spot_img
Home Blog Page 5881

ରାଜ୍ୟରେ ଦୈନିକ ହେବ ୫୦ ହଜାର କରୋନା ଟେଷ୍ଟ, ଟିକା ଅଭାବରୁ ୮୦୦ କେନ୍ଦ୍ରରେ ଟିକାକରଣ ବନ୍ଦ

ଭୁବନେଶ୍ୱର: ରାଜ୍ୟରେ ଦୈନିକ ସଂକ୍ରମଣ ୬ ହଜାର ପାର୍ ହୋଇଥିବା ବେଳେ ବର୍ତ୍ତମାନ ସୁଦ୍ଧା ଟ୍ରିପଲ ମ୍ୟୁଟାଣ୍ଟ ଚିହ୍ନଟ ହୋଇନାହିଁ । ଏନେଇ ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀଙ୍କ ସୂଚନା ଦେଇଛନ୍ତି । ଦେଶରେ ପଶ୍ଚିମବଙ୍ଗ, ଦିଲ୍ଲୀ, ଛତିଶଗଡ଼ରେ ତ୍ରିପଲ ମ୍ୟୁଟାଣ୍ଟ ଚିହ୍ନଟ ହୋଇଛି । ଏହି ନୂଆ ଭୂତାଣୁ ଶୀଘ୍ର ବ୍ୟାପୁଛି । ଏହି ନୂଆ ଭୁତାଣୁକୁ କୋଭିଡ ଟିକା ରୋକିବ କି ନାହିଁ ତାର ଅନୁଧ୍ୟାନ ଚାଲିଛି ।

ଦ୍ୱିତୀୟ ଡୋଜ୍ ନେବା ପରେ ସଂକ୍ରମଣ କମ୍ ହେବା ଆଶଙ୍କା । ତେଣୁ ଦ୍ୱିତୀୟ ଡୋଜ୍ କୋଭିଡ୍ ଟିକା ନେବାକୁ ପରାମର୍ଶ ଦେଇଛନ୍ତି ପରିବାର କଲ୍ୟାଣ ନିର୍ଦ୍ଦେଶକ । ମେ’ ୧ରୁ ରାଜ୍ୟ ସରକାର ଘରୋଇ ହସ୍ପିଟାଲକୁ ଟିକା ଦେବେ ନାହିଁ । ଟିକା ଉତ୍ପାଦନ ସଂସ୍ଥା ଠାରୁ ଘରୋଇ ହସ୍ପିଟାଲ ଭ୍ୟାକ୍ସିନ୍ ଡୋଜ୍ ପିଛା ୬ ଶହ ଟଙ୍କାରେ କିଣିବେ । ଦେଶରେ ୨୨ ଏପ୍ରିଲ୍ ସୁଦ୍ଧା ୧୩ କୋଟିରୁ ଅଧିକ ଟିକା ଦିଆଯାଇଥିବା ବେଳେ ଓଡ଼ିଶାରେ ୫୪ ଲକ୍ଷ ଟିକାକରଣ ହୋଇଛି । ଟିକା ନେଲେ ମୃତ୍ୟୁ ହାର କମ ରହିବ, ଅଧିକ ସଂକ୍ରମଣ ହେବ ନାହିଁ ।

ଓଡ଼ିଶାରେ ଟୀକାର ପ୍ରଥମ ଡୋଜ ନେଇ ପାଖାପାଖି ୫୦ ଜଣ ସଂକ୍ରମଣ ହୋଇଛନ୍ତି । ଦ୍ୱିତୀୟ ଡୋଜ୍ ନେଲେ ସଂକ୍ରମଣ ହେବ ନାହିଁ । ରାଜ୍ୟରେ ଶନିବାର ଓ ରବିବାର ଟିକାକରଣ କାର୍ଯ୍ୟକ୍ରମ ବନ୍ଦ ରହିବ । ସୋମବାର ଠାରୁ ଶୁକ୍ରବାର ଟିକାକରଣ ଚାଲୁ ରହିବ । ଟିକା ଅଭାବରୁ ୮୦୦ ସେଣ୍ଟର ବନ୍ଦ ଅଛି । ମେ ୧ ତାରିଖରୁ ୧୮ ବର୍ଷରୁ ଅଧିକ ବୟସ୍କ ଟିକା ନେଇପାରିବେ । ଏନେଇ ଭାରତ ସରକାର ଗାଇଡଲାଇନ୍ ଦେଲେ ସେହି ଅନୁସାରେ ଟିକାକରଣ ହେବ ବୋଲି କହିଛନ୍ତି ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ ।

ଅନ୍ୟପଟେ ରାଜ୍ୟରେ ସଂକ୍ରମଣ ମାମଲା ବଢ଼ୁଥିବାରୁ ଟେଷ୍ଟିଂ ବଢ଼ାଇବା ଲାଗି ରାଜ୍ୟ ସରକାର ନିଷ୍ପତ୍ତି ନେଇଛି । ରାଜ୍ୟରେ ଦୈନିକ ୫୦ ହଜାର କରୋନା ଟେଷ୍ଟ କରାଯିବ । ଏବେ ଦୈନିକ ୪୩ ହଜାର ଟେଷ୍ଟିଂ କରାଯାଉଛି । ବେସରକାରୀ ହସ୍ପିଟାଲରେ ୫୦ ପ୍ରତିଶତ ବେଡ୍ ସଂରକ୍ଷଣ ରଖିବା ପାଇଁ ନିର୍ଦ୍ଦେଶ ଦିଆଯାଇଥିବା କହିଛନ୍ତି ସ୍ୱାସ୍ଥ୍ୟ ବିଭାଗ ନିର୍ଦ୍ଦେଶକ ନିରଞ୍ଜନ ମିଶ୍ର ।

କରୋନାରେ ଚିକିତ୍ସାଧୀନ ଅବସ୍ଥାରେ ଗଞ୍ଜାମ ଜିଲ୍ଲାର ୨ ସାମ୍ବାଦିକଙ୍କ ମୃତ୍ୟୁ, ମାନସ ମଙ୍ଗରାଜଙ୍କ ଶୋକ

ବ୍ରହ୍ମପୁର: କରୋନା ପୀଡ଼ିତ ୨ ସାମ୍ବାଦିକଙ୍କ ମୃତ୍ୟୁ । ବ୍ରହ୍ମପୁର ଏମକେସିଜି କୋଭିଡ୍ ମେଡିକାଲରେ କରୋନାରେ ପୀଡ଼ିତ ହୋଇ ଚିକିତ୍ସିତ ହେଉଥିବା ୨ ଯୁବ ସାମ୍ବାଦିକଙ୍କ ମୃତ୍ୟୁ ହୋଇଛି । ଏକ ୱେବ ଚ୍ୟାନେଲରେ କୁକୁଡ଼ାଖଣ୍ଡି ବ୍ଲକରେ କାର୍ଯ୍ୟରତ ଯୁବ ସାମ୍ବାଦିକ ଗୋବିନ୍ଦ ବେହେରାଙ୍କ ମୃତ୍ୟୁ ରାତି ୩ଟା ସମୟରେ ହୋଇଥିବା ଜଣାପଡ଼ିଛି ।

Two Journalist Of Ganjam District Died During Covid-19 Treatment

ସେ କୋଭିଡ୍ ସଂକ୍ରମିତ ଚିହ୍ନଟ ପରେ ଗତ ୨ ଦିନ ହେଲା ଏମକେସିଜି କୋଭିଡ୍ ହସ୍ପିଟାଲରେ ଚିକିତ୍ସିତ ହେଉଥିଲେ । ଶ୍ୱାସ କ୍ରିୟା ଜନିତ ସମସ୍ୟା ସହ ଅକ୍ସିଜେନ ନେବାରେ ତାଙ୍କୁ ଭାରି ସମସ୍ୟା ହେଉଥିଲା । ସେ ଜଣେ ଭଲ କ୍ରୀଡ଼ାବିତ୍ ଥିଲେ । ବହୁଥର ଖୋକୋରେ ଜିଲ୍ଲା ପାଇଁ ଏବଂ ରାଜ୍ୟ ପାଇଁ ଖେଳି ସୁନାମ ଆଣିଛନ୍ତି ।

Two Journalist Of Ganjam District Died During Covid-19 Treatment

ଏକ ଦୈନିକ ଖବରକାଗଜର ଚିକିଟି ପ୍ରତିନିଧି ଭାବେ କାର୍ଯ୍ୟରତ ଯୁବ ସାମ୍ବାଦିକ ମନୋଜ କୁମାର ସାହୁଙ୍କ ମୃତ୍ୟୁ ହୋଇଛି । ଆଜି ଦିନ ୧୦ଟା ବେଳେ ସେ ଚିକିତ୍ସାଧୀନ ଅବସ୍ଥାରେ ପ୍ରାଣ ହରାଇଛନ୍ତି । ସେ ଗତ ଦୁଇ ଦିନ ହେଲା ଏମକେସିଜି କୋଭିଡ୍ ହସ୍ପିଟାଲରେ ଚିକିତ୍ସିତ ହେଉଥିଲେ । ଶ୍ୱାସ କ୍ରିୟା ଜନିତ ସମସ୍ୟା ଏବଂ ଅକ୍ସିଜେନ ନେବାରେ ତାଙ୍କୁ ଭାରି ସମସ୍ୟା ହେଉଥିଲା ।

୨ ସାମ୍ବାଦିକଙ୍କ ମୃତ୍ୟୁରେ ରାଜ୍ୟ ସରକାରଙ୍କ ଗଣମାଧ୍ୟମ ପରାମର୍ଶଦାତା ମାନସ ମଙ୍ଗରାଜ ଶୋକବ୍ୟକ୍ତ କରିବା ସହ ଶୋକସନ୍ତପ୍ତ ପରିବାର ବର୍ଗଙ୍କୁ ଧୈର୍ଯ୍ୟ ଧରିବା ଲାଗି କହିଛନ୍ତି । ଅମର ଆତ୍ମାର ସଦଗତି ପ୍ରାର୍ଥନା କରିଛନ୍ତ ମାନସ ମଙ୍ଗରାଜ ।

୬ ଦିନରେ କରୋନାରେ ମାଆ ସହ ୨ ପୁଅଙ୍କ ମୃତ୍ୟୁ, ଦୁଃଖରେ ବୋହୂର ଆତ୍ମହତ୍ୟା

ଭୋପାଳ: ମଧ୍ୟପ୍ରଦେଶର ଦେବାସରେ ୬ ଦିନ ମଧ୍ୟରେ କରୋନାରେ ଜଣେ ୭୫ ବର୍ଷିଅ ମହିଳାଙ୍କ ସହ ତାଙ୍କର ୨ ପୁଅଙ୍କ ମୃତ୍ୟୁ ହୋଇଛି । ଗୋଟିଏ ପରିବାରର ୩ ଜଣଙ୍କ ମୃତ୍ୟୁ ପରେ ଭାଙ୍ଗି ପଡ଼ିଥିବା ବୋହୂ ଆତ୍ମହତ୍ୟା କରିଛି । ଦଉଡ଼ି ଦେଇ ବୋହୂ ଆତ୍ମହତ୍ୟା କରିଥିବା ସୂଚନା ଦେଇଛନ୍ତି ପରିବାର ସଦସ୍ୟ । ଦେବାସ ଅଗ୍ରୱାଲ ସମାଜର ଅଧ୍ୟକ୍ଷ ବାଲକିଶନ ଗର୍ଗଙ୍କ ଘରେ ଘଟିଛି ।

ବାଲକିଶନଙ୍କ ସ୍ୱାସ୍ଥ୍ୟାବସ୍ଥା ବେଶ୍ ଗମ୍ଭୀର ରହିଛି । ସୂଚନା ଅନୁସାରେ ପ୍ରଥମେ ବାଲକିଶନଙ୍କ ୭୫ ବର୍ଷିଅ ପତ୍ନୀ ଚନ୍ଦ୍ରକଳା କରୋନା ସଂକ୍ରମିତ ହୋଇଥିଲେ । ଏପ୍ରିଲ୍ ୧୪ରେ ତାଙ୍କର ମୃତ୍ୟୁ ହୋଇଥିଲା । ଏହାର ଠିକ୍ ୨ ଦିନ ପରେ ବଡ଼ ପୁଅ ୫୧ ବର୍ଷିଅ ସଞ୍ଜୟ କରୋନାରେ ପ୍ରାଣ ହରାଇଥିଲେ । ଏପ୍ରିଲ ୧୯ରେ ସାନ ପୁଅ ୫୯ ବର୍ଷିଅ ସ୍ୱପ୍ରେଶଙ୍କ ମୃତ୍ୟୁ କରୋନାରେ ହୋଇଥିଲା ।

ଏସବୁ ଦେଖି ଭାଙ୍ଗି ପଡ଼ିଥିଲେ ସାନ ବୋହୂ । ଶାଶୂ, ସ୍ୱାମୀ ଏବଂ ଦେଢ଼ଶୂରଙ୍କ ମୃତ୍ୟୁ ପରେ ୪୫ ବର୍ଷିଅ ରେଖା ଗର୍ଗ ମାନସିକ ଅବସାଦଗ୍ରସ୍ତ ହୋଇ ଦଉଡ଼ି ଲଗାଇ ଆତ୍ମହତ୍ୟା କରିଥିବା ଜଣାପଡ଼ିଛି ।

ପୁରୀ ବେଳାଭୂମିରୁ ୩ ଫୁଟ୍ ଲମ୍ବର ମୃତ ଡଲଫିନର ଉଦ୍ଧାର

ପୁରୀ: ଦିଗବାରେଣି ଖୁଣ୍ଟି ନିକଟ ବେଳାଭୂମିରୁ ଏକ ୩ ଫୁଟ୍ ଲମ୍ବର ଡଲଫିନ୍ ଉଦ୍ଧାର କରାଯାଇଛି । ଡଲଫିନଟି ପାଣିରେ ଭାସି ଭାସି ଆସି କୁଳରେ ମୃତ ଅବସ୍ଥାରେ ଲାଗିଥିଲା । ଯାହାକୁ ଲାଇଫଗାର୍ଡ ମାନେ ଉଦ୍ଧାର କରିଥିଲେ ।

3 Feet Dolphin Dead body Rescued In Odisha’s Puri

ତେବେ ଡଲଫିନଟି ଇରୱାଡି କି ବଟଲନୋଜ ତାହା ପ୍ରଥମେ ଜଣାପଡ଼ି ନାହିଁ । ବନବିଭାଗ କର୍ମଚାରୀ ଆସି ଏହା ଇରୱାଡି ବୋଲି ସୂଚନା ଦେଇଛନ୍ତି । ଏହି ପ୍ରଜାତିର ଡଲଫିନ୍ ଚିଲିକା ଭିତରେ ରହିଥାନ୍ତି । ଏଭଳି ଡଲଫିନର ମୃତ୍ୟକୁ ନେଇ ପରିବେଶବିତ୍ ଉଦବେଗ୍ ପ୍ରକାଶ କରିଥିବା ବେଳ ବିନା ବାଧାରେ ଟ୍ରଲର ଯାତାୟାତ କରୁଥିବାରୁ ଟ୍ରଲର ମାଡ଼ରେ ମୃତ୍ୟୁ ଆଶଙ୍କା କରାଯାଉଛି ।

3 Feet Dolphin Dead body Rescued In Odisha’s Puri

ବିଶେଷକରି ଏହି ଡଲଫିନ୍ ଚିଲିକା ଭିତରେ ରହିଥାନ୍ତି ଏବଂ ବେଳେ ବେଳେ ଚନ୍ଦ୍ରଭାଗା ସମୁଦ୍ର ପର୍ଯ୍ୟନ୍ତ ଯାତାୟାତ କରିଥାନ୍ତି । ଅନେକ ଟ୍ରଲର ବେଆଇନ ଯାତାୟାତ କରୁଥିବା ବେଳେ ଡଲଫିନର ମୃତ୍ୟୁ ହେଉଥିବା ଅଭିଯୋଗ ହେଉଛି ।

ଦୈନିକ ସଂକ୍ରମଣରେ ଆମେରିକାକୁ ଟପିଲା ଭାରତ, ଦେଶରେ ପ୍ରଥମ ଥର ଲାଗି ୩.୩୨ ଲକ୍ଷ ପଜିଟିଭ୍

ନୂଆଦିଲ୍ଲୀ: କରୋନା ସଂକ୍ରମଣ ମାମଲାରେ ଆମେରିକାକୁ ଟପିଲା ଭାରତ । ବିଶ୍ୱରେ କରୋନା ଦୈନିକ ସଂକ୍ରମଣର ସର୍ବାଧିକ ମାମଲା ଭାରତରେ ଚିହ୍ନଟ ହୋଇଛି । ସ୍ୱାସ୍ଥ୍ୟ ମନ୍ତ୍ରଣାଳୟ ଜାରି କରିଥିବା ତାଜା ତଥ୍ୟ ଅନୁସାରେ, ବିଗତ ୨୪ ଘଣ୍ଟାରେ ଦେଶରେ ୩ ଲକ୍ଷ ୩୨ ହଜାର ୭୩୦ ଜଣ ସଂକ୍ରମିତ ଚିହ୍ନଟ ହୋଇଥିବାବେଳେ ୨୨୬୩ ଜଣଙ୍କ ମୃତ୍ୟୁ ହୋଇଛି । ୧ ଲକ୍ଷ ୯୩ ହଜାର ୨୭୯ ଜଣ କରୋନାରୁ ସୁସ୍ଥ ହୋଇଛନ୍ତି । ଏହା ପୂର୍ବରୁ ବୁଧବାର ଦେଶରେ ୩ ଲକ୍ଷ ୧୪ ହଜାର ୮୩୫ ଜଣ ସଂକ୍ରମିତ ଚିହ୍ନଟ ହୋଇଥିଲେ । ଜାନୁଆରୀ ୮ ତାରିଖରେ ଆମେରିକାରେ ଦିନକରେ ସର୍ବାଧିକ ୩ ଲକ୍ଷ ୭ ହଜାର ମାମଲା ଚିହ୍ନଟ ହୋଇଥିଲା ।

ଦେଶରେ କରୋନା ସ୍ଥିତି

ମୋଟ କରୋନା ପଜିଟିଭ୍- ୧ କୋଟି ୬୨ ଲକ୍ଷ ୬୩ ହଜାର ୬୯୫

ମୋଟ ଆରୋଗ୍ୟ- ୧ କୋଟି ୩୬ ଲକ୍ଷ ୪୮ ହଜାର ୧୫୯

ସକ୍ରିୟ ସଂକ୍ରମଣ ମାମଲା- ୨୪ ଲକ୍ଷ ୨୮ ହଜାର ୬୧୬

ମୋଟ କରୋନା ମୃତ୍ୟୁ- ୧ ଲକ୍ଷ ୮୬ ହଜାର ୯୨୦

ମୋଟ ଟିକାକରଣ- ୧୩ କୋଟି ୫୪ ଲକ୍ଷ ୭୮ ହଜାର ୪୨୦

ଗତ ୨୪ ଘଣ୍ଟାରେ ଦେଶରେ ମହାରାଷ୍ଟ୍ରରେ ସର୍ବାଧିକ ୬୭ ହଜାର ୧୩ଟି ମାମଲା ଆସିଛି । କୋଭିଡରେ ୫୬୮ ଜଣଙ୍କ ମୃତ୍ୟୁ ହୋଇଛି । ଅନ୍ୟପଟେ ଦିଲ୍ଲୀରେ ଗତ ୨୪ ଘଣ୍ଟାରେ ୩୦୬ ଜଣଙ୍କ ମୃତ୍ୟୁ ହୋଇଥିବା ବେଳେ ୨୬ ହଜାରରୁ ଅଧିକ ସଂକ୍ରମଣ ମାମଲା ଆସିଛି ।

ଟଳୁନି ଅକ୍ସିଜେନ୍ ସଂକଟ, ସାର୍ ଗଙ୍ଗାରାମ ହସ୍ପିଟାଲରେ ଆଉ ମାତ୍ର ୨ ଘଣ୍ଟା ଯିବ ଅମ୍ଲଜାନ

ନୂଆଦିଲ୍ଲୀ: ଅକ୍ସିଜେନ୍ କୋଟା ବୃଦ୍ଧି ସତ୍ତ୍ୱେ ଦିଲ୍ଲୀରେ ଅକ୍ସିଜେନ୍ ସଂକଟ ଟଳୁନି । ରାଷ୍ଟ୍ରୀୟ ରାଜଧାନୀର ବିଭିନ୍ନ ହସ୍ପିଟାଲରେ ଅକ୍ସିଜେନ୍ ଅଭାବ ଲାଗି ରହିଛି । ଦିଲ୍ଲୀସ୍ଥିତ ସାର୍ ଗଙ୍ଗାରାମ ହସ୍ପିଟାଲରେ ଥିବା ଅକ୍ସିଜେନ୍ ମାତ୍ର ଆଉ ୨ ଘଣ୍ଟା ଯିବ । ଏନେଇ ହସ୍ପିଟାଲ୍ ନିର୍ଦ୍ଦେଶକ ସୂଚନା ଦେଇଛନ୍ତି । ତୁରନ୍ତ ଅକ୍ସିଜେନ୍ ଏୟାରଲିଫ୍ଟ କରିବା ଆବଶ୍ୟକତା ଥିବା ହସ୍ପିଟାଲ ପକ୍ଷରୁ କୁହାଯାଇଛି ।

ଅକ୍ସିଜେନ୍ ଅଭାବ ଯୋଗୁଁ ଗୁରୁତର ରୋଗୀଙ୍କ କ୍ଷେତ୍ରରେ ଭେଣ୍ଟିଲେଟର ଓ ବିପାପ ସଠିକ୍ ଭାବେ ଫଳପ୍ରଦ ହେଉନାହିଁ । ଏବେ ହସ୍ପିଟାଲରେ ୬୦ ଜଣ ରୋଗୀଙ୍କୁ ଅକ୍ସିଜେନ୍ ଦିଆଯାଉଛି । ୨ ଘଣ୍ଟା ମଧ୍ୟରେ ଅକ୍ସିଜେନ୍ ନମିଳିଲେ ୬୦ ରୋଗୀଙ୍କ ଜୀବନ ବିପଦମୁହଁକୁ ଠେଲି ହୋଇଯିବ ବୋଲି ମେଡିକାଲ ପକ୍ଷରୁ କୁହାଯାଇଛି । ହସ୍ପିଟାଲରେ ଗତ ୨୪ ଘଣ୍ଟା ମଧ୍ୟରେ ୨୫ ଅସୁସ୍ଥଙ୍କ ମୃତ୍ୟୁ ହୋଇଥିବା ଜଣାପଡ଼ିଛି ।

Oxygen Left For Only 2 Hours In Sir Ganga Ram Hospital, Delhi

ଅକ୍ସିଜେନ୍ ଅଭାବ ଯୋଗୁଁ ୨୫ ଜଣ ରୋଗୀଙ୍କ ମୃତ୍ୟୁ ହୋଇଥିବା ଆଶଙ୍କା କରାଯାଉଛି । ପର୍ଯ୍ୟାପ୍ତ ପରିମାଣରେ ଅକ୍ସିଜେନ୍ ଉପଲବ୍ଧ ନଥିବାରୁ ଆଇସିୟୁ ଓ ଭେଣ୍ଟିଲେଟରକୁ ହସ୍ପିଟାଲରେ ମାନୁଆଲ୍ ମୋଡରେ ପରିଚାଳନା କରାଯାଉଥିବା ଜଣାପଡ଼ିଛି ।

ରାଜ୍ୟରେ କରୋନାରେ ଆଉ ୮ ଜଣଙ୍କ ମୃତ୍ୟୁ, ମୃତ୍ୟୁସଂଖ୍ୟା ୧୯୭୩କୁ ବୃଦ୍ଧି

ଭୁବନେଶ୍ୱର: କରୋନା ସଂକ୍ରମଣ ମାମଲା ବଢ଼ୁଛି । ରାଜ୍ୟରେ ଲଗାତାର ଦ୍ୱିତୀୟ ଦିନ ଲାଗି ୬ ହଜାରରୁ ଅଧିକ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୮ ଜଣଙ୍କ ମୃତ୍ୟୁ ହୋଇଛି । ଏଥିସହ ରାଜ୍ୟରେ କରୋନା ମୃତ୍ୟୁସଂଖ୍ୟା ୧୯୭୩କୁ ବୃଦ୍ଧି ପାଇଛି । ଗତ ୨୪ ଘଣ୍ଟାରେ କରୋନାରେ ବାଲେଶ୍ୱରରୁ ଜଣେ, ବଲାଙ୍ଗିରରୁ ଜଣେ, ଗଞ୍ଜାମରୁ ୨ ଜଣ, କଳାହାଣ୍ଡିରୁ ୨ ଜଣ, କନ୍ଧମାଳରୁ ଜଣେ, ଖୋର୍ଦ୍ଧାରୁ ଜଣଙ୍କର ମୃତ୍ୟୁ ହୋଇଛି ।

ବାଲେଶ୍ୱର ଜିଲ୍ଲାରେ ମୋଟ ୧୩ ହଜାର ୭୨୮ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ଏଯାବତ୍ କରୋନାରେ ୯୭ ଜଣଙ୍କ ମୃତ୍ୟୁ ହେଲାଣି । ଜିଲ୍ଲା ଏବେ କରୋନାର ଅରେଞ୍ଜ ଜୋନରେ ରହିଛି । ରେଡ୍ ଜୋନରେ ଥିବା ବଲାଙ୍ଗି ଜିଲ୍ଲାରେ କରୋନା ମୃତ୍ୟୁ ସଂଖ୍ୟା ୪୮କୁ ବୃଦ୍ଧି ପାଇଥିବା ବେଳେ ଜିଲ୍ଲାରେ ଏବେ ୧୫୭୦ଟି ସକ୍ରିୟ ମାମଲା ରହିଛି ।

ଅରେଞ୍ଜ ଜୋନରେ ଥିବା ଗଞ୍ଜାମ ଜିଲ୍ଲାରେ ଗତ ୨୪ ଘଣ୍ଟାରେ ହୋଇଥିବା ୨ କରୋନା ମୃତ୍ୟୁକୁ ମିଶାଇ ଜିଲ୍ଲାରେ ମୃତ୍ୟୁସଂଖ୍ୟା ୨୫୫କୁ ବୃଦ୍ଧି ପାଇଛି । ରେଡ୍ ଜୋନରେ ଥିବା କଳାହାଣ୍ଡିରେ କରୋନା ମୃତ୍ୟୁ ସଂଖ୍ୟା ୩୮କୁ ବୃଦ୍ଧି ପାଇଛି । ଜିଲ୍ଲାରେ ଏବେ ୨୩୭୮ଜଣ ସକ୍ରିୟ କରୋନା ଆକ୍ରାନ୍ତ ଅଛନ୍ତି ।

ସେହିଭଳି କନ୍ଧମାଳ ଜିଲ୍ଲାରେ କୋଭିଡ୍ ମୃତକଙ୍କ ସଂଖ୍ୟା ୩୫କୁ ବୃଦ୍ଧି ପାଇଛି । ଜିଲ୍ଲାରେ ଏବେ ୧୮୮ଟି ସକ୍ରିୟ ମାମଲା ରହିଛି । ସଂକ୍ରମଣରେ ରାଜ୍ୟର ଚିନ୍ତା ବଢ଼ାଇଥିବା ରେଡ୍ ଜୋନ୍ ଖୋର୍ଦ୍ଧା ଜିଲ୍ଲାରେ କୋଭିଡ୍ ମୃତ୍ୟୁ ସଂଖ୍ୟା ୩୪୩କୁ ବୃଦ୍ଧି ପାଇଛି । ଜିଲ୍ଲାରେ ଏବେ ୬ ହଜାର ୬୯୭ଟି ସକ୍ରିୟ ମାମଲା ରହିଛି ।

ଏଥିସହ ପଢ଼ନ୍ତୁ- ସବୁ ରେକର୍ଡ ଭାଙ୍ଗିଲା କରୋନା, ୨୪ ଘଣ୍ଟାରେ ୬ ହଜାର ୨୧୫ ପଜିଟିଭ୍ ଚିହ୍ନଟ

ସବୁ ରେକର୍ଡ ଭାଙ୍ଗିଲା କରୋନା, ୨୪ ଘଣ୍ଟାରେ ୬ ହଜାର ୨୧୫ ପଜିଟିଭ୍ ଚିହ୍ନଟ

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ଲଗାତାର ବୃଦ୍ଧି ପାଇବାରେ ଲାଗିଛି । ଲଗାତାର ଦ୍ୱିତୀୟ ଦିନ ଲାଗି ୬ ହଜାରରୁ ଅଧିକ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଗତ ୨୪ ଘଣ୍ଟାରେ ରାଜ୍ୟରେ ୬ ହଜାର ୨୧୫ ପଜିଟିଭ୍ ମାମଲା ଆସିଛି । କ୍ୱାରେଣ୍ଟାଇନରୁ ୩ ହଜାର ୬୦୪ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ୨ ହଜାର ୬୧୧ଟି ସ୍ଥାନୀୟ ସଂକ୍ରମଣ ମାମଲା ଚିହ୍ନଟ ହୋଇଛି । ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୯୫୦ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ସୁନ୍ଦରଗଡ଼ରୁ ୬୮୪ ଜଣ ସଂକ୍ରମିତ ହୋଇଥିବା ଜଣାପଡ଼ିଛି ।

ଅନୁଗୁଳରୁ ୧୭୩, ବାଲେଶ୍ୱରରୁ ୭୯, ବରଗଡ଼ରୁ ୨୬୮, ଭଦ୍ରକରୁ ୮୬, ବଲାଙ୍ଗିରରୁ ୨୧୧, ବୌଦ୍ଧରୁ ୨୦, କଟକରୁ ୩୮୩, ଦେବଗଡ଼ରୁ ୩୩, ଢେଙ୍କାନାଳରୁ ୧୬, ଗଜପତିରୁ ୪୭, ଗଞ୍ଜାମରୁ ୬୭, ଜଗତସିଂହପୁରରୁ ୬୨, ଯାଜପୁରରୁ ୮୫, ଝାରସୁଗୁଡ଼ାରୁ ୨୬୧, କଳାହାଣ୍ଡିରୁ ୬୮୨, କନ୍ଧମାଳରୁ ୩୪, କେନ୍ଦ୍ରାପଡ଼ାରୁ ୪୧, କେନ୍ଦୁଝରରୁ ୧୫୭ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ଖୋର୍ଦ୍ଧାରୁ ୯୫୦, କୋରାପୁଟରୁ ୫୮, ମାଲକାନଗିରିରୁ ୨୧, ମୟୂରଭଞ୍ଜରୁ ୧୧୫, ନବରଙ୍ଗପୁରରୁ ୨୫୭, ନୟାଗଡ଼ରୁ ୮୨, ନୂଆପଡ଼ାରୁ ୪୪୬, ପୁରୀରୁ ୩୦୬, ରାୟଗଡ଼ାରୁ ୭୦, ସମ୍ବଲପୁରରୁ ୨୬୩, ସୋନପୁରରୁ ୬୫, ସୁନ୍ଦରଗଡ଼ରୁ ୬୮୪ ଓ ଷ୍ଟେଟ ପୁଲରୁ ୧୯୩ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୩ ଲକ୍ଷ ୯୪ ହଜାର ୬୯୪କୁ ବୃଦ୍ଧି ପାଇଛି । ରାଜ୍ୟରେ ଏବେ ୩୯ ହଜାର ୧୧୭ ଜଣ ସକ୍ରିୟ କରୋନା ଆକ୍ରାନ୍ତ ଥିବା ବେଳେ ୩ ଲକ୍ଷ ୫୩ ହଜାର ୫୫୧ ଜଣ କରୋନାକୁ ମାତ୍ ଦେଇଛନ୍ତି ।

ଯାଜପୁରରୁ ବିଶାଖାପାଟଣା ଓ ପୁଣେ ଗଲା ୨ଟି ଅକ୍ସିଜେନ୍ ଟ୍ୟାଙ୍କର

ଭୁବନେଶ୍ୱର: ଦେଶର ବିଭିନ୍ନ ସ୍ଥାନରେ କୋଭିଡ୍ ଆକ୍ରାନ୍ତଙ୍କ ଚିକିତ୍ସା ପାଇଁ ଲାଗି ରହିଛି ଅକ୍ସିଜେନ୍ ସଂକଟ । ଅନ୍ୟ ରାଜ୍ୟର ସଂକଟ ସମୟରେ ସହାୟତାର ହାତ ବଢ଼ାଇଛି ଓଡ଼ିଶା । ଯାଜପୁରରୁ ବିଶାଖାପାଟଣା ଓ ପୁଣେ ଅଭିମୁଖେ ୨ଟି ଅକ୍ସିଜେନ୍ ଟ୍ୟାଙ୍କର ବାହାରିଛି । ଯାଜପୁରର ଏକ ଶିଳ୍ପ ସଂସ୍ଥାରୁ ୨ଟି ଦୁଇଟି ଅକ୍ସିଜେନ୍ ଭର୍ତ୍ତି ଟ୍ୟାଙ୍କରକୁ ପୋଲିସ ଏସ୍କର୍ଟରେ ପଠାଯାଉଛି ।

Odisha Police Escorted 2 More Tankers With Medical Oxygen On Way From Jajpur

ଗତକାଲି ଅନୁଗୁଳ ଜିନ୍ଦଲ ଷ୍ଟିଲ ଏଣ୍ଡ ପାୱାର ଲିମିଟେଡରୁ ଏକ ସ୍ଵତନ୍ତ୍ର ଗାଡ଼ିରେ ପ୍ରାୟ ୨୨ ଟନ ଅକ୍ସିଜେନ୍ ବିଶାଖାପାଟଣା ପଠାଯାଇଥିଲା । ରାତି ପ୍ରାୟ ୧୧ଟା ବେଳେ ଅନୁଗୁଳରୁ ବିଶାଖାପାଟଣା ଅଭିମୁଖେ ବାହାରିଥିଲା ଗାଡ଼ି । ଏନେଇ ପୋଲିସ ପକ୍ଷରୁ ଏକ ଗ୍ରୀନ୍ କରିଡର ବ୍ୟବସ୍ଥା କରାଯାଇଥିଲା । ବାଟରେ କୌଣିସି ଅସୁବିଧା ନହେବା ପାଇଁ ସାଥିରେ ଏସକର୍ଟ ଟିମ୍ ମଧ୍ୟ ପଠାଯାଇଛି ।

ଅନ୍ୟ ରାଜ୍ୟକୁ ଅକ୍ସିଜେନ୍ ପଠାଇବା ଲାଗି ପୋଲିସ ସ୍ୱତନ୍ତ୍ର କରିଡର ସହ ଏସକର୍ଟ ଯୋଗାଇ ଦେବ ବୋଲି ଡିଜିପି ଟ୍ୱିଟ୍ କରି ସୂଚନା ଦେଇଥିଲେ । ଏଥିପାଇଁ ଏଡିଜି ଆଇନଶୃଙ୍ଖଳାକୁ ଡିଜିପ ସ୍ୱତନ୍ତ୍ର ଦାୟିତ୍ୱ ଦେଇଥିବା ବେଳେ ଜିଲ୍ଲାସ୍ତରରେ ଏସପିମାନଙ୍କୁ ସହଯୋଗ ପାଇଁ ନିର୍ଦ୍ଦେଶ ଦେଇଥିଲେ ।

ଶବକୁ ମିଳିଲାନି ଚାରି କାନ୍ଧ, ଟ୍ରଲିରେ ନେଲେ ଶ୍ମଶାନ

ବୁର୍ଲା: ମୃତଦେହକୁ ମିଳିଲାନି ଚାରି କାନ୍ଧ, ଶୁଭିଲାନି ରାମ ନାମ । ସମ୍ବଲପୁର ବୁର୍ଲାରେ ରହୁଥିବା ଜଣେ ମହିଳାଙ୍କ ମୃତ୍ୟୁ ହୋଇଥିଲା । ମହିଳାଙ୍କର ଝିଅଟିଏ ଥିବାବେଳେ ଶବ ସତ୍କାର ପାଇଁ ଟଙ୍କା ନଥିଲା । ମୃତଦେହକୁ ଗାଁ ଲୋକ ବି ଚାହିଁନଥିଲେ । ଶେଷରେ ସ୍ଥାନୀୟ କିଛି ଯୁବକ ମହିଳାଙ୍କ ମୃତଦେହକୁ ଟ୍ରଲିରେ ନେଇ ଦାହ କରିଛନ୍ତି ।

Dead Body Carried In Trolley Rickshaw In Sambalpur

କୌଣସି ଲୋକଙ୍କ ମୃତ୍ୟୁ ହେଲେ ଶବଦାହ ପାଇଁ ହରିଶ୍ଚନ୍ଦ୍ର ଯୋଜନାରେ ୨ ହଜାର ଟଙ୍କାର ବ୍ୟବସ୍ଥା ରହିଛି । ହେଲେ, ଏଠି ସହାୟତା ମିଳିନି । ବରଂ ଶବକୁ ୪ କାନ୍ଧ ନମିଳିବାରୁ ଟ୍ରଲିରେ ଶ୍ମଶାନ ନେଇ ଶବଦାହ କରିଛନ୍ତି ସ୍ଥାନୀୟ ଯୁବକ ।