spot_img
Home Blog Page 6001

ସମ୍ବଲପୁର ଯୁଜୁମୁରା ଅଂଚଳରେ ଆତଙ୍କ ଖେଳାଇଛି ଦନ୍ତା ଡନ୍

ସମ୍ବଲପୁର: ବଢୁଛି ଡନ୍‌ ର ଆତଙ୍କ । ସମ୍ବଲପୁର ଯୁଜୁମୁରା ଅଂଚଳରେ ଆତଙ୍କ ଖେଳାଇଛି ଦନ୍ତା ଡନ୍ । ଗତକାଲି ଡନ ଆକ୍ରମଣରେ କୁଢେରନିଶା ଗାଁରେ ୨ଜଣଙ୍କର ମୃତ୍ୟୁ ହୋଇଥିଲା । ଖାଦ୍ୟ ସନ୍ଧାନରେ ଆସି ଗୋଟିଏ ଘର ଭାଙ୍ଗି ଦେବା ସହିତ ୨ଜଣଙ୍କୁ ଦଳି ଦେଇଥିଲା ଡନ୍ । ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଥିବାବେଳେ ଅନ୍ୟଜଣଙ୍କର ଚିକିତ୍ସିତ ଅବସ୍ଥାରେ ମୃତ୍ୟୁ ହୋଇଥିଲା ।

ଦୁଇ ମୃତକ ହେଲେ ତେଲେଙ୍ଗା ଓରାମ ଓ ଜୟରାମ ମିର୍ଧା । ଉଭୟ ବରଗଡ଼ ଜିଲ୍ଲାର ହୋଇଥିବାବେଳେ ସମ୍ବଲପୁରରେ ବାଉଁଶ କାମ କରି ପେଟ ପୋଷୁଥିଲେ । ତେବେ ଦିନକୁଦିନ ସ୍ଥାନ ପରିବର୍ତ୍ତନ କରି ସ୍ଥାନୀୟ ଅଞ୍ଚଳରେ ଉପଦ୍ରବ କରୁଛି ଡନ୍ । ଯାହାକୁ ନେଇ ଲୋକେ ଭୟଭିତ ଅବସ୍ଥାରେ ଅଛନ୍ତି । ହାତୀକୁ ଘଉଡାଇବାକୁ ବନବିଭାଗ ଫେଲ୍ ହେଉଥିବା ଅଭିଯୋଗ ହୋଇଛି ।

ଭଦ୍ରକ: ବେଆଇନ ଗୋଚାଲାଣକୁ ନେଇ ଦୁଇ ଗୋଷ୍ଠୀ ମୁହାଁମୁହିଁ, ୩ ଗୁରୁତର

ଭଦ୍ରକ: ଭଦ୍ରକରେ ବେଆଇନ ଗୋଚାଲାଣକୁ ନେଇ ଦୁଇ ଗୋଷ୍ଠୀ ମୁହାଁମୁହିଁ । ଏସ୍କର୍ଟ ପାଟିଙ୍କ ଆକ୍ରମଣରେ ୩ ଜଣ ଗୋ ସୁରକ୍ଷା କର୍ମକର୍ତ୍ତା ଗୁରୁତର । ୧୬ ନମ୍ବର ଜାତୀୟ ରାଜପଥର ରାଣିତାଲ ନିକଟରେ ମୁହାଁମୁହିଁ ହୋଇଛନ୍ତି ୨ଗୋଷ୍ଠୀ । ବେଆଇନ ଗୋରୁ ଚାଲାଣ ହେଉଥିବା ଖବର ପାଇ ଗୋ ସୁରକ୍ଷା ସମିତିର କର୍ମକର୍ତ୍ତା ମାନେ ରାଣୀତାଲ ନିକଟରେ ୩ଟି କଣ୍ଟେନରକୁ ଅଟକାଇଥିଲେ ।

ଏହି ସମୟରେ ଏସ୍କର୍ଟ ପାଟି ଗୋ ସୁରକ୍ଷା କର୍ମକର୍ତ୍ତାଙ୍କୁ ଆକ୍ରମଣ କରି ଗୋଟିଏ କଣ୍ଟେନର ଛଡାଇନେଇଥିଲେ । ଅନ୍ୟ ଗୋଟିଏ କଣ୍ଟେନରକୁ ମଇତାପୁର ନିକଟରେ ଅଟକାଯାଇଛି । ଆହତମାନେ ଭଦ୍ରକ ଜିଲ୍ଲା ମୁଖ୍ୟ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ପୋଲିସ ଦୁଇଟି କଣ୍ଟେନରକୁ ଜବତ କରିଛି । ଏଥିରେ ୨୦୦ରୁ ଅଧିକ ଗୋରୁ ଥିବା ସୂଚନା ମିଳିଛି ।

ଆବଶ୍ୟକ ପଡ଼ିଲେ ସଂସଦରେ ଚାଷୀ ବିକିବେ ଧାନ: ଚାଷୀ ନେତା ରାକେଶ ଟିକାୟତ

ନୂଆଦିଲ୍ଲୀ: କେନ୍ଦ୍ରର ତିନିଗୋଟି କୃଷି ଆଇନକୁ ନେଇ ବିରୋଧ ଜାରି ରହିଛି । ଦିଲ୍ଲୀ ସୀମାରୁ ଆରମ୍ଭ ହୋଇଥିବା କୃଷକଙ୍କ ବିରୋଧର ସ୍ୱର ମହାପଞ୍ଚାୟତ ମାଧ୍ୟମରେ ପ୍ରତି ରାଜ୍ୟରେ ପହଞ୍ଚୁଛି । ଭାରତୀୟ କିଷାନ ୟୁନିୟନର ନେତା ରାଜ୍ୟ ରାଜ୍ୟ ବୁଲି ମହାପଞ୍ଚାୟତ ଆୟୋଜନ କରୁଛନ୍ତି । ମଙ୍ଗଳବାର ସହିଦ ଦିବସ ଅବସରରେ ରାଜସ୍ଥାନର ଜୟପୁରରେ ଆୟୋଜିତ ସଭାରେ ବିକେୟୁ ନେତା ରାକେଶ ଟିକାୟତ କହିଛନ୍ତି- ଆବଶ୍ୟକ ପଡ଼ିଲେ, ଆମେ ଉତ୍ପାଦନ ଶସ୍ୟକୁ ସଂସଦ ପରିସରରେ ବିକ୍ରି କରିବୁ ।

ଟିକାୟତ କହିଛନ୍ତି- ଚାଷୀ ଭାଗ ଭାଗ ହୋଇନାହାଁନ୍ତି । ଦରକାର ହେଲେ ଚାଷୀ ସଂସଦରେ ଯାଇ ଧନ ବିକିବେ । ପ୍ରଧାନମନ୍ତ୍ରୀ କହିଥିଲେ ଚାଷୀ ଦେଶର କେଉଁଠି ବି ଫସଲ ବିକି ପାରିବେ । ମଣ୍ଡି ବାହାରେ ଜିଲ୍ଲାପାଳ ଅଫିସ୍, ବିଧାନସଭା ଓ ସଂସଦରେ ଫସଲ ବିକ୍ରି କରି ଆମେ କୃଷକଙ୍କ ଶକ୍ତି ଦେଖାଇବୁ ବୋଲି ଟିକାୟତ କହିଛନ୍ତି । ଏଥିସହ ପୁଣି ଟ୍ରାକ୍ଟର ନେଇ ଦିଲ୍ଲୀ ଯିବା ପାଇଁ ପ୍ରସ୍ତୁତ ରହିବାକୁ ଚାଷୀମାନଙ୍କୁ ଆହ୍ୱାନ ଦେଇଛନ୍ତି ଟିକାୟତ ।

କେନ୍ଦ୍ରର ତିନି କୃଷି ଆଇନକୁ ବିରୋଧ କରି ଗତବର୍ଷ ନଭେମ୍ବରରୁ ଦିଲ୍ଲୀ ସୀମାରେ କୃଷକଙ୍କ ଆନ୍ଦୋଳନ ଜାରି ରହିଛି । ସରକାରଙ୍କ ସହ ଏକାଧିକ ବାର ବୈଠକ ପରେ ବି ନିଷ୍କର୍ଷ ବାହାରି ପାରିନି । ଅନ୍ୟପଟେ ସରକାରଙ୍କ ଉପରେ ଚାପ ସୃଷ୍ଟି କରିବାକୁ ଦେଶବ୍ୟାପୀ କୃଷି ଆଇନ୍ ବିରୋଧରେ କୃଷକ ଆରମ୍ଭ କରିଛନ୍ତି ଅଭିଯାନ ।

ଦେଶରେ ଏକସଙ୍ଗରେ ‘ଜୟ ରାମ’ ଏବଂ ‘ଜୟ ଭୀମ’ ସ୍ଲୋଗନ ଶୁଭିଲେ ହିଁ ଦେଶ ବଞ୍ଚିବ ବୋଲି ଟିକାୟତ କହିଛନ୍ତି । ଗତବର୍ଷ ସେପ୍ଟେମ୍ବରରେ କୃଷି କ୍ଷେତ୍ରରେ ଐତିହାସିକ ପରିବର୍ତ୍ତନ କହି ମୋଦି ସରକାର ସଂସଦରେ ତିନୋଟି କୃଷି ବିଲ୍ ଆଗତ କରିଥିଲେ । କୁହାଯାଇଥିଲା- ଏହି ବିଲ୍ ଦ୍ୱାରା ମଧ୍ୟସ୍ଥି ହଟିବା ସହ ଚାଷୀ ଦେଶର କୌଣସି ସ୍ଥାନରେ ଫସଲ ବିକି ପାରିବେ ।

୧୦ ଲକ୍ଷରୁ ଅଧିକ ବୟସ୍କ ନାଗରିକ ନେଲେଣି କରୋନା ଟିକା

ଭୁବନେଶ୍ୱର: ରାଜ୍ୟରେ କରୋନା ଟିକାକରଣ ଦ୍ରୁତ ଗତିରେ ଆଗେଇ ଚାଲିଛି । ଆଜି ରାଜ୍ୟର ମୋଟ ୯୩୯ଟି ସ୍ଥାନରେ ଟିକାକରଣ ହୋଇଥିବା ବେଳେ ୫୪ଟି କୋଭାକ୍ସିନ୍ ଦିଆଯାଇଛି । ମଙ୍ଗଳବାର ଟିକା ନେଇଛନ୍ତି ୭୮ ହଜାର ୮୧୩ ଜଣ । ସେଥିମଧ୍ୟରୁ ଆଜି ୭୪୮ ଜଣ ସ୍ୱାସ୍ଥ୍ୟକର୍ମୀ ପ୍ରଥମ ଡୋଜ୍ ଟିକା ନେଇଥିବା ବେଳେ ୧୪୬୦ ଜଣ ସ୍ୱାସ୍ଥ୍ୟକର୍ମୀ ଦ୍ୱିତୀୟ ଡୋଜ୍, ୮୭୨ ଜଣ ସମ୍ମୁଖ ଯୋଦ୍ଧା ପ୍ରଥମ ଡୋଜ୍ ଟିକା ଓ ୩ ହଜାର ୩୯୧ ଜଣ ସମ୍ମୁଖ ଯୋଦ୍ଧା ଦ୍ୱିତୀୟ ଡୋଜ୍ ଟିକା ନେଇଛନ୍ତି ।

୪୫ରୁ ୫୯ ବର୍ଷ ବୟସ୍କ ଗମ୍ଭୀର ରୋଗରେ ଆକ୍ରାନ୍ତ ୫ ହଜାର ୬୮୮ ଜଣ ଟିକା ନେଇଥିବା ବେଳେ ୬୦ ହଜାରରୁ ଉର୍ଦ୍ଧ୍ୱ ବୟସ୍କ ୬୬ ହଜାର ୬୫୪ ଜଣ ଆଜି ଟିକା ନେଇଛନ୍ତି । ଏଥିସହ ଆଜି ରାଜ୍ୟରେ ୬୦ ବର୍ଷରୁ ଊର୍ଦ୍ଧ୍ୱ ୧୦ ଲକ୍ଷ ନାଗରିକ କୋଭିଡ୍ ଟିକା ନେଇଥିବା ଟ୍ୱିଟ୍ କରି ସୂଚନା ଦେଇଛି ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ।

ଏଯାବତ୍ ରାଜ୍ୟରେ ୩ ଲକ୍ଷ ୧୦ ୮୩ ଜଣ ସ୍ୱାସ୍ଥ୍ୟକର୍ମୀ ପ୍ରଥମ ଡୋଜ୍ ଟିକା ନେଇଥିବା ବେଳେ ୨ ଲକ୍ଷ ୫୦ ୭୦୫ ଜଣ ଦ୍ୱିତୀୟ ଡୋଜ୍ ଟିକା ନେଇଛନ୍ତି । ସେହିଭଳି ୧ ଲକ୍ଷ ୮୧ ହଜାର ୪୧୫ ଜଣ ସମ୍ମୁଖ ଯୋଦ୍ଧା ପ୍ରଥମ ଡୋଜ୍ ଓ ୧ ଲକ୍ଷ ୨୭ ହଜାର ୭୩୨ ଜଣ ସମ୍ମୁଖ ଯୋଦ୍ଧା ଦ୍ୱିତୀୟ ଡୋଜ୍ ଭ୍ୟାକ୍ସିନ୍ ନେଇଛନ୍ତି । ଗମ୍ଭୀର ରୋଗରେ ଆକ୍ରାନ୍ତ ୪୫ରୁ ୫୯ ବର୍ଷ ବୟସ୍କ ୫୯ ହଜାର ୯୬୯ ଜଣଙ୍କୁ ଟିକା ଦିଆଯାଇଥିବା ବେଳେ ୧୦ ଲକ୍ଷ ୩୦ ହଜାର ୮୧୫ ଜଣ ୬୦ ବର୍ଷରୁ ଊର୍ଦ୍ଧ୍ୱ ବୟସ୍କଙ୍କୁ ଟିକା ଦିଆଯାଇଛି ।

Odisha vaccinated more than 10 lakh elderly citizens of 60 years & above

ରାଜ୍ୟରେ ମୋଟ ୧୯ ଲକ୍ଷ ୬୦ ହଜାର ୭୧୯ ଜଣ କରୋନା ଟିକା ନେଇଛନ୍ତି । ରାଜ୍ୟରେ ଏବେ ଟିକାକରଣ ଜାରି ରହିଥିବା ବେଳେ କେନ୍ଦ୍ରର ନିଷ୍ପତ୍ତି ଅନୁସାରେ ଏପ୍ରିଲ୍ ପହିଲାରୁ ୪୫ ବର୍ଷରୁ ଊର୍ଦ୍ଧ୍ୱ ସମସ୍ତ ବୟସ୍କଙ୍କୁ ଟିକା ଦିଆଯିବ । ଅନ୍ୟପଟେ ଆଜି ଓଡ଼଼ିଶାରେ ୩ ଲକ୍ଷ ୭୦ ହଜାର ୭୨୦ ଡୋଜ୍ କୋଭିସିଲ୍ଡ ଟିକା ପହଞ୍ଚିଛି ।

୬୬ ରନରେ ଇଂଲଣ୍ଡ ବିପକ୍ଷ ପୁନେ ଦିନିକିଆ ଜିତିଲା ଭାରତ

ପୁନେ: ଭ୍ରମଣକାରୀ ଦଳ ଇଂଲଣ୍ଡ ବିପକ୍ଷରେ ଭାରତର ବିଜୟ ଧାରା ଜାରି ରହିଛି । ଟେଷ୍ଟ ପରେ ଇଂଲଣ୍ଡ ବିପକ୍ଷ ଟି-ଟ୍ୱେଣ୍ଟି ସିରିଜ୍ ଜିତିଥିବା ଭାରତ ଏବେ ତିନିଟିକିଆ ଦିନିକିଆ ସିରିଜର ପ୍ରଥମ ମ୍ୟାଚ୍ ବିଜୟରୁ ଆରମ୍ଭ କରିଛି । ପ୍ରଥମେ ବ୍ୟାଟିଂ କରିଥିବା ବିରାଟ ବାହିନୀ ୬୬ ରନରେ ମ୍ୟାଚକୁ ଜିତି ନେଇଛି । ନିର୍ଦ୍ଧାରିତ ୫୦ ଓଭରରେ ଭାରତ ୫ ୱିକେଟ୍ ହରାଇ ୩୧୭ ରନ୍ କରିଥିଲା ।

India Won By 66 Runs First ODI Against England

ଭାରତ ପକ୍ଷରୁ ଶିଖର ଧାୱନ ୧୦୬ ବଲରେ ୨ ଛକା, ୧୧ ଚୌକା ସହ ୯୮ ରନ୍ କରିଥିଲେ । କେଏଲ୍ ରାହୁଲ ଓ କ୍ରୁନାଲ ପାଣ୍ଡ୍ୟା ଯଥାକ୍ରମେ ଅପରାଜିତ ୬୨ ରନ୍ ଓ ୫୮ ରନ୍ କରିଥିଲେ । କ୍ୟାପଟେନ୍ କୋହଲି ୬୦ ବଲରେ ୫୬ ରନ୍ କରିଥିଲେ । ୩୧୮ ରନର ବିଜୟ ଲକ୍ଷ୍ୟକୁ ପିଛା କରି ବ୍ୟାଟିଂ ଆରମ୍ଭ କରିଥିଲା ଭ୍ରମଣକାରୀ ଦଳ ।

India Won By 66 Runs First ODI Against England

ଇଂଲଣ୍ଡ ପକ୍ଷରୁ ଜନି ବେୟାରଷ୍ଟୋ ୬୬ ବଲରେ ସର୍ବାଧିକ ୯୪ ରନ୍ କରିଥିବା ବେଳେ ଓପନର ଜସନ ରୟ ୪୬ ରନ୍ କରିଥିଲେ । ଭ୍ରମଣକାରୀ ଦଳ ଭାରତର ଆକ୍ରମଣାତ୍ମକ ବୋଲିଂ ଆଗରେ ଧରାଶାୟୀ ହୋଇ ୪୨ ଓଭର ୧ ବଲରେ ସମସ୍ତ ୱିକେଟ୍ ହରାଇ ୨୫୧ ରନ୍ କରିବାରେ ସଫଳ ହୋଇଥିଲା । ଫଳରେ ଭାରତ ପ୍ରଥମ ଦିନିକିଆକୁ ୬୬ ରନରେ ଜିତି ନେଇଛି ।

India Won By 66 Runs First ODI Against England

ଭାରତ ପକ୍ଷରୁ ଭୁବନେଶ୍ୱର କୁମାର ୨ଟି ୱିକେଟ୍, ପ୍ରସିଦ୍ଧ କ୍ରିଷ୍ଣା ୪ଟି ୱିକେଟ୍, ଶାର୍ଦ୍ଦୁଲ ଠାକୁର ୩ଟି ୱିକେଟ୍, କୁଲଦୀପ ଯାଦବ ଗୋଟିଏ ୱିକେଟ୍ ନେଇଥିଲେ । ଶିଖର ଧାୱନ ପ୍ଲେୟାର ଅଫ୍ ଦି ମ୍ୟାଚ୍ ବିବେଚିତ ହୋଇଛନ୍ତି । ୩ଟିକିଆ ଦିନିକିଆ ସିରିଜରେ ଭାରତ ୧-୦ରେ ଆଗୁଆ ରହିଛି । ଆସନ୍ତା ୨୬ ତାରିଖରେ ପୁନେରେ ଦ୍ୱିତୀୟ ଦିନିକିଆ ମ୍ୟାଚ୍ ଖେଳାଯିବ ।

ବିରୋଧୀ ବିଧାୟକଙ୍କୁ ଠେଲି ବାହାର କଲେ ମାର୍ସଲ

ପାଟନା: ବିହାର ବିଧାନସଭାରେ ହାଇଡ୍ରାମା । ବିରୋଧୀ ବିଧାୟକଙ୍କୁ ଠେଲି ଠେଲି ବିଧାନସଭାରୁ ବାହାର କଲେ ମାର୍ସଲ । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବିହାର ବିଧାନସଭାରେ । ଆଉ ଏଥିରେ ଅନେକ ବିଧାୟକ ଆହତ ହୋଇଥିବା ସୂଚନା ମିଳିଛି।

ବିଧାନସଭାରେ ବିହାର ବିଶେଷ ସଶସ୍ତ୍ର ପୋଲିସ ବିଧେୟକ ୨୦୨୧ ବିରୋଧରେ ବିରୋଧୀ ମୋର୍ଚ୍ଚା ଖୋଲିଛନ୍ତି । ଏହି ବିଧେୟକଙ୍କୁ ବିରୋଧ କରି ଆଜି ଆରଜେଡି ବିଧାୟକମାନେ ବିଧାନସଭାର ଅଧ୍ୟକ୍ଷଙ୍କୁ ଘେରାଉ କରିଥିଲେ । ସ୍ଥିତି ଏଭଳି ହୋଇଥିଲା ଅଧ୍ୟକ୍ଷଙ୍କ ଚ୍ୟାମ୍ବର ବାହାରେ ବିଧାୟକମାନେ ଶୋଇ ରହିଥିଲେ। ଯାହାଫଳରେ ଉପସ୍ଥିତ ଥିବା ମାର୍ସଲ ବିଧାୟକମାନଙ୍କୁ ବାହାରକୁ ଛାଡି ଦେଇଥିଲେ । ଏହି ସମୟରେ ଧସ୍ତାଧସ୍ତି ପରିସ୍ଥିତି ସୃଷ୍ଟି ହୋଇଥିଲା ।

ତେବେ ବିଧାନସଭାରେ ଏଭଳି ପରିସ୍ଥିତିକୁ ନେଇ ଶାସକ ଓ ବିରୋଧୀ ମୁହାଁମୁହିଁ ହୋଇଥିଲେ । ଆରଜେଡି ନେତା ତଥା ବିରୋଧୀ ଦଳନେତା ତେଜସ୍ୱୀ ଯାଦବ ତମାମ ଘଟଣାକୁ ନିନ୍ଦା କରିବା ସହ ବିଧେୟକ ଫେରାଇ ନେବା ପାଇଁ ଦାବି କରିଛନ୍ତି । ଏହାକୁ ନେଇ ଆଜି ପାଟନାରେ ବିକ୍ଷୋଭ ପ୍ରଦର୍ଶନ କରିଥିଲେ ଆରଜେଡି ନେତା ଓ କର୍ମୀ ।

ପେଟ୍ରୋଲ୍ ଓ ଡିଜେଲକୁ ଜିଏସଟି ଅଧିନରେ ଆଣିବାକୁ ପ୍ରସ୍ତୁତି!

ନୂଆଦିଲ୍ଲୀ: ଲୋକସଭାରେ ଅର୍ଥ ବିଧେୟକ-୨୦୨୧ ଉପରେ ହେଉଥିବା ଏକ ଚର୍ଚ୍ଚାର ଜବାବ ଦେଇ ଅର୍ଥ ମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ ସରକାର ଜିଏସଟି ପରିଷଦର ଆଗାମୀ ବୈଠକରେ ପେଟ୍ରାେଲ-ଡିଜେଲ ସମ୍ପର୍କରେ ଆଲୋଚନା କରିବାକୁ ପ୍ରସ୍ତୁତ।

ସେ ଆହୁରି ମଧ୍ୟ କହିଛନ୍ତି ପେଟ୍ରୋଲ-ଡିଜେଲ୍ ଉପରେ ଅଧିକ କର ନେଇ ସରକାର ଏହାକୁ ଜିଏସଟିର ଅଧିନରେ ଆଣିବା ଲାଗି ଜିଏସଟି ପରିଷଦର ଆଗାମୀ ବୖେଠକରେ ବିଚାର କରିବାକୁ ପ୍ରସ୍ତୁତ ।

ରାଜ୍ୟ ଆଣୁ ଆଲୋଚନା ପ୍ରସ୍ତାବ-

ଅର୍ଥ ମନ୍ତ୍ରୀ କହିଛନ୍ତି ଯେ ଯଦି ରାଜ୍ୟ ଚାହେଁ ତାହେଲେ ଆଗକୁ ଆସି ଆଲୋଚନା ପ୍ରସ୍ତାବ ଆଣୁ । ତାଙ୍କୁ ପରିଷଦ ବୈଠକରେ ଏହା ପ୍ରସଙ୍ଗ ଉପରେ ଆଲୋଚନା କଲେ ଖୁସି ଲାଗିବ ।

ମହାରାଷ୍ଟ୍ରରେ ସବୁଠୁ ଅଧିକ କର-

ଅର୍ଥ ମନ୍ତ୍ରୀ ଆହୁରି କହିଛନ୍ତି ପେଟ୍ରୋଲ-ଡିଜେଲକୁ ନେଇ କେଉଁ ରାଜ୍ୟରେ ଅଧିକ କିମ୍ବା କମ୍ ଟିକସ ରହିଛଇ ସେନେଇ ସେ ଆଲୋଚନା କରିବାକୁ ଚାହୁଁନାହାଁନ୍ତି । ତଥାପି ମହାରାଷ୍ଟ୍ରରେ ପେଟ୍ରୋଲ-ଡିଜେଲ୍ ଉପରେ ସବୁଠୁ ଅଧିକ ରାଜ୍ୟ କର ରହିଛି ।

ତେବେ ପେଟ୍ରୋଲ-ଡିଜେଲ୍ ଉପରେ ରାଜ୍ୟ କର କଥା ଅର୍ଥ ମନ୍ତ୍ରୀ କହୁଥିବା ବେଳେ ରୋଷେଇ ଗ୍ୟାସ ଉପରେ ତ ରାଜ୍ୟର କୌଣସି କର ନାହିଁ ବୋଲି କହିଛନ୍ତି କଂଗ୍ରେସ ନେତା ରବନୀତ ସିଂ ବିଟ୍ଟୁ।

ବିବାହ ଓ ଅନ୍ତ୍ୟେଷ୍ଟି ପାଇଁ ୨୬ ତାରିଖରୁ ନୂଆ କଟକଣା

ଭୁବନେଶ୍ୱର: ସଂକ୍ରମଣ ବଢ଼ୁଥିବା ବେଳେ ଫେରୁଛି କରୋନା କଟକଣା । ବିଭିନ୍ନ କାର୍ଯ୍ୟକ୍ରମରେ ଜନସମାଗମକୁ ନେଇ ରାଜ୍ୟ ସରକାର ନୂଆ ଗାଇଡଲାଇନ୍ ଜାରି କରିଛନ୍ତି । ନୂଆ ଗାଇଡଲାଇନ୍ ଅନୁସାରେ ଏଣିକି ବିବାହ ଉତ୍ସବରେ ୫୦୦ ଜଣଙ୍କ ପରିବର୍ତ୍ତେ ୨୦୦ ଜଣ ସାମିଲ୍ ହୋଇପାରିବେ । ସେହିଭଳି ଅନ୍ତ୍ୟେଷ୍ଟି କ୍ରିୟାରେ ୫୦୦ ଜଣଙ୍କ ପରିବର୍ତ୍ତେ ୫୦ ଜଣ ସାମିଲ୍ ନେଇ ଅନୁମତି ଦିଆଯାଇଛି ।

SRC Issued New Guideline For Marriage And Last Rites

ଏସବୁ କାର୍ଯ୍ୟକ୍ରମରେ କୋଭିଡ୍ ନିୟମ ପାଳନ ଉପରେ ଗୁରୁତ୍ୱ ଦିଆଯାଇଛି । ସମେସ୍ତ ମାସ୍କ ପିନ୍ଧିବା ସହ ସାମାଜିକ ଦୂରତା ରକ୍ଷା, ଥର୍ମାଲ ସ୍କାନିଂ କରାଯିବ ଏବଂ ସାନିଟାଇଜର ବ୍ୟବସ୍ଥା ରହିବ । ଏନେଇ ସମସ୍ତ ଜିଲ୍ଲାପାଳ ଓ ମହାନଗର ନିଗମକୁ ସ୍ୱତନ୍ତ୍ର ରିଲିଫ୍ କମିଶନର ଚିଠି ଲେଖିଛନ୍ତି । ବିବାହ ଓ ଅନ୍ତ୍ୟେଷ୍ଟି କ୍ରିୟାରେ ନୂଆ କଟକଣା ଆସନ୍ତା ୨୬ ତାରିଖରୁ ଲାଗୁ ହେବ ।

ଏସବୁଥିରେ ଉଲ୍ଲଂଘନ କଲେ ବିପର୍ଯ୍ୟୟ ପରିଚାଳନା ଆଇନ୍-୨୦୦୫ ଓ ଅନ୍ୟ ଆଇନ୍ ଅନୁସାରେ କାର୍ଯ୍ୟାନୁଷ୍ଠାନ ନିଆଯିବ । ପୂର୍ବଭଳି କରୋନା ନିୟମକୁ ମାନି ସାମାଜିକ, ରାଜନୀତିକ, ଖେଳ, ସାଂସ୍କୃତିକ, ଶୈକ୍ଷିକ ଏବଂ ଧାର୍ମିକ କାର୍ଯ୍ୟକ୍ରମ ସର୍ବାଧିକ ୫୦୦ ଲୋକଙ୍କୁ ନେଇ ହୋଇପାରିବ । ମହାରାଷ୍ଟ୍ର, ପଞ୍ଜାବ, କର୍ଣ୍ଣାଟକ, ଗୁଜରାଟ, ମଧ୍ୟପ୍ରଦେଶ ଏବଂ କେରଳ ଭଳି ରାଜ୍ୟରେ ସଂକ୍ରମଣ ବଢ଼ୁଥିବା ବେଳେ ରାଜ୍ୟ ସରକାର ସତର୍କତା ମୂଳକ ପଦକ୍ଷେପ ଗ୍ରହଣ କରିଛନ୍ତି ।

ରାଜ୍ୟରେ କରୋନା ସ୍ଥିତି ନେଇ ମୁଖ୍ୟମନ୍ତ୍ରୀଙ୍କ ସମୀକ୍ଷା, ବ୍ୟାପକ ସଚେତନତା ଲାଗି ନିର୍ଦ୍ଦେଶ

ଭୁବନେଶ୍ୱର: ରାଜ୍ୟରେ ବଢୁଛି କରୋନା ସଂକ୍ରମଣ । ଏହାକୁ ଦୃଷ୍ଟିରେ ରଖି ରାଜ୍ୟର କରୋନା ସ୍ଥିତି ନେଇ ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବ୍ୟାପକ ସଚେତନତା ଉପରେ ମୁଖ୍ୟମନ୍ତ୍ରୀ ଗୁରୁତ୍ୱ ଦେଇଛନ୍ତି । କୋଭିଡ୍ ଗାଇଡଲାଇନର କଠୋର ଅନୁପାଳନ ପାଇଁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ । ମୁଖ୍ୟ ଶାସନସଚିବ ଏଣିକି ନିୟମିତ ସ୍ଥିତିର ସମୀକ୍ଷା କରିବେ । ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ଦ୍ଦେଶ ଦେଇଛନ୍ତି । ଟେଷ୍ଟିଂ ଓ ସର୍ଭେଲାନ୍ସକୁ ବ୍ୟାପକ କରିବାକୁ ପ୍ରଶାସନକୁ ନିର୍ଦ୍ଦେଶ ଦିଆଯାଇଛି ।

ଦେଶରେ ବଢ଼ୁଥିବା କରୋନା ମାମଲାରେ ଆଜିର ଦିନରେ ରାଜ୍ୟର ଯୋଗଦାନ ମାତ୍ର ୦.୪ ପ୍ରତିଶତ ରହିଛି । ଅର୍ଥାତ୍ ଅନ୍ୟ ରାଜ୍ୟ ତୁଳନାରେ ଓଡ଼ିଶାର ସ୍ଥିତି ଭଲ ରହିଛି । ରାଜ୍ୟରେ ଦୈନିକ ଚିହ୍ନଟ କରୋନା ମାମଲା ମଧ୍ୟରୁ ୪ଟି ଜିଲ୍ଲାରୁ ୪୦ ପ୍ରତିଶତ ମାମଲା ଆସୁଛି । କଟକୁ ୧୩ ପ୍ରତିଶତ, ଖୋର୍ଦ୍ଧାରୁ ୧୦ ପ୍ରତିଶତ, ସୁନ୍ଦରଗଡ଼ରୁ ୯ ପ୍ରତିଶତ ଓ ମୟୂରଭଞ୍ଜରୁ ୮ ପ୍ରତିଶତ ସଂକ୍ରମଣ ମାମଲା ରହିଛି ।

Odisha CM Focused On Covid Testing And Surveillance In State

ବଢ଼ୁଥିବା ସଂକ୍ରମଣକୁ ଦେଖି ଜିଲ୍ଲାରେ ଟେଷ୍ଟିଂ ବଢ଼ାଇବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ଏଥିସହ ସଂକ୍ରମିତ ବ୍ୟକ୍ତିଙ୍କ କଣ୍ଟାକ୍ଟ ଟ୍ରେସିଂ ସହ ଟେଷ୍ଟ-ଟ୍ରାକ୍-ଟ୍ରିଟ୍ ଉପରେ ଗୁରୁତ୍ୱ ଦିଆଯାଇଛି । କ୍ଲଷ୍ଟର କେସସ୍ ଚିହ୍ନଟ ହେଲେ ମିନି-କଣ୍ଟେନମେଣ୍ଟ ଜୋନ୍ କରିବାକୁ କୁହାଯାଇଛି । ସର୍ବସାଧାରଣ ସ୍ଥାନରେ କୋଭିଡ୍ ନିୟମ ପାଳନ ନେଇ ନଜର ରଖିବାକୁ ପୋଲିସକୁ ନିର୍ଦ୍ଦେଶ ଦେଇଛନ୍ତି ସରକାର ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଭିଡିଓ କନ୍‌ଫରେନ୍ସିଂ ଜରିଆରେ କୋଭିଡ୍ମ ହାମାରୀର ସମ୍ଭାବ୍ୟ ଦ୍ୱିତୀୟ ସଂକ୍ରମଣର ମୁକାବିଲା ସଂପର୍କରେ ସମୀକ୍ଷା କରି ବ୍ୟାପକ ସତର୍କତା ମୂଳକ ପଦକ୍ଷେପ ଓ ଜନସଚେତନତା ଉପରେ ଗୁରୁତ୍ୱ ଆରୋପ କରିଛନ୍ତି । କେତେକ ରାଜ୍ୟରେ ପରିସ୍ଥିତି ଦ୍ରୁତ ଗତିରେ ବିଗିଡିବାରେ ଲାଗିଛି । ଏବେଠାରୁ ତୁରନ୍ତ ପ୍ରତିରୋଧମୂଳକ ପଦକ୍ଷେପ ନ ନେଲେ, ଆମ ରାଜ୍ୟ ମଧ୍ୟ ଘୋର ବିପଦର ସମ୍ମୁଖୀନ ହେବ ବୋଲି ମୁଖ୍ୟମନ୍ତ୍ରୀ ସତର୍କ କରାଇ ଦେଇଛନ୍ତି । ଏହା ମଧ୍ୟରେ କୋଭିଡ ଯୁଦ୍ଧକୁ ଏକ ବର୍ଷ ପୂରଣ ହୋଇଯାଇଛି । ତେବେ ଆମର ଡାକ୍ତର, ପାରାମେଡିକାଲ, ଆଗଧାଡ଼ିର ଯୋଦ୍ଧା, ପ୍ରଶାସନ, ପଞ୍ଚାୟତ ପ୍ରତିନିଧି ଓ ପୋଲିସ ଏ ସମସ୍ତଙ୍କର ନିସ୍ୱାର୍ଥପର ସେବା ଓ ତ୍ୟାଗ ଯୋଗୁ ଆମେ ଏପର୍ଯ୍ୟନ୍ତ ଭୂତାଣୁର ମୁକାବିଲାରେ ସଫଳ ହୋଇଛୁ । ରାଜ୍ୟ ମଧ୍ୟ ଜାତୀୟ ଓ ଆନ୍ତର୍ଜାତୀୟ ସ୍ତରରେ ସଫଳ କୋଭିଡ୍ ମୁକାବିଲା ପାଇଁ ସ୍ୱିକୃତି ହାସଲ କରିଛି ବୋଲି ସେ କହିଥିଲେ ।

ଏବେ ଯେତେବେଳ ରୋଗ ନିୟନ୍ତ୍ରଣ, ଜୀବିକା ସୃଷ୍ଟି ଓ ଅର୍ଥନୀତି କ୍ଷେତ୍ରରେ ରାଜ୍ୟ ସ୍ବାଭାବିକ ପରିସ୍ଥିତିକୁ ଫେରିଆସୁଛି, ସେତେବେଳେ ଆମ ଦେଶ ସହିତ ବିଶ୍ୱର ଅନେକ ଦେଶରେ କୋଭିଡର ପ୍ରତ୍ୟାବର୍ତ୍ତନ ଲକ୍ଷ୍ୟ କରାଯାଉଛି । ଆମ ଦେଶରେ ଦ୍ୱିତୀୟ ସଂକ୍ରମଣ ଆରମ୍ଭ ହେବା ପରି ପରିସ୍ଥିତି ଲକ୍ଷ୍ୟ କରାଯାଉଛି । ତେଣୁ ଏଭଳି ପରିସ୍ଥିତିରେ ଦ୍ୱିତୀୟ ସଂକ୍ରମଣକୁ ରୋକିବା ପାଇଁ ମାସ୍କ ବ୍ୟବହାର ଓ ହାତଧୁଆ ଉପରେ ବ୍ୟାପକ ସଚେତନତା ସୃଷ୍ଟି କରିବାକୁ ପଦକ୍ଷେପ ନେବା ଜରୁରୀ । ବିଶେଷକରି ସର୍ବସାଧାରଣ ସ୍ଥାନରେ ମାସ୍କ ବ୍ୟବହାରର ଦୃଢ ଅନୁପାଳନକୁ ସୁନିଶ୍ଚିତ କରିବାର ଆବଶ୍ୟକତା ରହିଛି ବୋଲି ମୁଖ୍ୟମନ୍ତ୍ରୀ କହିଥିଲେ ।

Odisha CM Focused On Covid Testing And Surveillance In State

ସମସ୍ତ ଜିଲ୍ଲାଗୁଡିକ ନିଜ ନିଜ ଅଞ୍ଚଳର ସ୍ଥାନୀୟ ନେତୃବୃନ୍ଦ, ପଞ୍ଚାୟତ ପ୍ରତିନିଧି ଓ ଧାର୍ମିକ ସଂସ୍ଥା ଆଦି ବିଭିନ୍ନ ଆବଶ୍ୟକ ବ୍ୟକ୍ତି ଓ ସଂସ୍ଥା ମାନଙ୍କ ସହିତ ସଚେତନତା ଓ ସମନ୍ୱୟ ବୈଠକ କରିବା ପାଇଁ ମୁଖ୍ୟମନ୍ତ୍ରୀ ପରାମର୍ଶ ଦେଇଥିଲେ। ମୁଖ୍ୟମନ୍ତ୍ରୀ କହିଥିଲେ ଯେ ଅନେକ ଦେଶରେ କୋଭିଡର ଦ୍ୱିତୀୟ ଲହର ପ୍ରଥମ ଲହର ଠାରୁ ଅଧିକ ଭୟଙ୍କର ହେଉଛି । ଏସବୁ ଦେଶ ପୁଣି ଲକ୍‌ଡାଉନ ପରିସ୍ଥିତିକୁ ଫେରୁଛନ୍ତି । ଆମ ପକ୍ଷରେ ପୁଣି ଥରେ ଲକ୍‌ଡାଉନକୁ ଫେରିବା ବହୁତ କ୍ଷତିକାରକ ହେବ । ତେଣୁ ମୁଖ୍ୟମନ୍ତ୍ରୀ ସମସ୍ତଙ୍କୁ ନିବେଦନ କରିଥିଲେ ଯେ ଆମ ସମସ୍ତେ ଆତ୍ମ ସଂଯମତା ପାଳନ କରିବା ସହିତ ରାଜ୍ୟର ସବୁସ୍ଥାନରେ କୋଭିଡ ନିୟମାବଳୀର ଅନୁପାଳନକୁ ସୁନିଶ୍ଚିତ କରିବା । ଦ୍ୱିତୀୟ ଲହର ନ ହେବା ପାଇଁ ରାଜ୍ୟ ପ୍ରଶାସନ ନୂତନ ଉତ୍ସାହ ସହିତ କାର୍ଯ୍ୟ କରିବାକୁ ପରାମର୍ଶ ଦେଇ ମୁଖ୍ୟମନ୍ତ୍ରୀ କହିଥିଲେ ଯେ ଆମେ ସମସ୍ତେ ସତର୍କ ରହିବା ଏବଂ ଭୂତାଣୁ ସଂକ୍ରମଣକୁ ରୋକିବା ପାଇଁ ପ୍ରତିରୋଧମୂଳକ ପଦକ୍ଷେପକୁ କାର୍ଯ୍ୟକାରୀ କରିବା ।

ପରିସ୍ଥିତି ଉପରେ ସତର୍କ ନଜର ରଖିବା ସହ ନିୟମିତ ସମୀକ୍ଷା କରିବା ପାଇଁ ମୁଖ୍ୟ ଶାସନ ସଚିବଙ୍କୁ ନିର୍ଦ୍ଦେଶ ଦେଇଥିଲେ । ଜିଲ୍ଲାପାଳ ଓ ଏସ୍‌.ପି ମାନେ ନିଜ ନିଜ ଅଞ୍ଚଳରେ ବ୍ୟକ୍ତିଗତ ଭାବେ ଏହି ଅନୁପାଳନକୁ ତଦାରଖ କରିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଥିଲେ। ସେହିପରି ସ୍ୱାସ୍ଥ୍ୟ ଏବଂ ସୂଚନା ଓ ଲୋକସଂପର୍କ ବିଭାଗ ବ୍ୟାପକ ପ୍ରଚାର ଓ ଆଇସି କ୍ୟାମ୍ପେନ୍ଆ ରମ୍ଭ କରିବାକୁ ମୁଖ୍ୟମନ୍ତ୍ରୀ ପରିମର୍ଶ ଦେଇଥିଲେ । ଗାଁ, ସାପ୍ତାହିକ ହାଟ ଓ ଭିଡ଼ ପରିଲକ୍ଷିତ ହେଉଥିବା ମାର୍କେଟରେ ଡାକବାଜି ଯନ୍ତ୍ର ଜରିଆରେ ସମସ୍ତ ନିୟମାବଳୀ ଓ ଜରୁରୀ ସୂଚନା ସଂପର୍କରେ ତୁରନ୍ତ ଘୋଷଣା ଆରମ୍ଭ କରିବାକୁ ନିର୍ଦ୍ଦେଶ ଦେଇଥିଲେ। ଜିଲ୍ଲାପାଳମାନେ ନିଜ ନିଜ ଅଞ୍ଚଳରେ ସର୍ଭେଲାନସ୍‌ ଓ ଟେଷ୍ଟିଂ କାର୍ଯ୍ୟକ୍ରମକୁ କଡାକଡି ଭାବରେ ତଦାରଖ କରିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଥିଲେ ।

ସମଗ୍ର ପ୍ରଶାସନିକ କଳକୁ ପରିସ୍ଥିତିର ଗମ୍ଭୀରତା ଅନୁଭବ କରିବାକୁ ପରାମର୍ଶ ଦେଇ ମୁଖ୍ୟମନ୍ତ୍ରୀ ସମସ୍ତେ ନିଜ ନିଜକୁ କୋଭିଡ ଯୁଦ୍ଧରେ ପୁଣିଥରେ ନିଷ୍ଠାର ସହ ସାମିଲ କରିବା ପାଇଁ ନିବେଦନ କରିଥିଲେ। ବୈଠକରେ ମୁଖ୍ୟ ଶାସନ ସଚିବ ଶ୍ରୀ ସୁରେଶ ଚନ୍ଦ୍ର ମହାପାତ୍ର କହିଲେ ଯେ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ଅନୁଯାୟୀ ରାଜ୍ୟରେ କୋଭିଡ ନିୟମକୁ ଅଧିକ କଡାକଡି ଭାବରେ ପାଳନ କରାଯିବ । ଛତିଶଗଡ ସୀମାନ୍ତବର୍ତ୍ତୀ ଜିଲ୍ଲାଗୁଡିକ ଅଧିକ ସତର୍କ ରହିବା ପାଇଁ ସେ ପରାମର୍ଶ ଦେଇଥିଲେ । ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ଶ୍ରୀ ପ୍ରଦୀପ୍ତ କୁମାର ମହାପାତ୍ର ବର୍ତ୍ତମାନର ସ୍ଥିତି ସଂପର୍କରେ ବିସ୍ତୃତ ଉପସ୍ଥାପନା ଦେଇଥିଲେ । ନୟାଗଡ ଓ ମାଲକାନଗିରିରେ କେହି ଜଣେ ବି ପଜିଟିଭ ନାହାନ୍ତି ବୋଲି ସେ କହିଥିଲେ । ବର୍ତ୍ତମାନ ରାଜ୍ୟରେ ୮୯୮ ଜଣ ସକ୍ରିୟ ରୋଗୀ ଥିବାବେଳେ, ୧୦୬ ଜଣ ହସ୍‌ପିଟାଲରେ ଚିକିତ୍ସିତ ହେଉଛନ୍ତି ଏବଂ ରାଜ୍ୟର କୋଭିଡ ଭିତ୍ତିଭୂମି ସଂପୂର୍ଣ୍ଣ ପ୍ରସ୍ତୁତ ଅଛି ବୋଲି ସେ କହିଥିଲେ।

Odisha CM Focused On Covid Testing And Surveillance In State

RT-PCR ଟେଷ୍ଟ ଉପରେ ଅଧିକ ଗୁରୁତ୍ୱ ଦିଆଯାଉଛି ଓ ରେଡ୍‌ ଫ୍ଲାଗ୍‌ ରାଜ୍ୟ ଗୁଡିକରୁ ଆସୁଥିବା ଲୋକମାନଙ୍କୁ କଡାକଡି ଯାଂଚ କରାଯାଉଛି। ଟୀକାକରଣ ସଂପର୍କରେ ଆଲୋକପାତ କରି ସେ କହିଲେ ଯେ ବର୍ତ୍ତମାନ ସୁଦ୍ଧା ରାଜ୍ୟରେ ୧୮.୮୧ ଲକ୍ଷ ଲୋକଙ୍କୁ ଟୀକା ଦିଆଯାଇସାରିଛି । ଅଧିକ ୨୫ ଲକ୍ଷ ଡୋଜ୍‌ ଟୀକା ପଠାଇବା ପାଇଁ କେନ୍ଦ୍ରକୁ ଅନୁରୋଧ କରାଯାଇଛି ବୋଲି ସେ କହିଥିଲେ। ରାଜ୍ୟରେ ଟୀକା ନଷ୍ଟ ପରିମାଣ ୦.୨୪ ପ୍ରତିଶତ ରହିଛି, ଯାହାକି ସମଗ୍ର ଦେଶରେ ସବୁଠାରୁ କମ୍‌ ବୋଲି ସେ କହିଥିଲେ।
ପୋଲିସ ମହାନିର୍ଦ୍ଦେଶକ ଶ୍ରୀ ଅଭୟ କହିଥିଲେ ଯେ କୋଭିଡ ନିୟମର କଡା ଅନୁପାଳନ ପାଇଁ ପୋଲିସ ପ୍ରଶାସନକୁ ଦୃଢ ନିର୍ଦ୍ଦେଶ ଦିଆଯାଇଛି । ଷ୍ଟେସନ ଓ ବିମାନ ବନ୍ଦର ଗୁଡିକରେ ବାହାରୁ ଆସୁଥିବା ଯାତ୍ରୀମାନଙ୍କ ଉପରେ କଡା ନଜର ରଖାଯିବା ସହିତ ସେମାନଙ୍କ ଟେଷ୍ଟିଂ ପାଇଁ ମଧ୍ୟ ପଦକ୍ଷେପ ନିଆଯାଉଛି ବୋଲି ବୈଠକରେ ସୂଚନା ଦିଆଯାଇଥିଲା । ମୁଖ୍ୟମନ୍ତ୍ରୀଙ୍କ ସଚିବ (୫-ଟି) ଶ୍ରୀ ଭି.କେ. ପାଣ୍ଡିଆନ ବୈଠକ ପରିଚାଳନା କରିଥିଲେ । ଅନ୍ୟମାନଙ୍କ ମଧ୍ୟରେ ଉନ୍ନୟନ କମିଶନର ଶ୍ରୀ ପି.କେ ଜେନା, କୃଷି ଉତ୍ପାଦନ କମିଶନର ଶ୍ରୀ ଆର୍‌. କେ. ଶର୍ମା, କୃଷି ବିଭାଗ ପ୍ରମୁଖ ସଚିବ ଶ୍ରୀ ସୌରଭ ଗର୍ଗ, ଜଳସଂପଦ ବିଭାଗର ପ୍ରମୁଖ ସଚିବ ଶ୍ରୀମତୀ ଅନୁ ଗର୍ଗ ଏବଂ ଅନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।

କାବୁ ହେଲା ‘ସୁନ୍ଦରୀ’, ଫେରିଯିବ ମଧ୍ୟପ୍ରଦେଶ

ଅନୁଗୁଳ: ବନ୍ଦୀ ଜୀବନରୁ ମିଳିବ ମୁକ୍ତି । ଆଜି ସାତକୋଶିଆରୁ ବାଘୁଣୀ ‘ସୁନ୍ଦରୀ’ ଫେରିଯିବ ମଧ୍ୟପ୍ରଦେଶ । ‘ସୁନ୍ଦରୀ’କୁ ନେବା ପାଇଁ ମଧ୍ୟପ୍ରଦେଶରୁ ୬ ଜଣିଆ ଟିମ୍ ଆସିଥିଲେ । ବାଘୁଣୀକୁ କାବୁ କରିବା ଲାଗି ଯନ୍ତା ବସା ଯାଇଥିଲା । ବାରମ୍ବାର ଉଦ୍ୟମ ସତ୍ତ୍ୱେ ‘ସୁନ୍ଦରୀ’ ଯନ୍ତାରେ ପଶି ନଥିଲା । ‘ସୁନ୍ଦରୀ’କୁ ଟ୍ରାଙ୍କୁଲାଇଜ୍ କରାଯାଇ ଯନ୍ତାରେ ଭର୍ତ୍ତି କରାଯାଇଥିବା ଆରସିସିଏଫ୍ ପ୍ରଦୀପରାଜ କରାଟ ସୂଚନା ଦେଇଛନ୍ତି ।

 Tigress Sundari Tranquilized In Satkosia

‘ସୁନ୍ଦରୀ’କୁ ସ୍ୱତନ୍ତ୍ର ଗାଡ଼ିରେ ମଧ୍ୟପ୍ରଦେଶର କାହ୍ନା ଅଭୟାରଣ୍ୟକୁ ସ୍ୱତନ୍ତ୍ର ଗାଡ଼ିରେ ନିଆଯାଉଛି । ସେଠାରେ ଗରିଲା ଏନକ୍ଲୋଜରରେ ‘ସୁନ୍ଦରୀ’କୁ ଛଡ଼ାଯିବାର ଯୋଜନା ରହିଛି ।