spot_img
Home Blog Page 4796

ରାଜ୍ୟରେ ୩ ହଜାର ତଳକୁ ଖସିଲା ଦୈନିକ କରୋନା ସଂକ୍ରମଣ

ଭୁବନେଶ୍ୱର: ହ୍ରାସ ପାଉଛି କୋଭିଡ୍ ସଂକ୍ରମଣ । ରାଜ୍ୟରେ ଗତ ୨୪ ଘଣ୍ଟାରେ ଆଉ ୩ ହଜାର ୩୨୯ କୋଭିଡ୍ ସଂକ୍ରମିତ ଚିହ୍ନଟ ହୋଇଛନ୍ତି । ଶୂନରୁ ୧୮ ବର୍ଷ ବୟସ୍କ ମଧ୍ୟରେ ୫୦୪ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ସେହିଭଳି କ୍ୱାରେଣ୍ଟାଇନରୁ ୧୯୩୪ଟି ମାମଲା ଆସିଥିବା ବେଳେ ୧୩୯୫ଟି ମାମଲା ସ୍ଥାନୀୟ ସଂକ୍ରମଣ । ରାଜ୍ୟରେ ମୋଟ କୋଭିଡ୍ ସଂକ୍ରମିତଙ୍କ ସଂଖ୍ୟା ୧୨ ଲକ୍ଷ ୪୯ ହଜାର ୨୪୦କୁ ବୃ୍ଦ୍ଧି ପାଇଛି ।

ଖୋର୍ଦ୍ଧାରୁ ସର୍ବାଧିକ ୬୪୬ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ଅନୁଗୁଳରୁ ୮୫, ବାଲେଶ୍ୱରରୁ ୧୪୧, ବରଗଡ଼ରୁ ୪୬, ଭଦ୍ରକରୁ ୫୭, ବଲାଙ୍ଗିରରୁ ୬୭, ବୌଦ୍ଧରୁ ୪୯, କଟକରୁ ୨୯୩, ଦେବଗଡ଼ରୁ ୬୭, ଢେଙ୍କାନାଳରୁ ୬୧, ଗଜପତିରୁ ୬୪, ଗଞ୍ଜାମରୁ ୪୪, ଜଗତସିଂହପୁରରୁ ୭୦, ଯାଜପୁରରୁ ୯୯, ଝାରସୁଗୁଡ଼ାରୁ ୭୪, କଳାହାଣ୍ଡିରୁ ୧୦୭ ସଂକ୍ରମିତ ଚିହ୍ନଟ ହୋଇଛନ୍ତି ।

ସେହିଭଳି କନ୍ଧମାଳରୁ ୪୩, କେନ୍ଦ୍ରାପଡ଼ାରୁ ୭୩, କେନ୍ଦୁଝରରୁ ୨୧, କୋରାପୁଟରୁ ୫୯, ମାଲକାନଗିରିରୁ ୩୪, ମୟୂରଭଞ୍ଜରୁ ୧୪୫, ନବରଙ୍ଗପୁରରୁ ୯୦, ନୟାଗଡ଼ରୁ ୧୨୦, ନୂଆପଡ଼ାରୁ ୧୨୯, ପୁରୀରୁ ୫୬, ରାୟଗଡ଼ାରୁ ୬୬, ସମ୍ବଲପୁରରୁ ୧୧୫, ସୋନପୁରରୁ ୩୫, ସୁନ୍ଦରଗଡ଼ରୁ ୨୩୭ ଓ ଷ୍ଟେଟପୁଲରୁ ୧୩୬ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ରାଜ୍ୟରେ ମୋଟ କୋଭିଡ୍ ସଂକ୍ରମିତଙ୍କ ସଂଖ୍ୟା ୧୨ ଲକ୍ଷ ୪୯ ହଜାର ୨୪୦କୁ ବୃ୍ଦ୍ଧି ପାଇଛି । ୧୧ ଲକ୍ଷ ୯୩ ହଜାର ୩୬୫ ଜଣ କରୋନାରୁ ସୁସ୍ଥ ହୋଇଥିବା ବେଳେ ଏବେ ୪୭ ହଜାର ୨୧୦ଟି ସକ୍ରିୟ ମାମଲା ରହିଛି ।

ତେଜସ୍ୱୀ ପ୍ରକାଶ ବିଗ୍ ବସ୍ ସିଜିନ୍-୧୫ର ବିଜେତା, ଟ୍ରଫି ସହ ମିଳିଲା ୪୦ ଲକ୍ଷ

ମୁମ୍ବାଇ: ବିଗ୍ ବସ୍ ସିଜିନ୍ ୧୫ର ବିଜେତା ହେଲେ ତେଜସ୍ୱୀ ପ୍ରକାଶ । ଟପ୍ ଥ୍ରୀରେ ପହଞ୍ଚିଥିଲେ ତେଜସ୍ବୀ, କରନ କୁନ୍ଦ୍ରା ଓ ପ୍ରତୀକ ସହଜପାଲ । ସମସ୍ତଙ୍କୁ ପଛରେ ପକାଇ ତେଜସ୍ୱୀ ବିଜୟ ମୁକୁଟ ପିନ୍ଧିଛନ୍ତି । ଟ୍ରଫି ସହ ୪୦ ଲକ୍ଷ ଟଙ୍କାର ପୁରସ୍କାର ରାଶି ତେଜସ୍ୱୀଙ୍କୁ ମିଳିଛି । ଏଥିସହ ନାଗୀନ-୬ରେ କାମ କରିବାକୁ ତେଜସ୍ୱୀଙ୍କୁ ଅଫର୍ ମିଳିଛି ।

Bigg Boss-15 Winner Tejasswi Prakash Won Trophy

ଫାଇନାଲରେ ଟପ୍-୨ରେ ତେଜସ୍ୱୀ ଓ ପ୍ରତୀକଙ୍କ ମଧ୍ୟରେ କଡ଼ା ଟକ୍କର ହୋଇଥିଲା । ଟ୍ରଫି ଜିତିବା ପରେ ତେଜସ୍ୱୀ ପରିବାର ସହ ଫଟୋ ସେୟାର କରିଛନ୍ତି । ବିଗ୍ ବସ୍ ପୂର୍ବରୁ ତେଜସ୍ୱୀ କଲର୍ସ ପ୍ରସାରିତ ସ୍ୱରାଗିଣୀ ସିରିଏଲରେ ଲିଡ୍ ରୋଲ୍ କରୁଥିଲେ ।

୧୨ ହଜାର ଟଙ୍କାରେ ନବଜାତ ଶିଶୁକନ୍ୟାକୁ ବିକ୍ରି ଘଟଣା, ୫ ଜଣଙ୍କୁ ବାନ୍ଧିଲା ପୋଲିସ

ଚଣ୍ଡିଖୋଲ: ନବଜାତ ଶିଶୁକନ୍ୟାକୁ ବିକ୍ରି ଘଟଣାରେ ୫ ଜଣ ଗିରଫ । ଯାଜପୁର ଜିଲ୍ଲା ଧର୍ମଶାଳା ଥାନା କୋତପୁର ପଞ୍ଚାୟତ ସାନରାଇପଡ଼ା ଗାଁରେ ଶିଶୁକନ୍ୟା ବିକ୍ରି ଘଟଣାରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ମାମଲାରେ ନବଜାତ ଶିଶୁକନ୍ୟାର ବାପା ସହ ମଧ୍ୟସ୍ଥତା କରିଥିବା ଅଙ୍ଗନୱାଡ଼ି କର୍ମୀ, ତାଙ୍କ ଭାଇ ଏବଂ ଶିଶୁକୁ କିଣିଥିବା ଦମ୍ପତିଙ୍କୁ ଗିରଫ କରିଛି ପୋଲିସ ।

5 Arrested In New Born Girl Child Sell Case In Jajpur

ଗତ ୨୭ ତାରିଖରେ ସାନରାଇପଡା ଗାଁର ନଟବର ବେହେରାଙ୍କ ପତ୍ନୀ କାଞ୍ଚନ ଧର୍ମଶାଳା ମେଡିକାଲରେ ଏକ ଶିଶୁକନ୍ୟା ଜନ୍ମ ଦେଇଥିଲେ । ଉତ୍କଟ ଦାରିଦ୍ର୍ୟତା ସହ ଯୁଝୁଥିବା ଗରିବ ନଟବର ୧୨ ହଜାର ଟଙ୍କାରେ ନବଜାତ ଶିଶୁକନ୍ୟାକୁ ବିକି ଦେଇଥିଲେ । ଶିଶୁକନ୍ୟାକୁ କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ାର ଜନୈକ ଦମ୍ପତି କିଣିଥିଲେ । ଏହି ଘଟଣା ଜଣାପଡ଼ିବା ପରେ ଚାଞ୍ଚଲ୍ୟ ଖେଳି ଯାଇଥିଲା ।

5 Arrested In New Born Girl Child Sell Case In Jajpur

ଯାଜପୁର ଜିଲ୍ଲା ଶିଶୁ ସୁରକ୍ଷା ଅଧିକାରୀ ଶିଶୁକନ୍ୟାର ବାପାମାଆଙ୍କୁ ପଚରାଉଚରା କରିବା ସହ ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ପରେ ଧର୍ମଶାଳା ପୋଲିସ ଶିଶୁକନ୍ୟାକୁ ଉଦ୍ଧାର କରିବା ସହ ଘଟଣାରେ ୫ ଜଣକୁ ଗିରଫ କରି କୋର୍ଟ ଚାଲାଣ କରିଛି । ଶିଶୁକନ୍ୟାକୁ କିଣିଥିବା ମହାକାଳପଡ଼ା ଅଞ୍ଚଳର ଦମ୍ପତିଙ୍କ ସହ ଧ୍ୟସ୍ଥତା କରିଥିବା ବାଲିଚନ୍ଦ୍ରପୁର ଥାନା ଭରତପୁର ଗାଁର ଅଙ୍ଗନୱାଡି କର୍ମୀ ପ୍ରଭାସିନୀ ଦାସ ଓ ତାଙ୍କ ଭାଇ ଦୀପକ ଦାସ ଏବଂ ଶିଶୁକନ୍ୟାର ବାପା ନଟବରକୁ ପୋଲିସ ଗିରଫ କରିଛି ।

ମାନଚିତ୍ରରେ ଜମ୍ମୁକାଶ୍ମୀରକୁ ପାକିସ୍ତାନ, ଚୀନର ଅଂଶ ଦର୍ଶାଇଛି WHO

ନୂଆଦିଲ୍ଲୀ: ବିଶ୍ୱ ସ୍ୱାସ୍ଥ୍ୟ ସଂଗଠନ ୱେବସାଇଟରେ ଭାରତର ଭୁଲ୍ ମାନଚିତ୍ର । WHO କୋଭିଡ୍ ୱେବସାଇଟରେ ଥିବା ମାନିଚତ୍ରରେ ଜାମ୍ମୁକାଶ୍ମୀରକୁ ପାକିସ୍ତାନ ଓ ଚୀନର ଅଂଶ ଦର୍ଶାଇଛି । ଯାହାକୁ ତୃଣମୂଳ କଂଗ୍ରେସ ସାଂସଦ ଦୃଢ଼ ବିରୋଧ କରିବା ସହ ପ୍ରଧାନମନ୍ତ୍ରୀ ଚିଠି ଲେଖିଛନ୍ତି । ଅନ୍ତର୍ଜାତୀୟ ସ୍ତରରେ ଏହାର ଦୃଢ଼ ବିରୋଧ କରିବାକୁ ଦାବି କରିଛନ୍ତି ଟିଏମସି ସାଂସଦ ଡକ୍ଟର ଶାନ୍ତନୁ ସେନ୍ ।

WHO Map Shows Jammu And Kashmir As Part Of China And Pakistan

ସେ ଲେଖିଛନ୍ତି, ବିଶ୍ୱରେ କୋଭିଡର ସ୍ଥିତି ଜାଣିବା ପାଇଁ ମୁଁ ଯେବେ WHOର ୱେବସାଇଟକୁ ଗଲି ଏକ ମାନଚିତ୍ର ଦେଖିଲି । ଆଉ ତାକୁ ଜୁମ୍ କରି ଦେଖିବା ପରେ ଆଶ୍ଚର୍ଯ୍ୟ ହୋଇ ଯାଇଥିଲି । ମାନଚିତ୍ରରେ ଜମ୍ମୁକାଶ୍ମୀରକୁ ୨ଟି ଅଲଗା ଅଲଗା ରଙ୍ଗରେ ଦେଖାଯାଇଛି । ଯେତେବେଳେ ଭାରତର ନୀଳରଙ୍ଗ ଉପରେ ଅଂଶରେ କ୍ଲିକ୍ କଲି ତ ପାକିସ୍ତାନ ଲେଖାଥିଲା ଆଉ ଅନ୍ୟଟି ଚୀନ ।

ଏହାଛଡ଼ା ଅରୁଣାଚଳ ପ୍ରଦେଶକୁ ମଧ୍ୟ ଅଲଗା ଦେଖାଯାଇଥିବା ଅଭିଯୋଗ କରିଛନ୍ତି ଟିଏମସି ସାଂସଦ । ଏହା ଏକ ଗମ୍ଭୀର ଅନ୍ତର୍ଜାତୀୟ ମାମଲା ହୋଇଥିବା ବେଳେ ସରକାର ତଦନ୍ତ କରି କାର୍ଯ୍ୟାନୁଷ୍ଠାନ ନେବାକୁ ସେ ଦାବି କରିଛନ୍ତି । ଏଭଳି ଭୁଲ୍ ମାନଚିତ୍ରକୁ ତୁରନ୍ତ ଠିକ୍ କରିବାକୁ ସେ ଦାବି କରିଛନ୍ତି । ଅନ୍ୟ ଜାତୀୟ ପ୍ରସଙ୍ଗ ଭଳି ସରକାର ଏହାକୁ ଅନ୍ତରାଷ୍ଟ୍ରୀୟ ସ୍ତରରେ ଉଠାଇବାକୁ ଚିଠିରେ ଲେଖିଛନ୍ତି ଟିଏମସି ସାଂସଦ ।

Budget 2022: ଆଜିଠୁ ସଂସଦର ବଜେଟ୍ ଅଧିବେଶନ, ଆସିବ ଆର୍ଥିକ ସର୍ବେକ୍ଷଣ ରିପୋର୍ଟ

ନୂଆଦିଲ୍ଲୀ: ସଂସଦର ବଜେଟ୍ ଅଧିବେଶନ୍ ଆଜିଠୁ ଆରମ୍ଭ ହେବ । ପରମ୍ପରା ଅନୁସାର, ବଜେଟ୍ ଅଧିବେଶନ ଆରମ୍ଭ ରାଷ୍ଟ୍ରପତିଙ୍କ ଅଭିଭାଷଣରୁ ହେବ । ରାଷ୍ଟ୍ରପତି ସଂସଦର ଉଭୟ ଗୃହକୁ କେନ୍ଦ୍ରୀୟ ହଲରୁ ସମ୍ବୋଧିତ କରିବେ । ରାଷ୍ଟ୍ରପତିଙ୍କ ଅଭିଭାଷଣ ପରେ ସଂସଦରେ ଉପସ୍ଥାପିତ ହେବ ଆର୍ଥିକ ସର୍ବେକ୍ଷଣ ରିପୋର୍ଟ ୨୦୨୧-୨୨ ।

ସଂସଦରେ କେତେବେଳେ କଣ ?

ସକାଳ ୧୦ଟାରେ ପ୍ରଧାନମନ୍ତ୍ରୀଙ୍କ ସାମ୍ବାଦିକ ସମ୍ମିଳନୀ

୧୦ଟା ୫୫ରେ ସଂସଦ ଭବନରେ ପହଞ୍ଚିବେ ରାଷ୍ଟ୍ରପତି

୧୧ଟାରେ ରାଷ୍ଟ୍ରପତିଙ୍କ ଅଭିଭାଷଣ ଆରମ୍ଭ

ରାଷ୍ଟ୍ରପତିଙ୍କ ଅଭିଭାଷଣ ସରିବାର ଅଧ ଘଣ୍ଟା ପରେ ଆରମ୍ଭ ହେବ ଲୋକସଭା ଗୃହକାର୍ଯ୍ୟ

ଲୋକସଭାରେ ଉପସ୍ଥାପିତ ହେବ ଆର୍ଥିକ ସର୍ବେକ୍ଷଣ ରିପୋର୍ଟ

ଦିନ ୨ଟା ୩୦ରେ ଆରମ୍ଭ ହେବ ରାଜ୍ୟସଭା ଗୃହକାର୍ଯ୍ୟ

ରାଜ୍ୟସଭାରେ ଉପସ୍ଥାପିତ ହେବ ଆର୍ଥିକ ସର୍ବେକ୍ଷଣ ରିପୋର୍ଟ

Budget Session Of Parliament Begins Today Economic Survey Report
File PIC

ଆର୍ଥିକ ସର୍ଭେ କଣ ?

ଆର୍ଥିକ ସର୍ବେକ୍ଷଣ ରିପୋର୍ଟରେ ଗତ ବର୍ଷକ ମଧ୍ୟରେ ଦେଶର ଅର୍ଥନୀତିର ସମସ୍ତ ତଥ୍ୟ ଥାଏ । ଆଉ ଆର୍ଥିକ ସର୍ଭେ ରିପୋର୍ଟରେ ଦେଶର ଜିଡିପି ଆକଳନ କରାଯାଏ । ଗତବର୍ଷ ମଧ୍ୟରେ ହୋଇଥିବା ବିକାଶର ମଧ୍ୟ ସମୀକ୍ଷା କରାଯାଏ । ଏହାଛଡ଼ା ଆଗାମୀ ଦିନ ପାଇଁ ଆର୍ଥିକ ସର୍ଭେରେ ରହିଥାଏ ପରାମର୍ଶ ।

କାଲି ଆସିବ ବଜେଟ୍

ଅଧିବେଶନର ଦ୍ୱିତୀୟ ଦିନ ଅର୍ଥାତ୍ ଫେବ୍ରୁଆରୀ ୧ ତାରିଖରେ ଆସିବ କେନ୍ଦ୍ରୀୟ ବଜେଟ୍ । ୨୦୨୨-୨୩ ଆର୍ଥିକ ବର୍ଷ ଲାଗି ଅର୍ଥମନ୍ତ୍ରୀ ନିର୍ମଳା ସୀତାରମଣ ଲୋକସଭାରେ ବଜେଟ୍ ଉପସ୍ଥାପନ କରିବେ । ସେହିଦିନ ରାଜ୍ୟସଭା କାର୍ଯ୍ୟ ବଜେଟ୍ ଅଭିଭାଷଣ ସରିବାର ୧ ଘଣ୍ଟା ପରେ ଆରମ୍ଭ ହେବ । କରୋନା କଟକଣା ଭିତରେ ସାଂସଦଙ୍କ ଲାଗି ସମସ୍ତ ବ୍ୟବସ୍ଥା କରାଯାଇଛି । ଚଳିତ ବଜେଟ୍ ଅଧିବେଶନରେ ମୋଟ ୨୮ଟି ବୈଠକ ହେବ । ପ୍ରଥମ ପର୍ଯ୍ୟାୟରେ ୧୦ଟି ବୈଠକ ଓ ଦ୍ୱିତୀୟ ପର୍ଯ୍ୟାୟରେ ୧୯ଟି ବୈଠକ ହେବ ।

ସରଗରମ ହେବ ସଂସଦ

ପାଞ୍ଚ ରାଜ୍ୟରେ ବିଧାନସଭା ନିର୍ବାଚନ ହେଉଥିବା ବେଳେ ସଂସଦର ବଜେଟ୍ ଅଧିବେଶନ ଆରମ୍ଭ ହେଉଛି । ସରକରଙ୍କୁ ଘେରିବାକୁ ବିରୋଧୀଙ୍କ ହାତରେ ପେଗାସସ୍ ଭଳି ପ୍ରସଙ୍ଗ ରହିଛି । ଏହାଛଡ଼ା ମୁଖ୍ୟ ବିରୋଧୀ ଦଳ କଂଗ୍ରେସ କରୋନା ପ୍ରଭାବିତ ପରିବାର ଲାଗି ପ୍ୟାକେଜ୍, ଦରବୃଦ୍ଧି, ବେରୋଜଗାରୀ, କୃଷକଙ୍କ ପ୍ରସଙ୍ଗ, ସୀମାରେ ଚୀନ ସହ ଗତିରୋଧ ଆଦି ପ୍ରସଙ୍ଗକୁ ନେଇ ସରକାରଙ୍କୁ ଘେରିବାକୁ ରଣନୀତି ପ୍ରସ୍ତୁତ କରିଛି ।

ସର୍ବାଧିକ ଗ୍ରାଣ୍ଡସ୍ଳାମ୍ ଜିତି ରେକର୍ଡ କଲେ ରାଫେଲ ନାଡାଲ

ସିଡନୀ: ରାଫେଲ ନାଡାଲ ଜିତିଲେ ୨୧ତମ ଗ୍ରାଣ୍ଡସ୍ଲାମ । ଅଷ୍ଟ୍ରେଲିଆନ ଓପନ ଜିତି ଇତିହାସ ରଚିଲେ ରାଫେଲ ନାଡାଲ । ୨୧ତମ ଗ୍ରାଣ୍ଡସ୍ଲାମ ଜିତି ଦୁନିଆର ସର୍ବାଧିକ ଗ୍ରାଣ୍ଡସ୍ଲାମ ଜିତିବାର ରେକର୍ଡ ନିଜ ନାମରେ କରିଛନ୍ତି ରାଫେଲ । ୩୫ ବର୍ଷୀୟ ନାଡାଲ ମେଲବର୍ଣ୍ଣରେ ଖେଳାଯାଇଥିବା ଫାଇନାଲ୍‌ ମ୍ୟାଚ୍‌ରେ ରୁଷର ଡାନିଲ ମେଦଭେଦେଭଙ୍କୁ ସଂଘର୍ଷପୂର୍ଣ୍ଣ ମୁକାବିାଲରେ ୨-୬, ୬-୭, ୬-୪, ୬-୪, ୭-୫ ସେଟ୍‌ରେ ପରାସ୍ତ କରିଛନ୍ତି । ଏହି ମୁକାବିଲା ଦୀର୍ଘ ୫ ଘଣ୍ଟା ୨୪ ମିନିଟ୍ ଧରି ଚାଲିଥିଲା ।

ମେଦଭେଦେଭ ପ୍ରଥମ ଦୁଇଟି ସେଟ୍‌କୁ ୬-୨, ୭-୬ରେ ଜିତି ଅଗ୍ରଣୀ ହାସଲ କରିଥିଲେ । ତେବେ ନାଡାଲ ଦମଦାର ପ୍ରତ୍ୟାବର୍ତ୍ତନ କରି ପରବର୍ତ୍ତୀ ଦୁଇଟି ସେଟ୍‌ ୬-୪, ୬-୪ରେ ଜିତି ମ୍ୟାଚ୍‌କୁ ବରାବର ସ୍ଥିତିକୁ ଆଣିଥିଲେ । ଏହା ପରେ ପଞ୍ଚମ ସେଟ୍ ରୋମାଞ୍ଚକର ରହିଥିଲା । ଏଥିରେ ନାଡାଲ ନିଜ ଅଭିଜ୍ଞତା ବଳରେ ୭-୫ ସେଟ୍ରେ ଜିତି ଟାଇଟଲ୍ ନିଜ ନାମରେ କରିଛନ୍ତି ।

ଏଥିସହିତ ପଢ଼ନ୍ତୁ: ପ୍ରଚାର ବେଳେ ଲାେକଙ୍କୁ ଟଙ୍କା ବାଣ୍ଟୁଛନ୍ତି ସରପଞ୍ଚ ପ୍ରାର୍ଥୀ: ଭିଡିଓ ଭାଇରଲ୍

ପ୍ରଚାର ବେଳେ ଲାେକଙ୍କୁ ଟଙ୍କା ବାଣ୍ଟୁଛନ୍ତି ସରପଞ୍ଚ ପ୍ରାର୍ଥୀ: ଭିଡିଓ ଭାଇରଲ୍

ବଲାଙ୍ଗୀର: ପଞ୍ଚାୟତ ନିର୍ବାଚନରେ ଖୁଲମଖୁଲା ଟଙ୍କା ବାଣ୍ଟୁଛନ୍ତି ସରପଞ୍ଚ ପ୍ରାର୍ଥୀ । ପ୍ରଚାର ବେଳେ ଭୋଟରଙ୍କ ହାତରେ ଧରାଇ ଦେଉଛନ୍ତି ୫ ଶହ ଟଙ୍କିଆ ନୋଟ୍‌ । ପକେଟରେ ବି ଧରିଛନ୍ତି ବିଡ଼ା ବିଡ଼ା ଟଙ୍କା । ବଲାଙ୍ଗୀର ବଙ୍ଗୋମୁଣ୍ଡା ବ୍ଲକ ଠେମେରା ପଞ୍ଚାୟତର ସରପଞ୍ଚ ପ୍ରାର୍ଥୀ ଲକ୍ଷ୍ମୀକାନ୍ତ ବାଗଙ୍କ ବିରୋଧରେ ଆସିଛି ଏଭଳି ଅଭିଯୋଗ । ଯାହାର ଭିଡିଓ ମଧ୍ୟ ଏବେ ସୋସିଆଲ ମଡିଆରେ ଭାଇରାଲ ହୋଇଛି । ଏପରକି ନିଜ ହ୍ୱାଟସ୍‌ଆପ୍ ଷ୍ଟାଟସ୍‌ରେ ପ୍ରଚାର ଓ ଟଙ୍କା ବାଣ୍ଟିବାର ଭିଜୁଆଲ ସେୟାର କରିଛନ୍ତି ଲକ୍ଷ୍ମୀକାନ୍ତ ।

ଅବାଧ ଓ ନିରପେକ୍ଷ ନିର୍ବାଚନ ପାଇଁ ନିର୍ବାଚନ କମିଶନଙ୍କ ସ୍ପଷ୍ଟ ନିର୍ଦ୍ଦେଶ ଥିଲେ ହେଁ ଆଦର୍ଶ ଆଚରଣ ବିଧିକୁ ଜଳାଞ୍ଜଳି ଦେଇ ଟଙ୍କା ବାଣ୍ଟିଛନ୍ତି ଲକ୍ଷ୍ମୀକାନ୍ତ । ପୂର୍ବରୁ ମଧ୍ୟ ପିସି କାରବାରକୁ ନେଇ ଲକ୍ଷ୍ମୀକାନ୍ତ ବିବାଦ ଘେରରେ ଥିଲେ । ତାଙ୍କ ସ୍ତ୍ରୀ ସରପଞ୍ଚ ଥିବା ବେଳେ ଲକ୍ଷ୍ମୀକାନ୍ତ ବିରୋଧରେ ଅନେକ ଅନିୟମିତତା ଅଭିଯୋଗ ଆସିଥିଲା  ।

ମନରେଗା କାମ ବାବଦକୁ ଠିକାଦାର ଠାରୁ ଲକ୍ଷ୍ମୀକାନ୍ତ ୩୦ ହାଜର ଟଙ୍କା ପିସି ନେଉଥିବା ଭିଡିଓ ଭାଇରାଲ ହୋଇଥିଲା  । ଏନେଇ ଜିଲ୍ଲା ପ୍ରଶାସନ ତରଫରୁ ତଦନ୍ତ ଚାଲିଥିବା ବେଳେ, ଚଳିତ ନିର୍ବାଚନ ଠେମେରା ପଞ୍ଚାୟତର ସରପଞ୍ଚ ପ୍ରାର୍ଥୀ ଭାବେ ପ୍ରତିଦ୍ବନ୍ଦ୍ବିତା କରୁଛନ୍ତି ଲକ୍ଷ୍ମୀକାନ୍ତ । ତେବେ ପୁଣି ଖୁଲମଖୁଲା ଟଙ୍କା ବାଣ୍ଟୁଥିବାରୁ ନିର୍ବାଚନରେ ନିରପେକ୍ଷତା ନେଇ ପ୍ରଶ୍ନ ଉଠାଇଛନ୍ତି ବୁଦ୍ଧିଜୀବୀ । ସେପଟେ ଏନେଇ ଲକ୍ଷ୍ମୀକାନ୍ତଙ୍କ କୌଣସି ପ୍ରତିକ୍ରିୟା ମିଳିପାରିନାହିଁ  ।

 

ଏଥିସହିତ ପଢ଼ନ୍ତୁ: ତ୍ରିସ୍ତରୀୟ ପଞ୍ଚାୟତ ନିର୍ବାଚନ: ସମିତ୍ୟ ସଭ୍ୟ ନେଇ ପ୍ରାର୍ଥୀ ହୋଇଛନ୍ତି ଗୋଟିଏ ପରିବାରର ୭ ସଦସ୍ୟ

ଦିବଂଗତ ସାମ୍ୱାଦିକଙ୍କ ସ୍ମୃତିରେ କ୍ରିକେଟ ମ୍ୟାଚ୍: କ୍ରାଇମ ସାମ୍ୱାଦିକ ବିଜୟୀ

ଭୁବନେଶ୍ୱର: ପୋଲିସ ବନାମ କ୍ରାଇମ ସାମ୍ବାଦିକଙ୍କ ମଧ୍ୟରେ କ୍ରିକେଟ ମ୍ୟାଚ । ମଇଦାନରେ କମିସନେରେଟ ପୋଲିସଙ୍କୁ ପରାସ୍ତ କରି ବିଜୟ ହୋଇଛି ଉଭୟ ପ୍ରିଣ୍ଟ ଓ ଇଲେକଟ୍ରୋନିକ୍ସ କ୍ରାଇମ ରିପୋର୍ଟର ଟିମ । ଭୁବନେଶ୍ବରର ପୋଲିସ ରିଜର୍ଭ ଗ୍ରାଉଣ୍ଡରେ ସ୍ବର୍ଗତ ଅରିନ୍ଦମ ଓ ପ୍ରବୀର୍ ମେମୋରିଆଲ ଆନୁକୂଲ୍ୟରେ କମିସନେରେଟ ପୋଲିସର ଆୟୋଜିତ ଏହି ବନ୍ଧୁତାପୂର୍ଣ ମ୍ୟାଚ ଅନୁଷ୍ଠିତ ହୋଇଛି । ନିଜକୁ ଫିଟ ଓ କାମରୁ ଟିକେ ନିବୃତ ରହିବା ଉଦ୍ଧେଶ୍ୟରେ ବୈଦ୍ୟୁତିକ ଓ ଛାପା ସାମ୍ବାଦିକଙ୍କ ସହ ପୋଲିସ ଟିମର ଖେଳ ଅନୁଷ୍ଠିତ ହୋଇଥିଲା । ପୋଲିସ ଟିମରେ ଭୁବନେଶ୍ବର ଡିସିପିଙ୍କ ସମେତ ସମସ୍ତ ଥାନାର ଏସିପି, ଆଇଆଇସି ଓ ଏସଆଇ ସାମିଲ ଥିଲେ ।

ପୋଲିସ ବନାମ କ୍ରାଇମ ରିପୋର୍ଟର । ହାତରେ ବୁମ କି ବନ୍ଧୁକ ନୁହଁ । ହାତରେ ବ୍ୟାଟ ଆଉ ବଲ୍ । ନା ଥିଲା ଖାକିର ବର୍ଦ୍ଦି, ନା ଥିଲା ଲାଇଭ୍ । ଅବସର ଥିଲା ସ୍ବର୍ଗତ ସାମ୍ବାଦିକ ଅରିନ୍ଦମ ଦାଶ ଓ ପ୍ରବୀର ପ୍ରଧାନଙ୍କ ସ୍ମୃତିରେ ଅରିନ୍ଦମ ପ୍ରବୀର ମେମୋରିଆଲ ଟେନିସ ରନିଙ୍ଗ ଚାମ୍ପିୟନସିପ୍ । ପୋଲିସ, ପ୍ରିଣ୍ଟ ଓ ଇଲୋଟ୍ରୋନିକ୍ସ ମିଡିଆର ରିପୋର୍ଟରକୁ ନେଇ ହୋଇଥିଲା ବନ୍ଧୁତ୍ବପୂର୍ଣ୍ଣ ମ୍ୟାଚ । ଅରିନ୍ଦମ ମେମୋରିଆଲ ଟ୍ରଫି ପାଇଁ ଇଲେକ୍‌ଟ୍ରୋନିକ୍ସ ମିଡିଆ ଓ ପୋଲିସ ମଧ୍ୟରେ ହୋଇଥିଲା ଫାଇଟ୍ । ପ୍ରଥମେ ଟିମ୍‌ ଡିସିପି ୧୨ ଓଭର ବିଶିଷ୍ଟ ମ୍ୟାଚରେ ୮ ଓ୍ବିକେଟ ହରାଇ ୭୭ ରନ କରିଥିଲେ । ୭୮ ରନର ବିଜୟ ଲକ୍ଷ୍ୟ ରଖି ପଡିଆକୁ ଓହ୍ଲାଇଥିଲା କ୍ରାଇମ ରିପୋର୍ଟର ଏକାଦଶ । ଛକା ଓ ଚଉକାର ବର୍ଷାରେ ଆରମ୍ଭ ହୋଇଥିଲା ଇନିଂସ । ୭ ଓ୍ବିକେଟ୍‌ ହରାଇ ୭୮ ରନକୁ ପିଛା କରି ବିଜୟ ଲାଭ କରିଥିଲା ।

ସେପଟେ ପ୍ରବୀର ମେମୋରିଆଲ ଟ୍ରିଫି ପାଇଁ ପ୍ରିଣ୍ଟି ମିଡିଆ ଓ ପୋଲିସ ଏକାଦଶ ମଧ୍ୟରେ ହୋଇଥିଲା ମ୍ୟାଚ । ୧୨ ଓଭର ବିଶିଷ୍ଟ ମ୍ୟାଚରେ ୮୮ ରନ କରିଥିଲେ ପୋଲିସ ଟିମ୍ । ଅତିରିକ୍ତ ପୋଲିସ କମିଶନର ନିତୀ ଶେଖର ଓ ପିକେ ଜେନା ଭଲ ପ୍ରଦର୍ଶନ କରିଥିଲେ । ୮୯ ରନକୁ ଲକ୍ଷ୍ୟ କରି ପଡିଆକୁ ଓହ୍ଲାଇ ଥିଲା ପ୍ରିଣ୍ଟ ମିଡିଆ । ୨ ଓ୍ବିକେଟ ବିନିମୟରେ ବିଜୟ ଲାଭ କରିଥିଲା । ପ୍ରତି ବର୍ଷ ସ୍ବର୍ଗତ ଅରିନ୍ଦମ ପ୍ରବୀର୍ ମେମୋରିଆଲ ଟ୍ରଫି ଖେଳାଯିବ ବୋଲି ଭୁବନେଶ୍ବର କମିସନେରେଟ ସୂଚନା ଦିଆଯାଇଛି । ଓଡ଼ିଶା ଷ୍ଟେଟ୍ ଟେନିସ କ୍ରିକେଟ ଆସୋସିଏସନ୍ ମ୍ୟାଚକୁ ପରିଚାଳନା କରିଥିଲା ।

୯ ଲକ୍ଷ ଟଙ୍କାରେ ଜୀବନ୍ତ ବଜ୍ରକାପ୍ତା ଡିଲ୍: ବେପାରୀ ସାଜି ମାଡ଼ି ବସିଲା ଏସ୍‌ଟିଏଫ୍

ଭୁବନେଶ୍ୱର: ପୁଣି ଏସଟିଏଫ କବଜାରେ ଜଙ୍ଗଲ ଶିକାରୀ । କୋରାପୁଟ ବୋରିଗୁମ୍ମା ରାସ୍ତା କଡ଼ରେ ଜୀବନ୍ତ ବଜ୍ରକାପ୍ତାକୁ ନେଇ ଡିଲ୍‌ ବେଳେ ମାଡ଼ି ବସିଲା ଏସଟିଏଫ । ଜୀବନ୍ତ ବଜ୍ରକାପ୍ତା ଧରିବା ଏବଂ ବିକ୍ରି କରିବା ଅଭିଯୋଗରେ ୨ ଜଣ ଅପରାଧୀଙ୍କୁ ଗିରଫ କରିବା ସହିତ ଜୀବନ୍ତ ବଜ୍ରକାପ୍ତାକୁ ଉଦ୍ଧାର କରି ଜଙ୍ଗଲ ବିଭାଗକୁ ହସ୍ତାନ୍ତର କରିଛି କ୍ରାଇମବ୍ରାଞ୍ଚ ଏସଟିଏଫ୍ ଟିମ୍ ।

ଅପରେସନ ଜଙ୍ଗଲ ତସ୍କରୀ । ଏସଟିଏଫ କବଜାରେ ୨ ଶିକାରୀ । ୯ ଲକ୍ଷରେ ହୋଇଥିଲା ଜୀବନ୍ତ ବଜ୍ରକାପ୍ତା ଡିଲ୍‌ । ଛଦ୍ମ ବେଶରେ ବେପାରୀ ସାଜି ମାଡି ବସିଲା ଏସଟିଏଫ । ଟଙ୍କା ଲୋଭରେ ନିରୀହ ପଶୁଙ୍କ ଜୀବନ ନେଉଛନ୍ତି ବନ୍ୟ ଜନ୍ତୁ ମାଫିଆ । କେତେବେଳେ ଶିକାର କରି ବାଘ ଛାଲ କରୁଛନ୍ତି ଚୋରା ଚାଲାଣ ତ ଆଉ କେତବେଳେ ଜୀବନ୍ତ ବଜ୍ରକାପ୍ତାକୁ ବିକୁଛନ୍ତି ଲକ୍ଷ ଲକ୍ଷ ଟଙ୍କାରେ । ଓଡିଶାରୁ ଚାଇନା ପର୍ଯ୍ୟନ୍ତ ଲମ୍ବିଛି ଚେର । କୋରାପୁଟ-ବୋରିଗୁମା ରାସ୍ତାରେ ବେପାରୀଙ୍କୁ ଦେବାକୁ ଜଗି ଥିବା ବେଳେ କୋରାପୁଟ ବନ ଅଧିକାରୀଙ୍କ ସହାୟତାରେ ମାଡି ବସିଥିଲା ଏସଟିଏଫ । ଗିରଫ ଅପରାଧୀ ହେଲେ ମାଧବ ପରଜା ଓ ଜଗବନ୍ଧୁ ପରଜା । କେବେ ଠାରୁ କାରବାର କରୁଥିଲେ ? କେତୋଟି ଶିକାର କରିଛନ୍ତି ? କେଉଁ ବେପାରୀକୁ ଦେଉଥିଲେ ? ସେନେଇ ଛାନଭିନ କରୁଛି ଏସଟିଏଫ ।

୨୦୨୦ରୁ ବନ୍ୟଜନ୍ତୁ ଅପରାଧୀଙ୍କ ବିରୋଧରେ ସ୍ପେଶାଲ ଡ୍ରାଇଭ୍ ଆରମ୍ଭ କରାଯାଇଛି । ଏବ ସୁଦ୍ଧା ୨୫ ଟି ବାଘ ଛାଲ, ୧୩ ଟି ହାତୀ ଦାନ୍ତ, ୭ଟି ହରିଣ ଛାଲ, ୧୧ଟି ଜୀବନ୍ତ ବଜ୍ରକାପ୍ତା ଏବଂ ୧୬ କିଲୋଗ୍ରାମରୁ ଅଧିକ ବଜ୍ରକାପ୍ତା କାତି ଜବତ କରାଯାଇଛି । ମୋଟ୍ ୫୭ ଟି ବନ୍ୟଜନ୍ତୁ ଅପରାଧୀଙ୍କୁ ଗିରଫ କରିଛି ଏସଟିଏଫ । ବଜ୍ରକାପ୍ତା ଚୋରା ଚାଲାଣ ପଛରେ ଆନ୍ତଃରାଜ୍ୟ ଓ ଅନ୍ତର୍ଜାତୀୟ ସ୍ତରରେ ରାକେଟ କାମ କରୁଛି । ହେଲେ ମାଷ୍ଟର ମାଇଣ୍ଡ ପାଖରେ ପହଞ୍ଚିପାରୁନି ଏସଟିଏଫ । ସେପଟେ ବନ ବିଭାଗର କାର୍ଯ୍ୟକାରିତାକୁ ନେଇ ଉଠିଛି ବଡ଼ ପ୍ରଶ୍ନ ।

ଏଥିସହିତ ପଢ଼ନ୍ତୁ: ତ୍ରିସ୍ତରୀୟ ପଞ୍ଚାୟତ ନିର୍ବାଚନ: ସମିତ୍ୟ ସଭ୍ୟ ନେଇ ପ୍ରାର୍ଥୀ ହୋଇଛନ୍ତି ଗୋଟିଏ ପରିବାରର ୭ ସଦସ୍ୟ

ଜାଣନ୍ତୁ ଅର୍ଥନୈତିକ ସର୍ଭେ କ’ଣ ? କାହିଁକି ଆସେ ବଜେଟ୍ ପୂର୍ବରୁ ?

ନୂଆଦିଲ୍ଲୀ: ୨୦୨୨-୨୩ ଆର୍ଥିକ ବର୍ଷ ପାଇଁ ଫେବ୍ରୁଆରି ପହିଲାରେ ବଜେଟ୍‌ ଆଣିବେ କେନ୍ଦ୍ର ସରକାର। ଲୋକସଭାରେ ଏହି ବଜେଟ୍‌ ଉପସ୍ଥାପନ କରିବେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ। ବଜେଟ୍‌ ଆସିବା ପୂର୍ବରୁ ‘ଅର୍ଥନୈତିକ ସର୍ଭେ ରିପୋର୍ଟ’ ଉପସ୍ଥାପନ କରାଯିବ। ତେବେ ଏହି ଅର୍ଥନୈତିକ ସର୍ଭେ ରିପୋର୍ଟ କ’ଣ ଜାଣନ୍ତୁ।

ବଜେଟ୍‌ ଆଣିବା ପୂର୍ବରୁ କେନ୍ଦ୍ର ଅର୍ଥମନ୍ତ୍ରୀ ଅର୍ଥନୀତି ବିଶେଷଜ୍ଞମାନଙ୍କ ମତାମତ ଲୋଡ଼ିଥାନ୍ତି। ବଜେଟର ରୂପରେଖ କ’ଣ ହେବ ଏବଂ କାହା ଉପରେ ଫୋକସ୍‌ ଦେଲେ ଭଲ ହେବ ସେ ବିଷୟରେ ଆଲୋଚନା କରିଥାନ୍ତି। ଅର୍ଥନୀତି ବିଶେଷଜ୍ଞ ଏବଂ ପରାମର୍ଶଦାତାଙ୍କ ମତାମତକୁ ଆଧାର କରି ଏକ ରିପୋର୍ଟ ତିଆରି କରାଯାଏ। ଏହାକୁ ‘ଅର୍ଥନୈତିକ ସର୍ଭେ ରିପୋର୍ଟ’ କୁହାଯାଏ।

ଏହି ରିପୋର୍ଟ ମୁଖ୍ୟ ଅର୍ଥନୀତି ପରାମର୍ଶଦାତା ତିଆରି କରିଥାନ୍ତି। ବଜେଟ୍‌ ଅଧିବେଶନ ଆରମ୍ଭରୁ ହିଁ ଏହି ରିପୋର୍ଟ ସଂସଦରେ ଉପସ୍ଥାପନ କରିଥାନ୍ତି ଅର୍ଥମନ୍ତ୍ରୀ। ଜାନୁଆରି ୩୧ ଅର୍ଥାତ ଆସନ୍ତାକାଲି ବଜେଟ୍‌ ଅଧିବେଶନ ଆରମ୍ଭ ହେଉଥିବାରୁ ଏହି ଦିନ ଅର୍ଥନୈତିକ ସର୍ଭେ ରିପୋର୍ଟ ଉପସ୍ଥାପନ କରାଯିବ। ଅର୍ଥମନ୍ତ୍ରୀ ନିର୍ମଳା ସୀତାରମଣ ଏହାକୁ ଉପସ୍ଥାପନ କରିବେ। ପୂର୍ବ ବର୍ଷର ଉନ୍ନୟନମୂଳକ ଯୋଜନାର ସମୀକ୍ଷା କରାଯାଇ ଏହି ରିପୋର୍ଟ ପ୍ରସ୍ତୁତ କରାଯାଇଥାଏ। ଏହାସହ ଆସନ୍ତା ଆର୍ଥିକ ବର୍ଷରେ ଦେଶର ଅଭିବୃଦ୍ଧି ହାର କେମିତି ରହିବ ତାହା ମଧ୍ୟ ଏହି ରିପୋର୍ଟରୁ ଜଣାପଡ଼ିଥାଏ।

ଏହାସହ ବଜେଟର ରୂପରେଖ କ’ଣ ହେବ ଏବଂ ସରକାର କେଉଁ ସେକ୍ଟରକୁ ଅଧିକ ଗୁରୁତ୍ୱ ଦେବାକୁ ଚାହୁଁଛନ୍ତି ତାହା ମଧ୍ୟ ଏହି ରିପୋର୍ଟରୁ ଜଣାପଡ଼ିଥାଏ। ତେବେ ଚଳିତ ଅର୍ଥନୈତିକ ସର୍ଭେରେ ଆସନ୍ତା ଆର୍ଥିକ ବର୍ଷ ପାଇଁ ୯ପ୍ରତିଶତ ଗ୍ରୋଥ୍ ରେଟ୍ ଲକ୍ଷ୍ୟ ରଖାଯାଇଥିବା ଅନୁମାନ କରାଯାଉଛି ।

୧୯୫୦-୫୧ ଆର୍ଥିକ ବର୍ଷରୁ ଏହି ଅର୍ଥନୈତିକ ସର୍ଭେ ରିପୋର୍ଟ ଲୋକସଭାରେ ଉପସ୍ଥାପିତ ହୋଇ ଆସୁଛି। ୧୯୬୪ ମସିହା ଯାଏଁ ଏହା ବଜେଟ୍‌ ଆଗତ ଦିନ ହିଁ ଉପସ୍ଥାପିତ ହୋଇ ଆସୁଥିଲା। ୧୯୬୪ ମସିହା ପରଠୁ ଅର୍ଥନୈତିକ ସର୍ଭେ ରିପୋର୍ଟ ବଜେଟ୍‌ ଆଗତ ହେବାର ପୂର୍ବଦିନ ଲୋକସଭାରେ ଉପସ୍ଥାପିତ କରାଯାଉଛି।