spot_img
Home Blog Page 5120

ଭାରତୀୟ କ୍ରିକେଟରେ ରବି ଶାସ୍ତ୍ରୀଙ୍କ ଯୁଗ ଶେଷ; ଏବେ ଦ୍ରାବିଡଙ୍କ ପାଇଁ ଅଗ୍ନି ପରୀକ୍ଷା

ଦୁବାଇ: ଚଳିତ ଟି-୨୦ ବିଶ୍ବକପରୁ ଟିମ୍ ଇଣ୍ଡିଆର ଅଭିଯାନ ଶେଷ ହୋଇଛି । ଟି-୨୦ ବିଶ୍ବକପରୁ ଅଭିଯାନ ଶେଷ ହେବା ସହ ଭାରତୀୟ କ୍ରିକେଟରେ ଏକ ନୂଆ ଯୁଗ ଆରମ୍ଭ ହେବାକୁ ଯାଉଛି । ଚଳିତ ଟି-୨୦ ବିଶ୍ବକପରେ ମୁଖ୍ୟ କୋଚଙ୍କ ସହ ରବି ଶାସ୍ତ୍ରୀଙ୍କ କାର୍ଯ୍ୟକାଳ ମଧ୍ୟ ଶେଷ ହୋଇଛି । ରବି ଶାସ୍ତ୍ରୀଙ୍କ ପରେ ଭାରତୀୟ ଦଳରେ ମୁଖ୍ୟ କୋଚର ଭୂମିକା ତୁଲାଇବେ ଭାରତୀୟ କ୍ରିକେଟର ଓ୍ବାଲ ରାହୁଲ ଦ୍ରାବିଡ । ଚଳିତ ବିଶ୍ବକପ ଶେଷ ହେବାର କିଛି ଦିନ ପରେ ହିଁ ନ୍ୟୁଜିଲାଣ୍ଡ ବିପକ୍ଷରେ ଭାରତରେ ଖେଳିବ ଟିମ୍ ଇଣ୍ଡିଆ । ନ୍ୟୁଜିଲାଣ୍ଡ ସିରିଜ ସହ ମୁଖ୍ୟ କୋଚ ଭାବରେ ରାହୁଲ ଦ୍ରାବିଡ ନିଜର କାର୍ଯ୍ୟଭାର ଆରମ୍ଭ କରିବେ ।

ଯଦି ରବି ଶାସ୍ତ୍ରୀଙ୍କ କାର୍ଯ୍ୟକାଳ କଥା କହିବା ତାହାଲେ ରବି ଶାସ୍ତ୍ରୀ ପ୍ରଥମ ଥର ପାଇଁ ୨୦୧୪ ମସିହାରେ ଟିମ୍ ଇଣ୍ଡିଆର ଡାଇରେକ୍ଟର ଭାବରେ ନିଯୁକ୍ତି ହୋଇଥିଲେ । ଏହି ସମୟରେ ତାଙ୍କ କାର୍ଯ୍ୟକାଳ ୨୦୧୬ ଟି-୨୦ ବିଶ୍ବକପ ପର୍ଯ୍ୟନ୍ତ ରହିଥିଲା । ଏହା ପରେ ଭାରତୀୟ ଦଳର ମୁଖ୍ୟକୋଚ ଭାବରେ ଦାୟିତ୍ବ ତୁଲାଇଥିଲେ ଅନିଲ କୁମ୍ଭଲେ । କିନ୍ତୁ ୨୦୧୭ ଚମ୍ପିଆନ୍ସ ଟ୍ରଫି ଫାଇନାଲରେ ପାକିସ୍ତାନଠାରୁ ପରାଜୟ ବରଣ ପରେ ରବି ଶାସ୍ତ୍ରୀଙ୍କୁ ଫୁଲ ଟାଇମ୍ କୋଚ ଭାବରେ ନିଯୁକ୍ତି ଦିଆଯାଇଥିଲା । ତେବେ ଶାସ୍ତ୍ରୀଙ୍କ କାର୍ଯ୍ୟକାଳ ମଧ୍ୟରେ ଭାରତ ଅଷ୍ଟ୍ରେଲିଆରେ ଦୁଇଟି ଟେଷ୍ଟ ସିରିଜରେ କବ୍ଜା କରିଥିଲା । ସେହି ପରି ଭାରତ ଶାସ୍ତ୍ରୀଙ୍କ ସମୟରେ ବିଶ୍ବ ଟେଷ୍ଟ ଚମ୍ପିଆନସିପ ଫାଇନାଲରେ ପହଞ୍ଚାଇଥିଲେ । କିନ୍ତୁ ଟ୍ରଫି ଜିତିବାରେ ସଫଳ ହୋଇନଥିଲେ । ଶାସ୍ତ୍ରୀଙ୍କ କାର୍ଯ୍ୟକାଳ ଭିତରେ ଭାରତ ଗୋଟିଏ ବି ଆଇସିସି ଟ୍ରଫି ନିଜ ନାମରେ କରିବାରେ ସଫଳ ହୋଇନଥିଲେ ।

ଶାସ୍ତ୍ରୀଙ୍କ ପାଇଁ ଶେଷ ସୁଯୋଗ ଥିଲା ଟି-୨୦ ବିଶ୍ବକପ । କିନ୍ତୁ ଚଳିତ ବିଶ୍ବକପରେ ନୈରାଶଜନକ ପ୍ରଦର୍ଶନ କରିଛି ଟିମ୍ ଇଣ୍ଡିଆ । ପ୍ରଥମ ଦୁଇଟି ମ୍ୟାଚରେ ଶୋଚନୀୟ ପରାଜୟ ଶାସ୍ତ୍ରୀଙ୍କ ସ୍ବପ୍ନକୁ ଚୁରମାର ହୋଇଯାଇଥିଲା । ଯଦି ରବି ଶାସ୍ତ୍ରୀ ଓ ବିରାଟ କୋହଲିଙ୍କ ସଫଳତା ବିଷୟରେ କଥା ହେବା ତାହାଲେ ଏହି ଯୋଡି ପ୍ରାୟ ସାତ ବର୍ଷ ଭାରତୀୟ କ୍ରିକେଟରେ ରାଜ୍ କରିଥିଲେ । ଏହି ଦୁଇ ଯୋଡିଙ୍କ ଦ୍ବାରା ଭାରତ ୨୦୧୮-୧୯ ଭାରତ ପ୍ରଥମ ଥର ପାଇଁ ଅଷ୍ଟ୍ରେଲିଆକୁ ଅଷ୍ଟ୍ରେଲିଆ ମାଟିରେ ପରାସ୍ତ କରିଥିଲା । ଏଥିସହ ଭାରତ ଏସିଆର ପ୍ରଥମ ଟିମ୍ ଭାବରେ ଅଷ୍ଟ୍ରେଲିଆକୁ ଅଷ୍ଟ୍ରେଲିଆରେ ପରାସ୍ତ କରିଥିଲା । ୨୦୧୮-୧୯ ପରେ ପୁଣି ଥରେ ୨୦୨୦-୨୧ରେ ଭାରତ ଦ୍ବିତୀୟ ଥର ପାଇଁ ଅଷ୍ଟ୍ରେଲିଆକୁ ତାଙ୍କ ମାଟିରେ ପରାସ୍ତ କରିଥିଲା । ବିଶ୍ବ ଟେଷ୍ଟ ଚମ୍ପିଆନସିପରେ ଏହି ଦୁଇ ଯୋଡିଙ୍କ ଦ୍ବାରା ଭାରତ ଫାଇନାଲ ପର୍ଯ୍ୟନ୍ତ ପହଞ୍ଚି ପାରିଥିଲା । ସେହିପରି ଭାବରେ ୨୦୧୯ ଦିନିକିଆ ବିଶ୍ବକପରେ ଏହି ଦୁଇ ଯୋଡି ଭାରତକୁ ସେମିଫାଇନାଲ ପର୍ଯ୍ୟନ୍ତ ନେଇଥିଲେ । କୋଚ୍ ରବି ଶାସ୍ତ୍ରୀ ଓ ଅଧିନାୟକ ବିରାଟ କୋହଲିଙ୍କ ନେତୃତ୍ବରେ ଭାରତ ୪୨ ମାସ ପର୍ଯ୍ୟନ୍ତ ଟେଷ୍ଟରେ ନମ୍ବର-୧ ଟିମ୍ ଭାବରେ ରହିଥିଲା ।

ତେବେ ଏବେ ରବି ଶାସ୍ତ୍ରୀ ଗତକାଲି ଶେଷ ପ୍ରେସ କନଫରମେନ୍ସରେ କହିଥିଲେ କି ଆମ ଟିମ୍ ସବୁ ଫର୍ମାଟରେ ଭଲ ପ୍ରଦର୍ଶନ କରିଛି  ଓ କ୍ରିକେଟ ଇତିହାସରେ ସର୍ବଶ୍ରେଷ୍ଠ ଦଳ ହୋଇପାରିଛି । ତେବେ ଶାସ୍ତ୍ରୀଙ୍କ ପରେ ଏବେ ଭାରତୀୟ କ୍ରିକେଟକୁ ଆଗକୁ ନେବା ଦାୟିତ୍ବ ରହିଛି ରାହୁଲ ଦ୍ରାବିଡଙ୍କ ଉପରେ । ଆଗାମୀ ଦୁଇ ବର୍ଷ ମଧ୍ୟରେ ଦୁଇଟି ବିଶ୍ବକପ ହେଉଥିବାରୁ ରାହୁଲ ଦ୍ରାବିଡ ଭାରତକୁ ଆଇସିସି ଟ୍ରଫି ଜିତାଇବାରେ ସଫଳ ହେବେ ବୋଲି ଆଶା କରାଯାଉଛି ।

୨୦ ନଭେମ୍ୱରରେ ଇପିଏଫ୍‌ଓ ଟ୍ରଷ୍ଟ ବୋର୍ଡର ବୈଠକ: ଖାତାଧାରକଙ୍କୁ ସୁଧ ଦିଆଯିବ ନେଇ ହେବ ନିଷ୍ପତ୍ତି

ନୂଆଦିଲ୍ଲୀ: କର୍ମଚାରୀ ଭବିଷ୍ୟତ ନିଧି ସଂଗଠନ (ଇପିଏଫ୍‌ଓ)ର ଟ୍ରଷ୍ଟି ବୋର୍ଡ ଆଗାମୀ ବୈଠକ ୨୦ ନଭେମ୍ୱରରେ ଅନୁଷ୍ଠିତ ହେବା । ଯେଉଁଥିରେ ଚଳିତ ବର୍ଷ ଇପିଏଫ୍‌ଓ ଖାତାଧାରକଙ୍କୁ କେତେ ଟଙ୍କା ସୁଧ ଦିଆଯିବ ସେ ନେଇ ଆଲୋଚନା ହେବ । ଚଳିତ ବର୍ଷ ଅର୍ଥାତ ୨୦୨୧-୨୨ରେ ପିଏଫ୍ ଖାତାଧାରକଙ୍କୁ କେତେ ସୁଧ ପାଇବେ ସେ ନେଇ ଆଲୋଚନା ହେବ ।

ସୂଚନା ଯୋଗ୍ୟ ଯେ, ଗତ ୨ ବର୍ଷ ମଧ୍ୟରେ ଖାତାଧାରକ ଇପିଏଫ୍‌ଓ ଦ୍ୱାରା ୮.୫ ପ୍ରତିଶତ ସୁଧ ଦିଆଯାଉଛି । ଏହା ଗତ ୮ ବର୍ଷରେ ସବୁଠାରୁ କମ୍ ସୁଧ । ଏହା ସତ୍ତ୍ୱେ ଚଳିତ ବର୍ଷ ମଧ୍ୟ ଖାତାଧାରକଙ୍କୁ କମ୍ ସୁଧ ଦିଆଯିବା ନେଇ ଅର୍ଥ ମନ୍ତ୍ରାଳୟ ପକ୍ଷରୁ ସଂକେତ ଦିଆଯାଇଛି । ଏହାପୂର୍ବରୁ ୨୦୧୮-୧୯ରେ ପିଏଫ୍ ସୁଧ ହାର ୮.୬୫ ପ୍ରତିଶତ ରହିଥିଲା ।

ଜାତୀୟ ଗଣମାଧ୍ୟମରେ ପ୍ରକାଶିତ ଏକ ରିପୋର୍ଟ ମୁତାବକ, ଇପିଏଫ୍‌ଓର ଏହି ବୈଠକରେ କେଉଁଥିରେ ଟଙ୍କା ନିବେଶ କରାଯିବ ସେ ନେଇ ମଧ୍ୟ ଚୂଡ଼ାନ୍ତ ନିଷ୍ପତ୍ତି ନିଆଯିବ । ପିଏଫ୍ ଖାତାଧାରକଙ୍କ ଟଙ୍କା ଅଲଟର ନେଟିଭ୍ ଇନଭେଷ୍ଟମେଣ୍ଟ ଫଣ୍ଡ(AIFs), ଭିତ୍ତିଭୂମି ନିବେଶ ଟ୍ରଷ୍ଟ (InvITs) ଭଳି ବିକଳ୍ପ ଫଣ୍ଡରେ ନିବେଶ କରାଯିବ । ଚଳିତ ବର୍ଷ ଅପ୍ରେଲ ମାସରେ ଶ୍ରମ ମନ୍ତ୍ରାଳୟ ନିବେଶର ନେଇ ଥିବା ବିକଳ୍ପରେ ପରିବର୍ତ୍ତନ କରିବା ନେଇ ସୂଚନା ଜାରି କରିଛି । ଏଣୁ ‘ସେବି’ ଦ୍ୱାରା ପରିଚାଳିତ ହେଉଥିବା ଏଆଇଏଫ୍ ପ୍ରଥମ ଶ୍ରେଣୀର ଏବଂ ଦ୍ୱିତୀୟ ଶ୍ରେଣୀ ଅନୁଯାୟୀ ନିବେଶ କରାଯିବ ବୋଲି କୁହାଯାଇଛି ।

ସେୟାର ମାର୍କେଟରେ କେତେ ହେବ ନିବେଶ

କେନ୍ଦ୍ର ସରକାର ଦ୍ୱାରା ଦିଆଯାଇଥିବା ରିହାତି ଅନୁଯାୟୀ ଇପିଏଫ୍‌ଓ  ପିଏଫ୍ ଖାତାଧାରକଙ୍କୁ ଫଣ୍ଡର ପାଖାପାଖି ୧୫ ପ୍ରତିଶତ ଅଂଶ ଇକ୍ୱିଟି ଅର୍ଥାତ ସେୟାରରେ ବିନିଯୋଗ କରାଯିବ । ଚଳିତ ବର୍ଷ ଇପିଏଫ୍ ୩୦ ଜୁନ୍ ସୁଦ୍ଧା ସେୟାର ବଜାରରୁ ପ୍ରାୟ ୭ହଜାର ୭୧୪ କୋଟି ଟଙ୍କା ନିବେଶ କରିଛି ।

ଏଥିସହିତ ପଢ଼ନ୍ତୁ: ମଧ୍ୟ ରାତ୍ରିରେ ସ୍ତ୍ରୀ କଲେ ରେଡ୍: ହୋଟେଲରୁ ମହିଳା ବନ୍ଧୁଙ୍କ ସହ ଧରାପଡ଼ିଲେ ସ୍ୱାମୀ, ଆଉ ତା’ପରେ..

ଅଭିନେତ୍ରୀ ପୁନମଙ୍କ ସ୍ୱାମୀ ଦେଉଛନ୍ତି ଶାରୀରିକ ଓ ମାନସିକ ନିର୍ଯାତନା

ମୁମ୍ବାଇ : ଆକ୍ଟର ଏବଂ ମଡେଲ ପୁନମ୍ ପାଣ୍ଡେଙ୍କ ସ୍ୱାମୀ ସେମ୍ ବାମ୍ବେଙ୍କୁ ଗିରଫ କରିଛି ମୁମ୍ବାଇ ପୋଲିସ । ପତ୍ନୀଙ୍କୁ ଶାରୀରିକ ଓ ମାନସିକ ନିର୍ଯାତନା ଦେଉଥିଲେ ସେମ । ଥାନାରେ ପୁନମଙ୍କ ଅଭିଯୋଗ କ୍ରମେ ସେମଙ୍କୁ ଗିରଫ କରିଛି ପୋଲିସ । ରିପୋର୍ଟ ଅନୁସାରେ ଥାନାରେ ଅଭିଯୋଗ ହେବା ପରେ ପୁନମଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ପୁନମଙ୍କ ମୁଣ୍ଡ, ଆଖି ଏବଂ ମୁହଁରେ ଆଘାତ ହୋଇଥିବା ଜଣାପଡ଼ିଛି । ମୁମ୍ବାଇ ପୋଲିସର କହିବାନୁସାରେ ଆଇପିସି ଧାରା ଅନ୍ତର୍ଗତ ସେମ ବାମ୍ବେ ବିରୁଦ୍ଧରେ ମାମଲା ରୁଜ୍ଜୁ କରାଯାଇ ଘଟଣାର ଯାଞ୍ଚ ଆରମ୍ଭ କରାଯାଇଛି ।

ଏହା ପ୍ରଥମ ଥର ନୁହେଁ ଏହା ପୂର୍ବରୁ ମଧ୍ୟ ପୁନମ ସ୍ୱାମୀ ସେମଙ୍କ ବିରୁଦ୍ଧରେ ମାରପିଟର ଅଭିଯୋଗ ଆଣିଥିଲେ । ବାହାଘରର କିଛି ବର୍ଷ ପରେ ହିଁ ମାରପିଟ ଅଭିଯୋଗକ୍ରମେ ଗୋଆରେ ସେମଙ୍କୁ ଗିରଫ କରିଥିଲା ପୋଲିସ । ସେମ ପୁନଲଙ୍କୁ ମାରପିଟ୍ କରିବା ସଙ୍ଗେ ସଙ୍ଗେ ଧମକ ମଧ୍ୟ ଦେଉଥିଲେ । ପୁନମଙ୍କ ଅଭିଯୋଗ ପରେ ସେମଙ୍କ ଉପରେ ଆଇପିସି ଧାରା ୫୫୩, ଧାରା ୫୦୬ ଏବଂ ଧାରା ୫୫୪ ଅନ୍ତର୍ଗତ ମାମଲା ରୁଜ୍ଜୁ କରାଯାଇଛି ।

‘ଆମ ଝିଅକୁ ତା ଶାଶୁଘର ଲୋକେ ଯୌତୁକ ପାଇଁ ମାରିଦେଲେ’

ନୟାଗଡ଼: ପୁଣି ଯୌତୁକ ଜୁଇରେ ଜଳିଲେ ନବବଧୂ। ନୟାଗଡ଼ ସଦର ଥାନା ଅଧୀନ ଶିମିଳିସାହି ଗାଁରେ ଅଧିକ ଯୌତୁକ ଦାବିରେ ଶାଶୁଘର ଲୋକେ ନବବଧୂଙ୍କୁ ହତ୍ୟାକରି ଝୁଲାଇ ଦେଇଥିବା ଅଭିଯୋଗ। ଏଭଳି ସାଂଘାତିକ୍ ଅଭିଯୋଗ ଆଣିଛନ୍ତି ନବବଧୂଙ୍କ ପରିବାର ଲୋକେ। ଅଭିଯୋଗ ଅନୁସାରେ ଶରଣକୂଳ ଥାନା କଟରାଝରି ଗାଁର ଲିଜା ନାହାକ ନୟାଗଡ଼ ସଦର ଥାନା ଅଧୀନ ଶିମିଳିସାହି ଗ୍ରାମର କୃଷ୍ଣ ନାୟକଙ୍କୁ ପ୍ରାୟ ବର୍ଷେତଳେ ବିବାହ କରିଥିଲେ।

ତେବେ ଦୀର୍ଘଦିନ ଧରି ଲିଜାଙ୍କୁ ପରିବାର ଲୋକେ ଅଧିକ ଯୌତୁକ ପାଇଁ ନିର୍ଯ୍ୟାତନା ଦେଇଆସୁଥିବା ବେଳେ ଗତକାଲି ଲିଜାଙ୍କୁ ଶାଶୁଘର ଲୋକ ଏକାଠି ହତ୍ୟା କରିଥିବା ଲିଜାଙ୍କ ପରିବାର ଲୋକେ ନୟାଗଡ ସଦର ଥାନାରେ ଲିଖିତ ଅଭିଯୋଗ କରିଛନ୍ତି। ତୁରନ୍ତ ଅଭିଯୋଗ ପାଇ ନୟାଗଡ଼ ସଦର ଥାନା ପୋଲିସ ଘଟଣାସ୍ଥଳରେ ପହଞ୍ଚି ଶବକୁ ଜବତ କରିବା ସହିତ ତଦନ୍ତ ଚଳାଇଛି। ସେପଟେ ଲିଜାଙ୍କ ଶାଶୁଘର ଲୋକେ ଫେରାର ହୋଇଥିବା ବେଳେ ଏବେ ପର୍ଯ୍ୟନ୍ତ ତାଙ୍କୁ ଗିରଫ କରାଯାଇପାରିନାହିଁ।

ସୋଏବ ଅଖତରଙ୍କୁ କାହିଁକି ମିଳିଲା ୧୦୦ ମିଲିୟନ ଡଲାର ମାନହାନି ନୋଟିସ ?

0

ଇସଲାମାବାଦ : ପାକିସ୍ତାନର ପୂର୍ବତନ ବରିଷ୍ଠ ଖେଳାଳି ସୋଏବ୍ ଅଖତରଙ୍କୁ ମିଳିଛି ୧୦୦ ମିଲିୟନ ଡଲାରର ମାନହାନି ନୋଟିସ । ପାକିସ୍ତାନର ଏହି ପୂର୍ବତନ କ୍ରିକେଟରଙ୍କ ପାଇଁ ନୁହେଁ ପାକିସ୍ତାନ ପାଇଁ ମଧ୍ୟ ଏତେ ବଡ଼ ରକମ ସ୍ୱପ୍ନ । ଏମିତିରେ ପ୍ରଶ୍ନ ଉଠିବ ଯେ, ସୋଏବଙ୍କୁ କିଏ ଓ କାହିଁକି ଏତେ ଟଙ୍କାର ମାନହାନି ନୋଟିସ ପଠାଇଛି । ଉତ୍ତର ହେଉଛି ପାକିସ୍ତାନର ସରକାରୀ ଚ୍ୟାନେଲ ପିଟିଭି ସୋଏବଙ୍କୁ ଏହି ନୋଟିସ ଦେଇଛି ।

ନୋଟିସରେ ସୋଏବଙ୍କୁ ୩ ମାସର ବେତନ ୩୩ ଲକ୍ଷ ୩୩ ହଜାର ଟଙ୍କା ସହିତ ୧ଶହ ମିଲିୟନ ଟଙ୍କା ଦେବାକୁ କହିଛି । ସୋଏବ ଯଦି ପିଟିଭି ନୋଟିସ ଅନୁସାରେ ଟଙ୍କା ନଦିଅନ୍ତି ତେବେ ପିଟିଭି କର୍ପୋରେସନ୍ ତାଙ୍କୁ ଅଦାଲତକୁ ଟାଣିବ । ସୂଚନାଯୋଗ୍ୟ ଯେ, ଅକ୍ଟୋବର ୨୬ ତାରିଖରେ ଟି-ଟ୍ୱେଣ୍ଟି ବିଶ୍ୱକପ୍ ଲାଇଭ୍ ସମୟରେ ପିଟିଭି ସ୍ପୋର୍ଟସ ଆଙ୍କର ନୋମାନ ନିୟାଜଙ୍କ ସହିତ ସୋଏବଙ୍କର ଯୁକ୍ତିତର୍କ ହୋଇଥିଲା । ଏହାପରେ ସୋଏବ ଲାଇଭ୍ ଟିଭିରେ ନିଜ ଇସ୍ତଫା ଘୋଷଣା କରିଥିଲେ । ପରେ ବିବାଦ ଘନେଇବାରୁ ପିଟିଭି ସ୍ପୋର୍ଟସ ଉଭୟ ନୋମାନ ଓ ସୋଏବଙ୍କୁ ଅଫ୍ ଏୟାର କରିଥିଲା । ଏବେ କିନ୍ତୁ ପିଟିଭି ସୋଏବଙ୍କ ଅନ୍ ଏୟାର ଡ୍ରାମାକୁ ସହଜରେ ନେଇ ନାହିଁ । ଏହି ଡ୍ରାମା ସୋଏବଙ୍କୁ ମହଙ୍ଗା ପଡିଛି ।

କଣ୍ଟ୍ରାକ୍ଟ ନିୟମ ଅନୁସାରେ ପିଟିଭି ସୋଏବଙ୍କୁ ନୋଟିସ କରି ୧ଶହ ମିଲିୟନ ଡଲାର କ୍ଷତିପୂରଣ ମାଗିଛି । ଏହା ସହିତ ତିନି ମାସର ଦରମା ୩୩ ଲକ୍ଷ ଟଙ୍କା ଦେବାକୁ କହିଛି । ପିଟିଭି ନୋଟିସରେ କଣ୍ଟ୍ରାକ୍ଟର କ୍ଲଜ୍ ୨୨ର ଅନୁସାରେ ଦୁଇ ପକ୍ଷ ତିନି ମାସର ନୋଟିସ ଦେଇ କଣ୍ଟ୍ରାକ୍ଟକୁ ରଦ୍ଧ କରିପାରିବେ କିମ୍ବା ତିନି ମାସର ଦରମା ଟଙ୍କା ଦେଇ କଣ୍ଟ୍ରାକ୍ଟରୁ ଓହରି ପାରିବେ । ପିଟିଭିର କହିବା ହେଉଛି ସୋଏବ ନିୟମ ଅନୁସାରେ ତିନି ମାସର ନୋଟିସ ନଦେଇ ଇସ୍ତଫା ଦେଇଛନ୍ତି । ତେଣୁ ତାଙ୍କୁ ପିଟିଭି କର୍ପୋରେସନକୁ ୩ ମାସର ଦରମା ବାବଦକୁ ୩୩ ଲକ୍ଷ ୩୩ ହଜାର ଟଙ୍କା ଦେବାକୁ ପଡ଼ିବ । ,

ପିଭିଟିର ଦାବି ଯେ, କୌଣସି ପୂର୍ବ ସୂଚନା ନ ଦେଇ ଟି-ଟ୍ୱେଣ୍ଟି ୱାଲ୍ଡ କପ୍ ଚାଲୁଥିବା ସମୟରେ ସୋଏବ୍ ଦୁବାଇ ଛାଡ଼ିଦେଇଥିଲେ । ଏହି ସମୟରେ ଭାରତୀୟ ଖେଳାଳି ହରବଜନ ସିଂଙ୍କ ସହ ଭାରତର ଏକ ଟିଭି ଚ୍ୟାନେଲରେ ଉପସ୍ଥିତ ଥିବାରୁ ପିଭିଟି ଚ୍ୟାନେଲର ଅନେକ ଆର୍ଥିକ କ୍ଷତି ହୋଇଥିଲା ।

ମଧ୍ୟ ରାତ୍ରିରେ ସ୍ତ୍ରୀ କଲେ ରେଡ୍: ହୋଟେଲରୁ ମହିଳା ବନ୍ଧୁଙ୍କ ସହ ଧରାପଡ଼ିଲେ ସ୍ୱାମୀ, ଆଉ ତା’ପରେ..

କାନପୁର: ମହିଳା ବନ୍ଧୁଙ୍କ ସହ ରାତ୍ରିଯାପନ ବେଳେ ସ୍ତ୍ରୀଙ୍କ ହାତରେ ଧରାପଡ଼ିଲେ ସ୍ୱାମୀ । କାନପୁରର ଗ୍ୱାଲଟୋଲି ଥାନାରେ ନିୟୋଜିତ ଇନ୍ସପେକ୍ଟର ଅରୁଣ କୁମାର ତାଙ୍କ ମହିଳା ବନ୍ଧୁଙ୍କ ସହ ଏକ ହୋଟେଲରେ ରାତ୍ରିଯାପନ ବେଳେ ଧରାପଡ଼ିଛନ୍ତି । ସ୍ୱାମୀଙ୍କ କାରନାମା ଦେଖିବା ପରେ ଉଭୟଙ୍କୁ ନିର୍ଦ୍ଧୁମ ମାଡ଼ ମାରିଥିଲେ । ହୋଟେଲ ରୁମ୍ ଠାରୁ ନେଇ ରାସ୍ତା ଯାଏଁ ଉଭୟଙ୍କ ମଧ୍ୟରେ ଟଣାଓଟରା ଚାଲିଥିଲା । ଘଟଣା ଲୋକଲୋଚନକୁ ଆସିବ ପରେ ସୋମବାର ପୋଲିସ କମିଶନର ଇନ୍ସପେକ୍ଟରଙ୍କୁ ନିଲମ୍ୱିତ କରିଦେଇଛନ୍ତି । ମାମଲାର ତଦନ୍ତ ଏସପି କର୍ଣ୍ଣଗଞ୍ଜଙ୍କୁ ହସ୍ତାନ୍ତର କରାଯାଇଛି । ଇନ୍ସପେକ୍ଟରଙ୍କ ବିରୋଧରେ ଏଭଳି ଅନେକ ଅଭିଯୋଗ ମଧ୍ୟ ମିଳିଛି । ଇନ୍ସପେକ୍ଟର ଅରୁଣ କୁମାର ଗ୍ୱାଲଟୋଲ ଥାନାରେ ଅତିରିକ୍ତ ଇନ୍ସପେକ୍ଟର ପଦରେ ନିୟୋଜିତ ଅଛନ୍ତି ।

ରବିବାର ରାତିରେ ଗ୍ୱାଲଟୋଲର ଏକ ହୋଟେଲରେ ରହଣୀ କରିଥିଲେ । ତାଙ୍କ ସହିତ ହରଦୋଇ ଅଞ୍ଚଳର ଜଣେ ମହିଳା ବନ୍ଧୁ ମଧ୍ୟ ରହିଥିଲେ । ଏ ନେଇ ସରକାରୀ ବାସଭବନରେ ରହୁଥିବା ତାଙ୍କ ପତ୍ନୀ ଜାଣିପାରିଥିଲେ । ଏହାପରେ ମଧ୍ୟରାତ୍ରିରେ ହୋଟେଲରେ ପହଞ୍ଚିଥିଲେ ଅରୁଣଙ୍କ ସ୍ତ୍ରୀ ।

ପ୍ରାରମ୍ଭିକ ତଦନ୍ତ ରିପୋର୍ଟ ଆଧାରରେ ପୋଲିସ କମିଶନର ଅସୀମ ଅରୁଣ ଇନ୍ସପେକ୍ଟରଙ୍କୁ ଚାକିରିରୁ ନିଲମ୍ୱିତ କରିଛନ୍ତି । କର୍ଣ୍ଣଲଗଞ୍ଜ ଏସପି ତ୍ରିପୁରାରି ପାଣ୍ଡେଙ୍କ କହିବା ହେଲା ଯେ, ଇନ୍ସପେକ୍ଟରଙ୍କ ବିରୋଧରେ ବିଭାଗୀୟ ତଦନ୍ତ ହେବ । ପୂର୍ବରୁ ମଧ୍ୟ ଇନ୍ସପେକ୍ଟରଙ୍କ ବିରୋଧରେ ଅଭିଯୋଗ ଆସିଛି । ସବୁ ଅଭିଯୋଗକୁ ତଦନ୍ତ ପ୍ରକ୍ରିୟାର ଅନ୍ତର୍ଭୁ୍କ୍ତ କରାଯିବ ।

ତେବେ ଇନ୍ସପେକ୍ୱର ଅରୁଣଙ୍କ ବିରୋଧରେ ପାଖାପାଖି ପାଞ୍ଚ ବର୍ଷ ପୂର୍ବେ ଏକ ଦୁଷ୍କର୍ମ ମାମଲା ରୁଜୁ ହୋଇସାରିଛି । ପରେ ଆପୋସ ବୁଝାମଣା ହୋଇଥିଲା । ଏବଂ ସେହିସେହି ମହିଳାଙ୍କ ସହ ସରକାରୀ ବାସଭବନରେ ରୁହନ୍ତି । ତେବେ ସେ ମହିଳାଙ୍କ ଦାବି କରୁଛନ୍ତି ଯେ, ସେମାନଙ୍କ ବିବାହ ହୋଇସାରିଛି ।

ଏଥିସହିତ ପଢ଼ନ୍ତୁ: ଆଶ୍ଚର୍ଯ୍ୟଜନକ NCRB ରିପୋର୍ଟ, ୨୦୨୦ରେ ୧୧ ହଜାର ବ୍ୟବସାୟୀ କରିଛନ୍ତି ଆତ୍ମହତ୍ୟା

ଓଡ଼ିଶାର ୧୧ ଜଣ କୃତି ସନ୍ତାନଙ୍କୁ ରାଷ୍ଟ୍ରପତିଙ୍କ ଦ୍ୱାରା ମିଳିଲା ପଦ୍ମ ସମ୍ମାନ

ନୂଆଦିଲ୍ଲୀ: ଦେଶର କୃତି ସନ୍ତାନଙ୍କୁ ମିଳିଲା ପଦ୍ମ ସମ୍ମାନ। ୧୧ଜଣ ଓଡ଼ିଆଙ୍କୁ ମିଳିଛି ପଦ୍ମ ସମ୍ମାନ। ରାଷ୍ଟ୍ରପତି ଭବନରେ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ ପୂଜ୍ୟ ପ୍ରତିଭାଙ୍କୁ ପୁରସ୍କାର ପ୍ରଦାନ କରିଛନ୍ତି ରାଷ୍ଟ୍ରପତି ରମନାଥ କୋବିନ୍ଦ। ୭ଜଣଙ୍କୁ ପଦ୍ମବିଭୂଷଣ, ୧୬ଜଣଙ୍କୁ ପଦ୍ମ ଭୂଷଣ ଓ ୧୧୮ ଜଣଙ୍କୁ ପଦ୍ମଶ୍ରୀ ପୁରସ୍କାର ପ୍ରଦାନ କରାଯାଇଛି। ସେମାନଙ୍କ ମଧ୍ୟରୁ ୩୩ଜଣ ମହିଳା ଥିବାବେଳେ ୧୮ ଜଣ ରହିଛନ୍ତି ବିଦେଶୀ, ପ୍ରବାସୀ ଭାରତୀୟ, ପିଆଇଓ। ଆଜି ଓଡ଼ିଶାର ସୁଦର୍ଶନ ସାହୁ, ଶାନ୍ତି ଦେବୀ, ରଜତ କୁମାର କର, ପୂର୍ଣ୍ଣମାସୀ ଜାନି, ଡ. କୃଷ୍ଣ ମୋହନ ପାଠୀ ଓ ନନ୍ଦ ପୃଷ୍ଟିଙ୍କୁ ପଦ୍ମ ସମ୍ମାନ ପ୍ରଦାନ କରାଯାଇଛି।

ଗତକାଲି ଜର୍ଜ ଫର୍ଣ୍ଣାଣ୍ଡିଜଙ୍କୁ ପଦ୍ମବିଭୂଷଣ ଉପାଧି ମିଳିଥିବାବେଳେ ଖେଳାଳି ପିଭି ସିନ୍ଧୁଙ୍କୁ ମିଳିଛି ପଦ୍ମ ଭୂଷଣ ପୁରସ୍କାର। କଙ୍ଗନା ରଣାଓ୍ୱତଙ୍କୁ ପଦ୍ମଶ୍ରୀ ପୁରସ୍କାର ମିଳିଥିବାବେଳେ ଗାୟକ ଅଦନାନ ସମୀଙ୍କୁ ମଧ୍ୟ ଏହି ସମ୍ମାନରେ ସମ୍ମାନିତ କରାଯାଇଥିଲା। ମନୋଜ ଦାସଙ୍କୁ ପଦ୍ମଭୂଷଣ ସମ୍ମାନରେ ସମ୍ମାନିତ କରାଯାଇଥିଲା। ଦିଗମ୍ବର ବେହେରା, ଦମୟନ୍ତୀ ବେଶ୍ରା, ଉତ୍ସବଚରଣ ଦାସ, ବୀଣାପାଣି ମହାନ୍ତି, ପ୍ରଶାନ୍ତ ପଟ୍ଟନାୟକ, ସାବରମତୀ, ବଟକୃଷ୍ଣ ସାହୁଙ୍କୁ ମିଳିଛି ପଦ୍ମଶ୍ରୀ।

ଆଶିଷ ମିଶ୍ରା ଓ ସହଯୋଗୀ ଅଙ୍କିତ ଦାସଙ୍କ ଲାଇସେନ୍ସ ବନ୍ଧୁକରୁ ହୋଇଥିଲା ଗୁଳିଚାଳନା

ନୂଆଦିଲ୍ଲୀ: ଲଖିମପୁର-ଖେରି ଚାଷୀ ମୃତ୍ୟୁ ମାମଲା। ଫରେନ୍ସିକ ରିପୋର୍ଟରେ ସାଂଘାତିକ ଖୁଲାସା। ମାମଲାର ମୁଖ୍ୟ ଅଭିଯୁକ୍ତ ତଥା କେନ୍ଦ୍ରମନ୍ତ୍ରୀ ଅଜୟ ମିଶ୍ରାଙ୍କ ପୁଅ ଆଶିଷ ମିଶ୍ରା ଓ ସହଯୋଗୀ ଅଙ୍କିତ ଦାସଙ୍କ ଲାଇସେନ୍ସ ବନ୍ଧୁକରୁ ଗୁଳିଚାଳନା ହୋଇଥିଲା ବୋଲି ରିପୋର୍ଟ ପ୍ରକାଶ ପାଇଛି। ହିଂସା ବେଳେ ଚାଷୀଙ୍କ ଉପରକୁ ଗୁଳିମାଡ଼ ହୋଇଥିଲା ବୋଲି ବାଲିଷ୍ଟିକ୍ ରିପୋର୍ଟରେ ସ୍ପଷ୍ଟ ହୋଇଛି। ହିଂସାକାଣ୍ଡ ସ୍ଥଳରେ ୮ଜଣଙ୍କ ମୃତ୍ୟୁ ହୋଇଥିବା ବେଳେ ସେମାନଙ୍କ ମଧ୍ୟରେ ୪ଜଣ ଚାଷୀ ଓ ଜଣେ ସାମ୍ବାଦିକଙ୍କ ମୃତ୍ୟୁ ହୋଇଥିଲା।

ଚାଷୀଙ୍କ ଉପରକୁ ଗୁଳି ଚଳା ଯାଇଥିବା ଚାଷୀ ଅଭିଯୋଗ କରିବା ସହ ଘଟଣାର ଯାଞ୍ଚ କରିବାକୁ ଦାବି କରିଥିଲେ। ଏଥିପାଇଁ ଲଖିମପୁର ପୋଲିସ ଅଙ୍କିତ ଦାସଙ୍କ ରିପଟର ଗନ୍, ପିସ୍ତଲ ଓ ଆଶିଷ ମିଶ୍ରାଙ୍କ ରାଇଫଲ ଓ ରିଭରବଲ ଜବତ କରି ଯାଞ୍ଚ ପାଇଁ ଫରେନ୍ସିକ୍ ଲାବରେଟୋରୀକୁ ପଠାଇଥିଲା। ଅକ୍ଟୋବର ୩ ରେ ଉତ୍ତରପ୍ରଦେଶ ଲଖିମପୁର ଜିଲ୍ଲାରେ ଚାଷୀଙ୍କ ବିକ୍ଷୋଭ ବେଳେ ୮ଜଣଙ୍କ ମୃତ୍ୟୁ ହୋଇଥିଲା। ସୁପ୍ରିମକୋର୍ଟରେ ଶୁଣାଣି ବେଳେ ୟୁପି ସରକାରଙ୍କ ଷ୍ଟାଟସ ରିପୋର୍ଟକୁ ନେଇ ଖଣ୍ଡପୀଠ ଅସନ୍ତୋଷ ବ୍ୟକ୍ତ କରିଥିଲେ।

ପଦ୍ମଶ୍ରୀ ପୁରସ୍କାର ପାଇଥିବା ତୁଳସୀ ଗୌଡା କିଏ? କାହିଁକି ତାଙ୍କୁ କୁହାଯାଏ “ଜଙ୍ଗଲର ଏନସାଇକ୍ଲୋପିଡ଼ିଆ” ଜାଣନ୍ତୁ…

ନୂଆଦିଲ୍ଲୀ: ଦେଶର ଚତୁର୍ଥ ସର୍ବୋଚ୍ଚ ନାଗରିକ ପୁରସ୍କାର ହେଉଛି ପଦ୍ମଶ୍ରୀ ।  ଗତକାଲି ରାଷ୍ଟ୍ରପତି ରାମ ନାଥ କୋବିନ୍ଦ ଚଳିତ ବର୍ଷର ପଦ୍ମ ପୁରସ୍କାର ବିଜେତାଙ୍କୁ ରାଷ୍ଟ୍ରପତି ଭବନରେ ସମ୍ମାନିତ କରିଛନ୍ତି । ବିଭିନ୍ନ କ୍ଷେତ୍ରରେ ଅଭିଜ୍ଞ ବ୍ୟକ୍ତିତ୍ବଙ୍କୁ ଏହି ପୁରସ୍କାରରେ ସମ୍ମାନିତ କରିଛନ୍ତି ରାଷ୍ଟ୍ରପତି ରାମ ନାଥ କୋବିନ୍ଦ । ସେହିପରି ପରିବେଶ ସୁରକ୍ଷା ଦିଗରେ କର୍ଣ୍ଣାଟକର ୭୨ ବର୍ଷିୟ ପରିବେଶବିତ୍ ତୁଳସୀ ଗୌଡାଙ୍କୁ ମିଳିଛି ପଦ୍ମ ପୁରସ୍କାର । ପରିବେଶବିତ୍ ଭାବରେ ତାଙ୍କର କାହାଣୀ ବର୍ଷ ବର୍ଷ ଧରି ଅନେକଙ୍କ ପାଇଁ ଏକ ପ୍ରେରଣାର ଉତ୍ସ ପାଲଟିବ । ରାଷ୍ଟ୍ରପତି ରାମ ନାଥ କୋବିନ୍ଦ ଏହି ଉତ୍ସବରେ ଆଦିବାସୀ ପରିବେଶବିତଙ୍କୁ ପ୍ରଦାନ କରିଥିଲେ ପଦ୍ମଶ୍ରୀ ପୁରସ୍କାର ।

ତୁଳସୀ ଗୌଡା କର୍ଣ୍ଣାଟକର ହାଲାକି ଆଦିବାସୀ ଜନଜାତିର ଏବଂ ଏକ ଗରିବ ପରିବାରରୁ ଆସନ୍ତି । ଗରିବ ପରିବାର ହେତୁ କୌଣସି ଆନୁଷ୍ଠାନିକ ଶିକ୍ଷା ଗ୍ରହଣ କରିପାରିନଥିଲେ ତୁଳସୀ । ପାଠ ନପଢ଼ିଥିଲେ ମଧ୍ୟ ଦେଶ ପାଇଁ କରୁଛନ୍ତି ଅତୁଳନୀୟ କାମ । ସମସ୍ତ ଅସୁବିଧା ସତ୍ତ୍ବେ ସେ ଉଦ୍ଭିଦ ଓ ଅନ୍ୟାନ ଜୀବଜନ୍ତୁ କ୍ଷେତ୍ରରେ ନିଜର ଜ୍ଞାନ ବିସ୍ତାର କରିଥିଲେ । ଯାହା ଫଳରେ ଆଜି ସେ “ଜଙ୍ଗଲର ଏନସାଇକ୍ଲୋପିଡ଼ିଆ” ଭାବରେ ଜଣାଶୁଣା କାହିଁକି ନା ତାଙ୍କ ପାଖରେ ବିଶ୍ବରେ ବିଭିନ୍ନ ସ୍ଥାନରେ ମିଳୁଥିବା ଔଷଧୀୟ  ଉଦ୍ଭିଦ ଏବଂ ଉଦ୍ଭିଦ ପ୍ରଜାତି ବିଷୟରେ ସମସ୍ତ ଜ୍ଞାନ ରହିଛି ତୁଳସୀଙ୍କ ପାଖରେ । ସେ ଯୁବାବସ୍ଥାରୁ ପରିବେଶର ସୁରକ୍ଷା ପାଇଁ ସକ୍ରିୟ ସହଯୋଗ କରିଆସୁଛନ୍ତି ଏବଂ ହଜାର ହଜାର ଗଛ ଲାଗାଇଛନ୍ତି । ପରିବେଶ ସଂରକ୍ଷଣରେ ଏକ ମହ୍ବତପୂର୍ଣ୍ଣ ପରିବର୍ତ୍ତନ କରିବା ପାଇଁ  ପ୍ରଥମେ ଏକ ଅସ୍ଥାୟୀ ସ୍ବେଚ୍ଛାସେବୀ ଭାବରେ ଜଙ୍ଗଲ ବିଭାଗରେ ଯୋଗ ଦେଇଥିଲେ ତୁଳସୀ ଗୌଡା । ଏହା ପରେ ଜଙ୍ଗଲର ଉନ୍ନତି ପାଇଁ ଥିବା ଉଦ୍ୟମକୁ ଦେଖି ତାଙ୍କୁ ସ୍ବୀକୃତି ଦିଆଯାଇଥିଲା ଏବଂ ଜଙ୍ଗଲ ବିଭାଗ ତୁଳସୀଙ୍କୁ ସ୍ଥାୟୀ ପଦବୀ ପ୍ରଦାନ କରିଥିଲେ ।

ପ୍ରକୃତିର ରକ୍ଷା ପାଇଁ ଉତ୍ସର୍ଗୀକୃତ ତୁଳସୀ ତାଙ୍କ ଜୀବନ ମଧ୍ୟରେ ୩୦ ହଜାରରୁ ଅଧିକ ଚାରା ରୋପଣ କରିଛନ୍ତି । ପରିବେଶ ସଂରକ୍ଷଣ କାର୍ଯ୍ୟରେ ମଧ୍ୟ ତୁଳସୀ ୧୦ ବର୍ଷ ବୟସରୁ ଜଡିତ ଅଛନ୍ତି । ତୁଳସୀ ୧୨ ବର୍ଷ ବୟସରେ ଭାରତର ଜଙ୍ଗଲର ଉନ୍ନତି ଦିଗରେ କାର୍ଯ୍ୟ କରିବା ଆରମ୍ଭ କରିଥିଲେ । ତେବେ ୭୨ ବର୍ଷରେ ପାଦ ଦେଲା ପରେ ମଧ୍ୟ ସେ କେବେ ନିଜ କାର୍ଯ୍ୟରୁ କେବେ ନିବୃତ ହୋଇନାହାନ୍ତି । ୭୨ ବର୍ଷରେ ମଧ୍ୟ ସେ ପରିବେଶ ପ୍ରତିପୋଷଣ ତଥା ଦେଶରେ ବୃକ୍ଷରୋପଣ ବିରୁଦ୍ଧରେ ଲଢ଼େଇ ପାଇଁ ଉତ୍ସର୍ଗୀକୃତ ।

 

ହସ୍ପିଟାଲର ଶିଶୁ ୱାର୍ଡରେ ନିଆଁ ଲଗାଇଥିଲେ ନର୍ସ ? ନିଆଁ ଲାଗିବାର ୫ ମିନିଟ୍ ପୂର୍ବରୁ କ’ଣ ଧମକ ଦେଇଥିଲେ ନର୍ସ ?

ଭୋପାଳ: ହମିଦିଆ କ୍ୟାମ୍ପସର କମଲା ନେହେରୁ ହସ୍ପିଟାଲ ଅଗ୍ନିକାଣ୍ଡରେ ମୃତ ନବଜାତକଙ୍କ ଅଭିଭାବକ ଅଘଟଣ ପଛରେ ବଡ଼ ଧରଣର ଷଡ଼ଯନ୍ତ୍ରର ଅଭିଯୋଗ କରିଛନ୍ତି। ସେମାନଙ୍କ କହିବା ହେଉଛି ଯେ,ନିଆଁ ଲାଗିବା ପଛରେ ଜଣେ ନର୍ସ ଅଛନ୍ତି। ନିଆଁ ଲାଗିବାର ୫ ମିନିଟ୍ ପୂର୍ବରୁ ନର୍ସ ଓ ୱାର୍ଡ୍ ବୟଙ୍କ ମଧ୍ୟରେ ଝଗଡା ହୋଇଥିଲା ଓ ଉଭୟ ପରସ୍ପରକୁ ଧମକ ଦେଇଥିଲେ ବୋଲି ଅଭିଭାବକ ଅଭିଯୋଗ କରିଛନ୍ତି।

ଝଗଡାର ୫ ମିନିଟ୍ ପରେ ଲାଗିଥିଲା ନିଆଁ

ବାଗ ସେବନିଆର ପୁନମ ଏହି ଅଗ୍ନିକାଣ୍ଡରେ ନିଜ ନବଜାତକ ନାତୁଣିକୁ ହରାଇଛନ୍ତି। ସୋମବାର ଦିନ ହିଁ ତାଙ୍କ ଝିଅ ଏକ ପୁତ୍ର ସନ୍ତାନ ଜନ୍ମ କରିଥିଲେ। ରାତିରେ ସେ ଝିଅ ଓ ନାତି ସହିତ ଥିଲେ। ସେହି ସମୟରେ ନର୍ସ ଓ ୱାର୍ଡ୍ ବୟଙ୍କ ମଧ୍ୟରେ ଝଗଡା ହୋଇଥିଲା ବୋଲି ପୁନମ ଅଭିଯୋଗ କରିଛନ୍ତି। ଝଗଡା ପରେ ପୁନମ ୱାର୍ଡରୁ ବାହାରି ଯାଇଥିଲେ। ଏହାର ଠିକ୍ ୫ ମିନିଟ ପରେ ନିଆଁ ଲାଗିଥିଲା।

ଏଠାରୁ କେହି ହସି ହସି ଯିବେ ନାହିଁ,ନର୍ସ ଦେଇଥିଲେ ଧମକ

ପୁନମଙ୍କ ଅନୁସାରେ ଜଣେ ନର୍ସ ଝଗଡା ବେଳେ ଧମକ ଦେଇଥିଲେ ଯେ, ଏଠାରୁ କେହି ମଧ୍ୟ ହସି ହସି ଯିବେ ନାହିଁ। ସମସ୍ତେ ଏଠାରୁ କାନ୍ଦି କାନ୍ଦି ଯିବେ। ଏହାର ୫ ମିନିଟ୍ ପରେ ନିଆଁ ଲାଗିଥିଲା। ହସ୍ପିଟାଲ ପ୍ରଶାସନ ଅନୁସାରେ ସର୍ଟ ସର୍କିଟ୍ କାରଣରୁ ନିଆଁ ଲାଗିଥିଲା। ନିଆଁ ଲାଗିବା ବେଳେ ସେଠାରେ ୪୦ ନବଜାତକ ଥିଲେ।

ପ୍ରକୃତରେ ମୃତ୍ୟୁ ସଂଖ୍ୟା କେତେ ?

ହସ୍ପିଟାଲ ମୃତ୍ୟୁ ସଂଖ୍ୟା ୪ କହୁଥିବା ବେଳେ ପୀଡିତ ଏହାକୁ ମାନିବାକୁ ପ୍ରସ୍ତୁତ ନାହାନ୍ତି। ସେମାନଙ୍କ ଅନୁସାରେ ମୃତ୍ୟୁ ସଂଖ୍ୟା ୪ରୁ ଅଧିକ। ହସ୍ପିଟାଲ କର୍ତ୍ତୁପକ୍ଷ ପ୍ରକୃତ ସଂଖ୍ୟାକୁ ଲୁଚାଉଛନ୍ତି। ଅଭିଭାବକଙ୍କ ଅଭିଯୋଗ ଯେ, ସୋମବାର ରାତି ୯ଟାରେ ନିଆଁ ଲାଗିଥିଲେ ମଧ୍ୟ ସକାଳ ୭.୩୦ ସୁଧା ସେମାନଙ୍କୁ ହସ୍ପିଟାଲ ଭିତରକୁ ଯିବାକୁ ଦିଆ ଯାଇନଥିଲା। ଘରୋଇ ସୁରକ୍ଷା କର୍ମୀଙ୍କୁ ଗେଟରେ ନିୟୋଜିତ କରି ଅଭିଭାବକଙ୍କୁ ଅଟକା ଯାଇଥିଲା। ଏପରିକି ମିଡିଆକୁ ମଧ୍ୟ ହସ୍ପିଟାଲ ମଧ୍ୟକୁ ଯିବାକୁ ଦିଆଯାଉନାହିଁ।