spot_img
Home Blog Page 5121

ହସ୍ପିଟାଲର ଶିଶୁ ୱାର୍ଡରେ ନିଆଁ ଲଗାଇଥିଲେ ନର୍ସ ? ନିଆଁ ଲାଗିବାର ୫ ମିନିଟ୍ ପୂର୍ବରୁ କ’ଣ ଧମକ ଦେଇଥିଲେ ନର୍ସ ?

ଭୋପାଳ: ହମିଦିଆ କ୍ୟାମ୍ପସର କମଲା ନେହେରୁ ହସ୍ପିଟାଲ ଅଗ୍ନିକାଣ୍ଡରେ ମୃତ ନବଜାତକଙ୍କ ଅଭିଭାବକ ଅଘଟଣ ପଛରେ ବଡ଼ ଧରଣର ଷଡ଼ଯନ୍ତ୍ରର ଅଭିଯୋଗ କରିଛନ୍ତି। ସେମାନଙ୍କ କହିବା ହେଉଛି ଯେ,ନିଆଁ ଲାଗିବା ପଛରେ ଜଣେ ନର୍ସ ଅଛନ୍ତି। ନିଆଁ ଲାଗିବାର ୫ ମିନିଟ୍ ପୂର୍ବରୁ ନର୍ସ ଓ ୱାର୍ଡ୍ ବୟଙ୍କ ମଧ୍ୟରେ ଝଗଡା ହୋଇଥିଲା ଓ ଉଭୟ ପରସ୍ପରକୁ ଧମକ ଦେଇଥିଲେ ବୋଲି ଅଭିଭାବକ ଅଭିଯୋଗ କରିଛନ୍ତି।

ଝଗଡାର ୫ ମିନିଟ୍ ପରେ ଲାଗିଥିଲା ନିଆଁ

ବାଗ ସେବନିଆର ପୁନମ ଏହି ଅଗ୍ନିକାଣ୍ଡରେ ନିଜ ନବଜାତକ ନାତୁଣିକୁ ହରାଇଛନ୍ତି। ସୋମବାର ଦିନ ହିଁ ତାଙ୍କ ଝିଅ ଏକ ପୁତ୍ର ସନ୍ତାନ ଜନ୍ମ କରିଥିଲେ। ରାତିରେ ସେ ଝିଅ ଓ ନାତି ସହିତ ଥିଲେ। ସେହି ସମୟରେ ନର୍ସ ଓ ୱାର୍ଡ୍ ବୟଙ୍କ ମଧ୍ୟରେ ଝଗଡା ହୋଇଥିଲା ବୋଲି ପୁନମ ଅଭିଯୋଗ କରିଛନ୍ତି। ଝଗଡା ପରେ ପୁନମ ୱାର୍ଡରୁ ବାହାରି ଯାଇଥିଲେ। ଏହାର ଠିକ୍ ୫ ମିନିଟ ପରେ ନିଆଁ ଲାଗିଥିଲା।

ଏଠାରୁ କେହି ହସି ହସି ଯିବେ ନାହିଁ,ନର୍ସ ଦେଇଥିଲେ ଧମକ

ପୁନମଙ୍କ ଅନୁସାରେ ଜଣେ ନର୍ସ ଝଗଡା ବେଳେ ଧମକ ଦେଇଥିଲେ ଯେ, ଏଠାରୁ କେହି ମଧ୍ୟ ହସି ହସି ଯିବେ ନାହିଁ। ସମସ୍ତେ ଏଠାରୁ କାନ୍ଦି କାନ୍ଦି ଯିବେ। ଏହାର ୫ ମିନିଟ୍ ପରେ ନିଆଁ ଲାଗିଥିଲା। ହସ୍ପିଟାଲ ପ୍ରଶାସନ ଅନୁସାରେ ସର୍ଟ ସର୍କିଟ୍ କାରଣରୁ ନିଆଁ ଲାଗିଥିଲା। ନିଆଁ ଲାଗିବା ବେଳେ ସେଠାରେ ୪୦ ନବଜାତକ ଥିଲେ।

ପ୍ରକୃତରେ ମୃତ୍ୟୁ ସଂଖ୍ୟା କେତେ ?

ହସ୍ପିଟାଲ ମୃତ୍ୟୁ ସଂଖ୍ୟା ୪ କହୁଥିବା ବେଳେ ପୀଡିତ ଏହାକୁ ମାନିବାକୁ ପ୍ରସ୍ତୁତ ନାହାନ୍ତି। ସେମାନଙ୍କ ଅନୁସାରେ ମୃତ୍ୟୁ ସଂଖ୍ୟା ୪ରୁ ଅଧିକ। ହସ୍ପିଟାଲ କର୍ତ୍ତୁପକ୍ଷ ପ୍ରକୃତ ସଂଖ୍ୟାକୁ ଲୁଚାଉଛନ୍ତି। ଅଭିଭାବକଙ୍କ ଅଭିଯୋଗ ଯେ, ସୋମବାର ରାତି ୯ଟାରେ ନିଆଁ ଲାଗିଥିଲେ ମଧ୍ୟ ସକାଳ ୭.୩୦ ସୁଧା ସେମାନଙ୍କୁ ହସ୍ପିଟାଲ ଭିତରକୁ ଯିବାକୁ ଦିଆ ଯାଇନଥିଲା। ଘରୋଇ ସୁରକ୍ଷା କର୍ମୀଙ୍କୁ ଗେଟରେ ନିୟୋଜିତ କରି ଅଭିଭାବକଙ୍କୁ ଅଟକା ଯାଇଥିଲା। ଏପରିକି ମିଡିଆକୁ ମଧ୍ୟ ହସ୍ପିଟାଲ ମଧ୍ୟକୁ ଯିବାକୁ ଦିଆଯାଉନାହିଁ।

ସାମାଜିକ ଗଣମାଧ୍ୟମରେ ମହିଳାଙ୍କୁ ଅଶାଳୀନ ବ୍ୟବହାରକୁ ନେଇ ବଢୁଛି ଅସନ୍ତୋଷ

ଭଦ୍ରକ: ସାମାଜିକ ଗଣମାଧ୍ୟମରେ ମହିଳାଙ୍କୁ ଅଶାଳୀନ ବ୍ୟବହାରକୁ ନେଇ ବଢୁଛି ଅସନ୍ତୋଷ। ଏନେଇ ଥାନାରେ ମାମଲା ସହ ଭଦ୍ରକ BJD ମହିଳା କର୍ମୀଙ୍କ ପକ୍ଷରୁ ସାମ୍ଵାଦିକ ସମ୍ମିଳନୀ ଜରିଆରେ ବିଷୋଦଗାର ପ୍ରକାଶ କରାଯାଇଛି। ମହିଳାଙ୍କ ଅଧିକାର ଉପରେ କଟୁ ମନ୍ତବ୍ୟ ବିଜୁ ଜନତା ଦଳ ସହିନି କି ସହିବ ନାହିଁ। ସୋସିଆଲ ମିଡ଼ିଆରେ ମହିଳାଙ୍କ ଅଧିକାରକୁ ସମାଲୋଚନା କରିଥିବା ଜୈନିକ ଅସାମାଜିକ ଯୁବକ ଉପରେ କାର୍ଯାନୁଷ୍ଠାନ ଲାଗି ଭଦ୍ରକ ଏସପିଙ୍କୁ ଦାବିପତ୍ର ଦିଆଯାଇଛି। ତୁରନ୍ତ ଏ ନେଇ କାର୍ଯ୍ୟାନୁଷ୍ଠାନ ଗ୍ରହଣ କରାନଗଲେ ଆନ୍ଦୋଳନ ଚେତାବନୀ ଦେଇଛନ୍ତି BJD ମହିଳା।

ଗତ ୨ତାରିଖରେ ଵିଜୁ ଜନତା ଦଳ ପକ୍ଷରୁ ପେଟ୍ରୋଲ ଦର ବୃଦ୍ଧି ନେଇ ଆନ୍ଦୋଳନ କରାଯାଇଥିଲା। ଏଥିରେ ରାଲି କରାଯିଵା ସହ ପ୍ରତିଵାଦ ସଭା କରାଯାଇଥିଲା। ଏଥିରେ ଵହୁ ସଂଖ୍ୟକ ନିର୍ଦ୍ଦିଷ୍ଟ ସଂପ୍ରଦାୟର ମହିଳା ଯୋଗଦେଇ ଥିବାରୁ ଏହାକୁ ନେଇ ସଂପୃକ୍ତ ସଂପ୍ରଦାୟର ଜଣେ ଯୁବକ ସାମାଜିକ ଗଣମାଧ୍ୟମରେ କଟୁ ମନ୍ତବ୍ୟ ଦେଇଥିଲେ। ଯାହା ମହିଳାଙ୍କ ଆତ୍ମସମାନକୁ ଆଘାତ କରିଥିଲା। ଏହାକୁ ନେଇ ଉଭୟ ସଂପ୍ରଦାୟର ମହିଳା ସାମ୍ବାଦିକ ସମ୍ମିଳନୀରେ ଭଦ୍ରକ ଭଳି ଭାଇଚାର ସ୍ଥାନରେ ଏଭଳି କଥା ଗ୍ରହଣ କରାଯିବ ନାହିଁ ଵୋଲି ମନ୍ତବ୍ୟ ରଖି ଥିଲେ।

ଭୀଷଣ ବର୍ଷା କାରଣରୁ ତାମିଲନାଡୁରେ ସ୍ଥିତି ସଙ୍ଗୀନ, ପରିସ୍ଥିତି ଆହୁରି ବିଗିଡ଼ିପାରେ

0

ତାମିଲନାଡ଼ୁ : ତାମିଲନାଡ଼ୁରେ ଭୀଷଣ ବର୍ଷା ଯୋଗୁଁ ରାସ୍ତାଘାଟ ନଦୀରେ ପରିଣତ ହୋଇଛି । ଭୀଷଣ ବର୍ଷାରେ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ୬୦ରୁ ଅଧିକ ଘର ଭାଙ୍ଗିଥିବା ଜଣା ପଡିଛି । ଚେନ୍ନାଇର କେତେକ ଘରେ ପାଣି ପଶିଯାଇଥିବାରୁ ଲୋକ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଛନ୍ତି । ଅନ୍ୟପକ୍ଷରେ ତାମିଲନାଡ଼ୁରେ ଆଗକୁ କିଛିଦିନ ବର୍ଷା ଲାଗିରହିବାର ଆଶଙ୍କା ବ୍ୟକ୍ତ କରିଛି ଭାରତୀୟ ପାଣିପାଗ ବିଭାଗ  ।

ଭାରତୀୟ ପାଣିପାଗ ବିଭାଗ ପକ୍ଷରୁ ୧୦ ଏବଂ ୧୧ ନଭେମ୍ବର ଦିନ ତାମିଲନାଡ଼ୁ ଓ ଆନ୍ଧ୍ରପ୍ରଦେଶରେ ଭୀଷଣ ବର୍ଷାର ଆଶଙ୍କା ରହିଛି ବୋଲି ସୂଚନା ଦିଆଯାଇଛି । ଆଇଏମଡି କହିଛି ଯେ,  ବିପଦ ଏଯାଏ ଟଳିନି  ।  । ଚେନ୍ନାଇର ଅଧିକାଂଶ ଅଞ୍ଚଳରେ ପାଣି ଜମିବା ସହ ଏଠାକାର ତଳୁଆ ଅଞ୍ଚଳଗୁଡ଼ିକରେ ଦୁଇ ଫୁଟ ଯାଏ ପାଣି ଜମି ରହିଥିବା କୁହାଯାଉଛି । ଲୋକଙ୍କ ଯାତାୟତ ବ୍ୟବସ୍ଥା ପୁରାରୁରି ଠପ୍ ହୋଇଯାଇଥିବା ବେଳେ ସୁରକ୍ଷା ଦୃଷ୍ଟିରୁ ଅନେକ ସ୍ଥାନରେ ବାଜୁଳି କାଟ ମଧ୍ୟ କରାଯାଇଛି । ରାଜ୍ୟର ଅନ୍ୟ କେତେକ ଜିଲ୍ଲାରେ ବହୁଳ କ୍ଷତି ଯୋଗୁଁ ସରକାର ଏନଡିଆରଏଫ୍ ଟିମଙ୍କୁ ନିୟୋଜିତ କରାଇଛନ୍ତି । ପ୍ରବଳ ବର୍ଷା ଯୋଗୁଁ ଶିକ୍ଷା ବିଭାଗ ତରଫରୁ ରାଜ୍ୟର ସମସ୍ତ ସ୍କୁଲ, କଲେଜ ବନ୍ଦ ଘୋଷଣା କରାଯାଇଛି । ଏହା ସହିତ ୯ରୁ ୧୨ ନଭେମ୍ବର ଭିତରେ ମତ୍ସଜୀବୀଙ୍କୁ ସମୁଦ୍ର ଭିତରକୁ ଯିବାକୁ ବାରଣ କରାଯାଇଛି ।

ଲିଭୁନି ଗୋଷ୍ଠୀ ସଂଘର୍ଷର ନିଆଁ, ଗିରଫ ହେଲେ ଆହୁରି ୫ ଜଣ

ପୁରୀ: ପୁରୀ ଜିଲ୍ଲା ସାତପଡ଼ା ଅଞ୍ଚଳର ନାଥପୁରରେ ବୋମାମାଡ଼ ମାମଲା। ଲିଭୁନି ଗୋଷ୍ଠୀ ସଂଘର୍ଷର ନିଆଁ। ଏବେ ବି କୁହୁଳୁଛି ଲୋକଙ୍କ ମଧ୍ୟରେ ଆକ୍ରୋଶର ନିଆଁ। ସେପଟେ ୩୫ ମୌଜାର ଆଉ ୫ଜଣଙ୍କୁ ଗିରଫ କରିଛି ପୋଲିସ। ଏହାକୁ ମିଶାଇ ଗିରଫ ସଂଖ୍ୟା ୮କୁ ବୃଦ୍ଧି ପାଇଛି। ଏବେବି ଘଟଣାସ୍ଥଳରେ ସ୍ଥିତି ଉତ୍ତେଜନାରପୂର୍ଣ୍ଣ ଥିବାରୁ ୪ ପୋଲିସ ଅଫିସରଙ୍କ ସମେତ ୨ ପ୍ଲାଟୁନ ଫୋର୍ସ ମୁତୟନ ହୋଇଛନ୍ତି। ସରକାରୀ ଜମିରେ ଘର ନିର୍ମାଣକୁ ନେଇ ନାଥପୁରରେ ଗତ ରବିବାର ଉତ୍ତେଜନା ଦେଖାଦେଇଥିଲା।

୪୦ରୁ ଅଧିକ ଘରେ ନିଆଁ ଲଗାଇଦେଇଥିଲେ ବିରୋଧୀ ଗୋଷ୍ଠୀ। ଏହା ସହିତ ଗାଁରେ ହୋଇଥିଲା ତୁହାକୁ ତୁହା ବୋମାମାଡ। ନାଥପୁର ଗାଁର ଏକ ସରକାରୀ ଜମିକୁ ଜବରଦଖଲ କରି ଏକ ନିର୍ଦ୍ଦିଷ୍ଟ ଗୋଷ୍ଠୀର ଲୋକ ଘର କରି ରହି ଆସୁଥିଲେ। ଯାହାକୁ ସାତପଡ଼ା ଅଞ୍ଚଳର ୩୫ ମଉଜା ବିରୋଧ କରି ଆସୁଥିଲେ। ବାରମ୍ବର ସେହି ସ୍ଥାନରରୁ ଘରକୁ ଉଠାଇବା ପାଇଁ କହିଥିଲେ। ଏନେଇ ନିର୍ଦ୍ଦିଷ୍ଟ ଗୋଷ୍ଠୀକୁ ୩୫ ମଉଜା ଲୋକେ ବୈଠକ କରିବାକୁ ଡାକିଥିଲେ। ମାତ୍ର ବୈଠକକୁ ନଆସି ତାଙ୍କୁ ଡାକିବାକୁ ଯାଇଥିବା ଲୋକଙ୍କୁ ସେମାନେ ଆକ୍ରମଣ କରିଥିଲେ। ଯାହାକୁ ନେଇ ଏବେ ଗୋଷ୍ଠୀ କନ୍ଦଳ ବଢ଼ିବାରେ ଲାଗିଛି।

୨୫୦୦ ଟଙ୍କାରେ ଲଗାଇ ପାରିବେ ଇଲେକ୍ଟ୍ରିକ୍ ଭେଇକିଲ୍ ଚାର୍ଜର; ଜାଣନ୍ତୁ କିପରି…

ନୂଆଦିଲ୍ଲୀ: ୨୫୦୦ ଟଙ୍କାରେ ଲଗାଇପାରିବେ ଇଲେକ୍ଟ୍ରିକ୍ ଚାର୍ଜର । ଦୁଇ , ତିନି ଚକିଆ ଯାନ ସହିତ ହାଲୁକା ବୌଦ୍ୟୁତିକ ଯାନ ପାଇଁ ଦିଲ୍ଲୀ ସରକାର ମଲ୍, ଆପାର୍ଟମେଣ୍ଟ, ଡାକ୍ତରଖାନରେ ବ୍ୟକ୍ତିଗତ ସ୍ଥାନରେ ଚାର୍ଜରେ ଲଗାଇବା ପାଇଁ ମାତ୍ର ୨୫୦୦ ଟଙ୍କା ଦେବାକୁ ପଡ଼ିବ । ବର୍ତ୍ତମାନ ଯେ କୌଣସି ବ୍ୟକ୍ତି କେବଳ ୨୫୦୦ ଟଙ୍କାରେ ବ୍ୟକ୍ତିଗତ ଭାବରେ ଇଭି ଚାର୍ଜର ସଂସ୍ଥାପିତ କରିପାରିବେ । ଦିଲ୍ଲୀ ସରକାର ଚାର୍ଜିଂ ଷ୍ଟେସନ ପାଇଁ ପ୍ରାରମ୍ଭିକ ପ୍ରର୍ଯ୍ୟାୟରେ ୩୦ ହଜାର ଆବେଦନକାରୀଙ୍କୁ ୬ ହଜାର ଟଙ୍କା ସବସିଡ୍ ପ୍ରଦାନ କରୁଛନ୍ତି । ସିଭ୍ଗିଲ ଓ୍ବିଣ୍ଡୋ ସୁବିଧାକୁ ଉଦଘାଟନ କରି ଦିଲ୍ଲୀ ପରିବହନ ମନ୍ତ୍ରୀ କୈଳାଶ ଗେହେଲଟ ଯେ ଡିସକମ୍ କମ୍ପାନୀଗୁଡିକର ସହଯୋଗରେ ଏହି ପଦକ୍ଷେପ ନିଆଯାଇଛି । ଲୋକମାନେ ସଂପୃକ୍ତ ଡିସକମ୍ ପୋର୍ଟାଲ ପରିଦର୍ଶନ କରି କିମ୍ବା ହେଲ୍ପଲାଇନ ନମ୍ବରରେ କଲ୍ କରି ବ୍ୟକ୍ତିଗତ ଚାର୍ଜିଂ ଷ୍ଟେସନ ସଂସ୍ଥାପିତ କରିପାରିବେ । ଆବେଦନକାରୀମାନେ ପୋର୍ଟାଲ ପରିଦର୍ଶନ କରି ନିର୍ଭରଯୋଗ୍ୟ ଇଲେକ୍ଟ୍ରିକ୍ ଭେଇକିଲର ଚାର୍ଜର ଯାଞ୍ଚ କରିପାରିବେ । ସେମାନେ ଏହି ଚାର୍ଜରଗୁଡିକର ମୂଲ୍ୟ ମଧ୍ୟ ଦେଖିପାରିବେ । ଏହାକୁ ଆପଣ ଅନଲାଇନ କିମ୍ବା ଫୋନ କରି ବୁକିଂ କରିପାରିବେ । ଆବେଦନ କରିବାର ୭ ଦିନ ଭିତରେ ଇଭି ଚାର୍ଜର ସ୍ଥାପନ କରାଯିବ ବୋଲି ସେ କହିଛନ୍ତି । ଆବେଦନକାରୀମାନେ ଏକ ନୂତନ ବିଦ୍ୟୁତ ସଂଯୋଗ ଚୟନ କରିପାରିବେ କିମ୍ବା କମ୍ ଇଭି ଶୁକ୍ଳର ଲାଭ ପାଇବାକୁ ବିଦ୍ୟମାନ ସଂଯୋଗ ସହିତ ଜାରି ରଖିପାରିବେ ।

ଦିଲ୍ଲୀ ଡାଏଲୋଗ ଆଣ୍ଡ ଡେଭଲପମେଣ୍ଟ କମିଶନର ଉପାଧ୍ୟକ୍ଷ ଜସ୍ମିନ ଶାହା କହିଛନ୍ତି ଯେ ଭାରତରେ ପ୍ରଥମ ଥର ପାଇଁ ମଲ୍, ଅଫିସ୍, ଆବାସିକ ସୋସାଇଟି, କଲେଜରେ ଘରୋଇ ଚାର୍ଜର ସ୍ଥାପନ ପାଇଁ ସିଙ୍ଗଲ ଓ୍ବିଣ୍ଡୋର ସୁବିଧା କରାଯାଇଛି । ଏହି ଇଭି ଚାର୍ଜିଂ ପଏଣ୍ଟରେ ବ୍ୟବହୃତ ବିଜୁଳି ପାଇଁ ସରକାର ସ୍ଥିର କରିଥିବା ଶୁଳ୍କ ହାର ହେଉଛି ୟୁନିଟ୍ ପିଛା ୪.୫ ଟଙ୍କା ।

ଏହି ଇଭି ଚାର୍ଜର ମୂଲ୍ୟରେ ଚାର୍ଜର ସ୍ଥାପନ ମୂଲ୍ୟ ଏବଂ ୩ ବର୍ଷ ପାଇଁ ବାର୍ଷିକ ରକ୍ଷଣାବେକ୍ଷଣ ମୂଲ୍ୟ ଅନ୍ତର୍ଭୁକ୍ତ ହେବ । ଏହି ସବସିଡି ଚାର୍ଜର ମୂଲ୍ୟ ୭୦% ପର୍ଯ୍ୟନ୍ତ ହ୍ରାସ କରିବ ଏବଂ ହଜାର ହଜାର ଛୋଟ ଦୋକନ ମାଲିଙ୍କ ପାଇଁ ଅତିରିକ୍ତ ରାଜସ୍ବ ଉତ୍ପାଦନ ସୁଯୋଗ ପ୍ରଦାନ କରିବ । ଇଭି ଚାର୍ଜର ସଂସ୍ଥାପନ କରିବାକୁ ବହୁତ କମ୍ ସ୍ଥାନ ଆବଶ୍ୟକ ହେବ । LEV AC ପାଇଁ ଏକ ବର୍ଗଫୁଟ ଏବଂ AC 001 ପାଇଁ ଦୁଇ ବର୍ଗଫୁଟ ଆବଶ୍ୟକ । DC 001 ପାଇଁ ଦୁଇ ମିଟର  ଜମି ଓ ଦୁଇ ମିଟର ଉଚ୍ଚତ ଉପରେ ସ୍ଥାପନ କରାଯାଇପାରିବ । ଉଭୟ LEV AC ଚାର୍ଜର ଏବଂ AC 001 ଚାର୍ଜର କାନ୍ଥରେ ଲାଗିଛି । ଏହି ଦୁଇଟି ଚାର୍ଜର ସ୍ବତନ୍ତ୍ର ଭାବରେ ଦୁଇ ଚକିଆ ଯାନ ଏବଂ ତିନି ଚକିଆ ଯାନ ଚାର୍ଜ କରିବାକୁ ବ୍ୟବହୃତ ହୋଇପାରିବ । DC 001ର ବ୍ୟବହାର କରି ଫ୍ଲାଇଟ୍ ଅପରେଟରଙ୍କ ଦ୍ବାରା ଇ-କାର ମଧ୍ୟ ଚାର୍ଜିଂ କରିପାରିବେ ।

କୋଭାକ୍ସିନକୁ ସ୍ବୀକୃତି ଦେବ ୟୁକେ; ନଭେମ୍ବର ୨୨ରୁ ବିନା ପ୍ରତିବନ୍ଧକରେ କରିପାରିବେ ଯାତ୍ରା

ନୂଆଦିଲ୍ଲୀ: ବ୍ରିଟେନରେ ସ୍ବୀକୃତି ପାଇଲା ଭାରତୀୟ ଟିକା । ୟୁକେ ସରକାର ଭାରତ କରୋନା କବଚ କୋଭାକ୍ସିନକୁ  ୟୁକେରେ ଜରୁରୀକାଳୀନ ବ୍ୟବହାର ତାଲିକାରେ କୋଭାକ୍ସିନ ଯୋଗ କରିବ ବୋଲି ୟୁକେ ସରକାର କହିଛନ୍ତି । ଏହା ଘୋଷଣାରେ ସବୁଠାରୁ ଅଧିକ ଫାଇଦା ଯେଉଁମାନେ କୋଭାକ୍ସିନ ଭ୍ୟାକସିନ ନେଇଛନ୍ତି ଏବଂ ୟୁକେ ଯିବା ପାଇଁ ଅପେକ୍ଷା କରିଥିଲେ  । ସେମାନଙ୍କ ପାଇଁ ପୂର୍ବରୁ ଲାଗୁ କ୍ବାରେଣ୍ଟାଇନ ନିୟମ ଆଉ ଲାଗୁ ହେବ ନାହିଁ । ଆସନ୍ତା ନଭେମ୍ବର ୨୨ ତାରିଖରୁ ୟୁକେ ଏହାର ଜରୁରୀକାଳୀନ ବ୍ୟବହାର ତାଲିକାରେ ଭାରତର କୋଭାକ୍ସିନକୁ ମଧ୍ୟ ଅନ୍ତର୍ଭୁକ୍ତ କରାଯାଇଛି । ବ୍ରିଟେନ ହାଇ କମିଶନର ଆଲେକ୍ସ ଏଲିସ୍ ଏହାକୁ ନେଇ ଟୁଇଟ କରିଛନ୍ତି । ସେ କହିଛନ୍ତି ଯେ ନଭେମ୍ବର ୨୨ରୁ ବ୍ରିଟେନ ଏହାର ଜରୁରୀକାଳୀନ ବ୍ୟବହାର ତାଲିକାରେ ଭାରତର କୋଭୋକ୍ସିନକୁ ମଧ୍ୟ ଅନ୍ତର୍ଭୁକ୍ତ କରିବ । ଏହା ପରେ, ଯେଉଁମାନେ ଉଭୟ ଟିକା ପାଇଛନ୍ତି ସେମାନଙ୍କୁ ଆତ୍ମ-ପୃଥକ କରିବା ଆବଶ୍ୟକ ନାହିଁ । ବିଶ୍ବ ସ୍ବାସ୍ଥ୍ୟ ସଂଗଠନ ଭାରତର ବାୟୋଟେକର କୋଭିଡ -୧୯ ଟିକା କୋଭାକ୍ସିନକୁ ଜରୁରୀକାଳୀନ ବ୍ୟବହାର ତାଲିକାରେ ଅନ୍ତର୍ଭୁକ୍ତ କରିଥିଲା । ଏହା ପରେ ୟୁକେ ସରକାର କୋଭାକ୍ସିନର ବ୍ୟବହାର କରିବା ପାଇଁ ଅନୁମତି ଦେଇଛି ।

ଏପରିକି ବ୍ରିଟେନ ୧୮ ବର୍ଷରୁ କମ୍ ଯାତ୍ରୀଙ୍କୁ ଆଶ୍ୱସ୍ତି ମିଳିଛି । ଏହି ଯାତ୍ରୀମାନଙ୍କୁ ମଧ୍ୟ ସଂପୂର୍ଣ୍ଣ ଟୀକାକରଣ କରାଯାଇଥିବା ଯାତ୍ରୀ ଭାବେ ବିବେଚନା କରାଯିବ । ଆହୁରି ମଧ୍ୟ, ସେମାନଙ୍କୁ କୌଣସି ପରୀକ୍ଷା କିମ୍ବା ଅଲଗା ହେବାକୁ ପଡ଼ିବ ନାହିଁ । ତଥାପି, ଏହି ଯାତ୍ରୀମାନଙ୍କୁ ସେମାନଙ୍କ ସହିତ ଏକ କୋଭିଡ-୧୯ ପରୀକ୍ଷା ରିପୋର୍ଟ ବହନ କରିବାକୁ ପଡିବ ।

ଅକାଳରେ କୂଅରେ ପଡ଼ି ଚାଲିଗଲା ଦୁଇ ଭାଇଙ୍କର ଜୀବନ, ଭାଇରାଲ ହେଲା ମୃତ୍ୟୁର LIVE

ସମ୍ବଲପୁର: ହାତ ଧରାଧରି ହୋଇ ଆରପାରିକୁ ଚାଲିଗଲେ ଦୁଇ ଭାଇ। ଘରର ଦୁଇ ଭେଣ୍ଡିଆ ପୁଅଙ୍କର ଅକାଳରେ ମୃତ୍ୟୁ ହୋଇଛି। କୂଅରେ ଖସିପଡ଼ି ଦୁଇ ଭାଇ ମୃତ ହୋଇଛି। କୂଅ ମଧ୍ୟକୁ ଏକା ସାଙ୍ଗରେ ଖସିପଡ଼ିଥିଲେ ଦୁଇ ଭାଇ। ସମ୍ବଲପୁରରେ ଦେଇବାକୁ ମିଳିଛି ଏଭଳି ଆଶ୍ଚର୍ଯ୍ୟ କଲାଭଳି ଘଟଣା। ସମ୍ଵଲପୁର ସହର ଲକ୍ଷ୍ମୀ ଟକିଜ ଛକ ନିକଟରେ ଥିବା ଏକ କୂଅରୁ ମୃତଦେହ ଉଦ୍ଧାର ହୋଇଛି।

ମୃତକ ଦୁଇଜଣ ହେଉଛନ୍ତି ସାହୁ କଲୋନୀର ସୁନୀଲ ତ୍ରିପାଠୀ ଓ ସୁଶୀଲ ତ୍ରିପାଠୀ ବୋଲି ସୂଚନା ମିଳିଛି। ଏହି ସୁନୀଲ ଏବଂ ସୁଶୀଲ ହେଉଛନ୍ତି ଦୁଇ ଭାଇ। ଜତ ରାତିରେ ଘଟିଛି ଏମିତି ଘଟଣା। ଯାହାର ସିସିଟିଭି ଭିଜୁଆଲ ଏବେ ଭାଇରାଲ ହେବାରେ ଲାଗିଛି। ତେବେ ସିସିଟିଭିରେ ଯାହା ଜଣା ପଡ଼ୁଛି ଦୁଇ ଭାଇ ନିଶା ସକ୍ତ ଅବସ୍ଥାରେ କୂଅ ଉପରେ ବସିପଡ଼ିଥିବା ବେଳେ ନିଜର ଭାରସାମ୍ୟ ହରାଇ କୂଅ ମଧ୍ୟକୁ ଗଳି ପଡ଼ିଥିଲେ।

ସିସିଟିଭିରେ ମଧ୍ୟ ଆଉଗୋଟିଏ କଥା ସାମ୍ନାକୁ ଆସୁଛି କି ସେହି ଦୁଇ ଜଣଙ୍କ ସାମ୍ନାରେ ଛିଡ଼ା ହୋଇଥିବା ମହିଳା ଜଣକ କିଏ। ଏବଂ ମହିଳା ଜଣକୁ କଣ କହିଥିଲେ କି ସେମାନଙ୍କକୁ ? ନା ଏହାର ପଛରେ ଆଉ କିଛି ଲୁଚି ରିହଛି। ଯାହାକୁ ନେଇ ପୋଲିସ୍‌ ଏବେ ତାର ତଦନ୍ତ ଆରମ୍ଭ କରିଛି। ଘଟଣା ପୋଲିସ୍‌ ଯାଣିବା ପରେ ଟାଉନ ଥାନା ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ମୃତଦେହ ଉଦ୍ଧାର କରିଥିଲେ।

ଭିଜିଲାନ୍ସ ଜାଲରେ ଭୁବନେଶ୍ୱର OPHWCର ଡେପୁଟି ମ୍ୟାନେଜର

ଭୁବନେଶ୍ୱର: ଭିଜିଲାନ୍ସ ଜାଲରେ ଭୁବନେଶ୍ୱର ଓପିଏଚଡବ୍ଲୁସି ଡେପୁଟି ମ୍ୟାନେଜର। ଓଡ଼ିଶା ରାଜ୍ୟ ପୋଲିସ ଗୃହ ନିର୍ମାଣ ନିଗମ ଡେପୁଟି ମ୍ୟାନେଜର ପ୍ରତାପ ସାମଲଙ୍କ ଘରେ ଭୁବନେଶ୍ୱର ଭିଜିଲାନ୍ସ ଡିଭିଜନ ପକ୍ଷରୁ ଚଢାଉ ହୋଇଛି। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଏକକାଳୀନ ୧୨ଟି ସ୍ଥାନରେ ରେଡ୍ ଚାଲିଛି। ଭୁବନେଶ୍ୱରର ୫ଟି, ଭଦ୍ରକ ଓ ବାଲେଶ୍ୱରରେ ଚାଲିଛି ରେଡ୍।

ଆଇଆରସି ଭିଲେଜ୍ ସ୍ଥିତ ୩ ମହଲା କୋଠା, ପତ୍ନୀ ସସ୍ମିତାସାମଲଙ୍କ ନାଁରେ ଥିବା ଗୋଠପାଟଣା ସ୍ଥିତ ଘର, ନୟାପଲ୍ଲୀ ଆଇଆରସି ଭିଲେଜ ସ୍ଥିତ ୪ମହଲା କୋଠାରେ ଚାଲିଛି ରେଡ୍। ଜୟଦେବବିହାର ସ୍ଥିତ ବିଜୁ ପଟ୍ଟନାୟକ କଲେଜ ଛକ ନିକଟରେ ଥିବା ୬ମହଲା କୋଠା, ଖଣ୍ଡଗିରିରେ ଥିବା ଭଡ଼ା ଘର, ଜୟଦେବବିହାରର ନରେନ୍ଦ୍ର ଭିଲ୍ଲାରେ ଥିବା ଘର ଓ ଅଫିସରେ ଚାଲିଛି ଚଢାଉ।

ସେପଟେ ଭଦ୍ରକ ବାସୁଦେବପୁରରେ ଥିବା ୩ ମହଲା ଆପାର୍ଟମେଣ୍ଟ ଅନନ୍ୟା ଟାୱାରରେ ଚଢାଉ ଜାରି ରହିଛି। ବାଲେଶ୍ୱର ସିମୁଳିଆ ହରିପୁରରେ ଥିବା ପୈତୃକ ଘର ଓ ହରିପୁରରେ ଥିବା ତାଙ୍କ ସମ୍ପର୍କୀୟଙ୍କ ଘରେ ମଧ୍ୟ ଚଢାଉ ଚାଲିଛି। ଚଢାଉରେ ୧୦ଭିଜିଲାନ୍ସ ଟିମ୍‌ରେ ଜଣେ ଏଏସପି ଓ ୫ ଡିଏସପି ସାମିଲ ଅଛନ୍ତି। ୭ ଇନସପେକ୍ଟର ଓ ଅନ୍ୟ କର୍ମଚାରୀ ରେଡରେ ସାମିଲ ହୋଇଛନ୍ତି।

ପ୍ରତାପ ସାମଲ ୧୪ ନଭେମ୍ବର ୧୯୮୮ରେ ରାଜ୍ୟ ପୋଲିସ ଗୃହ ନିର୍ମାଣ ନିଗମରେ ଜୁନିଅର ଇଞ୍ଜିନିୟର ଭାବେ ଜଏନ୍ କରିଥିଲେ। ୧୯୪୪-୯୫ ଯାଏ ଏଷ୍ଟିମେଟର ଥିଲେ। କେନ୍ଦ୍ରାପଡା ଓ ଦେବଗଡ଼ରେ ମଧ୍ୟ କାମ କରିଥିଲେ ପ୍ରତାପ ସାମଲ। ୨୦୧୩ରେ ଡେପୁଟି ମ୍ୟାନେଜର ଭାବେ ପ୍ରମୋସନ ପାଇଥିଲେ ପ୍ରତାପ। ରାଉରକେଲା, ବଲାଙ୍ଗୀର, କେନ୍ଦୁଝର ଓ କଟକରେ ମଧ୍ୟ ସେ କାମ କରିଛନ୍ତି। ୨୦୧୯ରେ ଭୁବନେଶ୍ୱର ଅଫିସରେ ଜଏନ୍ କରିଥିଲେ ପ୍ରତାପ।

ଭୋପାଳ ହସ୍ପିଟାଲରେ ଅଗ୍ନିକାଣ୍ଡ; ୪ ନବଜାତ ଶିଶୁ ଜୀବନ୍ତ ଦଗ୍ଧ

ଭୋପାଳ: ଗତକାଲି ରାତିରେ ମଧ୍ୟପ୍ରଦେଶର ଭୋପାଳ ସହରରେ ଘଟିଛି ଏକ ଅଭାବନୀୟ ଘଟଣା । ସରକାରୀ ହସ୍ପିଟାଲରେ ଅଗ୍ନିକାଣ୍ଡ ଘଟି ଚାରି ଜଣ ନବଜାତ ଶିଶୁଙ୍କର ମୃତ୍ୟୁ ହୋଇଛି । କମଳା ନେହେରୁ ହସ୍ପିଟାଲର ଶିଶୁ ବିଭାଗରେ ଘଟିଥିବା ଏହି ଅଗ୍ନିକାଣ୍ଡରେ ଅତିକମରେ ଚାରି ଜଣ ଶିଶୁଙ୍କର ମୃତ୍ୟୁ ହୋଇଛି । ଏହି ଶିଶୁ ବିଭାଗରେ ମୋଟ ୪୦ ଜଣ ଶିଶୁ ଥିବାବେଳେ ୩୬ ଜଣ ଶିଶୁ ସୁରକ୍ଷିତ ଥିବା ଜଣା ପଡ଼ିଛି । ସୂଚନା ଅନୁଯାୟୀ ଗତକାଲି ରାତି ପ୍ରାୟ ୯ଟାରେ ହସ୍ପିଟାଲର ଶିଶୁ ବିଭାଗରେ ନିଆଁ ଲାଗିଥିଲା । ଅଗ୍ନିକାଣ୍ଡର ପ୍ରକୋପ ଏପରି ଥିଲା ଯେ  ଆଖି ପିଛୁଳାକେ ନିଆଁ ଚାରିଆଡେ ବ୍ୟାପିଯାଇଥିଲା । ଅଗ୍ନିକାଣ୍ଡର ପ୍ରକୋପ ଏତେଥିଲା ଯେ ଏହାକୁ ଆୟତ୍ତ କରିବାକୁ ୮ଟି ଦମକଳ ବାହିନୀ ଲାଗିଥିଲେ । ତେବେ ନିଆଁକୁ ଆୟତ୍ତ କରିବା ପୂର୍ବରୁ ଚାରି ଜଣ ନବଜାତ ଶିଶୁଙ୍କର ମୃତ୍ୟୁ ହୋଇଯାଇଥିଲା ।

ତେବେ ଏହି ଘଟଣାରେ ମଧ୍ୟ ପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଦୁଃଖ ପ୍ରକାଶ କରିବା ସହ ଏହି ଘଟଣାର ଉଚ୍ଚସ୍ତରୀୟ ତଦନ୍ତ କରିବା ପାଇଁ ନିର୍ଦ୍ଦେଶ ଦେଇଛନ୍ତି । ମୃତକଙ୍କ ପରିବାରକୁ ୪ ଲକ୍ଷ ଟଙ୍କା ଅନୁକମ୍ପା ରାଶି ଦେବା ପାଇଁ ମଧ୍ୟ ଘୋଷଣା କରିଛନ୍ତି । କମଳା ନେହେରୁ ହସ୍ପିଟାଲର ଶିଶୁ ବିଭାଗରେ ଅଗ୍ନିକାଣ୍ଡ ପରେ ଘଟଣାସ୍ଥଳରେ ମଧ୍ୟପ୍ରଦେଶ ସ୍ବାସ୍ଥ୍ୟ ଶିକ୍ଷା ମନ୍ତ୍ରୀ ବିଶ୍ବାସ ସାରଙ୍ଗ ପହଞ୍ଚିଥିଲେ । ଉଦ୍ଧାର କାର୍ଯ୍ୟ ପୂରା ତଦାରଖ କରିଥିଲେ ସ୍ବାସ୍ଥ୍ୟ ଶିକ୍ଷା ମନ୍ତ୍ରୀ । ତେବେ ସଟ୍ ସର୍କିଟ କାରଣରୁ ଏପରି ଏକ ବଡ଼ ଦୁର୍ଘଟଣା ହୋଇଛି ବୋଲି କହିଥିଲେ ସ୍ବାସ୍ଥ୍ୟ ମନ୍ତ୍ରୀ ବିଶ୍ବାସ ସାରଙ୍କ କହିଛନ୍ତି ।

ଥଣ୍ଡା ବଢ଼ିବା ସହ ଆସୁଛି ବର୍ଷା, ୧୦ ଦିନ ମଧ୍ୟରେ ବଙ୍ଗୋପସାଗରେ ସୃଷ୍ଟି ହେବ ଦୁଇ ଦୁଇଟି ଲଘୁଚାପ

ଭୁବନେଶ୍ୱର: ଆସନ୍ତା ୨୪ ଘଣ୍ଟାରେ ସୃଷ୍ଟି ହେବ ଲଘୁଚାପ। ଦକ୍ଷିଣ ପୂର୍ବ ବଙ୍ଗୋପସାଗର ସଂଲଗ୍ନ ଦକ୍ଷିଣ ଆଣ୍ଡାମାନ ସାଗରରେ ଏକ ଘୁର୍ଣ୍ଣିବଳୟ ରହିଛି। ଯାହାର ପ୍ରଭାବରେ ଲଘୁଚାପ ସୃଷ୍ଟି ହେବ। ଏହାପରେ ଅବପାତରେ ପରିଣତ ହେବ। ସେପଟେ ଖସୁଛି ତାପମାତ୍ରା ବଢୁଛି ଶୀତ। ୮ ସହରରେ ୧୫ଡ଼ିଗ୍ରୀ ତଳେ ରହିଛି ତାପମାତ୍ରା। ୧୦ ଡ଼ିଗ୍ରୀ ସହ ଆଜି ବି ଦାରିଙ୍ଗବାଡି ଓଡିଶାର ଥଣ୍ଡା ସହର ଭାବେ ରେକର୍ଡ ହୋଇଛି।

ଆସନ୍ତା ୧୦ ଦିନ ଭିତରେ ଦୁଇ ଦୁଇ ଟି ଲଘୁଚାପ କ୍ଷେତ୍ର ବଙ୍ଗୋପସାଗରରେ ସୃଷ୍ଟି ହେବ। ଫଳରେ ନଭେମ୍ବର୧୮ ତାରିଖ ପର୍ଯ୍ୟନ୍ତ ବିଭିନ୍ନ ସ୍ଥାନରେ ବର୍ଷା ହେବ ବୋଲି ପାଣିପାଗ ବିଶେଷଜ୍ଞ କହିଛନ୍ତି। ଦିନରେ କୋହଲା ପାଗ ସାଙ୍ଗକୁ ତାପମାତ୍ରା ୩୦ଡିଗ୍ରୀ ତଳେ ରହିବ। ଫଳରେ ଦିନରେ ବି ଥଣ୍ଡା ଅନୁଭୂତ ହେବ। ଦକ୍ଷିଣ ଓଡିଶାରେ ୧୧ରୁ ୧୩ ତାରିଖ ବର୍ଷା ହେବ। ଉପକୂଳରେ କାଁ ଭାଁ ବର୍ଷା ହୋଇପାରେ।

ଏହା ପରେ ୧୬ତାରିଖ ବେଳକୁ ଆଉ ଏକ ଲଘୁଚାପ ବଙ୍ଗୋପସାଗର ଓ ଆନ୍ଧ୍ରପ୍ରଦେଶ ଉପକୂଳରେ ସୃଷ୍ଟି ହେବ ଯାହାର ପ୍ରଭାବରେ ରାଜ୍ୟରେ ଭଲ ବର୍ଷା ହୋଇପାରେ ବୋଲି ପାଣିପାଗ ବିଶେଷଜ୍ଞ କହିଛନ୍ତି। ବର୍ଷା କମିଲେ ଶୀତ ଆଉରି ବଢିବ। ଆସନ୍ତା ଦୁଇ ଦିନ ଧରି ଶୀତର ପ୍ରକୋପ ବଢିବ, ୧୦ ତାରିଖ ପରେ ରାତିର ତାପମାତ୍ରା ସାମାନ୍ୟ ବୃଦ୍ଧି ପାଇବ କିନ୍ତୁ ଦିନରେ ଥଣ୍ଡା ଅନୁଭୂତ ହେବ।