spot_img
Home Blog Page 5721

ଆଗକୁ ଆସୁଛି ଭାରତର ସବୁଠୁ ଶସ୍ତା କରୋନା ଟିକା,ମୂଲ୍ୟ ହୋଇପାରେ ମାତ୍ର ୨୫୦ ଟଙ୍କା

ଖୁବଶୀଘ୍ର ଦେଶରେ ଉପଲବ୍ଧ ହୋଇପାରେ ସବୁଠୁ ଶସ୍ତା ଭ୍ୟାକସିନ୍ । ଭ୍ୟାକସିନ ତିଆରି କ୍ଷେତ୍ରରେ ଭାରତ ଯେମିତି ପ୍ରସ୍ତୁତି ଆରମ୍ଭ କରୁଛି । ଆଶା କରାଯାଉଛି ଯେ ଭାରତ ଦ୍ୱାରା ନିର୍ମିତ ଦ୍ୱିତୀୟ ସ୍ୱଦେଶୀ ଟିକା ଲୋକଙ୍କ ଉପକାର କରିବ । ଟିକାର ଉପକାରିତା ସହ ଦେଶବାସୀଙ୍କୁ ସହଜରେ ଓ ସୁଲଭ ମୂଲ୍ୟରେ ଉପଲବ୍ଧ ହେଲେ ଏହା ବିଶେଷ ଫଳପ୍ରଦ ହେବ ବୋଲି ଆଶା ରହିଛି । ହାଇଦ୍ରାବାଦର କଂମ୍ପାନୀ ବାୟୋଲୋଜିକାଲ-ଇ ର ଆଣ୍ଟି କରୋନା ଭାଇରସ ଭ୍ୟାକସିନ କୋରାବେଭେକ୍ସର କମ୍ ଦାମକୁ ନେଇ ଆଶା ସଂଚାର ହୋଇଛି । ବର୍ତ୍ତମାନ ଏହି ଭ୍ୟାକସିନର ଜରୁରୀକାଳିନ ବ୍ୟବହାର ପାଇଁ ଏଯାଏଁ ମଂଜୁରୀ ମିଳିନାହିଁ । କିନ୍ତୁ କୁହାଯାଉଛି ଯେ ଏହି ଭ୍ୟାକସିନର ୨ଟି ଯାକ ଡୋଜର ଦାମ୍ ୫୦୦ଟଙ୍କା ହୋଇପାରେ । ତାଛଡା ଆଗକୁ ଭ୍ୟାକସିନର ଉପଲବ୍ଧିକୁ ଲକ୍ଷ୍ୟ କରି ଏହାର ଦାମକୁ ଶସ୍ତା କରାଯିବାର ସମ୍ଭାବନା ମଧ୍ୟ ରହିଛି । କେନ୍ଦ୍ରସରକାର ପୂର୍ବରୁ ହିଁ ଏହି ଭ୍ୟାକସିନର ୩୦କୋଟି ଡୋଜ୍ ୧୫୦୦ କୋଟି ଟଙ୍କାରେ ଅର୍ଡର ଦେଇସାରିଛନ୍ତି ।

ତେଣୁକରି ଟିକା ସଂମ୍ପୂର୍ଣ୍ଣ ରୂପେ କମ୍ ଦାମରେ ଉପଲବ୍ଧ ହେବାର ଖବର ସାଧାରଣ ଲୋକଙ୍କୁ ବି ଆଶ୍ୱସ୍ତି ଦେବ । ସାରା ବିଶ୍ୱରେ ଏହି କରାଳ ମହାମାରୀର ଆତଙ୍କ । ଯେଉଁ ଆତଙ୍କକୁ ନିୟନ୍ତ୍ରଣକୁ ଆଣିବାର ଚେଷ୍ଟାରେ ସମସ୍ତେ । ହେଲେ କରୋନାର ଦ୍ୱିତୀୟ ଲହର ସେହି ଚେଷ୍ଟାର ବାଧକ ସାଜୁଛି । ଭ୍ୟାକସିନ ତିଆରି କରି କରୋନାକୁ ଦୁର୍ବଳ କରିବା କାମରେ ସବୁ ଦେଶ । ଆଉ ଏହି ପ୍ରତିଯୋଗିତାରେ ଭାରତ ବି କିଛି କମ ନୁହେଁ । ବର୍ତମାନ ଭାରତ ୨ଟି ସ୍ୱଦେଶୀ ଟିକା ନିର୍ମାଣରେ ସଫଳତା ହାସଲ କରିଛି । ୨ୟ ସ୍ୱଦେଶୀ ଟିକାକୁ ନେଇ ସ୍ୱାସ୍ଥ୍ୟ ମନ୍ତ୍ରଣାଳୟଙ୍କ ସୂଚନା ଯେ ବାୟୋଲୋଜିକାଲ-ଇ ଦ୍ୱାରା ନିର୍ମିତ ଟିକା ୨ଟି ଡୋଜ ରେ ଉପଲବ୍ଧ ହେବ । ଏବଂ ଗୋଟିଏ ଡୋଜ ନେବାର ୨୮ଦିନ ପରେ ଆଉ ଏକ ଡୋଜ ନେଇପାରିବେ ।

ତେଣୁକରି ବର୍ତ୍ତମାନର ଭ୍ୟାକସିନ ଅଭାବର ସ୍ଥିତିକୁ ହୁଏତ ଏହି ୨ୟ ସ୍ୱଦେଶୀ ଟିକା କିଛି ମାତ୍ରରେ ସମାଧାନର ବାଟ କାଢିବ । ବାୟୋଲୋଜିକାଲ-ଇ ର ଏମଡି ମହିମା ଡାଟଲା ନିଜର ଏକ ଇଣ୍ଟରଭ୍ୟୁରେ କହିଛନ୍ତି କି ଭ୍ୟାକସିନର ଦାମ କୁ ହୁଏତ ଧାର୍ଯ୍ୟ କରାଯାଇନାହିଁ । କିନ୍ତୁ ଆମର ଏହି ଭ୍ୟାକସିନ ଦେଶର ସବୁଠୁ ଶସ୍ତା ଭ୍ୟାକସିନ ରୂପେ ପରିଚୟ ପାଇବ । ସିରମ ଇନଷ୍ଟିଚ୍ୟୁଟ ଦ୍ୱାରା ନିର୍ମିତ କୋଭିସିଲ୍ଡ ଟିକା ରାଜ୍ୟସରକାରଙ୍କୁ ୩୦୦ ଓ ପ୍ରାଇଭେଟ୍ ହସ୍ପିଟାଲକୁ ୬୦୦ ଟଙ୍କା ପ୍ରତି ଡୋଜ ମିଳୁଛି । ତାସହ ଭାରତ ବାୟୋଟେକ୍ ର କୋଭାକ୍ସିନ ଟିକା ରାଜ୍ୟସରକାରଙ୍କୁ ୪୦୦ ଓ ପ୍ରାଇଭେଟ ହସ୍ପିଟାଲକୁ ୧୨୦୦ଟଙ୍କାରେ ମିଳୁଛି । ତେବେ ଆଶା ଯେ ଏହି ଭ୍ୟାକସିନ ସୁଲଭ ମୂଲ୍ୟରେ ଉପଲବ୍ଧ ହେଇପାରେ । କଂମ୍ପାନୀର ଏମଡିଙ୍କ କହିବା ଅନୁସାରେ ଅଗଷ୍ଟରୁ ପ୍ରତି ମାସ ୭ରୁ ୮ କୋଟି ଡୋଜ ନିର୍ମାଣ ହେବ । ଆଉ ଯଦି ଜୁଲାଇରେ ଏହାର ଜରୁରୀକାଳିନ ବ୍ୟବହାର ପାଇଁ ଅନୁମତି ମିଳିଯାଉଛି ତେବେ ବହୁତ ମାତ୍ରାରେ ଟିକା ଅଭାବ ସମସ୍ୟାକୁ ଦୂର କରାଯାଇପାରିବ ।

ଭାରତଠାରୁ ବିଷ ଆମଦାନୀ କରିବାକୁ ଚାହୁଁଛି ଅଷ୍ଟ୍ରେଲିଆ: ଜାଣନ୍ତୁ କାହିଁକି

ନୂଆଦିଲ୍ଲୀ: ଆମଦାନୀ,ରପ୍ତାନୀ । କୌଣସି ସାମଗ୍ରୀ ଦେଶରେ ଆବାଶ୍ୟକତାଠାରୁ ଅଧିକା ଥିଲେ ରପ୍ତାନୀ ହୋଇଥାଏ ଓ କମ୍ ଥିଲେ ଆମଦାନୀ ହୋଇଥାଏ । ଯାହା ଦୁଇ ଦେଶ ମଧ୍ୟରେ ହେଉଥିବା ଏକ ସ୍ୱାଭାବିକ ପ୍ରକ୍ରିୟା । ଏହା ଦ୍ୱାରା ଦେଶ ଦେଶ ମଧ୍ୟ ଦ୍ୱିପାକ୍ଷିକ ସମ୍ପର୍କ ମଧ୍ୟ ସୁଦୃଢ଼ ହୋଇଥାଏ । ଏଭଳି କି ରାଜ୍ୟ ରାଜ୍ୟ ମଧ୍ୟରେ ମଧ୍ୟ ଏଭଳି ଆମଦାନୀ ଓ ରପ୍ତାନୀ ହୋଇଥାଏ । ତେବେ ଏହି ପ୍ରକ୍ରିୟା ମଧ୍ୟରେ ଅଷ୍ଟ୍ରେଲିଆ ଭାରତଠାରୁ ଲୋଡ଼ୁଛି ଏକ ସ୍ୱତନ୍ତ୍ର ଧରଣର ବିଷ । ଅର୍ଥାତ ଅଷ୍ଟ୍ରେଲିଆ ଭାରତ ଠାରୁ ଏକ ବିଶେଷ ପ୍ରକାରର ବିଷ ଆମଦାନୀ କରିବାକୁ ଚାହୁଁଛି, ଯାହା କେବଳ ଭାରତରେ ହିଁ ପ୍ରସ୍ତୁତ ହୋଇଥାଏ । ତେବେ ଆଶ୍ଚର୍ଯ୍ୟ କଥା ହେଉଛି ଯେ, ଏଭଳି ବିଷ ଅଷ୍ଟ୍ରେଲିଆରେ ପୂର୍ବରୁ ବ୍ୟାନ୍ ହୋଇସାରିଥିବା ସତ୍ତ୍ୱେ ସେ ଏହାକୁ ଆମଦାନୀ କରିବାକୁ ଚାହୁଁଛି । ତେବେ ଆସନ୍ତୁ ଜାଣିବା ଅଷ୍ଟ୍ରେଲିଆ କାହିଁକି ଏଭଳି କରିବାକୁ ଚାହୁଁଛି ।

ବର୍ତ୍ତମାନ ଅଷ୍ଟ୍ରେଲିଆରେ ଅଚାନକ୍ ଭାବେ ମୂଷାଙ୍କ ସଂଖ୍ୟା ବୃଦ୍ଧି ପାଇଛି । ଯାହା ସାଧାରଣରେ ଜଣଙ୍କ କଳ୍ପନା ବାହାରେ । ବଢ଼ୁଥିବା ମୂଷାଙ୍କ ଯୋଗୁଁ ସେଠାକାର ଚାଷୀଙ୍କ ଫଲସହାନୀ ହେବା ନେଇ ଆଶଙ୍କା ସୃଷ୍ଟି ହେବା ସହ ସେଠାରେ ବସବାସ କରୁଥିବା ଲୋକଙ୍କ ଜୀବନ ପ୍ରତି ମଧ୍ୟ ବିପଦ ସୃଷ୍ଟି କରିଛନ୍ତି । ମୂଷାଙ୍କ ଯୋଗୁଁ ପ୍ଳେଗ୍ ବ୍ୟାପିବାର ମଧ୍ୟ ଆଶଙ୍କା ଦେଖାଦେଇଛି । ଅଷ୍ଟେଲିଆର ନ୍ୟୁ ସାଉଥ୍ ଓ୍ୱେଲସରେ ଉପୁଜିଛି ଏଭଳି ସମସ୍ୟା । ଏଣୁ ସେ ଭାରତରରୁ ୫ ହଜାର ଲିଟର ବ୍ରୋମାଡିଓଲଓ୍ୱାନ୍ ନାମକ ବିଷ ଆମଦାନୀ କରିବାକୁ ଚାହୁଁଛି । ଏବଂ ସେଠାକାର କେନ୍ଦ୍ରୀୟ ସରକାର ମଧ୍ୟ ଏହି ଆମଦାନୀକୁ ମଞ୍ଜୁରୀ ଦେଇଛନ୍ତି ।
ଗତ ମାର୍ଚ୍ଚ ମାସରୁ ସ୍ଥାନୀୟ ଲୋକେ ବଢ଼ୁଥିବା ମୂଷାଙ୍କ ସଂଖ୍ୟା ନେଇ ଅଭିଯୋଗ କରିଆସୁଛନ୍ତି । ସ୍ଥିତିକୁ ନଜରରେ ରଖି ନ୍ୟୁ ସାଉଥ୍ ଓ୍ୱେଲ୍ସ ସରକାର ଚାଷୀଙ୍କ ପାଇଁ ୫୦ ମିଲିୟନ୍ ଡଲାରର ସହାୟତା ମଧ୍ୟ ଘୋଷଣା କରିଛନ୍ତି । ତେବେ ଭାରତରୁ ବିଷ ଆମଦାନୀ କରି ଏହାର ପ୍ରୟୋଗ ଦ୍ୱାରା ଖାଦ୍ୟ ଶୃଙ୍ଖଳ ଉପରେ ମଧ୍ୟ ପ୍ରଭାବ ପଡ଼ିବ ବୋଲି ସେଠାକାର ବିଶେଷଜ୍ଞ ମତ ପ୍ରକାଶ କରିଛନ୍ତି । ମୂଷାଙ୍କ ସଂଖ୍ୟା ହ୍ରାସ ହେବା ଦ୍ୱାରା ତାକୁ ଖାଇ ବଞ୍ଚୁଥିବା ସାପ ଓ ମୂଷାଙ୍କ ସତ୍ତା ଉପରେ ମଧ୍ୟ ଏହାର ପ୍ରଭାବ ଦେଖିବାକୁ ମିଳିବ । ଏଥି ସହିତ ଚାଷ ଜମିରେ ଏହାର ପ୍ରୟୋଗ ଦ୍ୱାରା ଏଥିରୁ ଉପୁଜୁଥିବା ଫସଲର ଚାହିଦା ମଧ୍ୟ ଅନ୍ତର୍ଜାତୀୟ ବଜାରରେ କମିବ । ଏଣୁ ବିଷର ପ୍ରୟୋଗ ନେଇ ଏ ନେଇ ଅଷ୍ଟ୍ରେଲିଆର ନୀତି ସ୍ପଷ୍ଟ ହୋଇପାରିନି ।

ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଆକାଉଣ୍ଟକୁ ୨ ବର୍ଷ ପାଇଁ ସସପେଣ୍ଡ କଲା ଫେସବୁକ୍

Facebook Bans Trump: ଫେସବୁକ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଆକାଉଣ୍ଟକୁ ଦୁଇ ବର୍ଷ ପାଇଁ ସସପେଣ୍ଡ କରିଛି । ୬ ଜାନୁୟାରୀରେ କ୍ୟାପିଟାଲ ବିଲଡିଙ୍ଗ ଉପରେ ଆକ୍ରମଣ ହେବା ପୂର୍ବରୁ ହିଂସାତ୍ମକ କାର୍ଯ୍ୟକୁ ଉସୁକାଇଥିଲେ ଟ୍ରମ୍ପ୍‌ । ଯାହାକୁ ନେଇ ଏଭଳି ନିଷ୍ପତ୍ତି ନେଇଛି ଫେସବୁକ । ଏହା ସହିତ ଭବିଷ୍ୟତରେ ଯଦି କେହି ଏଭଳି କିଛି ପଦକ୍ଷେପ ନେଉଛନ୍ତି ତେବେ ଫେସବୁକ ସେମାନଙ୍କ ସହିତ କଠୋର ହେବ ।

ଚଳିତ ବର୍ଷ ଜାନୁଆରୀରୁ ତାଙ୍କର ଫେସବୁକ୍ ଆକାଉଣ୍ଟ ଉପରେ ଏହି ନିୟମ ଲାଗୁ ହୋଇଛି। ତେବେ ଭବିଷ୍ୟତରେ ଯଦି କେହି ଫେସବୁକର ନିୟମ ଭାଙ୍ଗନ୍ତି ସେମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଘୋଷଣା ମଧ୍ୟ କରାଯାଇଛି।

SDG ରିପୋର୍ଟକୁ ନେଇ ଅମରଙ୍କ ପ୍ରେସମିଟ୍: କହିଲେ, ପଞ୍ଚାୟତ ସ୍ତରକୁ ନଗଲେ ନିତି ଆୟୋଗ ଠିକ୍ ମାର୍କ ଜାଣିବେ କେମିତି?

ଭୁବନେଶ୍ୱର: ସସ୍‌ଟେନେବଲ୍ ଡେଭଲପେମେଣ୍ଟ ଗୋଲ (ଏସ୍‌ଡିଜି) ରିପୋର୍ଟରେ କିଏ ଉପରେ କିଏ ତଳେ ନଥାଏ । ଓଡ଼ିଶା ୨୦୧୮ରେ ୫୧ ମାର୍କ, ୨୦୧୯ରେ ୫୮ ଓ ୨୦୨୦ରେ ୬୧ ମାର୍କ ମିଳିଛି । ଓଡ଼ିଶା ୯ କ୍ଷେତ୍ରରେ ଭଲ ପ୍ରଦର୍ଶନକାରୀ, ୬ଟିରେ ରାଜ୍ୟ ଆଶାୟୀ ରହିଛି । ତେଣୁ ନୀତି ଆୟୋଗ ସହ ସବୁ ରାଜ୍ୟ ଆଲୋଚନା କରି ଲକ୍ଷ୍ୟ ହାସଲ କରିବା ଦିଗରେ କାମ କରିବା ଦରକାର ବୋଲି କହିଛନ୍ତି ବିଜେଡି ସାଂସଦ ଅମର ପଟ୍ଟନାୟକ । ଆଜି ପ୍ରେସମିଟ କରି କହିଛନ୍ତି, ଏହା ରାଜନୀତି ପାଇଁ ନୁହେଁ, ମାନବ ପାଇଁ ଉଦ୍ଦିଷ୍ଟ । ନିତି ଆୟୋଗ ପଞ୍ଚାୟତ ସ୍ତରକୁ ଯିବା ଦରକାର ।  ନ ହେଲେ ଠିକ ମାର୍କ ଜାଣି ହେବ ନାହିଁ । ତଥ୍ୟ ଗ୍ରାଉଣ୍ଡରୁ ଆସିବା ଦରକାର ବୋଲି ସେ କହିଛନ୍ତି । ୨୦୧୯ରେ ଇଜ ଅଫ ଡୁଇଙ୍ଗ ବିଜିନେସରେ ୯୨.୦୮ପ୍ରତିଶତ ମିଳିଲା । ୨୦୨୦ରେ ଶୂନ କେମିତି ହେଲା ବୋଲି ପ୍ରଶ୍ନ କରିଛନ ଅମର । ଏହାର ଅର୍ଥ ରାଜ୍ୟରେ କଣ ଶିଳ୍ପ ହୋଇନି । କରୋନା ସମୟରେ ଓଡ଼ିଶା ମହାରାଷ୍ଟ୍ର ଉପରେ ଥିବା ରିପୋର୍ଟ ଆସିଛି । ସେହିପରି ସ୍ବାସ୍ଥ୍ୟରେ ମମତା ଓ ବିଜୁ ସ୍ଵାସ୍ଥ୍ୟ ଯୋଜନା କିପରି ସ୍ୱାସ୍ଥ୍ୟ ସେବା ଦେଇଛି, ଅନ୍ତର୍ଜାତୀୟ ସଂସ୍ଥା ପ୍ରଶଂସା କରିଛନ୍ତି । ହେଲେ ଏଠି ରାଜ୍ୟ ଯୋଜନାକୁ ବାଦ ଦେଇ କେବଳ କେନ୍ଦ୍ର ଯୋଜନାକୁ ଆଧାର କରି ରିପ୍ରୋଟ ପ୍ରସ୍ତୁତ କରାଯାଇଛି । ଏହା ଅପରିପକ୍ବ । ରାଜ୍ୟ ଆନେମିଆରେ ଭଲ କରିନି । ହେଲେ ଓଡ଼ିଶା ଆନେମିଆ ମୁକ୍ତ ଭାରତରେ ଦ୍ଵିତୀୟ ରାଙ୍କରେ ଅଛୁ । ତଥ୍ୟ ଠିକ ଆସୁ ଆଉ କିପରି ଉନ୍ନିତି କରି ହେବ, ସେ ଦିଗରେ କରାଯାଉ । କେବଳ ସୂଚକାଙ୍କ ଆଧାରରେ କରିବା ଠିକ ନୁହେଁ । ରାଜ୍ୟ ବିଜେପି କି ଅନ୍ୟ ଦଳ, ଯେଉଁମାନେ ରାଜ୍ୟ ବିଷୟରେ ଭାବିବା କଥା କହିଛନ୍ତି, ସେମାନେ ମିଛରେ ବନ୍ୟାରେ ନ ଭାସନ୍ତୁ । ଏହି ରିପୋର୍ଟର ସଠିକ ବ୍ୟବହାର ହେବେ ଯଦି ତଥ୍ୟ ପ୍ରଦାନରେ ଉନ୍ନତି ହେବ । ଓଡ଼ିଶା ବହୁ କ୍ଷେତ୍ରରେ କେନ୍ଦ୍ର ସରକାରଙ୍କ ଠାରୁ ଆଗରୁ ଅଛି । ବିପର୍ଯ୍ୟୟ ପ୍ରଶମନରେ ରାଜ୍ୟ ଭଲ କରିଛି । ତାକୁ ଆଧାର କରି କୃଷିର ଉନ୍ନତି ସମ୍ପର୍କରେ କିଛି ନାହିଁ । ଆଉଟପୁଟକୁ ଗୁରୁତ୍ୱ ନ ଦେଇ ଆଉଟକମକୁ ଗୁରୁତ୍ୱ ଦିଆଯାଉ । ଡାଟା ସଠିକ କରାଯାଉ । ନୀତି ଆୟୋଗ କେସ ଷ୍ଟଡି କରି କାମ କରୁଥିବା ରାଜ୍ୟ ସରକାର ଆଶାବାଦୀ ଅଛନ୍ତି । କୋଭାକ୍ସିନର WHO ମାନ୍ୟତା ନ ଥିବାରୁ ଓଡିଶାର ଛାତ୍ରଛାତ୍ରୀ ବିଦେଶ ଯାଇ ପାରୁ ନାହାଁନ୍ତି । ସେ ଦିଗରେ ନୀତି ଆୟୋଗ ଧ୍ୟାନ ଦେଉ । ଯାହାର ତଥ୍ୟ ଆଣିବାରେ ମୁର୍ଖାମୀ ଅଛି, ତାକୁ ରାଜନୀତି କରାଯାଉଛି । ଏସଡିଜି ରିପୋର୍ଟ ରାଜନୈତିକ ରିପୋର୍ଟ ନୁହେଁ । ଅପରାଜିତା ଷଡଙ୍ଗୀ ଯେଉଁ ଭିତ୍ତିରେ କହୁଛନ୍ତି, ଗାଁ ସ୍ତରରେ ଯଦି କିଛି ଭଲ ହୋଇନି, ତାହେଲେ SDG ଗାଁ ଯାଏ ଯିବା ଦରକାର । ଉତ୍ତର ପ୍ରଦେଶ ବହୁତ ଖରାପ କରିଛି । ହେଲେ ତା କଥା କହି ଶାସକ ଦଳ ରାଜନୀତି କରିବାକୁ ଚାହୁଁନି । ରାଜ୍ୟ ଓ କେନ୍ଦ୍ର ସରକାର ମିଶିକି କାମ କରିବା ଦରକାର । କାରଣ କିଛି କ୍ଷେତ୍ରର ରିପୋର୍ଟ କେନ୍ଦ୍ର ସରକାର ବି ଦେଉଛନ୍ତି । ଯଦି ସନ୍ଦେହ ଅଛି ଲୋକଙ୍କୁ ପଚାରା ଯାଉ, ଯାହା ହୋଇଛି ବୋଲି କହିଛନ୍ତି ସାଂସଦ ଅମର ପଟ୍ଟନାୟକ ।

ଏଥିସହିତ ପଢ଼ନ୍ତୁ: ଅଭିନେତା ଅଟଳ ବିହାରୀଙ୍କ ବିୟୋଗରେ ମୁଖ୍ୟମନ୍ତ୍ରୀଙ୍କ ଶୋକ

ଗର୍ଭାବସ୍ଥା ସମୟରେ ସଂକ୍ରମିତ ହେଲେ ଶିଶୁଙ୍କ ଠାରେ ଦେଖାଦେଉଛି ଏହି ଭୟଙ୍କର ରୋଗ

ଜବଲପୁର: ନବଜାତଙ୍କ ପାଇଁ କରୋନା ହେଉଛି ଭୟଙ୍କର । କରୋନା କାରଣରୁ ଶିଶୁଙ୍କଠାରେ ଦେଖା ଦେଉଛି ଏଭଳି ମାରାତ୍ମକ ରୋଗ । କରୋନା ସମୟରେ ଅନ୍ୟାନ୍ୟ ରୋଗ ମଧ୍ୟ ସେମାନଙ୍କ ବଂଶ ବିସ୍ତାର କରିବାରେ ଲାଗିଛନ୍ତି । ଏହାର ପ୍ରଭାବ ସେହି ପିଲାମାନଙ୍କଠାରେ ଦେଖାଯାଉଛି, ଯେଉଁମାନେ ଏବେ ଏବେ ଏହି ଦୁନିଆରେ ପାଦ ଦେଇଛନ୍ତି । ପୋଷ୍ଟ କୋଭିଡର ପ୍ରଭାବ ସେହି ନବଜାତ ଶିଶୁମାନଙ୍କଠାରେ ଦେଖାଯାଉଛି, ଯେଉଁ ମାଆମାନେ ଗର୍ଭାବସ୍ଥାରେ କରୋନାରେ ସଂକ୍ରମିତ ହୋଇଛନ୍ତି । ଡାକ୍ତରଙ୍କ କହିବାନୁସାରେ, ଗର୍ଭବତୀ ଥିବା ସମୟରେ କରୋନା ସଂକ୍ରମଣ ଥିବା ମହିଳାମାନଙ୍କ ପାଇଁ ଜନ୍ମ ହୋଇଥିବା ନବଜାତ ଶିଶୁମାନଙ୍କଠାରେ ପୋଷ୍ଟ-କୋଭିଡର ପ୍ରଭାବ ସ୍ପଷ୍ଟ ଦେଖାଯାଉଛି । ଏବଂ ଜବଲପୁର ଜିଲ୍ଲାରେ ଏପରି ୫୦ରୁ ଅଧିକ ନବଜାତ ଶିଶୁ ସାମ୍ନାକୁ ଆସିଛନ୍ତି, ଯେଉଁମାନଙ୍କ ଠାରେ ମଲ୍ଟି ସିଷ୍ଟମ ଇନଫ୍ଲେମେଟର ସିଣ୍ଡ୍ରୋମ ରୋଗ ଦେଖାଯାଉଛି ।

ଏହି ରୋଗରେ ନବଜାତ ଶିଶୁର ଅନେକ ଅଙ୍ଗ ପ୍ରଭାବିତ ହେଉଛି । ଡାକ୍ତରମାନେ କହିଛନ୍ତି ଯେ ମଲ୍ଟି ସିଷ୍ଟମ ଇନଫ୍ଲେମେଟରୀ ସିଣ୍ଡ୍ରୋମ ଯୋଗୁଁ ନବଜାତ ଶିଶୁର କିଡନୀ, ହୃଦୟ, ଯକୃତ ଏବଂ ମସ୍ତିଷ୍କ ପ୍ରଭାବିତ ହେଉଛି । ଗର୍ଭବତୀ ମହିଳାମାନେ ଗର୍ଭଧାରଣର ଶେଷ ମାସରେ କରୋନା ସଂକ୍ରମିତ ହେବା ପରେ ସେମାନଙ୍କ ଶରୀରରେ ରୋଗ ପ୍ରତିରୋଧକ ଶକ୍ତି ତିଆରି ହୁଏ, ଯଦି ସମାନ ପ୍ରତିରୋଧକ ଶକ୍ତି ଆବଶ୍ୟକତାଠାରୁ ଅଧିକ ଶିଶୁ ଦେହକୁ ଚାଲିଯାଏ, ତେବେ ଶିଶୁର ଆଭ୍ୟନ୍ତରୀଣ ଅଙ୍ଗ ପ୍ରଭାବିତ ହେବ  । ଏହିପରି ପିଲାମାନଙ୍କର ଅଧିକ ଯତ୍ନ ନେବା ଆବଶ୍ୟକ । ଦେଶରେ ଏଭଳି ମାମଲା ନଜରକୁ ଆସିଛି, ତେଣୁ ଅନେକ ଶିଶୁ ବିଶେଷଜ୍ଞ ଏହା ଉପରେ ନିରନ୍ତର ଅଧ୍ୟୟନ କରୁଛନ୍ତି।

ବିଶେଷଜ୍ଞଙ୍କ ପରାମର୍ଶ ଆବଶ୍ୟକ

ଡାକ୍ତରଙ୍କ ଅନୁଯାୟୀ, ନବଜାତ ଶିଶୁମାନଙ୍କୁ ମଲ୍ଟି ସିଷ୍ଟମ ଇନଫ୍ଲାମେଟୋରୀ ସିଣ୍ଡ୍ରୋମ ରୋଗରୁ ରକ୍ଷା କରିବା ପାଇଁ ଗର୍ଭାବସ୍ଥାରେ ଶିଶୁରୋଗ ବିଶେଷଜ୍ଞଙ୍କ ସହିତ ପରାମର୍ଶ କରାଯିବା ଉଚିତ। ଯାହାଦ୍ୱାରା ଗର୍ଭଧାରଣ ସମୟରେ ଶିଶୁର ଯତ୍ନ ସଠିକ୍ ଭାବରେ କରାଯାଇପାରିବ । ଏହା ସ୍ପଷ୍ଟ ହୋଇଛି ଯେ ଯଦିଓ କରୋନା ମହାମାରୀ ଆଗାମୀ ସମୟରେ ଶେଷ ହୋଇଯିବ, କିନ୍ତୁ ଏହାର ପ୍ରଭାବ ଦଶନ୍ଧି ଧରି ଦେଖାଯିବ । ତେଣୁ ଦେଶର ଭବିଷ୍ୟତ ପ୍ରତି ଏହା ବିପଦଜନକ ବୋଲି ଅନୁମାନ କରାଯାଉଛି ।

ଅଭିନେତା ଟାଇଗର ଶ୍ରଫ୍ ଏବଂ ଦିଶା ପାଟାନୀଙ୍କ ବିରୋଧରେ ମାମଲା

ମୁମ୍ବାଇ: ଅଭିନେତା ଟାଇଗର ଶ୍ରଫ୍ ଏବଂ ଅଭିନେତ୍ରୀ ଦିଶା ପାଟାନୀଙ୍କ ବିରୋଧରେ ମାମଲା । ଲକଡାଉନ ନିୟମ ଉଲ୍ଲଂଘନ ଅଭିଯୋଗରେ ବାନ୍ଦ୍ରା ପୋଲିସ ଏକ ମାମଲା ରୁଜୁ କରିଛି । ଉଭୟଙ୍କ ବିରୋଧରେ ଭାରତୀୟ ଦଣ୍ଡବିଧି ଆଇନର ଧାରା ୧୮୮ (ସରକାରୀ ଆଦେଶ ପାଳନ ନକରିବା) ଏବଂ ୩୪ ଅନୁଯାୟୀ ଏକ ମାମଲା ରୁଜୁ କରାଯାଇଛି । ତେବେ ଉଭୟ ସେଲିବ୍ରେଟ୍ ଏହି ଘଟଣା ସମ୍ପର୍କରେ କୌଣସି ସ୍ପଷ୍ଟିକରଣ ରଖି ନାହାଁନ୍ତି।

କିନ୍ତୁ ଏନେଇ ପ୍ରତିକ୍ରିୟା ରଖିଛନ୍ତି ଟାଇଗରଙ୍କ ମା ଆୟେଶା ଶ୍ରଫ । ଏ ସମ୍ବନ୍ଧରେ ପ୍ରତିକ୍ରିୟା ରଖି ଟାଇଗର-ଦିଶାଙ୍କୁ ନିର୍ଦ୍ଦୋଶ ବୋଲି କହିଛନ୍ତି । ସେ କହିଛନ୍ତି ଯେ, ତାଙ୍କ ପୁଅ ଏବଂ ଦିଶା କିଛି ଜରୁରୀ ଜିନିଷ ପାଇଁ ବାହାରକୁ ଯାଇଥିଲେ। ଯଦିଓ ସେ ଏହି ପୋଷ୍ଟଟିକୁ ଡିଲିଟ କରିଦେଇଛି। ଆୟେଶା ଲେଖିଛନ୍ତି ଯେ, “ଆପଣଙ୍କୁ ଭୁଲ ତଥ୍ୟ ମିଳିଛି । ସେମାନେ ଘରକୁ ଫେରୁଥିବା ବେଳେ ପୋଲିସ କର୍ମଚାରୀମାନେ ସେମାନଙ୍କ ଆଧାର କାର୍ଡ ଯାଞ୍ଚ କରିଥିଲେ।”

ଆୟେଶା ଶ୍ରଫ ଆହୁରି ଲେଖିଛନ୍ତି, “ଏହି ଖରାପ ସମୟରେ ବାହାରେ ବୁଲିବାକୁ କେହି ଚାହାଁନ୍ତିନି । ଏସବୁ କହିବା ପୂର୍ବରୁ ସଠିକ୍ ତଥ୍ୟ ଜାଣିବା ନିହାତି ଆବଶ୍ୟକ। ଧନ୍ୟବାଦ।” ଏହାସହ ସେ ଲେଖିଛନନ୍ତି ଯେ, ତୁମର ସୂଚନା ପାଇଁ ମୁଁ ଜଣାଇ ଦେଉଛି ଯେ ଲୋକମାନେ ଅତ୍ୟାବଶ୍ୟକ ସାମଗ୍ରୀ ପାଇଁ ବାହାରକୁ ଯାଇପାରିବେ । ଏଥି ସହିତ, ଜଣେ ୟୁଜର ତାଙ୍କୁ ପଚାରିଥିଲେ, “ସେମାନେ କେଉଁଠାରୁ ଆସୁଥିଲେ ??? ମ୍ୟାଡାମ୍ ଏହାସର ଉତ୍ତର ଦେଇ ଆୟେଶା ଲେଖିଛନ୍ତି ସେ ବାହାରେ ଥିଲେ, ଏହା ହିଁ ମୁଖ୍ୟକଥା । କଣ ହେଲା ସେମାନେ ଯଦି ସେଲିବ୍ରିଟି, ନିୟମ ତ ସମସ୍ତ ନାଗରିକଙ୍କ ପାଇଁ ସମାନ ନା ।” ଏହାସହ ସେ କହିଛନ୍ତି ଯେ, ଆମେମାନେ ଯେତେବେଳେ ଭଲ କାମ କରୁଥିଲୁ ଲକଡାଉନ ସମୟରେ ସମ୍ମୁଖ ଯୋଦ୍ଧା ପାଇଁ ମାଗଣା ଖାଦ୍ୟ ଦେଉଥିଲୁ ସେ ସମୟରେ ତ କେହି ପ୍ରଶଂସା କରି ନଥିଲେ କିନ୍ତୁ ଏଭଳି ପରିସ୍ଥିତିରେ ତାଙ୍କୁ କାହିଁ ଲଜ୍ଜିତ କରାଯାଉଛି ।

କୋହଲିଙ୍କ ଜବରଦସ୍ତ ଫ୍ୟାନ୍ ଏହି ପାକିସ୍ତାନୀ, କହିଥିଲେ ‘ପ୍ଳିଜ୍‌ ମୁଝେ ବିରାଟ ଦେ ଦୋ’

ନୂଆଦିଲ୍ଲୀ: ପାକିସ୍ତାନର ରିଜଲା ରେହନା । ୨୦୧୯ରେ ଖୁବ୍ଚର୍ଚ୍ଚାକୁ ଆସିଥିଲେ ରିଜଲା । ୨୦୧୯ରେ ରିଜଲାଙ୍କୁ ଏକ ସାକ୍ଷାତକାରରେ ଏକ ପ୍ରଶ୍ନ କରାଯାଇଥିଲା, ଯେଉଁଥିରେ ପଚରା ଯାଇଥିଲାଯେ, ଯଦି ଟିମ୍ଇଣ୍ଡିଆ ପକ୍ଷରୁ ପାକିସ୍ତାନକୁ କିଛି ଉପହାର ଦିଆଯାଏ, ତେବେ କ’ଣ ନେବାକୁ ଚାହିଁବେ ? ରିଜଲା ତତକ୍ଷଣାତ୍କହିଥିଲେ‘ମୁଝେ ବିରାଟ ଦେ ଦୋ’, ‘ପ୍ଲିଜ୍ମୁଝେ ବିରାଟ ଦେ ଦୋ’ । ଯାହାକୁ ନେଇ ସେ ଖୁବ୍ଚର୍ଚ୍ଚାକୁ ଆସି ଯାଇଥିଲେ ।

ସୋସିଅଲ ମିଡିଆରେ ରିଜଲାଙ୍କର ଫ୍ୟାନ ଫଲୋଇଙ୍ଗ୍ଯଥେଷ୍ଟ ଅଧିକ । ଅଧିକାଂଶ ସମୟରେ ସେ କ୍ରିକେଟ ସହିତ ଜଡ଼ିତ ପୋଷ୍ଟ ଶେୟାର କରନ୍ତି ।
ସୂଚନାଯୋଗ୍ୟ ରିଜଲା ରିହାନ ପ୍ରଥମ ଥର ଏସିଆ କପ୍୨୦୧୮ରେ ଚର୍ଚ୍ଚାକୁ ଆସିଥିଲେ । ୨୦୧୯ରେ ଭାରତ ଏବଂ ପାକିସ୍ତାନ ମଧ୍ୟରେ ମାଞ୍ଚେଷ୍ଟରରେ ହୋଇଥିବା ମ୍ୟାଚରେ ଉପସ୍ଥିତ ଥିଲେ । ୨୦୧୯ ଓ୍ୱର୍ଲଡ କପ୍ସେମି ଫାଇନାଲ ଭାରତ ଏବଂ ନିଉଜିଲାଣ୍ଡ ମଧ୍ୟରେ ଖେଳା ଯାଇଥିଲା । ଏହି ମ୍ୟାଚର ଟିକେଟ୍ରିଜଲା ପ୍ରଥମେ କିଣିଥିଲେ । ସେ ଭାବିଥିଲେ ପାକିସ୍ତାନ ସେମିଫାଇନାଲରେ ପହଞ୍ଚିବାରେ ସଫଳ ହେବ ।

ଯଦିଓ ରିଜଲା ପାକିସ୍ତାନର କରାଚୀର ବାସିନ୍ଦା, ତଥାପି ସେ ଦୀର୍ଘ ୧୨ ବର୍ଷ ହେବ ଦୁବାଇରେ ରହୁଛନ୍ତି । ରିଜଲା ରିହାନ ୨୦୧୯ ଓ୍ୱର୍ଲଡ କପରେ ଭାରତକୁ ସମର୍ଥନ କରିଥିଲେ ।

ଦିଲ୍ଲୀରେ ଅଡ୍-ଇଭେନ୍ ନମ୍ବର ହିସାବରେ ଖୋଲିବ ଦୋକାନ

ନୂଆଦିଲ୍ଲୀ: ଦିଲ୍ଲୀରେ କରୋନା ସଂକ୍ରମିତଙ୍କ ସଂଖ୍ୟା କମିବା କାରଣରୁ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଆସନ୍ତା ସପ୍ତାହରୁ ଲକଡାଉନରେ କିଛି ରିହାତି ଘୋଷଣା କରିଛନ୍ତି। ଜୁନ୍ ୭ ତାରିଖରୁ ଅଡ୍ ଇଭେନ୍ ନମ୍ବର ଆଧାରରେ ଦୋକାନ ଓ ମଲ୍ ଖୋଲିବ ବୋଲି ସେ ଘୋଷଣା କରିଛନ୍ତି। ଏହାସହିତ ୫୦ ପ୍ରତିଶତ କ୍ଷମତା ସହିତ ମେଟ୍ରୋ ସେବା ଆରମ୍ଭ ହେବ। କେଜ୍ରିୱାଲ କହିଛନ୍ତି ଯେ, ଦିଲ୍ଲୀରେ କରୋନାର ତୃତୀୟ ପ୍ରବାହ ଆସିବା ନେଇ ବିଶେଷଜ୍ଞ ଆଶଙ୍କା କରିଛନ୍ତି। ତେଣୁ ତାକୁ ନେଇ ସରକାର ରଣନୀତି ପ୍ରସ୍ତୁତ କରୁଛନ୍ତି ମୁଖ୍ୟମନ୍ତ୍ରୀ କେଜ୍ରିୱାଲ କହିଛନ୍ତି ଯେ, ୭ ତାରିଖରୁ ଦିଲ୍ଲୀର ଘରୋଇ କଂପାନୀ ୫୦ ପ୍ରତିଶତ କ୍ଷମତା ସହିତ କାର୍ଯ୍ୟ ଆରମ୍ଭ କରିପାରିବେ। ଜରୁରୀ ସାମଗ୍ରୀର ଦୋକାନ ସବୁଦିନ ଖୋଲିବ। ନୂଆ ଗାଇଡଲାଇନ୍ ଅନୁସାରେ ସରକାରୀ ଅଫିସ ୧୦୦ ପ୍ରତିଶତ ଗ୍ରୁପ୍ ଏ ଅଫିସର ଓ ୫୦ ପ୍ରତିଶତ ତଳିଆ କର୍ମଚାରୀଙ୍କୁ ନେଇ କାର୍ଯ୍ୟ କରିବେ। ଜରୁରୀ ସେବାରେ ୧୦୦ ପ୍ରତିଶତ କର୍ମଚାରୀ କାର୍ଯ୍ୟ କରିବେ।

ଜଣେ ଅଧିକାରୀ କହିଛନ୍ତି ଯେ, ସରକାର କୋଭିଡ୍ ୧୯ ସ୍ଥିତିରେ ଧିରେ ଧିରେ ସୁଧାର ଆସିବା ସହିତ ୭ ଜୁନରୁ ବଜାର ଖୋଲିବ ଓ ଅନ୍ୟ ଗତିବିଧିକୁ ଅନୁମତି ମିଳିବ। ଗତ ସପ୍ତାହରେ ସରକାର ଦିଲ୍ଲୀରେ ଅନଲକ୍ ପ୍ରକ୍ରିୟା ଆରମ୍ଭ କରିଥିଲେ।

ବିଜୁ ଛାତ୍ର ଜନତା ଦଳ ପକ୍ଷରୁ କରୋନା ସଚେତନତା ସହିତ ମାସ୍କ୍ ଏବଂ ଶୁଖିଲା ଖାଦ୍ୟ ବଣ୍ଟନ

ଭୁବନେଶ୍ୱର:  ବିଶ୍ୱବ୍ୟାପି କରୋନା ମହାମାରୀ ସମୟରେ   ଲୋକଙ୍କୁ ସହାୟତା କରିବା ପାଇଁ ଆଗଭର ହୋଇଛି ଓଡ଼ିଶା ମୋ ପରିବାର । ଏହା ଅଧୀନରେ ଅଧିକାଂଶ ସ୍ଥାନରେ ପ୍ରତିଦିନ ଏହାର କାର୍ଯ୍ୟକର୍ତ୍ତା ଲୋକଙ୍କୁ ସହଯୋଗର ହାତ ବଢାଉଛନ୍ତି । ଶନିବାର ଓଡ଼ିଶା ମୋ ପରିବାର ଆନୁକୂଲ୍ୟରେ ଓଡ଼ିଶା ମୋ ପରିବାର ର ଜିଲ୍ଲା ସଂଯୋଜକ ପ୍ରଦୀପ ସାହୁଙ୍କ ସହାୟତାରେ ବିଜୁ ଛାତ୍ର ଜନତା ଦଳ କେଉଁଝର ତରଫରୁ କେଉଁଝରର ଝୁମ୍ପୂରା ଠାରେ କରୋନା ସଚେତନତା, ମାସ୍କ୍ ବଣ୍ଟନ କରିଛନ୍ତି । ଏହା ବ୍ୟତୀତ ଗରିବ ଲୋକ , ଅନାଥ ଶିଶୁ ଏବଂ କିଛି ବେସାହାରା ବିଧବା ଲୋକଙ୍କୁ ମଧ୍ୟ ଶୁଖିଲାଖାଦ୍ୟ ବଣ୍ଟନ କରିଛନ୍ତି ।

ଜିଲ୍ଲା ଛାତ୍ର ସଭାପତି ଅବିନାଶ ପଟ୍ଟନାୟକ ଏବଂ ଜିଲ୍ଲା ଛାତ୍ର ସମ୍ପାଦକ ଏସ କେ ସଫିକଙ୍କ ନେତୃତ୍ୱରେ ଏହାର ଆୟୋଜନ କରାଯାଇଥିଲା । ବିଜୁ ଛାତ୍ର ଜନତା ଦଳର ଅନେକ ଛାତ୍ର ନେତୃମଣ୍ଡଳୀ ଏବଂ ଛାତ୍ର କର୍ମୀ ମଧ୍ୟ ଏହି କାର୍ଯ୍ୟକ୍ରମ ରେ ଉପସ୍ଥିତ ରହି ନିଜର ସମ୍ପୂର୍ଣ୍ଣ ସହଯୋଗ ଦେଇଥିଲେ।
ତେବେ ଏହା ପୂର୍ବରୁ ବାଲେଶ୍ୱରରେ ଓଡ଼ିଶା ମୋ ପରିବାରର କାର୍ଯକର୍ତ୍ତା ବାଲେଶ୍ୱରରେ ମଧ୍ୟ ଏହିଭଳି ସମାନ ପଦକ୍ଷେପ ନେଇଥିଲେ ।

ଆରଏସଏସ ମୁଖ୍ୟ ମୋହନ ଭାଗବତଙ୍କ ଟ୍ୱିଟର ଆକାଉଣ୍ଟରୁ ହଟିଲା ବ୍ଲୁଟିକ୍

ନୂଆଦିଲ୍ଲୀ: ମାଇକ୍ରୋବ୍ଲଗିଂ ପ୍ଲାଟଫର୍ମ ଟ୍ୱିଟର ଉପରାଷ୍ଟ୍ରପତି ଏମ୍. ଭେଙ୍କିଆ ନାଇଡୁଙ୍କ ଟ୍ୱିଟର ଆକାଉଣ୍ଟରୁ ଦୁଇ ଘଣ୍ଟା ପାଇଁ ବ୍ଲୁଟିକ୍ ହଟାଇବା ପରେ ଏବେ ରାଷ୍ଟ୍ରୀୟ ସ୍ୱୟଂ ସେବକ ସଂଘ ମୁଖ୍ୟ ମୋହନ ଭାଗବତଙ୍କ ଆକାଉଣ୍ଟକୁ ଅନ୍ ଭେରିଫାଇଡ୍ କରିଦେଇଛି । ଅର୍ଥାତ ଭଗବତଙ୍କ ଆକାଉଣ୍ଟରୁ ବ୍ଲୁଟିକ୍ ହଟିଯାଇଛି । କେବଳ ଭଗବତ ନୁହନ୍ତି ଆରଏସଏସର ପୂର୍ବତନ ସରକାର୍ଯ୍ୟବାହକ ଭୟାଜି ଜୋଷୀ,ପୂର୍ବତନ ସହ ସରକାର୍ଯ୍ୟବାହକ ସୁରେଶ ସୋନି ଓ ସର କାର୍ଯ୍ୟବାହକ ଅରୁଣ କୁମାରଙ୍କ ଆକାଉଣ୍ଟକୁ ମଧ୍ୟ ଟ୍ୱିଟର ଅନଭେରିଫାଇଡ୍ କରିଦେଇଛି ।

ଉପରାଷ୍ଟ୍ରପତିଙ୍କ ଆକାଉଣ୍ଟରୁ ବ୍ଲୁଟିକ୍ ହଟିବା ପରେ ହଙ୍ଗାମା ହୋଇଥିଲା । ବ୍ଲୁଟିକ୍ ହଟିବାର ୨ ଘଣ୍ଟା ପରେ ଟ୍ୱିଟର ପୁଣିଥରେ ଆକାଉଣ୍ଟକୁ ବ୍ଲୁଟିକ୍ ଦେଇଥିଲା । ଟ୍ୱିଟର ପକ୍ଷରୁ କୁହାଯାଇଥିଲା ଯେ, ଉପରାଷ୍ଟ୍ରପତିଙ୍କ ଆକାଉଣ୍ଟ ଗତ ୬ ମାସ ଧରି ଅପଡେଟ୍ ହେଉନଥିବାରୁ ବ୍ଲୁଟିକ୍ ହଟାଯାଇଥିଲା । ଉପରାଷ୍ଟ୍ରପତିଙ୍କ ଆକାଉଣ୍ଟରୁ ବ୍ଲୁଟିକ୍ ହଟାଯିବାକୁ ନେଇ କେନ୍ଦ୍ର ସରକାରଙ୍କ ଆଇଟି ବିଭାଗ ଅସନ୍ତୁଷ୍ଠ ଥିଲା ବୋଲି କୁହାଯାଉଥିଲା । ଟ୍ୱିଟର ଓ ସରକାରଙ୍କ ମଧ୍ୟରେ ଚାଲିଥିବା ଲଢେଇର ଏହା ଅଂଶ ବୋଲି କୁହାଯାଉଛି ।

ଏବେ ମୋହନ ଭାଗବତଙ୍କ ଆକାଉଣ୍ଟରୁ ବ୍ଲୁଟିକ୍ ସେହି ଏକା କାରଣରୁ ହଟାଯାଇଥିବା ଅନୁମାନ କରାଯାଉଛି । କାରଣ ଭଗବତଙ୍କ ଆକାଉଣ୍ଟ୍ ୨୦୧୯ରେ ତିଆରି ହୋଇଥିଲା କିନ୍ତୁ ଗତ ୬ମାସରୁ ଅଧିକ ଦିନ ଧରି ଏହା ନିଷ୍କ୍ରିୟ ଅଛି ।

ବିନା ନୋଟିସରେ ହଟାଇ ପାରେ ବ୍ଲୁଟିକ୍

ଟ୍ୱିଟର ବିନା ନୋଟିସରେ ଗୋଟିଏ ଆକାଉଣ୍ଟରୁ ବ୍ଲୁଟିକ୍ ହଟାଇ ପାରେ । ବ୍ଲୁ ଭେରିଫାଇଡ୍ ବ୍ୟାଜ୍ ଓ ଭେରିଫାଇଡ୍ ଷ୍ଟାଟସ ହଟାଇବା ପାଇଁ ଟ୍ୱିଟର ନୋଟିସ ଦେବାକୁ ବାଧ୍ୟ ନୁହେଁ । କୌଣସି ଆକାଉଣ୍ଟ ନିଜ ନାମ ବଦଳାଇଲେ କିମ୍ବା ନିଷ୍କ୍ରିୟ ରହିଲେ ଅଥବା ଯଦି ଆକାଉଣ୍ଟ ଅସମ୍ପୂର୍ଣ୍ଣ ରହିଥାଏ ତେବେ ଟ୍ୱିଟର ବ୍ଲୁଟିକ୍ ହଟାଇ ଦେଇଥାଏ ।

କମ୍ପାନୀ ଅନୁସାରେ ବ୍ଲୁ ଟିକ୍ ହଟାଇବା ଅର୍ଥ ହେଉଛି ଆକାଉଣ୍ଟ୍ ଜନହିତ ସହ ଜଡିତ ଓ ଏହା ଏକ ବାସ୍ତବିକ ଆକାଉଣ୍ଟ ।