ଆଜି ବ୍ଲକ ଅଧ୍ୟକ୍ଷ ନିର୍ବାଚନ

ଭୁବନେଶ୍ବର: ସରିଲା ନାଏବ ସରପଞ୍ଚ ବଛା । ଆଜି ବ୍ଲକ୍ ଅଧ୍ୟକ୍ଷ ନିର୍ବାଚନ । ଏଥିପାଇଁ ସରଗରମ ହୋଇଛି ରାଜନୀତି । ସକାଳ ସାଢେ ୧୦ରୁ ସାଢେ ୧୧ ମଧ୍ୟରେ ପ୍ରାର୍ଥୀପତ୍ର ଦାଖଲ ହେବ । ସାଢେ ୧୧ରୁ ସାଢେ ୧୨ ଭିତରେ ପ୍ରାର୍ଥିପତ୍ର ପ୍ରତ୍ୟାହାର । ସାଢେ ୧୨ ପରେ ଭୋଟ୍ ।

ବ୍ଲକ୍ ଦଖଲ କରିବାକୁ ସବୁ ଦଳ କରିଛନ୍ତି ଜୋରଦାର କସରତ୍ । ଦଳୀୟ ଚିହ୍ନରେ ଲଢା ହେଉ ନଥିଲେ ମଧ୍ୟ କେଉଁ ଦଳର ସମର୍ଥିତ ପ୍ରାର୍ଥୀ ଚେୟାରମ୍ୟାନ ପଦ ହାସଲ କରିବେ ତାହା ଉପରେ ସମସ୍ତଙ୍କ ନଜର । ବିଜେଡି ସମସ୍ତ ବ୍ଲକକୁ ଦଖଲ କରିବ ବୋଲି ଦୃଢୋକ୍ତି ପ୍ରକାଶ କରିଛି । ବିରୋଧୀ କିଛି ଜାଗାରେ ବ୍ଲକ ଦଖଲ କରିବାକୁ ନଜର ରଖିଛନ୍ତି ।

ସେପଟେ ଆସନ୍ତାକାଲି ଜିଲ୍ଲାପରିଷଦ ସଭାପତି ନିର୍ବାଚନ । ଚଳିତବର୍ଷ ଏଥିରେ ଦଳବଦଳ ନିରୋଧ ଆଇନ ଲାଗୁ ହେବ । ସବୁ ଜିଲ୍ଲାରେ ବିଜେଡିର ନିରଙ୍କୁଶ ସଂଖ୍ୟା ଗରିଷ୍ଠତା ଥିବାରୁ ୩୦ଟି ଯାକ ଜିଲ୍ଲାରେ ସଭାପତି ଓ ଉପସଭାପତି ପଦ ବିଜେଡି ଖାତାକୁ ଯିବ ।