spot_img
Home Blog Page 5500

ମେଜର ଧ୍ୟାନଚନ୍ଦଙ୍କ ନାମରେ ମିଳିବ ରାଜୀବ ଗାନ୍ଧୀ ଖେଳରତ୍ନ ପୁରସ୍କାର

ନୂଆଦିଲ୍ଲୀ: କେନ୍ଦ୍ରର ମୋଦି ସରକାରଙ୍କ ବଡ଼ ନିଷ୍ପତ୍ତି । ରାଜୀବ ଗାନ୍ଧୀ ଖେଳରତ୍ନ ପୁରସ୍କାର ନାମ ମୋଦି ସରକାର ବଦଳାଇ ଛନ୍ତି । ସରକାର ଏବେ ହକିର ଯାଦୁଗର ମେଜର ଧ୍ୟାନଚନ୍ଦଙ୍କ ନାମରେ ଖେଳରତ୍ନ ପୁରସ୍କାର ଦେବାକୁ ନିଷ୍ପତ୍ତି ନେଇଛନ୍ତି । ଟ୍ୱିଟ୍ କରି ଏନେଇ ସୂଚନା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

ପିଏମ୍ ମୋଦି ଟ୍ୱିଟ୍ କରି ଲେଖିଛନ୍ତି, ଦେଶ ଗର୍ବିତ ହେବା ସମୟରେ ଦେଶବାସୀ ମେଜର ଧ୍ୟାନଚନ୍ଦଙ୍କ ନାଁରେ ଖେଳରତ୍ନ ପୁରସ୍କାର ଦେବାକୁ ଆଗ୍ରହ ପ୍ରକାଶ କରିଥିଲେ । ଲୋକଙ୍କ ଭାବନାକୁ ଦେଖି ଏବେ ଖେଳରତ୍ନର ନାଁ ମେଜର ଧ୍ୟାନଚନ୍ଦ ଖେଳରତ୍ନ ପୁରସ୍କାର କରାଯାଇଛି ।

Rajiv Gandhi Khel Ratna Award As Major Dhyanchand Khel Ratna Award

ଟୋକିଓ ଅଲମ୍ପିକରେ ଭାରତୀୟ ପୁରୁଷ ଓ ମହିଳା ଦଳର ସଂଘର୍ଷପୂର୍ଣ୍ଣ ପ୍ରଦର୍ଶନ ପୂରା ଦେଶକୁ ରୋମାଞ୍ଚିତ କରିଥିବା କହିଛନ୍ତି ପ୍ରଧାନମନ୍ତ୍ରୀ । ଏବେ ହକି ପ୍ରତି ଲୋକଙ୍କ ଆଗ୍ରହ ବଢ଼ିବା ଆଗାମୀ ଦିନ ପାଇଁ ଭଲ ସଂକେତ । ଖେଳରତ୍ନ ସମ୍ମାନ ଅନୁଯାୟୀ ୨୫ ଲକ୍ଷ ଟଙ୍କା ପୁରସ୍କାର ଦିଆଯାଉଛି ।

ମହିଳା ହକି ଟିମ୍‌ ସହ ଭିଡିଓ କନ୍‌ଫରେନ୍ସିଂ ଜରିଆରେ କଥା ହେଲେ ମୁଖ୍ୟମନ୍ତ୍ରୀ : ଲଢ଼ୁଆ ପ୍ରଦର୍ଶନ ପାଇଁ ସାବାସି ଦେଲେ

ଭୁବନେଶ୍ୱର: ମହିଳା ହକି ଟିମ୍‌ ସହ କଥା ହେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଭିଡିଓ କନଫରେନ୍‌ସିଂରେ ନବୀନ ସେମାନଙ୍କୁ ଶୁଭେଚ୍ଛା ଜଣାଇଛନ୍ତି । ଗ୍ରେଟ୍‌ ବ୍ରିଟେନ୍‌ ବିରୋଧରେ ସଂଘର୍ଷପୂର୍ଣ୍ଣ ବ୍ରୋଞ୍ଚ ଲଢ଼େଇରେ ପରାସ୍ତ ହୋଇଥିଲେ ସୁଧା ମନୋବଳ ଦୃଢ଼ କରିବାକୁ ନବୀନ କହିଛନ୍ତି । ଟୋକିଓ ଅଲିମ୍ପିକ୍ସରେ ଜବରଦସ୍ତ ପ୍ରଦର୍ଶନ କରିଛି ମହିଳା ହକି ଟିମ୍ । ଦଳରେ ଦୁଇଜଣ ଓଡ଼ିଆ ଖେଳାଳି ଅଛନ୍ତି । ଉପଅଧିନାୟିକା ତଥା ଡିଫେଣ୍ଡର ଦୀପଗ୍ରେସ ଏକ୍କା ଓ ନମିତା ଟପ୍ପୋ ସାବାସି ଦେଇଛନ୍ତି ମୁଖ୍ୟମନ୍ତ୍ରୀ ।

ସୂଚନା ଯୋଗ୍ୟ, ବ୍ରୋଞ୍ଚ ପଦକ ନେଇ ଆଜି ଖେଳାଯାଇଥିବା ଗ୍ରେଟ ବ୍ରିଟେନ ବିପକ୍ଷ ହାଇଭୋଲଟେଜ୍‌ ମ୍ୟାଚ୍‌ରେ ପରାସ୍ତ ହୋଇଛି ଭାରତୀୟ ମହିଳା ହକି ଦଳ ।  କଡ଼ା ଟକ୍କର ଦେଇ ୪-୩ ଗୋଲରେ ପରାଜୟ ବରଣ କରିଛି ମହିଳା ଦଳ ।  ପ୍ରଥମ କ୍ୱାର୍ଟରରେ ମ୍ୟାଚ୍‌ ୦-୦ ଗୋଲରେ ସ୍ଥିତି ବରାବର ରହିଥିଲା । ଦ୍ୱତୀୟ କ୍ୱାର୍ଟର ପ୍ରଥମାର୍ଦ୍ଧରେ ଗ୍ରେଟ ବ୍ରିଟେନ ୨ଟି ଗୋଲ କରି ଆଗୁଆ ରହିଥିବା ବେଳେ ଜବରଦସ୍ତ କମବ୍ୟାକ୍ କରିଥିଲା ଭାରତୀୟ ଦଳ । ଗୁରୁଜିତ କୌର ଲଗାତାର ୨ଟି ଗୋଲ ସ୍କୋ କରିଥିବା ବେଳେ ବନ୍ଦନା କଟାରିଆଙ୍କ ଆଉ ୧ ଗୋଲ କରି ମ୍ୟାଚ୍‌ରେ ଆଗୁଆ ରହିଥିଲେ । କିନ୍ତୁ ପୁଣି ଗ୍ରେଟ ବ୍ରିଟେନ ଆଉ ୨ଟି ଗୋଲ କରିବା ସହ ମ୍ୟାଚ୍‌ରେ ଆଗୁଆ ରହିଥିଲା । ଏବଂ ଶେଷ ପର୍ଯ୍ୟନ୍ତ ସମାନ ସ୍କୋର ବଜାୟୀ ରଖିବା ସହ ବିଜୟୀ ହୋଇଥିଲା ଗ୍ରେଟ ବ୍ରିଟେନ୍ ।

କାରୋଲିନାରୁ ମିଳିଲା ମଣିଷ ଭଳି ଦାନ୍ତ ଥିବା ବିରଳ ମାଛ

ଭୁବନେଶ୍ୱର: ମାଛ… ମାଛକୁ ନେଇ ଅନେକଙ୍କ ମନରେ ଥାଏ ଉତ୍କଣ୍ଠା । କିଏ ମାଛ ଖାଇବାକୁ ଭଲ ପାଏ ତ ଆଉ କିଏ ଆକ୍ୱାରିୟମରେ ଭଳିକି ଭଳି ମାଛ ରଖିବାକୁ । ମାଛକୁ ନେଇ ସଭିଙ୍କ ରହିଛି ଭିନ୍ନ ଭିନ୍ନ ସଉକ । ଖାଇବା ଭଳି ମାଛକୁ ଆକ୍ୱାରିୟମରେ ରଖିବାରେ ଲୋକଙ୍କ ଭିନ୍ନ ପସନ୍ଦ ରହିଛି । ଦୁନିଆର ଲବଣ ଓ ମିଠା ଜଳରେ ପ୍ରାୟ ୩୪ ହଜାର ପ୍ରଜାତିର ମାଛ ରହିଛନ୍ତି । ଆମେ ଆଜି ଆପଣଙ୍କୁ ଏଭଳି ଏକ ମାଛ ବିଷୟରେ ଜଣାଇବୁ ଯାହାକୁ ଆପଣ କେବେ ଦେଖିନଥିବେ ।

Fish With Human Like Teeth Caught Off In North Carolina

ଭଲକରି ଦେଖନ୍ତୁ ଏହି ମାଛକୁ । ଆଉ ଗଣି ନିଅନ୍ତୁ ମାଛ ପାଟି ଭିତରେ ଏକାଧିକ ଦାନ୍ତକୁ । ଆଉ ଟିକେ ଭଲକରି ଦେଖନ୍ତୁ ମାଛ ପାଟିରେ ଥିବା ଦାନ୍ତକୁ । ଅବିକଳ ମଣିଷର ଦାନ୍ତ ଭଳି ଏହି ମାଛ ପାଟି ଭିତରେ ରହିଛି ଦାନ୍ତ । ଏହି ମାଛ ଦେଖିବାକୁ ବିରଳ । ଆମେରିକାର ଉତ୍ତର କାରୋଲିନାରେ ମିଳିଛି ଏହି ବିରଳ ପ୍ରଜାତିର ମାଛ ।

Fish With Human Like Teeth Caught Off In North Carolina

ଏହି ମାଛକୁ ସିପସେଡ୍ ଫିସ୍ କୁହାଯାଏ । ଶିକାର ପାଇଁ ମାଛର ପାଟିରେ ପରସ୍ତ ପରସ୍ତ ହୋଇ ଦାଢ଼ ରହିଛି । ମାଛର ମୁହଁ ମେଣ୍ଢା ମୁହଁ ଭଳି ଦେଖାଯାଉଥିବାରୁ ଏହାର ନାମକରଣ ଏପରି ହୋଇଛି । ଏବେ ସୋସିଆଲ୍ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି ଏହି ମଣିଷ ଭଳି ଦାନ୍ତ ଥିବା ମାଛ । ବହୁ ସଂଘର୍ଷ ପରେ ସିପସେଡ୍ ଫିସକୁ  ଧରିଥିବା କହିଛନ୍ତି ମତ୍ସ୍ୟଜୀବୀ ନାଥନ ମାର୍ଟିନ୍ ।

ଆସନ୍ତା ୧୬ରୁ ଖୋଲିବ ସମସ୍ତ ମହାବିଦ୍ୟାଳୟ ଓ ବିଶ୍ୱବିଦ୍ୟାଳୟ

ଭୁବନେଶ୍ୱର:  ଅଗଷ୍ଟ ୧୬ରୁ ଖୋଲିବ ମହାବିଦ୍ୟାଳୟ ଓ ବିଶ୍ୱବିଦ୍ୟାଳୟ । ପୂର୍ବରୁ ବୈଷୟିକ ମହାବିଦ୍ୟାଳୟ ଓ ବିଶ୍ୱବିଦ୍ୟାଳୟ ଖୋଲିବା ନେଇ ଅନୁମତି ଦିଆଯାଇଥିବା ବେଳେ ଏବେ ଅଣ ବୈଷୟିକ କଲେଜ ଓ ୟୁନିଭର୍ସିଟି ଖୋଲିବାକୁ ଅନୁମତି ଦିଆଯାଇଛି । ଏ ନେଇ ଟ୍ୱିଟ୍ ଯୋଗେ ରାଜ୍ୟ ସରକାରଙ୍କ ଉଚ୍ଚ ଶିକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି ।

ଟ୍ୱିଟ୍ ସୂଚନା ଅନୁଯାୟୀ, ଉଚ୍ଚଶିକ୍ଷା ବିଭାଗ ଅଧୀନସ୍ଥ ସମସ୍ତ ୟୁନିଭର୍ସିଟି ଓ କଲେଜ  ଖୋଲାଯିବ । ଏବଂ ଅଫଲାଇନ୍‌ରେ କ୍ଳାସ୍ ହେବ ।  ପିଜି ପ୍ରଥମ ବର୍ଷ ୟୁଜି ପ୍ରି ଫାଇନାଲ ବର୍ଷର ଛାତ୍ରଛାତ୍ରୀଙ୍କ ପାଇଁ ହଷ୍ଟେଲ ମଧ୍ୟ ଖୋଲାଯିବ । ତେବେ ପୂର୍ବ ନିଷ୍ପତ୍ତି ଅନୁଯାୟୀ ପିଜି ଏବଂ ୟୁଜି ଶେଷ ବର୍ଷ ଛାତ୍ରଛାତ୍ରୀଙ୍କ ପରୀକ୍ଷା ଅନ୍‌ଲାଇନ୍ ମାଧ୍ୟମରେ ହେବ ।

ମହିଳା ହକି ଟିମ୍‌ର ଲଢ଼ୁଆ ପ୍ରଦର୍ଶନ ସତ୍ତ୍ୱେ ପରାଜୟ ନେଇ ଭାବବିହ୍ୱଳ ହେଲେ ଦିଲ୍ଲୀପ ତିର୍କୀ

ଭୁବନେଶ୍ୱର: ଯେବେ ବ୍ଲୁ ଟର୍ଫରେ ଗୋଲ୍ ବର୍ଷା ହୁଏ, ଯେବେ ବିପକ୍ଷ ଟିମ୍‌କୁ ମାତ୍ ଦିଅନ୍ତି ଭାରତୀୟ ହକି ଖେଳାଳି, ସେବେ ଛାତି କୁଣ୍ଢେମୋଟ ହୋଇଯାଏ । ଏହି ସମୟରେ ଟିଭି ଆଗରେ ବସି ଟିମ୍ ଖେଳାଳିଙ୍କୁ ସାବାସି ଦିଅନ୍ତି ଓଡ଼ିଆ ପୁଅ ତଥା ହକି ଇଣ୍ଡିଆର ପୂର୍ବତନ ଅଧିନାୟକ ଦିଲିପ ତିର୍କୀ । ଓଡ଼ିଶାର ଏହି ସୁଯୋଗ୍ୟ ସନ୍ତାନ ହକି ପାଇଁ ନିଜ ଜୀବନ ଉତ୍ସର୍ଗିକୃତ କରିଛନ୍ତି । ଖେଳ ଆରମ୍ଭ ହେବାମାତ୍ରେ ସମସ୍ତ ସଟ୍ ଉପରେ ଥାଏ ଦିଲ୍ଲୀପଙ୍କ ନଜର । ଦଳ କିଭଳି ଭଲ ପ୍ରଦର୍ଶନ କରିବ ସେ ନେଇ ଚିନ୍ତାରେ ଥାଆନ୍ତି ଦିଲ୍ଲୀପ । ଆଜି ଯେତେବେଳେ ମହିଳା ହକି ଟିମ୍ ଗ୍ରେଟ ବ୍ରିଟେନ୍ ଠାରୁ ପରାସ୍ତ ହେଲେ , ସେତେବେଳେ ସମସ୍ତେ ଦିଲ୍ଲୀପଙ୍କ ପ୍ରତିକ୍ରିୟାକୁ ଚାହିଁ ବସିଥିଲେ । ହେଲେ କିଛି କହିବା ଆଗରୁ ଦିଲ୍ଲୀପଙ୍କ ଆଖିରେ ଥିଲା ଲୁହ । କାନ୍ଦି କାନ୍ଦି ଲଢୁଆ ଖେଳାଳିଙ୍କ ପ୍ରଦର୍ଶନକୁ ସେ ସାବାସି ଦେଇଥିଲେ । କୋହଭରା କଣ୍ଠରେ ଦିଲ୍ଲୀପ ରଖିଥିଲେ ନିଜ ପ୍ରତିକ୍ରିୟା । ଏଭଳି ବୋଧେ କମ୍ ସମୟ ଆସେ ଯେତେବେଳେ ଜଣେ ଅବସରପ୍ରାପ୍ତ ଖେଳାଳି ନିଜ ଖେଳାଳିଙ୍କ ପାଇଁ କାନ୍ଦି ପକାଏ । ହକି ଓଡ଼ିଶାର ହୃଦୟ ହୋଇଥିବାବେଳେ ଦିଲ୍ଲୀପ ହେଉଛନ୍ତି ଏହାର ଏକ ପ୍ରତୀକ । ଭାରତୀୟ ହକି ଟିମ୍ ପାଇଁ ଦିଲ୍ଲୀପ ଅନେକ ମ୍ୟାଚ୍ ଖେଳିଥିବାବେଳେ ଅଧିନାୟକ ଦାୟିତ୍ୱ ତୁଲାଇ ଦଳ ପାଇଁ ସେ ଗୌରବ ଆଣିଛନ୍ତି ।

ବ୍ରୋଞ୍ଚ ଲଢ଼େଇରେ ମହିଳା ହକି ଟମ୍‌ର ଲଢ଼ୁଆ ପ୍ରଦର୍ଶନ: ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀ

ନୂଆଦିଲ୍ଲୀ/ଭୁବନେଶ୍ୱର: ଟୋକିଓ ଅଲିମ୍ପିକ୍ସରେ ମହିଳା ହକି ଟିମର ପ୍ରଦର୍ଶନ ନୂଆ ଭାରତ ପାଇଁ ଆଗକୁ ବାଟ ଦେଖାଇବ  । ଆଗାମୀ ଦିନରେ ଆହୁରି ସଫଳତା ହାସଲ କରିବ ମହିଳା ଟିମ୍  । ନୂଆ ଯୁବପିଢିଙ୍କୁ ପ୍ରେରଣା ଯୋଗାଇବ ବୋଲି ଟ୍ୱିଟ୍ କରି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି  । ମହିଳା ହକି ଟିମ୍ ଦେଶ ପାଇଁ ଗର୍ବ, ଗୌରବ ବୋଲି କହିଛନ୍ତି ମୋଦି  ।

ସେହିଭଳି ମହିଳା ହକି ଟିମର ଲଢୁଆ ପ୍ରଦର୍ଶନ ପାଇଁ ଟ୍ୱିଟ୍ କରି ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  । ଭାରତୀୟ ମହିଳା ହକି ଟିମ୍ ଗ୍ରେଟ ବ୍ରିଟେନ୍ ବିପକ୍ଷରେ ଲଢୁଆ ପ୍ରଦର୍ଶନ କରିଛନ୍ତି  । ଆଗକୁ ଆହୁରି ଆତ୍ମବିଶ୍ୱାସର ସହ ଲଢେଇ ଜାରି ରଖିବାକୁ ପ୍ରେରଣା ଯୋଗାଇଛନ୍ତି ନବୀନ  । ଏଥି ସହ ମହିଳା ହକି ଟିମର ସଫଳ ଭବିଷ୍ୟତ କାମନା କରିଛନ୍ତି ମୁଖ୍ୟମନ୍ତ୍ରୀ  ।

ଏଥିସହିତ ପଢ଼ନ୍ତୁ: Tokyo Olympics 2020 : ବ୍ରୋଞ୍ଚ ଲଢ଼େଇରେ ୪-୩ ଗୋଲରେ ଭାରତ ପରାସ୍ତ

ରେପୋ ରେଟ୍‌କୁ ଅପରିବର୍ତ୍ତିତ ରଖିଲା ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ

ନୂଆଦିଲ୍ଲୀ: ଆର୍ଥିକ ନୀତିକୁ ନେଇ ରିଜର୍ଭ ବ୍ୟାଙ୍କର ବଡ଼ ଘୋଷଣା । ରେପୋରେଟ୍ ଅପରିବର୍ତ୍ତିତ ରଖିଲା ରିଜର୍ଭ ବ୍ୟାଙ୍କ । ଲଗାତାର ଷଷ୍ଠଥର ଲାଗି ରେପୋରେଟ୍‌ ଅପରିବର୍ତ୍ତିତ ରଖିବାକୁ ମନିଟାରୀ ପଲିସି କମିଟି ବୈଠକରେ ନିଷ୍ପତ୍ତି । ରେପୋରେଟ୍ ୪ପ୍ରତିଶତ ଓ ରିଭର୍ସ ରେପୋରେଟ୍‌ ୩.୩୫ ପ୍ରତିଶତରେ ଅପରିବର୍ତ୍ତିତ ରଖିଲା RBI । ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆର ମନିଟାରୀ ପଲିସି କମିଟି ବୈଠକରେ ଏ ନେଇ ନିଷ୍ପତ୍ତି ନିଆଯାଇଛି । ୨୦୨୧-୨୨ଆର୍ଥିକ ବର୍ଷରେ ଜିଡିପି ଅଭିବୃଦ୍ଧି ୯.୫% ଟାର୍ଗେଟ ରଖାଯାଇଛି । ସେହିପରି ୨୦୨୧-୨୨ରେ CPI ମୁଦ୍ରାସ୍ଫିତି ୫.୭% ଧାର୍ଯ୍ୟ ରଖାଯାଯାଇଛି । କରୋନା ଦ୍ୱିତୀୟ ଲହର ପରେ ଦେଶର ଆର୍ଥିକ ସ୍ଥିତିରେ ସୁଧାର ଆସୁଛି ବୋଲି କହିଛନ୍ତି RBI ଗଭର୍ଣ୍ଣର ଶକ୍ତିକାନ୍ତ ଦାଶ ।

ଏଥିସହିତ ପଢ଼ନ୍ତୁ: କୁସ୍ତିରେ ଭାରତ ପାଇଁ ବଢ଼ିଲା ପଦକ ଆଶା: ସେମିଫାଇନାଲରେ ବଜରଙ୍ଗ ପୁନିଆ

କୁସ୍ତିରେ ଭାରତ ପାଇଁ ବଢ଼ିଲା ପଦକ ଆଶା: ସେମିଫାଇନାଲରେ ବଜରଙ୍ଗ ପୁନିଆ

ଟୋକିଓ: କୁସ୍ତିରେ ବଢ଼ିଲା ଭାରତ ପାଇଁ ପଦକ ଆଶା । ସେମିଫାଇନାଲରେ ପ୍ରବେଶ କଲେ ଭାରତୀୟ ରେସଲର ବଜରଙ୍ଗ ପୁନିଆ । ୬୫ କେ.ଜି ବର୍ଗରେ ଇରାନ୍ ପ୍ରତିଦ୍ୱନ୍ଦ୍ୱି ମୋର୍ତେଜା ଗିୟାସିଙ୍କୁ ହରାଇ ସେମିଫାଇନାଲରେ ପ୍ରବେଶ କରିଛନ୍ତି ବଜରଙ୍ଗ ପୁନିଆ । ୦-୧ରେ ପଛୁଆ ଥିବା ବଜରଙ୍ଗ ପ୍ରତିଯୋଗିତାର ଦ୍ୱିତୀୟର୍ଦ୍ଧରେ ଗିୟାସିଙ୍କୁ କୌଣସି ପ୍ରକାରେ ତଳେ ପକାଇ ମାଡ଼ିବସିବା ପରେ ବିଜୟ ଲାଭ କରିଥିଲେ।

ପୂର୍ବରୁ ପ୍ରି-କ୍ୱାର୍ଟସରେ ସେ କାଜାଗିସ୍ତାର ଏର୍ଣ୍ଣାର୍‌ ଆକମତାଲିଏଭ୍‌ଙ୍କୁ ପରାସ୍ତ କରିଥିଲେ। ପ୍ରଥମ ପର୍ଯ୍ୟାୟରେ ପ୍ରଥମାର୍ଦ୍ଧରେ ବଜରଙ୍ଗ ତାଙ୍କ ଠାରୁ ୩-୧ରେ ଅଗ୍ରଣୀ ଥିଲେ। କିନ୍ତୁ, ପ୍ରତିଦ୍ୱନ୍ଦ୍ୱିଠାରୁ ଦ୍ୱିତୀୟାର୍ଦ୍ଧରେ ଆକମତାଲିଏଭ୍‌ ବଜରଙ୍ଗଙ୍କୁ ଦୁଇ ଥର ଧକ୍କା ଦେଇ ସ୍କୋର୍‌କୁ ୩-୩କୁ ଆଣିଥିଲେ। ମାତ୍ର, ବଜରଙ୍ଗ ଖେଳର ଅନ୍ତିମ ଆଠ ସେକେଣ୍ଡରେ ତାଙ୍କୁ ପ୍ରବଳ ପ୍ରତିରୋଧ କରିବା କାରଣରୁ ‘ବାଉଟ୍‌ କ୍ରାଇଟେରିଆ’ ଆଧାରରେ ବିଜୟୀ ହୋଇଥିଲେ।

ଏଥିସହିତ ପଢ଼ନ୍ତୁ: Tokyo Olympics 2020 : ବ୍ରୋଞ୍ଚ ଲଢ଼େଇରେ ୪-୩ ଗୋଲରେ ଭାରତ ପରାସ୍ତ

ରାଜ୍ୟରେ ଆଉ ୧୨୦୮ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର: ଗୋଟିଏ ଦିନରେ ରାଜ୍ୟରୁ ଚିହ୍ନଟ ହେଲେ ଆଉ ୧୨୦୮ ପଜିଟିଭ୍ । ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ କ୍ୱାରେଣ୍ଟାଇନ୍‌ରୁ ୭୦୨ ଜଣ ଥିବା ବେଳେ, ଲୋକାଲ କେସ ରହିଛି ୫୦୬ । ସଂକ୍ରମିତଙ୍କ ମଧ୍ୟରେ ଖୋର୍ଦ୍ଧାରୁ ସର୍ବାଧିକ ୩୯୯ ଜଣ ଥିବା କେଳେ କଟକରୁ ୧୭୩, ଷ୍ଟେଟ ପୁଲରୁ ୮୪ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ବାଲେଶ୍ବରରୁ ୬୩ ଜଣ ଥିବା ବେଳେ, ଜଗତସିଂହପୁରରୁ ୬୦, ପୁରୀରୁ ୫୮, ଯାଜପୁରରୁ ୫୭, ଅନୁଗୁଳରୁ ୫୫, ମୟୂରଭଞ୍ଜରୁ ୩୩, କେନ୍ଦ୍ରାପଡ଼ାରୁ ୩୨, ନୟାଗଡ଼ରୁ ୨୫, ସମ୍ବଲପୁରରୁ ୨୪, ଭଦ୍ରକରୁ ୨୨, ସୁନ୍ଦରଗଡ଼ରୁ ୨୦ ଜଣ ସଂକ୍ରମିତ ଅଛନ୍ତି । କନ୍ଧମାଳ ଓ କେନ୍ଦୁଝରରୁ ୧୬ ଜଣ ଲେଖାଏଁ ଥିବା ବେଳେ, ଡେଙ୍କାନାଳରୁ ୧୫, ଗଞ୍ଜାମରୁ ୧୨, ରାୟଗଡ଼ାରୁ ୮, ବରଗଡ଼ରୁ ବରଗଡ଼, ବଲାଙ୍ଗୀର ଓ ଦେବଗଡ଼ରୁ ୫ ଜଣ ଲେଖାଏଁ, ମାଲକାନଗିରି ଓ ନବରଙ୍ଗପୁରରୁ ୪ ଜଣ ଲେଖାଏଁ, ଝାରସୁଗୁଡ଼ା ଓ ସୋନପୁରରୁ ୩ ଜଣ ଲେଖାଏଁ, କଳାହାଣ୍ଡି, କୋରାପୁଟ, ନୂଆପଡ଼ାରୁ ୨ ଜଣ ଲେଖାଏଁ ଓ ଗଜପତିରୁ ଜଣେ ଆକ୍ରାନ୍ତ ଚିହ୍ନ ହୋଇଛନ୍ତି । ଗତ ୨୪ ଘଣ୍ଟାରେ ୧୬୫୨ ଜଣ ସୁସ୍ଥ ହୋଇ ଘରକୁ ଫେରିଛନ୍ତି ।

Tokyo Olympics 2020 : ବ୍ରୋଞ୍ଚ ଲଢ଼େଇରେ ୪-୩ ଗୋଲରେ ଭାରତ ପରାସ୍ତ

ଟୋକିଓ: ହାତ ଛଡ଼ା ହେଲା ଆଉ ଏକ ପଦକ । କଡ଼ା ମୁକାବିଲା ସତ୍ତ୍ୱେ ପରାଜିତ ହେଲା ଭାରତୀୟ ମହିଳା ହକି ଦଳ । ଗ୍ରେଟ୍ ବ୍ରିଟେନ ବିପକ୍ଷ ମ୍ୟାଚ୍‌ରେ ୪-୩ରେ ପରାସ୍ତ ହୋଇଛି ଭାରତୀୟ ମହିଳା ହକି ଦଳ । ପ୍ରଥମ କ୍ୱାର୍ଟରରେ ମ୍ୟାଚ୍‌ ୦-୦ ଗୋଲରେ ସ୍ଥିତି ବରାବର ରହିଥିଲା । ଦ୍ୱତୀୟ କ୍ୱାର୍ଟର ପ୍ରଥମାର୍ଦ୍ଧରେ ଗ୍ରେଟ ବ୍ରିଟେନ ୨ଟି ଗୋଲ କରି ଆଗୁଆ ରହିଥିବା ବେଳେ ଜବରଦସ୍ତ କମବ୍ୟାକ୍ କରିଥିଲା ଭାରତୀୟ ଦଳ । ଗୁରଜୁତ କୌର ଲଗାତାର ୨ଟି ଗୋଲ ସ୍କୋ କରିଥିବା ବେଳେ ବନ୍ଦନା କଟାରିଆଙ୍କ ଆଉ ୧ ଗୋଲ କରି ମ୍ୟାଚ୍‌ରେ ଆଗୁଆ ରହିଥିଲେ । କିନ୍ତୁ ପୁଣି ଗ୍ରେଟ ବ୍ରିଟେନ ଆଉ ୨ଟି ଗୋଲ କରିବା ସହ ମ୍ୟାଚ୍‌ରେ ଆଗୁଆ ରହିଥିଲା । ଏବଂ ଶେଷ ପର୍ଯ୍ୟନ୍ତ ସମାନ ସ୍କୋର ବଜାୟୀ ରଖିବା ସହ ବିଜୟୀ ହୋଇଥିଲା ଗ୍ରେଟ ବ୍ରିଟେନ୍ ।