spot_img
Home Blog Page 5130

ଜୁନାଗଡ଼ରେ ବିଜେଡ଼ିର ଶକ୍ତି ପ୍ରଦର୍ଶନ, ଶଙ୍ଖ ପୁଙ୍କିଲେ ଶତାଧିକ ବିରୋଧି କର୍ମୀ

କଳାହାଣ୍ଡି:  ଜୁନାଗଡ଼ରେ ବିଜେଡିର ମିଶ୍ରଣ ପର୍ବ । ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଉପସ୍ଥିତିରେ ଜୁନାଗଡ଼ ଓ ଧର୍ମଗଡ ନିର୍ବାଚନମଣ୍ଡଳୀର ଅନେକ ବିରୋଧି ଦଳର ନେତା ଓ କର୍ମୀ ଆନୁଷ୍ଠାନିକ ଭାବେ ବିଜେଡ଼ିରେ ଯୋଗଦାନ କରିଛନ୍ତି  । ବହୁ ବିଜେପି ଓ କଂଗ୍ରେସ କର୍ମୀ ଆଜି ଶଙ୍ଖ ଫୁଙ୍କିଛନ୍ତି  ।

ପ୍ରଣବ ପ୍ରକାଶ ଦାସଙ୍କ ସହ ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ର, ରାଜ୍ୟସଭା ସଦସ୍ୟ ସୁଜିତ୍ କମାର, ଧର୍ମଗଡ ବିଧାୟକ ମୌଷଧି ବାଗ, ଲାଞ୍ଜିଗଡ ବିଧାୟକ ପ୍ରଦୀପ ଦିଶାରୀ ଓ ବିଜେଡି ଜିଲ୍ଲା ସଭାପତି ପୁଷ୍ପେନ୍ଦ୍ର ସିଂହଦେଓ ମଧ୍ୟ ଏହି କାର୍ଯ୍ୟକ୍ରମରେ ଉପସ୍ଥିତ ରହିଥିଲେ ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କାର୍ଯ୍ୟଧାରା, ବଳିଷ୍ଠ ବ୍ୟକ୍ତିତ୍ୱ, ନିର୍ମଳ ଭାବମୂର୍ତ୍ତୀ ଦ୍ୱାରା ପ୍ରଭାବିତ ହୋଇଥିବା କହିଛନ୍ତି ବିଜେଡ଼ିରେ ଯୋଗଦେଇଥିବା କର୍ମୀ ଓ ନେତା  । ଆଗାମୀ ଦିନରେ ବିଜୁ ଜନତା ଦଳକୁ ମଜଭୁତ କରିବା ସହ ପଞ୍ଚାୟତ ନିର୍ବାଚନରେ ଦଳକୁ ବିଜୟ କରିବାର ସଂକଳ୍ପ ନେଇଛନ୍ତି କର୍ମୀ  ।

ଆକ୍ରମଣରୁ ଅଳ୍ପକେ ବର୍ତ୍ତିଲେ ଇରାକ ପ୍ରଧାନମନ୍ତ୍ରୀ, ବାସଭବନକୁ ଡ୍ରୋନ ଆଟାକ୍

ବାଗଦାଦ: ଆକ୍ରମଣରୁ ଅଳ୍ପକେ ବର୍ତ୍ତିଲେ ଇରାକ ପ୍ରଧାନମନ୍ତ୍ରୀ ମୁସ୍ତାପା ଅଲ କାଦିମି । ବାଗଦାଦସ୍ଥିତ ତାଙ୍କ ପ୍ରାସାଦ ଉପରେ ଏକ ବିସ୍ଫୋରକ ସାମଗ୍ରୀ ପରିବାହୀ ଡ୍ରୋନ ମାଡ ହେବା ସତ୍ତ୍ବେ ସେ ବର୍ତ୍ତିଯାଇଛନ୍ତି । ପ୍ରଧାନମନ୍ତ୍ରୀଙ୍କୁ ହତ୍ୟା କରିବା ଲାଗି ଏହି ଯୋଜନା ହୋଇଥିଲା ବୋଲି କହିଛି ସାମରିକ ବିଭାଗ । ତେବେ ଏହି ଘଟଣାରେ କାଦିମିଙ୍କ କିଛି ଅଙ୍ଗ ରକ୍ଷକ ଆହତ ହୋଇଛନ୍ତି ।

ଗତ ସାଧାରଣ ନିର୍ବାଚନ ପରେ ତାଙ୍କୁ ଟାର୍ଗେଟରେ ରଖାଯାଇଥିବା କୁହାଯାଇଛି । ସାଧାରଣ ନିର୍ବାଚନରେ ଅନିମିୟତତା କାରଣକୁ ନେଇ ଏହି ଆକ୍ରମଣ ଘଟିଥିବା କୁହାଯାଇଛି । ଏହି ଘଟଣା ଲାଗି କୌଣସି ସଂଗଠନ ନିଜକୁ ଦାୟୀ କରିନାହାନ୍ତି । ଗ୍ରୀନ ଜୋନ ଅଞ୍ଚଳରେ ଏହି ଆକ୍ରମଣ ଘଟିବା ଯୋଗୁ ଆତଙ୍କ ପ୍ରକାଶ ପାଇଛି । ପ୍ରାସାଦ ଉପରେ ଆକ୍ରମଣ ସତ୍ତ୍ବେ ପ୍ରଧାନମନ୍ତ୍ରୀ ଠିକ୍ ଅଛନ୍ତି ବୋଲି ପ୍ରଧାନମନ୍ତ୍ରୀ କାର୍ଯ୍ୟାଳୟ ପକ୍ଷରୁ କୁହାଯାଇଛି ।

ନେଟ୍ ରନ ରେଟ୍ କ’ଣ ? କିପରି ହିସାବ କରାଯାଏ ନେଟ୍ ରନ ରେଟ୍, ଜାଣନ୍ତୁ…

ଦୁବାଇ: ଚଳିତ ଟି-୨୦ ବିଶ୍ବକପରେ ଦକ୍ଷିଣ ଆଫ୍ରିକା ୫ଟି ମ୍ୟାଚରୁ ଚାରୋଟି ମ୍ୟାଚରେ ବିଜୟ ଲାଭ କରିଥିଲା ।  କିନ୍ତୁ ଦକ୍ଷିଣ ଆଫ୍ରିକା ଚଳିତ ବିଶ୍ବକପରେ ସେମିଫାଇନାଲକୁ ଯାଇ ପାରିଲା ନାହିଁ । ଏହା ବାସ୍ତବରେ ଆଶ୍ଚର୍ଯ୍ୟଜନକ, କିନ୍ତୁ ଏହା ହେଉଛି କ୍ରିକେଟ । ଏହା ହେଉଛି ନେଟ ରନ ରେଟର ଖେଳ । ଏହି ଟି-୨୦ ବିଶ୍ବକପରେ ନେଟ୍ ରନ ରେଟ ହାର ଉପରେ ଅନେକ ଆଲୋଚନ ହେଉଛି । ନେଟ ରନ ରେଟ୍ ଫଳରେ ଚଳିତ ବିଶ୍ବକପର ସେମିଫାଇନାଲକୁ ଯାଇ ପାରିନଥିଲା ଦକ୍ଷିଣ ଆଫ୍ରିକା । ଚଳିତ ଟି-୨୦ ବିଶ୍ବକପରେ ଦମଦାର ପ୍ରଦର୍ଶନ ସତ୍ତ୍ବେ ଟପ୍-୪ରେ ନିଜର ସ୍ଥାନ ପକ୍କା କରିପାରିନଥିଲା ଦକ୍ଷିଣ ଆଫ୍ରିକା । ଇଂଲଣ୍ଡ, ଦକ୍ଷିଣ ଆଫ୍ରିକା ଓ ଅଷ୍ଟ୍ରେଲିଆର ପ୍ରତ୍ୟେକ ଆଠ ପଏଣ୍ଟ ହାସଲ କରିଥିଲେ । କିନ୍ତୁ ସେମିଫାଇନାଲ ପାଇଁ କେବଳ ଇଂଲଣ୍ଡ ଓ ଅଷ୍ଟ୍ରେଲିଆ ସେମିଫାଇନାଲକୁ ପ୍ରବେଶ କରିଥିଲେ । କାରଣ ଦକ୍ଷିଣ ଆଫ୍ରିକାର ନେଟ୍ ରନ ରେଟଠାରୁ ଇଂଲଣ୍ଡ ଓ ଅଷ୍ଟ୍ରେଲିଆର ରନ ରେଟ୍ ଭଲ । ତେଣୁ ଏହି କାରଣରୁ ଚଳିତ ଟି-୨୦ ବିଶ୍ବକପରେ ନିଜର ଅଭିଯାନ ଶେଷ କରିଛି ଦକ୍ଷିଣ ଆଫ୍ରିକା । ତେବେ ଗ୍ରୁପ୍-୨ କଥା ଯଦି କହିବା ତାହାଲେ ଗ୍ରୁପ୍-୨ରେ ମଧ୍ୟ ସମାନ ପରିସ୍ଥିତି । ଗ୍ରୁପ୍-୨ରୁ ପାକିସ୍ତାନ ସେମିଫାଇନାଲର ଟିକେଟ ହାସଲ କରିସାରିଥିବାବେଳେ ଦ୍ବିତୀୟ ସ୍ଥାନ ପାଇଁ ନ୍ୟୁଜିଲାଣ୍ଡ, ଭାରତ ଓ ଆଫଗାନିସ୍ତାନ ମଧ୍ୟରୁ କିଏ ଯିବ ସେମିଫାଇନାଲକୁ ସେଥିପାଇଁ କଡ଼ା ଟକ୍କର ଦେଖିବାକୁ ମିଳୁଛି ।

ତେବେ ଏଠାରେ ଏକ ବଡ଼ ପ୍ରଶ୍ନ ସମସ୍ତଙ୍କ ମନରେ କି ନେଟ୍ ରନ ରେଟ କ’ଣ ପାଇଁ ବ୍ୟବହାର ହୁଏ ଓ କିପରି ଏହି ନେଟ୍ ରନ ରେଟ୍ ହିସାବ କରାଯାଏ । ଗ୍ରୁପ୍ ପର୍ଯ୍ୟାୟରେ ବିଭିନ୍ନ ଦଳଗୁଡିକ ଏକା ପଏଣ୍ଟରେ ଥିବାବେଳେ କେଉଁ ଦଳ ପ୍ରଥମ, ଦ୍ବିତୀୟ ସ୍ଥାନରେ ରହିବା ସେଥିପାଇଁ ନେଟ୍‌ ରନ ରେଟ ବ୍ୟବହୃତ ହୁଏ । ତେବେ କିପରି ଗଣନା କରାଯାଏ ଏହି ନେଟ ରନ ରେଟ ଆସନ୍ତୁ ଜାଣିବା ।

ନେଟ ରନ ରେଟ୍ = ମୋଟ ରନ ସ୍କୋର/ ମୋଟ ଓଭର ବୋଲିଂ – ମୋଟ ରନ ସ୍କୋର ବ୍ୟୟ/ ମୋଟ ଓଭର ବୋଲିଂ

ତେବେ ଆସନ୍ତୁ ଦେଖିବା ଚାରୋଟି ମ୍ୟାଚ ଖେଳିବା ପରେ କେତେ ଅଛି ଭାରତର ନେଟ୍ ରନ ରେଟ ଓ କିପରି ହିସାବ କରାଯାଇଛି । ଭାରତ ତା’ର ପ୍ରଥମ ଚାରୋଟି ମ୍ୟାଚରେ ରନ ସ୍କୋର କରିଛି ଯଥାକ୍ରମେ;

ପାକିସ୍ତାନ ବିପକ୍ଷରେ ୧୫୧/୭ – ୨୦ ଓଭର

ନ୍ୟୁଜିଲାଣ୍ଡ ବିପକ୍ଷରେ ୧୧୦/୭ – ୨୦ ଓଭର

ଆଫଗାନିସ୍ତାନ ବିପକ୍ଷରେ ୨୧୦/୨ – ୨୦ ଓଭର

ସ୍କଟଲାଣ୍ଡ ବିପକ୍ଷରେ ୮୯/୨ – ୬.୩ ଓଭର

ତେବେ ଭାରତ ଚଳିତ ବିଶ୍ବକପରେ ୬୬.୩ ଓଭରରେ ୫୬୦ ରନ ସଂଗ୍ରହ କରିଥିଲା । କିନ୍ତୁ ହିସାବ କରିବାକୁ ଏହାକୁ ୬୬.୫ ଓଭର ଲେଖାଯିବ ।

ଭାରତ ଦ୍ବାରା ମୋଟ ରନ ସ୍କୋର = ୫୬୦/୬୬.୫ = ୮.୪୨

ତେବେ ଭାରତ ବିପକ୍ଷରେ ଅନ୍ୟ ଦଳ କରିଥିବା ରନ ସ୍କୋର ହେଉଛି,

ପାକିସ୍ତାନ- ୧୫୨/୦ – ୧୭.୫ ଓଭର

ନ୍ୟୁଜିଲାଣ୍ଡ- ୧୧୧/୨ – ୧୪.୩ ଓଭର

ଆଫଗାନିସ୍ତାନ – ୧୪୪/୭ – ୨୦ ଓଭର

ସ୍କଟଲାଣ୍ଡ – ୮୫/୧୦ – ୧୭.୪ ଓଭର

ବିପକ୍ଷ ଦଳ ଭାରତ ସହ ମୋଟ ୭୨.୨ ଓଭରରେ ୪୯୨ ରନ କରିଛି । ତେବେ ହିସାବ ପାଇଁ ଏହାକୁ ୭୨.୩୩ ଓଭର ଲେଖାଯିବ ।

ବିପକ୍ଷ ଦଳ ମୋଟ ରନ କରିଛି – ୪୯୨/୭୨.୩୩ = ୬.୮୦୨

ତେବେ ଭାରତର ମୋଟ ରନ୍ ରେଟ ହେଉଛି ୮.୪୨୧ – ୬.୮୦୨ = ୧.୬୧୯

ଏହି ସ୍ଥିତିରେ ଆଜି ନ୍ୟୁଜିଲାଣ୍ଡ ଓ ଆଫଗାନିସ୍ତାନ ମ୍ୟାଚରେ ଯଦି ନ୍ୟୁଜିଲାଣ୍ଡ ବିଜୟ ଲାଭ କରେ ତେବେ ଭାରତ ପାଇଁ ଏହି ରନ ରେଟ ଆଉ ଆବଶ୍ୟକତା ପଡ଼ିବ ନାହିଁ । କାହିଁକି ନା ନ୍ୟୁଜିଲାଣ୍ଡ ୮ ପଏଣ୍ଟ ସହ ସିଧାସଳଖ ସେମିଫାଇନାଲକୁ ଯିବ । କିନ୍ତୁ ଯଦି ଆଜିର ମ୍ୟାଚକୁ ଆଫଗାନିସ୍ତାନ ନ୍ୟୁଜିଲାଣ୍ଡକୁ ପରାସ୍ତ କରେ ତେବେ ଏହା ଅତ୍ୟନ୍ତ ରୋମାଞ୍ଚକର ହେବ । କାହିଁକି ନା ନ୍ୟୁଜିଲାଣ୍ଡ, ଆଫଗାନିସ୍ତାନ ଓ ଭାରତ ପ୍ରତ୍ୟେକ ୬ ପଏଣ୍ଟ ପାଇବେ । ଏହା ପରେ ନେଟ୍ ରନ ରେଟ ଆଧାରରେ କେଉଁ ଦଳ ସେମିଫାଇନାଲକୁ ଯିବ ତାହା ସ୍ଥିର ହେବ ।

ମନରେଗା ପ୍ରସଂଗରେ ବିଜେପିକୁ ବିଜେଡିର କଡ଼ା ଜବାବ: ‘୭୪୬ କୋଟି ଟଙ୍କା ଦେଇନି କେନ୍ଦ୍ର, କାମ କେମିତି ଦିଆଯିବ’

ଭୁବନେଶ୍ୱର: ମନରେଗା ନେଇ ଓଡ଼ିଶା ସମ୍ପର୍କରେ ବିଜେପି ମିଥ୍ୟା ତଥ୍ୟ ଦେଇଛି । ଏଥିପାଇଁ ବିଜେପି ଉପରେ ବର୍ଷିଛନ୍ତି ବିଜେଡି ସାଂସଦ ଅମର ପଟ୍ଟନାୟକ । ସେ କହିଛନ୍ତି, ମନରେଗାର ବର୍ତ୍ତମାନ ସ୍ଥିତି ନେଇ ବିଜେପିର ଜ୍ଞାନ ନାହିଁ। ପୂର୍ବରୁ ଅର୍ଦ୍ଧସତ୍ୟ କହିଥିଲେ, ଏବେ ବି ଦୋହରାଉଛନ୍ତି । 29 ଅକ୍ଟୋବରରେ ଜାତୀୟ ଗଣମାଧ୍ୟମ ହିନ୍ଦୁରେ ରିପୋର୍ଟ ବାହାରିଥିଲା ଯେ ଏପର୍ଯ୍ୟନ୍ତ 21ଟି ରାଜ୍ୟକୁ ମନରେଗା ଅର୍ଥ ଯାଇନାହିଁ ।

8 ହଜାର 686 କୋଟିର ନେଗେଟିଭ ବାଲାନ୍‌ସ କେନ୍ଦ୍ର ବଜେଟରେ ଦେଖାଉଛି । କାରଣ ଟଙ୍କା ନାହିଁ । ଓଡ଼ିଶାର ଏପ୍ରିଲରୁ 746 କୋଟି ଟଙ୍କା ମିଳିନି । ଟଙ୍କା ତ ଆସିନି । ଲୋକଙ୍କୁ କାମ କେମିତି ଦିଆଯିବ ବୋଲି ବିଜେଡି ସାଂସଦ ଅମର ପଟ୍ଟନାୟକ ପ୍ରଶ୍ନ କରିଛନ୍ତି ? ସେ କହିଛନ୍ତି, ଅଡିଟ ରିପୋର୍ଟ କଥା ବିଜେପି କହୁଛି। ହେଲେ ଖର୍ଚ୍ଚ ହେବା ପରେ ତ ଅଡିଟ ରିପୋର୍ଟ ଦିଆଯାଏ। ଅକ୍ଟୋବର ୩୦ଯାଏ ପୂର୍ବ ବର୍ଷର ଖର୍ଚ୍ଚ ରିପୋର୍ଟ ଦିଆଯିବା କଥା। ୧ ତାରିଖରେ ଓଡ଼ିଶା ଦେଇଛି । ଏହା ସହ UCର ସମ୍ପର୍କ ନାହିଁ । ଓଡ଼ିଶାର ୩୦ ଜିଲ୍ଲାରୁ ୨୨ଟି ଜିଲ୍ଲାରେ Ombudsman ଅଛନ୍ତି । ବିଜେପି ଲୋକଙ୍କୁ ବିଭ୍ରାନ୍ତ କରୁଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯେଉଁ ଚିଠି ପ୍ରଧାନମନ୍ତ୍ରୀଙ୍କୁ ଲେଖିଛନ୍ତି ତାହା ଯଥାର୍ଥ ଥିଲା। ତେଣୁ ଟଙ୍କା ଆସିଲା। ଯେଉଁ ଅର୍ଥ ଦେବାର ଥିଲା, ତାହା ନଦେବାରୁ ମୁଖ୍ୟମନ୍ତ୍ରୀ ଚିଠି ଲେଖିଥିଲେ। ବିଜେପି ଯାହା କହୁଛି, ସେଥିରେ କୌଣସି ସତ୍ୟାସତ୍ୟ ନାହିଁ। ଅବାନ୍ତର ଓ ମିଥ୍ୟା କଥା ବିଜେପି ନେତା କହୁଥିବା ବିଜେଡି ସାଂସଦ ଅମର ପଟ୍ଟନାୟକ କହିଛନ୍ତି ।

ଏଥିସହିତ ପଢ଼ନ୍ତୁ: ୮ ମାସ ପରେ ମିଳିଲା ନିଖୋଜ ବ୍ୟକ୍ତିଙ୍କ କଙ୍କାଳ: ୫ ଜଣଙ୍କୁ ଗିରଫ କଲା ପୋଲିସ

୭୦୦ କୋଟିର ମାଲିକ କମଲ ହାସନ

ଭାରତୀୟ ସିନେମାରେ ଜଣେ ବିଶେଷ ପରିଚିତ ବ୍ୟକ୍ତି ଭାବେ ଜଣାଶୁଣା କମଲ ହାସନ  । ଯିଏ କି ଏକାସାଙ୍ଗେ ଜଣେ ଅଭିନେତା, ନୃତ୍ୟଶିଳ୍ପୀ, ନିର୍ଦ୍ଦେଶକ ତଥା ପ୍ରଯୋଜକ  । ତାମିଲ ସିନେମା ବ୍ୟତୀତ ସେ ତେଲୁଗୁ, ହିନ୍ଦୀ, ମାଲାୟଲମ୍, କନ୍ନଡ଼ ଏବଂ ବଙ୍ଗଳା ଚଳଚ୍ଚିତ୍ରରେ ମଧ୍ୟ ଅଭିନୟ କରିଛନ୍ତି  । ଅକ୍ଟୋବର ୭ରେ କମଲ ହାସନଙ୍କ ଜନ୍ମଦିନ ଅର୍ଥାତ୍ କମଲ ଆଜି ୬୭ ବର୍ଷରେ ପାଦଦେଲେ  । ସେ ୪ଟି ନ୍ୟାସନାଲ ଆୱାର୍ଡ ପାଇଥିବା ବେଳେ ୧୯ଟି ଫିଲ୍ମ ଫେୟାର ଆୱାର୍ଡର ଅଧିକାରୀ  ।

କମଲ ହାସନ ନିଜ କ୍ୟାରିୟର ଏକ ତାମିଲ ଚଳଚ୍ଚିତ୍ର କଲାଇମମାନୀରୁ ଆରମ୍ଭ କରିଥିବା ବେଳେ ଏଥିରେ ସେ ଏକ ଚାଇଲ୍ଡ ଆକ୍ଟର ଭାବେ କାମ କରିଥିଲେ  । ମାତ୍ର ବର୍ତ୍ତମାନ ସେ କୋଟିଏ ସମ୍ପତ୍ତିର ଅଧିକାରୀ । ଏଥିସହ କମଲଙ୍କ ପାଖରେ ରହିଛି ନାମୀଦାମୀ କାରର କଲେକସନ  । ଆସନ୍ତୁ ଜାଣିବା କମଲଙ୍କ ଲଗଜରୀ କାର ବିଷୟରେ :

କୋଟିଏ ସମ୍ପତ୍ତିର ମାଲିକ କମଲ ହାସନଙ୍କୁ ଲଗଜରୀ କାର ପସନ୍ଦ  । କମଲଙ୍କ ପାଖରେ ହମର, ଅଡ଼ୀ, ଲିମୋଜିନ ଭଳି ନାମୀଦାମୀ ଗାଡ଼ି ରହିଛି  । ଏହି ତିନୋଟି ଗାଡ଼ି ଦାମ୍ କୋଟିଏ ଉପରେ  ।

୬୫୦ କୋଟିର ମାଲିକ :

ଗଣମାଧ୍ୟମ ରିପୋର୍ଟ ଅନୁଯାୟୀ କମଲଙ୍କ ମୋଟ ସମ୍ପତ୍ତି ୧୦୩ ମିଲିୟନ ଡଲାର ଉପରେ  । ଯାହା ଭାରତୀୟ ମୁଦ୍ରା ଅନୁସାରେ ପାଖାପାଖି ୭୦୦ କୋଟି ଟଙ୍କା  ।  କମଲ ହାସନ ୧୯୯୪ ମସିହାରେ ଏକ ଚଳଚ୍ଚିତ୍ର ପାଇଁ ୧ କୋଟି ଟଙ୍କା ରାଶି ନେଇଥିଲେ  ।  ଯାହା ଭାରତୀୟ ଚଳଚ୍ଚିତ୍ରରେ ପ୍ରଥମ, ଯିଏ ଏତେ ରାଶିର ଟଙ୍କା ନେଇଥିଲେ  । ଚଳଚ୍ଚିତ୍ର ବ୍ୟତୀତ କମଲଙ୍କର ମୁଖ୍ୟ ରୋଜଗାର ବିଜ୍ଞାପନ  । ଯେଉଁଥିରୁ ସେ କୋଟି କୋଟି ଟଙ୍କା ରୋଜଗାର କରୁଛନ୍ତି  । ସେ ଚେନ୍ନାଇର ଏକ ବିଳାସମୟ ବଙ୍ଗଳାରେ ରହୁଥିବା ବେଳେ ତାଙ୍କ ବଙ୍ଗଳାର ମୂଲ୍ୟ ୩୦ କୋଟି ଟଙ୍କା  । କେବଳ ଏତିକି ନୁହେଁ ଲଣ୍ଡନରେ ମଧ୍ୟ ତାଙ୍କର ଅନେକ ସମ୍ପତ୍ତି ରହିଥିବା କୁହାଯାଉଛି  ।

 

ନୂଆପଡ଼ାରେ ଭୁଶୁଡ଼ୁଛି ମାଓଗଡ଼: ସିଆରପିଏଫ୍‌କୁ ଧନ୍ୟବାଦ ଦେଲେ ପୋଲିସ ଡିଜି

ନୂଆପଡ଼ା: ଜିଲ୍ଲାରେ ଭୁଶୁଡୁଛି ମାଓଗଡ଼ । ଏଥିପାଇଁ ପୋଲିସ ଓ ସିଆରପିଏଫକୁ ଧନ୍ୟବାଦ ଦେଲେ ପୋଲିସ ଡିଜି ଅଭୟ । ପୋଲିସ ଡିଜି ଅଭୟ ଆଜି ଦିନିକିଆ ନୂଆପଡ଼ା ଗସ୍ତରେ ଯାଇ ଖରିଆର ରୋଡ୍‌ ଏୟାର ଷ୍ଟ୍ରିପରେ ଓହ୍ଲାଇଥିଲେ ।

ଏସପି କାର୍ଯ୍ୟାଳୟରେ ପହଞ୍ଚି ଏସପି ପ୍ରତ୍ୟୁଷ ଦିବାକର ଓ ଉତ୍ତର ପଶ୍ଚିମାଞ୍ଚଳ ଡିଆଇଜି ରାଜେଶ ପଣ୍ଡିତଙ୍କ ସହ ସେ ଆଲୋଚନା କରିଛନ୍ତି । ପରେ ସୁନାବେଡ଼ା ଅଞ୍ଚଳ ଗସ୍ତ କରିଛନ୍ତି ଡିଜିପି । CRPF କ୍ୟାମ୍ପ ଓ ଅଭୟାରଣ୍ୟ ପରଦର୍ଶନ କରିଛନ୍ତି ଅଭୟ । ଓଡ଼ିଶା-ଛତିଶଗଡ଼ ସୀମାରେ ସୁରକ୍ଷା ବ୍ୟବସ୍ଥାର କରିବେ ଏରିଏଲ ସର୍ଭେ । ନୂଆପଡ଼ା ପରେ ବୌଦ୍ଧ ଜିଲ୍ଲା ଗସ୍ତରେ ଯିବେ ପୋଲିସ ଡିଜି ଅଭୟ ।

ଏଥିସହିତ ପଢ଼ନ୍ତୁ: ୮ ମାସ ପରେ ମିଳିଲା ନିଖୋଜ ବ୍ୟକ୍ତିଙ୍କ କଙ୍କାଳ: ୫ ଜଣଙ୍କୁ ଗିରଫ କଲା ପୋଲିସ

୮ ମାସ ପରେ ମିଳିଲା ନିଖୋଜ ବ୍ୟକ୍ତିଙ୍କ କଙ୍କାଳ: ୫ ଜଣଙ୍କୁ ଗିରଫ କଲା ପୋଲିସ

ଲମତାପୁଟ: ୮ ମାସ ପରେ ମିଳିଲା ନିଖୋଜ ବ୍ୟକ୍ତିଙ୍କ କଙ୍କାଳ । କୋରାପୁଟ ଜିଲ୍ଲା ଲମତାପୁଟ ଡୁମୁରିବାରି ଗାଁର ଦାସ ହନ୍ତାଳଙ୍କ କଙ୍କାଳ ଉଦ୍ଧାର କରିଛି ପାଡୁଆ ଥାନା ପୋଲିସ । ତାଙ୍କୁ ହତ୍ୟା ପାଇଁ ସୁପାରି ଦେଇଥିବା ମୁଖ୍ୟ ଅଭିଯୁକ୍ତ ଶିବ ଖରା ସହ ୫ଜଣଙ୍କୁ ପୋଲିସ ଗିରଫ କରିଛି । ଗତ ମାର୍ଚ୍ଚ ମାସରେ ଦାସ ହନ୍ତାଳ ନିଖୋଜ ହୋଇଯାଇଥିଲେ । ରାଜନୀତିରେ ସକ୍ରିୟ ଥିବା ସହ କଣ୍ଟ୍ରାକ୍ଟର ଥିଲେ ଦାସ ହନ୍ତାଳ । ତାଙ୍କୁ ମାଓବାଦୀ ଉଠାଇ ନେଇଥିବା ପରିବାର ସନ୍ଦେହ କରିଥିଲେ । ଭୟରେ ପୋଲିସକୁ ଜଣାଇନଥିଲେ । ୩ ମାସ ଅପେକ୍ଷା କରିବା ପରେ ଜୁନ୍‌ ମାସରେ ଥାନାରେ ଏତଲା ଦେଇଥିଲେ ପରିବାର ଲୋକ ।

ତଦନ୍ତ ବେଳେ ଶିବ ଖରା ସହ ଦାସ ହନ୍ତାଳଙ୍କ ଶତ୍ରୁତା କଥା ଜାଣିବାକୁ ପାଇଥିଲା ପୋଲିସ । ଗତକାଲି ପୋଲିସ ଶିବ ଖରାକୁ ଉଠାଇ ନେଇ ପଚରାଉଚରା ବେଳେ ସତ ଉଗାରିଥିଲା ଶିବ । ପୂର୍ବ ଶତ୍ରୁତାରୁ ଦାସ ହତ୍ୟା କରାଯାଇଥିବା ଏସଡିପିଓ ସୂଚନା ଦେଇଛନ୍ତି । କିଛି ଯୁବକଙ୍କୁ ସୁପାରି ଦେଇ ଲକ୍ଷେ ଟଙ୍କାରେ ଡିଲ୍ ଫାଇନାଲ୍ କରିଥିଲା ଶିବ । ମେ ମାସରେ ୬୦ ହଜାର ଟଙ୍କା ଦେଇଥିଲା । ୫ ଯୁବକ ଦାସ ହନ୍ତାଳଙ୍କୁ ହତ୍ୟା କରି ଡୁମୁରିବାରି ଜଙ୍ଗଲରେ ପୋତିଦେଇଥିଲେ । ମାଜିଷ୍ଟ୍ରେଟଙ୍କ ଉପସ୍ଥିତିରେ ପାଡୁଆ ପୋଲିସ ଅଭିଯୁକ୍ତଙ୍କୁ ନେଇ ସିନ୍ ରିକ୍ରିଏଟ କରିବା ସହ କଙ୍କାଳ ଉଦ୍ଧାର କରିଛି । ଘଟଣାରେ ସମ୍ପୃକ୍ତ ୫ ଜଣଙ୍କୁ ଗିରଫ କରାଯାଇଛି ।

ଏଥିସହିତ ପଢ଼ନ୍ତୁ: ଆସନ୍ତା ୧୦ ତାରିଖରୁ ରାଜ୍ୟରେ ବଢ଼ିବ ଶୀତ: ୨ରୁ୩ ଡିଗ୍ରୀ କମିବ ତାପମାତ୍ରା

 

ବିଜେପି ସଭାରେ ହଟହଟା ହେଲେ ବିଜେପି ସାଂସଦ ବସନ୍ତ ପଣ୍ଡା: ଅଞ୍ଚଳରେ ପୂରାଇଦେଲେନି ମହାଲିଙ୍ଗ ଗ୍ରାମବାସୀ

ଧର୍ମଗଡ଼: ବିଜେପି ସାଂସଦ ବସନ୍ତ ପଣ୍ଡାଙ୍କୁ ମହାଲିଙ୍ଗବାସୀ ତୀବ୍ର ବିରୋଧ । ଫେଲ୍ ମାରିଲା ବିଜେପିର ମାଇଲେଜ୍ ରାଜନୀତି । ବିଜେପି ସଭାରେ ହଟହଟା ହୋଇଛନ୍ତି ବିଜେପି ସାଂସଦ ବସନ୍ତ ପଣ୍ଡା । ଅପ୍ରସଙ୍ଗକୁ ସବୁବେଳେ ପ୍ରସଙ୍ଗ କରୁଥିବା ବିଜେପିକୁ ପୁଣିଥରେ ହିନସ୍ତା ହେବାକୁ ପଡିଛି । କଳାହାଣ୍ଡି ସାଂସଦଙ୍କୁ ଅଞ୍ଚଳରେ ପୂରାଇ ଦେଲେନି ଲୋକ । ନିର୍ବାଚନ ଜିତିବାର ଏତେଦିନ ପରେ କଳାହାଣ୍ଡି ଯାଇଥିବାରୁ ପ୍ରଶ୍ନବାଣରେ ଘେରିଲେ ଜନସାଧାରଣ । ଏତେ ଦିନ କେଉଁଠି ଥିଲ ବୋଲି ପ୍ରଶ୍ନ କରିଛନ୍ତି ମହାଲିଙ୍ଗବାସୀ ।

୨୦୧୯ ନିର୍ବାଚନ ଜିତିବା ପେର ଅଞ୍ଚଳରେ ବିକାଶ ଓ ଶିକ୍ଷାର ଉନ୍ନତି ପାଇଁ କିଛିବି କରିନାହାନ୍ତି । କିନ୍ତୁ ମହାଲିଙ୍ଗ କଲେଜକୁ ବଦନାମ କରିବାକୁ ବାରମ୍ବାର ବିବାଦୀୟ ମନ୍ତବ୍ୟ ଦେଉଛନ୍ତି ବିଜେପି ନେତା । ଏଭଳି ପ୍ରଶ୍ନରେ ଉତକ୍ଷୀପ୍ତ ହୋଇ ବସନ୍ତ ପଣ୍ଡା ସ୍ଥାନୀୟ ଲୋକଙ୍କ ସହ ଯୁକ୍ତିତର୍କ କରିଥିଲେ । ଫଳରେ ଉତ୍ତେଜନା ପ୍ରକାଶ ପାଇଥିଲା । ଏହାକୁ ମହାଲିଙ୍ଗ ଅଞ୍ଚଳର ଲୋକ ତୀବ୍ର ବିରୋଧ କରିଛନ୍ତି । ଗତକାଲି ଏକ ଭିଡିଓ ବାର୍ତ୍ତା ଜାରି କରି ମମିତାଙ୍କ ପରିବାର ଏହାକୁ ନେଇ ରାଜନୀତି ନକରିବାକୁ ଅନୁରୋଧ କରିଥିଲେ ।

ମମିତା ଜଣେ ଭଲ ଝିଅ ଥିଲେ । ଏବଂ ମୃତ୍ୟୁକୁ ନେଇ ତାଙ୍କର ଚରିତ୍ର ସଂହାର କରାନଯାଉ । ପୋଲିସ ସଠିକ ଦିଗରେ ତଦନ୍ତ କରୁଛି । ମୁଖ୍ୟ ଅଭିଯୁକ୍ତ ଗିରଫ ହୋଇଛି । ଫାଷ୍ଟ୍ରାକ୍ କୋର୍ଟରେ ବିଚାର କାରଯାଇ ମାମଲାରେ ସମ୍ପୃକ୍ତ ସମସ୍ତ ଅଭିଯୁକ୍ତଙ୍କୁ କଠୋର ଦଣ୍ଡ ଦିଆଯିବା ବୋଲି ଉତ୍ତରାଞ୍ଚଳ ଡିଆଇଜି କହିବା ପରେ ପରିବାର ପକ୍ଷରୁ ରାଜନୀତି ନକରିବାକୁ ସବୁ ରାଜନୈତିକ ଦଳକୁ ଅନୁରୋଧ କରାଯାଇଥିଲା । ତଥାପି ବ୍ୟକ୍ତିଗତ ସ୍ୱାର୍ଥ ଓ ପଞ୍ଚାୟତ ନିର୍ବାଚନକୁ ନଜରରେ ରଖି କଳାହାଣ୍ଡି ସାଂସଦ ମହାଲିଙ୍ଗରେ ଯେଉଁଭଳି ଆଚରଣ କଲେ ତାକୁ ବିଭିନ୍ନ ଅଞ୍ଚଳରେ ନିନ୍ଦା କରାଯାଇଛି ।

ଏଲପିଜି ସିଲିଣ୍ଡର ଦର ହ୍ରାସ କରିବାକୁ ମୁଁ କେନ୍ଦ୍ର ସରକାରଙ୍କୁ ଅପିଲ୍ କରିବି: ମେନକା ଗାନ୍ଧୀ

ନୂଆଦିଲ୍ଲୀ: ପୂର୍ବତନ କେନ୍ଦ୍ରମନ୍ତ୍ରୀ ତଥା ସୁଲତାନପୁରର ଭାରତୀୟ ଜନତା ପାର୍ଟିର ସାଂସଦ ମେନକା ଗାନ୍ଧୀ ଚାରି ଦିନ ପାଇଁ ତାଙ୍କ ସଂସଦୀୟ କ୍ଷେତ୍ର ଗସ୍ତରେ ଅଛନ୍ତି । ଏହି ଗସ୍ତ ସମୟରେ ପେଟ୍ରୋଲ-ଡିଜେଲ ଉପରେ ଏକ୍ସସାଇଜ ଟ୍ୟାକ୍ସ କମାଇବା ପାଇଁ କେନ୍ଦ୍ର ସରକାରଙ୍କ ଏହି ନିଷ୍ପତିକୁ ସ୍ବାଗତ କରିଛନ୍ତି । ଏଥିସହ ଏଲପିଜି ସିଲିଣ୍ଡରର ଦର୍ କମ୍ କରିବାକୁ କେନ୍ଦ୍ର ସରକାରଙ୍କୁ ଅପିଲ କରିଛନ୍ତି ମେନକା ଗାନ୍ଧୀ ।

ମେନକା ଗାନ୍ଧୀ କହିଛନ୍ତି କି କେନ୍ଦ୍ର ସରକାର ପେଟ୍ରୋଲ-ଡିଜେଲ ଉପରୁ ଏକ୍ସସାଇଜ ଟ୍ୟାକ୍ସ କମାଇବା ପରେ ପେଟ୍ରୋଲ-ଡିଜେଲ ଦର କମିଛି । କିନ୍ତୁ ଏବେ ମୋଦି ସରକାର ଏଲପିଜି ସିଲିଣ୍ଡରର ଦର କମ କରିବାକୁ ଚେଷ୍ଟା କରନ୍ତୁ ବୋଲି କହିଛନ୍ତି ମେନକା । ମେନକା ଗାନ୍ଧୀ ତାଙ୍କ ସଂସଦୀୟ କ୍ଷେତ୍ର ସୁଲତାନପୁରରେ ଏକ କାର୍ଯ୍ୟକ୍ରମରେ ସେ ଏହି କଥା କହିଥିଲେ । ସେ ଆହୁରି କହିଛନ୍ତି ଯେ ବର୍ତ୍ତମାନ ପେଟ୍ରୋଲ ଓ ଡିଜେଲ ଉପରେ ଏକ୍ସସାଇଜ ହ୍ୟୁଟି ହ୍ରାସ କରାଯାଇଛି । ଏହାପରେ ବିଜେପି ଶାସିତ ରାଜ୍ୟମାନରେ ମଧ୍ୟ ଭାଟ୍ ହ୍ରାସ କରିଛନ୍ତି । ଯାହାଫଳରେ ଏହାର ପ୍ରଭାବ ସିଧାସଳଖ ସାଧାରଣ ଜନତାଙ୍କୁ ଉପକୃତ କରଛି । ଏହି ସମୟରେ ମେନକା ଗାନ୍ଧୀ ମଧ୍ୟ ଭାରତୀୟ ଜନତା ପାର୍ଟିର ଦେହଲି ବଜାର ଟାଉନସିପର ସଦସ୍ୟତା କାର୍ଯ୍ୟକ୍ରମରେ ଅଂଶ ଗ୍ରହଣ କରିଥିଲେ । ମେନକା ଗାନ୍ଧୀ କହିଛନ୍ତି ଯେ ଆମେ ଇସୁଲି ବିଧାନସଭା ଜିତିବା ପାଇଁ ଯଥା ସମ୍ଭବ ଚେଷ୍ଟା କରିବୁ । ମୁଁ ଯେଉଁଆଡେ ଯାଉଛି ସେଠାରେ ସଦସ୍ୟତା ସୃଷ୍ଟି କରୁଛି । ୧୦୦ ଦିନରେ ୧୦୦ଟି ପୋଗ୍ରାମ କରିବୁ । କିନ୍ତୁ ଜିତିବାକୁ ହେଲେ ଆମକୁ ଏକ ବ୍ଲୁ ପ୍ରିଣ୍ଟ୍ କରିବାକୁ ପଡ଼ିବ ବୋଲି କହିଛନ୍ତି ମେନକା ଗାନ୍ଧୀ । ସେ ଆହୁରି କହିଛନ୍ତି କି ଆମକୁ ନିର୍ବାଚନ ଜିତିବାକୁ ପଡ଼ିବ ।  ଆମ ପାଖରେ ଲକ୍ଷ ଲକ୍ଷ କାର୍ଯ୍ୟକର୍ତ୍ତା ଅଛନ୍ତି । କିନ୍ତୁ ଜିଲ୍ଲା ପରିଷଦ ଭୋଟରେ ଗୋଟିଏ ବି ସିଟ୍ ଆମେ ଜିତି ପାରିନଥିଲୁ । ଯଦି କେବଳ ଆମ ବିଜେପି ଲୋକ ଭୋଟ ଦେଇଥାନ୍ତେ ତେବେ ଆମେ ବିଜୟ ଲାଭ କରିଥାନ୍ତୁ  ବୋଲି କହିଛନ୍ତି ମେନକା ଗାନ୍ଧୀ ।

 

ଭାଇରାଲ ହେଉଛି ସୋନମଙ୍କ ଟ୍ରାଡିସନାଲ୍ ଲୁକ୍: ଫଟୋ ଦେଖି କିଛି ଏଭଳି କହିଲେ ସ୍ୱାମୀ ଆନନ୍ଦ ଅହୁଜା

ଇଂଲଣ୍ଡ: ବଲିଉଡ୍ ସୁପରଷ୍ଟାର ଅନିଲ କପୁରଙ୍କ ଅଲିଅଳି ଝିଅ ସୋନମ କପୁର ନିଜ ୟୁନିକ ଏବଂ ଷ୍ଟାଇଲିଷ୍ ଲୁକ୍ ପାଇଁ ସବୁବେଳେ ଚର୍ଚ୍ଚାର ଥାନ୍ତି  । କେତେବେଳେ ୱେଷ୍ଟର୍ନ ତ କେତେବେଳେ ଇଣ୍ଡିଆନ ଲୁକରେ ଦେଖାଯାଅନ୍ତି  । ତାଙ୍କର ଏହି ଭେରିଏସନ ପାଇଁ ଫ୍ୟାସନ ୱାର୍ଡରେ ତାଙ୍କୁ ଫ୍ୟାସନ ଆଇକନ ଭାବେ ମାନନ୍ତି  । ସୋନମଙ୍କ ସ୍ୱତନ୍ତ୍ରତା ସମସ୍ତଙ୍କୁ ପସନ୍ଦ ଆସେ  । ନିଜ ବୋଲ୍ଡ ଲୁକରେ ସେ ଯେତେ ଗ୍ରେସଫୁଲ୍ ଦେଖାଯାନ୍ତି ନିଜ ଟ୍ରାଡିସନାଲ ଲୁକରେ ବି ସିଏ ସେତେ କନଫିଡେଣ୍ଟ ଦେଖାଥାନ୍ତି  ।  ପୁଣି ଥରେ ଏଭଳି କିଛି ଟ୍ରାଡିସନାଲ ଲୁକରେ ଦେଖିବାକୁ ମିଳୁଛି ସୋନମଙ୍କୁ  ।

ଦୀପାବଳି ଏଭଳି ଏକ ଉତ୍ସବ ଯେଉଁଠାରେ ଇଣ୍ଡିଆନ ଲୁକ୍ ପିନ୍ଧିବାକୁ ସମସ୍ତେ ପସନ୍ଦ କରନ୍ତି  । ଆଉ ଏଭଳି ସୁଯୋଗକୁ କେହି ହାତଛଡ଼ା କରନ୍ତି ନାହିଁ  । ସେଥିରୁ ଫିଲ୍ମ ଷ୍ଟାର ବାଦ ପଡ଼ିବେ କେମିତି । ଷ୍ଟାରମାନଙ୍କୁ ଫେସଟିଭ୍ ଲୁକରେ ଦେଖିବାକୁ ସମସ୍ତେ ଆଗଭର ଥାନ୍ତି  । ଚଳିତ ଦୀପାବଳିରେ ସୋନମଙ୍କର ଏହି ଟ୍ରାଡିସନାଲ ଲୁକ୍ ସମସ୍ତଙ୍କୁ ପସନ୍ଦ ଆସିବା ସହ ତାଙ୍କ ଫ୍ୟାନ୍ସମାନେ ପ୍ରଶଂସା ମଧ୍ୟ କରିଛନ୍ତି  ।

ଦୀପାବଳିରେ ସୋନମ ଅନାରକଲି ସୁଟରେ ନିଜ ଫଟୋ ସୋସିଆଲ ମିଡିଆରେ ସେୟାର କରିଥିଲେ  । ସେ ବର୍ତ୍ତମାନ ଲଣ୍ଡନରେ ଥିବାବେଳେ ଚଳିତ ବର୍ଷ ସେ ସେଠାରେ  ନିଜ ସ୍ୱାମୀ ଆନନ୍ଦଙ୍କ ସହ ଦୀପାବଳି ପାଳିଛନ୍ତି  । ସୋନମଙ୍କର ଏହି ଏମବ୍ରୋଡରି ଆଉଟଫିଟ ଡିଆଇନର ହେଉଛନ୍ତି ଅବୁ ଜାନୀ ସନ୍ଦିପ ଖୋସଲା  । ଯିଏ କି ଜଣେ ଫେମସ୍ ଫ୍ୟାସନ ଡିଜାଇନର୍  । ସୋନମଙ୍କର ଏହି ଲୁକରେ ତାଙ୍କ ସ୍ୱାମୀ ମଧ୍ୟ କମେଣ୍ଟ ଦେଇଥିବା ଜଣାପଡ଼ିଛି  ।

sonam kapoor looks beautiful in of white anarkali kurta set diwali photos anand ahuja