ପେଟ୍ରୋଲ୍ ଓ ଡିଜେଲକୁ ଜିଏସଟି ଅଧିନରେ ଆଣିବାକୁ ପ୍ରସ୍ତୁତି!

ନୂଆଦିଲ୍ଲୀ: ଲୋକସଭାରେ ଅର୍ଥ ବିଧେୟକ-୨୦୨୧ ଉପରେ ହେଉଥିବା ଏକ ଚର୍ଚ୍ଚାର ଜବାବ ଦେଇ ଅର୍ଥ ମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ ସରକାର ଜିଏସଟି ପରିଷଦର ଆଗାମୀ ବୈଠକରେ ପେଟ୍ରାେଲ-ଡିଜେଲ ସମ୍ପର୍କରେ ଆଲୋଚନା କରିବାକୁ ପ୍ରସ୍ତୁତ।

ସେ ଆହୁରି ମଧ୍ୟ କହିଛନ୍ତି ପେଟ୍ରୋଲ-ଡିଜେଲ୍ ଉପରେ ଅଧିକ କର ନେଇ ସରକାର ଏହାକୁ ଜିଏସଟିର ଅଧିନରେ ଆଣିବା ଲାଗି ଜିଏସଟି ପରିଷଦର ଆଗାମୀ ବୖେଠକରେ ବିଚାର କରିବାକୁ ପ୍ରସ୍ତୁତ ।

ରାଜ୍ୟ ଆଣୁ ଆଲୋଚନା ପ୍ରସ୍ତାବ-

ଅର୍ଥ ମନ୍ତ୍ରୀ କହିଛନ୍ତି ଯେ ଯଦି ରାଜ୍ୟ ଚାହେଁ ତାହେଲେ ଆଗକୁ ଆସି ଆଲୋଚନା ପ୍ରସ୍ତାବ ଆଣୁ । ତାଙ୍କୁ ପରିଷଦ ବୈଠକରେ ଏହା ପ୍ରସଙ୍ଗ ଉପରେ ଆଲୋଚନା କଲେ ଖୁସି ଲାଗିବ ।

ମହାରାଷ୍ଟ୍ରରେ ସବୁଠୁ ଅଧିକ କର-

ଅର୍ଥ ମନ୍ତ୍ରୀ ଆହୁରି କହିଛନ୍ତି ପେଟ୍ରୋଲ-ଡିଜେଲକୁ ନେଇ କେଉଁ ରାଜ୍ୟରେ ଅଧିକ କିମ୍ବା କମ୍ ଟିକସ ରହିଛଇ ସେନେଇ ସେ ଆଲୋଚନା କରିବାକୁ ଚାହୁଁନାହାଁନ୍ତି । ତଥାପି ମହାରାଷ୍ଟ୍ରରେ ପେଟ୍ରୋଲ-ଡିଜେଲ୍ ଉପରେ ସବୁଠୁ ଅଧିକ ରାଜ୍ୟ କର ରହିଛି ।

ତେବେ ପେଟ୍ରୋଲ-ଡିଜେଲ୍ ଉପରେ ରାଜ୍ୟ କର କଥା ଅର୍ଥ ମନ୍ତ୍ରୀ କହୁଥିବା ବେଳେ ରୋଷେଇ ଗ୍ୟାସ ଉପରେ ତ ରାଜ୍ୟର କୌଣସି କର ନାହିଁ ବୋଲି କହିଛନ୍ତି କଂଗ୍ରେସ ନେତା ରବନୀତ ସିଂ ବିଟ୍ଟୁ।