spot_img
Home Blog Page 6002

କରୋନା ସଂକ୍ରମଣ ରୋକିବାକୁ କେନ୍ଦ୍ରର ଏପ୍ରିଲ୍ ଗାଇଡଲାଇନ୍, ଟେଷ୍ଟିଂ ଉପରେ ଗୁରୁତ୍ୱ

ଭୁବନେଶ୍ୱର: କରୋନା କଟକଣାକୁ କଡ଼ାକଡ଼ି ପାଳନ କରିବା ପାଇଁ କେନ୍ଦ୍ର ଗୃହ ମନ୍ତ୍ରାଳୟ ପକ୍ଷରୁ ନିର୍ଦ୍ଦେଶ ଦିଆଯାଇଛି । ଟେଷ୍ଟ, ଟ୍ରାକ୍‌ ଓ ଟ୍ରିଟ୍‌ ପ୍ରୋଟୋକଲକୁ କଡାକଡି ଭାବେ ପାଳନ କରିବା ପାଇଁ ସବୁ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳକୁ ଚିଠି ଲେଖାଯାଇଛି । ଏଥିସହ ଆରଟି ପିସିଆର ଟେଷ୍ଟ ବଢେଇବା ପାଇଁ ମଧ୍ୟ କୁହାଯାଇଛି ।

ସୂଚନା ଅନୁସାରେ କ୍ୱାରେଣ୍ଟାଇନ ଓ ଆଇସୋଲେସନ ନିୟମକୁ ଠିକ୍‌ ଭାବେ ପାଳନ କରିବା ଉପରେ ଗୁରୁତ୍ୱ ଦିଆଯାଇଛି । ଆବଶ୍ୟକ ପଡିଲେ ମାଇକ୍ରୋ ଲେବଲ କଣ୍ଟେନମେଣ୍ଟ ଜୋନ ଘୋଷଣା କରିବାକୁ ମଧ୍ୟ ପରାମର୍ଶ ଦିଆଯାଇଛି । ଏପ୍ରିଲ ପହିଲାରୁ ୩୦ ତାରିଖ ପର୍ଯ୍ୟନ୍ତ ଏହି କଟକଣା ଲାଗୁ ହେବ । ସଂକ୍ରମିତ ଚିହ୍ନଟ ହେଲେ ତୁରନ୍ତ ଚିକିତ୍ସା କରିବାକୁ କୁହାଯାଇଛି ।

ତେବେ କଣ୍ଟାକ୍ଟ ଟ୍ରେସିଂ ଜରିଆରେ ସଂସ୍ପର୍ଶରେ ଆସିଥିବା ଲୋକଙ୍କୁ ଚିହ୍ନଟ କରାଯିବାକୁ ନିର୍ଦ୍ଦେଶ ଦିଆଯାଇଛି। ଏଥିସହିତ ଅନ୍ତଃରାଜ୍ୟ ଚଳାଚଳ ଉପରେ କୌଣସି କଟକଣା ନାହିଁ ବୋଲି ଜଣାପଡିଛି। ସେହିପରି ନୂଆ ପଜିଟିଭ୍ କେସ୍‌କୁ ତୁରନ୍ତ ଟ୍ରାକ୍ କରି ଆଇସୋଲେଟ୍‌ ପାଇଁ ନିର୍ଦ୍ଦେଶ ଦିଆଯାଇଛି ।

ମାସ୍କ ଓ ସାମାଜିକ ଦୂରତାରେ ସମସ୍ତ କାମ କରିବାକୁ କୁହାଯାଇଛି । ଅଧିକ ଭିଡ଼ ହେଉଥିବା ସ୍ଥାନ ଉପରେ ନଜର ରଖିବାକୁ ନିର୍ଦ୍ଦେଶ ଦିଆଯାଇଛି । ରାଜ୍ୟ ମଧ୍ୟରେ ଚଳାଚଳ ନେଇ ମଧ୍ୟ କୌଣସି କଟକଣା କରାଯାଇନାହିଁ । ଗୃହ ସଚିବ ଅଜୟ ଭଲ୍ଲା ମଧ୍ୟ ରାଜ୍ୟର ସଚିବମାନଙ୍କୁ ଚିଠି ଲେଖିଛନ୍ତି । କରୋନା କଟକଣାକୁ କଡାକଡି କରିବା ପାଇଁ କହିଛନ୍ତି । ପ୍ରତ୍ୟେକ ଦିନର ସ୍ଥିତି ସମ୍ପର୍କରେ କେନ୍ଦ୍ରକୁ ଅବଗତ କରିବା ପାଇଁ କୁହାଯାଇଛି । ଏପଟେ ଏପ୍ରିଲ ୩୦ ପର୍ଯ୍ୟନ୍ତ ଅନ୍ତରାଷ୍ଟ୍ରୀୟ ବିମାନ ଉଡାଣ ଉପରେ କଟକଣା ଲାଗିଛି । କେବଳ କିଛି ରୁଟ୍‌ରେ ବିମାନ ଉଡିବ ବୋଲି ସୂଚନା ମିଳିଛି।

ଯବାନଙ୍କ ବସ୍ ଉଡ଼ାଇଦେଲେ ମାଓବାଦୀ, ୩ ଡିଆରଜି ଯବାନ ସହିଦ

ମାଲକାନଗିରି: ସୀମାରୁ ଆସିଲା ଲାଲ୍ ହିଂସାର ଖବର । ମାଲକାନଗିରି ସୀମାନ୍ତ ଛତିଶଗଡ଼ ନାରାୟଣପୁର ଜିଲ୍ଲାରେ ମାଓବାଦୀ ହିଂସାକାଣ୍ଡ ଘଟାଇଛନ୍ତି । କମ୍ବିଂ ସାରି ଫେରୁଥିବା ବେଳେ ଯବାନଙ୍କ ବସ୍ ଉଡ଼ାଇ ଦେଇଛନ୍ତି ମାଓବାଦୀ । ଏଥିରେ ଡିଷ୍ଟ୍ରିକ୍ଟ ରିଜର୍ଭ ଗାର୍ଡ଼ (DRG)ର ତିନିଜଣ ଯବାନ ସହିଦ ହୋଇଥିବା ସୂଚନା ମିଳିଛି ।

3 DRG jawans killed and several injured in a Naxal IED blast in Chhattisgarh

ବିସ୍ଫୋରଣରେ ୨୦ରୁ ଅଧିକ ଯବାନ ଆହତ ହୋଇଥିବା ବେଳେ ୧୦ ଜଣଙ୍କ ଅବସ୍ଥା ଗୁରୁତର ରହିଛି । ଗୁରୁତର ଯବାନଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି । କମ୍ବିଂ ଅପରେସନ୍ ସାରି ୨୪ ଜଣ ଯବାନ ବସରେ ଫେରୁଥିବା ବେଳେ ଧୋଡ଼ାଇ ପଲ୍ଲେନାର ରାସ୍ତାରେ ନକ୍ସଲ୍ ଆଇଇଡି ବିସ୍ଫୋରଣ କରିଛନ୍ତି ।

ଦେଶରେ ପୁଣି ହେବକି ଲକଡାଉନ? ସ୍ପଷ୍ଟୀକରଣ ଦେଲେ ଡାଭଡେକର

ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ବଢୁଥିବା ବେଳେ ଆତଙ୍କିତ ହୋଇପଡିଛନ୍ତି ସବୁ ରାଜ୍ୟ । କିଛି ରାଜ୍ୟରେ କଟକଣା କଡାକଡି କରାଯାଉଥିବା ବେଳେ ଲୋକଙ୍କ ମନରେ ପୁଣି ଲକଡାଉନକୁ ପ୍ରଶ୍ନ ଉଙ୍କି ମାରୁଛି । ଏନେଇ ସ୍ପଷ୍ଟୀକରଣ ରଖିଛନ୍ତି କେନ୍ଦ୍ର ମନ୍ତ୍ରୀ ପ୍ରକାଶ ଜାଭଡେକର । ଯେଉଁ ରାଜ୍ୟରେ କରୋନା ସଂକ୍ରମଣ ମାମଲା ଲଗାତାର ଦେଖାଯାଉଛି ସେହି ରାଜ୍ୟ ମାନଙ୍କ ସହ କେନ୍ଦ୍ର ସରକାର କ୍ରମାଗତ ଭାବେ ଆଲୋଚନା କରୁଛନ୍ତି ।

ସେ ଆହୁରି ମଧ୍ୟ କହିଛନ୍ତି ଯେ କରୋନା ମ୍ୟାନେଜମେଣ୍ଟର ଉପାୟ ଗତ ବର୍ଷ ଜନସାଧାରଣ ଦେଖିଛନ୍ତି । ଯଦି ଚଳିତ ବର୍ଷ କରୋନାର ମ୍ୟାନେଜମେଣ୍ଟ ଠିକ୍ ଭାବେ ହେଲେ ସଂକ୍ରମଣ ବ୍ୟାପିବ ନାହିଁ । ହେଲେ ସରକାରଙ୍କ ତରଫରୁ ଲକଡାଉନ୍ ଲାଗୁ ହେବ କି ନାହିଁ ସେନେଇ କୗେଣସି ନିଷ୍ପତ୍ତି ହୋଇନାହିଁ ।

୪୫ ବର୍ଷରୁ ଅଧିକ ବୟସ୍କ ବ୍ୟକ୍ତି ନେବେ କରୋନା ଟିକା । ଏପ୍ରିଲ ୧ରୁ ସେମାନଙ୍କ ଟିକାକରଣ ଆରମ୍ଭ ହେବ । ଏଥିପାଇଁ ସମସ୍ତଙ୍କୁ ରେଜିଷ୍ଟ୍ରେସନ କରିବାକୁ ପଡିବ । ଅତି ସହଜରେ ସରକାରୀ-ପ୍ରାଇଭେଟ୍ ସେଣ୍ଟର୍ସରୁ ଟିକା ମିଳିପାରିବ । ପୂର୍ବରୁ ଅନ୍ୟ କୌଣସି ରୋଗରେ ପୀଡିତ ବ୍ୟକ୍ତି ଏବଂ ବୟସ୍କ ଲୋକଙ୍କ ଟିକାକରଣ ପାଇଁ ସରକାର ଅଭିଯାନ ଆରମ୍ଭ କରିଥିଲେ । ଏହି ଟିକାକରଣ ପର୍ଯ୍ୟାୟକୁ ସରକାର ବୃଦ୍ଧି କରିଥିବା ବେଳେ ୪୫ ବର୍ଷରୁ ଉର୍ଦ୍ଧ ବୟସ୍କ ବ୍ୟକ୍ତି ଟିକା ନେଇପାରିବେ ବୋଲି କହିଛନ୍ତି । କେନ୍ଦ୍ର କ୍ୟାବିନେଟ ମିଟିଂରେ ଏହି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି ।

Health worker

ତେବେ ଏଯାବତ୍ ୪.୮୫ କୋଟି ଲୋକଙ୍କୁ ଭ୍ୟାକସିନ୍ ଦିଆଯାଇଥିବା ବେଳେ ପାଖାପାଖି ୮୦ ଲକ୍ଷ ଲୋକଙ୍କୁ କରୋନାର ଦ୍ୱିତୀୟ ଡୋଜ୍ ଦିଆଯାଇଛି ।

 

ରାଜ୍ୟ ବାହାରୁ ଆସିଲେ ୭ ଦିନ ହୋମ୍ କ୍ୱାରେଣ୍ଟାଇନ୍, ଜିଲ୍ଲାପାଳ ଜାରି କଲେ ନିର୍ଦ୍ଦେଶନାମା

ମାଲକାନଗିର: କରୋନା ସଂକ୍ରମଣ ରୋକିବାକୁ କଠୋର ହେଉଛି ମାଲକାନଗିର ଜିଲ୍ଲା ପ୍ରଶାସନ । ଆଜିଠୁ ରାତ୍ରୀକାଳୀନ କର୍ଫ୍ୟୁ ଲାଗୁ ନେଇ ଘୋଷଣା ହୋଇଥିବା ବେଳେ ଆଉ ଏକ ଆଡଭାଇଜରୀ ଜାରି କରାଯାଇଛି ।ଏଣିକି ରାଜ୍ୟ ବାହାରକୁ କେହି ଆସିଲେ ନୋଡାଲ ଅଫିସରଙ୍କୁ ଜଣାଇବା ସହ ୭ ଦିନ ହୋମ୍ ଆଇସେଲୋସନ ବାଧ୍ୟତାମୂଳକ କରାଯାଇଛି । ଏଥିସହ କେହି ରାଜ୍ୟ ବାହାରକୁ ଗଲେ ନୋଡାଲ୍ ଅଫିସରଙ୍କୁ ଜଣାଇ ଯିବାକୁ କୁହାଯାଇଛି ।

ବିବାହ, ବ୍ରତ, ଅନ୍ତ୍ୟେଷ୍ଟି କ୍ରିୟାରେ ଏକ ସମୟରେ ସର୍ବାଧିକ ୨୦୦ ଲୋକଙ୍କୁ ଅନୁମତି ଦେଇଛି ଜିଲ୍ଲା ପ୍ରଶାସନ । ମାସ୍କ, ସମାଜିକ ଦୂରତା ପରି କଟକଣାକୁ ପାଳନ କରିବାକୁ ନିର୍ଦ୍ଦେଶ ଦିଆଯାଇଛି । ଅନ୍ୟପଟେ ବଡ଼ ଯାତ୍ରାରେ ପ୍ରବଳ ଜନସମାଗମକୁ ଦୃଷ୍ଟିରେ ରଖି ଆଜି ରାତି ୯ଟାରୁ ରାତ୍ରୀକାଳୀନ କର୍ଫ୍ୟୁ ଜିଲ୍ଲାରେ ଲାଗୁ ହେଉଛି । ଏହା ମାର୍ଚ୍ଚ ୩୧ ଯାଏ ବଳବତ୍ତର ରହିବ ।

Malkangiri Mandatory 7 Days Home Isolation For State Out Comers

ଏହାଛଡ଼ା ଜିଲ୍ଲା ଚିକିତ୍ସାଳୟ ସହ କାଲିମେଳା ଏବଂ ମାଥିଲି ଅଞ୍ଚଳରେ କୋଭିଡ୍ ଟେଷ୍ଟ ବଢ଼ାଇବା ଲାଗି ପ୍ରଶାସନ ନିର୍ଦ୍ଦେଶ ଦେଇଛି । ମାଲକାନଗିରି ଜିଲ୍ଲାରେ ଏବେ ସକ୍ରିୟ କୋଭିଡ୍ ସଂକ୍ରମିତଙ୍କ ସଂଖ୍ୟା ଶୂନ୍ ରହିଥିବା ବେଳେ ପ୍ରଶାସନର କଡ଼ା କାର୍ଯ୍ୟାନୁଷ୍ଠାନକୁ ନେଇ ସାଧାରଣରେ ମିଶ୍ର ପ୍ରତିକ୍ରିୟା ପ୍ରକାଶ ପାଇଛି ।

ରାଜ୍ୟ କ୍ୟାବିନେଟରେ ୧୦ ପ୍ରସ୍ତାବକୁ ଅନୁମୋଦନ

ଭୁବନେଶ୍ୱର: ରାଜ୍ୟ କ୍ୟାବିନେଟରେ ୧୦ ପ୍ରସ୍ତାବକୁ ମଞ୍ଜୁରୀ ମିଳିଛି । ଗତକାଲି ସୋମବାର ବସିଥିଲା ରାଜ୍ୟ କ୍ୟାବିନେଟ୍ ବୈଠକ । ଆଜି ବିଧାନସଭାରେ ଏ ନେଇ ସୂଚନା ଦେଇଛନ୍ତି ସଂସ୍କୃତି ମନ୍ତ୍ରୀ । ଗ୍ରୀଡକୋ ଋଣ ଟଙ୍କାର ବ୍ୟାଙ୍କ ଗ୍ୟାରେଣ୍ଟି ସମୟ ୭ ବର୍ଷକୁ ବୃଦ୍ଧି କରାଯାଇଛି । ରାଜ୍ୟସ୍ତରୀୟ କ୍ରୀଡ଼ା ଭିତ୍ତିଭୂମି ବିକାଶ ପ୍ରକଳ୍ପକୁ ମିଳିଛି କ୍ୟାବିନେଟର ଅନୁମୋଦନ । ସେହିଭଳି କଳିଙ୍ଗ ଷ୍ଟାଡିୟମ ଓ ରାଉରକେଲା ହକି ଷ୍ଟାଡିୟମର ବିକାଶ ପାଇଁ ନିଷ୍ପତ୍ତି ହୋଇଛି । ୧୦୦ ଠିକା ଭାଷା ଶିକ୍ଷକ ପଦବୀ ନିୟମିତ କରିବାକୁ ମିଳିଛି ମଞ୍ଜୁରୀ । ବେସରକାରୀ ଡିଲରଙ୍କ ସମୟସୀମା ୫ ବର୍ଷ ୬ ମାସକୁ ବୃଦ୍ଧି କରାଯାଇଛି ।

Odisha Cabinet Nods 10 Proposals

ଓଡ଼ିଶା ଭେଷଜ ନିୟନ୍ତ୍ରାଳୟ ନିୟମ ୨୦୨୦କୁ ମଞ୍ଜୁରୀ ଦେଇଛି କ୍ୟାବିନେଟ୍ । ଓଡ଼ିଶା ସ୍ୱାସ୍ଥ୍ୟ ବିଜ୍ଞାନ ବିଶ୍ୱବିଦ୍ୟାଳୟ ଆଇନ ୨୦୨୧କୁ ଅନୁମୋଦନ ମିଳିଥିବା ବେଳେ ଓଡ଼ିଶା ହାଉସିଂ ବୋର୍ଡ ଅଧିନିୟମ ୧୯୬୮ ନିୟମାବଳୀର ସଂଶୋଧନ ହୋଇଛି । ଓଏସଏଚବି ଓ ବିଡିଏ ଉପରେ ଥିବା ବକେୟା ପରିଶୋଧକୁ ମଞ୍ଜୁରୀ ମିଳିବା ସହ ବସ୍ତିବାସିନ୍ଦାଙ୍କୁ ଜମି ଅଧିକାର ପ୍ରଦାନ ସଂକ୍ରାନ୍ତୀୟ ସଂଶୋଧନକୁ ମଧ୍ୟ ଅନୁମୋଦନ ମିଳିଛି । ସେହିଭଳି ଓଡ଼ିଶା ଖଣିଜ ପଦାର୍ଥ ନିୟମ ୨୦୦୭ ସଂଶୋଧନକୁ ମୋହର ମାରିଛି କ୍ୟାବିନେଟ୍ ।

୪୫ ବର୍ଷରୁ ଉର୍ଦ୍ଧ୍ୱ ବ୍ୟକ୍ତିଙ୍କୁ ଏପ୍ରିଲ ୧ରୁ ଦିଆଯିବ ଟିକା

ନୂଆଦିଲ୍ଲୀ: ୪୫ ବର୍ଷରୁ ଅଧିକ ବୟସ୍କ ବ୍ୟକ୍ତି ନେବେ କରୋନା ଟିକା । ଏପ୍ରିଲ ୧ରୁ ସେମାନଙ୍କ ଟିକାକରଣ ଆରମ୍ଭ ହେବ । ଏନେଇ କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେକର ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।

ଏଥିପାଇଁ ସମସ୍ତଙ୍କୁ ରେଜିଷ୍ଟ୍ରେସନ କରିବାକୁ ପଡିବ । କେନ୍ଦ୍ର କ୍ୟାବିନେଟ ମିଟିଂରେ ଏହି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି । ପୂର୍ବରୁ ଅନ୍ୟ କୌଣସି ରୋଗରେ ପୀଡିତ ବ୍ୟକ୍ତି ଏବଂ ବୟସ୍କ ଲୋକଙ୍କ ଟିକାକରଣ ପାଇଁ ସରକାର ଅଭିଯାନ ଆରମ୍ଭ କରିଥିଲେ । ଏହି ଟିକାକରଣ ପର୍ଯ୍ୟାୟକୁ ସରକାର ବୃଦ୍ଧି କରିଥିବା ବେଳେ ୪୫ ବର୍ଷରୁ ଉର୍ଦ୍ଧ ବୟସ୍କ ବ୍ୟକ୍ତି ଟିକା ନେଇପାରିବେ ବୋଲି କହିଛନ୍ତି ।

ସୂଚନାଯୋଗ୍ୟ, ଦେଶରେ ପୁଣି ବେକାବୁ ହେଉଛି କରୋନା। ଦିନକୁ ଦିନ କରୋନା ଗ୍ରାଫ୍ ପୁଣି ଥରେ ଉପରମୁହାଁ ହେଉଥିବାବେଳେ ବିଭିନ୍ନ ରାଜ୍ୟରେ ଗତବର୍ଷର ରେକର୍ଡ଼ ଭାଙ୍ଗୁଛି ସଂକ୍ରମଣ। ଗତ ୨୪ ଘଣ୍ଟାରେ ଦେଶରେ ଆଉ ୪୦ ହଜାର ୭୧୫ ସଂକ୍ରମିତ ଚିହ୍ନଟ ହୋଇଛନ୍ତି। ସେହିପରି ଗୋଟିଏ ଦିଗରେ ୧୯୯ ଜଣଙ୍କ ଜୀବନ ଯାଇଛି।

ଅପରପକ୍ଷେ ସଂକ୍ରମଣ ହାର ବଢୁଥିବା ବେଳେ ସ୍ୱାସ୍ଥ୍ୟ ମନ୍ତ୍ରଣାଳୟର ଚିନ୍ତା ବଢ଼ିଛି । ଦିନକୁ ଦିନ ସଂକ୍ରମିତଙ୍କ ସଂଖ୍ୟା ବଢୁଥିବାରୁ ବିଭିନ୍ନ ରାଜ୍ୟରେ କଡ଼ା କଟକଣା ଜାରି କରାଯାଇଛି। ମହାରାଷ୍ଟ୍ର, ପଞ୍ଜାବ, ଗୁଜୁରାଟ ସମେତ କେତେକ ରାଜ୍ୟରେ ପୁଣି ଲକଡାଉନ ଓ ନାଇଟ କର୍ଫ୍ୟୁ ଭଳି କଟକଣା ଲଗାଯାଇଛି।

ଏଥିସହ ପଢନ୍ତୁ- ଟିକାକୁ ନେଇ ବଢ଼ିଲା ସନ୍ଦେହ, ୨ ଡୋଜ୍ ନେବା ପରେ ବି ସଂକ୍ରମିତ ହେଲେ ଡାକ୍ତର ଓ ନର୍ସ

ଅଲୋଡ଼ା କରିଦେଲେ ସମ୍ପର୍କୀୟ, ବାପାଙ୍କ ଶବକୁ କାନ୍ଧ ଦେଲେ ୩ ଝିଅ

ମହାକାଳପଡ଼ା: ମୃତଦେହକୁ ଶ୍ମଶାନକୁ ନେବା ପାଇଁ ୪ କାନ୍ଧ ଲୋଡ଼ା। ହେଲେ ଏଠି ୩ କାନ୍ଧରେ ହେଲା ଶେଷ ଯାତ୍ରା। ଆଖିରୁ ଝରୁଥିଲା ଲୁହ ଆଉ ମୁହଁରୁ ଶୁଭୁଥିଲା ରାମନାମ ସତ୍ୟ ହେ। ନାରୀଙ୍କୁ ଶ୍ମଶାନକୁ ଯିବା ପାଇଁ ବାରଣ। ହେଲେ ଏଠି ଘନ ଅନ୍ଧାରରେ ୩ ଝିଅଙ୍କ କାନ୍ଧରେ ହେଲା ଶେଷ ଶୋଭାଯାତ୍ରା। ରାତି ଦେଖିଲା ଯେଉଁଠି ସମ୍ପର୍କୀୟ ଅଲୋଡ଼ା ହୁଅନ୍ତି ସେଠି ପରମ୍ପରାକୁ ଜଳାଞ୍ଜଳି ଦେବାକୁ ପଡ଼େ। ଏମିତି ଏକ ହୃଦୟ ବିଦାରକ ଘଟଣା ଘଟିଛି କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ାର ତେରଗାଁ ରେ।

ସୂଚନା ଅନୁଯାୟୀ ମୃତକ ଜଣକ ହେଉଛନ୍ତି ଶ୍ରୀଧର ବେହେରା। ପ୍ରଥମେ ଜଣ୍ଡିସ ଏବଂ ପରେ କିଡନି କର୍କଟରେ ଆକ୍ରାନ୍ତ ହୋଇଥିଲେ। ଏହା ପରେ ତାଙ୍କର ହଠାତ ମୃତ୍ୟୁ ହୋଇଥିଲା। ପାରିବାରିକ କଳହ ଯୋଗୁଁ ଶ୍ରୀଧରଙ୍କ ଘର ବାହାରେ ୧୨ ଘଣ୍ଟା ପଡ଼ିରହିଲା ଶବ। ନା କେହି ଶବ ଉଠାଇବା ପାଇଁ ଆସିଲେ ନା କେହି ଆହା ପଦେ କହିଲେ। ହେଲେ କେହି ଆସିଲେନି ବୋଲି କ’ଣ ବାପାଙ୍କ ଶବ ବାସୀ ହୋଇ ରହିଯିବ। ସବୁ କଷ୍ଟକୁ ସାମର୍ଥ୍ୟ କରି ବାପାଙ୍କ ଶବକୁ ମଶାଣିକୁ କାନ୍ଧେଇ ନେଲେ ୩ ଝିଅ। ବିଳମ୍ବିତ ରାତିରେ ହେଲା ଶେଷକୃତ୍ୟ।

ଆଉ ଏବେ ଆଖିରେ ଲୁହ ଅଟକୁନି। ବାପା ଚାଲିଯାଇଛନ୍ତି ହେଲେ ପ୍ରେସ୍କ୍ୟୁସନରୁ ବାପାକୁ ଖୋଜିବାକୁ ଚେଷ୍ଟା କରୁଛି ଝିଅ। ଅଭାବି ଦୁନିଆରେ ସାହାରା ପାଲଟିଥିବା ବାଦଲ ଆଜି ଏଡ଼େଇ ଯାଇଛି। ଯେଉଁଠି ଆଗତ ଭବିଷ୍ୟତ ପାଇଁ ଚିନ୍ତା ଲାଗୁନଥିଲା ସେଠି ଆଜି ସବୁ ଅସମ୍ଭବ ବୋଲି ଲାଗୁଛି। ଜଳ ଜଳ ଦିଶୁଥିବା ରାସ୍ତା ଆଜି ଘନ ଅନ୍ଧାର। ବାପାଙ୍କ ଚିକିତ୍ସାରେ ସବୁ ଅର୍ଥ ଖର୍ଚ୍ଚ ହୋଇଗଲା। ଏବେ ବାପାଙ୍କର ଶୁଦ୍ଧିକ୍ରିୟା କିପରି କରାଯିବ ସେନେଇ ଚିନ୍ତାରେ ସାରା ପରିବାର। ପରିବାର କହିଲେ ଏବେ ମାଆ, ବଡ଼ଝିଅ ପୂଜା,ମଝିଆ ଝିଅ ରୋଜା, ସାନଝିଅ ଲକ୍ଷ୍ମୀ। ଶୁଦ୍ଧିକ୍ରିୟା ପାଇଁ ସରକାରଙ୍କ ସହାୟତା ଆବଶ୍ୟକ ବୋଲି କହିଛି ସାନ ଝିଅ। ସେପଟେ ଏନେଇ ସାହାଯ୍ୟ କରାଯିବ ବୋଲି ପ୍ରତିଶୃତି ଦେଇଛନ୍ତି ସରକାରୀ ଅଧିକାରୀ।

ଅସମୟରେ ଶ୍ରୀଧରଙ୍କ ବିୟୋଗ ସମସ୍ତଙ୍କୁ ଅନ୍ଧାରକୁ ଠେଲି ଦେଇଛି। ବର୍ତ୍ତମାନ ପରିବାର କେମିତି ଚଳିବ। ବଡ଼ଝିଅ +୩ରେ ପଢ଼ୁଥିବା ବେଳେ, ମଝିଆ ଝିଅ +୨ ଓ ସାନଝିଅ ଚଳିତବର୍ଷ ମ୍ୟାଟ୍ରିକ ପରୀକ୍ଷା ଦେବେ। ପାଠ ପଢ଼ାରେ ଡ଼ୋରି ଲାଗିବା ପୂର୍ବରୁ ସରକାରଙ୍କ ସହାୟତା ଲୋଡ଼ିଛନ୍ତି ସାନ ଝିଅ। ଅପରପକ୍ଷରେ ସରପଞ୍ଚ ହରିଶ୍ଚନ୍ଦ୍ର ଯୋଜନାରେ ଆର୍ଥିକ ସହାୟତା ଯୋଗାଇ ଦେଇଥିବା ବେଳେ ଶୁଦ୍ଧିକ୍ରିୟା ଓ ପିଲାମାନଙ୍କର ଉଚ୍ଚଶିକ୍ଷା ପାଇଁ ସହାୟତା ଯୋଗାଇ ଦେବାକୁ ପ୍ରଶାସନ ନିକଟରେ ଅନୁରୋଧ କରିଛନ୍ତି।

ଗୋଟିଏ ପଟେ ଅସହାୟ ପରିବାର ଓ ଅନ୍ୟପଟେ ଆର୍ଥିକ ସାହାଯ୍ୟର ଆବଶ୍ୟକତା ଥିବା ବେଳେ ପ୍ରଶାସନ ଏମାନଙ୍କୁ କିପରି ସହଯୋଗ କରୁଛି ତାହାକୁ ସମସ୍ତଙ୍କ ଅପେକ୍ଷା।

 

 

ରିଲିଜ୍ ହେଲା କଙ୍ଗନାଙ୍କ ବହୁ ପ୍ରତିକ୍ଷୀତ ଫିଲ୍ମ ‘ଥଲାଇଭି’ର ଟ୍ରେଲର୍

ଆଜି ବଲିଉଡ କ୍ୱିନ୍ କଙ୍ଗନା ରଣାୱତଙ୍କ ଜନ୍ମଦିନ। ଏଥର କଙ୍ଗନାଙ୍କ ଜନ୍ମଦିନ ତାଙ୍କ ପାଇଁ ଓ ତାଙ୍କ ଫ୍ୟାନ ମାନଙ୍କ ପାଇଁ ବେଶ୍ ଖାସ୍ ରହିଛି । ଠିକ୍ ଜନ୍ମଦିନର ଗୋଟିଏ ଦିନ ପୂର୍ବରୁ ପ୍ରଥମେ ତାଙ୍କୁ ଫିଲ୍ମ ମଣିକର୍ଣ୍ଣିକା ଓ ପଙ୍ଗା ପାଇଁ ମିଳିଲା ଜାତୀୟ ପୁରଷ୍କାର। ଆଉ ଏହାପରେ ଜୟଲଲିତାର ଟ୍ରେଲର ଆଉ  ତା ସହ ଅପକମିଂ ଫିଲ୍ମ ତେଜସର ଫାଷ୍ଟ ଲୁକ୍ ରିଲିଜ୍।

ଆଜି ବହୁ ପ୍ରତିକ୍ଷିତ ଫିଲ୍ମ ଥଲାଇଭିର ଟ୍ରେଲର ରିଲିଜ ହୋଇଯାଇଛି। ଯେଉଁଥରେ ତମିଲନାଡ଼ୁର ଦିବଗନ୍ତ ମୁଖ୍ୟମନ୍ତ୍ରୀ ଜୟଲଲିତାଙ୍କ ଭୂମିକାରେ କଙ୍ଗନା ବେଶ୍ ଜବରଦସ୍ତ ଲାଗୁଛନ୍ତି । ଟ୍ରେଲରଟି ଏବେ ସୋଶାଲ ମିଡିଆରେ ଟ୍ରେଣ୍ଟ କରୁଛି । ଟ୍ରେଲରରେ କଙ୍ଗନାଙ୍କର ଏକ ଜବରଦସ୍ତ ଅନ୍ଦାଜ ସାମାନାକୁ ଆସିଛି। ଯାହାକୁ ଦେଖି ଦର୍ଶକଙ୍କ ମଧ୍ୟରେ ଫିଲ୍ମକୁ ନେଇ ଉର୍ସାହ ଆହୁରି ବଢ଼ିଯାଇଛି।

କଙ୍ଗନାଙ୍କ ଜନ୍ମଦିନରେ ଫିଲ୍ମର ଟ୍ରେଲର୍ ରିଲିଜ୍ ତାଙ୍କ ଫ୍ୟାନମାନଙ୍କ ପାଇଁ ନିଶ୍ଚିତ ଏକ ବଡ଼ ଉପହାର। ଟ୍ରେଲର ଆରମ୍ଭ ଜୟଲଲିତାଙ୍କ ଫିଲ୍ମି କ୍ୟାରିୟରରୁ ହୋଇଛି । ଏହାପରେ ଆରମ୍ଭ ହୋଇଛି ତାଙ୍କ ରାଜନୈତିକ ଯାତ୍ରା । ଏଥିରେ ସେ କିଭଳି ଏକ ପୁରୁଷ ପ୍ରାଧାନ୍ୟ ସମାଜରେ ନିଜର ପରିଚୟ ବନାଇଥିଲେ ଆଉ ସମସ୍ତ ରାଜ୍ୟବାସୀଙ୍କ ପାଇଁ ଆମ୍ମା ହୋଇଯାଇଥିଲେ ତାହା ଦେଖିବାକୁ ମିଳିଛି । ଟ୍ରେଲର ଜୟାଲୀତାଙ୍କ ସହ ଗୃହରେ ଦୁର୍ବ୍ୟବହାର କରାଯାଇଥିବା ଘଟଣାବା ଦେଖିବାକୁ ମିଳିଛି । ଏହି ଘଟଣା ତାଙ୍କ ଆତ୍ମସମ୍ମାନ ଉପରେ ଏତେ ପ୍ରଭାବ ପକାଇଥିଲା ଯେ ଏହା ପରେ ସେ ଆଉ କେବେ ପଛକୁ ବୁଲି ଚାହିଁନଥିଲେ । ଏହା ପରେ ହିଁ ଆରମ୍ଭ ହୋଇଥିଲା ଜୟଲଲୀତାଙ୍କ ଅସଲ ରାଜନୈତୀକ ଜୀବନ।

ଫିଲ୍ମରେ କଙ୍ଗନା ଜୟାଲଳିତାଙ୍କର ଦମଦାର ବ୍ୟକ୍ତିତ୍ୱକୁ ଲୋକଙ୍କ ସାମ୍ନାକୁ ଆଣିଛନ୍ତି। ଏଥିରେ କଙ୍ଗନାଙ୍କ ଚାଲି ଚଳନ କଥାବାର୍ତ୍ତାଠୁ ଆରମ୍ଭ କରି ତାଙ୍କ  ଲୁକ୍ ବି ଅବିକଳ ଜୟାଲଲୀତାଙ୍କ ଭଳି ରହିଛି । ବିଶେଷକରି ଫିଲ୍ମର ଚମତ୍କାର ଡାଇଲଗ୍ ଗୁଡ଼ିକ ଦର୍ଶକଙ୍କୁ ବେଶ୍ ପସନ୍ଦ ଆସୁଛି ।  ଏହି ଫିଲ୍ମ ପାଇଁ କଙ୍ଗନା ବହୁତ ପରିଶ୍ରମ କରିଛନ୍ତି । ଏପରିକି ଜୟଲଲୀତାଙ୍କ ଭୂମିକାରେ ନିଜକୁ ଫିଟ୍ କରିବା ପାଇଁ ସେ ନିଜ ଶରୀରରେ ବି ବଡ଼ ପରିବର୍ତ୍ତନ କରିଥିଲେ । ସେ ଥରେ ୨୦ କିଲୋ ଓଜନ ବଢାଇ ପୁଣି ତାକୁ କିଛି ଦିନ ଭିତରେ କମ୍ କରିଛନ୍ତି। ଯାହାକି ଅସଲ ଜୀବନରେ ଏକ ବଡ଼ ଚ୍ୟାଲେଞ୍ଜ । ଏହି ଫିଲ୍ମଟିକୁ ଏଏଲ୍ ବିଜୟ ନିର୍ଦ୍ଦେଶନା ଦେଇଛନ୍ତି । ଯାହାକି ଏପ୍ରିଲ ୨୩ରେ ରିଲିଜ ହେବ । ଜୟାଲଲିତାଙ୍କ ଏହି ବାୟୋପିକରେ ଦର୍ଶକ ତାଙ୍କର ସଂଘର୍ଷଂୟ ଫିଲ୍ମି କ୍ୟାରିୟରଠୁ ଆରମ୍ଭ କରି ଦେଶର ଜଣେ ପ୍ରଭାବଶାଳୀ ନେତା ହେବା ପର୍ଯ୍ୟନ୍ତର ଯାତ୍ରା ଦେଖିବାକୁ ପାଇବେ। ଫିଲ୍ମରେ କଙ୍ଗନାଙ୍କୁ ଦେଖିବା ପାଇଁ ଦର୍ଶକ ବେଶ୍ ଉତ୍ସାହର ସହ ଅପେକ୍ଷା କରି ରହିଛନ୍ତି।

 

ଅନୀଲ ଦେଶମୁଖଙ୍କ କ୍ୱାରେଣ୍ଟାଇନ୍ ନେଇ ମିଥ୍ୟା ଖବର ଦିଆଯାଇଥିଲା: ଶରଦ ପାୱାର

ମୁମ୍ବାଇ: ଶହେ କୋଟି ବଟି ଆଦାୟ ମାମଲାକୁ ନେଇ ସରଗରମ ହୋଇଛି ମହାରାଷ୍ଟ୍ର ରାଜନୀତି । ଆଜି ଏକ ପ୍ରେସ୍ କନଫରେନ୍ସ କରି ମହାରାଷ୍ଟ୍ର ସରକାରଙ୍କୁ ଟାର୍ଗେଟ କରିଛନ୍ତି ବିଜେପି ନେତା ଦେବେନ୍ଦ୍ର ଫଡନାବିସ । ମହାରାଷ୍ଟ୍ରରେ ବଡ଼ ବଡ଼ ପୋଷ୍ଟରେ ଅଫିସରଙ୍କ ନିଯୁକ୍ତି ପାଇଁ ଲାଞ୍ଚ ଦିଆନିଆ ହୁଏ । ଏଥିପାଇଁ ମହାରାଷ୍ଟ୍ରରେ ଏକ ବଡ଼ ରାକେଟ ଚାଲିଛି । ଏହାର ଖୁଲାସା କରିଥିବା ଅଫିସରଙ୍କ ବିରୋଧରେ ଉଦ୍ଧବ ସରକାର କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ ବୋଲି ଫଡନାବିସ କହିଛନ୍ତି ।

ଏହି ରାକେଟର ଖୁଲାସା କରିବା ପାଇଁ କେନ୍ଦ୍ର ଗୃହମନ୍ତ୍ରୀଙ୍କୁ ଭେଟିବେ ବୋଲି ଫଡନାବିସ କହିଛନ୍ତି । ଏହାଛଡ଼ା ଏନସିପି ନେତା ଶରଦ ପାଓ୍ବାରଙ୍କୁ ଭୁଲ୍ ତଥ୍ୟ ଦିଆଯାଇ ଖବରଦାତା ସମ୍ମିଳନୀ କରିବାକୁ କୁହାଯାଇଥିଲା । ୧୫ରୁ ୨୪ ଫେବୃୟାରୀ ପର୍ଯ୍ୟନ୍ତ ମହାରାଷ୍ଟ୍ର ଗୃହମନ୍ତ୍ରୀ ଅନୀଲ ଦେଶମୁଖ କ୍ୱାରେଣ୍ଟାଇନରେ ରହି ନ ଥିବା ପ୍ରମାଣ ପୋଲିସ ପାଖରେ ରହିଛି । ୧୫ରୁ ୨୭ ଫେବୃୟାରୀ ପର୍ଯ୍ୟନ୍ତ ତାଙ୍କର ଆଇସୋଲେସନ ପିରିୟଡ ଚାଲିଥିଲା ।

Kangna With Sarad Pawar

ମୁମ୍ବାଇ ପୋଲିସର ପୂର୍ବତନ କମିଶସନ ପରମବୀର ସିଂ ମହାରାଷ୍ଟ୍ର ଗୃହମନ୍ତ୍ରୀଙ୍କ ବିରୋଧରେ ଆଣିଥିବା ଅଭିଯୋଗର ପ୍ରମାଣ ମଧ୍ୟ ରହିଛି ବୋଲି ଫଡନାବିଶ କହିନ୍ତି । ସେପଟେ ପରମବୀର ସିଂ ଓ ବିଜେପିକୁ ଟାର୍ଗେଟ କରିଛନ୍ତି ଏନସିପି ପ୍ରବକ୍ତା ନୱାବ ମଲ୍ଲିକ । ମିଛ ଅଭିଯୋଗରେ ମହାରାଷ୍ଟ୍ର ଗୃହମନ୍ତ୍ରୀ ପଦରୁ ଅନୀଲ ଦେଶମୁଖ ଇସ୍ତଫା ଦେବାର ପ୍ରଶ୍ନ ଉଠୁନି ବୋଲି ନୱାବ କହିଛନ୍ତି । ଏହାଛଡ଼ା ଇସ୍ତଫା ଦାବି କରିବା ପାଇଁ ବିଜେପିର ନୈତିକ ଅଧିକାର ନାହିଁ ।

ଅନ୍ୟପଟେ ଯେବେଠୁ ପରମବୀର ସିଂଙ୍କ ବିରେରାଧରେ କାର୍ଯ୍ୟାନୁଷ୍ଠାନ ନିଆଯାଇଛି, ସେବେଠୁ ସେ ଅଯଥା ଅଭିଯୋଗ ଆଣୁଛନ୍ତି । ସେ ଦିଲ୍ଲୀ ଯାଇ କେଉଁମାନଙ୍କ ସହ ଦେଖା କରିଛନ୍ତି, ତାହା ସମୟ ଆସିଲେ କୁହାଯିବ ବୋଲି ନୱାବ କହିଛନ୍ତି ।

କମିଲା ସୁନା ଦର, ଜାଣନ୍ତୁ ଆପଣଙ୍କ ସହରରେ କେତେ ଅଛି ଦାମ୍…

ନୂଆଦିଲ୍ଲୀ: କ୍ରମାଗତ ଭାବେ ସୁନା ଦର କମିବାରେ ଲାଗିଛି । ମଙ୍ଗଳବାର ଦିନ ପୁଣିଥରେ ଦାମ୍ ଖସିଛି । ଗୁଡ ରିଟର୍ନ ଅନୁସାରେ ଆଜି ୨୨ କ୍ୟାରେଟ ସୁନାର ପ୍ରତିଗ୍ରାମ୍ ଦାମ୍ ୧୨ ଟଙ୍କାକୁ ଖସିଛି । ଯାହା ଫଳରେ ୧୦ ଗ୍ରାମ୍ ସୁନା ଦର ୪୩ ହଜାର ୮୦୦ରେ ପହଞ୍ଚିଛି । ଯେତେବେଳେକି ସୋମବାର ଦିନ ଏହାର ଦାମ୍ ୪୩ ହଜାର ୯୨୦ ରହିଥିଲା ।

ସେହିପରି ଯଦି ୨୪ କ୍ୟାରେଟର କଥା କହିବା ତାହେଲେ ୧୦ ଗ୍ରାମ୍ ପ୍ରତି ରେଟ୍ ୧୨୦ ଟଙ୍କା କମିଛି । ଯାହା ପରେ ଏହାର ମୂଲ୍ୟ ୪୪ ହଜାର ୮୦୦ ରହିଥିବା ବେଳେ ଗତକାଲି (ମାର୍ଚ୍ଚ ୨୨) ଏହାର ଦାମ୍ ୪୪ ହଜାର ୯୨୦ ରହିଥିଲା ।

ତେବେ ପ୍ରମୁଖ ମହାନଗର ମଧ୍ୟରେ ଦିଲ୍ଲୀରେ ୨୨ କ୍ୟାରେଟ୍ ସୁନା ରେଟ୍ ୧୦ ଗ୍ରାମ୍ ପ୍ରତି ୪୪ ହଜାର ୨୦୦ ରହିଥିବା ବେଳେ ୨୪ କ୍ୟାରେଟ୍ ସୁନା ଦାମ୍ ୪୮ ହଜାର ୨୨୦ ରହିଛି । ମୁମ୍ବାଇରେ ୨୨ କ୍ୟାରେଟ୍ ସୁନା ରେଟ୍ ୧୦ ଗ୍ରାମ୍ ପ୍ରତି ୪୩ ହଜାର ୮୦୦ ରହିଥିବା ବେଳେ ୨୪ କ୍ୟାରେଟ୍ ସୁନା ଦାମ୍ ୪୪ ହଜାର ୮୦୦ ରହିଛି ।

From peak of Rs 56,000 in August, gold plunges to near Rs 43,000

ସେହିପରି ଚେନ୍ନାଇରେ ୨୨ କ୍ୟାରେଟ୍ ସୁନା ରେଟ୍ ୧୦ ଗ୍ରାମ୍ ପ୍ରତି ୪୨ ହଜାର ୧୨୦ ରହିଥିବା ବେଳେ ୨୪ କ୍ୟାରେଟ୍ ସୁନା ଦାମ୍ ୪୫ ହଜାର ୯୫୦ ରହିଛି । କୋଲକାତାରେ ୨୨ କ୍ୟାରେଟ୍ ସୁନା ରେଟ୍ ୧୦ ଗ୍ରାମ୍ ପ୍ରତି ୪୪ ହଜାର ୫୪୦ ରହିଥିବା ବେଳେ ୨୪ କ୍ୟାରେଟ୍ ସୁନା ଦାମ୍ ୪୭ ହଜାର ୨୧୦ ରହିଛି ।