ମଧ୍ୟ ରାତ୍ରିରେ ସ୍ତ୍ରୀ କଲେ ରେଡ୍: ହୋଟେଲରୁ ମହିଳା ବନ୍ଧୁଙ୍କ ସହ ଧରାପଡ଼ିଲେ ସ୍ୱାମୀ, ଆଉ ତା’ପରେ..
1 min read
କାନପୁର: ମହିଳା ବନ୍ଧୁଙ୍କ ସହ ରାତ୍ରିଯାପନ ବେଳେ ସ୍ତ୍ରୀଙ୍କ ହାତରେ ଧରାପଡ଼ିଲେ ସ୍ୱାମୀ । କାନପୁରର ଗ୍ୱାଲଟୋଲି ଥାନାରେ ନିୟୋଜିତ ଇନ୍ସପେକ୍ଟର ଅରୁଣ କୁମାର ତାଙ୍କ ମହିଳା ବନ୍ଧୁଙ୍କ ସହ ଏକ ହୋଟେଲରେ ରାତ୍ରିଯାପନ ବେଳେ ଧରାପଡ଼ିଛନ୍ତି । ସ୍ୱାମୀଙ୍କ କାରନାମା ଦେଖିବା ପରେ ଉଭୟଙ୍କୁ ନିର୍ଦ୍ଧୁମ ମାଡ଼ ମାରିଥିଲେ । ହୋଟେଲ ରୁମ୍ ଠାରୁ ନେଇ ରାସ୍ତା ଯାଏଁ ଉଭୟଙ୍କ ମଧ୍ୟରେ ଟଣାଓଟରା ଚାଲିଥିଲା । ଘଟଣା ଲୋକଲୋଚନକୁ ଆସିବ ପରେ ସୋମବାର ପୋଲିସ କମିଶନର ଇନ୍ସପେକ୍ଟରଙ୍କୁ ନିଲମ୍ୱିତ କରିଦେଇଛନ୍ତି । ମାମଲାର ତଦନ୍ତ ଏସପି କର୍ଣ୍ଣଗଞ୍ଜଙ୍କୁ ହସ୍ତାନ୍ତର କରାଯାଇଛି । ଇନ୍ସପେକ୍ଟରଙ୍କ ବିରୋଧରେ ଏଭଳି ଅନେକ ଅଭିଯୋଗ ମଧ୍ୟ ମିଳିଛି । ଇନ୍ସପେକ୍ଟର ଅରୁଣ କୁମାର ଗ୍ୱାଲଟୋଲ ଥାନାରେ ଅତିରିକ୍ତ ଇନ୍ସପେକ୍ଟର ପଦରେ ନିୟୋଜିତ ଅଛନ୍ତି ।
ରବିବାର ରାତିରେ ଗ୍ୱାଲଟୋଲର ଏକ ହୋଟେଲରେ ରହଣୀ କରିଥିଲେ । ତାଙ୍କ ସହିତ ହରଦୋଇ ଅଞ୍ଚଳର ଜଣେ ମହିଳା ବନ୍ଧୁ ମଧ୍ୟ ରହିଥିଲେ । ଏ ନେଇ ସରକାରୀ ବାସଭବନରେ ରହୁଥିବା ତାଙ୍କ ପତ୍ନୀ ଜାଣିପାରିଥିଲେ । ଏହାପରେ ମଧ୍ୟରାତ୍ରିରେ ହୋଟେଲରେ ପହଞ୍ଚିଥିଲେ ଅରୁଣଙ୍କ ସ୍ତ୍ରୀ ।
ପ୍ରାରମ୍ଭିକ ତଦନ୍ତ ରିପୋର୍ଟ ଆଧାରରେ ପୋଲିସ କମିଶନର ଅସୀମ ଅରୁଣ ଇନ୍ସପେକ୍ଟରଙ୍କୁ ଚାକିରିରୁ ନିଲମ୍ୱିତ କରିଛନ୍ତି । କର୍ଣ୍ଣଲଗଞ୍ଜ ଏସପି ତ୍ରିପୁରାରି ପାଣ୍ଡେଙ୍କ କହିବା ହେଲା ଯେ, ଇନ୍ସପେକ୍ଟରଙ୍କ ବିରୋଧରେ ବିଭାଗୀୟ ତଦନ୍ତ ହେବ । ପୂର୍ବରୁ ମଧ୍ୟ ଇନ୍ସପେକ୍ଟରଙ୍କ ବିରୋଧରେ ଅଭିଯୋଗ ଆସିଛି । ସବୁ ଅଭିଯୋଗକୁ ତଦନ୍ତ ପ୍ରକ୍ରିୟାର ଅନ୍ତର୍ଭୁ୍କ୍ତ କରାଯିବ ।
ତେବେ ଇନ୍ସପେକ୍ୱର ଅରୁଣଙ୍କ ବିରୋଧରେ ପାଖାପାଖି ପାଞ୍ଚ ବର୍ଷ ପୂର୍ବେ ଏକ ଦୁଷ୍କର୍ମ ମାମଲା ରୁଜୁ ହୋଇସାରିଛି । ପରେ ଆପୋସ ବୁଝାମଣା ହୋଇଥିଲା । ଏବଂ ସେହିସେହି ମହିଳାଙ୍କ ସହ ସରକାରୀ ବାସଭବନରେ ରୁହନ୍ତି । ତେବେ ସେ ମହିଳାଙ୍କ ଦାବି କରୁଛନ୍ତି ଯେ, ସେମାନଙ୍କ ବିବାହ ହୋଇସାରିଛି ।
