spot_img

Latest Posts

ଘଣ୍ଟାକୁ ୮ କିମି ବେଗରେ ମାଡ଼ି ଆସୁଛି ‘ଆକୱାନ’, ଖୋଲିଲା ଡ୍ୟାମ୍ ଗେଟ୍

ନନ୍ଦିଘୋଷ ବ୍ୟୁରୋ:ସାଇରନ୍ ବାଜିଲା ଗେଟ୍ ଖୋଲିଲା । ବାତ୍ୟା ଆକୱାନକୁ ନେଇ ଗଞ୍ଜାମ ଜିଲ୍ଲାରେ ହାଇଆଲର୍ଟ । ବାତ୍ଯା ମୁକାବିଲାକୁ ଦୃଷ୍ଟିରେ ରଖି ଘୋଡାହାଡ ଓ ବାଘଲଟି ଜଳଭଣ୍ଡାରର ଖୋଲିଲା ଗୋଟିଏ ଲେଖାଏଁ ଗେଟ୍ ‌ । ଘୋଡ଼ାହାଡ଼ ଜଳଭଣ୍ଡାରର ଜଳସ୍ତର ନିୟନ୍ତ୍ରଣ ଏବଂ ବନ୍ଧର ସୁରକ୍ଷା ଦୃଷ୍ଟିରୁ ସାଇରନ୍ ବଜାଯିବା ପରେ ଗୋଟିଏ ନିଷ୍କାସନ ଗେଟ୍‌କୁ  ଖୋଲାଯାଇଛି । ଏହାଦ୍ୱାରା ପ୍ରତି ସେକେଣ୍ଡରେ ୩୪.୭୭ ଘନମିଟର ଜଳ ନିଷ୍କାସିତ ହେଉଛି । ଗେଟ୍ ଖୋଲାଯିବା ସମୟରେ ଜଳଭଣ୍ଡାରର ଜଳପତ୍ତନ ୧୧୬.୮୬ ମିଟର ରହିଥିବାବେଳେ ଜଳଧାରଣ କ୍ଷମତା ୨ ହଜାର ୭୭୩.୯୬ ହେକ୍ଟର ମିଟର ରହିଛି । ଏହା ମୋଟ ଜଳଧାରଣ କ୍ଷମତାର ୯୦.୮୮ ପ୍ରତିଶତ । ତଳମୁଣ୍ଡର ସ୍ଥିତି ଉପରେ ପ୍ରଶାସନ ପକ୍ଷରୁ ନିରନ୍ତର ନଜର ରଖାଯାଇଛି । ବାଘଲଟି ଜଳଭଣ୍ଡାରରୁ ମଧ୍ୟ ଗୋଟିଏ ଗେଟ୍ ଦ୍ବାରା ଜଳ ନିଷ୍କାସନ ଆରମ୍ଭ ହୋଇଛି । ପ୍ରତି ସେକେଣ୍ଡରେ ପ୍ରାୟ ୩୦.୭୨ ଘନମିଟର ଜଳ ନିଷ୍କାସନ କରାଯାଉଛି ।ଜଳଭଣ୍ଡାରର ଜଳପତ୍ତନ ୧୦୨.୮୮ ମିଟର ଓ ଗେଟ୍ ଖୋଲାଯାଇଥିବା ଉଚ୍ଚତା ୦.୬୦ ମିଟର ରହିଛି । ଜଳଭଣ୍ଡାରରେ ବ୍ୟବହାର ଯୋଗ୍ୟ ଜଳ ମହଜୁଦ ପରିମାଣ ୨୯୦୬.୨୦ ହେକ୍ଟର ମିଟର ଅଛି । ଜଳଭଣ୍ଡାରର ଜଳଧାରଣ ସ୍ତରକୁ ବର୍ତ୍ତମାନର ପ୍ରାୟ ୭୫ ପ୍ରତିଶତରୁ ହ୍ରାସ କରି ୬୦ ପ୍ରତିଶତକୁ ଆଣିବା ଲକ୍ଷ୍ୟ ରଖାଯାଇଛି ।

Latest Posts

Don't Miss