ନୂଆଦିଲ୍ଲୀ: କରୋନାର ନୂଆ ଭାରିଆଣ୍ଟ ଓମିକ୍ରନ ଓ ଏସ୍‌ଏଆରଏସ୍‌-୨ ଭୂତାଣୁର ସମସ୍ତ ଭାରିଆଣ୍ଟକୁ ନିଷ୍କ୍ରିୟ କରିବ ଆଣ୍ଟବଡି । ଅନ୍ତର୍ଜାତୀୟ ବୈଜ୍ଞାନିକ କମିଟର ଅଧ୍ୟୟନ ବେଳେ ଏହା ଜଣାପଡ଼ିଛି । ଏହି ଆଣ୍ଟିବଡ଼ି ଭୂତାଣୁ ବଢ଼ୁଥିବା ଅଞ୍ଚଳକୁ ଟାର୍ଗେଟ କରିଥାଏ । ଏ ନେଇ ଏକ ପତ୍ରିକାରେ ପ୍ରକାଶିତ ।

ଏହି ଆଣ୍ଟିବଡ଼ି ଆଧାରରେ ଭ୍ୟାକ୍ସିନ୍ ଏବଂ କରୋନା ଔଷଧ ପ୍ରସ୍ତୁତ କରାଯାଇପାରିବ ବୋଲି ଯାହା ଓମିକ୍ରନ ଭାରିଆଣ୍ଟ ବିରୋଧରେ ବେଶ୍ ପ୍ରଭାବଶାଳୀ ହେବ ବୋଲି କହିଛନ୍ତି ଗବେଷକ ଡେଭିଡ୍ ଭେସଲର୍ । ତେବେ ଏହା ଦ୍ୱାରା ଅନ୍ୟ ଭାରିଆଣ୍ଟର ଉତ୍ପତିକୁ ଏଡ଼ାଇ ଦିଆଯାଇପାରିବ ନାହିଁ । ଡେଭିଡ୍ ହାବାର୍ଡ ହୁଜେସ୍ ମେଡିକାଲ ଇନ୍‌ଷ୍ଟିଚ୍ୟୁଟ୍ ଆସୋସିଏଟ୍ ପ୍ରଫେସର । ଗବେଷଣରୁ ପ୍ରାପ୍ତ ତଥ୍ୟ ଅନୁଯାୟୀ ଆଣ୍ଟିବଡି ଦ୍ୱାରା ବାରମ୍ୱାର ବଦଳୁଥିବା ଭାଇରସ୍ ପ୍ରଭାବରୁ ବର୍ତ୍ତିପାରିବା ।

ଅନ୍ୟପକ୍ଷରେ ସାରା ଦେଶରେ ହୁ ହୁ ହୋଇ ବଢ଼ିବାରେ ଲାଗିଛି କରୋନାର ନୂଆ ଭାରିଆଣ୍ଟ ଓମିକ୍ରନ । ଭାରତର ୨୧ ରାଜ୍ୟରେ ନିଜର କାୟା ବିସ୍ତାର କରିସାରିଛି ଓମିକ୍ରନ । ସାରା ଦେଶରେ ବର୍ତ୍ତମାନ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୭୮୨ରେ ପହଞ୍ଚିଛି ।  ଯାହା ଫଳରେ କେନ୍ଦ୍ର ସରକାରଙ୍କ ଚିନ୍ତା ବଢ଼ିଛି । ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବାର ଦେଖି ଅନେକ ରାଜ୍ୟ ନାଇଟ କର୍ଫ୍ୟୁ ଘୋଷଣା କରିସାରିଛନ୍ତି । ଏମିତି କି ଦିଲ୍ଲୀରେ ଅରବିନ୍ଦ କେଜ୍ରିଓ୍ୱାଲ ୟେଲୋ ଆଲର୍ଟ ମଧ୍ୟ ଜାରି କରିସାରିଛନ୍ତି ।

ସେହିଭଳି ଓଡ଼ିଶାରେ ମଧ୍ୟରେ ଧୀରେ ଧୀରେ ଓମିକ୍ରନ ଆକ୍ରାନ୍ତ ଚିହ୍ନଟ ହେବାରେ ଲାଗିଛନ୍ତି । ବୁଧବାର ରାଜ୍ୟରେ  ଆଉ ଜଣେ ଓମିକ୍ରନ ସଂକ୍ରମିତ ଚିହ୍ନଟ ହୋଇଛନ୍ତି ।  ଆକ୍ରାନ୍ତ ଜଣଙ୍କ କିଛି ଦିନ ପୂର୍ବରୁ ୟୁଏଇରୁ ଫେରିଥିଲେ । ସଂକ୍ରମିତଙ୍କ ଘର କେନ୍ଦୁଝର ଜିଲ୍ଲାରେ । ଜିନମ ସିକ୍ବେନ୍ସିଂରୁ ଓମିକ୍ରନ ଆକ୍ରାନ୍ତ ହୋଇଥିବା ସ୍ପଷ୍ଟ ହୋଇଛି । ଆକ୍ରାନ୍ତଙ୍କ କଣ୍ଟାକ୍ଟ ଟ୍ରେସିଂ ଚାଲିଛି । ଏନେଇ ଆଇଏଲଏସ ପକ୍ଷରୁ ସୂଚନା ଦିଆଯାଇଛି । ସଂକ୍ରମିତଙ୍କ ବୟସ ୩୧ ବର୍ଷ । ସେ ୧୬ ତାରିଖରେ ଦୁବାଇରୁ ଆସିଥିଲେ । ଆସିବା ସମୟରେ ରିପୋର୍ଟ ନେଗେଟିଭ ଆସିଥିଲା ।