spot_img
Home Blog Page 5217

ମମିତା ହତ୍ୟା ମାମଲା, ଯିଏ ବି ସମ୍ପୃକ୍ତ ଦଣ୍ଡ ପାଇବ: ବିଜେଡି

ଭୁବନେଶ୍ୱର: ମହାଲିଙ୍ଗ-ମମିତା-ମର୍ଡର ମିଷ୍ଟ୍ରି । ବନ୍ଧା ହୋଇ ଜେଲ୍ ଗଲା ଅଭିଯୁକ୍ତ ଗୋବିନ୍ଦ ସାହୁ । ମାମଲାରେ ବିରୋଧୀ ସରକାରୀ ଦଳକୁ ଟାର୍ଗେଟ୍ କରିଥିବା ବେଳେ ପ୍ରେସମିଟ୍ କରିଛି ବିଜେଡି । ମମିତାଙ୍କ ମୃତ୍ୟୁରେ ପରିବାରକୁ ବିଜେଡି ସମବେଦନା ଜଣାଇଛି । ବିଜେଡି ଉପ ସଭାନେତ୍ରୀ ପ୍ରମିଳା ମଲ୍ଲିକ କହିଛନ୍ତି, ମାମଲାର ତଦନ୍ତ ଦାୟିତ୍ୱ NIAରେ କାମ କରିଥିବା ଜଣେ ଅଧିକାରୀଙ୍କୁ ଦିଆଯାଇଛି । ଅଭିଯୁକ୍ତ ନିଶ୍ଚୟ ଦଣ୍ଡ ପାଇବେ । ଅନ୍ୟ ଯେଉଁମାନେ ବି ସମ୍ପୃକ୍ତ ସେମାନେ ବି ଦଣ୍ଡ  ପାଇବେ । ଉକ୍ତ ଶିକ୍ଷାନୁଷ୍ଠାନରେ ଛାତ୍ରଛାତ୍ରୀ, ଶିକ୍ଷକ ମାନେ କାମ କରୁଛନ୍ତି । ସେମାନଙ୍କୁ ବଦନାମ କରା ନ ଯାଉ । ଅନ୍ୟମାନେ ବି ସେଠାରେ ଅଛନ୍ତି । ଛାତ୍ରଛାତ୍ରୀ ଭଲ ପାଠ ପଢ଼ନ୍ତୁ । ଅନୁଷ୍ଠାନ ଅଛି ମାନେ ମନ୍ତ୍ରୀ, ନେତା ଯିବେ । କିଏ ଫଟୋ ଉଠେଇଲା, ସିଏ ଦୋଷୀ କହିବା ଠିକ୍ ନୁହଁ । ମନ୍ତ୍ରୀ ଆର୍ଥିକ ଅନୁଦାନ ଦେଲେ ଦୋଷୀ ହେବେ ନାହିଁ । ମନ୍ତ୍ରୀ ସେଠାକୁ ଯାଉ ଥିଲେ କି ନାହିଁ, ତଦନ୍ତ ପରେ ଜଣା ପଡ଼ିବ ।

BJD Press Meet Over Mahaling Mamita Murder Case

ବିଜେପିର ବହୁ ନେତାଙ୍କ ଫଟୋ ଅପରାଧୀଙ୍କ ସହ ରହିଛି । ମୋହନ ମାଝୀଙ୍କର ବି ଅନେକ ନେତାଙ୍କ ସହ ଫଟୋ ଅଛି । ଉତ୍ତର ପ୍ରଦେଶରେ କେନ୍ଦ୍ର ମନ୍ତ୍ରୀଙ୍କ ନାଁ ଚର୍ଚ୍ଚା ହେଲା । କାଇଁ ସେଠାରେ ବଜେପି ନେତା ସିବିଆଇ ତଦନ୍ତ ପାଇଁ ଦାବି କଲେନି ? ଆମର ନ୍ୟାୟ ପାଳିକା, ପୋଲିସ ଉପରେ ଭରସା ଅଛି । ବିଜେପି ଶସ୍ତା ରାଜନୀତି କରୁଛି । ମମିତା ନ୍ୟାୟ ପାଇବା ଦରକାର । ଅଭିଯୁକ୍ତକୁ ତୁରନ୍ତ ଗିରଫ କରାଯାଇଛି, ଅନ୍ୟମାନେ ସମ୍ପୃକ୍ତ ଥିଲେ ଗିରଫ ହେବେ ।

ଏଥିସହ ପଢ଼ନ୍ତୁ: ‘ମମିତାଙ୍କୁ ଯୋଜନାବଦ୍ଧ ଭାବେ ହତ୍ୟା କରିଛି ଗୋବିନ୍ଦ ସାହୁ’

ପୋଲିସ ସବୁବେଳେ ନିରପେକ୍ଷ ଭାବେ କାମ କରୁଛି । ରାଜ୍ୟରେ କୌଣସି ନାରୀ ନିର୍ଯାତନା ମାମଲା ଲୁଚାଇ ରଖା ଯାଉନାହିଁ । ନାରୀ ନିର୍ଯାତନା ଅଭିଯୋଗ ଆସିଲେ ମାମଲା ରୁଜୁ କରାଯାଉଛି । ଯାହାକୁ ଦାୟିତ୍ୱ ଦିଆ ଯାଇଛି, ସେ ପ୍ରଭାବିତ ହେବେ ନାହିଁ । ଯଦି ମନ୍ତ୍ରୀଙ୍କ ସମ୍ପୃକ୍ତି ଥିବ ସେ ଗିରଫ ହେବେ, ଦଣ୍ଡ ପାଇବେ । ମନ୍ତ୍ରୀ ଇସ୍ତଫା ଦେଇ ଦେଲେ କଣ ନ୍ୟାୟ ମିଳି ଯିବ କି ? ତଦନ୍ତ ବନ୍ଦ ହେବ କି ? ସବୁ ଶେଷ ହୋଇ ଯିବ କି ବୋଲି ପ୍ରଶ୍ନ କରିଛନ୍ତି ପ୍ରମିଳା ।

ଭସାଉଛି ବନ୍ୟା, ଧସୁଛି ପାହାଡ଼: ଲୋକେ ଡାକୁଛନ୍ତି ତ୍ରାହି ତ୍ରାହି

ଡେରାଡୁନ: ପ୍ରକୃତିର କୋପରୁ ନା କେହି ବଞ୍ଚିଛି ନା ବଞ୍ଚିବା ସମ୍ଭବ । ବିଜ୍ଞାନ ଯେତେ ଆଗକୁ ଗଲେ ବି ପ୍ରକୃତି ଯେତେବେଳେ ନିଜରୁ ରୋଦ୍ରରୂପ ଦେଖାଇବା ଆରମ୍ଭ କରେ ବସୁ କିଛି ଛାରଖାର ହୋଇଯାଏ । ଯାହା ଏବେ ଉତ୍ତରାଖଣ୍ଡରେ ଦେଖିବାକୁ ମିଳୁଛି । ବର୍ଷା ଓ ଭୟଙ୍କର ବନ୍ୟା ସାଙ୍ଗକୁ ଭୂସ୍ଖଳନ ଯୋଗୁଁ ଲୋକ ତ୍ରାହି ତ୍ରାହି ଡାକୁଛନ୍ତି । ଜୀବନ ବଞ୍ଚାଇବା ପାଇଁ ଘରଦ୍ବାର ଛାଡ଼ି ନିରାପଦ ସ୍ଥାନକୁ ପଳାଉଛନ୍ତି । ବର୍ତ୍ତମାନ ସୁଦ୍ଧା ରାଜ୍ୟରେ ୪୭ ଜଣଙ୍କ ଜୀବନ ଯାଇଥିବା ବେଳେ ହଜାର ହଜାର ଲୋକ ବାସହରା ହେଇସାରିଛନ୍ତି ।

ବିଶେଷ କରି କୁମାଉଁ ଅଞ୍ଚଳ ବେଶି ପ୍ରଭାବିତ ହୋଇଛି । ଏଠାରେ ବନ୍ୟାରେ ୪୨ ଜଣଙ୍କ ଜୀବନ ଯାଇଥିବା ଜଣାପଡ଼ିଛି । ଲଗାଣ ବର୍ଷା ଓ ବନ୍ୟାରେ ବହୁ ଲୋକ ପାଣି ଘେରରେ ଫସି ରହିଛନ୍ତି ।

ନୈନିତାଲ ବାହ୍ୟଜଗତରୁ ବିଚ୍ଛିନ୍ନ

ପ୍ରକୃତିର ସୌନ୍ଦର୍ଯ୍ୟକୁ କୋଳରେ ଧରିଥିବା ନୈନିତାଲ ବି ପ୍ରକୃତିର କୋପରୁ ବର୍ତ୍ତି ପାରିନି । ରାଜ୍ୟର ଅନ୍ୟ ଅଞ୍ଚଳରୁ ନୈନିତାଲ ବିଚ୍ଛିନ୍ନ ହୋଇଯାଇଛି । ଭୂସ୍ଖଳନ ଫଳରେ ଅଞ୍ଚଳର ତିନି ପ୍ରମୁଖ ରାସ୍ତାରେ ବ୍ୟାପକ କ୍ଷତି ଘଟିଛି । ବାୟୁସେନାର ୨ଟି ହେଲିକପ୍ଟର ଉଦ୍ଧାର କାର୍ଯ୍ୟରେ ଲାଗିଛନ୍ତି । ଭୟଭିତ ନହେବାକୁ ମୁଖ୍ୟମନ୍ତ୍ରୀ ପୁସ୍କର ସିଂ ଧାମୀ ଲୋକଙ୍କୁ ଅନୁରୋଧ କରିଛନ୍ତି । ଫସିଥିବା ସମସ୍ତ ଲୋକଙ୍କୁ ସୁରକ୍ଷିତ ଉଦ୍ଧାର କରାଯିବ ବୋଲି ସେ କହିଛନ୍ତି ।

ଡାରାଉଛି ଗଙ୍ଗା

ପିଥୌରାଗଡ଼ରେ ବନ୍ୟ ଭଳି ସ୍ଥିତି । ଏଠାରେ ଭୂସ୍ଖଳନ ହୋଇଥିବା ସୂଚନା ମିଳିଛି । ଚମୋଲିର ଥରାଲି ଓ କର୍ଣ୍ଣପ୍ରୟାଗ ମଧ୍ୟରେ ଭୂସ୍ଖଳନ ଯୋଗୁଁ ଜାତୀୟ ରାଜପଥରେ ବ୍ୟାପକ କ୍ଷତି ଘଟିଛି । ଲଗଣା ବର୍ଷା ଯୋଗୁଁ ବହୁ ଘର ଭାଙ୍ଗି ଯାଇଛି । ଋଷିକେଶ-ବଦ୍ରିନାଥରେ ୫୮ ନମ୍ବର ଜାତୀୟ ରାଜପଥ ବନ୍ଦ ହୋଇଯାଇଛି । ହରିଦ୍ବାରରେ ଗଙ୍ଗାନଦୀ ବିପଦ ସଙ୍କେତ ଉପରେ ପ୍ରବାହିତ ହେଉଛି । ଉତ୍ତରାଖଣ୍ଡରୁ ୟୁପି ପର୍ଯ୍ୟନ୍ତ ହାଇ ଆଲର୍ଟ ଜାରି କରାଯାଇଛି ।

ଅଲମୋରାରେ ୭ ମୃତ

ବର୍ଷା ଓ ଭୂସ୍ଖଳନ ଯୋଗୁଁ ଅଲମୋରାରେ ୭ ଜଣଙ୍କ ଜୀବନ ଯାଇଛି । ରାପଡ଼ ଗାଁରେ ପାହାଡ଼ରୁ ମାଟି ଅତଡ଼ା ଖସି ଏକ ଘର ଉପରେ ପଡ଼ିବାରୁ ଗୋଟିଏ ପରିବାରର ୪ ଜଣଙ୍କ ମୃତ୍ୟୁ ହୋଇଯାଇଛି । ଘରୁ ଜଣେ ମହିଳାଙ୍କୁ ସୁରକ୍ଷିତ ଉଦ୍ଧାର କରାଯାଇଛି ।

ଝୁଣା ଧୂପରୁ ଅଗ୍ନିକାଣ୍ଡ, ୨ ମହଲାକୁ ବ୍ୟାପିଗଲା ନିଆଁ

କଟକ: କଟକ ମାଣିକଘୋଷ ବଜାରରେ ଭୟାବହ ଅଗ୍ନିକାଣ୍ଡ ଘଟିଛି । ଠାକୁର ପୂଜା ବେଳେ ଲଗାଯାଇଥିବା ଝୁଣା ଧୂପରୁ ନିଆଁ ଲାଗି ବ୍ୟାପକ କ୍ଷୟକ୍ଷତି ହୋଇଛି । ଝୁଣା ଧୂପ ନିଆଁ ଚାହୁଁ ଚାହୁଁ ଦୁଇ ମହଲାରେ ଥିବା ୮ ବଖରା ଘରକୁ ବ୍ୟାପି ଯାଇଥିଲା ।

 Fire Broke Out In A Building Of Cuttack

ଅଗ୍ନିକାଣ୍ଡରେ ଘରର ସମସ୍ତ ଆସବାବପତ୍ର ପୋଡ଼ି ଯାଇଥିବା ବେଳେ ଘର ଭିତରେ ଥିବା ଏକ ପ୍ଲାଷ୍ଟିକ୍ ଫ୍ୟାକ୍ଟ୍ରିର ସମସ୍ତ ସାମଗ୍ରୀ ଜଳି ଯାଇଛି । ଖବର ପାଇ ଅଗ୍ନିଶମ ବାହିନୀର ୨ଟି ଗାଡ଼ି ଘଟଣାସ୍ଥଳରେ ପହଞ୍ଚି ନିଆଁ ଆୟତ୍ତ ପାଇଁ ଉଦ୍ୟମ କରିଥିଲେ । ଦୀର୍ଘ ଦେଢ଼ ଘଣ୍ଟାର ପରିଶ୍ରମ ପରେ ନିଆଁକୁ ଆୟତ୍ତ କରାଯାଇଛି ।

ଯାଜପୁରରେ ମଉଳୁଛି ପଦ୍ମ, ଦଳ ଛାଡ଼ିଲେ ରାଜ୍ୟ କାର୍ଯ୍ୟକାରିଣୀ ସଦସ୍ୟଙ୍କ ସହ ୩ ନେତା

ଯାଜପୁର: ରାଜ୍ୟ ବିଜେପିକୁ ବଡ଼ ଧକ୍କା । ଯାଜପୁରରେ ଭାଙ୍ଗୁଛି ବିଜେପି ଗଡ଼ । ବିଜେପି ଛାଡ଼ିଲେ ବରିଷ୍ଠ ନେତା ବିଶ୍ୱରଞ୍ଜନ ମଲ୍ଲିକ । ସେ ଅନେକ ଦିନ ଧରି ବିଜେପି ରାଜ୍ୟ କାର୍ଯ୍ୟକାରିଣୀର ସଦସ୍ୟ ଭାବେ କାର୍ଯ୍ୟ କରୁଥିଲେ । ବିଶ୍ୱରଞ୍ଜନ ତାଙ୍କ ଇସ୍ତଫା ପତ୍ର ବିଜେପି ରାଜ୍ୟ ସଭାପତିଙ୍କ ନିକଟକୁ ପଠାଇଛନ୍ତି । ବିଶ୍ୱରଞ୍ଜନଙ୍କ ସହ ଆଉ ୩ ନେତା ବିଜେପିର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଛନ୍ତି ।

3 Leader Including BJP State Executive Member Left Party

୨୦୧୯ ବିଧାନସଭା ନିର୍ବାଚନରେ ବରୀ ଆସନରୁ ବିଜେପି ପକ୍ଷରୁ ନିର୍ବାଚନ ଲଢ଼ିଥିଲେ ବିଶ୍ୱରଞ୍ଜନ ମଲ୍ଲିକ । ବିଶ୍ୱଙ୍କ ସହ ବରୀ ବ୍ଲକ ଅଧ୍ୟକ୍ଷା ସୁବାସିନୀ ଶର୍ମା ମଧ୍ୟ ଦଳରୁ ଇସ୍ତଫା ଦେଇଛନ୍ତି । ତାଙ୍କ ସହ ବରୀ ବ୍ଲକ ଉପାଧ୍ୟକ୍ଷ ରମେଶ ଭଞ୍ଜ ମଧ୍ୟ ଇସ୍ତଫା ଦେଇଛନ୍ତି । ଏହା ସହ ବରୀ ଜିଲ୍ଲା ପରିଷଦ ସଦସ୍ୟ ରଞ୍ଜିତ ସାମଲ ବି ଇସ୍ତଫା ଦେଇଛନ୍ତି । କିଛି ଦିନ ପୂର୍ବରୁ ଯାଜପୁର ଜିଲ୍ଲାର ୬ ବିଜେପି ଜିଲ୍ଲା ପରିଷଦ ସଭ୍ୟ ଦଳ ଛାଡ଼ିଥିଲେ । ଆଗକୁ ଆହୁରି କିଛି ନେତା ଦଳ ଛାଡିବାର ଆଭାସ ମିଳୁଛି ।

‘ମମିତାଙ୍କୁ ଯୋଜନାବଦ୍ଧ ଭାବେ ହତ୍ୟା କରିଛି ଗୋବିନ୍ଦ ସାହୁ’

ବଲାଙ୍ଗୀର: ମମିତା ମେହେରଙ୍କୁ ଯୋଜନାବଦ୍ଧ ଭାବେ ହତ୍ୟା କରିଛି ଗୋବିନ୍ଦ ସାହୁ । ୮ତାରିଖରେ ଗାଡ଼ି ଭିତରେ ମମିତାଙ୍କୁ ହତ୍ୟା କରାଯାଇଥିଲା । ୯ ତାରିଖରେ ମୃତଦେହକୁ ପୋଡ଼ି ନଷ୍ଟ କରିବାକୁ ଉଦ୍ୟମ ହୋଇଥିଲା । ତେବେ ତଣ୍ଟିଚିପି କି ଅନ୍ୟ ଉପାୟରେ ହତ୍ୟା କରାଯାଇଛି ତାହା ସ୍ପଷ୍ଟ ହୋଇପାରିନଥିବା ଉତ୍ତରାଞ୍ଚଳ ଡିଆଇଜି ଦୀପକ କୁମାରଙ୍କ ସାମ୍ୱାଦିକ ସମ୍ମିଳନୀରେ ସୂଚନା ଦେଇଛନ୍ତି ।

ଗୋବିନ୍ଦ ପରକୀୟା ପ୍ରୀତି ବିଷୟରେ ମମିତା ଜାଣିଥିଲେ । ସେଥିପାଇଁ ମମିତାଙ୍କୁ ରାସ୍ତାରୁ ହଟାଇବା ଯୋଜନା କରିଥିଲା ଗୋବିନ୍ଦ । ସିସିଟିଭି ଫୁଟେଜରୁ ପ୍ରମାଣ ସଂଗ୍ରହ ହୋଇଛି । ହତ୍ୟା ପରେ ପ୍ରମାଣ ନଷ୍ଟ ପାଇଁ ଉଦ୍ୟମ କରିଥିବା ପ୍ରାଥମିକ ତଦନ୍ତ ବେଳେ ଜଣାପଡ଼ିଥିବା ଉତ୍ତରାଞ୍ଚଳ ଡିଆଇଜିଙ୍କ ପକ୍ଷରୁ କୁହାଯାଇଛି । ଅରପପକ୍ଷରେ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ବେଳେ ରିମାଣ୍ଡରେ ଆଣି ଅଧିକ ପଚରାଉଚରା କରାଯିବ ବୋଲି ସାମ୍ୱାଦିକ ସମ୍ମିଳନୀରେ କୁହାଯାଇଛି ।

ଏଥିସହିତ ପଢ଼ନ୍ତୁ: ମମିତା ମେହେରଙ୍କୁ ହତ୍ୟା ମାମଲା: ବଲାଙ୍ଗୀର ଓ କଳାହାଣ୍ଡି ଏସ୍‌ପିଙ୍କୁ ରିପୋର୍ଟ ତଲବ

କ୍ରୁଜ୍ ଡ୍ରଗ୍ସ ମାମଲା, ଆର୍ଯ୍ୟନ ଖାନଙ୍କୁ ମିଳିଲାନି ଜାମିନ୍

ମୁମ୍ବାଇ: ମୁମ୍ବାଇ କ୍ରୁଜ୍ ଡ୍ରଗ୍ସ ମାମଲାରେ ଗିରଫ ଶାହରୁଖ ଖାନଙ୍କ ପୁଅ ଆର୍ଯ୍ୟନଙ୍କୁ ଜାମିନ୍ ମିଳିନାହିଁ । ଗତ ୧୩ ଦିନ ହେଲା ଆର୍ଯ୍ୟନ ଆର୍ଥର ରୋଡ୍ ଜେଲରେ ଅଛନ୍ତି । ଗତ ଶୁଣାଣି ବେଳେ କୋର୍ଟ ନିଷ୍ପତ୍ତି  ସଂରକ୍ଷିତ ରଖିଥିଲେ । ଆଜି କୋର୍ଟ ଆର୍ଯ୍ୟନଙ୍କ ସହ ଅନ୍ୟ ୨ ଅଭିଯୁକ୍ତ ଅରବାଜ ଓ ମୁନମୁନଙ୍କ ଜାମିନ୍ ଆବେଦନ ଖାରଜ କରି ଦେଇଛନ୍ତି । ଏବେ ଏହି ମାମଲାରେ ହାଇକୋର୍ଟ ଯିବାକୁ ଓକିଲଙ୍କ ନିକଟରେ ବିକଳ୍ପ ରହିଛି ।

ଅକ୍ଟୋବର ୨ ରାତିରେ ‘କାର୍ଡଲିୟା ଦ ଇମ୍ପ୍ରେସ୍‘ ନାମକ କ୍ରୁଜରୁ ଆର୍ଯ୍ୟନଙ୍କୁ ଗିରଫ କରିଥିଲା ଏନସିବି । ସେବେଠୁ ଆଜି ଯାଏଁ ୧୭ ଦିନ ବିତିଥିବା ବେଳେ ଆର୍ଯ୍ୟନ ଜେଲରୁ ବାହାରି ପାରିନାହିଁ । ଶାହରୁଖ ଖାନଙ୍କ ପରିବାର ଚିନ୍ତାରେ ରହିଛନ୍ତି । ସୂଚନାଯୋଗ୍ୟ, ଆର୍ଯ୍ୟନଙ୍କ ପାଖରୁ ଏନସିବି ଡ୍ରଗ୍ସ ପାଇନଥିଲା । କିନ୍ତୁ ଆର୍ଯ୍ୟନ କିଛି ବର୍ଷ ଧରି ଡ୍ରଗ୍ସ ନେଉଥିବା ଏନସିବି କୋର୍ଟରେ ଦାବି କରିଥିଲା ।

Cruise Drugs Case Court Rejects Bail Applications of Aryan Khan

ଏପରିକି ଡ୍ରଗ୍ସ ମାଫିଆଙ୍କ ସହ ଆର୍ଯ୍ୟନଙ୍କ ସମ୍ପର୍କ ଥିବା ଅଭିଯୋଗ ହୋଇଥିଲା । ତେବେ ବଲିଉଡ୍ ସହ ଜଡ଼ିତ ଲୋକ ଏନସିବି ଦାବି ଉପରେ ପ୍ରଶ୍ନ ଉଠାଇଥିଲେ । ସାଧାରଣତଃ ଏଭଳି ମାମଲାରେ ଜାମିନ୍ ମିଳି ଯାଉଥିବା ବେଳେ ଆର୍ଯ୍ୟନ ୧୭ ଦିନ ହେଲା ଜେଲରୁ ବାହାରି ପାରୁନାହାଁନ୍ତି । ସେସନ୍ କୋର୍ଟ ୧୪ ତାରିଖରେ ନିଷ୍ପତ୍ତିକୁ ସଂରକ୍ଷିତ ରଖିଥିଲେ ।

ସୋପିୟାଁ ଏନକାଉଣ୍ଟର: TRF କମାଣ୍ଡର ସହିତ ଦୁଇ ଆତଙ୍କବାଦୀ ନିହତ,ସେନାର ଜଣ ଯବାନ ସହିଦ

0

ଶ୍ରୀନଗର: ଜମ୍ମୁ-କାଶ୍ମୀରର ସୋପିୟାଁ ଜିଲ୍ଲାରେ ସୁରକ୍ଷା ବାହିନୀ ସହିତ ହୋଇଥିବା ଏନକାଉଣ୍ଟରରେ ଟିଆରଏଫର କମାଣ୍ଡର ସହିତ ଦୁଇ ଜଣ ଆତଙ୍କବାଦୀ ପ୍ରାଣ ହରାଇଛନ୍ତି । ନିହତ ଆତଙ୍କବାଦୀଙ୍କ ମଧ୍ୟରୁ ଜଣେ ପୁଲବାମାରେ ୟୁପି ଶ୍ରମିକଙ୍କ ହତ୍ୟାରେ ସାମିଲ ଥିଲା । ଆଇଜିପି କାଶ୍ମୀର ବିଜୟ କୁମାର କହିଛନ୍ତି ଯେ, ସୁରକ୍ଷା ବଳ ଗତ ଦୁଇ ସପ୍ତାହ ମଧ୍ୟରେ ୧୫ଜଣ ଆତଙ୍କବାଦୀଙ୍କୁ ହତ୍ୟା କରିଛନ୍ତି ।
ପୋଲିସ ଅନୁସାରେ ଆତଙ୍କବାଦୀ ସୋପିୟାଁରେ ଲୁଚି ରହିଥିବା ଖବର ମିଳିବା ପରେ ସୁରକ୍ଷା ବାହିନୀ ସଂପୃକ୍ତ ଅଂଚଳକୁ ଘେରାଉ କରିଥିଲେ । ଘେରାଉ ପରେ ତଲାସୀ ଅଭିଯାନ ଚାଲିଥିଲା । ଏହି ସମୟରେ ଆତଙ୍କବାଦୀ ପୋଲିସ ଉପରକୁ ଗୁଳିମାଡ କରିଥିଲେ । ଫଳରେ ଏନକାଉଣ୍ଟର ଆରମ୍ଭ ହୋଇଥିଲା । ଉଭୟ ପଟୁ ଚାଲିଥିବା ଗୁଳିରେ ଟିଆରଏଫ୍ କମାଣ୍ଡର ସମେତ ଦୁଇ ଜଣ ଆତଙ୍କବାଦୀ ନିହତ ହୋଇଥିଲେ । ଅନ୍ୟପକ୍ଷରେ ଆତଙ୍କବାଦୀଙ୍କ ଗୁଳିରେ ଜଣେ ସୈନିକ ସହିଦ ହୋଇଛନ୍ତି ।
ଦୁଇ ସପ୍ତାହରେ ୧୫ ଆତଙ୍କବାଦୀ ନିହତ
କାଶ୍ମୀର ଆଇଜିପି ବିଜୟ କୁମାରଙ୍କ ଅନୁସାରେ ସୋପିୟାଁ ଏନକାଉଣ୍ଟରେ ନିହତ ଆତଙ୍କବାଦୀଙ୍କୁ ମିଶାଇ ଦୁଇ ସପ୍ତାହ ମଧ୍ୟରେ ମୋଟ ୧୫ ଜଣ ପ୍ରାଣ ହରାଇଛନ୍ତି । ସୋପିୟାଁ ଏନକାଉଣ୍ଟରରେ ପ୍ରାଣ ହରାଇଥିବା ଆତଙ୍କବାଦୀର ନାମ ଆଦିଲ ଆହ ବାନି ଓ ସେ ଜୁଲାଇ ୨୦୨୦ରୁ କାଶ୍ମୀର ଉପତ୍ୟକାରେ ସକ୍ରୀୟ ଥିଲା

ଏଥିସହିତ ପଢ଼ନ୍ତୁ: ଫ୍ଲାଇଟରେ ଅଭିନେତ୍ରୀଙ୍କ ସହିତ ଅଶ୍ଲୀଳ ବ୍ୟବହାର କରି ବ୍ୟବସାୟୀ ଗିରଫ

ମମିତା ମେହେରଙ୍କୁ ହତ୍ୟା ମାମଲା: ବଲାଙ୍ଗୀର ଓ କଳାହାଣ୍ଡି ଏସ୍‌ପିଙ୍କୁ ରିପୋର୍ଟ ତଲବ

ଭୁବନେଶ୍ୱର: ଘରୋଇ ସ୍କୁଲ ଅଧ୍ୟକ୍ଷା ମମିତା ମେହେରଙ୍କୁ ହତ୍ୟା ମାମଲାରେ ପ୍ରତିକ୍ରିୟା ରଖିଛନ୍ତି ମହିଳା କମିଶନ ଅଧ୍ୟକ୍ଷା ମୀନତି ବେହେରା । ଘଟଣାକୁ ନେଇ ସେ ଦୁଃଖ ପ୍ରକାଶ କରିବା ସହ କଳାହାଣ୍ଡି ଓ ବଲାଙ୍ଗୀର ଏସ୍‌ପିଙ୍କୁ ଏ ସମ୍ପର୍କରେ ରିପୋର୍ଟ ତଲବ ହୋଇଥିବା କହିଛନ୍ତି ।  ୧୫ ଦିନ ମଧ୍ୟରେ ଘଟଣାର ତଦନ୍ତ କରି ଉତ୍ତର ରଖିବାକୁ କୁହାଯାଇଛି । ଯେଉଁମାନେ ଏଥିରେ ସମ୍ପୃକ୍ତ ସେମାନଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନିଆଯିବ । ଆବଶ୍ୟକସ୍ଥଳେ ମହିଳା କମିଶନ ପକ୍ଷରୁ ଏକ ଟିମ ଘଟଣାସ୍ଥଳ ପରିଦର୍ଶନ କରିବେ । ବିରୋଧୀ ଅଧର୍ଯ୍ୟ ନହୋଇ ପୋଲିସର ତଦନ୍ତ ପ୍ରକ୍ରିୟାରେ ସହଯୋଗ କରିବା ଆବଶ୍ୟକ ବୋଲି ସେ କହିଛନ୍ତି ।

ଅପରପକ୍ଷରେ ମମିତା ମେହେର ହତ୍ୟା ମାମଲାର ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁଙ୍କୁ କୋର୍ଟ ଚାଲାଣ କରାଯାଇଛି । ବଲାଙ୍ଗୀର ଏସ୍‌ପି ଅଫିସରୁ କଡ଼ା ସୁରକ୍ଷା ମଧ୍ୟରେ ଗୋବିନ୍ଦଙ୍କୁ ବଙ୍ଗୋମୁଣ୍ଡା JMFC କୋର୍ଟକୁ ଚାଲାଣ କରାଯାଇଛି । କୋର୍ଟରେ ହାଜର ପରେ ତିନି ଦିନିଆ ରିମାଣ୍ଡରେ ଆଣିବାକୁ ପୋଲିସ ଆବେଦନ କରିବ । ସେପଟେ ଅଟକ ଥିବା ଅନ୍ୟ ୪ଜଣକୁ ଏସପି ଅଫିସ୍‌ରେ ପଚରାଉଚୁରା ଚାଲିଛି । ମମିତାଙ୍କୁ ହତ୍ୟା କରି ଷ୍ଟାଡିୟମ୍‌ରେ ପୋତି ଦେଇଥିବା ଜେରା ବେଳେ ଗୋବିନ୍ଦ ସ୍ୱୀକାର କରିଛନ୍ତି । କାର ଭିତରେ ମମିତାଙ୍କୁ ହତ୍ୟା କରିଥିଲେ ଗୋବିନ୍ଦ । ଭବାନୀପାଟଣାରୁ ମାର୍କେଟିଂ ସାରି ମହାଲିଙ୍ଗ ସନସାଇନ ସ୍କୁଲକୁ ଯିବା ବାଟରେ କୁଦାସୀରା-ବୋଡ଼ା ରାସ୍ତାରେ ମମିତାଙ୍କୁ ଗୋବିନ୍ଦ ହତ୍ୟା କରିଥିଲେ । ହତ୍ୟା ପରେ ଗାତରେ ଶବକୁ ପୋଡ଼ା ଯିବା ପରେ ପୋତି ଦେଇଥିଲେ । ଏନେଇ ପୋଲିସ ଆଗରେ ଗୋବିନ୍ଦ ମାନିଥିବା ଜଣାପଡିଛି । ଗୋବିନ୍ଦଙ୍କ କାରରେ କଟା ଦାଗ ଥିବାରୁ ମମିତାଙ୍କୁ ମାରିବା ପାଇଁ ଛୁରୀ ବ୍ୟବହାର ହୋଇଥିବା ପୋଲିସ ସନ୍ଦେହ କରୁଛି । ଗତକାଲି ଅପରାହ୍ନରେ ବଙ୍ଗୋମୁଣ୍ଡା ବ୍ଲକ ବୁଢ଼ିପଦରରୁ ଗୋବିନ୍ଦଙ୍କୁ ଗିରଫ କରିଥିଲା ପୋଲିସ ।

ବଲାଙ୍ଗୀର ଏସପି ଅଫିସରେ ରାତି ତମାମ ଜେରା କରିବା ପରେ ଆଜି ଭୋର ୫ଟାରେ ବଲାଙ୍ଗୀର ମେଡିକାଲରେ ଗୋବିନ୍ଦଙ୍କର ସ୍ବାସ୍ଥ୍ୟ ପରୀକ୍ଷା ସହ କୋଭିଡ ଟେଷ୍ଟ କରାଯାଇଛି । ଗୋବିନ୍ଦଙ୍କ ସହ ସିନ୍ଧେକେଲା ଥାନାରେ ଅଟକ ଥିବା ଜେସିବି ଡ୍ରାଇଭର ପୁଷ୍କର ଭୋଇ, କଲେଜର ରାତ୍ରି ଜଗୁଆଳି ଗୁପ୍ତେ ତାଣ୍ଡି ଓ କଲେଜ ଅଧ୍ୟକ୍ଷ ରଞ୍ଜିତ ସାହୁଙ୍କୁ ମୁହାଁମୁହିଁ ଜେରା କରିଛି ବଲାଙ୍ଗୀର ପୋଲିସ । ଅନ୍ୟପଟେ ଘଟଣା ପରେ ସୋସିଆଲ ମିଡିଆରେ ପ୍ରତିକ୍ରିୟା ରଖିଛନ୍ତି ମହାଲିଙ୍ଗ କଲେଜର କିଛି ଛାତ୍ରଛାତ୍ରୀ । କଲେଜରେ ଅସାମାଜିକ କାର୍ଯ୍ୟ ଚାଲିଥିଲା ବୋଲି ଛାତ୍ରଛାତ୍ରୀ ଅଭିଯୋଗ କରିଛନ୍ତି । କଲେଜରେ ବେଆଇନ କାର୍ଯ୍ୟ ଚାଲୁଥିବା ବେଳେ, ହଷ୍ଟେଲରେ ଛାତ୍ରମାନଙ୍କୁ ନିସ୍ତୁକ ମାଡ ମରାଯାଉଥିବା ଅଭିଯୋଗ ହୋଇଛି । ତେଣୁ ମହାଲିଙ୍ଗ କଲେଜ ଅଧ୍ୟକ୍ଷ ରଞ୍ଜିତ ସାହୁଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଦାବି ହୋଇଛି ।

କାର୍‌ ଭିତରେ ମମିତାଙ୍କୁ ହତ୍ୟା କରିଥିଲା ଗୋବିନ୍ଦ: ମାର୍କେଟିଂ ସାରି ମହାଲିଙ୍ଗ ସ୍କୁଲକୁ ଫେରିବା ବାଟରେ ଭିଆଇଥିଲା ହତ୍ୟାକାଣ୍ଡ

ବଲାଙ୍ଗୀର: କାର ଭିତରେ ମମିତାଙ୍କୁ ହତ୍ୟା କରିଥିଲେ ଗୋବିନ୍ଦ । ଭବାନୀପାଟଣାରୁ ମାର୍କେଟିଂ ସାରି ମହାଲିଙ୍ଗ ସନସାଇନ ସ୍କୁଲକୁ ଯିବା ବାଟରେ କୁଦାସୀରା-ବୋଡ଼ା ରାସ୍ତାରେ ମମିତାଙ୍କୁ ଗୋବିନ୍ଦ ହତ୍ୟା କରିଥିଲେ । ହତ୍ୟା ପରେ ଗାତରେ ଶବକୁ ପୋଡ଼ା ଯିବା ପରେ ପୋତି ଦେଇଥିଲେ । ଏନେଇ ପୋଲିସ ଆଗରେ ଗୋବିନ୍ଦ ମାନିଥିବା ଜଣାପଡ଼ିଛି । ଗୋବିନ୍ଦଙ୍କ କାରରେ କଟା ଦାଗ ଥିବାରୁ ମମିତାଙ୍କୁ ମାରିବା ପାଇଁ ଛୁରୀ ବ୍ୟବହାର ହୋଇଥିବା ପୋଲିସ ସନ୍ଦେହ କରୁଛି । ଗତକାଲି ଅପରାହ୍ନରେ ବଙ୍ଗୋମୁଣ୍ଡା ବ୍ଲକ ବୁଢ଼ିପଦରରୁ ଗୋବିନ୍ଦଙ୍କୁ ଗିରଫ କରିଥିଲା ପୋଲିସ । ବଲାଙ୍ଗୀର ଏସପି ଅଫିସରେ ରାତି ତମାମ ଜେରା କରିବା ପରେ ଆଜି ଭୋର ୫ଟାରେ ବଲାଙ୍ଗୀର ମେଡିକାଲରେ ଗୋବିନ୍ଦଙ୍କର ସ୍ୱାସ୍ଥ୍ୟ ପରୀକ୍ଷା ସହ କୋଭିଡ ଟେଷ୍ଟ କରାଯାଇଛି ।

ଗୋବିନ୍ଦଙ୍କ ସହ ସିନ୍ଧେକେଲା ଥାନାରେ ଅଟକ ଥିବା ଜେସିବି ଡ୍ରାଇଭର ପୁଷ୍କର ଭୋଇ, କଲେଜର ରାତ୍ରି ଜଗୁଆଳି ଗୁପ୍ତେ ତାଣ୍ଡି ଓ କଲେଜ ଅଧ୍ୟକ୍ଷ ରଞ୍ଜିତ ସାହୁଙ୍କୁ ମୁହାଁମୁହିଁ ଜେରା କରିଛି ବଲାଙ୍ଗୀର ପୋଲିସ । ଅନ୍ୟପଟେ ଘଟଣା ପରେ ସୋସିଆଲ ମିଡିଆରେ ପ୍ରତିକ୍ରିୟା ରଖିଛନ୍ତି ମହାଲିଙ୍ଗ କଲେଜର କିଛି ଛାତ୍ରଛାତ୍ରୀ । କଲେଜରେ ଅସାମାଜିକ କାର୍ଯ୍ୟ ଚାଲିଥିଲା ବୋଲି ଛାତ୍ରଛାତ୍ରୀ ଅଭିଯୋଗ କରିଛନ୍ତି । କଲେଜରେ ବେଆଇନ କାର୍ଯ୍ୟ ଚାଲୁଥିବା ବେଳେ, ହଷ୍ଟେଲରେ ଛାତ୍ରମାନଙ୍କୁ ନିସ୍ତୁକ ମାଡ଼ ମରାଯାଉଥିବା ଅଭିଯୋଗ ହୋଇଛି । ତେଣୁ ମହାଲିଙ୍ଗ କଲେଜ ଅଧ୍ୟକ୍ଷ ରଞ୍ଜିତ ସାହୁଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଦାବି ହୋଇଛି ।

ଏଥିସହିତ ପଢ଼ନ୍ତୁ: ମମିତାଙ୍କୁ ହତ୍ୟା ନେଇ ସତ ମାନିଲା ଗୋବିନ୍ଦ ସାହୁ: ହତ୍ୟା ପରେ ଷ୍ଟାଡିୟମ୍‌ରେ ପୋତି ଦେଇଥିଲା

ଫ୍ଲାଇଟରେ ଅଭିନେତ୍ରୀଙ୍କ ସହିତ ଅଶ୍ଲୀଳ ବ୍ୟବହାର କରି ବ୍ୟବସାୟୀ ଗିରଫ

0

ମୁମ୍ବାଇ: ଦିଲ୍ଲୀରୁ ମୁମ୍ବାଇ ଯାଉଥିବା ଫ୍ଲାଇଟରେ ବଲିଉଡର ଜଣେ ଅଭିନେତ୍ରୀଙ୍କ ସହିତ ଖରାପ ବ୍ୟବହାର କରି ବ୍ୟବସାୟୀ ଗିରଫ । ପୋଲିସ ନିକଟରେ ଅଭିନେତ୍ରୀ କରିଥିବା ଅଭିଯୋଗ ଅନୁସାରେ ଅକ୍ଟୋବର ୩ ତାରିଖ ଦିନ ସେ ଦିଲ୍ଲୀରୁ ମୁମ୍ବାଇ ଆସୁଥିଲେ । ଏହି ସମୟରେ ତାଙ୍କ ସହଯାତ୍ରୀ ଥିବା ଗାଜିଆବାଦର ଜଣେ ବ୍ୟବସାୟୀ ତାଙ୍କ ସହିତ ଅଭଦ୍ର ବ୍ୟବହାର କରିଥିଲେ ।
ଅଭିନେତ୍ରୀଙ୍କ ଅନୁସାରେ ବିମାନ ମୁମ୍ବାଇ ବିମାନ ବନ୍ଦରରେ ଅବତରଣ କରିବା ପରେ ସେ ନିଜ ଲଗେଜ୍ ବାହାର କରିବା ପାଇଁ ଓଭରହେଡ୍ ଷ୍ଟୋରେଜ ଖୋଲିବା ପାଇଁ ଉଠିଥିଲେ । ଏହି ସମୟରେ କେହି ତାଙ୍କୁ ଆପତ୍ତିଜନକ ଭାବେ ଛୁଇଁଥିବା ତାଙ୍କୁ ଲାଗିଥିଲା । ଏନେଇ ସେ ତାଙ୍କ ସହଯାତ୍ରୀ ଥିବା ଗାଜିଆବାଦ ବ୍ୟବସାୟୀଙ୍କୁ ପଚାରିଥିଲେ । ଏହାକୁ ନେଇ ସେ ବିମାନ କ୍ରିୟୁ ନିକଟରେ ଅଭିଯୋଗ ମଧ୍ୟ କରିଥିଲେ ।
ବିମାନ କ୍ରିୟୁ ଅଭିନେତ୍ରୀଙ୍କୁ ମେଲ୍ ଦ୍ୱାରା ଅଭିଯୋଗ କରିବାକୁ କହିଥିଲେ । ଏହାପରେ ଅଭିନେତ୍ରୀ ଜଣକ ବର୍ସୋଭା ଥାନାରେ ଏନେଇ ଅଭିଯୋଗ କରିଥିଲେ । ତେବେ ବର୍ସୋଭା ଥାନା ତାଙ୍କୁ ଏୟାରପୋର୍ଟ ଥାନାରେ ଏତଲା ଦାଏର କରିବାକୁ କହିଥିଲେ ।
ଅଭିନେତ୍ରୀଙ୍କ ରାଗ ଦେଖି ଭୁଲ ମାଗିଥିଲେ ଅଭିଯୁକ୍ତ
ଅଭିନେତ୍ରୀଙ୍କ ପ୍ରତିକ୍ରିୟା ଦେଖି ଅଭିଯୁକ୍ତ ଜଣକ ତାଙ୍କୁ ଭୁଲ ମାଗିଥିଲେ । ତେବେ ଅଭିଯୁକ୍ତ ନିଜ ପରିଚୟ ଗୋପନ ରଖିବାକୁ ନିଜର ଭୁଲ ନାମ ଦେଇଥିଲେ । ତାଙ୍କ ପ୍ରକୃତ ନାମ ନୀତିନ ହୋଇଥିବା ବେଳେ ସେ ନିଜ ନାମ ରାଜୀବ ବୋଲି କହିଥିଲେ । ପରେ ପୋଲିସ ଓ ଏୟାରଲାଇନ୍ସ ରେକର୍ଡ୍ ଯାଂଚ କରି ତାଙ୍କ ପ୍ରକୃତ ନାମ ଜାଣିବାକୁ ପାଇଥିଲେ । ଅଭିଯୁକ୍ତଙ୍କୁ ଗିରଫ ପରେ ଅଦାଲତରେ ପେସ୍ କରାଯାଇଥିଲା । ଅଦାଲତ ତାଙ୍କୁ ୩ ଦିନର ପୋଲିସ ରିମାଣ୍ଡରେ ପଠାଇଥିଲେ ।

ଏଥିସହିତ ପଢ଼ନ୍ତୁ: କ୍ରୁଜ୍‌ରେ ଡ୍ରଗ୍ସ ପାର୍ଟି ମାମଲା: ଆର୍ଯ୍ୟନଙ୍କ ଜାମିନ ଆବେଦନ ଉପରେ ଆଜି ହେବ ଶୁଣାଣି