ନୂଆଦିଲ୍ଲୀ: ଥମୁନି ପଞ୍ଜାବ କଂଗ୍ରେସ ବିବାଦ। କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧି ଓ ରାହୁଲ ଗାନ୍ଧିଙ୍କୁ ପୁଣି ଭେଟିଲେ ନବଜୋତ ସିଂ ସିଦ୍ଧୁ। ଦଳରେ ସ୍ଥିରତା ଫେରାଇ ଆଣିବା ଉଦ୍ଦେଶ୍ୟରେ ଗତରାତିରେ ବିଦ୍ରୋହୀ ଗୋଷ୍ଠୀର ଏକ ବୈଠକ ପରେ ଗାନ୍ଧିଙ୍କୁ ସିଦ୍ଧୁ ଭେଟିବା ଗୁରୁତ୍ୱପୂର୍ଣ୍ଣ ହୋଇଛି। ପିସିସି ସଭାପତି ସୁନୀଲ ଜାଖଡଙ୍କୁ ହଟାଇ ତାଙ୍କ ସ୍ଥାନରେ ନବଜୋତଙ୍କୁ ପିସିସି କରିବା ଲାଗି ଯେଉଁ ଉଦ୍ୟମ ଚାଲିଛି ତାହାକୁ ମୁଖ୍ୟମନ୍ତ୍ରୀ ଅମରିନ୍ଦର ସିଂ ବିରୋଧ କରୁଥିବା କୁହାଯାଉଛି। ସିଦ୍ଧୁଙ୍କୁ ଏହି ପଦବି ଦିଆଯାଉଥିବା ନେଇ ଖବର ପ୍ରକାଶ ପାଇବା ପରେ ରାଜ୍ୟ କଂଗ୍ରେସର ହଲଚଲ ସୃଷ୍ଟି ହୋଇଥିଲା। ଗତକାଲି ରାତିରେ ଅମରିନ୍ଦର ଓ ସିଦ୍ଧୁ ନିଜ ନିଜର ସମର୍ଥକ ବିଧାୟକ ଓ ମନ୍ତ୍ରୀଙ୍କୁ ନେଇ ସ୍ୱତନ୍ତ୍ର ବୈଠକ ଆୟୋଜନ କରିଥିଲେ। ସିଦ୍ଧୁଙ୍କ ଶିବିରରେ ୩ କ୍ୟାବିନେଟ ମନ୍ତ୍ରୀ ଓ ୬ ଜଣ ବିଧାୟକ ଯୋଗ ଦେଇଥିଲେ।
ଥମିବାର ନାଁ ନେଉନି ଦକ୍ଷିଣ ଆଫ୍ରିକା ହିଂସା, ଗଡିଲାଣି ୮୦ ମୁଣ୍ଡ
ନନ୍ଦିଘୋଷ ଟିଭି ବ୍ୟୁରୋ: ବେଳକୁ ବେଳ ଅସ୍ଥିର ହେଉଛି ଦକ୍ଷିଣ ଆଫ୍ରିକା ରାଜନୀତି। ତିନି ଭାରତୀୟ ଭାଇଙ୍କ ଲାଗି ଜଳୁଛି ଦକ୍ଷିଣ ଆଫ୍ରିକା। ରାଜଧାନୀ ଜୋହନସବର୍ଗ ଓ ଡର୍ବାନ ସମେତ ଅଧିକାଂଶ ସହରରେ ଅସ୍ଥିରତା। ଆନ୍ଦୋଳନକାରୀଙ୍କୁ ଦେଖିବା ମାତ୍ରେ ଗୁଳି ନିର୍ଦ୍ଦେଶ। ଗଡିଲାଣି ୮୦ରୁ ଅଧିକ ଲୋକଙ୍କ ମୁଣ୍ଡ। ହେଲେ କଣ ରହିଛି ଏହା ପଛରେ କାରଣ। କାହିଁକି ଏହି ଅସ୍ଥିରତା। ଦୁର୍ନୀତି ଅଭିଯୋଗରେ ଜେଲରେ ଥିବା ପୂର୍ବତନ ରାଷ୍ଟ୍ରପତି ଜ୍ୟାକବ ଜୁମାଙ୍କ ମୁକ୍ତି ନେଇ ଚାଲିଛି ସମର। ସେ ଉପରାଷ୍ଟ୍ରପତି ଥିବାବେଳେ ୧୯୯୯ରେ ୨୦୦ କୋଟି ଡଲାରର ଅସ୍ତ୍ର କାରବାର ଦୁର୍ନୀତି ଓ ୨୦୦୯ରୁ ୨୦୧୮ ମଧ୍ୟରେ ସେ ରାଷ୍ଟ୍ରପତି ଥିବାବେଳେ ହୋଇଥିବା ଅନ୍ୟାନ୍ୟ ଦୁର୍ନୀତି ମାମଲାରେ ଜେଲରେ ଅଛନ୍ତି ଜୁମା।
ଆଫ୍ରିକାନ ନ୍ୟାସନାଲ କଂଗ୍ରେସର ସର୍ବଶକ୍ତିମାନ ନେତା ଜୁମାଙ୍କ ମୁକ୍ତି ଦାବିରେ ଚାଲିଛି ଆନ୍ଦୋଳନ। ତେବେ ଦେଶର ଏହି ସ୍ଥିତି ପଛରେ ମୁଖ୍ୟ କାରଣ ହେଉଛନ୍ତି ଭାରତୀୟ ତିନି ଭାଇ। ଉତ୍ତରପ୍ରେଦଶର ସାହାରନପୁରର ଅତୁଲ ଗୁପ୍ତା, ଅଜୟ ଗୁପ୍ତା, ରାଜେଶ ଗୁପ୍ତା ଚର୍ଚ୍ଚାରେ। ସାହାରନପୁରର ଏହି ପରିବାର ଅତି ଦରିଦ୍ର ଥିଲେ। ୧୯୯୩ରେ ବଡଭାଇ ଅତୁଲ ପ୍ରଥମେ ଦକ୍ଷିଣ ଆଫ୍ରିକା ଚାଲିଯାଇ ସେଠାରେ ଜୋତା ବିକିବା ଆରମ୍ଭ କରିଥିଲେ। ପରେ ସେ ସାହାରା କମ୍ପ୍ୟୁଟର ନାମକ ଏକ ଛୋଟ କମ୍ପାନୀ ଖୋଲି ଅନ୍ୟ ଭାଇମାନଙ୍କୁ ନେଇଯାଇଥିଲେ। ସେଠାରୁ ଆରମ୍ଭ ହୋଇଥିଲା ଗୁପ୍ତା ବ୍ରଦର୍ସଙ୍କ ବିଜୟର ଯାତ୍ରା।
ବିଭିନ୍ନ ରାଜନୈତିକ ସମ୍ପର୍କ ସୃଷ୍ଟି କରିବା ପରେ ବିମାନ, ଶକ୍ତି, ଖଣି, ପ୍ରଯୁକ୍ତି ଓ ମିଡିଆରେ ଗୁପ୍ତାଙ୍କ ନିବେଶ ବୃଦ୍ଧି ହେଲା। ଏହାର ଭିତରେ ଜୁମାଙ୍କ ସହ ତାଙ୍କର ସମ୍ପର୍କ ପ୍ରତିଷ୍ଠା ହେଲା। ଏହି ସମ୍ପର୍କ ଏତେ ଘନିଷ୍ଠ ହୋଇଯାଇଥିଲା ଯେ ଏହି ୪ ଜଣଙ୍କୁ ଗୁପ୍ତା ବୋଲି କୁହାଗଲା। ଅତୁଲ ଗୁପ୍ତା ଦକ୍ଷିଣ ଆଫ୍ରିକାର ସପ୍ତମ ସର୍ବଶ୍ରେଷ୍ଠ ଧନୀ ହୋଇଥିବାବେଳେ ତାଙ୍କ ସମ୍ପତ୍ତି ପରିମାଣ ୭ଶହ ନିୟୁତ ଡଲାର। ମନ୍ତ୍ରୀ ନିଯୁକ୍ତି, କିଛି ମନ୍ତ୍ରୀଙ୍କୁ କ୍ୟାବିନେଟ ପାହ୍ୟା ଦେବା ସେମାନଙ୍କ ବାଁ ହାତର ଖେଳ ଥିଲା।
ଏପରିକି ଅତୁଲଙ୍କ ଆକାଉଣ୍ଟରେ କୃଷକଙ୍କ ଲାଗି ଉଦ୍ଦିଷ୍ଟ କୋଟି କୋଟି ଡଲାର ଜମା ହେଉଥିଲା। ଗୁପ୍ତା ବ୍ରଦର୍ସଙ୍କୁ ଉତ୍ତରାଖଣ୍ଡ ସରକାର ଜେଡ କ୍ୟାଟେଗୋରୀ ସୁରକ୍ଷା ବି ଦେଇଛନ୍ତି। ଗୁପ୍ତାଙ୍କ ପ୍ରାଧାନ୍ୟ ନେଇ ୨୦୧୭ରେ ପ୍ରାୟ ୧ ଲକ୍ଷ ମେଲ୍ ଲିକ୍ ହୋଇଥିଲା ଯାହାକୁ ନେଇ ସାରା ଦେଶରେ ଚାଞ୍ଚଲ୍ୟ ଖେଳିଯାଇଥିଲା। ୨୦୧୮ ରେ ଜୁମା କ୍ଷମତାରୁ ହଟିବା ପରେ ଗୁପ୍ତା ବ୍ରଦର୍ସ ଚାଲିଯାଇଥିଲେ ଦୁବାଇ। ବିଭିନ୍ନ ଦୁର୍ନୀତି ଅଭିଯୋଗ କ୍ରମେ ଜୁମା ୧୫ ମାସ ଲାଗି ଜେଲଦଣ୍ଡରେ ଦଣ୍ଡିତ ହୋଇଛନ୍ତି। ସେପଟେ ତାଙ୍କ ଗିରଫଦାରୀ ବିରୋଧରେ ଦେଶରେ ଦେଖାଦେଇଛି ଅସ୍ଥିରତା।
ଜୁମାଙ୍କ ନିଜ ଘର କ୍ୱାଜାଲୁ ନାଟାଲ ଓ ଗୁଟେଙ୍ଗରେ ଚାଲିଛି ଲୁଟତରାଜ। ସେପଟେ ଦେଶରେ ପୁଣି ମୁଣ୍ଡ ଟେକିଛି ବର୍ଣ୍ଣ ବୈଷମ୍ୟବାଦ। ଅର୍ଥନୈତିକ ଅଗ୍ରଗତି ହୋଇ ନଥିବା ପ୍ରତିବାଦରେ ବଢିଛି ଆନ୍ଦୋଳନ। ଏହା ସହ କୋଭିଡ ପରିଚାଳନାରେ ସରକାରଙ୍କ ବିଫଳତା, ଅଧିକ ମୃତ୍ୟୁ ସଂଖ୍ୟାକୁ ନେଇ ତାତିଛନ୍ତି ଲୋକ। ଦେଶରେ ମୁଣ୍ଡପିଛା ଆୟ ହ୍ରାସ ପାଇଥିବାବେଳେ ଲଗାତର ୬ ବର୍ଷ ଧରି ଅଭିବୃଦ୍ଧି ହାର ହ୍ରାସ ପାଇଛି। ବେକାରୀ ହାର ୪୪ ପ୍ରତିଶତ ହୋଇଛି। ଭୟଙ୍କର ଅସ୍ଥିରତା ମଧ୍ୟରେ ଦେଶର ଅର୍ଥନୈତିକ ଅବସ୍ଥା ଚାଲିଗଲାଣି ବହୁ ବର୍ଷ ପଛକୁ।
ଇସ୍ରାଏଲ ଦୂତାବାସ ବିସ୍ଫୋରଣ: ଗିରଫ ହୋଇଥିବା ୪ ଛାତ୍ରଙ୍କୁ ମିଳିଲା ଜାମିନ, ସେମାନଙ୍କର ନାହିଁ ଆତଙ୍କବାଦୀ ଲିଙ୍କ୍
ଭୁବନେଶ୍ୱର: ନୂଆଦିଲ୍ଲୀସ୍ଥିତ ଇସ୍ରାଏଲ ଦୂତାବାସ ସମ୍ମୁଖରେ ହୋଇଥିବା ବିସ୍ଫୋରଣ ମାମଲା। କାରଗିଲର ୪ ଅଭିଯୁକ୍ତ ଛାତ୍ରଙ୍କୁ ଜାମିନ। ଗତ ଜାନୁଆରୀ ୨୯ ତାରିଖରେ ଦୂତାବାସ ସମ୍ମୁଖରେ ହୋଇଥିବା ବିସ୍ଫୋରଣ ଘଟଣାରେ ଏହି ୪ ଛାତ୍ରଙ୍କୁ ଗିରଫ କରିଥିଲା ଦିଲ୍ଲୀ ପୋଲିସ ସ୍ୱତନ୍ତ୍ର ସେଲ୍। ସେମାନଙ୍କ ବିରୋଧରେ ସେପରି କୌଣସି ପ୍ରମାଣ ନ ଥିବା ଆଧାରରେ ଜାମିନ ମଞ୍ଜୁର କରିଛନ୍ତି ମେଟ୍ରୋପଲିଟାନ ମାଜେଷ୍ଟ୍ରେଟ। ଜାମିନ ପାଇଥିବା ଏହି ୪ ଛାତ୍ର ହେଲେ ନାଜିର ହୁସେନ, ଜୁଲଫିକର ଅଲ୍ଲୀ, ଆଜାଜ ହୁସେନ ଓ ମୁଜାମିଲ ହୁସେନ। ସେମାନେ କୌଣସି ଏକ ଆତଙ୍କବାଦୀ ସଂଗଠନ ସହ ଜଡିତ ବୋଲି ସେମାନଙ୍କ ନାଁରେ ଅଭିଯୋଗ ହୋଇଥିଲା। ୨୦ ବର୍ଷରୁ କମ ବୟସ୍କ ଏହି ୪ ଛାତ୍ରଙ୍କ ବୟସ, ଘଟଣାକ୍ରମ ଆଦିକୁ ବିଚାରକୁ ନେଇ ମାଜିଷ୍ଟ୍ରେଟ ଡଃ ପଙ୍କଜ ଶର୍ମା ସେମାନଙ୍କୁ ଜାମିନ ପ୍ରଦାନ କରିଛନ୍ତି। ଏହି ବିସ୍ଫୋରଣ ମାମଲାର ତଦନ୍ତ କରୁଥିଲେ ଜାତୀୟ ତଦନ୍ତକାରୀ ସଂସ୍ଥା। ବିସ୍ଫୋରଣ ଅଭିଯୋଗରେ ଏହି ୪ ଛାତ୍ରଙ୍କୁ ଦିଲ୍ଲୀ ପୋଲିସର ସ୍ପେଶାଲ ସେଲ୍ ସେମାନଙ୍କୁ ଜୁନ ୨୩ରେ ଗିରଫ କରିଥିଲା। ସେମାନଙ୍କୁ ଚିହ୍ନଟ ସକାଶେ ଏନଆଇଏ ପ୍ରତି ପିଲା ଲାଗି ୧୦ ଲକ୍ଷ ଟଙ୍କା ଲେଖାଏଁ ଟଙ୍କାର ପୁରସ୍କାର ଘୋଷଣା କରିଥିଲା।
ଶ୍ରୀନଗର ଏନକାଉଣ୍ଟରରେ ୨ ଆତଙ୍କବାଦୀ ନିହତ, ଚଳିତ ବର୍ଷ ୭୮ ଆତଙ୍କବାଦୀଙ୍କୁ ଏନକାଉଣ୍ଟର
ଶ୍ରୀନଗର: ଶ୍ରୀନଗରରେ ସୁରକ୍ଷାକର୍ମୀ-ଆତଙ୍କବାଦୀ ଗୁଳି ବିନିମୟରେ ୨ ଆତଙ୍କୀ ନିହତ । ଜାମ୍ମୁ-କାଶ୍ମୀରର ଆଲାମଦାର କଲୋନୀ, ଡାନାମାର ଅଞ୍ଚଳରେ ଆତଙ୍କବାଦୀ ଲୁଚି ରହିଥିବା ଖବରପାଇଁ ସୁରକ୍ଷାକର୍ମୀ ସେଠାରେ ପହଞ୍ଚିଥିଲେ । ଉଭୟ ପକ୍ଷରୁ ଗୁଳିଚାଳନାରେ ୨ ଆତଙ୍କବାଦୀ ନିହତ ହୋଇଛନ୍ତି । ଆତଙ୍କବାଦୀ ଦ୍ବୟ ସ୍କର-ଏ-ତୋଏବାର ସଦସ୍ୟ ବୋଲି ଜଣାପଡ଼ିଛି । ସ୍ଥାନୀୟ ଅଞ୍ଚଳରେ ଏବେ ବି ସର୍ଚ୍ଚ ଅପରେସନ ଜାରି ରହିଛି ।
ଆଇଜିପି ବିଜୟ କୁମାରଙ୍କ ସୂଚନା ଅନୁଯାୟୀ, ଚଳିତ ବର୍ଷ କାଶ୍ମୀରରେ ୭୮ ଆତଙ୍କବାଦୀଙ୍କୁ ଏନକାଉଣ୍ଟର କରାଯାଉଛି। ନିହତ ହୋଇଥିବା ମୋଟ ଆତଙ୍କବାଦୀଙ୍କ ମଧ୍ୟରୁ ୩୯ ଜଣ ଆତଙ୍କବାଦୀ ଲଶ୍କର-ଏ-ତାଇବା ସଂଗଠନର। ଅନ୍ୟ ଆତଙ୍କବାଦୀମାନେ ହିଜବୁଲ ମୁଜାହିଦ୍ଦିନ, ଅଲ-ବଦର, ଜୈଶ-ଏ-ମହମ୍ମଦ ଏବଂ ଅନସର-ଗାଜୱାଟୁଲ-ହିନ୍ଦ ସହିତ ଜଡିତ ଥିଲେ।
ସେପଟେ ଜାମ୍ମୁରେ ପୁଣି ଉଡ଼ିଲା ଡ୍ରୋନ୍। ଜାମ୍ମୁ-କାଶ୍ମୀରର ୪ଟି ସ୍ଥାନରେ ସନ୍ଦିଗ୍ଧ ଡ୍ରୋନ୍ ବୁଲୁଥିବା ଦେଖାଯାଇଥିଲା। ରାତି ୮ଟାରୁ ୯ଟା ମଧ୍ୟରେ ଡ୍ରୋନ୍ ଉଡୁଥିବା ଦେଖାଯାଇଥିଲା। ସାମ୍ବାର ନନ୍ଦପୁର, ହୀରାନଗର, ଜାମ୍ମୁର ମୀରସାହବ ଓ ସାତବରୀ ଅଞ୍ଚଳରେ ସନ୍ଦଗ୍ଧ ଡ୍ରୋନ ଉଡୁଥିବା ନଜର ଆସିଥିଲା। ନନ୍ଦପୁରରେ ସେନା ପକ୍ଷରୁ ଡ୍ରୋନ୍ ଉପରକୁ ଫାୟାରିଂ କରାଯିବା ପରେ ତାହା ଫେରାର ହୋଇଯାଇଥିଲା। ଆନ୍ତର୍ଜାତୀୟ ସୀମାରେ ବାରମ୍ବାର ଡ୍ରୋନ୍ ଦେଖାଯିବାକୁ ନେଇ ସୁରକ୍ଷାକର୍ମୀଙ୍କ ଚିନ୍ତା ବଢ଼ିଯାଇଛି। ଗତ ଜୁନ୍ ୨୭ ତାରିଖରେ ଜାମ୍ମୁ ଏୟାରଫୋର୍ସ ଷ୍ଟେସନରେ ବୋମା ବିସ୍ଫୋରଣ ପରେ ସେହି ଅଞ୍ଚଳରେ ସନ୍ଦିଗ୍ଧ ଡ୍ରୋନ୍ ଦେଖିବାକୁ ମିଳୁଛି । ଯାହା ସୁରକ୍ଷା ଏଜେନ୍ସିଗୁଡ଼ିକ ପାଇଁ ଚିନ୍ତା ବଢ଼ାଇଛି।
ନିର୍ଧାରିତ ସମୟର ଗୋଟିଏ ବର୍ଷ ପୂର୍ବରୁ ରାମଲଲାଙ୍କୁ ଭବ୍ୟ ମନ୍ଦିର ମଧ୍ୟରେ ଦର୍ଶନ କରିପାରିବେ ଭକ୍ତ
ନୂଆଦିଲ୍ଲୀ: ରାମ ମନ୍ଦିର ନିର୍ମାଣ କମିଟିର ଦୁଇ ଦିନିଆ ବୈକ ପରେ ରାମ ଭକ୍ତଙ୍କ ପାଇଁ ଆସିଲା ଖୁସି ଖବର। ବର୍ତ୍ତମାନ, ନିର୍ଦ୍ଧାରିତ ସମୟର ଏକ ବର୍ଷ ପୂର୍ବରୁ ମାନେ ୨୯୨୩ ମସିହାରେ, ରାମଲାଲାଙ୍କ ଦର୍ଶନ ଭବ୍ୟ ରାମ ମନ୍ଦିରରେ କରିପାରିବେ ଭକ୍ତ। ଏହା ସହିତ ରାମ ମନ୍ଦିରର ପରିସର ପରିବେଶ ଅନୁକୂଳ ହେବ ବୋଲି ନିଷ୍ପତ୍ତି ନିଆଯାଇଛି। ସୁନ୍ଦର ଦୃଶ୍ୟ ସହିତ ଏଠାରେ ଭକ୍ତମାନଙ୍କ ପାଇଁ ଆଧୁନିକ ସୁବିଧା ଉପରେ ସମ୍ପୂର୍ଣ୍ଣ ଧ୍ୟାନ ଦିଆଯିବ।
ଗୁରୁବାର ରାମ ମନ୍ଦିର ନିର୍ମାଣ କମିଟିର ବୈଠକ ଶେଷ ହୋଇଛି। ନୃପେନ୍ଦ୍ର ମିଶ୍ରଙ୍କ ଅଧ୍ୟକ୍ଷତାରେ ଦୁଇ ଦିନିଆ ବୈଠକରେ ରାମ ଜନମାଭୂମି ପରିଶରର ମାଷ୍ଟରପ୍ଲାନ ପ୍ରସ୍ତୁତ କରିବା ସହିତ ମନ୍ଦିରର ମହାନତା ଏବଂ ସୁରକ୍ଷା ଉପରେ ଏକ ଗୁରୁତ୍ୱପୂର୍ଣ୍ଣ ଆଲୋଚନା ହୋଇଛି। ପୂର୍ବରୁ ୨୦୨୪ ସୁଦ୍ଧା ରମ ମନ୍ଦିର କାର୍ଯ୍ୟ ଶେଷ କରିବା ପାଇର୍ ଲକ୍ଷ ଧାର୍ଯ୍ୟ କରାଯାଇଥିଲା କିନ୍ତୁ ଏହି ସମୟ ସୀମା ୨୦୨୩କୁ ହ୍ରାସ କରାଯାଇଛି। ୨୦୨୩ ପରେ ଭକ୍ତମାନେ ମନ୍ଦିରର ଗର୍ଭଗୃହରେ ଭଗବାନ ରାମଙ୍କୁ ଦର୍ଶନ ଓ ପୂଜା କରିପାରିବେ।
ଏବଂ ୨୦୨୫ ସୁଦ୍ଧା ଶ୍ରୀରାମ ମନ୍ଦିର ପରିଶରକୁ ପ୍ରସ୍ତୁତ କରାଯିବ। ଟ୍ରଷ୍ଟର ସାଧାରଣ ସମ୍ପାଦକ ଚମ୍ପତ ରାୟ କହିଛନ୍ତି ଯେ ମନ୍ଦିର ନିର୍ମାଣ କମିଟିର ସଭାପତି ନୃପେନ୍ଦ୍ର ମିଶ୍ର ରାମ ମନ୍ଦିରର ମହାନତା ଏବଂ ଏହାର ସୁରକ୍ଷା ସମ୍ପର୍କରେ ବୈଷୟିକ ବିଶେଷଜ୍ଞଙ୍କ ସହ ଗଭୀର ଆଲୋଚନା କରିଛନ୍ତି।

