ଥମିବାର ନାଁ ନେଉନି ଦକ୍ଷିଣ ଆଫ୍ରିକା ହିଂସା, ଗଡିଲାଣି ୮୦ ମୁଣ୍ଡ

1 min read

Soldiers patrol outside a shopping mall in Vosloorus, east of in Johannesburg, South Africa, Wednesday, July 14, 2021. South Africa's rioting continued Wednesday as police and the military struggle to quell the violence in Gauteng and KwaZulu-Natal provinces. The violence started in various parts of KwaZulu-Natal last week when Zuma began serving a 15-month sentence for contempt of court. (AP Photo/Themba Hadebe)

ନନ୍ଦିଘୋଷ ଟିଭି ବ୍ୟୁରୋ: ବେଳକୁ ବେଳ ଅସ୍ଥିର ହେଉଛି ଦକ୍ଷିଣ ଆଫ୍ରିକା ରାଜନୀତି। ତିନି ଭାରତୀୟ ଭାଇଙ୍କ ଲାଗି ଜଳୁଛି ଦକ୍ଷିଣ ଆଫ୍ରିକା। ରାଜଧାନୀ ଜୋହନସବର୍ଗ ଓ ଡର୍ବାନ ସମେତ ଅଧିକାଂଶ ସହରରେ ଅସ୍ଥିରତା। ଆନ୍ଦୋଳନକାରୀଙ୍କୁ ଦେଖିବା ମାତ୍ରେ ଗୁଳି ନିର୍ଦ୍ଦେଶ। ଗଡିଲାଣି ୮୦ରୁ ଅଧିକ ଲୋକଙ୍କ ମୁଣ୍ଡ। ହେଲେ କଣ ରହିଛି ଏହା ପଛରେ କାରଣ। କାହିଁକି ଏହି ଅସ୍ଥିରତା। ଦୁର୍ନୀତି ଅଭିଯୋଗରେ ଜେଲରେ ଥିବା ପୂର୍ବତନ ରାଷ୍ଟ୍ରପତି ଜ୍ୟାକବ ଜୁମାଙ୍କ ମୁକ୍ତି ନେଇ ଚାଲିଛି ସମର। ସେ ଉପରାଷ୍ଟ୍ରପତି ଥିବାବେଳେ ୧୯୯୯ରେ ୨୦୦ କୋଟି ଡଲାରର ଅସ୍ତ୍ର କାରବାର ଦୁର୍ନୀତି ଓ ୨୦୦୯ରୁ ୨୦୧୮ ମଧ୍ୟରେ ସେ ରାଷ୍ଟ୍ରପତି ଥିବାବେଳେ ହୋଇଥିବା ଅନ୍ୟାନ୍ୟ ଦୁର୍ନୀତି ମାମଲାରେ ଜେଲରେ ଅଛନ୍ତି ଜୁମା।

ଆଫ୍ରିକାନ ନ୍ୟାସନାଲ କଂଗ୍ରେସର ସର୍ବଶକ୍ତିମାନ ନେତା ଜୁମାଙ୍କ ମୁକ୍ତି ଦାବିରେ ଚାଲିଛି ଆନ୍ଦୋଳନ। ତେବେ ଦେଶର ଏହି ସ୍ଥିତି ପଛରେ ମୁଖ୍ୟ କାରଣ ହେଉଛନ୍ତି ଭାରତୀୟ ତିନି ଭାଇ। ଉତ୍ତରପ୍ରେଦଶର ସାହାରନପୁରର ଅତୁଲ ଗୁପ୍ତା, ଅଜୟ ଗୁପ୍ତା, ରାଜେଶ ଗୁପ୍ତା ଚର୍ଚ୍ଚାରେ। ସାହାରନପୁରର ଏହି ପରିବାର ଅତି ଦରିଦ୍ର ଥିଲେ। ୧୯୯୩ରେ ବଡଭାଇ ଅତୁଲ ପ୍ରଥମେ ଦକ୍ଷିଣ ଆଫ୍ରିକା ଚାଲିଯାଇ ସେଠାରେ ଜୋତା ବିକିବା ଆରମ୍ଭ କରିଥିଲେ। ପରେ ସେ ସାହାରା କମ୍ପ୍ୟୁଟର ନାମକ ଏକ ଛୋଟ କମ୍ପାନୀ ଖୋଲି ଅନ୍ୟ ଭାଇମାନଙ୍କୁ ନେଇଯାଇଥିଲେ। ସେଠାରୁ ଆରମ୍ଭ ହୋଇଥିଲା ଗୁପ୍ତା ବ୍ରଦର୍ସଙ୍କ ବିଜୟର ଯାତ୍ରା।

ବିଭିନ୍ନ ରାଜନୈତିକ ସମ୍ପର୍କ ସୃଷ୍ଟି କରିବା ପରେ ବିମାନ, ଶକ୍ତି, ଖଣି, ପ୍ରଯୁକ୍ତି ଓ ମିଡିଆରେ ଗୁପ୍ତାଙ୍କ ନିବେଶ ବୃଦ୍ଧି ହେଲା। ଏହାର ଭିତରେ ଜୁମାଙ୍କ ସହ ତାଙ୍କର ସମ୍ପର୍କ ପ୍ରତିଷ୍ଠା ହେଲା। ଏହି ସମ୍ପର୍କ ଏତେ ଘନିଷ୍ଠ ହୋଇଯାଇଥିଲା ଯେ ଏହି ୪ ଜଣଙ୍କୁ ଗୁପ୍ତା ବୋଲି କୁହାଗଲା। ଅତୁଲ ଗୁପ୍ତା ଦକ୍ଷିଣ ଆଫ୍ରିକାର ସପ୍ତମ ସର୍ବଶ୍ରେଷ୍ଠ ଧନୀ ହୋଇଥିବାବେଳେ ତାଙ୍କ ସମ୍ପତ୍ତି ପରିମାଣ ୭ଶହ ନିୟୁତ ଡଲାର। ମନ୍ତ୍ରୀ ନିଯୁକ୍ତି, କିଛି ମନ୍ତ୍ରୀଙ୍କୁ କ୍ୟାବିନେଟ ପାହ୍ୟା ଦେବା ସେମାନଙ୍କ ବାଁ ହାତର ଖେଳ ଥିଲା।

ଏପରିକି ଅତୁଲଙ୍କ ଆକାଉଣ୍ଟରେ କୃଷକଙ୍କ ଲାଗି ଉଦ୍ଦିଷ୍ଟ କୋଟି କୋଟି ଡଲାର ଜମା ହେଉଥିଲା। ଗୁପ୍ତା ବ୍ରଦର୍ସଙ୍କୁ ଉତ୍ତରାଖଣ୍ଡ ସରକାର ଜେଡ କ୍ୟାଟେଗୋରୀ ସୁରକ୍ଷା ବି ଦେଇଛନ୍ତି। ଗୁପ୍ତାଙ୍କ ପ୍ରାଧାନ୍ୟ ନେଇ ୨୦୧୭ରେ ପ୍ରାୟ ୧ ଲକ୍ଷ ମେଲ୍ ଲିକ୍ ହୋଇଥିଲା ଯାହାକୁ ନେଇ ସାରା ଦେଶରେ ଚାଞ୍ଚଲ୍ୟ ଖେଳିଯାଇଥିଲା। ୨୦୧୮ ରେ ଜୁମା କ୍ଷମତାରୁ ହଟିବା ପରେ ଗୁପ୍ତା ବ୍ରଦର୍ସ ଚାଲିଯାଇଥିଲେ ଦୁବାଇ। ବିଭିନ୍ନ ଦୁର୍ନୀତି ଅଭିଯୋଗ କ୍ରମେ ଜୁମା ୧୫ ମାସ ଲାଗି ଜେଲଦଣ୍ଡରେ ଦଣ୍ଡିତ ହୋଇଛନ୍ତି। ସେପଟେ ତାଙ୍କ ଗିରଫଦାରୀ ବିରୋଧରେ ଦେଶରେ ଦେଖାଦେଇଛି ଅସ୍ଥିରତା।

ଜୁମାଙ୍କ ନିଜ ଘର କ୍ୱାଜାଲୁ ନାଟାଲ ଓ ଗୁଟେଙ୍ଗରେ ଚାଲିଛି ଲୁଟତରାଜ।  ସେପଟେ ଦେଶରେ ପୁଣି ମୁଣ୍ଡ ଟେକିଛି ବର୍ଣ୍ଣ ବୈଷମ୍ୟବାଦ। ଅର୍ଥନୈତିକ ଅଗ୍ରଗତି ହୋଇ ନଥିବା ପ୍ରତିବାଦରେ ବଢିଛି ଆନ୍ଦୋଳନ। ଏହା ସହ କୋଭିଡ ପରିଚାଳନାରେ ସରକାରଙ୍କ ବିଫଳତା, ଅଧିକ ମୃତ୍ୟୁ ସଂଖ୍ୟାକୁ ନେଇ ତାତିଛନ୍ତି ଲୋକ। ଦେଶରେ ମୁଣ୍ଡପିଛା ଆୟ ହ୍ରାସ ପାଇଥିବାବେଳେ ଲଗାତର ୬ ବର୍ଷ ଧରି ଅଭିବୃଦ୍ଧି ହାର ହ୍ରାସ ପାଇଛି। ବେକାରୀ ହାର ୪୪ ପ୍ରତିଶତ ହୋଇଛି। ଭୟଙ୍କର ଅସ୍ଥିରତା ମଧ୍ୟରେ ଦେଶର ଅର୍ଥନୈତିକ ଅବସ୍ଥା ଚାଲିଗଲାଣି ବହୁ ବର୍ଷ ପଛକୁ।

Opn Commnet Area

Leave a Reply

Your email address will not be published. Required fields are marked *

ନଜର ପକାନ୍ତୁ

Close Bitnami banner