spot_img
Home Blog Page 5131

ବ୍ଲାକଲିଷ୍ଟ ପେଗାସସ୍ ସ୍ପାଏଓ୍ବେର ନିର୍ମାତା NSO ସହ ସମ୍ପର୍କ ଛିନ୍ନ କଲା ଇସ୍ରାଏଲ୍

ଜେରୁସଲମ: ସ୍ପାଏଓ୍ବେର ପେଗାସସ ଲାଗି ବଢିଲା ଅଡୁଆ । ଇସ୍ରାଏଲର ଏନଏସଓ ଗ୍ରୁପ ଆମେରିକା ଦ୍ବାରା କଳାତାଲିକାଭୁକ୍ତ ହେବା ପରେ ଇସ୍ରାଏଲ ସରକାର ଏହି ସଂସ୍ଥା ସହ ସମ୍ପର୍କ ଛିନ୍ନ କରିଛନ୍ତି । ବିଶ୍ବର ଅନେକ ରାଷ୍ଟ୍ରରେ ଏହି ସଫ୍ଟଓ୍ବେର ଦ୍ବାରା ଫୋନ ହ୍ୟାକ ଅଭିଯୋଗ କ୍ରମେ ଇସ୍ରାଏଲ ସରକାର ଏହି ପଦକ୍ଷେପ ନେଇଛନ୍ତି । ଗତ ଜୁଲାଇରେ ୧୭ଟି ଗଣମାଧ୍ୟମ ସଂସ୍ଥା ଦ୍ବାରା କରାଯାଇଥିବା ଅନୁସନ୍ଧାନରେ କୁହାଯାଇଛି ଯେ ଏନଏସଓର ପେଗାସସ ସଫ୍ଟଓ୍ବେର ଜରିଆରେ ବିଚାରପତି, ସାମ୍ବାଦିକ, ନେତା, ମନ୍ତ୍ରୀ, କୂଟନୀତିଜ୍ଞ ପ୍ରମୁଖଙ୍କ ଫୋନ ହ୍ୟାକିଂ ନେଇ ରିପୋର୍ଟ ପ୍ରକାଶିତ ହେବା ପରେ ବିଶ୍ବରେ ଚାଞ୍ଚଲ୍ୟ ସୃଷ୍ଟି ହୋଇଥିଲା । ଇସ୍ରାଏଲର ପ୍ରତିରକ୍ଷା ମନ୍ତ୍ରାଳୟଠାରୁ ଲାଇସେନ୍ସ ହାସଲ ପାଇବା ପରେ ଏନଏସଓ କମ୍ପାନି ବିଦେଶକୁ ଏହି ସଫ୍ଟଓ୍ବେର ରପ୍ତାନି କରୁଥିଲା ।

ଏହି ସଫ୍ଟଓ୍ବେରର ବ୍ୟାପକ ଅପବ୍ୟବହାର ଅଭିଯୋଗ ପ୍ରକାଶ ପାଇବା ପରେ ଏହି କମ୍ପାନି ସହ ସରକାର ସମ୍ପର୍କ ଛିନ୍ନ କରିଛନ୍ତି ବୋଲି କହିଛନ୍ତି ଇସ୍ରାଏଲର ବୈଦେଶିକ ମନ୍ତ୍ରୀ ୟାର ଲାପିଡ । ଲାପିଡ ଏକ ସାମ୍ବାଦିକ ସମ୍ମିଳନୀରେ କରି କହିଛନ୍ତି କି ଏନଏସଓ ଏକ ଘରୋଇ କମ୍ପାନୀ । ଏହା ଏକ ସରକାରୀ ପ୍ରକଳ୍ପ ନୁହେଁ । ଇସ୍ରାଏଲ ସରକାରଙ୍କ ନୀତି ସହ ଏହାର କୌଣସି ସମ୍ପର୍କ ନାହିଁ । ମୁଁ ଭାବୁନାହିଁ ଯେ ଦୁନିଆରେ ଆଉ ଅଛି ଯାହାର ସାଇବର ଯୁଦ୍ଧ ଅନୁଯାୟୀ ଏପରି କଠୋର ନିୟମ ରହିଛି ଏବଂ ଏହା ଇସ୍ରାଏଲ ଅପେକ୍ଷା ସେହି ନିୟମକୁ ଅଧିକ ଲାଗୁ କରୁଛି । ଗତ ବୁଧବାର ଆମେରିକାର ବାଣିଜ୍ୟ ବିଭାଗ ପକ୍ଷରୁ ଏନଏସଓ କମ୍ପାନୀକୁ କଳାତାଲିକାଭୁକ୍ତ କରାଯାଇଥିଲା । ସରକାରୀ ନିୟମର ଉଲ୍ଲଂଘନ କରି ଏହି କମ୍ପାନି ବିଭିନ୍ନ ହ୍ୟାକିଂ ଟୁଲ୍ ବିକ୍ରି କରିଥିବା ନେଇ ଅଭିଯୋଗ ହୋଇଥିଲା । କେବଳ ଆଇନସମ୍ମତ ସଂସ୍ଥା ଓ ଗୁଇନ୍ଦା ସଂସ୍ଥାକୁ ବିକ୍ରି କରିବା ଲାଗି ନିୟମ ଥିବା ସତ୍ତ୍ବେ ଏନଏସଓ ଏହି ନିୟମର ଉଲ୍ଲଂଘନ କରିଥିଲା । ଆମେରିକା ତାଲିକାରେ ଏହାର ଅନ୍ତର୍ଭୁକ୍ତ, ଆମେରିକାର ଜାତୀୟ ସୁରକ୍ଷା କିମ୍ବା ବୈଦେଶିକ ନୀତିର ସ୍ବାର୍ଥ ବିରୋଧରେ କାର୍ଯ୍ୟକଳାପରେ ଜଡିତ ହେବା ଅର୍ଥ ହେଉଛି ଯେ ଆମେରିକାର ପ୍ରତିପକ୍ଷଙ୍କଠାରୁ ସେମାନଙ୍କୁ ରପ୍ତାନି ସୀମିତ ଅଟେ । ଆମେରିକା ନିଷ୍ପତି ଦ୍ବାରା ଏହା ନିରାଶ ହୋଇଛି ଏବଂ ଏହା ସରକାରୀ ସଂସ୍ଥା ସହିତ ଚକ୍ତିନାମାକୁ ସମାପ୍ତ କରିଛି ଯାହା ଅପରାଧ ବିରୋଧରେ ଲଢ଼ୁଥିବା କର୍ତ୍ତୁପକ୍ଷଙ୍କୁ ଆତଙ୍କବାଦ ମୁକାବିଲା କରିବାରେ ବୈଧ ଉପକରଣ ଭାବରେ ପ୍ରୋତ୍ସାହିତ କରୁଛି ।

 

ଇଂଲଣ୍ଡ ପାଇଁ ବଢ଼ିଲା ଅଡୁଆ; ଆହାତ କାରଣରୁ ଟି-୨୦ ବିଶ୍ବକପରୁ ବାଦ୍ ପଡ଼ିପାରନ୍ତି ରୟ

ଦୁବାଇ: କ୍ରିକେଟ ପଡ଼ିଆରେ ଦୁର୍ଘଟଣା ହେବା ସାଧାରଣ କଥା । ତେବେ ଏମିତି କିଛି ଦୁର୍ଘଟଣା ଗତକାଲି ଦେଖିବାକୁ ମିଳିଥିଲା । ଗତକାଲି ଇଂଲଣ୍ଡ-ସାଉଥ ଆଫ୍ରିକା ମଧ୍ୟରେ ଏକ ରୋମାଞ୍ଚକର ମ୍ୟାଚ ଦେଖିବାକୁ ମିଳିଥିଲା । ସେମିଫାଇନାଲ ଯିବା ପାଇଁ ଉଭୟ ଦଳ ଚେଷ୍ଟା କରୁଥିଲେ । ଏହି ମ୍ୟାଚରେ ସାଉଥ ଆଫ୍ରିକା ବିଜୟଲାଭ କରିବା ପରେ ବି ନେଟ ରନରେଟ ପାଇଁ ସେମିଫାଇନାଲ ଟିକେଟ ହାସଲ କରିପାରିନଥିଲା ତେବେ ଏହି ମ୍ୟାଚରେ ଏମିତି ଏକ ଦୃଶ୍ୟ ଦେଖିବାକୁ ମିଳିଥିଲା ଯାହା ଦର୍ଶକଙ୍କୁ ଭାବପ୍ରବଣ କରିଥିଲା । ଇଂଲଣ୍ଡର ଓପନର ବ୍ୟାଟ୍ସମ୍ୟାନ ଆଘାତ କାରଣରୁ ପଡ଼ିଆରେ ଛଟପଟ ହେଉଥିବାର ଦେଖିବାକୁ ମିଳିଥିଲା । ଯାହାକୁ ଦେଖି ସବୁ ଦର୍ଶକ ଭାବ ପ୍ରବଣ ହୋଇଯାଇଥିଲେ । ସାଉଥ ଆଫ୍ରିକା ଇଂଲଣ୍ଡ ଆଗରେ ୧୯୦ ରନର ବିଜୟ ଲକ୍ଷ୍ୟ ଦେଇଥିଲା । ଇଂଲଣ୍ଡ ଦଳ ମଧ୍ୟ ଦମଦାର ଆରମ୍ଭ କରିଥିଲେ ଜେସନ ରୟ ଓ ଜୋଶ ବଟଲର ଧୂଆଁଧାର ବ୍ୟାଟିଂ କରିଥିଲେ । ଉଭୟ ବ୍ୟାଟ୍ସମ୍ୟାନ ୪ ଓଭରରେ ୩୭ ରନ କରିଥିଲେ ।

ତେବେ ସାଉଥ ଆଫ୍ରିକା ପକ୍ଷରୁ କେଶବ ମହାରାଜା ପଞ୍ଚମ ଓଭର ବୋଲିଂ କରିବାକୁ ଆସିଥିଲେ । କେଶବ ମହାରାଜାଙ୍କ ପ୍ରଥମ ବଲରରେ ବଟଲର ଏକ ସଟ ମାରି ରନ ପାଇଁ ଦୌଡିଥିଲେ । ରୟ ମଧ୍ୟ ରନ ପାଇଁ ଦୌଡିଥିଲେ ।  କିନ୍ତୁ ରନ ନେଇ ଷ୍ଟମ୍ପ ପଛରେ ପଡ଼ିଯାଇଥିଲେ ରୟ ।  ପରେ ବହୁ ଚେଷ୍ଟା ପରେ ମଧ୍ୟ ଆଉ ଛିଡା ହୋଇପାରିନଥିଲେ ସେ । ତେବେ ଆହାତ କାରଣରୁ ଚଳିତ ବିଶ୍ବକପରୁ ବାହାରି ଯିବା ଆଶଙ୍କାରେ ପଡ଼ିଆ ମଝିରେ କାନ୍ଦିବାକୁ ଲାଗିଥିଲେ ରୟ । ଇଂଲଣ୍ଡ ଦଳର ଫିଜିଓ ଏହାପରେ ତାଙ୍କ ଚେକଅପ କରି ପଡ଼ିଆ ବାହାରକୁ ନେଇଯାଇଥିଲେ ।

ତେବେ ଏହି ଘଟଣା ପରେ ଆଉ ବ୍ୟାଟିଂ କରିବାକୁ ଆସିନଥିଲେ ରୟ । କିନ୍ତୁ ମ୍ୟାଚ ପରେ ସାଥୀ ଖେଳାଳିଙ୍କ ସହୟତାରେ ସାଉଥ ଆଫ୍ରିକା ଖେଳାଳିଙ୍କ ସହ ହାତ ମିଳାଉଥିବାର ନଜର ଆସିଥିଲେ । ତେବେ ଏବେ ରୟଙ୍କ ମେଡିକାଲ ରିପୋର୍ଟକୁ ଅପେକ୍ଷା କରାଯାଇଛି ।  ଯଦି ରୟ ଚଳିତ ବିଶ୍ବକପରୁ ବାହାର ହୋଇଯାଆନ୍ତି ତେବେ ସେମିଫାଇନାଲ ଯାଇସାରିଥିବା ଇଂଲଣ୍ଡ ପାଇଁ ଏହା ଏକ ବଡ଼ ଝଟକ୍କା ହେବ ।

ଦୁର୍ଘଟଣାର ଦିନ: ପୃଥକ ପୃଥକ ଦୁର୍ଘଟଣାରେ ୩ଜଣଙ୍କ ମୃତ୍ୟୁ

ଆନନ୍ଦପୁର: ପୃଥକ ପୃଥକ ସ୍ଥାନରେ ସଡ଼କ ଦୁର୍ଘଟଣା ।  ତିନୋଟି ସ୍ଥାନରେ ତିନିଟି ଦୁର୍ଘଟଣା ଘଟିଛି । ଫଳରେ ତିନିଜଣଙ୍କର ମୃତ୍ୟୁ ହୋଇଛି । ଘଷିପୁରା ଥାନା ଧକୋଠା ଛକରେ ବାଇକ୍ ଦୁର୍ଘଟଣାରେ ବାଇକ ଆରୋହୀ ଶୈଲଙ୍ଗ ଗାଁର ସଂଗ୍ରାମ ମୁଦୁଲିଙ୍କ ମୃତ୍ୟୁ ହୋଇଥିବା ବେଳେ, ଆନନ୍ଦପୁର ଥାନା ସିଲକାବେଡା ଛକ ନିକଟରେ ଦୁର୍ଘଟଣା ଘଟି ସାତକୋଶିଆ ଗାଁର ଦାମୋଦର ଲିଆଙ୍କିଙ୍କ ମୃତ୍ୟୁ ହୋଇଛି ।

ଅନ୍ୟପଟେ ବଡପୁରୁଣାପଣି ନିକଟରେ ଦୁର୍ଘଟଣା ଘଟି ବିଜୁ ବଦରାଙ୍କ ମୃତ୍ୟୁ ହୋଇଛି । ମୃତ ଦାମୋଦର ଓ ବିଜୁ ବଦରା ନିକଟସ୍ଥ ଚାଲିଥିବା ଯାତ୍ରା ଦେଖିବାକୁ ଯାଇ ଦୁର୍ଘଟଣା ଘଟିଥିବା ଜଣାପଡ଼ିଛି । ଗୋଟିଏ ଦିନରେ ଆନନ୍ଦପୁରର ତିନୋଟି ସ୍ଥାନରେ ଦୁର୍ଘଟଣା ଯୋଗୁ ତିନି ଜଣଙ୍କୁ ମୃତ୍ୟୁ ହେବାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଦେଖିବାକୁ ମିଳିଛି ।

 

ଏଥିସହିତ ପଢ଼ନ୍ତୁ: ଧାର ଟଙ୍କା ପାଇଁ ବୋମା ମାଡ଼: ସାନ ଭାଇର ବୋମା ମାଡ଼ରେ ବଡ଼ ଭାଇ ମୃତ

 

CRPFରେ ଚାକିରି କରେଇ ଦେବାକୁ କହି ଲକ୍ଷାଧିକ ଟଙ୍କା ହଡ଼ପ: ୨ଜଣଙ୍କୁ ଗିରଫ ପରେ କୋର୍ଟ ଚାଲାଣ

ଭଦ୍ରକ: ଚାକିରି କରାଇଦେବା ନାଁରେ ଟଙ୍କା ହଡ଼ପ, ୨ ଗିରଫ । ଚେକ ବାଉନ୍ସରୁ ଫିଟିଲା ଗୁମର । ସି.ଆର.ପି.ଏଫରେ ଚାକିରି କରିଦେବାକୁ କହି ଲକ୍ଷାଧିକ ଟଙ୍କା ହଡ଼ପ ଘଟଣା ସାମ୍ନାକୁ ଆସିଛି । ଏନେଇ ଅଭିଯୋଗ ହେବା ପରେ ୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ଭଦ୍ରକ ଜିଲ୍ଲା ବନ୍ତ ପୋଲିସ । ସୂଚନା ଅନୁଯାୟୀ ଭଦ୍ରକ ଗ୍ରାମାଞ୍ଚଳ ଥାନା ଗଣିଜାଙ୍ଗ ପଞ୍ଚାୟତ ବେଲଦାର କରୁଣାକର ରାଉତ ନାମକ ଜଣେ ବ୍ୟକ୍ତି ସିଆର.ପି.ଏଫ. ରେ ଚାକିରି କରାଇଦେବାକୁ ଅନେକ ଯୁବକଙ୍କୁ ପ୍ରଲୋଭନ ଦେଖାଇଥିବା ଅଭିଯୋଗ ହୋଇଥିଲା । ଏନେଇ ଏକାଧିକ କିସ୍ତିରେ ପ୍ରାୟ ୫ ଲକ୍ଷରୁ ଅଧିକ ଟଙ୍କା ସେ ନେଇଥିବା ଜଣାପଡିଛି ।

ତେବେ ପ୍ରତିଶ୍ରୁତି ମୁତାବକ ଚାକିରି ନହେବାରୁ ସତ୍ୟପ୍ରକାଶ ନାମକ ଜଣେ ଯୁବକ କରୁଣାକରଙ୍କୁ ଦେଇଥିବା ଟଙ୍କା ମାଗିବାରୁ କରୁଣାକର ଏକ ଚେକ ଦେଇଥିଲେ । ଯାହାକି ପରବର୍ତ୍ତୀ ପର୍ଯ୍ୟାୟରେ ବାଉନ୍ସ ହୋଇ ଫେରି ଆସିଥିଲା । ଏନେଇ ଉଭୟଙ୍କ ମଧ୍ୟରେ ବଚସା ହୋଇ ଶେଷରେ ଥାନା ପର୍ଯ୍ୟନ୍ତ କଥା ଯାଇଥିଲା । ପୁଲିସ ଅଭିଯୋଗ ପାଇବା ପରେ ତଦନ୍ତ ଆରମ୍ଭ କରିଥିଲା । ଶେଷରେ ଏହି ଘଟଣାରେ କରୁଣାକର ରାଉତ ସହ ବନ୍ତ ଥାନା ନିଳୋକ ପଞ୍ଚାୟତ ଅନ୍ତର୍ଗତ ବୁଢ଼ଗଢିଆ ଗ୍ରାମର କିଷାନ ନାୟକ ମଧ୍ୟ ସମାନ ଠକେଇ କରିଥିବା ଜମାପଡିବା ପରେ ଉଭୟଙ୍କୁ ଗିରଫ କରି କୋର୍ଟଚାଲାଣ କରିଛି ।

ଏଥିସହିତ ପଢ଼ନ୍ତୁ: ଧାର ଟଙ୍କା ପାଇଁ ବୋମା ମାଡ଼: ସାନ ଭାଇର ବୋମା ମାଡ଼ରେ ବଡ଼ ଭାଇ ମୃତ

ଥାନାରେ ନିଆଁ ଲାଗି ୨୫ରୁ ଅଧିକ ଗାଡ଼ି ଜଳି ପାଉଁଶ

0

ଗୁଜୁରାଟ : ଗୁଜୁରାଟ ଖେଡ଼ା ପୋଲିସ ଷ୍ଟେସନରେ ଗତକାଲି ଏକ ଅଭାବନୀୟ ଘଟଣା ଦେଖିବାକୁ ମିଳିଛି  ।  ନିଆଁ ଲାଗି ୨୫ରୁ ଅଧିକ ଗାଡ଼ି ଜଳି ପାଉଁଶ ହୋଇଯାଇଛି । ଗତକାଲି ଖେଡ଼ା ଥାନାରେ ହଠାତ୍ ନିଆଁ ଲାଗିଥିଲା  । ନିଆଁ ଲାଗିବା କ୍ଷଣି ଥାନାର ପାଖଆଖ ଅଞ୍ଚଳରେ ଥିବା ସମସ୍ତ ଗାଡ଼ି ଜଳିଯାଇଥିବା ଖବର ମିଳିଛି  । ଏଥିରେ ୨୫ଟି ଗାଡ଼ି ପୋଡ଼ିଯାଇଥିବା କୁହାଯାଉଛି । ନିଆଁକୁ ଆୟତ୍ତ କରିବା ଲାଗି ସଙ୍ଗେ ସଙ୍ଗେ ଦମକଳବାହିନୀଙ୍କୁ ଖବର ଦିଆଯାଇଥିଲା  । ମାତ୍ର ସେତେବେଳକୁ ସମସ୍ତ ଗାଡ଼ିରେ ନିଆଁ ଲାଗିଯାଇଥିଲା  ଏବଂ ଏହାକୁ ଆୟତ୍ତ କରିବା ଅସମ୍ଭବ ହୋଇପଡ଼ିଥିଲା  ।

ସୂଚନାରୁ ଅନୁସାରେ ଘଟଣାରେ କୈାଣସି ବ୍ୟକ୍ତି କ୍ଷତି ନ ହୋଇଥିବା ଜଣାପଡ଼ିଛି  । ବର୍ତ୍ତମାନ ସୁଦ୍ଧା ଥାନାରେ ନିଆଁ ଲାଗିବାର କାରଣ ସ୍ପଷ୍ଟ ହୋଇନଥିବା କଥା ଥାନାର ଜଣେ ବରିଷ୍ଠ କର୍ମଚାରୀ ସୂଚନା ଦେଇଛନ୍ତି  । ଖୁବ୍ ଶୀଘ୍ର ଯାଞ୍ଚ କରାଯାଇ ଏହାର କାରଣ ସ୍ପଷ୍ଟ କରାଯିବ ବୋଲି ଥାନାଧିକାରୀ ପ୍ରକାଶ କରିଛନ୍ତି  । ନିଆଁ ଏତେ ପରିମାଣରେ ବଢ଼ିଯାଇଥିଲା ଯେ ଏହାକୁ ଆୟତ୍ତ କରିବା କଷ୍ଟକର ହୋଇଯାଇଥିଲା  ।

ନ୍ୟୁଜିଲାଣ୍ଡ ବିପକ୍ଷରେ ଖେଳିବେ ଆଫଗାନିସ୍ତାନ ଷ୍ଟାର ସ୍ପିନର ମୁଜିବ !

ଦୁବାଇ: ଚଳିତ ଟି-୨୦ ବିଶ୍ବକପରେ ଭାରତ ସେମିଫାଇନାଲ ଯିବ କି ନାହିଁ ତାହା ଆଫଗାନିସ୍ତାନ ଉପରେ ନିର୍ଭର । ଆଜି ଯଦି ଆଫଗାନିସ୍ତାନ ନ୍ୟୁଜିଲାଣ୍ଡକୁ ପରାସ୍ତ କରେ ତେବେ ଭାରତ ସେମିଫାଇନାଲକୁ ଯାଇପାରିବ । ଟୁର୍ଣ୍ଣାମେଣ୍ଟର ପ୍ରଥମ ଦୁଇଟି ମ୍ୟାଚରେ ଭାରତ ଶୋଚନୀୟ ପରାଜୟ ପରେ ଅଡୁଆରେ ପଡ଼ିଥିଲା ଟିମ୍ ଇଣ୍ଡିଆ । କିନ୍ତୁ ଏହା ପରେ ଲଗାତାର ଭାବରେ ଦୁଇଟି ମ୍ୟାଚରେ ଦମଦାର କମବ୍ୟାକ କରିଥିଲା ବିରାଟ ବ୍ରିଗେଡ । ତୃତୀୟ ମ୍ୟାଚରେ ଆଫଗାନିସ୍ତାନ ଓ  ଚତୁର୍ଥ ମ୍ୟାଚରେ ସ୍କଟଲାଣ୍ଡକୁ ପରାସ୍ତ କରି ସେମିଫାଇନାଲ  ଯିବା ପାଇଁ ପୁଣି ରେସରେ ରହିଛି ଟିମ୍ ଇଣ୍ଡିଆ । ତେବେ ଭାରତ ସେମିଫାଇନାଲକୁ ଯିବା ପାଇଁ ହେଲେ ଆଜି ଆଫଗାନିସ୍ତାନ ନ୍ୟୁଜିଲାଣ୍ଡକୁ ପରାଜୟ କରିବାକୁ ପଡ଼ିବ । ତେବେ ଏହି ମ୍ୟାଚ ଉପରେ ପ୍ରତ୍ୟେକ ଭାରତୀୟଙ୍କ ନଜର ରହିବ ।

ତେବେ ଏହି ବଡ଼ ମ୍ୟାଚ ପୂର୍ବରୁ ଭାରତକୁ  ମିଳୁଛି ଏକ ଖୁସି ଖବର । ଆଫଗାନିସ୍ତାନ ଓ ନ୍ୟୁଜିଲାଣ୍ଡ ମ୍ୟାଚ ପୂର୍ବରୁ ଆଫଗାନିସ୍ତାନର ଷ୍ଟାର ସ୍ପିନ୍ନର ମୁଜିବ ଉର ରେହମାନ ଫିଟ୍ ହୋଇଛନ୍ତି । ଆହାତ କାରଣରୁ ଭାରତ ବିପକ୍ଷ ମ୍ୟାଚରେ ଖେଳିନଥିଲେ ମୁଜିବ । କିନ୍ତୁ ନ୍ୟୁଜିଲାଣ୍ଡ ବିପକ୍ଷ ମ୍ୟାଚ ପୂର୍ବରୁ ମୁଜିବ ଜିମରେ ଅଭ୍ୟାସ କରୁଥିବା ଭିଡିଓ ସୋସିଆଲ ମିଡିଆରେ ସେୟାର କରିଥିଲେ । ଯାହାକୁ ଦେଖି ଆଶା କରାଯାଉଛି କି ମୁଜିବ ଆଜି ନ୍ୟୁଜିଲାଣ୍ଡ ବିପକ୍ଷ ମ୍ୟାଚରେ ଖେଳିବେ । ଚଳିତ ଟି-୨୦ ବିଶ୍ବକପରେ ମୁଜିବ ଦୁଇଟି ମ୍ୟାଚ ଖେଳି ୬ଟି ଓ୍ବିକେଟ ଅକ୍ତିଆର କରିଥିଲେ । ସେଥିମଧ୍ୟରୁ ସ୍କଟଲାଣ୍ଡ ବିପକ୍ଷରେ ୨୦ ରନ ଦେଇ ୫ ଓ୍ବିକେଟ ଅକ୍ତିଆର କରିଥିଲେ । ଯଦି ମୁଜିବଙ୍କ ଟି-୨୦ କ୍ୟାରିୟର କଥା ଦେଖିବା ତାହାଲେ  ସେ ଟି-୨୦ ଅନ୍ତର୍ଜାତୀୟରେ ଦମଦାର ପ୍ରଦର୍ଶନ କରିଛନ୍ତି । ସେ ଏପର୍ଯ୍ୟନ୍ତ ୨୧ଟି ମ୍ୟାଚ ଖେଳିଥିବା ବେଳେ ୩୧ଟି ଓ୍ବିକେଟ ଅକ୍ତିଆର କରିଛନ୍ତି । ତେଣୁ ଯଦି ମୁଜିବ ଆଜି ନ୍ୟୁଜିଲାଣ୍ଡ ବିପକ୍ଷରେ ମ୍ୟାଚ ଖେଳିବେ ତେବେ ନ୍ୟୁଜିଲାଣ୍ଡ ବ୍ୟାଟ୍ସମ୍ୟାନମାନଙ୍କୁ ଅଡୁଆରେ ପକାଇ ପାରିବେ ।

ଆତଙ୍କବାଦୀଙ୍କ ଚାପରେ ମୁଣ୍ଡ ନୁଆଁଇଲେ ଇମ୍ରାନ: ଟିଏଲ୍‌ପି ଉପରେ ଜାରି ନିଷେଧାଦେଶକୁ କଲେ ପ୍ରତ୍ୟାହାର

ଇସଲାମାବାଦ: ଆତଙ୍କବାଦୀଙ୍କ ଚାପରେ ମୁଣ୍ଡ ନୁଆଁଇଲେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁ । ଦୁର୍ଦ୍ଦାନ୍ତ ଆତଙ୍କବାଦୀ ସଂଗଠନ ତେହରିକ-ଇ-ଲାବାଇକ-ପାକିସ୍ତାନ ବା ଟିଏଲପି ଉପରେ ଜାରି ନିଷେଧାଦେଶକୁ ସରକାର ହଟାଇ ନେଇଛନ୍ତି । ଅନେକ ଆତଙ୍କବାଦୀ ଆକ୍ରମଣରେ ସାମିଲ ଏହି ସଂଗଠନକୁ ଆତଙ୍କବାଦୀ ସଂଗଠନ ତାଲିକାରୁ ବାଦ୍ ଦେବା ଲାଗି ଜୋରଦାର ଆନ୍ଦୋଳନ ଚାଲିଥିଲା ।

ବିଭିନ୍ନ ହିଂସାତ୍ମକ କାର୍ଯ୍ୟକଳାପ ଯୋଗୁ ଏହି ସଂଗଠନକୁ ଗତ ଏପ୍ରିଲରେ ନିଷିଦ୍ଧ ଘୋଷଣା କରାଯାଇଥିଲା । ନିଷିଦ୍ଧ ତାଲିକାରୁ ହଟାଇବା ଲାଗି ଗତମାସରେ ଦଶରେ ବିଭିନ୍ନ ସ୍ଥାନରେ ହିଂସାକାଣ୍ଡ ସୃଷ୍ଟି ହେବା ସହ ସରକାରଙ୍କ ଉପରେ ଚାପ ପକାଯାଇଥିଲା । ଗତ କିଛି ଦିନ ମଧ୍ୟରେ ବିଭିନ୍ନ ହିଂସା ଯୋଗୁ ୧୦ ପୋଲିସଙ୍କ ସମେତ ୨୧ ଜଣ ବ୍ୟକ୍ତି ପ୍ରାଣ ହରାଇଥିଲେ । ଟିଏଲପିକୁ ନିଷିଦ୍ଧ ଘୋଷଣା ସତ୍ତ୍ୱେ ଚାପ ଯୋଗୁ ସରକାର ଗତ କିଛିଦିନ ମଧ୍ୟରେ ୨ ହଜାରରୁ ଅଧିକ ଆତଙ୍କବାଦୀଙ୍କୁ ମୁକ୍ତ କରିଥିଲେ । ଏବେ ନିଷେଧାଦେଶ ଉଠିବା ପରେ ଆହୁରି ଅନେକ କର୍ମୀଙ୍କୁ ମୁକ୍ତ କରି ଦିଆଯିବ । ଗତ ଅକ୍ଟୋବର ୨୫ରେ ସଂଗଠନର ୩୫୦ ଜଣ କର୍ମୀଙ୍କୁ ବି ସରକାର ମୁକ୍ତ କରି ଦେଇଥିଲେ । ଏହି ଆତଙ୍କବାଦୀ ସଂଗଠନ ଉପରୁ ନିଷେଧାଦେଶ ହଟାଯିବା ପରେ ଦେଶରେ ଅଧିକ ହିଂସାତ୍ମକ କାର୍ଯ୍ୟକଳାପ ବୃଦ୍ଧି ପାଇବା ଆଶଙ୍କା କରାଯାଉଛି । ଟିଏଲପିକୁ କଟକଣା ମୁକ୍ତ କରିବା ପରେ ଅନ୍ୟ କିଛି ଦୁର୍ଦ୍ଦାନ୍ତ ଆତଙ୍କବାଦୀ ସଂଗଠନ ମଧ୍ୟ ଏହି ଦାବି କରିବା ସମ୍ଭାବନା ଦେଖାଦେଇଛି ।

ଏଥିସହିତ ପଢ଼ନ୍ତୁ: କ୍ରୁଜ୍‌ ଡ୍ରଗ୍ସ ପାର୍ଟି ମାମଲାରେ ବଡ଼ ଖୁଲାସା: ଅର୍ଥ ଆଦାୟ ପାଇଁ ଆର୍ଯ୍ୟନଙ୍କୁ କରାଯାଇଥିଲା ଗିରଫ

ଧାର ଟଙ୍କା ପାଇଁ ବୋମା ମାଡ଼: ସାନ ଭାଇର ବୋମା ମାଡ଼ରେ ବଡ଼ ଭାଇ ମୃତ

ନୟାଗଡ଼: ଧାର ଟଙ୍କା ପାଇଁ ଭାଇ ହେଲା ବଇରୀ । ସାନଭାଇର ବୋମା ମାଡ଼ରେ ବଡ଼ଭାଇ ମୃତ । ଅଭିଯୁକ୍ତ ସାନ ଭାଇ ଗିରଫ ତା’ଠାରୁ ୪ଟି ଅଫୁଟା ବୋମା ଜବତ । ଘଟଣା ଘଟିଛି ନୟାଗଡ଼ ଓଡ଼ଗାଁ ମାଣିକପାଟଣା ଛକଠାରେ । ସାନ ଭାଇର ବୋମା ମାଡ଼ରେ ଗୁରୁତର ଆହତ ହୋଇଥିବା ବଡ଼ ଭାଇର ଆଜି ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି ।

ଘଟଣାରେ ପୋଲିସ ଅଭିଯୁକ୍ତ ସାନ ଭାଇ ଚକ୍ରଧର ନାୟକ ଏବଂ ତାର ସହଯୋଗୀ ମନୋଜ ମହାରଣାକୁ ଗିରଫ କରିବା ସହ ୪ଟି ଅଫୁଟା ବୋମା ସମେତ ଏକ ବାଇକ ଜବତ କରିଛି । ଗତକାଲି ସନ୍ଧ୍ୟାରେ ଧାର ଟଙ୍କାକୁ ନେଇ ଦୁଇ ଭାଇଙ୍କ ମଧ୍ୟରେ ପ୍ରଥମେ କଥା କଟାକଟି ଏବଂ ପରେ ଧମକ ଦେବା ଆରମ୍ଭ ହେବା ପରେ ସାନଭାଇ ରାଗି ଯାଇ ଭାଇକୁ ଜୀବନରୁ ମାରିଦେବାକୁ ଯୋଜନା କରିଥିଲା । ସାଙ୍ଗ ମନୋଜ ମହାରଣାଠାରୁ ବୋମା ଆଣି ବଡ଼ଭାଇ ପଦ୍ମନାଭ ଯାଉଥିବା ବେଳେ ତା ଉପରକୁ ଫୋପାଡିଥିଲା । ବୋମା ମାଡ଼ରେ ବଡ଼ଭାଇ ଗୁରୁତର ହୋଇ ମେଡିକାଲରେ ଭର୍ତ୍ତି ହୋଇଥିଲେ । ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି ।

ଏଥିସହିତ ପଢ଼ନ୍ତୁ: ଆସନ୍ତା ୧୦ ତାରିଖରୁ ରାଜ୍ୟରେ ବଢ଼ିବ ଶୀତ: ୨ରୁ୩ ଡିଗ୍ରୀ କମିବ ତାପମାତ୍ରା

କ୍ରୁଜ୍‌ ଡ୍ରଗ୍ସ ପାର୍ଟି ମାମଲାରେ ବଡ଼ ଖୁଲାସା: ଅର୍ଥ ଆଦାୟ ପାଇଁ ଆର୍ଯ୍ୟନଙ୍କୁ କରାଯାଇଥିଲା ଗିରଫ

ମୁମ୍ୱାଇ: ଆର୍ଯ୍ୟନ ଖାନ ଡ୍ରଗ୍ସ ମାମଲାରେ ଟ୍ୱିଷ୍ଟ । ଅର୍ଥ ଆଦାୟ କରିବା ଲାଗି ଆର୍ଯ୍ୟନଙ୍କୁ ଗିରଫ କରିବା ପାଇଁ ପୂର୍ବରୁ ଯୋଜନା ହୋଇଥିଲା ବୋଲି ଜଣେ ସାକ୍ଷୀ ବୟାନ ଦେଇଛନ୍ତି । ମୁମ୍ବାଇ ପୋଲିସ ନିକଟରେ ସାକ୍ଷୀ ବିଜୟ ପାଗାରେ କହିଛନ୍ତି, ଆର୍ଯ୍ୟନଙ୍କୁ ଗିରଫ କରିବା ଲାଗି ଗତ ସେପ୍ଟେମ୍ବର ୨୭ରେ ଯୋଜନା ଚୂଡାନ୍ତ ହୋଇଥିଲା । ପରେ ଅକ୍ଟୋବର ୨ରେ କ୍ରୁଜ ଜାହାଜରେ ରେଡ ହୋଇଥିଲା । ଗତ ୩ ଓ ୪ ତାରିଖରେ ତାଙ୍କର ଏହି ବୟାନକୁ ପୋଲିସ ରେକର୍ଡ କରିଥିଲା । ଏହି ବୟାନ ଦେବା ପରେ ତାଙ୍କ ଠାରୁ ସ୍ୱାକ୍ଷର ନିଆଯାଇଥିଲା । ପାଗାରେ କହିଛନ୍ତି, କ୍ରୁଜରେ ଡ୍ରଗ୍ସ ସେବନ ପ୍ରସଂଗରେ ସୁନୀଲ ପାଟିଲ ନାମକ ଜଣେ ବ୍ୟକ୍ତି ଏନସିବିର ଯୋଗସୂତ୍ରରେ ଥିଲେ ଏବଂ ନିୟମିତ ସୂଚନା ପ୍ରଦାନ କରୁଥିଲେ ।

ପୂର୍ବରୁ ପାଟିଲଙ୍କ ସମ୍ପର୍କରେ ମଧ୍ୟ ବ୍ୟବସାୟୀ ସାମ ଡି ସୌଜା ନିଜ ବୟାନରେ ଉଲ୍ଲେଖ କରିଥିଲେ । ଗତ କିଛି ମାସ ଧରି ପାଟିଲଙ୍କ ସହ ପାଗାରେ ବାସ କରୁଥିଲେ । ଗତ ସେପ୍ଟେମ୍ବର ୨୭ ତାରିଖରେ ଏକ ତାରକା ହୋଟେଲରେ ପାଟିଲ ରହିଥିଲେ ଏବଂ ସେହି ହୋଟେଲରେ ଅନ୍ୟତମ ସାକ୍ଷୀ କେ.ପି. ଗୋସାଭିଙ୍କ ନାଁରେ ମଧ୍ୟ ଏକ ରୁମ୍ ବୁକ୍ କରାଯାଇଥିଲା । ରେଡର କିଛି ଦିନ ପୂର୍ବରୁ ବିଜେପି କର୍ମୀ ମନୀଷ ଭାନୁଶାଳୀ, ଗୋସାଭି ଓ ପାଟିଲଙ୍କ ମଧ୍ୟରେ ସାକ୍ଷାତ ଆଲୋଚନା ହୋଇଥିଲା । ଏପରିକି ପାଟିଲଙ୍କୁ ଭାନୁଶାଲୀ ଆଲିଙ୍ଗନ କରିବା ସହ ଏକ ବଡ କାମ ହୋଇଗଲା ବୋଲି କହିଥିଲେ । ଏହା କି କାମ ଥିଲା ସେନେଇ ପାଗାରେ ସୂଚନା ପାଇ ନଥିଲେ । ମାତ୍ର ରେଡ ପରେ ସବୁ କିଛି ସ୍ପଷ୍ଟ ହୋଇଗଲା ବୋଲି ସେ କହିଛନ୍ତି ।

ଏଥିସହିତ ପଢ଼ନ୍ତୁ: ମୁଁ ବଲିଉଡରେ କାମ କରିବାକୁ ଚାହୁଁଛି : ଡ୍ୱେନ୍ ଜନସନ୍

ସ୍ୱାବଲମ୍ୱୀ କରିଛି ଗୋଲାପ ଚାଷ: ୨ରୁ ୩ ଲକ୍ଷ ଟଙ୍କା ରୋଜଗାର କରୁଛନ୍ତି ଚାଷୀ

ସମ୍ୱଲପୁର: ଗୋଲାପ ଫୁଲ ଚାଷ କରି ସ୍ୱାବଲମ୍ୱୀ ତିନି ଚାଷୀ । ଦୃଢ ଇଚ୍ଛା ଶକ୍ତି ଓ କଠିନ ପରିଶ୍ରମ ବଳରେ ସଫଳ ଚାଷୀ ବନିଛନ୍ତି ଧର୍ମନାରାୟଣ ଓ ତାଙ୍କ ସାଥୀ । ଚାଷ ପାଇଁ ସମ୍ବଲପୁର ଜିଲ୍ଲା ଉଦ୍ୟାନ ବିଭାଗ ସହଯୋଗ କରୁଥିବା ବେଳେ ବର୍ଷକୁ ୨ରୁ ୩ ଲକ୍ଷ ଟଙ୍କା ରୋଜଗାର କରୁଛନ୍ତି ଚାଷୀ । ଆଉ ଚାଷ ପାଇଁ ବିଭିନ୍ନ ସରକାରୀ ଓ ବେସରକାରୀ ଅନୁଷ୍ଠାନରୁ ପୁରସ୍କୃତ ହୋଇଛନ୍ତି ।

ଗୋଲାପର ଗାଁ ସନାତନପାଲି । ପରିଚୟ ଦେଉଛି ଗୋଲାପ ଫୁଲ ଚାଷ । ଆତ୍ମନିର୍ଭର ହେଉଛନ୍ତି ଚାଷୀ । ଦୃଢ ଇଚ୍ଛା ଶକ୍ତି ଓ କଠିନ ପରିଶ୍ରମ ବଳରେ ଗୋଲାପ ଫୁଲ ଚାଷ କରି ସଫଳ ଚାଷୀ ହୋଇପାରିଛନ୍ତି ସମ୍ବଲପର ଜିଲ୍ଲା ସନାତନପାଲିର ଧର୍ମନାରାୟଣ ପ୍ରଧାନ । ନିଜସ୍ୱ ସ୍ୱଳ୍ପ ଜମିରେ ଗୋଲାପ ଚାଷ କରି ବର୍ଷକୁ ୨ରୁ ୩ ଲକ୍ଷ ଟଙ୍କା ପର୍ଯ୍ୟନ୍ତ ଲାଭ କରୁଛନ୍ତି । ଏହା ସହ ଅନ୍ୟମାନଙ୍କୁ ପ୍ରଶିକ୍ଷଣ ଦେଇ ଗୋଲାପ ଚାଷ ପ୍ରତି ଯୁବକଙ୍କୁ ଆକୃଷ୍ଟ କରୁଛନ୍ତି । ଏଥିପାଇଁ ତାଙ୍କୁ ବିଭିନ୍ନ ସରକାରୀ ଓ ବେସରକାରୀ ଅନୁଷ୍ଠାନ ପୁରସ୍କୃତ କରିଛି ।

ଆଧୁନିକ ପ୍ରଣାଳୀରେ ଗୋଲାପ ଚାଷ କରୁଛନ୍ତି ଧର୍ମପରାୟଣ ଏବଂ ତାଙ୍କ ସାଥି । ଏଥିପାଇଁ ଉଦ୍ୟାନ କୃଷି ବିଭାଗ ଉନ୍ନତମାନର ଚାରା ମାଗଣାରେ ଯୋଗାଇ ଦେଉଛି । ମାତ୍ର କରୋନା ପାଇଁ ବେପାର ସାମାନ୍ୟ ମାନ୍ଦ ହୋଇଥିଲେ ମଧ୍ୟ ଜାତୀୟ ଉଦ୍ୟାନ କୃଷି ମିଶନ ଯୋଜନାରେ ୫୦ ପ୍ରତିଶତ ସବ୍‌ସିଡି ଚାଷୀ ଦିଆଯାଇଛି ବୋଲି ଉଦ୍ୟାନ କୃଷି ଉପ ନିର୍ଦ୍ଦେଶକ କହିଛନ୍ତି ।

ଏଥିସହିତ ପଢ଼ନ୍ତୁ: ଆସନ୍ତା ୧୦ ତାରିଖରୁ ରାଜ୍ୟରେ ବଢ଼ିବ ଶୀତ: ୨ରୁ୩ ଡିଗ୍ରୀ କମିବ ତାପମାତ୍ରା