ପୁରୀ ବେଳାଭୂମିରୁ ୩ ଫୁଟ୍ ଲମ୍ବର ମୃତ ଡଲଫିନର ଉଦ୍ଧାର
ପୁରୀ: ଦିଗବାରେଣି ଖୁଣ୍ଟି ନିକଟ ବେଳାଭୂମିରୁ ଏକ ୩ ଫୁଟ୍ ଲମ୍ବର ଡଲଫିନ୍ ଉଦ୍ଧାର କରାଯାଇଛି । ଡଲଫିନଟି ପାଣିରେ ଭାସି ଭାସି ଆସି କୁଳରେ ମୃତ ଅବସ୍ଥାରେ ଲାଗିଥିଲା । ଯାହାକୁ ଲାଇଫଗାର୍ଡ ମାନେ ଉଦ୍ଧାର କରିଥିଲେ ।
ତେବେ ଡଲଫିନଟି ଇରୱାଡି କି ବଟଲନୋଜ ତାହା ପ୍ରଥମେ ଜଣାପଡ଼ି ନାହିଁ । ବନବିଭାଗ କର୍ମଚାରୀ ଆସି ଏହା ଇରୱାଡି ବୋଲି ସୂଚନା ଦେଇଛନ୍ତି । ଏହି ପ୍ରଜାତିର ଡଲଫିନ୍ ଚିଲିକା ଭିତରେ ରହିଥାନ୍ତି । ଏଭଳି ଡଲଫିନର ମୃତ୍ୟକୁ ନେଇ ପରିବେଶବିତ୍ ଉଦବେଗ୍ ପ୍ରକାଶ କରିଥିବା ବେଳ ବିନା ବାଧାରେ ଟ୍ରଲର ଯାତାୟାତ କରୁଥିବାରୁ ଟ୍ରଲର ମାଡ଼ରେ ମୃତ୍ୟୁ ଆଶଙ୍କା କରାଯାଉଛି ।
ବିଶେଷକରି ଏହି ଡଲଫିନ୍ ଚିଲିକା ଭିତରେ ରହିଥାନ୍ତି ଏବଂ ବେଳେ ବେଳେ ଚନ୍ଦ୍ରଭାଗା ସମୁଦ୍ର ପର୍ଯ୍ୟନ୍ତ ଯାତାୟାତ କରିଥାନ୍ତି । ଅନେକ ଟ୍ରଲର ବେଆଇନ ଯାତାୟାତ କରୁଥିବା ବେଳେ ଡଲଫିନର ମୃତ୍ୟୁ ହେଉଥିବା ଅଭିଯୋଗ ହେଉଛି ।
