ଭୁବନେଶ୍ୱର: ରାଜଧାନୀରେ ଚାଞ୍ଚଲ୍ୟ । ଭୁବନେଶ୍ୱରର ବଡ଼ଗଡ଼ ଅଞ୍ଚଳରେ ଘଟିଛି ହୃଦୟ ବିଦାରକ ଘଟଣା । ଜନ୍ମ କଲା ପୁଅ ସାଜିଲା ସଇତାନ । ଅତି ନୃଶଂସ ଭାବେ ମାଆକୁ ପୋଡ଼ି ମାରିଲା ପୁଅ । ଭୁବନେଶ୍ୱର ବଡ଼ଗଡ ଥାନା କଳିଙ୍ଗବସ୍ତିର ଏ ଅଭାବନୀୟ ଘଟଣା । ଦରପୋଡା ଅବସ୍ଥାରେ ମାଆର ମୃତଦେହ ଜବତ କରିଛି ପୋଲିସ । ହତ୍ୟା କାରଣ ଅସ୍ପଷ୍ଟ ରହିଛି । ଅଭିଯୁକ୍ତ ପୁଅ ପ୍ରଶାନ୍ତ ଜେନାକୁ ଅଟକ ରଖି ପୋଲିସର ତଦନ୍ତ ଜାରି ରଖିଛି ।
ସାଧାରଣତନ୍ତ୍ର ଦିବସରେ ସରକାରୀ ଯୋଜନାର ଉପଲବ୍ଧି ବଖାଣି ପାରିବେନି ନେତା
ଭୁବନେଶ୍ୱର: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ୨୦୨୨ ପରିପ୍ରେକ୍ଷୀରେ ଚଳିତ ସାଧାରଣ ଦିବସ ପାଳନ ନେଇ ରାଜ୍ୟ ନିର୍ବାଚନ କମିଶନରଙ୍କ କାର୍ଯ୍ୟାଳୟ ପକ୍ଷରୁ ମାର୍ଗଦର୍ଶିକା ଜାରି ହୋଇଛି । ନିର୍ବାଚନ ପ୍ରକ୍ରିୟା ଆରମ୍ଭ ହୋଇସାରିଥିବାରୁ ଏବଂ ଏହି ସମୟ ମଧ୍ୟରେ ସାଧାରଣତନ୍ତ୍ର ଦିବସ ପଡ଼ୁଥିବାରୁ ନିର୍ବାଚନ ଅବଧି ମଧ୍ୟରେ ସାଧାରଣତନ୍ତ୍ର କିପରି ଭାବେ ପାଳନ କରାଯିବ ସେଥି ନେଇ ଏକ ମାର୍ଗଦର୍ଶିକାକୁ ରାଜ୍ୟ ନିର୍ବାଚନ କମିଶନରଙ୍କ କାର୍ଯ୍ୟାଳୟ ପକ୍ଷରୁ ମାନ୍ୟବର ରାଜ୍ୟପାଳ କାର୍ଯ୍ୟାଳୟ ଓ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ, ସମସ୍ତ କ୍ୟାବିନେଟ୍ ଓ ରାଷ୍ଟ୍ରପାହ୍ୟା ମନ୍ତ୍ରୀ, ମୁଖ୍ୟ ଶାସନ ସଚିବ, ସମସ୍ତ ଆରଡିସି ଏବଂ ସମସ୍ତ ଜିଲ୍ଲାପାଳଙ୍କୁ ପତ୍ର ପ୍ରେରଣ କରାଯାଇଛି ।
ଏଥିରେ ସ୍ପଷ୍ଟ ଭାବେ ଉଲ୍ଲେଖ ଅଛ ଯେ, ମୁଖ୍ୟମନ୍ତ୍ରୀଙ୍କ ସମେତ ଅନ୍ୟ କ୍ୟାବିନେଟ୍ ପାହ୍ୟା ରାଷ୍ଟ୍ର ପାହ୍ୟା ମନ୍ତ୍ରୀ ସାଧାରଣତନ୍ତ୍ର ଦିବସ ଅତିଥି ଭାବେ ଯୋଗଦେଉଥିବା ବେଳେ ତାଙ୍କ ଭାଷଣ କେବଳ ରାଷ୍ଟ୍ର, ସ୍ୱାଧୀନତା ସଂଗ୍ରାମୀ, ଶହୀଦ ଏବଂ ରାଷ୍ଟ୍ରର ଜୟଗାନ ମଧ୍ୟ ସୀମିତ ରହିବ । ଏଥିରେ କୌଣସି ପ୍ରକାର ସରକାରୀ ସଫଳତାର କାହାଣୀ କିମ୍ୱା ଯୋଜନାର ସଫଳତା ସମ୍ପର୍କରେ ସମ୍ପର୍କରେ ଉଲ୍ଲେଖ ରହିବ ନାହିଁ ।
ଏଥିସହିତ କ୍ୟାବିନେଟ ତଥ୍ୟା ରାଷ୍ଟ୍ରପାହ୍ୟା ମନ୍ତ୍ରୀ କିମ୍ୱା ରାଜନୈତିକ କର୍ମକର୍ତ୍ତା ନିଜର ଜିଲ୍ଲାରେ ଅତିଥି ଭାବେ ଯୋଗଦେଇ ପାରିବେ ନାହିଁ । ଚଳିତ ସାଧାରଣତନ୍ତ୍ର ଦିବସରେ ସରକାର କିମ୍ୱା ବିଭିନ୍ନ ବିଭାଗ ଦ୍ୱାରା ସରକାରୀ ଯୋଜନା ଓ ସଫଳତାର ଚିତ୍ର ବହନ କରୁଥିବା ପ୍ରଜ୍ଞାପନ ମେଢ଼କୁ ରାଜ୍ୟ ନିର୍ବାଚନ କମିଶନରଙ୍କ ପକ୍ଷରୁ ନିଷିଦ୍ଧ ଘୋଷଣା କରାଯାଇଛି ।
ଏଥି ସହିତ ସାଧାରଣତନ୍ତ୍ର ଦିବସ ଅବସରରେ ଅନୁଷ୍ଠିତ ସାଂସ୍କୃତିକ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ମନ୍ତ୍ରିଗଣ, ରାଜନୈତିକ କର୍ମକର୍ତ୍ତା କୌଣସି ପ୍ରକାର ସରକାରୀ ସଫଳତା ସମ୍ପର୍କିତ ଭାଷଣ ଦେଇପାରିବେ । ତେବେ ରାଜ୍ୟସ୍ତରୀୟ ପଦକ ପ୍ରଦାନ ଉତ୍ସବ ପାଳନ ଯଥାରୀତି ଅନୁଷ୍ଠିତ ହୋଇପାରିବ ବୋଲି ରାଜ୍ୟ ନିର୍ବାଚନ କମିଶନରଙ୍କ କାର୍ଯ୍ୟାଳୟ ପକ୍ଷରୁ ପତ୍ର ମାଧ୍ୟମରେ ସୂଚନା ଦିଆଯାଇଛି ।
ରାଜଧାନୀର କାକୁଡ଼ି ମଉସା: ଗୀତ ଶୁଣାନ୍ତି ଆଉ କାକୁଡ଼ି ଖୁଆନ୍ତି
ଭୁବନେଶ୍ୱର: ବୟସର ଅପରାହ୍ନରେ ବି ଥକିନି ପାଦ ଥମିନି ସ୍ୱର। କାହା ଆଗରେ ହାତ ନ ପତାଇବା ପାଇଁ କରିଛନ୍ତି ପଣ। ସେଥିପାଇଁ ସ୍ୱାଭିମାନକୁ ସାମର୍ଥ୍ୟ କରି ବିକୁଛନ୍ତି କାକୁଡ଼ି। ଆଉ ଗାଉଛନ୍ତି ରୋମାଣ୍ଟିକ ହିନ୍ଦୀ ଗୀତ। ଦୁଇପୁଅ ଚାକିରିଆ, ଚାହିଁଲେ ଘରେ ବସି ଆରମରେ ଜୀବନର ବଳକା ସମୟ କାଟି ପାରିବେ। ହେଲେ ଆରାମ ହେଉଛି ବଡ଼ ହାରାମ ସେଥିପାଇଁ ବୋଧେ ଆପଣାଇଛନ୍ତି କାକୁଡ଼ି ବେପାରକୁ।
ନାଁ କଳାକାର ଦାସ। ବୟସ ୬୫। କିନ୍ତୁ ପରିଣତ ବୟସରେ ଉଭୟ ନିଶା ଓ ପେଶା ସହ ସକାଳ ହେଲେ ରାସ୍ତାକୁ ଓହ୍ଲାଉଛନ୍ତି ଏହି ମଉସା ଜଣଙ୍କ। ନିଜର କାକୁଡି ଝୁଡ଼ି ଧରି ପେଟ ପୋଷିବା ପାଇଁ ଛକ ରୁ ଛକ କୁ ବୁଲୁଛନ୍ତି ସିନା ହେଲେ ନିଶା ଗୀତ ଗାଇବା। ଶୁଣନ୍ତୁ କେତେ ସୁମଧୁର ସ୍ୱରରେ ଗୀତ ଗାଉଛନ୍ତି ମଉସା ଜଣଙ୍କ। କେୟାର ଟେକର ଚାକିରୀ ରୁ ଅବସର ପରେ କାକୁଡି ବେପାର କୁ ଆପଣାଇଛନ୍ତି । ଗରାଖ ମଧ୍ୟ କାକୁଡି ଖାଇବା ସହ ମଉସା ଙ୍କ ଗୀତ ଶୁଣିବାକୁ ଅଟକି ଯାଉଛନ୍ତି। ତେବେ କେବେଠୁ ସେ ଏହି ବେପାରକୁ ଆପଣାଇଥିଲେ, ସଙ୍ଗୀତ କ୍ଷେତ୍ରରେ କାହିଁକି ତାଙ୍କର ଏଭଳି ଆଗ୍ରହ, ଆସନ୍ତୁ ଜାଣିବା ।
ମୁଖ୍ୟମନ୍ତ୍ରୀଙ୍କ କୋଭିଡ ସମୀକ୍ଷା: ସ୍ଥିତି ନିୟନ୍ତ୍ରଣାଧୀନ, ଭୟଭୀତ ନ ହେବାକୁ ଲୋକଙ୍କୁ ଦେଲେ ପରାମର୍ଶ
ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଭିଡିଓ କନ୍ଫରେନ୍ସିଂ ଜରିଆରେ କୋଭିଡ-୧୯ ରୋଗ ନିୟନ୍ତ୍ରଣ ସମ୍ପର୍କରେ ସମୀକ୍ଷା କରି କହିଛନ୍ତି ଯେ ବର୍ତ୍ତମାନ ପରିସ୍ଥିତି ସଂପୂର୍ଣ୍ଣ ନିୟନ୍ତ୍ରଣରେ ଅଛି । ତେଣୁ ଭୟଭୀତ ନ ହୋଇ କୋଭିଡର ସମସ୍ତ ନିୟମାବଳୀକୁ ପାଳନ କରିବା ପାଇଁ ମୁଖ୍ୟମନ୍ତ୍ରୀ ଜନସାଧାରଣଙ୍କୁ ନିବେଦନ କରିଛନ୍ତି ।
ମୁଖ୍ୟମନ୍ତ୍ରୀ କହିଛନ୍ତି ଯେ, ଜନସାଧାରଣଙ୍କ ଜୀବନ ଜୀବିକାକୁ ଦୃଷ୍ଟିରେ ରଖି ରାଜ୍ୟ ସରକାର କୋଭିଡ ନିୟନ୍ତ୍ରଣ ପାଇଁ ପଦକ୍ଷେପ ନେଇଛନ୍ତି। ଜନସାଧାରଣଙ୍କ ସହଯୋଗ ମିଳିଲେ, ଜୀବନ ଜୀବିକାକୁ ପ୍ରଭାବିତ ନ କରି ଆମେ ପରିସ୍ଥିତିର ମୁକାବିଲା କରିପାରିବା।
ମୁଖ୍ୟମନ୍ତ୍ରୀ କହିଥିଲେ ଯେ ତୃତୀୟ ଲହରୀରେ ବର୍ତ୍ତମାନ ପର୍ଯ୍ୟନ୍ତ କୋଭିଡ ପରିଚାଳନା ଠିକ୍ ରହିଛି । ଗତ କିଛି ଦିନ ମଧ୍ୟରେ ଦୈନିକ କୋଭିଡ ସଂଖ୍ୟା ପ୍ରାୟତଃ ସ୍ଥିର ରହିଛି । ଦେଶର ବଡ଼ ବଡ଼ ସହରରେ ସକ୍ରିୟ ମାମଲା କମିବା ଆରମ୍ଭ ହେଲାଣି । ରୋଗୀମାନଙ୍କ ଲକ୍ଷଣ ସାମାନ୍ୟ ରହୁଛି ଏବଂ ଖୁବ କମ୍ ରୋଗୀଙ୍କୁ ହସ୍ପିଟାଲ ଯିବାକୁ ପଡ଼ୁଛି । ଏ ସବୁ ସୂଚନା ଉତ୍ସାହପ୍ରଦ ହେଲେ ମଧ୍ୟ ଆମ ସମସ୍ତଙ୍କୁ ସଂପୂର୍ଣ୍ଣ ସତର୍କ ଓ ପ୍ରସ୍ତୁତ ରହିବାକୁ ପଡ଼ିବ ।
ଅନ୍ୟପକ୍ଷରେ ରାଜ୍ୟରେ ଟିକାକରଣ କାର୍ଯ୍ୟକ୍ରମକୁ ଜୋରଦାର କରିବା ପାଇଁ ମଧ୍ୟ ମୁଖ୍ୟମନ୍ତ୍ରୀ ପରାମର୍ଶ ଦେଇଥିବା ପ୍ରେସ ବିଜ୍ଞପ୍ତି ଜରିଆରେ ଅବଗତ କରାଇଛନ୍ତି ମୁଖ୍ୟ ଶାସନ ସଚିବ ସୁରେଶ କୁମାର ମହାପାତ୍ର । ବିଶେଷକରି ମେଡିକାଲ ଷ୍ଟାଫ, ପୋଲିସ, ପ୍ରଶାସନିକ ଅଧିକାରୀ ଏବଂ ରୋଗର ଅଧିକ ଆଶଂକା ଥିବା ନାଗରିକ ମାନଙ୍କୁ ବୁଷ୍ଟର ଡୋଜ ପ୍ରଦାନ ତ୍ୱରାନ୍ୱିତ କରିବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଥିବା ସେ କହିଛନ୍ତି । ସେହିପରି ଗଣମାଧ୍ୟମର କର୍ମକର୍ତ୍ତା ମାନେ ମଧ୍ୟ ସମ୍ମୁଖ ଯୋଦ୍ଧା ଭାବେ ପରିଗଣିତ ହେଉଥିବାରୁ, ସେମାନଙ୍କୁ ବୁଷ୍ଟର ଡୋଜ ପ୍ରଦାନରେ ପ୍ରାଥମିକତା ଦେବା ପାଇଁ ମଧ୍ୟ ମୁଖ୍ୟମନ୍ତ୍ରୀ ପରାମର୍ଶ ଦେଇଥିଲେ।
କୋଭିଡ ସମ୍ପର୍କରେ ଆମର ସଚେତନତା ଓ ନିୟମର ଦୃଢ ଅନୁପାଳନ ପଦକ୍ଷେପ ଜାରି ରହିବା ଉଚିତ ବୋଲି ମତବ୍ୟକ୍ତ କରିବା ସହିତ ମାଇକ୍ରୋ କଣ୍ଟେନମେଣ୍ଟ ରଣନୀତି ଏବଂ ଘରେ ରହୁଥିବା କୋଭିଡ ରୋଗୀଙ୍କର ନିୟମିତ ତଦାରଖ ଉପରେ ମୁଖ୍ୟମନ୍ତ୍ରୀ ଗୁରୁତ୍ୱ ଦେଇଛନ୍ତି ।
ଏଯାବତ୍ ରାଜ୍ୟରେ ୯୨.୭ ପ୍ରତିଶତ ପ୍ରଥମ ଡୋଜ ଓ ୭୦.୭ ପ୍ରତିଶତ ଦ୍ୱିତୀୟ ଡୋଜ ନେଇସାରିଛନ୍ତି। ୧୫ ରୁ ୧୮ ବୟସ୍କ କିଶୋକ ମାନଙ୍କ କ୍ଷେତ୍ରରେ ୪୫.୮ ପ୍ରତିଶତ ଟିକାକରଣ ହୋଇଛି ଏବଂ ୧୪ ପ୍ରତିଶତ ବୁଷ୍ଟର ଡୋଜ ଟିକାକରଣ ହୋଇଛି ବୋଲି ସେ ସୂଚନା ଦେଇଥିଲେ । ବୈଠକରେ ପୋଲିସ ମହାନିର୍ଦ୍ଦେଶକ ସୁନିଲ ବଂଶଲ, କଟକ ଓ ମୟୂରଭଞ୍ଜର ଜିଲ୍ଲାପାଳ, ଭୁବନେଶ୍ୱର ଓ କଟକର ମ୍ୟୁନିସ୍ପାଲ କମିଶନର ପ୍ରମୁଖ ସେମାନଙ୍କ ନିଜ ନିଜ କ୍ଷେତ୍ରର କାର୍ଯ୍ୟକ୍ରମ ସଂପର୍କରେ ମୁଖ୍ୟମନ୍ତ୍ରୀଙ୍କୁ ଅବଗତ କରାଇଥିଲେ । ମୁଖ୍ୟମନ୍ତ୍ରୀଙ୍କ ସଚିବ (୫-ଟି) ଶ୍ରୀ ଭି.କେ. ପାଣ୍ଡିଆନ ବୈଠକ ପରିଚାଳନା କରିଥିଲେ । ବୈଠକରେ ଉନ୍ନୟନ କମିଶନର ଏବଂ ବିଭିନ୍ନ ବିଭାଗର ପ୍ରମୁଖ ସଚିବ ଓ ସଚିବ ମାନେ ଉପସ୍ଥିତ ଥିଲେ ।
ଆଚରଣ ବିଧି ଉଲ୍ଲଂଘନ କରୁଥିବା କେନ୍ଦ୍ର ସରକାରଙ୍କ ପୋଷ୍ଟର ଓ ବ୍ୟାନ୍ର ହଟାଇବାକୁ ଦାବି
ଭୁବନେଶ୍ୱର: କେନ୍ଦ୍ର ସରକାରଙ୍କ ବିଭିନ୍ନ ଯୋଜନା ସମ୍ପର୍କିତ ବ୍ୟାନର, ପୋଷ୍ଟର ହଟାଇବାକୁ ଦାବି କଲା ବିଜୁ ଜନତା ଦଳ । ରାଜ୍ୟ ମୁଖ୍ୟ ନିର୍ବାଚନ କମିଶନର ଆଦିତ୍ୟ ପ୍ରସାଦ ପାଢ଼ୀଙ୍କୁ ଭେଟି ଦାବି ଜଣାଇଲା ବିଜେଡି ପ୍ରତିନିଧି ଦଳ । ପଞ୍ଚାୟତ ନିର୍ବାଚନ ନେଇ ଆଦର୍ଶ ଆଚରଣ ବିଧି ଲାଗୁ ହୋଇ ସାରିିଥିବା ବେଳେ ବିଭିନ୍ନ ସରକାରୀ ଯୋଜନାର ହୋଡିଂ, ବ୍ୟାନ୍ର ହଟାଇବାର ନିୟମ ରହିଛି । ଏହା ସତ୍ତ୍ୱେ ରାଜ୍ୟର ବିଭିନ୍ନ ଛକ ଜାଗା, ପେଟ୍ରୋଲ ପମ୍ପ, ବିମାନବନ୍ଦର, ଜାତୀୟ ରାଜପଥ କଡ଼, କେନ୍ଦ୍ର ସରକାରଙ୍କ ବିଭିନ୍ନ କାର୍ଯ୍ୟାଳୟରେ ଏଭଳି ହୋଡିଂ ବ୍ୟାନ୍ର ରହିଛି । ଯାହା ଆଦର୍ଶ ଆଚରଣ ବିଧିର ଉଲ୍ଲଘଂନ ବୋଲି ଅଭିଯୋଗ କରିଛି ବିଜେଡି । ଏଣୁ ଆଚରଣ ବିଧି ଉଲ୍ଲଂଘନ କରୁଥିବା ବିଭିନ୍ନ ପୋଷ୍ଟର ବ୍ୟାନର ହଟାଇବାକୁ ଦାବି କରିଛି ବିଜେଡି ।
ବିଜେଡି ମୁଖପାତ୍ର ତଥା ସାଂସଦ ସସ୍ମିତ ପାତ୍ରଙ୍କ ନେତୃତ୍ୱରେ ଦଳୀୟ ମୁଖପାତ୍ର ଲେନିନ୍ ମହାନ୍ତି, ସୁଲତା ଦେବ, ଶ୍ରୀମୟୀ ମିଶ୍ର, ଏଲିନା ଦାସ ଓ ଇପ୍ସିତା ସାହୁ ମୁଖ୍ୟ ନିର୍ବାଚନ କମିଶନରଙ୍କୁ ସାକ୍ଷାତ କରି ଦାବି ଜଣାଇବା ସହ ଏକ ସ୍ମାରକ ପତ୍ର ପ୍ରଦାନ କରିଥିଲେ ।
ଏଥିସହିତ ପଢ଼ନ୍ତୁ: ଲୋକଙ୍କ ସେବା ନେଇ ସମର୍ପିତ ରାଜନେତା ସମରେନ୍ଦ୍ର: ମୁଣ୍ଡ ଗୁଞ୍ଜିବାକୁ ନାହିଁ ଛାତ, କିନ୍ତୁ ପିନ୍ଧି ଚାଲିଛନ୍ତି ବିଜୟ ମୁକୁଟ
ଲୋକଙ୍କ ସେବା ନେଇ ସମର୍ପିତ ରାଜନେତା ସମରେନ୍ଦ୍ର: ମୁଣ୍ଡ ଗୁଞ୍ଜିବାକୁ ନାହିଁ ଛାତ, କିନ୍ତୁ ପିନ୍ଧି ଚାଲିଛନ୍ତି ବିଜୟ ମୁକୁଟ
ଦେବଗଡ଼: ରାଜନୀତିରେ ସ୍ୱଚ୍ଛ ଭାବମୂର୍ତ୍ତି । ୨ ଥରର ବ୍ଲକ୍ ଅଧ୍ୟକ୍ଷ, ତଥାପି ଭଲ ଘର ଖଣ୍ଡେ ନାହିଁ । ଚାଳଛପର ଘରେ ରହୁଛନ୍ତି ଦେବଗଡ଼ ଜିଲ୍ଲା ବାରକୋଟର ସମରେନ୍ଦ୍ର କୁମାର ଜିତ୍ । ମାନବସେବାକୁ ମାଧବସେବା ବିଶ୍ୱାସ କରି ନିସ୍ୱାର୍ଥପର ଭାବେ ଲୋକଙ୍କ ସେବା କରିଚାଲିଛନ୍ତି । ଆଉ ଏହି ସ୍ୱଚ୍ଛ ଓ ଦୁର୍ନୀତି ମୁକ୍ତ ବ୍ୟକ୍ତିତ୍ୱକୁ ବିଶ୍ୱାସ କରିଛି ବିଜେଡି । ବାରକୋଟ ଜିଲ୍ଲା ପରିଷଦ ପ୍ରାର୍ଥୀ ଟିକେଟ୍ ଦେବାକୁ ରଣନୀତି ପ୍ରସ୍ତୁତ କରୁଛି ।
ରାଜନୀତିରେ ବିରଳ ବ୍ୟକ୍ତିତ୍ୱ । ଦୁର୍ନୀତି ମୁକ୍ତ ରାଜନୀତିକୁ ବିଶ୍ୱାସ । ନିସ୍ୱାର୍ଥପର ମାନବସେବାରେ ଇଚ୍ଛା । ମୁଖ୍ୟମନ୍ତ୍ରୀଙ୍କ ନିର୍ମଳ ଭାବମୂର୍ତ୍ତିରେ ଅନୁପ୍ରାଣିତ । ନା ଅଛି ରାଜନେତାଙ୍କ ପରି ଠାଣି, ନା ବେଶବୁସା । ନା ଗାଡି ଅଛି, ନା ଆଖି ଝଲସିଲା ଭଳି ଅଟ୍ଟାଳିକା । ପାଦରେ ହାଓ୍ୱାଇ ଚପଲ, ଆଉ ଦେହରେ ଖଣ୍ଡେ ସୂତା ଗଜି । ଏତିକରେ ଚାଲିଛି ରାଜନୀତି । ଦୁଇଥର ବ୍ଲକ୍ ଅଧ୍ୟକ୍ଷ ହୋଇଛନ୍ତି, ହେଲେ ଦୁର୍ନୀତି ପାଖ ପାସିନାହିଁ । ମୁଖ୍ୟମନ୍ତ୍ରୀଙ୍କ ସ୍ୱଚ୍ଛ ଭାବମୂର୍ତ୍ତିରେ ଅନୁପ୍ରାଣିତ ହୋଇଛି ରାଜନୀତିର ପସାପାଲିରେ ଗୋଟି ଗଡ଼ାଇ ଚାଲିଛନ୍ତି ଦେବଗଡ଼ ଜିଲ୍ଲା ବାରକୋଟର ସମରେନ୍ଦ୍ର କୁମାର ଜିତ୍ । ମାନବସେବାକୁ ମାଧବସେବା ଭାବି ଜାରି ରଖିଛନ୍ତି ସ୍ୱଚ୍ଛ ରାଜନୀତି ।
ରାଜନୀତିରେ ସମରେନ୍ଦ୍ରଙ୍କର ରହିଛି ଲମ୍ବା ଅଭିଜ୍ଞତା । ଲୋକଙ୍କ ସମସ୍ୟାକୁ ଗୁରୁତ୍ୱ ଦେଇ ନିରନ୍ତର ଭାବେ ସମାଧାନ କରିଚାଲିଛନ୍ତି ସମରେନ୍ଦ୍ର । ଆଉ ଏହି ସ୍ୱଚ୍ଛ ରାଜନିତୀଜ୍ଞଙ୍କ ହାତରେ ବାରକୋଟ ଜିଲ୍ଲା ପରିଷଦ କମାଣ ସମ୍ଭାଳିବାକୁ ରଣନୀତି ପ୍ରସ୍ତୁତ କରିଛି ବିଜେଡି । ବିପେଜି ଓ କଂଗ୍ରେସ ପ୍ରାର୍ଥୀ ଚୟନ ନେଇ ଅଙ୍କକଷୁ ଥିବାବେଳେ ବିଜେଡି ସମରେନ୍ଦ୍ର ସାମ୍ନାକୁ ଆଣି ବିରୋଧୀଙ୍କୁ ଚେକ୍ ଦେବାକୁ ପ୍ରୟାସ କରିଛି । ଦୁର୍ନୀତି ମୁକ୍ତ ରାଜନୀତିରେ ବିଶ୍ୱାସ ରଖୁଥିବା ବିଜେଡି ସମରେନ୍ଦ୍ରଙ୍କୁ ସାମ୍ନାକୁ ଆଣିବା ପରେ ଭୋଟରଙ୍କ ସମର୍ଥନ ମଧ୍ୟ ବଢିଯାଇଛି ।
ଏଥିସହିତ ପଢ଼ନ୍ତୁ: ମାଓବାଦୀଙ୍କୁ ବଡ଼ ଝଟକା: ସୁରକ୍ଷାକର୍ମୀଙ୍କ ଗୁଳିରେ ୫ ନିପାତ
ମାଓବାଦୀଙ୍କୁ ବଡ଼ ଝଟକା: ସୁରକ୍ଷାକର୍ମୀଙ୍କ ଗୁଳିରେ ୫ ନିପାତ
ମାଲକାନଗିରି: ମାଓ ମୁକାବିଲାରେ ବଡ଼ ସଫଳତା । ଲାଲବାହିନୀକୁ ବଡ଼ ଝଟକା । ବିଜାପୁର ଓ ତେଲେଙ୍ଗାନା ସୀମାନ୍ତରେ ମାଓବାଦୀ ସୁରକ୍ଷାକର୍ମୀ ମୁହାଁମୁହିଁ । ସୁରକ୍ଷାକର୍ମୀଙ୍କ ଗୁଳିରେ ୫ ମାଓବାଦୀ ନିହତ । ମୃତକଙ୍କ ମଧ୍ୟରେ ୨ ମହିଳା ମାଓବାଦୀ ଥିବା ସୂଚନା । ଦୁର୍ଦ୍ଦାନ୍ତ ମାଓନେତା ସୁଧାକର ନିହତ ହୋଇଥିବା ସ୍ପଷ୍ଟ ହୋଇଛି । ମାଓ ଆକ୍ରମଣରେ ଜଣେ ଗ୍ରେହାଣ୍ଡ ଯବାନ ଗୁରୁତର ଅବସ୍ଥାରେ ଏୟାରଲିପ୍ଟ ହୋଇ ଚିକିତ୍ସିତ ହୋଇଛନ୍ତି । ଗ୍ରେହାଉଣ୍ଡ, ଡ଼ିଆରଜି ଓ ସିଆରପିଏଫର ମିଳିତ ଟିମ୍ ବିଜାପୁର ଓ ସୁକୁମା ଅଞ୍ଚଳରେ ଅପରେସନ କରିଥିଲେ । ଏନେଇ ବସ୍ତର ଆଇଜି ସୂଚନା ଦେଇଛନ୍ତି ।
ଏଥିସହିତ ପଢ଼ନ୍ତୁ: ଛତିଶଗଡ଼ ଗଞ୍ଜେଇ ଚାଲାଣ ବେଳେ ମାଡ଼ି ବସିଲା ପୋଲିସ: ୨ମାଫିଆ ଗିରଫ
ଛତିଶଗଡ଼ ଗଞ୍ଜେଇ ଚାଲାଣ ବେଳେ ମାଡ଼ି ବସିଲା ପୋଲିସ: ୨ମାଫିଆ ଗିରଫ
ଲମତାପୁଟ: ଓଡ଼ିଶା ରାସ୍ତା ଦେଇ ଛତିଶଗଡ଼କୁ ଗଞ୍ଜେଇ ଚୋରା ଚାଲାଣ ବେଳେ ପୋଲିସ ହାତରେ ଧରା ପଡ଼ିଛି ବିପୁଳ ପରିମାଣରେ ଗଞ୍ଜେଇ । ଗଞ୍ଜେଇ ଭର୍ତ୍ତି ଗୋଟିଏ ପିକଅପ୍ ଭ୍ୟାନ ସହ ୨ ଜଣ ଗଞ୍ଜେଇ ମାଫିଆକୁ ମଧ୍ୟ ପୋଲିସ ଗିରଫ କରିବାରେ ସଫଳ ହେଇଛି । ମାଛକୁଣ୍ଡ ଥାନା ଅନ୍ତର୍ଗତ ହରଗଣ୍ଡା ଅଞ୍ଚଳରୁ ଏକ ଗଞ୍ଜେଇ ଭର୍ତ୍ତି ପିକଅପ୍ ଭ୍ୟାନ ସଗର ଓ ମରିଛମାଲ ଦେଇ ଛତିଶଗଡ଼ ଅଞ୍ଚଳକୁ ଗଞ୍ଜେଇ ଚାଲାଣ ଯୋଜନା ରହିଥିଲା ।
ଏ ସମ୍ପର୍କରେ କୋରାପୁଟ SPଙ୍କ ନିକଟରେ ଖବର ରହିଥିଲା । ପରେ spଙ୍କ ନିର୍ଦ୍ଦେଶରେ ମାଛକୁଣ୍ଡ ଓ ଲମତାପୁଟ ପୋଲିସ ମିଳିତ ଭାବେ ଲମତପୁଟ ଠାରୁ ୧୨ କିଲୋମିଟର ସଗର ଗାଁ ନିକଟ ଛକରେ ନାକାବନ୍ଧି କରି ଗାଡି ଯାଞ୍ଚ କରିଥିଲେ । ହରଗଣ୍ଡା ଅଞ୍ଚଳରୁ ଗୋଟିଏ ପିକୋପ ଭ୍ୟାନ ଦ୍ରୁତ ଗତିରେ ଆସୁଥିବା ନେଇ ପୁଲିସ ସନ୍ଦେହ କରି ଗାଡିକୁ ଅଟକାଇଥିଲା । ଗାଡିକୁ ଯାଞ୍ଚ କରିବା ପରେ ଗଞ୍ଜେଇ ରହିଥିବା ଜାଣିବାକୁ ପାଇଥିଲେ ।
ମାଛକୁଣ୍ଡ ପୁଲିସ ଗଞ୍ଜେଇ ଭର୍ତ୍ତି ଗାଡ଼ି ସହ ୨ଜଣକୁ ଗିରଫ କରିଥିଲେ । ଜବତ ଗାଡିରୁ ୩ ଶହ ୧୦ କେଜି ଗଞ୍ଜେଇ ଓଜନ କରିଥିଲେ । ଜବତ ଗଞ୍ଜେଇ ଆନୁମାନିକ ମୂଲ୍ୟ ସ୍ଥାନୀୟ ଅଞ୍ଚଳରେ ୧୦ଲକ୍ଷ ଟଙ୍କାରୁ ଉର୍ଦ୍ଧ ହେବ ବୋଲି ଜଣାପଡିଛି । ଏହି ମାମଲାରେ ମାଲକାନଗିରି ଜିଲ୍ଲା ଚିତ୍ରକଣ୍ଡା ଅଂଚଳର ଦୈତାରି ଲକେଇ ଓ ମାଛକୁଣ୍ଡ ଥାନା ଅନ୍ତର୍ଗତ କୁମ୍ଭାରପୁଟ ଗାଁ ର ଖୋଗପତି ଗୋଲାରୀକୁ ପୁଲିସ ଗରଫ କରିଛି । ଏହାର ଅଧିକ ତଦନ୍ତ ଜାରି ରହିଥିବା ନେଇ ନନ୍ଦପୁର ଉପଖଣ୍ଡ ଆରକ୍ଷୀ ଅଧିକାରୀ ସଞ୍ଜୟ ମହାପାତ୍ର ପୁଲିସ ପ୍ରକାଶ କରିଛନ୍ତି ।
ଏଥିସହିତ ପଢ଼ନ୍ତୁ: ଖୁବଶୀଘ୍ର ରାଜଧାନୀରେ ଉଦ୍ଘାଟିତ ହେବ ୨୦୦ କୋଟି ଟଙ୍କାର ପ୍ରକଳ୍ପ: ଜାଣନ୍ତୁ କ’ଣ
ଖୁବଶୀଘ୍ର ରାଜଧାନୀରେ ଉଦ୍ଘାଟିତ ହେବ ୨୦୦ କୋଟି ଟଙ୍କାର ପ୍ରକଳ୍ପ: ଜାଣନ୍ତୁ କ’ଣ
ଭୁବନେଶ୍ୱର: ଖୁବଶୀଘ୍ର ରାଜଧାନୀରେ ଉଦଘାଟିତ ହେବ ୨୦୦କୋଟିରୁ ଅଧିକ ଟଙ୍କାର ପ୍ରକଳ୍ପ । ସ୍ମାର୍ଟସିଟିର ୩ଟି ବୃହତ ପ୍ରକଳ୍ପର ଉଦଘାଟିତ ହେବାର କାର୍ଯ୍ୟକ୍ରମ ରହିଛି । ଶହୀଦ ନଗର ସ୍ଥିତ ମଲ୍ଟି ଲେବେଲ କାର ପାର୍କିଂ ସହିତ ସତ୍ୟନଗରରେ ୧୧ତାଲା ଵିଶିଷ୍ଟ ବିଏମସିର ନୂତନ କାର୍ଯ୍ୟାଳୟ ଓ ବାପୁଜୀ ନଗରରେ ଆଉ ଏକ ପ୍ରକଳ୍ପର ଉଦଘାଟନ କରାଯିବ ।
ଜାନୁଆରୀ ୨୬ରେ ସାଧାରଣତନ୍ତ୍ର ଦିବସରେ ଏ ଗୁଡ଼ିକ ଉଦଘାଟନ ହେବାର ସମ୍ଭାବନା ରହିଛି । ଏଥିପାଇଁ ଯୁଦ୍ଧକାଳୀନ ଭିତ୍ତିରେ ଚାଲିଛି କାମ । ସମସ୍ତ ୩ଟି ପ୍ରକଳ୍ପରେ ପ୍ରାୟ ୨୩୦କୋଟି ଟଙ୍କା ବିନିଯୋଗ ହୋଇଛି । ବିଏମସି ନୂତନ କାର୍ଯ୍ୟାଳୟରେ ୧୦୨ କୋଟି ଟଙ୍କା ଖର୍ଚ୍ଚ ହୋଇଥିବାବେଳେ ମଲ୍ଟି ଲେବେଲ କାର ପାର୍କିଂ ପାଇଁ ୧୦୮କୋଟି ଓ ବାପୁଜୀ ନଗରରେ ଏକ ପ୍ରକଳ୍ପ ପାଇଁ ପ୍ରାୟ ୨୦କୋଟି ଟଙ୍କା ବିନିଯୋଗ ହୋଇଛି । ସତ୍ୟନଗରସ୍ଥିତ ବିଏମସିର ନୂତନ କାର୍ଯ୍ୟାଳୟ କାର୍ଯ୍ୟକ୍ଷମ ହେଲେ ସେଠାରେ ଗୋଟିଏ କୋଠାରେ ବିଏମସି, ବିଡିଏ ଓ ସ୍ମାର୍ଟସିଟି କାର୍ଯ୍ୟାଳୟ ରହିବ । ଅବଶିଷ୍ଟ ଉପର ୫ଟି ମହଲା କର୍ପୋରେଟ କାର୍ଯ୍ୟାଳୟ ପାଇଁ ଲିଜ ସୂତ୍ରରେ ଦିଆଯିବ ବୋଲି ସୂଚନା ମିଳିଛି ।
ଏଥିସହିତ ପଢ଼ନ୍ତୁ: ATMରୁ ଲୁଟ କରୁଥିଲେ ବାପ-ପୁଅ ଯୋଡି
ବିହାରରେ ପୁଣି ଟିକା ସ୍କାଣ୍ଡାଲ, ଡାକ୍ତର ନେଇଛନ୍ତି ୫ ଡୋଜ ଟିକା
ପାଟନା: ବିହାରରେ ପୁଣି କୋଭିଡ ଟିକା ସ୍କାଣ୍ଡାଲ । ସାଧାରଣ ନାଗରିକ ନୁହଁନ୍ତି, ଖୋଦ ଜଣେ ଡାକ୍ତର ନେଇଛନ୍ତି ୫ଟି ଡୋଜ । ଏହି ଖବର ପ୍ରକାଶ ପାଇବା ପରେ ଏହାର ତଦନ୍ତ ନିର୍ଦ୍ଦେଶ ଦେଇଛନ୍ତି ସରକାର । ପାଟନାର ସିଭିଲ ସର୍ଜନ ଡାକ୍ତର ବିଭା କୁମାରୀ ସିଂ ୫ଟି ଡୋଜ ନେଇଥିବା ନେଇ ଅଭିଯୋଗ ହୋଇଥିଲା । ତେବେ ଅଭିଯୁକ୍ତ ଡାକ୍ତର କହିଛନ୍ତି କି ସେ ଧାର୍ଯ୍ୟ ନିୟମ ଅନୁସାରେ ମୋଟ ୩ଟି ଡୋଜ ନେଇଛନ୍ତି । ତାଙ୍କର ପାନ୍ କାର୍ଡ ବ୍ୟବହାର କରି ଅନ୍ୟ କେହି ବ୍ୟକ୍ତି ଡୋଜ ନେଇଛନ୍ତି ବୋଲି ସେ ସ୍ପଷ୍ଟୀକରଣ ଦେଇଛନ୍ତି । କୋ-ଓ୍ୱିନ ପୋର୍ଟାଲ ଅନୁସାରେ ସେ ଗତବର୍ଷ ଜାନୁଆରୀ ୨୮ରେ ପ୍ରଥମ ଡୋଜ ନେଇଥିବାବେଳେ ମାର୍ଚ୍ଚ ୧୨ରେ ଦ୍ୱିତୀୟ ଡୋଜ ନେଇଥିଲେ । ତେବେ ସରକାରୀ ରେକର୍ଡ ଅନୁସାରେ ସେ ଗତବର୍ଷ ଫେବ୍ରୁଆରୀ ୬, ଜୁନ ଏବଂ ଚଳିତବର୍ଷ ଜାନୁଆରୀ ୧୩ରେ ଆଉ ତିନୋଟି ଟିକା ନେଇଛନ୍ତି । ଅର୍ଥାତ ସେ ମୋଟ ୫ଟି ଟିକା ନେଇଛନ୍ତି । ଏହି ଖବର ପ୍ରକାଶ ପାଇବା ପରେ ପାଟନା ଜିଲ୍ଲା ପ୍ରଶାସନ ତଦନ୍ତ ଆରମ୍ଭ କରିଛନ୍ତି ।