ୍ୟରେ ମେଣ୍ଟ ହୋଇଛି । ଦୁଇ ଦଳର ନେତା ଅଖିଳେଶ ଯାଦବ ଏବଂ ଓପି ରାଜଭରଙ୍କ ସାକ୍ଷାତ ଆଲୋଚନା ପରେ ମେଣ୍ଟ ନେଇ ସୂଚନା ଦିଆଯାଇଛି । ଏଥିରେ ‘ଅବ୍ କୀ ବାର୍ ଭାଜପା ସାଫ୍’ ନାରା ଦେଇଛନ୍ତି ଦୁଇ ନେତା ।

ସୂଚନାଯୋଗ୍ୟ, ୟୁପି ନିର୍ବାଚନ ଯେତେ ପାଖଉଛି ରାଜଭରଙ୍କ ମେଣ୍ଟ ପାଇଁ ଉଦ୍ୟମ ସେତେ ବଢ଼ିବାରେ ଲାଗିଥିଲା । ମେଣ୍ଟ କରି ଚୌକୀ ମଜା ନେବାକୁ କେତେବେଳେ ଏ ଦଳ ତ କେତେବେଳେ ସେ ଦଳ ଦୁଆରରେ ହାଜର ହୋଇଯାଉଥିଲେ । ପ୍ରଥମେ ଭାଜପା ସହ ପୁଣି ମେଣ୍ଟ କରିବାକୁ ପ୍ରୟାସ କରିଥିଲେ । ସେଠାରେ ନିରାଶ ହେବା ପରେ ଏଆଇଏମଆଇଏମ ପାଖକୁ ଆଶା ନେଇ ଯାଇଥିଲେ । ସେଠାରେ ଓଓ୍ବେସୀ ଭାଇଯାନଙ୍କ ସହ ବେଶ କୋଳାକୋଳି ହୋଇଥିଲେ । ହେଲେ ସେଠାରୁ ମୋହ ଭଙ୍ଗ ହେବା ପରେ ଅଖିଳେଶଙ୍କ ପାଖରେ ପହଞ୍ଚି ଗଲେ ।

ସମାଜବାଦୀ ପାର୍ଟି ଅଫିସିଆାଲ ଟ୍ବିଟର ଆକାଉଣ୍ଟରେ ଦୁଇ ନେତାଙ୍କ ଫଟୋ ପୋଷ୍ଟ କରି କୁହାଯାଇଛି, ଶୋଷିତ, ପଛୁଆ, ଦଳିତ, ମହିଳା, କୃଷକ, ଯୁବବର୍ଗଙ୍କ ପାଇଁ ସମାଜବାଦୀ ପାର୍ଟି ଓ ସୁହେଲଦେବ ଭାରତୀୟ ସମାଜ ପାର୍ଟି ମିଳିତ ଭାବେ ଲଢ଼ିବେ । ‘ସାପା ଓ ସୁଭାସପା ଆସିଲେ ଏକାଠି, ଏଥର ଭାଜପା ସଫା ’।

ସମାଜବାଦୀ ପାର୍ଟି ସହ ମେଣ୍ଟକୁ ନେଇ ରାଜଭର ବି ଟ୍ବିଟ୍ କରିଛନ୍ତି । ପୂର୍ବରୁ ଛୋଟ ଛୋଟ ଦଳଙ୍କ ସହ ମେଣ୍ଟ ନେଇ ଅଖିଳେଶ ସଙ୍କେତ ଦେଇଥିଲେ । ସୂଚନାଯୋଗ୍ୟ, ୨୦୧୭ରେ ସାପା କଂଗ୍ରେସ ସହ ମେଣ୍ଟ କରି ବିପର୍ଯ୍ୟୟର ସମ୍ମୁଖୀନ ହୋଇଥିଲା । ୨୦୧୯ ଲୋକସଭା ନିର୍ବାଚନରେ ବିଏସପି ସହ ମେଣ୍ଟ କରିଥିଲେ ବି କିଛି ଲାଭ ପାଇନଥିଲା ।

ସେହିପରି ରାଜଭର ୨୦୧୭ରେ ବିଜେପି ସହ ମେଣ୍ଟ କରି ନିର୍ବାଚନ ମୈଦାନକୁ ଓହ୍ଲାଇ ଥିଲା ।

ବନ୍ଧୁ ହେଲା ବଇରୀ, ଧାର ଟଙ୍କାକୁ କେନ୍ଦ୍ର କରି ସାଙ୍ଗଙ୍କୁ ହତ୍ୟା

ଖୋର୍ଦ୍ଧା: ଟଙ୍କା ଆଗରେ ତୁଚ୍ଛ ହେଲା ବନ୍ଧୁତା । ଶତ୍ରୁତାରେ ବଦଳିଗଲା ଘନିଷ୍ଠ ସମ୍ପର୍କ । ଶେଷରେ ଧାର ଟଙ୍କାକୁ କେନ୍ଦ୍ର କରି ବନ୍ଧୁକୁ ହତ୍ୟା କଲା ବନ୍ଧୁ । ଖୋର୍ଦ୍ଧା ଆଦର୍ଶ ଥାନା ଅନ୍ତର୍ଗତ ମୁକୁନ୍ଦପ୍ରସାଦ ସ୍ପିନିଂ ମିଲ୍ କଲୋନୀରେ ଘଟିଛି ଏଭଳି ଅଭାବନୀୟ ଘଟଣା । ମହେଶ୍ୱର ଦାସ ଏବଂ ରଶ୍ମୀ ରଞ୍ଜନ ପାଟ୍ଟଯୋଶୀଙ୍କ ମଧ୍ୟରେ ଦୀର୍ଘଦିନ ଧରି ଭଲ ବନ୍ଧୁତା ରହିଥିଲା । ରଶ୍ମୀଙ୍କ ଠାରୁ ମହେଶ୍ୱର କିଛି ଅର୍ଥ ଧାର ନେଇ ଶୁଝିନଥିଲେ ।

Friend Killed Friend In Khordha For Loan Money

ଏଥିପାଇଁ ଉଭୟଙ୍କ ମଧ୍ୟରେ ବାରମ୍ବାର ବଚସା ହେଉଥିଲା । ତେବେ ଆଜି ବିବାଦ ଉଗ୍ର ରୂପ ନେଇଥିଲା । ଏଥିରେ ଉତକ୍ଷିପ୍ତ ହୋଇ ପାଖରେ ରଖିଥିବା ଛୁରିରେ ରଶ୍ମୀଙ୍କ ଛାତି, ପେଟ ଓ ମୁଣ୍ଡକୁ ଆକ୍ରମଣ କରିଥିଲେ ମହେଶ୍ୱର । ଏଥିରେ ଗୁରୁତର ହୋଇ ଡାକ୍ତରଖାନା ଯିବା ବାଟରେ ରଶ୍ମିଙ୍କର ମୃତ୍ୟୁ ହୋଇଥିଲା । ଅଭିଯୋଗ ପରେ ୨ଟି ଟିମ୍ ଗଠନ କରି ଅଭିଯୁକ୍ତକୁ ପୋଲିସ ଖୋଜିବା ସହିତ ତଦନ୍ତ ଜାରି ରଖିଛି ।

ଧରାପଡ଼ିଲା ପାକିସ୍ତାନର ପଣ୍ଡୁବି ମିଛ

ନୂଆଦିଲ୍ଲୀ: ଭିକାରୀ ପାକିସ୍ତାନର ପୁଣି ଏକ ମିଛର ପର୍ଦ୍ଦାଫାସ କରିଛି ଭାରତ । ଭାରତର ଏକ ପଣ୍ଡୁବିକୁ ପାକିସ୍ତାନ ନିଜ ସୀମାରେ ଅନୁପ୍ରବେଶ କରୁଥିବା ବେଳେ ଅଟକାଇ ଥିବାର ଏକ ଭିଡିଓ ଜାରି କରିଥିଲା । ଭାରତ ଉପରେ ଦୋଷ ଲଦି ନିଜ ଟେକ୍ନୋଲଜି ବହୁତ ସୁଦୃଢ଼ ଥିବା ଓ ଲୁଚିଛପି ଜଳପଥ ଦେଇ କେହି ସେମାନଙ୍କ ଦେଶରେ ପ୍ରବେଶ କରି ପାରିବେନି ବୋଲି ଦେଖାଇବାକୁ ଚାହିଁଥିଲା ପାକିସ୍ତାନ । ହେଲେ ସବୁଥର ପରି ଏଥର ବି ପାକିସ୍ତାନକୁ ଆଇନା ଦେଖାଇଛି ଭାରତ ଓ ଭିଡିଓର ପ୍ରକୃତ ସତ ପଦାକୁ ଆଣିଛି ।

ମିଳିଥିବା ସୂଚନା ଅନୁସାରେ ପାକିସ୍ତାନ ମଙ୍ଗଳବାର ଏକ ଭୁଡିଓ ଜାରି କରିଥିଲା । ଏଥିରେ କୁହାଯାଇଥିଲା, ଗତ ୧୬ ତାରିଖରେ ଭାରତର ଏକ ପଣ୍ଡୁବି ପାକିସ୍ତାନ ଜଳସୀମାରେ ପ୍ରବେଶ କରିବାକୁ ଚେଷ୍ଟା କରୁଥିଲା । ପାକିସ୍ତାନ ନୌସେନା ଏହାକୁ ଟ୍ରାକ କରି ନେଇଥିଲା ଓ ଭାରତୀୟ ପଣ୍ଡୁବିକୁ ଫେରିବାକୁ ପଡିଥିଲା ।

ଟାଇମ୍ସ ଅଫ୍ ଇଣ୍ଡିଆ ରିପୋର୍ଟ ଅନୁସାରେ, ଭାରତୀୟ ନୌସେନା ସିଧାସଳଖ ପାକିସ୍ତାନର ଏପରି ଅଭିଯୋଗକୁ ଖଣ୍ଡନ କରିଛି । ଭାରତୀୟ ନୌସେନା ସୂତ୍ରରୁ ଜଣାପଡିଛି ଜିପିଏସ ନିର୍ଦ୍ଦେଶାଂକ ଅନୁସାରେ ଭିଡିଓରେ ଥିବା ପଣ୍ଡୁବିର ସ୍ଥିତି କରାଚୀରୁ ୧୪୦-୧୫୦ ନଟିକାଲ ମାଇଲରେ ରହିଛି । ଯାହା ଆନ୍ତର୍ଜାତୀୟ ଜଳସୀମା ମଧ୍ୟରେ ଆସୁଛି । ଯେଉଁଠି ଟେରିଟୋରିଆାଲ ଜଳସୀମା କୂଳରୁ ମାତ୍ର ୧୨ ନଟିକାଲ ମାଇଲ ପର୍ଯ୍ୟନ୍ତ ରହିଥାଏ । ଭିଡିଓରେ ଦେଖାଯାଇଥିବା ପଣ୍ଡୁବି ଅନ୍ୟ କୌଣସି ଦେଶର ବି ହୋଇପାରେ ।

ଅନ୍ୟପକ୍ଷରେ ପାକିସ୍ତାନ ନୌସେନା ଭାରତୀୟ ପଣ୍ଡୁବିକୁ ଅଟକାଇ ଖବର ଶୁଣି ପାକିସ୍ତାନର ଅଧାପଢ଼ା ନେତା ସତମିଛ ନଜାଣି ବେଙ୍ଗ ପରି ଡେଇଁବା ଆରମ୍ଭ କରିଦେଇଥିଲେ । ପାକିସ୍ତାନୀ ନୌସେନାକୁ ବାଃ ବାଃ ଦେବା ସହ ନିଜ ଦେଶର ଜଳସୀମା ସମ୍ପୂର୍ଣ୍ଣ ସୁରକ୍ଷିତ ବୋଲି କହିବାକୁ ପଛାଇ ନଥିଲେ ।

ପିପିପି ଅଧ୍ୟକ୍ଷ ବିଲାଓ୍ବର ଭୁଟ୍ଟୋ ଜରଦାରୀ, ପିଏମଏଲ-ଏନ ଅଧ୍ୟକ୍ଷ ଶାହାବାଜ ଶରିଫ ଓ ନିଆଜି ଇମ୍ରାନଙ୍କ ଗୃହମନ୍ତ୍ରୀ ଶେଖ ରଶିଦ ଅହମଦ ବାଉଳା ହୋଇ ପାକିସ୍ତାନୀ ନୌସେନାକୁ ଶୁଭେଚ୍ଛା ଦେଇ ପକାଇଲେ ।

ଗୋବିନ୍ଦଙ୍କୁ ୫ ଦିନିଆ ରିମାଣ୍ଡରେ ନେଲା ପୋଲିସ, ଖୋଲିବ ଗୁମର

ବଲାଙ୍ଗିର: ମମିତା ମେହେର ହତ୍ୟା ମାମଲା । ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁଙ୍କୁ ୫ ଦିନିଆ ରିମାଣ୍ଡରେ ନେଲା ପୋଲିସ । ଅଭିଯୁକ୍ତ ଗୋବିନ୍ଦଙ୍କୁ ସାତ ଦିନିଆ ରିମାଣ୍ଡରେ ନେବା ଲାଗି ପୋଲିସ ଆବେଦନ କରିଥିଲା । କୋର୍ଟ ୫ ଦିନିଆ ରିମାଣ୍ଡରେ ନେବାକୁ ଅନୁମତି ଦେଇଛନ୍ତି । ରିମାଣ୍ଡରେ ନେଇ ଜେରା ବେଳେ ଗୋବିନ୍ଦ ଠାରୁ ପୂରା ଘଟଣାର ସତ ଉଗାରିବ ପୋଲିସ ।

Police Taken Gobinda Sahoo In Five Days Remand In Mahaling Murder Case

ପରକୀୟା ପ୍ରୀତିର ଭୟ ପାଇଁ ମମିତା ମେହେରଙ୍କୁ ହତ୍ୟା କରାଯାଇଛି । ଗାଡ଼ି ଭିତରେ ଯୋଜନାବଦ୍ଧ ଭାବେ ହତ୍ୟା କରିଛି ଅଭିଯୁକ୍ତ ଗୋବିନ୍ଦ ସାହୁ । ମମିତା ମର୍ଡର ମିଷ୍ଟ୍ରି ନେଇ ଉତ୍ତରାଞ୍ଚଳ ଡିଆଇଜି ଦୀପକ କୁମାର ସାମ୍ବାଦିକ ସମ୍ମିଳନୀରେ ଏଭଳି ଖୁଲାସା କରିଛନ୍ତି । ୮ ତାରିଖରେ ଗାଡ଼ି ଭିତରେ ମମତାଙ୍କୁ ହତ୍ୟା କରାଯାଇଥିଲା । ତେବେ ମମିତାଙ୍କୁ ଗୋବିନ୍ଦ ତଣ୍ଟିଚିପି ମାରିଛି କି ନାହିଁ ତାହା ସ୍ପଷ୍ଟ ହୋଇନାହିଁ । ୯ ତାରିଖରେ ମୃତଦେହକୁ ପୋଡ଼ି ନଷ୍ଟ କରିବାକୁ ଗୋବିନ୍ଦ ଉଦ୍ୟମ କରିଥିଲା । କାର୍ଡବୋର୍ଡ ଓ ଟାୟାର ଜାଳି ପୋଡ଼ି ଦେଇଥିଲା ଅଭିଯୁକ୍ତ ।

Police Taken Gobinda Sahoo In Five Days Remand In Mahaling Murder Case

ଗୋବିନ୍ଦଙ୍କ ପରକୀୟା ପ୍ରୀତି ସମ୍ପର୍କ ବିଷୟରେ ଜାଣିଥିଲେ ମମିତା । ସେଥିପାଇଁ ତାଙ୍କୁ ରାସ୍ତାରୁ ହଟାଇ ଦେବା ଲାଗି ଷଡ଼ଯନ୍ତ୍ର ରଚା ଯାଇଥିଲା । ହତ୍ୟା ପରେ ପ୍ରମାଣ ନଷ୍ଟ ପାଇଁ ଉଦ୍ୟମ କରିଥିଲା ଅଭିଯୁକ୍ତ । ପୋଲିସ ୧୩ ତାରିଖରେ ଗୋବିନ୍ଦଙ୍କୁ ଉଠାଇ ନେଇଥିବା ବେଳେ ୧୭ ତାରିଖ ରାତିରେ ସେ ଜେଲ ପାଚେରି ଡେଇଁ ପଳାଇଥିଲା । ୧୯ ତାରିଖରେ ଆଖୁ କିଆରିରୁ ଗୋବିନ୍ଦକୁ ଧରିଥିଲା ପୋଲିସ ।

ପ୍ରିୟଙ୍କା ଗାନ୍ଧି ପୁଣି ଗିରଫ

ଆାଗ୍ରା: ପୁଣି ପ୍ରିୟଙ୍କା ଗାନ୍ଧି ଭଦ୍ରା ଗିରଫ । ୧୭ ଦିନ ମଧ୍ୟରେ ଏହା ହେଉଛି ପ୍ରିୟଙ୍କାଙ୍କ ଦ୍ବିତୀୟ ଗିରଫଦାରୀ । ଜଣେ ମୃତକଙ୍କ ପରିବାରକୁ ଭେଟିବାକୁ ଆଗ୍ରା ଯାଉଥିବା ବେଳେ ଲକ୍ଷ୍ନୌ ପୋଲିସ ତାଙ୍କୁ ଗିରଫ କରିଛି । ବ୍ୟକ୍ତି ଜଣଙ୍କର ପୋଲିସ ହାଜତରେ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ପ୍ରିୟଙ୍କାଙ୍କ ଗିରଫଦାରୀକୁ ନେଇ ଲକ୍ଷ୍ନୌ-ଆଗ୍ରା ଏକ୍ସପ୍ରେସ ଓ୍ବେରେ କଂଗ୍ରେସ କର୍ମୀଙ୍କ ହଙ୍ଗାମା ଦେଖିବାକୁ ମିଳିଥିଲା ।

ଲକ୍ଷ୍ନୌ ପୋଲିସ କହିବା ଅନୁସାରେ, ୧୪୪ ଧାରା ଲାଗୁ ହୋଇଥିବାରୁ ଲକ୍ଷ୍ନୌ-ଆଗ୍ରା ଏକ୍ସପ୍ରେସ ଓ୍ବେରେ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧିଙ୍କୁ ଗିରଫ କରାଯାଇଛି । ଜଣେ ବ୍ୟକ୍ତିଙ୍କ ମୃତ୍ୟୁ ପରେ ଆଗ୍ରା ଜିଲ୍ଲାପାଳ କୌଣସି ରାଜନୈତିକ ଦଳର ନେତାଙ୍କୁ ନଛାଡିବାକୁ ନିର୍ଦ୍ଦେଶ ଦେଇଛନ୍ତି ।

ପୂର୍ବରୁ ଲଖିମପୁର ଖେରି ହିଂସା ମାମଲାରେ ମୃତକଙ୍କ ପରିବାର ଲୋକଙ୍କୁ ଭେଟିବାକୁ ଯିବା ବେଳେ ପ୍ରିୟଙ୍କାଙ୍କୁ ଗିରଫ କରାଯାଇଥିଲା ।

ଗିରଫଦାରୀକୁ ନେଇ ପ୍ରିୟଙ୍କା ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି, ‘‘ସେମାନେ (ପୋଲିସ) କହୁଛନ୍ତି ମୁଁ ଆଗ୍ରା ଯାଇପାରିବିନି । ମୁଁ ଜୁଆଡେ ବି ଯାଉଛି ମୋତେ ଅଟକାଇ ଦେଉଛନ୍ତି । କେବଳର ରାଜନୈତିକ ଫାଇଦା ପାଇଁ ମୋତେ ଅଟକା ଯାଉଛି । ମୁଁ ପୀଡ଼ିତଙ୍କ ପରିବାରକୁ ଭେଟିବାକୁ ଚାହୁଁଛି, ଏଥିରେ ବଡ଼ କଥା କ’ଣ ଅଛି । ସେମାନେ ମୋତେ ଅଟକାଉଛନ୍ତ । ମୁଁ କୁଆଡେ ନଯାଇ କ’ଣ ରେସ୍ତୁରାଣ୍ଟରେ ବସିବି ?’’

ସେ ଆହୁରି କହିଛନ୍ତି, ‘‘କିଏ ମରିଗଲେ ଏହା ଆଇନ ବ୍ୟବସ୍ଥା କେମିତି ହୋଇଗଲା । କ’ଣ ମୁଁ ବାହାରକୁ ଯାଇନପାରି ଏମିତି ଲକ୍ଷ୍ନୌର ଏକ ଗେଷ୍ଟହାଉସରେ ବନ୍ଦ ରହିବି ?’’

ସୂଚନାଯେଗ୍ୟ, ଆଗ୍ରାର ଜଗଦିଶପୁର ଥାନା ଅଞ୍ଚଳରେ ୨୫ ଲକ୍ଷ ଟଙ୍କ ଚୋରି ଅଭିଯୋଗରେ ଅରୁଣ ବାଲ୍ମୀକ ନାମକ ଜଣେ ଯୁବକଙ୍କୁ ପଚରାଉଚରା ବେଳେ ପୋଲିସ ହେପାଜତରେ ମୃତ୍ୟୁ ଘଟିଥିଲା ।

କେନ୍ଦୁଝର ବିଧାୟକଙ୍କ ଗାଡ଼ିକୁ ବୋମାମାଡ଼ ଘଟଣା, କ୍ଷମା ନମାଗିଲେ ଆଇନର ଆଶ୍ରୟ ନେବି: ଚକ୍ର

ଭୁବନେଶ୍ୱର: ଅଯଥା ରାଜନୀତି କରୁଛି ବିଜେପି । ରାଜ୍ୟରେ ଘଟୁଥିବା ଅପରାଧିକ ଘଟଣାକୁ ନେଇ ବିଜେପି ଡେଉଁଛି । ନିକଟରେ କେନ୍ଦୁଝର ସଦର ବିଜେପି ବିଧାୟକ ମୋହନ ମାଝୀଙ୍କ ଗାଡ଼ି ଉପରକୁ ତାଙ୍କରି ଦଳର ନେତା ବୋମାମାଡ଼ କରିଥିଲେ । ମାମଲାରେ ୫ ଜଣ ଗିରଫ ହୋଇଥିବା ବେଳେ ଗିରଫଙ୍କ ମଧ୍ୟରେ ଥିଲେ ବିଜେପି ନେତା ମନମୋହନ ଓ ମୁନା ଦାସ । ଏ ପ୍ରସଙ୍ଗରେ ଯୁବ ବିଜେଡିର ଉପସଭାପତି ସୌମ୍ୟ ଶଙ୍କର ଚକ୍ର ପ୍ରେସମିଟ୍ କରି ମୋହନ ମାଝୀଙ୍କ ଉପରେ ବର୍ଷିଛନ୍ତି ।

Keonjhar MLA Bomb Hurling Case BJD Counter Attack

କହିଛନ୍ତି, କେନ୍ଦୁଝରର ଲୋକମାନେ ମୋହନ ମାଝିଙ୍କୁ ସେମାନଙ୍କର ଜନ ପ୍ରତିନିଧି ଭାବରେ ମନୋନୀତ କରିଛନ୍ତି । କିନ୍ତୁ ସେ ସେମାନଙ୍କ କଲ୍ୟାଣ ପାଇଁ କାର୍ଯ୍ୟ କରୁନାହାଁନ୍ତି ବରଂ ନିଜର ଠିକାଦାରୀ ଏବଂ କଣ୍ଟ୍ରାକ୍ଟ୍ରି କାର୍ଯ୍ୟରେ ବ୍ୟସ୍ତ ଅଛନ୍ତି । ମୋହନ ମାଝିଙ୍କ ଉପରେ ଆକ୍ରମଣକୁ ଅତ୍ୟନ୍ତ ଦୁର୍ଭାଗ୍ୟଜନକ ଘଟଣା କହିବା ଦୃଢ ନିନ୍ଦା କରିଛନ୍ତି ସୌମ୍ୟ ଶଙ୍କର । ପରେ ଜଣାପଡ଼ିଥିଲା ମୋହନ ମାଝିଙ୍କ ଉପରେ ଆକ୍ରମଣ କରିଥିବା ଲୋକ ବିଧାୟକଙ୍କ ଅତ୍ୟନ୍ତ ଘନିଷ୍ଠ ଏବଂ ଠିକାଦାରୀ ଓ କଣ୍ଟ୍ରାଟ୍ରି କାମକୁ ନେଇ ଏହି ଆକ୍ରମଣ ହୋଇଥିଲା । ଏହା ତାଙ୍କ ନିଜ ଦୋଷ ପାଇଁ ହୋଇଥିଲା ଏବଂ ମୋ ଯୋଗୁଁ ନୁହେଁ ବୋଲି ଚକ୍ର କହିଛନ୍ତି ।

Keonjhar MLA Bomb Hurling Case BJD Counter Attack

ଯାହାସବୁ ଘଟିଲା, ତାହା ଦଳ ଏବଂ ତାଙ୍କର ଘନିଷ୍ଠ ସହଯୋଗୀମାନଙ୍କ ମଧ୍ୟରେ ଥିଲା । ଯାହାକୁ ସେ ଠିକାଦାରୀ ଦେଇନଥିଲେ ଏବଂ ଏହି କାରଣରୁ ସେମାନେ ତାଙ୍କୁ ଆକ୍ରମଣ କରିଥିଲେ । ତାଙ୍କର ସେହି ସହଯୋଗୀମାନଙ୍କୁ ଠିକାଦାରୀ ଦେବା ପରିବର୍ତ୍ତେ, ସେ ଅନ୍ୟ କେତେକ ଲୋକଙ୍କୁ କାମ ଦେଇଥିଲେ ଯାହା ତାଙ୍କ ସହଯୋଗୀଙ୍କୁ କ୍ରୋଧିତ କରିଥିଲା ଏବଂ ଯେଉଁଥିପାଇଁ ସେମାନେ ତାଙ୍କୁ ଆକ୍ରମଣ କରିଥିଲେ । କିନ୍ତୁ, ସତ୍ୟ ଜାଣିବା ସତ୍ତ୍ୱେ ବିଧାୟକ ତାଙ୍କୁ ବଦନାମ କରିଥିବା କହିଛନ୍ତି ଶ୍ରୀ ଚକ୍ର । ଯାହା ଅତ୍ୟନ୍ତ ଦୁଃଖଦାୟକ ଏବଂ ଦୁର୍ଭାଗ୍ୟଜନକ । ଓଡ଼ିଶା ବିଜେପିର ଏକ ପ୍ରତିନିଧି ଦଳ ଜିଲ୍ଲାକୁ ଆସି ମିଥ୍ୟା ଏବଂ କୁତ୍ସିତ ଭାବରେ ବିନା ପ୍ରମାଣରେ ମୋତେ ଏହି ଘଟଣାରେ ଜଡିତ କରିବାକୁ ଚେଷ୍ଟା କରିଥିଲେ । ଶ୍ରୀ ମାଝି ମୋତେ ବଦନାମ କରିଥିବାରୁ କ୍ଷମା ମାଗିବା ଉଚିତ୍ ନଚେତ ତାଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବି ବୋଲି ଚେତାବନୀ ଦେଇଛନ୍ତି ସୌମ୍ୟଶଙ୍କର ଚକ୍ର ।