ନନ୍ଦିଘୋଷ ବ୍ୟୁରୋ : ଢେଙ୍କାନାଳ କାମାକ୍ଷାନଗରରେ କିଡନୀ ରୋଗ ଆତଙ୍କ। ସାରୁଆଳି ପଞ୍ଚାୟତର ୪ଟି ଗାଁର ଶତାଧିକ ଲୋକ କିଡନୀ ରୋଗରେ ଆକ୍ରାନ୍ତ ହୋଇଛନ୍ତି। ଦୂଷିତ ପାଣି ପିଇ ରୋଗରେ ଆକ୍ରାନ୍ତ ହେଉଥିବା ଅଭିଯୋଗ ହୋଇଛି। ଲୋକେ ନଳକୂପ ଓ ନଦୀନାଳର ଦୂଷିତ ପାଣି ପିଉଛନ୍ତି। ଗାଁରେ ପାଇପ୍ ବିଛାଯାଇଛି, ହେଲେ ପାଣି ଆସୁନି। ଅନ୍ୟପଟେ ପାଣି ଟାଙ୍କିର ପରିବେଶ ମଧ୍ୟ ସ୍ୱଚ୍ଛ ନଥିବା ଅଭିଯୋଗ ହୋଇଛି।ଏହି ଜଳର ଗୁଣବତ୍ତା ଯାଞ୍ଚ କରିବା ସହ ରୋଗର କାରଣ ଚିହ୍ନଟ କରିବାକୁ ଦାବି କରିଛନ୍ତି ଗ୍ରାମବାସୀ। ପୂର୍ବରୁ ଏହି ରୋଗରେ ଅନେକ ଲୋକଙ୍କ ଜୀବନ ଯାଇଥିବା ବେଳେ ଏବେ ମଧ୍ୟ ଶତାଧିକ ଲୋକ ଆକ୍ରାନ୍ତ ହୋଇଛନ୍ତି। ତୁରନ୍ତ ସ୍ୱାସ୍ଥ୍ୟ ବିଭାଗର ସ୍ୱତନ୍ତ୍ର ଟିମ୍ ଗାଁରେ ପହଞ୍ଚି ରୋଗର କାରଣ ଚିହ୍ନଟ କରିବା ସହ ରୋଗୀଙ୍କୁ ମାଗଣା ଚିକିତ୍ସା ଓ ସ୍ୱଚ୍ଛ ପାନୀୟ ଜଳର ବ୍ୟବସ୍ଥା କରିବାକୁ ଦାବି ହୋଇଛି ।

