spot_img
Home Blog Page 5132

ଆସନ୍ତା ୧୦ ତାରିଖରୁ ରାଜ୍ୟରେ ବଢ଼ିବ ଶୀତ: ୨ରୁ୩ ଡିଗ୍ରୀ କମିବ ତାପମାତ୍ରା

ଭୁବନେଶ୍ୱର: ରାଜ୍ୟରେ ଧିରେ ଧିରେ ବଢୁଛି ଶୀତ । ଏବେ ଓଡ଼ିଶାକୁ ଉତ୍ତର ଦିଗରୁ ଶୁଷ୍କ ଥଣ୍ଡା ପବନ ବହୁଥିବାରୁ ଆସନ୍ତା ୧୦ ତାରିଖରୁ ରାଜ୍ୟରେ ଶୀତର ପରିମାଣ ବଢିବ । ବିଶେଷ କରି ଉପକୂଳ ଓଡ଼ିଶାରେ ସ୍ୱାଭାବିକ ଠାରୁ ୨ ରୁ ୩ ଡିଗ୍ରୀ ତାପମାତ୍ରା କମିବାକୁ ଥିବା ବେଳେ ଆଭ୍ୟନ୍ତରୀଣ ଓଡ଼ିଶାରେ ସ୍ୱାଭାବିକ ଠାରୁ ୩ ରୁ ୪ ଡିଗ୍ରୀ ତାପମାତ୍ରା କମିବ ବୋଲି ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି । ସେପଟେ ଭୟ ବଢ଼ାଉଛି ଲଘୁଚାପ । ନଭେମ୍ବର ଦ୍ୱିତୀୟ ଓ ତୃତୀୟ ସପ୍ତାହରେ ଦୁଇଟି ଲଘୁଚାପ ସୃଷ୍ଟି ହେବାର ସମ୍ଭାବନା ରହିଛି ।

ଏହାର ପ୍ରଭାବରେ ରାଜ୍ୟର ଦକ୍ଷିଣ ଓଡ଼ିଶାର ଜିଲ୍ଲାରେ କିଛି ସ୍ଥାନରେ ସାମାନ୍ୟରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି । ଆସନ୍ତା ୯ ତାରିଖ ବେଳକୁ ଦକ୍ଷିଣ-ପୂର୍ବ ବଙ୍ଗୋପସାଗରରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେବ ବୋଲି ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି । ଏହା କ୍ରମେ ଘନିଭୂତ ହୋଇ ୧୨ କିମ୍ବା ୧୩ ତାରିଖରେ ତାମିଲନାଡୁ ଏବଂ ତତ୍ ସଂଲଗ୍ନ ଦକ୍ଷିଣ ଆନ୍ଧ୍ରପ୍ରଦେଶ ଉପକୂଳରେ ସ୍ଥଳଭାଗ ଛୁଇଁବାର ସମ୍ଭାବନା ରହିଛି । ଚେନ୍ନାଇ ସହ ତାମିଲନାଡୁ ଓ ଦକ୍ଷିଣ ଆନ୍ଧ୍ର ଉପକୂଳରେ ପ୍ରବଳ ବର୍ଷା ହେବ। ଏହା ପ୍ରଭାବରେ ଭୁବନେଶ୍ବର, ଗୋପାଳପୁର, ପୁରୀ ଓ ପାରାଦୀପ ସମେତ ସମୁଦ୍ର ସଂଲଗ୍ନ ଅଞ୍ଚଳରେ ୧୧ ଓ ୧୨ ତାରିଖରେ ପ୍ରବଳ ବର୍ଷା ହେବ । ଉପକୂଳ ଜିଲ୍ଲାର ସଂଲଗ୍ନ ଜିଲ୍ଲାରେ ପାଗ ମେଘୁଆ ସହିତ ହାଲୁକାରୁ ସ୍ବଳ୍ପ ବର୍ଷା ହୋଇପାରେ। ରାୟଗଡ଼ା, କୋରାପୁଟ, ଓ ମାଲକାନଗିରିରେ ମଧ୍ୟ ହାଲୁକାରୁ ସ୍ବଳ୍ପ ବର୍ଷାର ସମ୍ଭାବନା ରହିଛି ।

ଏଥିସହିତ ପଢ଼ନ୍ତୁ: ବନ୍ଦ ପାଳନରେ ଲୋକଙ୍କୁ ହଇରାଣ କରୁଛି ବିଜେପି: ଦେଖନ୍ତୁ ବିଭିନ୍ନ ସ୍ଥାନର ଦୃଶ୍ୟ

ଟି-୨୦ ବିଶ୍ୱକପ୍‌ରେ ମୁହାଁମୁହିଁ ହେବେ ଆଫଗାନିସ୍ତାନ-ନ୍ୟୁଜିଲ୍ୟାଣ୍ଡ: ସେମିଫାଇନାଲ ପାଇଁ ଭାରତର ଶେଷ ଆଶା

ଦୁବାଇ: ରବିବାର ଆବୁଧାବିରେ ଖେଳାଯିବ ଟି-ଟ୍ୱେଣ୍ଟି ବିଶ୍ୱକପର ବହୁ ପ୍ରତିକ୍ଷୀତ ମ୍ୟାଚ୍ । ଯେଉଁ ମ୍ୟାଚରେ ନ୍ୟୁଜିଲ୍ୟାଣ୍ଡ ଓ ଆଫଗାନିସ୍ତାନ ମଧ୍ୟରେ ଦେଖିବାକୁ ମିଳିବ କଡ଼ା ଟକ୍କର । ଏହି ମ୍ୟାଚରେ ଭାରତ ଖେଳୁନଥିଲେ ବି ପ୍ରତିଟି ଭାରତୀୟଙ୍କ ନଜର ଏହି ମ୍ୟାଚ ଉପରେ ରହିଛି । ନ୍ୟୁଜିଲ୍ୟାଣ୍ଡ ଓ ଆଫଗାନିସ୍ତାନ ମ୍ୟାଚର ଫଳାଫଳ ଭାରତ ସେମିଫାଇନାଲ ଯିବାର ଭାଗ୍ୟ ନିରୂପଣ କରିବ । ଯଦି ନ୍ୟୁଜିଲାଣ୍ଡକୁ ଆଫଗାନିସ୍ତାନ ହରାଉଛି ତେବେ ଭାରତର ସେମିଫାଇନାଲ ଖେଳିବା ବାଟ ସଫା ହେବ । ଏହାସହ ଶେଷ ମ୍ୟାଚରେ ଭାରତ ନାମିବ୍ୟାଠୁ ଜିତିବା ଆବଶ୍ୟକ । ଆଜି ଦିନ ୩ଟା ୩୦ରେ ଆବୁଧାବିରେ ନ୍ୟୁଜିଲାଣ୍ଡକୁ ଭେଟିବ ଆଫଗାନିସ୍ତାନ । ତେବେ ଉଭୟ ନ୍ୟୁଜିଲ୍ୟାଣ୍ଡ ଓ ଆଫଗାନିସ୍ତାନ ପାଇଁ ମଧ୍ୟ ସେମିଫାଇନାଲ ଖେଳିବାର ସୁଯୋଗ ରହିଛି । ଯଦି ନ୍ୟୁଜିଲାଣ୍ଡ ବିଜୟ ହାସଲ କରୁଛି ତେବେ ୫ଟି ମ୍ୟାଚରୁ ୪ଟି ବିଜୟ ସହ ୮ ପଏଣ୍ଟ ପାଇ ଗ୍ରୁପ ୨ରୁ ସିଧାସଳକ ସେମିରେ ପହଞ୍ଚି ଯିବ । ସେପଟେ ଆଫଗାନିସ୍ତାନ ମଧ୍ୟ ବଡ଼ ବ୍ୟବଧାନରେ ନ୍ୟୁଜିଲାଣ୍ଡକୁ ହରେଇ ସେମିଫାଇନାଲକୁ ଯିବ ପାଇଁ ଚେଷ୍ଟା କରିବ ।

ଅନ୍ୟପକ୍ଷରେ ସାରଜାରେ ରାତିରେ ଖେଳାଯିବାକୁ ଥିବା ପାକିସ୍ତାନ-ସ୍କଟ୍‌ଲାଣ୍ଡ୍ ମୁକାବିଲା ଗୁରୁତ୍ବହୀନ ‌ହୋଇପଡ଼ିଛି। ପାକିସ୍ତାନ ଏହି ମ୍ୟାଚ୍‌ ଜିତି ଅପରାଜେୟ ପ୍ରଦର୍ଶନ ସହ ସେମିଫାଇନାଲ୍ ଯିବାକୁ ଲକ୍ଷ୍ୟ ରଖିଛି। ସ୍କଟଲାଣ୍ଡ୍ କିନ୍ତୁ ସାନ୍ତ୍ୱନାମୂଳକ ବିଜୟ ଆଶାରେ ରହିବ। ପାକିସ୍ତାନ ସେମିଫାଇନାଲ୍ ସୁଯୋଗ ହାତେଇ ସାରିଥିବାରୁ ଏହ‌ି ମ୍ୟାଚ୍‌ରେ ପରୀକ୍ଷା ନିରୀକ୍ଷା କଲେ ସ୍କଟ୍‌ଲାଣ୍ଡ୍‌ ଏହାର ଫାଇଦା ଉଠାଇପାରେ। ୨୦୧୬ ବିଶ୍ବକପ୍‌ ପରଠାରୁ ୟୁଏଇରେ ଆଫଗାନିସ୍ତାନ ୯ ମ୍ୟାଚ୍‌ରେ ଆଗ ବ୍ୟାଟିଂ କରି ୮ଟି ଜିତିଥିବାରୁ ଏଭଳି ସୁଯୋଗ ଅପେକ୍ଷାରେ ରହିପାରୋ।

ଏଥିସହିତ ପଢ଼ନ୍ତୁ: ବନ୍ଦ ପାଳନରେ ଲୋକଙ୍କୁ ହଇରାଣ କରୁଛି ବିଜେପି: ଦେଖନ୍ତୁ ବିଭିନ୍ନ ସ୍ଥାନର ଦୃଶ୍ୟ

ସାହା ହେଲା ବିଏସ୍‌କେଓ୍ୱାଇ: ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଲେ ଦେବରାଜ, କହିଲେ ସ୍ମାର୍ଟ କାର୍ଡ ନଥିଲେ ଘର ବିକ୍ରି କରିବାକୁ ପଡ଼ିଥାନ୍ତା

ଭୁବନେଶ୍ୱର: ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ଆଉ ଏକ ସଫଳତା । ଅସମୟରେ ସାହା ହେଲା ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ସ୍ମାର୍ଟ ହେଲ୍ଥ କାର୍ଡ । ବିନା ମୂଲ୍ୟରେ ଚିକିତ୍ସିତ ହେଲେ ଖୋର୍ଦ୍ଧାର ଦେବରାଜ ସାହୁ । ଯାହାଙ୍କ ବିଷୟରେ ଏକ ଭିଡିଓ ଟ୍ୱିଟ୍ କରି ଅବଗତ କରାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆଉ ଲେଖିଛନ୍ତି ସ୍ୱାସ୍ଥ୍ୟ ସଂକଟ ସମୟରେ ଆର୍ଥିକ ଚିନ୍ତା ଦୂର କରି ଏହି ଯୋଜନା ଲୋକମାନଙ୍କ ପ୍ରକୃତ ବନ୍ଧୁ ସାଜିଛି ।

ଭିଡିଓରେ ପ୍ରଦର୍ଶିତ ଖୋର୍ଦ୍ଧାର ଦେବରାଜ ସାହୁ ବାହାର ରାଜ୍ୟରେ ଏକ ଘରୋଇ କମ୍ପାନୀରେ କାର୍ଯ୍ୟ କରୁଥିଲେ । ତାଙ୍କ ଆଙ୍ଗୁଳିରେ ଦରଜ ହେବାରୁ ସେ ସେଠାକର ସ୍ଥାନୀୟ ହସ୍ପିଟାଲରେ ଡାକ୍ତରଙ୍କୁ ଦେଖାଇଥିଲେ । କିନ୍ତୁ କୌଣସି ସୁଫଳ ପାଇନଥିଲେ । ଶେଷରେ ସେ ଓଡ଼ିଶା ଫେରିଥିଲେ । ଏବଂ ଏମ୍ସରେ ଡାକ୍ତରଙ୍କୁ ଦେଖାଇଥିଲେ । ଡାକ୍ତର ତାଙ୍କୁ ଅପରେସନ୍ କରିବାକୁ ପରାମର୍ଶ ଦେଇଥିଲେ । ଆଉ ଏ ବାବଦକୁ ପାଖାପାଖି ୨ଲକ୍ଷ ଟଙ୍କା ଖର୍ଚ୍ଚ ହେବ ବୋଲି କହିଥିଲେ । ଏହା ଶୁଣି ଚିନ୍ତାରେ ପଡ଼ିଯାଇଥିଲା  ଦେବରାଜ । ଏହି ବ୍ୟୟବହୁଳ ଅପରେସନ୍ ତାଙ୍କ ପକ୍ଷେ ଅସମ୍ଭବ ଭଳି ମନେ ହେଉଥିଲା । କିନ୍ତୁ ଡାକ୍ତର ତାଙ୍କ ଅସୁବିଧା ଜାଣି ଆଶ୍ୱାସନା ଦେଇଥିଲେ । ରାଶନ କାର୍ଡ ଥିବା କଥା ପଚାରିଥିଲେ । ଦେବାରାଜ ତାଙ୍କ କଥାରେ ହଁ ଭରିଥିଲେ । ତା’ପରେ ଆରମ୍ଭ ହୋଇଥିଲା ଅପରେସନ୍ ପାଇଁ ପ୍ରକ୍ରିୟା । ଆଉ ଅପରେସନ୍ ପୂର୍ବରୁ ତାଙ୍କ ପାଖକୁ ଏକ ମେସେଜ୍ ଆସିଥିଲା । ଯେଉଁଥିରେ ତାଙ୍କ ଆକାଉଣ୍ଟରୁ ୧ଲକ୍ଷ ୮୦ ହଜାର ଟଙ୍କା କଟିଥିବା ବେଳେ ଆଉ ୩ଲକ୍ଷ ୨୦ ହଜାର ଟଙ୍କା ବଳକା ଥିବା ଉଲ୍ଲେଖ ଥିଲା । ସେତେବେଳେ ସେ ଜାଣିବାକୁ ପାଇଥିଲେ ଯେ, ଏହି ଅପରେସନ୍ ତାଙ୍କ ବିଏସ୍‌କେଓ୍ୱାଇ ଯୋଜନା ଅନୁଯାୟୀ ହୋଇଛି । ଯାହା ଫଳରେ ତାଙ୍କର ଅପରେସନ୍ ହୋଇପାରିଛି । ଏହା ପରେ ତାଙ୍କ ଖୁସି କହିଲେ ନସରେ  । ଏଥିଲାଗି ସେ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି । ଆଉ କହିଛନ୍ତି ଅସମୟରେ ସାହା ହୋଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସରକାର ଏ ଯୋଜନା ନଥିଲେ ସେ ତାଙ୍କୁ ଘର ବିକ୍ରି କରିବାକୁ ପଡ଼ିଥାନ୍ତି । ପୂର୍ବରୁ ମଧ୍ୟ ଏଭଳି ଅନେକ ନିର୍ଦ୍ଦଶନ ଦେଖିବାକୁ ମିଳିଛି । ଏହି ବିଏସ୍‌କେଓ୍ୱାଇ କାର୍ଡ ଜରିଆରେ ଅନେକ ଲୋକେ ବିନା ମୂଲ୍ୟରେ ଚିକିତ୍ସା କରାଇବା ସହ ଆର୍ଥିକ ମେରୁଦଣ୍ଡ ଭୁଶୁଡ଼ିବାରୁ ରକ୍ଷା ପାଇଛନ୍ତି ।

ବନ୍ଦ ପାଳନରେ ଲୋକଙ୍କୁ ହଇରାଣ କରୁଛି ବିଜେପି: ଦେଖନ୍ତୁ ବିଭିନ୍ନ ସ୍ଥାନର ଦୃଶ୍ୟ

ଭୁବନେଶ୍ୱର: ବିଜେପି ରାଜନୀତିରେ ମମିତା ମୋହରା । ମମିତା ମେହେର ହତ୍ୟା ମାମଲାକୁ ନେଇ ଥମୁନି ବିଜେପିର ହୀନ ରାଜନୀତି। ବିଭିନ୍ନ ସ୍ଥାନରେ ବନ୍ଦ ଡାକରା ଦେଇ ସାଧାରଣ ଲୋକଙ୍କୁ ହଇରାଣ ହରକତ କରୁଛନ୍ତି ଆନ୍ଦୋଳନକାରୀ। ଗଜପତି ଜିଲ୍ଲା ମୋହନାରେ ବିଜେପିର ବନ୍ଦ ଯାେଗୁଁ ସାଧାରଣ ଲୋକ ହନ୍ତସନ୍ତ ହେଉଥିବା ଦେଖିବାକୁ ମିଳିଛି । ବିଜେପିର ଏହି ରାଜନୈତିକ ଡ୍ରାମା ଲାଗି ଜଣେ ଗୁରୁତର ରୋଗୀ ହଇରାଣ ହେଉଥିବା ଦେଖିବାକୁ ମିଳିଥିଲା । ବହୁ କାକୁତି ମୀନତି ହେବା ପରେ ମଧ୍ୟ ତାଙ୍କୁ ମେଡିକାଲ ଛାଡ଼ି ନଥିଲେ ଆନ୍ଦୋଳନକାରୀ ।

ଆଉ ଜଣେ ମହିଳା ଚିକିତ୍ସା ପାଇଁ ଭୁବନେଶ୍ବର ଆସୁଥିଲେ । ଚେକଅପ୍ ପରେ ଅପରେସନ ହେବାର ଥିଲା। ହେଲେ ବନ୍ଦ ଯୋଗୁ ସେ ଅସହାୟ ହୋଇ ଅଧାରେ ଅଟକି ରହିଥିଲେ । ସେହିଭଳି ଆଉ ଦୃଶ୍ୟରେ ଭୁବନେଶ୍ବରରେ ଝିଅର ପରୀକ୍ଷା ଫର୍ମ ଫିଲଅପ୍ ପାଇଁ ଡେଡଲାଇନ ଥିବାରୁ ଆସୁଥିଲେ । ହେଲେ ଆନ୍ଦୋଳନ ପାଇଁ ସମୟ ପୂର୍ବରୁ ପହଞ୍ଚିପାରିବେ କି ନାହିଁ ଆଶା ଆଶଙ୍କାରେ ପଡିଛନ୍ତି । ଝିଅର ଭବିଷ୍ୟତ କଥା ଚିନ୍ତା କରି ଆନ୍ଦୋଳନକାରୀଙ୍କୁ ନେହୁରା ହୋଇଛନ୍ତି । ହେଲେ ସେମାନେ ଛାଡିବାକୁ ନାରାଜ। ତେବେ ପ୍ରଶ୍ନ ଉଠୁଛି, ମମିତାଙ୍କୁ ନ୍ୟାୟ ଦେବା ଆଳରେ ଡ୍ରାମା ଚଲାଇଥିବା ବିଜେପି କର୍ମୀ କାହା ସ୍ବାର୍ଥ ପାଇଁ ଆନ୍ଦୋଳନ କରୁଛନ୍ତି ?

ରିକ୍ସା ଚାଳକଙ୍କ ପୁଅ ହେବେ ଡାକ୍ତର: ୬୦୯ ନମ୍ୱରରେ ରହି ନିଟ୍ ପରୀକ୍ଷାରେ ହାସଲ କଲେ ସଫଳତା

ଭଦ୍ରକ: ବାଟ ଓଗାଳି ପାରିଲାନି ପ୍ରତିକୂଳ ପରିସ୍ଥିତି । ଦୃଢ଼ ଇଚ୍ଛା ଶକ୍ତି ଯୋଗୁଁ ଅସମ୍ଭବ ହେଲା ସମ୍ଭବ । ନିରନ୍ତର ପ୍ରୟାସ ଯୋଗୁଁ ସଫଳତା ପାଇଲେ ଭଦ୍ରକର ଛାତ୍ର ମୁର୍ସିଦ । ନିଟ୍ ପରୀକ୍ଷାରେ କୃତକାର୍ଯ୍ୟ ହାସଲ ସହ ନିଜ ପରିବାର ସାଉଁଟି ପାରିଛନ୍ତି ଖୁସି ।

ଭଦ୍ରକ ପୁରୁଣା ବଜାରର ମୁର୍ସିଦ ଖାନ । ସ୍ୱପ୍ନ ଥିଲା ଡାକ୍ତର ହେବା । କିନ୍ତୁ ବାଟ ଓଗାଳିଥିଲା ପରିବାରର ଅଭାବ ଓ ଅନଟନ । ୪ ପୁଅ ଓ ୨ ଝିଅ ସମେତ ବାପ ମାଆଙ୍କୁ ମିଶାଇ ୮ଜଣିଆ ପରିବାରରେ ବାପା ହେଉଛନ୍ତି ଏକମାତ୍ର ଆୟକାରୀ ବ୍ୟକ୍ତି । ବାପା ମୈରାଜ ରିକ୍ସା ଚଳାଇ ପରିବାର ପ୍ରତିପୋଷଣ କରିବା ସହ ପୁଅ ଝିଅ ପାଠ ପଢ଼ା ଖର୍ଚ୍ଚ ମଧ୍ୟ ବହନ କରନ୍ତି । ଏଭଳି ଅଭାବ ଭିତରେ ମଧ୍ୟ ମୁର୍ସିଦ ଆଶା ଥିଲା ଡାକ୍ତର ହେବେ । ହେଲେ ୨୦୦୭ ରେ ମୁର୍ସିଦଙ୍କ ସ୍ୱପ୍ନର ଜୁଆରରେ ଭଟ୍ଟା ପଡ଼ିଥିଲା । ଯେତେବେଳେ ତାଙ୍କ ବାପାଙ୍କ ଦୁର୍ଘଟଣା ଘଟିଥିଲା । ଏବଂ ସେ  ରିକ୍ସା ଚଳାଇବାକୁ ଅସମର୍ଥ ହୋଇଥିଲା । କିନ୍ତୁ ପରବର୍ତ୍ତୀ ସମୟରେ ମୈରାଜଙ୍କ ବଡ଼ ଭାଇ ସମ୍ଭାଳିଥିଲେ ପରିବାର ବୋଝ । ତଥାପି ସୁଧୁନି ଥିଲା ସ୍ଥିତି କିନ୍ତୁ ଭାଙ୍ଗିନ ଥିଲା ଡାକ୍ତର ହେବାର ସ୍ୱପ୍ନ । ଆଉ ଜାରି ରହିଥିଲା  ପ୍ରୟାସ । ଆଉ ଏହାର ଫଳ ସ୍ୱରୂପ ମୁର୍ସିଦ ନିଟ୍ ପରୀକ୍ଷାରେ ୬୦୯ ରାଙ୍କ କୃତକାର୍ଯ୍ୟ ହେବା ସହ ସର୍ବଭାରତୀୟ ସ୍ତରରେ ୧୫ ହଜାର ୨୩୯ ରାଙ୍କ୍ ହାସଲ କରି ସରକାରୀ ମେଡିକାଲ କଲେଜରେ ଡାକ୍ତରୀ ପଢିବା ପାଇଁ ମନୋନୀତ ହୋଇଛନ୍ତି । ଯାହାକୁ ନେଇ ପରିବାର ସହ ସ୍ଥାନୀୟ ଅଞ୍ଚଳରେ ଖୁସି ଦେଖିବାକୁ ମିଳିଛି । ଏବଂ ଡାକ୍ତର ମୁର୍ସିଦଙ୍କ ଡାକ୍ତର ହେବାର ସ୍ୱପ୍ନ ସାକାର ହେବାକୁ ଯାଉଛି ।

 

 

ତେଲ ଟ୍ୟାଙ୍କରରେ ଭୟଙ୍କର ବିସ୍ଫୋରଣ; ୯୦ରୁ ଅଧିକ ଜୀବନ୍ତ ଦଗ୍ଧ

ନୂଆଦିଲ୍ଲୀ: ଆଫ୍ରିକା ଦେଶ ସିରା ଲିଉନର ରାଜଧାନୀ  ଫ୍ରି ଟାଉନରେ ଏକ ବଡ଼ ଧରଣର ଦୁର୍ଘଟଣା ଘଟିଛି । ଯାହା ଫଳରେ ଏହି ଦୁର୍ଘଟଣାରେ ୯୦ରୁ ଅଧିକ ଲୋକ ମୃତ୍ୟୁ ବରଣ କରିଛନ୍ତି । ତେବେ ଏହି ଘଟଣାରେ ୧୦୦ରୁ ଅଧିକ ଲୋକ ଆହାତ ହୋଇଛନ୍ତି । ସହରର ବ୍ୟସ୍ତବହୁଳ ଅଞ୍ଚଳରେ ଛିଡା ହୋଇଥିବା ଏକ ତେଲ ଟ୍ୟାଙ୍କର ସହିତ ଅନ୍ୟ ଏକ ଗାଡି ମୁହାଁମୁହିଁ ଧକ୍କା ହେବାରୁ ଏଭଳି ଏକ ବଡ଼ ଦୁର୍ଘଟଣା ହୋଇଥିଲା । ତେବେ ଏହି ଦୁର୍ଘଟଣା ପରେ ସ୍ଥାନୀୟ ମିଡିଆରେ ପ୍ରସାରିତ ଫୁଟେଜରେ ବିସ୍ଫୋରଣ ସ୍ଥାନରେ କଳା ଧୂଆଁ ଓ ଲୋକଙ୍କ ଶବ ଦେଖାଯାଇଥିଲା । ଏହି ଦୁର୍ଘଟଣା ପରେ ଉଦ୍ଧାର କାର୍ଯ୍ୟ ପାଇଁ ପୋଲିସ ଓ ସ୍ଥାନୀୟ ପ୍ରଶାସନର ଅନେକ ଟିମ୍ ମୁତୟନ କରାଯାଇଛି ।

ତେବେ ଘଟଣା ପରେ ସିରା ଲିଉନ ରାଷ୍ଟ୍ରପତି ଜୁଲିୟସ୍ ମାଡା ବିୟୋ ଗଭୀର ଦୁଃଖ ପ୍ରକାଶ କରିଛନ୍ତି । ସେ ଟୁଇଟ କରି କହିଛନ୍ତି ଦୁର୍ଘଟଣାରେ ଏତେ ଜଣ ଲୋକେ ପ୍ରାଣ ହରାଇବା ତାଙ୍କୁ ମର୍ମାହତ କରିଛି । ଏନେଇ ସେ ଏକ ଟ୍ୱିଟ୍ କରି ମୃତାହତ ଲୋକଙ୍କ ପରିବାରକୁ  ସରକାରୀ ସହାୟତା  ଯୋଗାଇ ଦିଆଯିବ ବୋଲି କହିଛନ୍ତି।  ଫ୍ରି ଟାଉନ୍ ମେୟର ୟୋଭେନେ ଆକି-ସାୟେର୍ ଘଟଣାକୁ ମର୍ମନ୍ତୁଦ କହିବା ସହ ବର୍ତ୍ତମାନ ପର୍ଯ୍ୟନ୍ତ ମୃତ କିମ୍ବା ଆହାତଙ୍କ ସଂଖ୍ୟା ବିଷୟରେ ଆମେ ସୂଚନା ପାଇ ନାହୁଁ ବୋଲି ସେ କହିଛନ୍ତି । ଅନ୍ୟପଟେ ସେ ତାଙ୍କ ଫେସବୁକରେ ପୋଷ୍ଟ କରି ୧୦୦ ରୁ ଅଧିକ ଲୋକଙ୍କ ମୃତ ହୋଇଛି ବୋଲି ଆଶଙ୍କା କରିଛନ୍ତି । କିନ୍ତୁ ଏପର୍ଯ୍ୟନ୍ତ ଆନୁଷ୍ଠାନିକ ଭାବରେ କୌଣସି ସ୍ପଷ୍ଟ ସୂଚନା ମିଳିପାରିନାହିଁ । ଅନ୍ୟପକ୍ଷରେ ଦେଶର ଉପ ସ୍ବାସ୍ଥ୍ୟମନ୍ତ୍ରୀ ଅମାରା ଜମ୍ବାଇ କହିଛନ୍ତି ଯେ ରାଜଧାନୀର ଡାକ୍ତରଖାନା ଏବଂ କ୍ଲିନିକରେ ୧୦୦ରୁ ଅଧିକ ଲୋକ ଭର୍ତ୍ତି ହୋଇଛନ୍ତି ।

ସୂଚନା ଅନୁଯାୟୀ ଶୁକ୍ରବାର ରାତି ୧୦ଟା ସମୟରେ ଓ୍ବେଲିଙ୍ଗଟନ ଅଞ୍ଚଳରେ ଥିବା ବ୍ୟସ୍ତବହୁଳ ଚୋଇଥ୍ରାମ ସୁପର ମାର୍କେଟ ବାହାରେ ଏହି ଦୁର୍ଘଟଣା ଘଟିଥିବା ଜଣାପଡ଼ିଛି । ଏକ ରିପୋର୍ଟରେ କୁହାଯାଇଛି କି ଏହି ବିସ୍ଫୋରଣରେ ଲୋକଙ୍କ ଭର୍ତ୍ତି ବସ୍ ପୂରା ଜଳିଯାଇଥିବା ବେଳେ ଇନ୍ଧନ ହେତୁ ନିକଟସ୍ଥ ମାର୍କେଟ ଓ ଦୋକାନ ରେ ନିଆଁ ଲାଗିଯାଇଥିଲା ।

ଓଡ଼ିଶା ଆସିବେ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ: ପୋଲାଭରମ୍ ଓ କୋଟିଆ ବିବାଦ ନେଇ ନବୀନଙ୍କ ସହ ହୋଇପାରେ ଆଲୋଚନା

ଭୁବନେଶ୍ୱର: ଆସନ୍ତା ୯ ତାରିଖରେ ଓଡ଼ିଶା ଆସିବେ ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡୀ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଜଗନମୋହନ ସାକ୍ଷାତ କରି ବିଭିନ୍ନ ପ୍ରସଂଗରେ ଆଲୋଚନା କରିବାର କାର୍ଯ୍ୟକ୍ରମ ରହିଛି । ଦୀର୍ଘଦିନ ଧରି ଆନ୍ଧ୍ର ଏବଂ ଓଡ଼ିଶା ମଧ୍ୟରେ ଲାଗି ରହିଥିବା କୋଟିଆ, ପୋଲାଭରମ ପରି ବିବାଦ ଉପରେ ଦୁଇ ମୁଖ୍ୟମନ୍ତ୍ରୀଙ୍କ ମଧ୍ୟରେ ଆଲୋଚନା ହୋଇ ସମାଧାନର ବାଟ ବାହାରିବ ବୋଲି ଚର୍ଚ୍ଚା ହେଉଛି । ଏନେଇ ରାଜନୈତିକ ପ୍ରତିକ୍ରିୟା ପ୍ରକାଶ ପାଇଛି ।

ସୁପ୍ରିମ୍‌କୋର୍ଟରେ ପୋଲାଭରମ ମାମଲା । କୋଟିଆରେ ସୀମା ବିବାଦ । କେତେବେଳେ କୋଟିଆରେ ଆନ୍ଧ୍ର ଜବରଦସ୍ତ ପଶି ନିର୍ବାଚନ କରୁଛି ତ କେତେବେଳେ ଲୋକଙ୍କୁ ନିଜ ଆଡ଼କୁ ନେବାକୁ ବିଭିନ୍ନ ଫନ୍ଦି ଫିକର କରୁଛି । ପ୍ରଶାସନିକ ଅଧିକାରୀ ଓ ନେତାନେତା ମୁହାଁମୁହିଁ ହେଉଛନ୍ତି । ବର୍ଷ ବର୍ଷ ଧରି ଆନ୍ଧ୍ର ଏବଂ ଓଡ଼ିଶା ମଧ୍ୟରେ ଏପରି ବିବାଦ ଲାଗି ରହିଛି । ଏହା ଭିତରେ ଆସନ୍ତା ୯ ତାରିଖରେ ଆନ୍ଧ୍ର ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡୀ ଓଡ଼ିଶା ଆସି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିବେ । ଉଭୟଙ୍କ ମଧ୍ୟରେ କି ଆଲୋଚନା ହେବ, ତାହା ଏଯାଏ ସ୍ପଷ୍ଟ ହୋଇ ନଥିଲେ ମଧ୍ୟ କୋଟିଆ ଓ ପୋଲାଭରମ ପ୍ରସଙ୍ଗରେ ଆଲୋଚନା ହୋଇ ସମାଧାନର ବାଟ ବାହାରିବ ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି ।

ସେପଟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ଜଗନମୋହନ ରେଡ୍ଡୀ ଦୁଇ ରାଜ୍ୟ ମଧ୍ୟରେ ବିବାଦର ଦୂର କରିବା ଉପରେ ଗୁରୁତ୍ବ ଦେବାକୁ କଂଗ୍ରେସ ଦାବି କରିଛି । ବିଜେପି କହିଛି, ଆନ୍ଧ୍ର ସହିତ ବିବାଦର ସମାଧାନ ପାଇଁ ଜଗନମୋହନଙ୍କୁ ଦାବିପତ୍ର ଦେବ । କୋରାପୁଟରୁ ଗଜପତି ଯାଏ ଆନ୍ଧ୍ର ସହିତ ଓଡ଼ିଶାର ସୀମା ବିବାଦ ଲାଗି ରହିଛି । ପୋଲାଭରମ ଲଢ଼େଇ ବି ଚାଲିଛି । ଏହା ଭିତରେ ଜଗନମୋହନ ରେଡ୍ଡୀଙ୍କ ଓଡ଼ିଶା ଗସ୍ତ ନେଇ ଆରମ୍ଭ ହୋଇଛି ନାନା ଚର୍ଚ୍ଚା  ।

ଏଥିସହିତ ପଢ଼ନ୍ତୁ: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଲେ ଦିଲ୍ଲୀପ ରାୟ: କହିଲେ, ଆଗାମୀ ଦିନରେ ସ୍ପୋର୍ଟସ ହବ୍ ହେବ ଓଡ଼ିଶା

ଦିଲ୍ଲୀରେ ଓଡ଼ିଆ ଛାତ୍ରଙ୍କ ଡେଙ୍ଗୁରେ ପରଲୋକ: ମୃତଦେହକୁ ଓଡ଼ିଶା ପଠାଇଲା ଦିଲ୍ଲୀ ସ୍ଥିତ ଓଡ଼ିଆ ସଂଗଠନ

ନୂଆଦିଲ୍ଲୀ: ଦିଲ୍ଲୀରେ ଓଡ଼ିଆ ଛାତ୍ର କୁରୁକ୍ଷେତ୍ର ନାୟକ(୨୩)ଙ୍କ ଡେଙ୍ଗୁରେ ଦେହାନ୍ତ ହୋଇଛି । ପ୍ରାୟ ଚାରିଦିନ ଧରି କୁରୁକ୍ଷେତ୍ର ଜ୍ଜରରେ ପୀଡ଼ିତ ଥିଲେ ଏବଂ ଦିଲ୍ଲୀସ୍ଥିତ କର୍ଲା ହସ୍ପିଟାଲରେ ଚିକିତ୍ସିତ ହେଉଥିଲେ । କୁରୁକ୍ଷେତ୍ର କଳାହାଣ୍ଡି ଜିଳ୍ଲାର ନର୍ଲାସ୍ଥିତ କେରାଣ୍ଡିଖୁଣ୍ଟି ଗାଁର ବାସିନ୍ଦା । ତାଙ୍କ ବାପା ହେଉଛନ୍ତି ନୀଳମଣି ନାୟକ ଏବଂ ମା’ ନନ୍ଦିନୀ ନାୟକ । ପୁଅ କୁରୁକ୍ଷେତ୍ର ଉଚ୍ଚଶିକ୍ଷା ପାଇଁ ଦିଲ୍ଲୀରେ ରହୁଥିଲେ । କିଛି ଦିନ ପୂର୍ବେ କୁରୁକ୍ଷେତ୍ର ଶ୍ରୀନିବାସପୁର ବାଳିକା ଉଚ୍ଚ ବିଦ୍ୟାଳୟରେ ୟୁପିଏସ୍‌ସି ପରୀକ୍ଷା ଦେଇ ଆସିବା ପରେ ଡେଙ୍ଗୁ ଜ୍ଜରରେ ପୀଡ଼ିତ ଥିବା ଜଣାପଡ଼ିଥିଲା । କୁରୁକ୍ଷେତ୍ରଙ୍କ ମୃତ୍ୟୁଖବର ଜାଣିପାରିବା ପରେ ଦିଲ୍ଲୀ ପ୍ରବାସୀ ଓଡ଼ିଆ ସମାଜ ଏବଂ ଦିଲ୍ଲୀ ଓଡ଼ିଆ ଛାତ୍ର ସଂଗଠନ (ଦୋସା)ରେ ଶୋକର ଛାୟା ଖେଳିଯାଇଛି । ତାଙ୍କ ପରିବାରର ଆର୍ଥିକ ସ୍ଥିତି ସ୍ୱଚ୍ଛଳ ନଥିବାରୁ ତାଙ୍କ ମୃତଦେହକୁ କଳାହାଣ୍ଡି ପଠାଇବା ସହ ଅନ୍ୟାନ୍ୟ ଚିକିତ୍ସା ସହାୟତା ଯୋଗାଇ ଦେଇଥିଲା ଦିଲ୍ଲୀ ସ୍ଥିତ ଓଡ଼ିଆ ସଂଗଠନ ‘ମୋ ପରିବାର’ । ଏଥିସହିତ କୁରୁକ୍ଷେତ୍ରଙ୍କ ପରିବାର ଲୋକଙ୍କୁ ଅନ୍ୟ ଆବଶ୍ୟକୀୟ ସହାୟତ ଯୋଗାଇ ଦିଆଯିବ ବୋଲି କହିଛନ୍ତି ସଂଗଠନର ଗୋବର୍ଦ୍ଦନ ଧଳ ।

ଏଥିସହିତ ପଢ଼ନ୍ତୁ: ରାଜନୀତି ନ କରିବାକୁ ମମିତାଙ୍କ ବାପାଙ୍କ ଅନୁରୋଧ: କହିଲେ, ମୋ ଝିଅ ଚରିତ୍ର ଉପରେ ଆଙ୍ଗୁଳି ଉଠାନଯାଉ

 

ପରୀକ୍ଷା ପାଇଁ ସ୍ବାମୀଙ୍କ ମୃତଦେହକୁ ଦାନ କଲେ ସ୍ତ୍ରୀ; ପ୍ରଦର୍ଶନ କରି ଟଙ୍କା ଆଦାୟ କଲା ଲ୍ୟାବ

ଓ୍ବାସିଂଟନ: ଗତମାସରେ ଡାଉନ ଟାଉନ ପୋର୍ଟଲ୍ୟାଣ୍ଡ ହୋଟେଲ ଭିତରେ କୋଭିଡ-୧୯ରେ ଜୀବନ ହରାଇଥିବା ୯୮ ବର୍ଷ ବୟସ୍କ ବ୍ୟକ୍ତିଙ୍କ ମୃତ ଦେହ ପ୍ରଦର୍ଶିତ ହୋଇଥିଲା । ବୈଜ୍ଞାନିକ ପରୀକ୍ଷଣ ପାଇଁ ମୃତକଙ୍କ ପତ୍ନୀ ତାଙ୍କ ସ୍ବାମୀଙ୍କ ମୃତଦେହକୁ ଦାନ କରିଥିଲେ । କିନ୍ତୁ ଏହି ମର ଶରୀରକୁ ଦେୟ ଦେଇଥିବା ଦର୍ଶକଙ୍କ ସାମ୍ନାରେ ପରୀକ୍ଷ କରାଯାଇଥିଲା । ମୃତ ଡେଭିଡ ସାଉଣ୍ଡର୍ସ ତାଙ୍କ ୯୨ ବର୍ଷିଆ ପତ୍ନୀଙ୍କ ସହ ଲୈସିଆନାରେ ରହୁଥିଲେ । ପୋର୍ଟଲ୍ୟାଣ୍ଡ ମ୍ୟାରିଓଟ୍ ଡାଉନ୍ ଟାଉନ୍ ଓ୍ବାଟରଫ୍ରଣ୍ଟରେ ଥିବା ଏକ ମିଟିଂ ରୁମରେ ଡେଭିଡଙ୍କ ମୃତ ଦେହକୁ ୭୦ ଜଣଙ୍କ ସମ୍ମୁଖରେ ରଖାଯାଇଥିଲା । ଲୋକମାନେ ଏହି ମୃତଦେହକୁ ଦେଖିବା ପାଇଁ ୫୦୦ ଡଲାର ପର୍ଯ୍ୟନ୍ତ ଦେୟ ଦେଇଥିଲେ । ଏହା ଏକ ଭୟଙ୍କର ଦୃଶ୍ୟ ଥିଲା ଯେଉଁଠାରେ ଲୋକମାନେ ଶବ ବ୍ୟବେଚ୍ଛଦ ପାଇଁ ଟିକେଟ କିଣୁଥିଲେ । ମଲ୍ଟନୋମା କାଉଣ୍ଟିର ମୁଖ୍ୟ ମେଡିକୋଲୋଗାଲ୍ ମୃତ୍ୟୁ ଅନୁସନ୍ଧାନକାରୀ କିମ୍ବର୍ଲି ଡିଲିଓ କହିଛନ୍ତି ଯେ ସେ ଅକ୍ଟୋବର ୧୭ ପୂର୍ବରୁ ସାମ୍ଭବ୍ୟ ଘଟଣା ବିଷୟରେ ପୋର୍ଟଲାଣ୍ଡ ପୋଲିସ ବ୍ୟୁରୋ ଏବଂ ଓରେଗନ ମେଡିକାଲ ବୋର୍ଡକୁ ସୂଚନା ଦେଇଛନ୍ତି । ବର୍ତ୍ତମାନ କର୍ତ୍ତୁପକ୍ଷଙ୍କ ଦ୍ବାରା ଅନୁସନ୍ଧାନ କରାଯାଉଛି । ଡିଲିଓ କହିଛନ୍ତି ଯେ ସାଉଣ୍ଡର୍ସଙ୍କ ଶରୀରକୁ ଯେଉଁଭଳି ଭାବରେ ବ୍ୟବହାର କରାଯାଇଥିଲା ତାହା ଶବର ଅପବ୍ୟବହାର ବୋଲି ବିବେଚନା କରାଯାଇପାରେ । ଅନ୍ୟପଟେ ପୋର୍ଟଲାଣ୍ଡ ପୋଲିସ କହିଛି ଯେ ଶବ ବ୍ୟବଚ୍ଛେଦ ବେଳେ କୌଣସି ନିୟମ ଉଲ୍ଲଂଘନ କରାଯାଇନାହିଁ । ଏହା ନାଗରିକ ଆଇନ ଉଲ୍ଲଂଘନ ମାମଲା ହୋଇପାରେ ବୋଲି ସେ କହିଛନ୍ତି ।

ଦିଲୋ କହିଛନ୍ତି ଯେ ମୃତ୍ୟୁ ଅନୁସନ୍ଧାନକାରୀ ଭାବରେ କାର୍ଯ୍ୟ କରୁଥିବାବେଳେ ୨୦ ବର୍ଷ ମଧ୍ୟରେ ସେ ଏହା କେବେ ଦେଖି ନଥିଲେ । ଗଣମାଧ୍ୟମ ସହ କଥାବାର୍ତ୍ତା ସମୟରେ ସେ ଏହାକୁ ପରିବାର ପାଇଁ ବିପର୍ଯ୍ୟସ୍ତ ବୋଲି କହିଛନ୍ତି।  ସେମାନଙ୍କ ପ୍ରିୟଜନଙ୍କ ମୃତ୍ୟୁରେ ଶୋକ କରିବା ପାଇଁ, ସେମାନଙ୍କ ପ୍ରିୟଜନଙ୍କ ମୃତଦେହ ଭଙ୍ଗାରୁଜା କରିବା ଆବଶ୍ୟକ ଏବଂ ବର୍ତ୍ତମାନ ଏହା ତାଙ୍କର ଶେଷ ସ୍ମୃତି ପାଲଟିଛି | ଅନ୍ୟପକ୍ଷରେ ଏହି ଘଟଣା ସାମ୍ନାକୁ ଆସିବା ପରେ ସାଉଣ୍ଡର୍ସଙ୍କ ପତ୍ନୀ କହିଛନ୍ତି ଯେ ଯେତେବେଳେ ସେ ତାଙ୍କ ସ୍ୱାମୀଙ୍କ ଶରୀରକୁ ମେଡ ଏଡ୍ ଲ୍ୟାବ୍ସରେ ଦାନ କରିଥିଲେ, ସେତେବେଳେ ତାଙ୍କୁ କୁହାଯାଇଥିଲା ଯେ ଲାସ୍ ଭେଗାସ୍ ଭିତ୍ତିକ କମ୍ପାନୀ ତାଙ୍କ ଶରୀରକୁ ଅନୁସନ୍ଧାନ ପାଇଁ ବ୍ୟବହାର କରିବ। ଏବଂ ଶେଷ ରୀତିନୀତି ପାଇଁ ତାଙ୍କ ଅବଶିଷ୍ଟାଂଶ ସେମାନଙ୍କ ନିକଟକୁ ଫେରାଇ ଦେବ | ସେ ଜାଣି ନଥିଲେ ଯେ ଏକ ହୋଟେଲରେ ଦର୍ଶକଙ୍କ ସାମ୍ନାରେ ତାଙ୍କ ସ୍ୱାମୀଙ୍କ ଶରୀର ପରୀକ୍ଷା କରାଯିବ। ସାଉଣ୍ଡର୍ସଙ୍କ ପତ୍ନୀ ଏଲସି ସାଉଣ୍ଡର୍ସ ଆଡଭୋକେଟ୍ ଖବରକାଗଜକୁ କହିଛନ୍ତି ଯେ ଏହା ଭୟଙ୍କର ଏବଂ ଅନୈତିକ ଅଟେ ଏବଂ ମୋର ଏହା ବିଷୟରେ କହିବାକୁ  କୌଣସି ଶବ୍ଦ ନାହିଁ।

ଦୀପାବଳିରେ ପ୍ରଭୁ ଶ୍ରୀ ରାମ ଅଯୋଧ୍ୟାକୁ ଫେରିଥିଲେ, ତେବେ ଏହିଦିନ ଲକ୍ଷ୍ମୀ-ଗଣେଶ ପୂଜା କାହିଁକି ହୁଏ?  

ଭୁବନେଶ୍ୱର: ଗତ ୪ ନଭେମ୍ବରେ ସାରା ଦେଶ ପାଳିଛି ଆଲୋକର ପର୍ବ ଦୀପାବଳୀ। ସମସ୍ତେ ଜାଣନ୍ତି ଯେ ମର୍ଯ୍ୟାଦା ପୁରୁଷ ଶ୍ରୀ ରାମ ବିଜୟା ଦଶମୀରେ ଲଙ୍କା ବିଜୟ କରି ଦୀପାବଳିରେ ଅଯୋଧ୍ୟା ପହଞ୍ଚିଥିଲେ। ୧୪ ବର୍ଷ ବନବାସ ପରେ ପ୍ରଭୁ ଶ୍ରୀରାମ, ଲକ୍ଷ୍ମଣ ଓ ମାତା ସୀତା ଅଯୋଧ୍ୟାକୁ ଫେରିଥିବାରୁ ତାଙ୍କୁ ସ୍ୱାଗତ କରିବା ପାଇଁ ପ୍ରଜାଗଣ ସମ୍ପୂର୍ଣ୍ଣ ଅଯୋଧ୍ୟାକୁ ଦୀପରେ ସଜାଇଥିଲେ। ବାସ ସେହି ଦିନରୁ ଏହି ପରମ୍ପରା ଚାଲିଆସିଛି । କିନ୍ତୁ ଆପଣ ଲକ୍ଷ କରିଥିବେ ଯେ ଦୀପାବଳୀ ଦିନ ପ୍ରାୟ ଲୋକଙ୍କ ଘରେ ଲକ୍ଷ୍ମୀ ଓ ଗଣେଶଙ୍କୁ ପୂଜା ହୋଇଥିବ। ତେବେ ଏଇଠି ପ୍ରଶ୍ନ ଉଠେ ଯେ ଯଦି ଦୀପାବଳୀ ପ୍ରଭୁ ରାମଙ୍କ ପାଇଁ ପାଳନ ହୁଏ ତେବେ ଏହିଦିନ ଲକ୍ଷ୍ମୀ ଓ ଗଣେଷଙ୍କୁ କାହିଁକି ପୂଜା କରାଯାଏ । ଆସନ୍ତି ଏହି ବିଷୟରେ ଜାଣିବା ।

ତେବେ ଆମେ ପ୍ରଥମରୁ କହି ରଖୁଛୁ ଯେ , ଦୀପାବଳିରେ ଲକ୍ଷ୍ମୀ ପୂଜା ପଛରେ ଅନେକ କାହାଣୀ ରହିଛି । ତେଣୁ ସ୍ପଷ୍ଟ ଭାବେ ଏହା କହିବା ଅସମ୍ଭବ ଯେ ଏହିଦିନ କଣପାଇଁ ଗଣେଶ ଓ ଲକ୍ଷ୍ମୀଙ୍କୁ ପୂଜା କରାଯାଏ ।

ପ୍ରଥମତଃ ଦୀପାବଳିକୁ ହେଉଛି ଆଲୋକ, ଉତ୍ସାହ ଓ ସମୃଦ୍ଧିର ପର୍ବ । କୁହାଯାଏ ଯେ ସମୁଦ୍ର ମନ୍ଥନ ବେଳେ ଏହିଦିନ ମାତା ଲକ୍ଷ୍ମୀଙ୍କର ଆଭିର୍ଭାବ ହୋଇଥିଲା । ତେଣୁ ସମସ୍ତେ ଏହିଦିନ ମାତା ଲକ୍ଷ୍ମୀଙ୍କୁ ପ୍ରସନ୍ନ କରିବା ପାଇଁ ଓ ତାଙ୍କର ଆଶୀଷ ଲାଭ ପାଇଁ ପୂଜାର୍ଚ୍ଚନା କରିଥାନ୍ତି ।  ହେଲେ ଏଠି ପ୍ରଶ୍ନ ଉଠେ ଯେ ଲକ୍ଷ୍ମୀଙ୍କ ସହ ଗଣେଶଙ୍କୁ କାହିଁକି ପୂଜା କରାଯାଏ ?

ଧାର୍ମିକ ମାନ୍ୟତାନୁସାରେ ଧନ ଦେବୀ ହେଉଛନ୍ତି ମା ଲକ୍ଷ୍ମୀ । ତାଙ୍କ କୃପାରୁ ବ୍ୟକ୍ତିଙ୍କୁ ଧନ ସମ୍ପତି ପ୍ରାପ୍ତ ହୋଇଥାଏ । ଲକ୍ଷ୍ମୀଙ୍କ ଅନ୍ୟ ଏକ ନାଁ ଚଞ୍ଚଳା, ଲକ୍ଷ୍ମୀଙ୍କୁ ଗୋଟିଏ ସ୍ଥାନରେ ରଖିବା ବେଶ୍ କଷ୍ଟ କର । ଯଦି ଲକ୍ଷ୍ମୀଙ୍କୁ ନିଜ ପାଖରେ ରଖିବାର ଅଛି ତେବେ ନିଜ ବୁଦ୍ଧି ଓ ବିବେକର ପ୍ରୟୋଗ କରିବାକୁ ପଡିଥାଏ ଯାହାକି ପ୍ରଭୁ ଶ୍ରୀ ଗଣେଶଙ୍କ ଆଶୀର୍ବାଦରୁ ଲାଭ ହୋଇଥାଏ । ତେଣୁ ଲକ୍ଷ୍ମୀଙ୍କ ସହ ଗଣେଶଙ୍କୁ ପୂଜା କରାଯାଇଥାଏ। ସେଥିପାଇଁ ଲକ୍ଷ୍ମୀଙ୍କ ସହିତ ଗଣେଶ ଭଗବାନଙ୍କ ପୂଜା କରାଯାଇଥାଏ ।

ଦୀପାବଳିରେ ଲକ୍ଷ୍ମୀ ଓ ଗଣେଶଙ୍କୁ ଏକାଠି ପୂଜା କରିବା ପଛରେ ଆଉ ଏକ ପୌରାଣିକ କଥା ମଧ୍ୟ ପ୍ରଚଳିତ।  ଥରେ ମା’ ଲକ୍ଷ୍ମୀଙ୍କୁ ନିଜ ଉପରେ ଅଭିମାନ ହେଲା ଯେ ଧନ ପ୍ରାପ୍ତି ପାଇଁ ସାରା ସଂସାର ତାଙ୍କ ପୂଜା କରୁଛି ଏବଂ ତାଙ୍କୁ ପାଇବା ପାଇଁ ଲୋଭ କରୁଛି। ମାତା ଲକ୍ଷ୍ମୀଙ୍କର ଏହି ଅଭିମାନକୁ ଭଗବାନ ବିଷ୍ଣୁ ଜାଣିପାରିଲେ ଏବଂ ତାଙ୍କ ଅହଂକାରକୁ ଦୂର କରିବା ପାଇଁ ମାତା ଲକ୍ଷ୍ମୀଙ୍କୁ କହିଲେ ଯେ, ହେ ଦେବୀ ସାରା ସଂସାର ଆପଣଙ୍କ ପୂଜା କରୁଛି ଏବଂ ଆପଣଙ୍କୁ ପାଇବାକୁ ବ୍ୟାକୁଳ ହେଉଛି ସତ କିନ୍ତୁ ଆପଣ ଏପର୍ଯ୍ୟନ୍ତ ଅପୂର୍ଣ୍ଣ ।

ଭଗବାନ ବିଷ୍ଣୁଙ୍କ ଏହି କଥା ଶୁଣି ତାଙ୍କୁ ତାଙ୍କର ଅପୂର୍ଣ୍ଣତା ବିଷୟରେ ଜାଣିବା ପାଇଁ ମା ଲକ୍ଷ୍ମୀ ପଚାରିଲେ, ସେତେବେଳେ ଭଗବାନ ବିଷ୍ଣୁ କହିଲେ କି, ଯେପର୍ଯ୍ୟନ୍ତ କୌଣସି ସ୍ତ୍ରୀ ମା ହୋଇନାହିଁ ସେପର୍ଯ୍ୟନ୍ତ ସେ ଅପୂର୍ଣ୍ଣ । ଆପଣ ନିସନ୍ତାନ ହେବା ଯୋଗୁ ଅପୂର୍ଣ୍ଣ । ଏହାପରେ ମାତା ଦୁଃଖିତ ହୋଇ ତାଙ୍କର ସମସ୍ତ ପୀଡା ସଖୀ ପାର୍ବତୀଙ୍କୁ ଜଣାଇଲେ। ଏହାପରେ ମା ଲକ୍ଷ୍ମୀଙ୍କ ଦୁଃଖ ଦୂର କରିବା ଉଦ୍ଦ୍ୟେଶରେ ପାର୍ବତୀ ତାଙ୍କ ପୁତ୍ର ଗଣେଶଙ୍କୁ ମା ଲକ୍ଷ୍ମୀଙ୍କୁ ଦେଇଥିଲେ । ଗଣେଶଙ୍କୁ ପୋଷ୍ୟପୁତ୍ର ରୂପେ ପାଇ ମାତା ଲକ୍ଷ୍ମୀ ଖୁସୀ ହୋଇ ସେ ଗଣେଶଙ୍କୁ ବରଦାନ ଦେଲେ କି, ଯେଉଁ ବ୍ୟକ୍ତି ମୋ ପୂଜା ସହିତ ତୁମର ବି ପୂଜା କରିବ ମୁଁ ସର୍ବଦା ତାଙ୍କ ସହିତ ରହିବି। ସେଥିପାଇଁ ମାତା ଲକ୍ଷ୍ମୀଙ୍କ ସହିତ ତାଙ୍କ ପୋଷ୍ୟପୁତ୍ର ଗଣେଶଙ୍କୁ ପୂଜା କରାଯାଏ।