କନ୍ଧମାଳ: କନ୍ଧମାଳ ଜିଲ୍ଲାରେ ମାଓବାଦୀଙ୍କ ସେତେଟା ପ୍ରଭାବ ନାହିଁ । ଛତିଶଗଡ଼ରୁ ଆସି ଏଠାରେ ଅନେକ ସମୟରେ ହିଂସା ସୃଷ୍ଟି କରୁଛନ୍ତି । ଏଣିକି ମାଓ ଗତିବିଧି ଉପରେ ନଜର ରଖିବ ଡ୍ରୋନ୍ । ୬ଟି ଡ୍ରୋନ ଦ୍ବାରା ମାଓବାଦୀଙ୍କ ଉପରେ ନଜର ରଖାଯିବ । ହିଂସା ଛାଡ଼ି ମୁଖ୍ୟସ୍ରୋତକୁ ଫେରି ଆସିବାକୁ ଅପିଲ କଲେ ଡିଜିପି।

ଆଜି ରାଜ୍ୟ ପୋଲିସ ମହାନିର୍ଦେଶକ ସୁନୀଲ ବଂଶଲ କନ୍ଧମାଳ ଗସ୍ତ କରି ମାଓ ଗତିବିଧି ନେଇ ସମୀକ୍ଷା କରିଛନ୍ତି । ଗୁଇନ୍ଦା ବିଭାଗ ନିର୍ଦ୍ଦେଶକ ସଞ୍ଜୀବ ପଣ୍ଡା, ଆଇଜି ଅପରେସନ ଅମିତାଭ ଠାକୁର, ଦକ୍ଷିଣଆଞ୍ଚଳ ଆଇଜି ସତ୍ୟବ୍ରତ ଭୋଇ, ସିଆରପିଏଫ କମାଣ୍ଡର ସଞ୍ଜୀବ କୁମାର, ବିଏସଏଫ ଆଇଜି ଦୀନେଶ କୁମାର ଶର୍ମା ପ୍ରମୁଖ କନ୍ଧମାଳ ଗସ୍ତରେ ଯାଇ ପ୍ରଥମେ କନ୍ଧମାଳ ଜିଲ୍ଲାର ମାଓବାଦୀ ପ୍ରଭାବିତ ଭଣ୍ଡରଙ୍ଗୀ ଗ୍ରାମ ଠାରେ ଥିବା CRPF କ୍ୟାମ୍ପରେ ଯବାନଙ୍କ ସହ ଆଲୋଚନା କରିଥିଲେ।

ସେଠାରୁ ହେଲିକପ୍ଟର ଯୋଗେ ଫୁଲବାଣୀ ଯାଇ ରିଜର୍ଭ ପୋଲିସ ପଡ଼ିଆରେ BSF ଟ୍ୟାଗ କ୍ୟାମ୍ପକୁ ଉଦଘାଟନ କରିଥିଲେ। ପରେ ଫୁଲବାଣୀ ସ୍ଥିତ ଜିଲ୍ଲା ପୋଲିସ ମୁଖ୍ୟାଳୟକୁ ଯାଇ ସେଠାରେ ଜିଲ୍ଲାର ମାଓବାଦୀ ଏବଂ ନକ୍ସଲ ସମସ୍ୟା ଉପରେ ସମୀକ୍ଷା କରିଥିଲେ ଡିଜିପି। ବୈଠକରେ କନ୍ଧମାଳ ଏସପି ଶୁଭେନ୍ଦୁ କୁମାର, ବାଲିଗୁଡ଼ା ଏସଡିପିଓ ଏବଂ ଆଣ୍ଟି ନକ୍ସଲ ସେଲର ଅଧିକାରୀମାନେ ଉପସ୍ଥିତ ଥିଲେ ।

ଭୁବନେଶ୍ୱର: ସ୍ମାର୍ଟସିଟିରେ ସେକ୍ସ ଆଳରେ ଲୁଟ୍ । ମିଡନାଇଟରେ ମାତିଥିଲେ ମୁନି ଗ୍ୟାଙ୍ଗ । ଟାର୍ଗେଟରେ ଷ୍ଟେସନକୁ ଯାଉଥିବା ଯାତ୍ରୀ । ଜନପଥରେ ବୁଲୁଛନ୍ତି । ଇସାରା ଦେଇ ଅନ୍ଧାରିଆ ଗଳି ରାସ୍ତାକୁ ଡାକୁଛନ୍ତି। ଆଉ ଏକୁଟିଆ ଦେଖି ଲୁଟି ନେଉଛନ୍ତି। ପାଟି କଲେ ରେପ୍ କେସର ଧମକ ଦେଉଛନ୍ତି ମାୟାବିନୀ । ବନ୍ଧା ହେଲେ ୨ ଲେଡି ଲୁଟେରା ।

ଟିକେ ଭଲ କରି ଦେଖନ୍ତୁ ଏ ଭିଜୁଆଲକୁ । ରୋଡ ରୋମିଓଙ୍କ ରୋମିଓଗିରି ନୁହେଁ । ସୁନ୍ଦରୀ ମାନେ ଜାଲରେ ଫସାଇ କରୁଛନ୍ତି ବ୍ଳାକମେଲ୍ । ଦିନ ଦ୍ବିପ୍ରହରରେ ବିଚ୍ ଜଣେ ଯୁବକଙ୍କୁ ରାସ୍ତା ଉପରେ ଟଣା ଓଟରା କରୁଛନ୍ତି । ଯୁବକ ଜଣଙ୍କୁ ଧମକାଇ ମାରୁଛନ୍ତି । ସେହିପରି ଆଉ ଏକ ଭିଜୁଆଲରେ ଦୁଇଜଣ ଲେଡି ଆଉ ଜଣେ ଯୁବକଙ୍କ ଘେରିଛନ୍ତି। ଜଣେ ସାର୍ଟକୁ ଧରିଥିବା ବେଳେ ଆଉ ଜଣେ ହାତରେ ପଥର ଧରି ଛିଡା ହୋଇଛି। ଅଶୀଳ୍ଳ ଭାଷାରେ କଥା ହେବା ଟଙ୍କା ମାଗିବା ସହିତ ବାଇକ ଚାବି ଛଡାଇବାକୁ ଉଦ୍ୟମ କରୁଛନ୍ତି।

ଯୁବକ ଜଣଙ୍କ ବିକଳରେ କାନ୍ଦିବା ସହିତ ଦୁଇ ଜଣଙ୍କ ଗୋଡ ହାତ ଧରି ଛାଡି ଦେବାକୁ ନେହୁରା ହେଉଛନ୍ତି । ରାତି ସାଢେ ୪ଟା ବେଳେ ଭୁବନେଶ୍ୱର ପପୁ ଦିଗାଲ ଚେନ୍ନାଇ ଯିବା ପାଇଁ ଟିକେଟ କାଟିବ ପାଇଁ ଷ୍ଟେସନ ଯାଇଥିଲେ । ଟିକେଟ କାଟି ଫେରୁ ଥିବା ବେଳେ ଦୁଇ ଲେଡି ଟାର୍ଗେଟ୍ କରିଥିଲେ । ଇସାରା ଦେଇ ଡାକି ଯାବୁଡି ଧରିଥିଲେ। ପାଟି କଲେ ରେପ୍ କେସ୍ ଦେବାକୁ କହି ମୋବାଇଲ ଓ ଟଙ୍କା ଛଡାଇ ନେଇଥିଲେ।

ରାଜସ୍ବ ମନ୍ତ୍ରୀ ପ୍ରମିଳା ମଲ୍ଲିକଙ୍କୁ ଆଉ ଦୁଇଟି ବିଭାଗର ଦାୟିତ୍ବ ପ୍ରଦାନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ସ୍କୁଲ ଓ ଗଣଶିକ୍ଷା ଏବଂ ଶ୍ରମ ବିଭାଗର ଅତିରିକ୍ତ ଦାୟିତ୍ବ ନିର୍ବାହ କରିବେ ପ୍ରମିଳା । ସେ ଏବେ ରାଜସ୍ବ ମନ୍ତ୍ରୀ ରହିଥିବାବେଳେ ଏହି ଦୁଇ ବିଭାଗର ଦାୟିତ୍ବ ମଧ୍ୟ ତୁଲାଇବେ।

ଗତକାଲି ବାଚସ୍ପତି ପଦରୁ ବିକ୍ରମ କେଶରୀ ଆରୁଖ ଇସ୍ତଫା ଦେବା ପରେପରେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ଏବଂ ଶ୍ରମ ମନ୍ତ୍ରୀ ଶ୍ରୀକାନ୍ତ ସାହୁ ନିଜ ପଦରୁ ଇସ୍ତଫା ଦେଇଥିଲେ। ଏହି ଘଟଣା ପରେ ଆଗକୁ ମନ୍ତ୍ରୀମଣ୍ଡଳରେ ସମ୍ପ୍ରସାରଣ ହୋଇପାରେ ବୋଲି କଳ୍ପନାଜଳ୍ପନା ଆରମ୍ଭ ହୋଇଛି। ସାଧାରଣ ନିର୍ବାଚନକୁ ଆଉ ପ୍ରାୟ ବର୍ଷେ ବାକିଥିବା ବେଳେ ଏଭଳି ସମୟରେ ପ୍ରଶାସନକୁ ଅଧିକ ଲୋକାଭିମୁଖୀ କରିବା ଓ ଦଳ ଓ ସରକାରରେ ଚଞ୍ଚଳତା ଆଣିବା ପାଇଁ ମୁଖ୍ୟମନ୍ତ୍ରୀ ଏଭଳି ନିଷ୍ପତ୍ତି ନେଇଥିବା ଚର୍ଚ୍ଚା ହେଉଛି । ଆଗକୁ ବାଚସ୍ପତି ପଦରେ କିଏ ବସିବ ମନ୍ତ୍ରୀମଣ୍ଡଳରେ କିଏ ସ୍ଥାନ ପାଇବେ ଏବଂ ମନ୍ତ୍ରୀମାନଙ୍କ ବିଭାଗରେ କେତେ ଅଦଳବଦଳ ହେବ ତାକୁ ନେଇ ବିଭିନ୍ନ ମହଲରେ ଚର୍ଚ୍ଚା ଜୋର ଧରିଛି ।