ଭୁବନେଶ୍ୱର: ଅଭୟଙ୍କ ଆୟବହିର୍ଭୁତ ସଂପତ୍ତି ଭିଜିଲାନସର ଆଖି ଖୋସି ଦେଇଛି । ମୁମ୍ବାଇରୁ ଆସି ଭୁବନେଶ୍ୱରରେ ପହଞ୍ଚିଲେ ଆଇଏଫଏସ ଅଭୟକାନ୍ତ ପାଠକଙ୍କ ପୁଅ ଆକାଶ ପାଠକ । ଆକାଶଙ୍କୁ କଡ଼ା ସୁରକ୍ଷା ବଳୟ ଭିତରେ ଭିଜିଲାନ୍ସର ସ୍ୱତନ୍ତ୍ର ୧୦ ଜଣିଆ ଟିମ୍ ଭୁବନେଶ୍ୱର ଆଣିଛି ପହଞ୍ଚଇଛନ୍ତି । ବାପା ପଇସାରେ ମଉଜ କରୁଥିବା ଆକାଶ ପାଠକଙ୍କୁ ହେପାଜତରେ ନେଇଛି ଭିଜିଲାନ୍ସ । ସେପଟେ ନନ୍ଦିଘୋଷ ଟିଭିକୁ ପ୍ରତିକ୍ରିୟା ରଖି କୌଣସି ଦୁର୍ନୀତି ହୋଇନଥିବା କହିଛନ୍ତି ଆକାଶ ପାଠକ । ତେବେ ଭିଜିଲାନ୍ସ ହାତକୁ ଆକାଶ ଆସିବା ପରେ ଏବେ ଜେରା କରିବ ଭିଜିଲାନ୍ସ ।

ଅଭୟଙ୍କ ଆୟବହିର୍ଭୁତ ସଂପତ୍ତି ଭିଜିଲାନସର ଆଖି ଖୋସି ଦେଇଛି ।  ବର୍ତ୍ତମାନ ସୁଦ୍ଧା ୧୩ଟି ସ୍ଥାନରେ ରେଡ୍ କରାଯାଇଛି । ସରକାରୀ ବାସଭବନ, କାର୍ଯ୍ୟାଳୟ, ଭୁବନେଶ୍ୱରସ୍ଥିତ ଫ୍ଲାଟ, ବିହାରରେ ଥିବା ପୈତୃକ ଗାଁର ଘର, ୱାଟର ଆପାର୍ଟମେଣ୍ଟରେ ଦୁଇଟି ବିଳାସପୂର୍ଣ୍ଣ ଫ୍ଲାଟ, ପୁଣେରେ ଆପାର୍ଟମେଣ୍ଟ, କାର୍ଯ୍ୟାଳୟ, ଫାର୍ମ ହାଉସ୍, ପୁଣେର ସମତା କଲୋନୀରେ ପୁତ୍ରଙ୍କ ପରିଚାଳକଙ୍କ ବାସଭବନ, ମୁମ୍ବାଇର ଜୁହୁ ଏବଂ ମୁଲୁଣ୍ଡରେ ତାଙ୍କ ପୁଅର ସହଯୋଗୀଙ୍କ ଘର, ରେଷ୍ଟୁରାଣ୍ଟରେ ରେଡ୍ ହୋଇଛି । ଏହା ବ୍ୟତୀତ ଭୁବନେଶ୍ୱର, ମୁମ୍ବାଇ ଏବଂ ଅନ୍ୟାନ୍ୟ ସ୍ଥାନରେ ଏକକାଳୀନ ଯାଞ୍ଚ କରାଯାଇଥିଲା । ମହାରାଷ୍ଟ୍ରର ପୁଣେ ଏବଂ ରାଜସ୍ଥାନର ଉଦୟପୁର ଯେଉଁଠି ଏବେ ବି ଯାଞ୍ଚ ଜାରି ରହିଛି ।

ବର୍ତ୍ତମାନ ସୁଦ୍ଧା ପ୍ରାୟ ୬୦ଲକ୍ଷ ନଗଦ ଟଙ୍କା ମିଳିଛି । ଏହାବାଦ୍ ବ୍ୟୟବହୁଳ ଘରୋଇ ସାମଗ୍ରୀ, ୮୦୦ ଗ୍ରାମର ସୁନା ଅଳଙ୍କାର ଜବତ ହୋଇଛି । ୨୩ଲକ୍ଷ ଟଙ୍କା ମୂଲ୍ୟର ସୁନା ଅଳଙ୍କାର କ୍ରୟ ସମ୍ବନ୍ଧୀୟ ଅଧିକ ଦଲିଲ ମଧ୍ୟ ମିଳିଛି । ପୁଅର ବ୍ୟାଙ୍କ ଆକାଉଣ୍ଟରେ ପ୍ରାୟ ୯. ୪ କୋଟି ଟଙ୍କା ନଗଦ ଜମା ରହିଛି । ସେଥିମଧ୍ୟରୁ ପ୍ରାୟ ୮.୪ କୋଟି ଟଙ୍କା ଭୁବନେଶ୍ୱରରେ ଜମା କରାଯାଇଛି ।  ସହିଦନଗର ଏବଂ ନୟାପଲ୍ଲୀରେ ଏଟିଏମ୍ ମାଧ୍ୟମରେ ଜମା କରାଯାଇଛି । ତାଙ୍କ ପୁଅଙ୍କ ନାମରେ ମର୍ସିଡିଜ୍, ବିଏମଡବ୍ଲୁ ଏବଂ ଟାଟା ହ୍ୟାରିୟର ଏବଂ ତିନୋଟି ମହଙ୍ଗା ୟାମାହା FzS ବାଇକ୍ ପଞ୍ଜିକୃତ ହୋଇଛି ।

ଭୁବନେଶ୍ୱର: ମୁଣ୍ଡବିନ୍ଧା ସୃଷ୍ଟି କରୁଛି ଥାନାର ସୀମା ବିବାଦ । କେଉଁଠି ଏତଲା ଦେବାକୁ ୨୦ କିଲୋମିଟର ଯିବାକୁ ପଡୁଛି ତ ଆଉ କେଉଁଠି ପାସପୋର୍ଟ ଟିଏ ପାଇଁ ଦୌଡ଼ି ଦୌଡ଼ି ନୟାନ୍ତ ହେବାକୁ ପଡୁଛି । ଲକ୍ଷ୍ମୀସାଗର ଓ ବଡଗଡ଼ ଠାରୁ ବେଶ ନିକଟରେ ହେଉଛି କେଶୁରା ଛକ । କିନ୍ତୁ ଅସୁବିଧା ଟିଏ ହେଲେ ଯିବାକୁ ପଡ଼େ ସହିଦନଗର ଥାନା । ଯାହା ଏହି ଛକଠାରୁ ୧୫ କିମି ଦୂର । ସେହିପରି ବାଙ୍କୁଆଳ ଛକ । ବଡ଼ଗଡ଼ ଥାନାଠାରୁ ମାତ୍ର ୩ କିଲୋମିଟର ଦୂର । କିନ୍ତୁ ସେହି ଅଞ୍ଚଳ ଆସୁଛି ୨୨ କଲୋମିଟର ଦୂର ସହିଦନଗର ଥାନା ଅଞ୍ଚଳରେ ।

ପଳାସୁଣୀ ଛକରେ ଥିବା ଚଣ୍ଡିମାତା କଲୋନି, ମଞ୍ଚେଶ୍ୱର ଥାନା ସମ୍ମୁଖରେ । କିନ୍ତୁ ସେହି କଲୋନି ଯାଉଛି, ୪ କିମି ଦୂର ସହିଦନଗର ଥାନା ଅଧୀନରେ । ରସୁଲଗଡ଼ ନିକଟ ଜଗନ୍ନାଥ ନଗର । ଲକ୍ଷ୍ମୀସାଗର ଥାନାଠାରୁ ମାତ୍ର କେଇ ହାତ ଦୂରରେ । କିନ୍ତୁ ଥାନା ଆସୁଛି ମଞ୍ଚେଶ୍ୱରରେ । ବଡ଼ଗଡ଼ ଗାଁ ଛକକୁ ଲାଗି କରି ବଡ଼ଗଡ଼ ଥାନା, କିନ୍ତୁ ବଡ଼ଗଡ଼ ହାଟ ଯାଉଛି ଲକ୍ଷ୍ମୀସାଗର ଥାନା ଅଞ୍ଚଳରେ । ଏଭଳି ଅସୁବିଧା ପାଇଁ ଲୋକେ ନାହିଁ ନଥିବା ସମସ୍ୟା ଭୋଗୁଛି ।

କେବଳ ରାଜଧାନୀ ନୁହେଁ, ରାଜଧାନୀ ଉପକଣ୍ଠରେ ମଧ୍ୟ ଦେଖିବାକୁ ମିଳିଛି ସମାନ ସମସ୍ୟା । ବାଲିଅନ୍ତା ବ୍ଲକ ଅଧୀନ ଜୟଦେବ, ପ୍ରତାପରୁଦ୍ରପୁର ଭଳି ଦୁଇଟି ପଞ୍ଚାୟତ ବାଲିପାଟଣା ଥାନାକୁ ଲାଗିଛି । କିନ୍ତୁ ଏ ସବୁ ଥାନା ଅଞ୍ଚଳ ଯାଉଛି ୨୦ କିମି ଦୂରରେ ଥିବା ବାଲିଅନ୍ତା ଥାନା ଅଧୀନରେ । ଝିଣ୍ଟି ଶାସନ ବାଲିଅନ୍ତା ଅଧୀନ ବାଳକାଟି ଫାଣ୍ଡିକୁ ଲାଗି କରିଥିବା ବେଳେ ଥାନା ହେଉଛି ବାଲିପାଟଣା ।

ସେହିପରି ପାସପୋର୍ଟ ଟିଏ ପାଇଁ ମଧ୍ୟ ଲୋକଙ୍କୁ ନାକେଦମ ହେବାକୁ ପଡୁଛି । ସୀମା ବିବାଦ କାରଣରୁ  ରାତିରେ ପିସିଆର୍‌ ଭ୍ୟାନ୍‌ କେଉଁ ଅଞ୍ଚଳରେ ପାଟ୍ରୋଲିଂ କରିବ ତାକୁ ନେଇ ମଧ୍ୟ ସମସ୍ୟା ହେଉଛି । ଏଣୁ ଏ ସମସ୍ୟା ସମ୍ପର୍କରେ ସମ୍ପୃକ୍ତ ଥାନା ଅଧିକାରୀ ପୋଲିସ ମୁଖ୍ୟାଳୟ, ଗୃହ ବିଭାଗ ଓ ରାଜ୍ୟ ସରକାରଙ୍କୁ ରିପୋର୍ଟ କଲେ ସମସ୍ୟାର ସମାଧାନ ହୋଇପାରନ୍ତା ବୋଲି କହିଛନ୍ତି ଅବସରପ୍ରାପ୍ତ ପୋଲିସ ଅଧିକାରୀ ।