spot_img
Home Blog Page 5569

କୋଭିଡ୍ ମୃତହେଦ ଦାହ ମାଗୁଛନ୍ତି ଟଙ୍କା, ଶବ ପିଛା ୬ ହଜାର

କଟକ: ଶବ ଉପରେ ମୂଲଚାଲ । ସତ୍କାର ପାଇଁ ଚାଲିଛି ଡିଲ୍ । ଅଡୁଆ ଲାଗୁଥିଲେ ବି ସତ । ଏମିତି ଏକ ଅଡିଓ କ୍ଲିପ୍ ଲାଗିଛି ନନ୍ଦିଘୋଷ ଟିଭି ହାତରେ । କଟକ ସତୀଚଉରାରେ ଶବ ସତ୍କାର ପାଇଁ ଫୋନରେ ଚାଲିଛି ଡିଲ୍ । ଆଉ ଏହି ଡିଲ୍ କରୁଛନ୍ତି ଖୋଦ ଠିକାଦାର । ଏନେଇ ଅଭିଯୋଗ ଆସିବାପରେ ସିଏମସି ସ୍ୱାସ୍ଥ୍ୟ ଅଧିକାରୀଙ୍କୁ ତଦନ୍ତ ନିର୍ଦ୍ଦେଶ ଦେଇଛନ୍ତି କମିଶନର ।

Contractor Demands Six Thousand For Cremation Of Covid Dead Body Cuttack

କରୋନାରେ ଆତ୍ମୀୟଙ୍କ ମୃତ୍ୟୁ ପରେ ଦୁଃଖରେ ଭାଙ୍ଗି ପଡ଼ିଥିବା ପରିବାରକୁ ଲୁଟୁଛନ୍ତି କଟକ ସତୀଚଉରା ଶ୍ମଶାନ ଦାୟିତ୍ୱରେ ଥିବା ଲୋକ ? ଆଉ ଏଭଳି ଡିଲ୍ କରୁଛନ୍ତି ଖୋଦ୍ ଠିକାଦାର । କଟକ ଅରୁଣୋଦୟ ମାର୍କେଟ ପାଖରେ ରହୁଥିବା ଦିବ୍ୟ ରଞ୍ଜନ ବେହେରାଙ୍କ କରୋନାରେ ଦେହାନ୍ତ ହୋଇଥିଲା । ତାଙ୍କର ମୃତଦେହକୁ ଦାହ କରିବା ପାଇଁ ପରିବାର ଲୋକେ କଟକ ସତୀଚଉରା ଶ୍ମଶାନକୁ ଯୋଗାଯୋଗ କରିବାରୁ ଠିକାଦାର କରିଥିଲେ ଏମିତି ଡିଲ୍ । ସରକାର କରୋନା ରୋଗୀଙ୍କୁ ନିଃଶୁଳ୍କ ଦାହ କରିବାକୁ ବ୍ୟବସ୍ଥା କରିଥିଲେ ସୁଦ୍ଧା ଏମିତି ଭାବେ ଟଙ୍କା ନେଇ ଲୁଟୁଛନ୍ତି ଠିକାଦାର । ତେବେ ଘଟଣା ପଦକୁ ଆସିବା ପରେ ସିଏମସି ସ୍ୱାସ୍ଥ୍ୟ ଅଧିକାରୀଙ୍କୁ ତଦନ୍ତ ନିର୍ଦ୍ଦେଶ ଦେଇଛନ୍ତି କମିଶନର ।

Contractor Demands Six Thousand For Cremation Of Covid Dead Body Cuttack

ରାଜ୍ୟ ସରକାର ଜନ୍ମ ଠାରୁ ମୃତ ପର୍ଯ୍ୟନ୍ତ ଅନେକ ଯୋଜନା କରିଛନ୍ତି । ଏଥିସହ କୋଭିଡରେ ମୃତ୍ୟୁ ହେଲେ ଶବ ସତ୍କାର ପାଇଁ ଅର୍ଥ ମଧ୍ୟ ଖର୍ଚ୍ଚ କରୁଛନ୍ତି । ଏହା ସତ୍ତ୍ୱେ କିଛି ଦଲାଲ ଲୋକଙ୍କ ଦୁର୍ଦ୍ଦିନର ଫାଇଦା ଉଠାଇବାକୁ ଚେଷ୍ଟା କରୁଛନ୍ତି । ଯାହାକୁ ନିନ୍ଦା କରିଛନ୍ତି ବୁଦ୍ଧିଜୀବୀ । ସେପଟେ କିନ୍ତୁ ଏହାକୁ ଖଣ୍ଡନ କରିଛନ୍ତି ସତୀ ଚଉରା ଶବଦାହ ପାଇଁ ଟେଣ୍ଡର ନେଇଥିବା ଠିକାଦାର ବିଭୁତି ରାୟ ।

ରାସ୍ତା ନଥିବାରୁ ଯାଇ ପାରିଲାନି ଆମ୍ବୁଲାନ୍ସ, ୨ କିଲୋମିଟର ଚାଲିଲେ ପ୍ରସୂତି

କେନ୍ଦୁଝର: ପୁଣି ଜନନୀ ଯନ୍ତ୍ରଣା । ରାସ୍ତା ନଥିବାରୁ ପହଞ୍ଚି ପାରିଲାନି ଆମ୍ବୁଲାନ୍ସ । ଚାଲି ଚାଲି ଆମ୍ବୁଲାନ୍ସ ପାଖକୁ ଆସିଲେ ପ୍ରସୂତି । ଏଭଳି ଘଟଣା ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ତେଲକୋଇ ବ୍ଲକ ତାଳପଦା ପଞ୍ଚାୟତ ପଙ୍ଗା ଗାଁ ମୁଣ୍ଡାସାହିରେ । ଗାଁର ମନୋଜ ମୁଣ୍ଡାଙ୍କ ସ୍ତ୍ରୀ ଇନ୍ଦିରାଙ୍କ ପ୍ରସବକାଳୀନ ବେଦନା ଆରମ୍ଭ ହେବାରୁ ପରିବାର ଲୋକେ ୧୦୮ ଆମ୍ବୁଲାନ୍ସକୁ ଫୋନ୍ କରିଥିଲେ ।

Pregnant Woman Walk 2 Km For Catch Ambulance In Keonjhar

ତେବେ ତେଲକୋଇରେ ଆମ୍ବୁଲାନ୍ସ ଉପଲବ୍ଧ ନଥିବାରୁ ପାଲଲହଡ଼ା ଉପଖଣ୍ଡ ଜମରଡିହରୁ ଆମ୍ବୁଲାନ୍ସ ଆସିଥିଲା । ଆମ୍ବୁଲାନ୍ସ ପହଞ୍ଚିବାରେ ସାମାନ୍ୟ ବିଳମ୍ବ ହୋଇଥିବା ବେଳେ ଇନ୍ଦିରା ଅସୁରକ୍ଷିତ ଅବସ୍ଥାରେ ଏକ ଶିଶୁକନ୍ୟାକୁ ଜନ୍ମ ଦେଇଥିଲେ । ମାଆ ଓ ଶିଶୁକୁ ଆଶାଦିଦି ଅଧିକ ସ୍ୱାସ୍ଥ୍ୟସେବା ଯୋଗାଇ ଦେବାପାଇଁ ମେଡିକାଲ ଆଣିଥିଲେ । ତେବେ ଗାଁକୁ ରାସ୍ତା ନଥିବାରୁ ଆମ୍ବୁଲାନ୍ସ ଯାଇ ପାରିନଥିଲା । ପ୍ରସୂତି ଆମ୍ବୁଲାନ୍ସ ପାଖକୁ ଆସିବା ପାଇଁ ତାଙ୍କୁ ୨ କିଲୋମିଟର ରାସ୍ତା ଚାଲିବାକୁ ପଡ଼ିଥିଲା ।

ଆମ୍ବୁଲାନ୍ସ କର୍ମଚାରୀ ଓ ପରିବାର ଲୋକ ତାଙ୍କୁ ଧରି ଧରି ଆଣିଥିଲେ । ତେଲକୋଇ ସ୍ୱାସ୍ଥ୍ୟ କେନ୍ଦ୍ରରେ ଦୁର୍ଗମ ଅଞ୍ଚଳର ଗର୍ଭବତୀଙ୍କ ପାଇଁ ମାଆ ଗୃହର ସୁବିଧା ରହିଛି । ପ୍ରସବ ସମୟ ଆଗରୁ ସେମାନଙ୍କୁ ସୁରକ୍ଷିତ ମାତୃତ୍ୱ ଦେବା ପାଇଁ ମାଆ ଗୃହରେ ରଖିବାର ବ୍ୟବସ୍ଥା ମଧ୍ୟ ଅଛି । ତେବେ କାହିଁକି ସେମାନଙ୍କୁ ସେ ସୁବିଧାରୁ ବଞ୍ଚିତ କରାଯାଉଛି ତାହା ଏବେ ପ୍ରଶ୍ନବାଚୀ ସୃଷ୍ଟି  କରିଛି ।

କରୋନା ଟିକା ନେବା ପରେ କରୋନାରୁ ହେଉଛିକି ମୃୃତ୍ୟୁ ? ଆସିଲା ICMRର ନୂଆ ତଥ୍ୟ

ନୂଆଦିଲ୍ଲୀ: ଦେଶରେ କରୋନା ସଂକ୍ରମଣକୁ ରୋକିବା ପାଇଁ ଏକମାତ୍ର ଅସ୍ତ୍ର ହେଉଛି କରୋନା ଟିକା। ଟିକା ଏବେ ଆମ ଜୀବନରେ ସଞ୍ଜିବନୀ ହୋଇ ଉଭା ହୋଇଛି। କିନ୍ତୁ ଏହି ଟିକାକୁ ନେଇ ଏବେ ଅନେକ ତଥ୍ୟ ସାମ୍ନାକୁ ଆସୁଛି। ବୈଜ୍ଞାନିକମାନେ ମଧ୍ୟ ଅଧ୍ୟନ ଉପରେ ଅଧ୍ୟନ କରିଚାଲିଛନ୍ତି। ଟିକାର ପ୍ରଥମ କିମ୍ବା ଦ୍ୱିତୀୟ ଡୋଜ୍‌ ଗ୍ରହଣ କରିବା ପରେ, କରୋନା ଶରୀର ଉପରେ ଏହାର ପ୍ରଭାବ ଜାଣିବା ପାଇଁ ଏକ ନୂତନ ଅଧ୍ୟୟନ କରାଯାଇଛି।  ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ଆଇସିଏମ୍ଆର୍) ଦ୍ୱାରା ଏହି ଅଧ୍ୟୟନ କରାଯାଇଛି। ଆଇସିଏମଆର ଏହି ଅଧ୍ୟୟନ ଟିକା ନେବା ପରେ କରୋନାରେ ସଂକ୍ରମିତ ହୋଇଥିବା ଲୋକଙ୍କ ଜିନୋମ ବିଶ୍ଳେଷଣ ଉପରେ ଆଧାରିତ।

ICMRର ଏହି ଅଧ୍ୟୟନ ହେଉଛି ଭାରତର ଲୋକମାନଙ୍କ ଉପରେ କରାଯାଇଥିବା ପ୍ରଥମ ଅଧ୍ୟୟନ ଯାହା ଟିକାକରଣ ପରେ କରୋନା ସଂକ୍ରମିତ ଲୋକଙ୍କ ଉପରେ କରାଯାଇଛି। ୬୭୭ ଜଣଙ୍କ ଉପରେ କରାଯାଇଥଲା ଏହି ଅଧ୍ୟୟନ। ଅଧ୍ୟୟନରୁ ଜଣାପଡ଼ିଲା ଟିକା ନେଇଥିବା ଅଧିକାଂଶ ଲୋକ ଡେଲଟା ଭ୍ୟାରିଆଣ୍ଟ ଦ୍ୱାରା ସଂକ୍ରମିତ ହୋଇଛନ୍ତି ।

ଆରଟି- PCR ପାଇଁ ଭାରତର ୧୭ ଟି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳରୁ ମୋଟ ୬୭୭ ଜଣଙ୍କୁ ପରୀକ୍ଷା କରାଯାଇଥିଲା। ଏଥିମଧ୍ୟରୁ ୭୧ ପ୍ରତିଶତ ବା ୪୮୨ ଲୋକଙ୍କର କରୋନା ଲକ୍ଷଣ ଥିବାବେଳେ ମାତ୍ର ୨୯ ପ୍ରତିଶତ ଲୋକଙ୍କର ରହିଥିଲା ବିନାଲକ୍ଷଣ କରୋନା।

ଏଥିମଧ୍ୟରୁ ୬୯% ଲୋକଙ୍କର ଜ୍ୱର, ୫୬% ଲୋକଙ୍କର ମୁଣ୍ଡବିନ୍ଧା ଏବଂ ବାନ୍ତି, ୪୫% ଲୋକଙ୍କର କାଶ, ୩୭% ଲୋକଙ୍କର ଗଳାରେ ଯନ୍ତ୍ରଣା, ୨୨% ଲୋକଙ୍କର ଗନ୍ଧ ଏବଂ ସ୍ୱାଦକୁ ଚିହ୍ନିବାରେ ଅସମର୍ଥ ହେବା, ୬% ଲୋକଙ୍କର ଡାଇରିଆ, ୬% ଲୋକମାନଙ୍କର ନିଶ୍ୱାସ ନେବାରେ ଅସୁବିଧା ଅନୁଭବ କରାଯାଉଥିଲା ଏବଂ ଏକ ପ୍ରତିଶତ ଲୋକ ଆଖିରେ କଷ୍ଟ ଏବଂ ଲାଲ ହେବା ଭଳି ଲକ୍ଷଣ ଦେଖାଯାଇଥିଲା।

ଅଧ୍ୟୟନ ଅନୁଯାୟୀ, ଭାରତର ଦକ୍ଷିଣ, ପଶ୍ଚିମ, ପୂର୍ବ ଏବଂ ଉତ୍ତର-ପଶ୍ଚିମ ଅଞ୍ଚଳର ଅଧିକାଂଶ ଲୋକ ମୁଖ୍ୟତଃ ଡେଲଟା ଏବଂ କପା ଭ୍ୟାରିଆଣ୍ଟରେ ସଂକ୍ରମିତ ହୋଇଥିବା ଜଣାପଡିଛି। ଏଥି ସହିତ, ଉତ୍ତର ଏବଂ କେନ୍ଦ୍ରୀୟ ଅଞ୍ଚଳରେ ସମସ୍ତ ତିନୋଟି ପ୍ରକାରର ଆଲଫା, ଡେଲଟା ଏବଂ କପ୍ପା ଦ୍ୱାରା ସଂକ୍ରମିତ ଦେଖିବାକୁ ମିଳିଥିଲା। ଅବଶ୍ୟ, ଏହି ସଂକ୍ରମିତ ଲୋକମାନଙ୍କ ମଧ୍ୟରୁ ଅଧିକାଂଶ ଡେଲ୍ଟା ଭ୍ୟାରିଆଣ୍ଟ ବୋଲି ଜଣାପଡିଛି।

ସବୁଠାରୁ ବଡ଼ କଥା ହେଉଛି ଟିକାକରଣ ପରେ ସଂକ୍ରମଣ ହେତୁ ମୃତ୍ୟୁ ହାର ବହୁତ କମ୍ ଥିବା ଜଣାପଡିଛି। କରୋନା ଦ୍ୱାରା ଶିକାର ହୋଇଥିବା ୭୧ ଜଣଙ୍କୁ କୋଭାକ୍ସିନ ମିଳିଥିବାବେଳେ ୬୦୪ ଜଣଙ୍କୁ କଭସିଲ୍ଡ ମିଳିଥିଲା। ​​ଏଥି ସହିତ ଦୁଇ ଜଣଙ୍କୁ ଚାଇନାର ସିନୋଫାର୍ମ ଟିକା ମିଳିଥିଲା। ଏହି ସମସ୍ତ ଲୋକଙ୍କ ମଧ୍ୟରୁ କେବଳ ୩ ଜଣଙ୍କର ମୃତ୍ୟୁ ଘଟିଛି। ଟିକା ନେବା ପରେ  ମାତ୍ର ୯.୮ % ଲୋକ କରୋନା ପାଇଁ ଡାକ୍ତରଖାନାରେ ଭର୍ତ୍ତି ହୋଇଥିଲେ କିନ୍ତୁ ସେମାନଙ୍କ ମଧ୍ୟରୁ ୦.୪% ଲୋକଙ୍କର ମୃତ୍ୟୁ ହୋଇଥିଲା। ଅଧ୍ୟୟନରେ ସ୍ପଷ୍ଟ ଭାବରେ କୁହାଯାଇଛି ଯେ ଟିକା କରୋନା ଦ୍ୱାରା ହେଉଥିବା ମୃତ୍ୟୁରୁ ସୁରକ୍ଷା ଦେଇଥାଏ। ତେବେ ଟିକା ପାଇବା ପରେ କରୋନା ହୋଇଥିଲେ ମଧ୍ୟ ଡାକ୍ତରଖାନାରେ ଭର୍ତ୍ତି ହେବା ଏବଂ ମୃତ୍ୟୁ ହେବାର ଆଶଙ୍କା ବହୁତ କମିଯାଏ।

ଭୋଗ ଖାଇ ୧୪ ଅସୁସ୍ଥ, ଭଦ୍ରକ ଜିଲ୍ଲା ଚିକିତ୍ସାଳୟକୁ ସ୍ଥାନାନ୍ତର

ଆରଡ଼ି: ଭୋଗ ଖାଇ ୧୪ଜଣଙ୍କୁ ଝାଡ଼ାବାନ୍ତି । ଭଦ୍ର କଜିଲା ଧୁଷୁରୀ ଥାନା ଅଧିନସ୍ଥ ସୁନ୍ଦରପୁର ଗାଁରେ ଘଟିଛି ଏହି ଅଘଟଣ । ଗତକାଲି ରାତିରେ ଗାଁରେ ଜଣଙ୍କ ଘରେ ଜଗନ୍ନାଥଙ୍କ ପୂଜା ଆୟୋଜନ ହୋଇଥିଲା । ଏହି ପୂଜାରେ ଭୋଜିଭାତର ଆୟୋଜନ କରାଯାଇଥିଲା । ଏହି ଭୋଜି ଖାଇ ୧୪ ଜଣଙ୍କୁ ଝାଡ଼ାବାନ୍ତି ହୋଇଥିଲା । ସମସ୍ତ ଗୁରୁତରଙ୍କୁ ଗାଁ ଲୋକ ପ୍ରଥମେ ଆରଡି ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ । ସେଠାରେ ସ୍ୱାସ୍ଥ୍ୟାବସ୍ଥା ନ ସୁଧୁରିବାରୁ ଭଦ୍ରକ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି ।

14 Unhealthy After Taking Prasad In Aaradi

ସେଠାରେ ତିନି ଜଣଙ୍କ ଅବସ୍ଥା ଗୁରୁତର ହେବାରୁ ସେମାନଙ୍କୁ କଟକ ସ୍ଥାନାନ୍ତର କରାଯାଇଛି । ତେବେ ଘଟଣା ସମୟର ଖବର ସଂଗ୍ରହ ପାଇଁ ଯାଇଥିବା ବେଳେ କ୍ୟାମରା ସାମ୍ବାଦିକଙ୍କୁ ଆକ୍ରମଣ ପାଇଁ ଚେଷ୍ଟା କରିଛନ୍ତି ଭୋଜି ଆୟୋଜନ କରିଥିବା ମହିଳା । ଏପରିକ କ୍ୟାମେରା ଓ ବୁମ୍ ଛଡ଼ାଇବାକୁ ଉଦ୍ୟମ କରିଛନ୍ତି ସମ୍ପୃକ୍ତ ମହିଳା ।

ଚାକିରି କରାଇ ଦେବା ଆଳରେ ଡକ୍ୟୁମେଣ୍ଟ ନେଇ ଖୋଲିଥିଲେ ଫେକ୍ କମ୍ପାନୀ, ଫାଙ୍କୁଥିଲେ GST

ରାଉରକେଲା: ପୁଣି ବଡ଼ ଧରଣର ଜିଏସଟି ଠକେଇର ଖୁଲାସା ହୋଇଛି । ୬୪୧ କୋଟି ଟଙ୍କାର ଜାଲ ବିଲ୍ ମାଧ୍ୟମରେ ୧୧୫.୧୦ କୋଟି ଟଙ୍କାର ଜିଏସଟି ଠକେଇ ହୋଇଥିବା ଜଣାପଡ଼ିଛି । ରାଜ୍ୟ ଜିଏସଟି ଏନଫୋର୍ସମେଣ୍ଟ ଟିମ ୨ ଜଣ ମାଷ୍ଟରମାଇଣ୍ଡକୁ ଗିରଫ କରିବାରେ ସକ୍ଷମ ହୋଇଛି । ଗିରଫ ୨ ମାଷ୍ଟରମାଇଣ୍ଡ ୧୬ଟି ଜାଲ ବ୍ୟବସାୟିକ ପ୍ରତିଷ୍ଠାନ ସୃଷ୍ଟି କରି ୧୧୫.୧୦ କୋଟି ଟଙ୍କାର ଟିକସ ଠକେଇ କରିଥିବା ତଦନ୍ତରୁ ଜଣାପଡ଼ିଛି ।

State GST Enforecement Department Arrested Two In 115 Crore GST Cheating

ରାଉରକେଲା ସହରର ୨ ଜଣ ଜିଏସଟି ଠକ ଗିରଫ ହୋଇଛନ୍ତି । ଗିରଫ ୨ ଅଭିଯୁକ୍ତ ହେଲେ ଗୁରଦୀତ ଡାଙ୍ଗ ଓ ସୂର୍ଯ୍ୟ ମୈତ୍ର । ଉଭୟ ଅଭିଯୁକ୍ତ ରାଉରକେଲା ସହରର । ଓଡ଼ିଶା ଜିଏସଟି କମିଶନର ସୁଶୀଲ ଲୋହାନି ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି । ୨ ଅଭିଯୁକ୍ତ ଅନ୍ୟମାନଙ୍କ ସହ ମିଶି ୧୬ଟି ଜାଲ ବ୍ୟବସାୟିକ ପ୍ରତିଷ୍ଠାନ ସୃଷ୍ଟି କରିଥିଲେ । ଷ୍ଟିଲ୍ ଆଇରନ୍ ଓ ଷ୍ଟିଲ ସାମଗ୍ରୀ କିଣୁଥିଲେ । ୬୪୧ କୋଟି ଟଙ୍କାର ଜାଲ ବିଲ୍ ଓ ଇନପୁଟ ଟିକସ କ୍ରେଡିଟ ମାଧ୍ୟମରେ ୧୧୫ କୋଟି ୧୦ ଲକ୍ଷ ଟଙ୍କା ହାତେଇବାରେ ସକ୍ଷମ ହୋଇଥିଲେ । ଗୁରଦୀତଙ୍କୁ ରାଉରକେଲାରୁ ଗିରଫ କରାଯାଇଥିବା ବେଳେ ସୂର୍ଯ୍ୟ ଭୁବନେଶ୍ୱରରୁ ଗିରଫ ହୋଇଛନ୍ତି ।

State GST Enforecement Department Arrested Two In 115 Crore GST Cheating

ଫେକ ଆଇଟିସି ହାତେଇବା ପାଇଁ ଏହି ସୁସଙ୍ଗଠିତ ରାକେଟ ଗଠିତ ହୋଇଥିଲା । ଜାଲ ପ୍ରତିଷ୍ଠାନ ଗୁଡ଼ିକ ରାଜ୍ୟର ଅନୁଗୁଳ, ରାଉରକେଲା, ବଣାଇ, ଏରସମା, ତିର୍ତ୍ତୋଲ, ରିଆମାଳ, ସୁନ୍ଦରଗଡ଼ରେ ରହିଥିବା ରେକର୍ଡ ଦର୍ଶାଇ ଠକେଇ କରିଥିବା ତଦନ୍ତରୁ ଜଣାପଡ଼ିଛି । ରାଜ୍ୟ ଜିଏସଟି ଏନଫୋର୍ସମେଣ୍ଟ ୱିଙ୍ଗ ଆଜି ସୁଦ୍ଧା ୨୦ ଜଣ ଠକଙ୍କୁ ଗିରଫ କରିଥିବା ବେଳେ ୨୫ ହଜାର ୪୦୦ ଜଣ ବ୍ୟବସାୟୀଙ୍କ ପଞ୍ଜିକରଣକୁ ରଦ୍ଦ କରିଛି । ରାଜ୍ୟ ଜିଏସଟି ବିଭାଗ ଜୁଲାଇ ୧୬ରୁ ସେପ୍ଟେମ୍ବର ୧୫ ପର୍ଯ୍ୟନ୍ତ ଦୁଇମାସ ବ୍ୟାପୀ ଜାଲ ପଞ୍ଜିକରଣକୁ ରଦ୍ଦ କରିବା ପାଇଁ ଏକ ସ୍ୱତନ୍ତ୍ର ଅଭିଯାନ ଆରମ୍ଭ କରିଛି । ବିଭିନ୍ନ ସାମଗ୍ରୀର ପରିବହନ ଦୁଇ ଚକିଆ ଓ ତିନି ଚକିଆ ଗାଡ଼ିରେ ହୋଇଥିବା ୨ ଠକ ଦର୍ଶାଇଥିଲେ । ଚାଷୀ, ଶ୍ରମିକ ଓ ନିରୀହ ଲୋକଙ୍କ ନାଁରେ ଜାଲି ବ୍ୟବସାୟୀ ପ୍ରତିଷ୍ଠାନ ଖୋଲି ଜିଏସଟି ଠକେଇ କରୁଥିଲେ ।

ଟି-୨୦ ବିଶ୍ୱକପ୍‌ ପାଇଁ ଘୋଷଣା ହେଲା ଗ୍ରୁପ୍‌, ଗୋଟିଏ ଗ୍ରୁପରେ ଭାରତ ଏବଂ ପାକିସ୍ତାନ

ନୂଆଦିଲ୍ଲୀ: ଟି-୨୦ ବଶ୍ୱକପ୍‌ ମୁକାବିଲା ପାଇଁ ଘୋଷଣା ହେଲା ଗ୍ରୁପ୍‌। ଇଣ୍ଟରନ୍ୟାସନାଲ କ୍ରିକେଟ ଏକାଡେମି ICC ଏହି ଘୋଷଣା କରିଛି। ଶୁକ୍ରବାର ଓମାନରେ ଏହି ଗ୍ରପ୍‌ ପ୍ରସ୍ତୁତ କରାଯାଇଛି। ସବୁଠାରୁ ଆଶ୍ଚର୍ଯ୍ୟ କଥା ହେଉଛି ଭାରତର ଚିତ ପ୍ରତିଦ୍ୱନ୍ଦି ପାକିସ୍ତାନ ଗୋଟିଏ ଗ୍ରୁପରେ ରହିଛନ୍ତି। ଭାରତ ଏବଂ ପାକିସ୍ତାନ ସୁପର ୧୨ ରେ ଗ୍ରୁପ-୨ ରହିଛନ୍ତି।  ଶେଷ ଥର ପାଇଁ ଉଭୟ ଦଳ ୨୦୧୯ ODI ବିଶ୍ୱକପରେ ଆମ୍ନାସାମ୍ନା ହୋଇଥିଲେ, ଯେଉଥିରେ ଭାରତ ବିଜୟ ହାସଲ କରିଥିଲା।

କରୋନା ମହାମାରୀ କାରଣରୁ ୧୭ ଅକ୍ଟୋବର ଠାରୁ ୧୪ ନଭେମ୍ବର ପର୍ଯ୍ୟନ୍ତ ଭାରତ ବଦଳରେ ୟୁଏଇ ଏବଂ ଓମାନରେ ଟି-୨୦ ବିଶ୍ୱକପ ଖେଳାଯିବ। ଆଇସିସି ଅଧିକାରୀଙ୍କ ସହ ଓମାନରେ ଅନୁଷ୍ଠିତ ସମାରୋହରେ ବିସିସିଆଇ ସଭାପତି ସୌରଭ ଗାଙ୍ଗୁଲି ଏବଂ ସଚିବ ଜୟ ଶାହା ମଧ୍ୟ ଭାଗ ନେଇଥିଲେ। ଆସନ୍ତା ସପ୍ତାହରେ ଟି-୨୦ ବିଶ୍ୱକପ୍‌ର ମ୍ୟାଚ୍ ସୂଚୀ ପ୍ରକାଶ ପାଇବ।

ଓମାନ ଏବଂ ୟୁଏଇରେ ଖେଳାଯିବାକୁ ଥିବା ଟୁର୍ନାମେଣ୍ଟର ପ୍ରଥମ ରାଉଣ୍ଡରେ ଆଠଟି କ୍ୱାଲିଫଇଂ ଦଳ ଅଂଶଗ୍ରହଣ କରିବେ। ଏହି ୮ଟି ଟିମରୁ ୪ ଟି ଦଳ ସୁପର ୧୨ ରାଉଣ୍ଡରେ ପହଞ୍ଚିବେ। ପ୍ରଥମ ରାଉଣ୍ଡରେ ଥିବା ଆଠଟି ଦଳ ମଧ୍ୟରେ ବାଂଲାଦେଶ, ଶ୍ରୀଲଙ୍କା, ଆୟର୍ଲାଣ୍ଡ, ନେଦରଲ୍ୟାଣ୍ଡ, ସ୍କଟଲ୍ୟାଣ୍ଡ, ନାମିବିଆ, ଓମାନ ଏବଂ ପାପୁଆ ନ୍ୟୁ ଗିନି ଅନ୍ତର୍ଭୁକ୍ତ। ନଭେମ୍ବର ୧୪ ରେ ଟୁର୍ନାମେଣ୍ଟର ଫାଇନାଲ ଖେଳାଯିବ।

ଭାଲୁ ମୁହଁରୁ ଝିଅ ଜୀବନ ବଞ୍ଚାଇବା ପାଇଁ ନିଜ ଜୀବନକୁ ବାଜି ଲଗାଇଲା ମାଆ

ମାଲକାନଗିରି: ମାଆ ମମତାର ଆଉ ଏକ କାହାଣୀ । ଆଗରୁ ଆମେ ଆପଣଙ୍କୁ ଯାଜପୁରର ଏକ ଖବର ଦେଇଥିଲୁ । ଯେଉଁଠି କୁନି ପୁଅକୁ ବଞ୍ଚାଇବା ଲାଗି ମାଆ ନାଗ ସାପ ସହ ଲଢ଼ି ଜୀବନ ହାରିଥିଲା । ଆଜି ଆମେ ଆପଣଙ୍କୁ ସେହିଭଳି ଏକ ଖବର କହୁଛୁ । ଏଠି ଝିଅ ପାଇଁ ମାଆ ଏକାକୀ ଲଢ଼ିଛି ଭାଲୁ ସହ । ତା’ ପୁଣି ଘଞ୍ଚ ଜଙ୍ଗଲ ଭିତରେ ।

ଏଥିସହ ପଢ଼ନ୍ତୁ: କୁନି ପୁଅକୁ ବଞ୍ଚାଇବାକୁ ଯାଇ ସର୍ପାଘାତରେ ମାଆର ମୃତ୍ୟୁ

ଖଇରପୁଟ ବ୍ଲକ ବଣ୍ଡାଘାଟିରେ ଘଟଛି ଏ ଘଟଣା । ସୂଚନା ଅନୁଯାୟୀ, ଆଜି ସକାଳେ ବଣ୍ଡାଘାଟି କିରସାନିପଡ଼ା ଗାଁର ସମାରୀ ଶିଶା ଏବଂ ତାଙ୍କ ଝିଅ ଜଙ୍ଗଲକୁ କୌଣସି କାମରେ ଯାଇଥିଲେ । ଜଙ୍ଗଲ ଭିତରେ ହଠାତ୍ ଏକ ଭାଲୁ ଆସି ଝିଅକୁ ଆକ୍ରମଣ କରିଥିଲା । ଏହା ଦେଖି ଡରି ଯାଇ ନଥିଲେ ସମାରୀ । ବରଂ ଜଙ୍ଗଲି ଜନ୍ତୁ ଠାରୁ ଝିଅକୁ ବଞ୍ଚାଇବା ଲାଗି ଜୀବନକୁ ବାଜିରେ ଲଗାଇଥିଲେ ।

Tribal Mother Save His Girl Fighting With Bear In Bonda Ghat

ଭାଲୁ ସହ ସମାରୀ ବେଶ୍ କିଛି ସମୟ ଲଢ଼ିଥିଲେ । ଫଳରେ ଝିଅକୁ ଛାଡ଼ି ଦେଇ ମାଆକୁ ଆକ୍ରମଣ କରିଥିଲା ଭାଲୁ । କିଛି ସମୟ ଲଢ଼େଇ ପରେ ଭାଲୁଟି ଜଙ୍ଗଲ ଭିତରକୁ ଚାଲି ଯାଇଥିଲା । ଭାଲୁ ଆକ୍ରମଣରେ ଗୁରୁତର ମାଆ ଓ ଝିଅଙ୍କୁ ପ୍ରଥମେ ଖଇରପୁଟ ପରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି । ସମାରୀ ଗରିବ ଶ୍ରେଣୀର ହୋଇଥିବାରୁ ତାଙ୍କୁ ସରକାରୀ ସହାୟତା ଯୋଗାଇ ଦେବାକୁ ଦାବି ହେଉଛି ।

୧୦୦ କୋଟି ଚାନ୍ଦା ଆଦାୟ ଘଟଣା, ଅନିଲ ଦେଶମୁଖଙ୍କ ଠାରୁ ଇଡି ଜବତ କଲା ୪.୨୦ କୋଟି ଟଙ୍କାର ସମ୍ପତ୍ତି

ନୂଆଦିଲ୍ଲୀ: ମହାରାଷ୍ଟ୍ରରେ ୧୦୦ ଗୋଟି ଚାନ୍ଦା ଆଦାୟ ଘଟଣା। ପୂର୍ବତନ ଗୃହମନ୍ତ୍ରୀ ଅନିଲ ଦେଶମୁଖଙ୍କ ଠାରୁ ଜବତ ହେଲା ୪.୨୦ କୋଟି ଟଙ୍କା ସମ୍ପତ୍ତି। ଏହି ପ୍ରସଙ୍ଗରେ ଅଧିକାରୀମାନେ କହିଛନ୍ତି ଯେ ମନି ଲଣ୍ଡରିଂ ଆକ୍ଟ (PMLA) ଅଧୀନରେ ଏକ ସାମୟିକ ସଂଲଗ୍ନ ଆଦେଶ ଜାରି କରାଯାଇଛି। ସବୁଠାରୁ ବଡ଼ କଥା ହେଉଛି ୭୨ ବର୍ଷିୟ ଦେଶମୁଖ ବାରମ୍ବାର ସମନକୁ ଅଣଦେଖା କରିଛନ୍ତି।

ପଚରାଉଚରା ପାଇଁ ଅତି କମରେ ତିନି ଥର ଏନଫୋର୍ସମେଣ୍ଟ ଡାଇରେକ୍ଟୋରେଟ (ଇଡି) ତରଫରୁ ଡକରା ଯାଇଥିଲେ ମଧ୍ୟ ଯାଇନାହାଁନ୍ତି ଦେଶମୁଖ। ଏହାପୂର୍ବରୁ ତାଙ୍କ ପୁଅ ହ୍ରିଷିକେଶ ଏବଂ ପତ୍ନୀଙ୍କୁ ମଧ୍ୟ ଫେଡେରାଲ ଇନଭେଷ୍ଟିଗେସନ୍ ଏଜେନ୍ସି ଡକାଯାଇଥିଲା କିନ୍ତୁ ସେମାନେ ମଧ୍ୟ ସାକ୍ଷି ଦେବାକୁ ମନା କରିଦେଇଥିଲେ।

ଏହାପୂର୍ବରୁ ମୁମ୍ବାଇର ପୂର୍ବତନ ପୋଲିସ କମିଶନର ପରମ୍ବୀର ସିଂଙ୍କ ଅଭିଯୋଗ ଅନୁଯାୟୀ ସିବିଆଇ ଏବଂ ଇଡି ଦେଶମୁଖଙ୍କ ବିରୋଧରେ ଦୁର୍ନୀତି ଅଭିଯୋଗ ଆଣିଥିଲେ। ସିଂ ତାଙ୍କ ଅଭିଯୋଗରେ ଦେଶମୁଖଙ୍କୁ ଅତି କମରେ ୧୦୦କୋଟି ଟଙ୍କା ଲାଞ୍ଚ ନେଇଥିବା ଅଭିଯୋଗ କରିଛନ୍ତି।

କେନ୍ଦ୍ର ରେଳ ମନ୍ତ୍ରୀଙ୍କୁ ଚିଠି ଲେଖିଲେ ବିଜେଡି ସାଂସଦ ଅମର ପଟ୍ଟନାୟକ

ଭୁବନେଶ୍ୱର: ରାଜ୍ୟର ଅସମ୍ପୂର୍ଣ୍ଣ ରେଳ ପ୍ରକଳ୍ପ ନେଇ କେନ୍ଦ୍ର ରେଳ ମନ୍ତ୍ରୀଙ୍କୁ ଚିଠି ଲେଖିଛନ୍ତି ବିଜେଡି ସାଂସଦ ଅମର ପଟ୍ଟନାୟକ । ଚିଠିରେ ଉଲ୍ଲେଖ କରିଛନ୍ତି, ଏବେ ବି ରାଜ୍ୟର ୬ ଜିଲ୍ଲାକୁ ଛୁଇଁନି ରେଳ ଲାଇନ । ଗତ ୪ ବର୍ଷ ହେଲା ଭୁବନେଶ୍ବର ରେଳ ଷ୍ଟେସନ ବିକାଶ କାମ ସରୁନି । ଏହି ପ୍ରକଳ୍ପ ପାଇଁ ରାଜ୍ୟ ସରକାର ଶତ ପ୍ରତିଶତ ଅର୍ଥ ଓ ଜମି ଯୋଗାଇ ଦେଇଛନ୍ତି । ସବୁ ଅସମ୍ପୂର୍ଣ୍ଣ ପ୍ରକଳ୍ପ ନେଇ କେନ୍ଦ୍ର ମନ୍ତ୍ରୀ ସମୀକ୍ଷା କରିବାକୁ ଅମର ଚିଠି ଲେଖି ଦାବି କରିଛନ୍ତି ।

୨୦୧୬ରୁ ପୁରୀ-କୋଣାର୍କ ରେଳ ପଥ ନିର୍ମାଣ କାମ ସରୁନି । ୨୦୧୭-୧୮ରୁ ଗୁଣୁପୁର-ଥେରୁଭାଲି ପ୍ରକଳ୍ପ କାମ ବି ସରୁନି । ଶୀତଳାପଲ୍ଲୀ ୱାଗନ କାରଖାନା କାମ ଏଯାଏଁ ଆରମ୍ଭ ହୋଇପାରିଲାନି ବୋଲି କହି କ୍ଷୋଭ ପ୍ରକାଶ କରିଛନ୍ତି ସାଂସଦ । ବହୁ ପ୍ରତୀକ୍ଷିତ ଖୋର୍ଦ୍ଧା-ବଲାଙ୍ଗିର ରେଳପଥ କାମ ମଧ୍ୟ ଅଧାପନ୍ତରିଆ ଭାବେ ପଡିରହିଛି । ଏସବୁ ପ୍ରକଳ୍ପ ପ୍ରତି ଧ୍ୟାନ ଦିଆଗଲେ ଓଡ଼ିଶା ଲାଭବାନ ହେବ ବୋଲି କହିଛନ୍ତି ସାଂସଦ ଅମର ପଟ୍ଟନାୟକ ।

ATM ଭିତରୁ ଛଡାଇ ନେଇଥିଲେ ୪୦ହଜାର, ଜଣଙ୍କୁ ବାନ୍ଧିଲା ପୋଲିସ

ଭୁବନେଶ୍ୱର: ୪ସେକେଣ୍ଡରେ ଲୁଟିନେଲେ ୪୦ ହଜାର । ରାଜଧାନୀ ଛାତି ଉପରେ ଆଖିପିଛୁଳାକେ ଲୁଟିନେଲେ ଦୁର୍ବୁତ୍ତ । ଏଟିଏମ୍ ଭିତରେ ପଶି ଦୁଇ ଯୁବତୀଙ୍କଠାରୁ ଛିନତାଇ କଲେ ଦୁର୍ବୃତ୍ତ । ଭୁବନେଶ୍ବର ଚନ୍ଦ୍ରଶେଖରପୁର ଅଞ୍ଚଳରେ ଏଟିଏମ୍ ଭିତରୁ ମହିଳାଙ୍କଠାରୁ ଭ୍ୟାନିଟ ବ୍ୟାଗ ଛଡ଼େଇ ନେବା ଘଟଣାରେ ଜଣକୁ ଗିରଫ କଲା ନୟାପଲ୍ଲୀ ପୋଲିସ୍ ।

କିଛିଦିନ ତଳେ ନୀଳାଦ୍ରି ବିହାରର ଏକ ଏଟିଏମରୁ ଦୁଇ ଜଣ ଯୁବତୀ ଟଙ୍କା ଉଠାଉ ଥିବା ବେଳେ ଲୁଟେରା ଜଣକ ବ୍ୟାଗ ଝାମ୍ପି ନେଇଥିଲା । ବ୍ୟାଗରେ 40ହଜାର ଟଙ୍କା ଥିବାର ଅଭିଯୋଗ ହୋଇଥିଲା । ଲୁଟ୍ ବେଳର ସେହି ଭିଡିଓ ନନ୍ଦିଘୋଷ ଟିଭିର ହସ୍ତଗତ ହୋଇଛି । ମାମଲାରେ ଜଣେ ଗିରଫ ହୋଇଥିବାବେଳେ ଆଉ ଜଣେ ଫେରାର ଅଛି ।