ମାଲକାନଗିରି ଜିଲ୍ଲାରେ ମାଓ ଡମ୍ପ ଠାବ, ବିପୁଳ ପରିମାଣର ମାଓ ସାମଗ୍ରୀ ଜବତ
ମାଲକାନଗିରି: ମାଲକାନଗିରି ଜିଲ୍ଲାରେ ମାଓ ଡମ୍ପ ଠାବ । ଆଜି ଏକ ବଡ ଧରଣର ମାଓ ଗୋପନ ଆଡ୍ଡା ଠାବ କରିଛନ୍ତି ବିଏସଏଫ । କାଲିମେଳା ଥାନା ଅନ୍ତର୍ଗତ ଭେଜାଙ୍ଗିଓ୍ବାଡାରେ ମୁତୟନ ଥିବା 142 ବାଟାଲିଆନର ବିଏସଏଫ ଆମପଦର ଏଲକାନୁର ଓ ବଦଲିଗୁଡା ଜଙ୍ଗଲରେ କମ୍ବିଂ ଅପରେସନ କରିବା ଲାଗି ଯାଇଥିବା ବେଳେ ଏହାକୁ ଠାବ କରିଥିଲେ । ଲ୍ୟାଣ୍ଡମାଇନ ଡିଟେକ୍ଟର ଦ୍ବାରା ସର୍ଚ୍ଚ କରି ଏହାକୁ ଠାବ କରିଥିଲେ ଜବାନ । ଡମ୍ପ ଭିତରୁ ବିପୁଳ ପରିମାଣର ମାଓ ସାମଗ୍ରୀ ଜବତ ହୋଇଛି । 4ଟି ବନ୍ଧୁକ 42 ଟି ଗୁଳି ଭର୍ତ୍ତି କ୍ୟାଟରିଜ, 16ଟି ହେଣ୍ଡ ଗ୍ରେନେଡ, 2ଟି ମୋଟର ବୋମା, ଗୋଟିଏ ରକେଟ ଲଞ୍ଚର, ଏଲଏମଜି ଗୁଳି, 29ଟି ଜିଲୋଟିନ ଷ୍ଟିକ୍, 30ଟି ଇଲେକ୍ଟ୍ରୋନିକ୍ ଡିଟୋନିଟର ଜବତ ହୋଇଛି । ପୂର୍ବରୁ ଏହିସବୁ ଅଞ୍ଚଳ ମାଓବାଦୀଙ୍କ ଚରା ଭୁଇଁ ହୋଇଥିବା ବେଳେ ଜଙ୍ଗଲ ଭିତରେ ସୁରକ୍ଷିତ ଅବସ୍ଥାରେ ଏହି ସବୁ ସାମଗ୍ରୀ ଲୁଚାଇ ରଖିଥିଲେ ।
