spot_img
Home Blog Page 5499

ଅକ୍ଟୋବରରୁ ପିଲାଙ୍କୁ ଟିକା, ୧୨ରୁ ୧୮ ବର୍ଷ ବୟସ୍କଙ୍କୁ ଦିଆଯିବ ଭ୍ୟାକ୍ସିନ

ନୂଆଦିଲ୍ଲୀ: ଆସନ୍ତା ଅକ୍ଟୋବରରୁ ପିଲାଙ୍କୁ ଦିଆଯିବ ଟିକା । ୧୨ରୁ ୧୮ ବର୍ଷ ବୟସ୍କଙ୍କୁ ଟିକା ଦିଆଯିବ ବୋଲି କହିଛନ୍ତି ସେରମ ଇନଷ୍ଟିଚ୍ୟୁଟ ଅଫ ଇଣ୍ଡିଆ ମୁଖ୍ୟ ଅଦାର ପୁନାଓ୍ବାଲା । କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ସହ ଆଲୋଚନା ପରେ ଏହି ଘୋଷଣା କରିଛନ୍ତି ପୁନାଓ୍ବାଲା ।

ସେ କହିଛନ୍ତି ଯେ, ଆସନ୍ତା ବର୍ଷ ପ୍ରଥମ ତିନି ମାସ ଭିତରେ ୧୨ବର୍ଷରୁ କମ ବୟସ୍କଙ୍କ ଲାଗି ଟିକା ଉପଲବ୍ଧ ହେବ । ଟିକା ପ୍ରସଙ୍ଗରେ ପୁନାଓ୍ବାଲା କେନ୍ଦ୍ର ଗୃହମନ୍ତ୍ରୀ ଶାହାଙ୍କ ସହ ସବିଶେଷ ଆଲୋଚନା କରିବା ପରେ କହିଛନ୍ତି- ଟିକା ଉତ୍ପାଦନ ନେଇ କୌଣସି ପ୍ରକାର ଆର୍ଥିକ ସଙ୍କଟ ନାହିଁ ।

ଚଳିତ ମାସରେ ସେରମ ଇନଷ୍ଟିଚ୍ୟୁଟ ୧୨ରୁ ୧୮ ବର୍ଷ ବୟସ୍କ ପିଲାଙ୍କ କ୍ଷେତ୍ରରେ କୋଭାଭାକ୍ସର ଟ୍ରାଏଲ କରାଯିବ । ୧୨ରୁ ୧୭ ବର୍ଷ ବୟସ୍କ ୪୬୦ ପିଲା ଓ ୨ରୁ ୧୧ ବର୍ଷ ବୟସ୍କ ଆଉ ୪୬୦ ପିଲାଙ୍କ କ୍ଷେତ୍ରରେ ଟ୍ରାଏଲ କରାଯିବ । ପୂର୍ବରୁ ପିଲାଙ୍କ କ୍ଷେତ୍ରରେ ଭାରତୀୟ ଟିକା ପ୍ରସ୍ତୁତକାରୀ କମ୍ପାନୀ ଭାରତ ବାୟୋଟେକ କୋଭାକ୍ସିନ ଓ ଜାଇଡସ କାଡିଲାର ଟ୍ରାଏଲ ଆରମ୍ଭ କରିଛି ।

ଦଳ ବିରୋଧି କାର୍ଯ୍ୟ ପାଇଁ କାର୍ଯ୍ୟାନୁଷ୍ଠାନ, ନିଲମ୍ବିତ ହେଲେ ବିଜେଡ଼ି ନେତା

ଭୁବନେଶ୍ୱର: ବିଜେଡ଼ିରୁ ନିଲମ୍ବିତ ହେଲେ ନବରଙ୍ଗପୁର ବିଧାନସଭା ନିର୍ବାଚନ ମଣ୍ଡଳୀର ବିଜେଡି ନେତା ସୟଦ କଜାମ ମଦାନି  ।  ଦଳରେ ରହି ଦଳ ବିରୋଧୀ କାମ କରିଥିବା ନେଇ ଅଭିଯୋଗ ହୋଇ ଆସୁଥିଲା  । ସମସ୍ତ ଘଟଣାକୁ ତର୍ଜମା କରିବା ପରେ ଦଳ ପକ୍ଷରୁ ଆଜି  ନିଲମ୍ବନ କରାଯାଇଛି । ଏନେଇ ସୂଚନା ଦେଇଛନ୍ତି ବିଜେଡିର ଗଣମାଧ୍ୟମ ବ୍ୟାପାର ସାଧାରଣ ସମ୍ପାଦକ ମାନସ ମଙ୍ଗରାଜ ।

ବିଜେଡ଼ି ଏକ ଶୃଙ୍ଖଳିତ ଏବଂ ସାଧାରଣ କର୍ମକର୍ତ୍ତାଙ୍କ ବିଶ୍ୱାସ ଭାଜନର ଦଳ ଭାବେ କାର୍ଯ୍ୟ କରିଆସୁଛି  । ଦଳରେ କାର୍ଯ୍ୟକରୁଥିବା ସୟଦ କଜାମ ମଦାନି ଦଳ ବିପକ୍ଷରେ ଦୀର୍ଘ ଦିନ ଧରି କାର୍ଯ୍ୟ କରିଆସୁଥିଲେ  । ସ୍ଥାନୀୟ କର୍ମକର୍ତ୍ତା ଏନେଇ ଅଭିଯୋଗ କରିଆସୁଥିଲେ  । ମିଳିଥିବା ସୂଚନା ମୁତାବକ ନବରଙ୍ଗପୁର ବିଜେଡ଼ିରେ ଅସନ୍ତୁଷ୍ଟ ସୃଷ୍ଟି କରୁଥିଲେ ଏହି ନେତା  । ତେଣୁ ଦଳ ପକ୍ଷରୁ ଅଭିଯୋଗକୁ ଉପଯୁକ୍ତ ତର୍ଜମା କରାଯାଇ ଏହି ନିଷ୍ପତ୍ତି ନିଆଯାଇଥିବା ଜଣାପଡିଛି  ।

ମୁଖ୍ୟମନ୍ତ୍ରୀ ଶୁଭାରମ୍ଭ କଲେ ଶକ୍ତି ବିଭାଗର ଅନଲାଇନ ସେବା

ଭୁବନେଶ୍ୱର: ଶକ୍ତି ବିଭାଗର ଅନଲାଇନ ସେବାର ଶୁଭାରମ୍ଭ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅନଲାଇନ ସେବାର ଶୁଭାରମ୍ଭ କରିଛନ୍ତି । 5T କାର୍ଯ୍ୟକ୍ରମ ଅଧିନରେ ୯ଟି ସେବା ଅନଲାଇନରେ ଉପଲବ୍ଧ ହେବ । ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି ସବୁ କ୍ଷେତ୍ରରେ ରୂପାନ୍ତରଣ ପାଇଁ ସରକାର ପ୍ରତିଶ୍ରୁତିବଦ୍ଧ । ଅନଲାଇନ ସେବା ଦ୍ୱାରା ଶିଳ୍ପାନୁଷ୍ଠାନ ଓ ବାଣିଜ୍ୟିକ ପ୍ରତିଷ୍ଠାନ ଉପକୃତ ହେବେ । ଡିଜିଟାଲ ରୂପାନ୍ତରଣରେ ଲୋକଙ୍କୁ ସଶକ୍ତ କରିବା ଲକ୍ଷ୍ୟରେ ଅନଲାଇନ ସେବାର ଗୁରୁତ୍ବପୂର୍ଣ୍ଣ ଭୂମିକା ରହିଛି । ସାଧାରଣ ଲୋକଙ୍କ ହାତପାହାନ୍ତାରେ ପହଞ୍ଚିପାରିବ ସେବା ।

ଏଣିକି ଅନଲାଇନରେ ବୈଦ୍ୟୁତିକ ଲାଇସେନ୍ସ ଆବେଦନ ଓ ନବୀକରଣ କରାଯିବ । ସେହିପରି ଇଲେକ୍ଟ୍ରିକାଲ ଡ୍ରଇଁକୁ ଅନୁମତି , ଜରୁରୀକାଳୀନ ଅନୁଧ୍ୟାନ ରିପୋର୍ଟ , ସ୍ବଲ୍ପକାଳୀନ ଲାଇସେନ୍ନ ପ୍ରଦାନ ଆଦି ବ୍ୟବସ୍ଥା ଅନଲାଇନ ଯୋଗେ ହୋଇପାରିବ । କାର୍ଯ୍ୟକ୍ରମରେ ସାମିଲ ହୋଇ ଶକ୍ତି ମନ୍ତ୍ରୀ ଦିବ୍ୟଶଙ୍କର ମିଶ୍ର ଶକ୍ତି ବିଭାଗର ବିଭିନ୍ନ ଯୋଜନା ଓ ଉପଲବ୍ଧି ସଂପର୍କରେ ଆଲୋକପାତ କରିଥିଲେ । କାର୍ଯ୍ୟକ୍ରମକୁ ୫ଟି ସଚିବ ଭି.କେ ପାଣ୍ଡିଆନ ପରିଚାଳନା କରିଥିବା ବେଳେ, ମୁଖ୍ୟ ଶାସନ ସଚିବ ସୁରେଶ ମହାପାତ୍ର, ଉନ୍ନୟନ କମିଶନର ପି. କେ ଜେନା ଓ ଅନ୍ୟ ବରିଷ୍ଠ ଅଧିକାରୀ ଉପସ୍ଥିତ ଥିଲେ ।

ରାତିରେ ଲାଞ୍ଚ ନେଉଥିଲେ ନିମାପଡ଼ା ସବ ରେଜିଷ୍ଟ୍ରର କାର୍ଯ୍ୟାଳୟର କିରାଣୀ, ମାଡ଼ିବସିଲା ଭିଜିଲାନ୍ସ

ନିମାପଡା: ଲାଞ୍ଚ ନେଉଥିଲେ, ରାତି ଅଧିଆ ଧରାପଡିଲେ  । ପୁରୀ ଜିଲ୍ଲା ନିମାପଡ଼ା  ସବ ରେଜିଷ୍ଟ୍ରର ଅଫିସରେ ଭିଜିଲାସ ଚଢ଼ାଉ । ସବ ରେଜିଷ୍ଟ୍ରର ଅଫିସର ମୁଖ୍ୟ କିରାଣୀ ପ୍ରକାଶ କୁମାର ଦାସ ଆଖି ବୁଜି ଲାଞ୍ଚ କାରବାର କରୁଛିବା ବେଳେ ମାଡି ବସିଲା ଭୁବନେଶ୍ୱର ଭିଜିଲାନ୍ସ ଟିମ  । ଏବଂ ଏହି ଲାଞ୍ଚ କାରବାରରେ ଧରାପଡିଛନ୍ତି ରାତ୍ରୀ ଜଗୁଆଳି ହରିହର ଦାସ  ।

ସୂଚନା ମୁତାବକ ନିମାପଡ଼ା ଅଞ୍ଚଳର ଏକ ଜମି ବିକ୍ରି ପାଇଁ ଲାଞ୍ଚ  ଭାଗବଣ୍ଟା କରୁଥିଲେ ମୁଖ୍ୟ କିରାଣୀ  ।  ୨୦ହଜାର ଟଙ୍କା ଲାଞ୍ଚ ନେଉଥିବା ବେଳେ ଭୁବନେଶ୍ୱର ଭିଜିଲାସ ହାତରେ ଧରା ପଡିଛନ୍ତି ନିମାପଡ଼ା ରେଜିଷ୍ଟର କାର୍ଯ୍ୟାଳୟର ଦୁଇ କର୍ମଚାରୀ  ।

ନିମାପଡ଼ା ଥାନା ବଳଙ୍ଗା ଅଞ୍ଚଳର ନକୁଳ ତରଣ ପ୍ରଧାନଙ୍କ ଅଭିଯୋଗ ମୁତାବକ ସବ ରେଜିଷ୍ଟର ଅଫିସରେ କାର୍ଯ୍ୟ କରୁଥିବା ମୁଖ୍ୟ କିରାଣୀ ପ୍ରକାଶ କୁମାର ଦାସ ଏକ ଜାଗା ବିକ୍ରି କାଗଜପତ୍ର କରାଇଦେବା ନେଇ ଲାଞ୍ଚ ମାଗିଥିଲେ  । ଏବଂ ପୂର୍ବ କଥା ମୁତାବକ ୨୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଘଟଣା ବିଷୟରେ ସୂଚନା ମୁତାବକ ସେହି ସମୟରେ ମାଡି ବସିଥିଲେ  ।

ନବୀନଙ୍କୁ ରାଣୀ ରାମପାଲଙ୍କ ପ୍ରଶଂସା, ଓଡ଼ିଶା ମୁଖ୍ୟମନ୍ତ୍ରୀଙ୍କ ବିନା ମହିଳା ହକି ଟିମ୍‌ର ଅଲିମ୍ପିକ୍ସ ଯାତ୍ରା ଅସମ୍ଭବ

ଭୁବନେଶ୍ୱର: ନବୀନଙ୍କ ବିନା ମହିଳା ହକି ଟିମ୍‌ର ଅଲିମ୍ପିକ୍ସ ଯାତ୍ରା ସମ୍ଭବ ହୋଇନଥାନ୍ତା । ତାଙ୍କର ସହଯୋଗ ଏବଂ ପଥ ପ୍ରଦର୍ଶକ ପାଇଁ ଅଲିମ୍ପିକ୍ସରେ ଖେଳିବାକୁ ସୁଯୋଗ ମିଳିଥିଲା ବୋଲି କହିଛନ୍ତି ମହିଳା ହକି ଟିମ୍‌ର କ୍ୟାପଟେନ୍‌ ରାଣୀ ରାମପାଲ୍‌ । ମହିଳାଙ୍କର ଯୋଗ୍ୟତା ଉପରେ ବିଶ୍ୱାସ କରିଥିବାରୁ ସେ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଛନ୍ତି । ଏପଟେ ସଂସଦର ଷ୍ଟାଣ୍ଡିଂ କମିଟିରେ ମୁଖ୍ୟମନ୍ତ୍ରୀଙ୍କୁ ପ୍ରଂଶସା କରାଯାଇଛି ।

ହକି ଇଣ୍ଡିଆକୁ ପ୍ରୋତ୍ସାହନ ପାଇଁ ସଂସଦରେ ନବୀନଙ୍କ ଜୟଗାନ କରାଯାଇଛି । ରାଜ୍ୟ ସରକାରଙ୍କ ଅନବରତ ସହଯୋଗ ପାଇଁ ଭାରତୀୟ ହକି ଆଶାତୀତ ସଫଳତା ପାଉଛି । ୨୦୧୮ରୁ ଭାରତୀୟ ହକିର ପ୍ରାୟୋଜକ ଅଛି ଓଡ଼ିଶା । ହକି ପ୍ରତି ଓଡିଶାର ପ୍ରୋତ୍ସାହନ ଫଳରେ ହକିର ଉନ୍ନତି ଘଟିଛି । ଗୋଟେପଟେ ଅଲିମ୍ପିକ୍ସରେ ଯେତେବେଳେ ଉଭୟ ପୁରୁଷ ଓ ମହିଳା ହକି ଦଳ ଦୀର୍ଘ ୪୧ ବର୍ଷର ଇତିହାସକୁ ଅକ୍ତିଆର କରିଛି, ସେହି ସମୟରେ ସମସ୍ତେ ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପ୍ରଶଂସା କରିଛନ୍ତି  ।

ଏଥିସହ ଓଡ଼ିଶାରେ ଏକ ହାଇ ପରଫରମାନ୍ସ ସ୍ପୋର୍ଟ୍ସ ସେଣ୍ଟର ପ୍ରତିଷ୍ଠା ହୋଇଛି । ଏହା ବାସ୍ତବରେ ଓଡ଼ିଶା ପାଇଁ ଗୌରବ । ୨୦୧୮ରୁ ଓଡ଼ିଶା ସରକାର ହକି ଇଣ୍ଡିଆର ପ୍ରାୟୋଜକ ଅଛନ୍ତି । ହକିର ଉତ୍‌ଥାନ ପାଇଁ ରାଜ୍ୟ ସରକାର ଅନେକ କିଛି କରିଛନ୍ତି । ଏଥିପାଇଁ ହକିକୁ ଅଲିମ୍ପିକ୍ସରେ ଯଥେଷ୍ଟ ସଫଳା ମିଳିଛି । ଏହି ଅବସରରେ ଅନ୍ୟ ରାଜ୍ୟ ମଧ୍ୟ ଓଡ଼ିଶା ଭଳି ବିଭିନ୍ନ କ୍ରୀଡାକୁ ପ୍ରୋତ୍ସାହନ କରିବା ଆବଶ୍ୟକ ବୋଲି ପରାମର୍ଶ ଦେଇଛି ସଂସଦୀୟ ଷ୍ଟାଣ୍ଡିଂ କମିଟି । ।

‘ସକାଳ’ ଜୟପୁର ପ୍ରେସକୁ ବୁଲି ଦେଖିଲେ ବିଜେଡ଼ି ସାଙ୍ଗଠନିକ ସଂପାଦକ

ଜୟପୁର: ସକାଳ ସଂସ୍କରଣ ଛାପା କାର୍ଯ୍ୟାଳୟ ବୁଲି ଦେଖିଲେ ବିଜେଡି ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ । ଉପାନ୍ତ ଜିଲ୍ଲାଗୁଡିକର ମୁଖ୍ୟ ସହର ଜୟପୁରରେ ଏଭଳି ଅତ୍ୟାଧୁନିକ ଖବର କାଗଜ ଛାପା କାର୍ଯ୍ୟାଳୟ ହେବାକୁ ନେଇ ସେ ଆନନ୍ଦ ପ୍ରକାଶ କରିଛନ୍ତି । ଅବିଭକ୍ତ କୋରାପୁଟ ଜିଲ୍ଲାର ବିଭିନ୍ନ ଖବରକୁ ଏହି ଖବର କାଗଜରେ ସ୍ଥାନୀତ କରିବା ନେଇ ଆଶା ରଖିଛନ୍ତି ପ୍ରଣବ ପ୍ରକାଶ । ଆଗାମୀ ଦିନରେ ଏହି ଖବର କାଗଜ ଲୋକଙ୍କ ସ୍ୱର ହୋଇପାରିବ ବୋଲି କହିଛନ୍ତି ପ୍ରବଣ ପ୍ରକାଶ ଦାଶ ।

 ପବିତ୍ର ବାହୁଡ଼ା ଯାତ୍ରାରେ ଦୈନିକ ଖବର କାଗଜ ‘ସକାଳ’ର ଜୟପୁର ସଂସ୍କରଣ ପାଇଁ ଉଦଘାଟନ ହୋଇଥିଲା ନିଜସ୍ୱ ପ୍ରେସ୍ । ରାଜ୍ୟ ସରକାରଙ୍କ ଗଣମାଧ୍ୟମ ପରାମର୍ଶଦାତା ମାନସ ମଙ୍ଗରାଜ ପ୍ରେସର ଉଦଘାଟନ କରିଥିଲେ  । ନିଜ୍ୱସ ପ୍ରେସ୍ ଜୟପୁରରେ ହେବା ଦ୍ୱାରା ପାଠକ ବନ୍ଧୁ ତାଜା ଖବର ପାଇପାରିବେ ବୋଲି ଆଶା ବ୍ୟକ୍ତ କରିଥିଲେ ଗଣମାଧ୍ୟମ ପରାମର୍ଶମଦାତା  । ଏଥି ସହିତ ଉପାନ୍ତ ଅଞ୍ଚଳର ଲୋକଙ୍କ ସମସ୍ୟା କିପରି ସକାଳରେ ପ୍ରତିଫଳନ ହେବ ଏବଂ ଲୋକଙ୍କ ପ୍ରସଙ୍ଗ ହେବ ସେଥିପ୍ରତି ବିଶେଷ ପ୍ରାଧ୍ୟାନ୍ୟ ଦିଆଯିବ ବୋଲି  ମତ ପ୍ରକାଶ କରିଥିଲେ  ।

ରିମାଣ୍ଡ ସରିବା ପରେ ଜେଲଗଲେ କୋଟିପତି ପିଏସ ବିରଞ୍ଚି ସାହୁ

ଭୁବନେଶ୍ୱର: ଜେଲଗଲେ କୋଟିପତି ପିଏସ ବିରଞ୍ଚି ସାହୁ । ରିମାଣ୍ଡ ସରିବା ପରେ ତାଙ୍କୁ ଜେଲ ପଠାଇଦିଆଯାଇଛି । ରିମାଣ୍ଡ ବେଳେ ବହୁ ଗୁରୁତ୍ୱପୂର୍ଣ୍ଣ ତଥ୍ୟ ମିଳିଥିବା ସୂଚନା ମିଳିଛି । ତାଙ୍କର ବ୍ୟାଙ୍କ ଆକାଉଣ୍ଟ ଯାଂଚ କରାଯାଉଥିବାବେଳେ ତାଙ୍କ ପତ୍ନୀ 9ଶହ ଜଣଙ୍କ ପଲିସି କରିଥିବା ଜଣାଯାଇଛି । ସେଥି ମଧ୍ୟରୁ 21ଜଣ କ୍ୟାଣ୍ଡିଡେଟ ପଲିସି କରିଛନ୍ତି  । ବିରଞ୍ଚିଙ୍କ ଆୟବହିର୍ଭୂତ ସମ୍ପତ୍ତି ପରିମାଣ 3 କୋଟି 51 ଟଙ୍କା ହୋଇଥିବାବେଳେ ଏହା ପ୍ରକୃତ ସମ୍ପତ୍ତି ଠାରୁ ୨୬୮ ଗୁଣ ବୋଲି ଆକଳନ କରାଯାଇଛି ।

ଏହା ସହ ୧୧୪ଟି ଆଡମିଟ କାର୍ଡ ଜବତ ହୋଇଛି । ସେଥି ମଧ୍ୟରୁ 107ଜଣ କେଉଁଠି ଚାକିରୀ ପାଇ ନଥିବା ତଦନ୍ତରୁ ଜଣା ପଡିଛି । ଅବଶିଷ୍ଟ 7ଜଣକୁ ନେଇ ଯାଞ୍ଚ କରାଯାଉଛି । ବିରଞ୍ଚିଙ୍କ ଅନେକଗୁଡିଏ ଅଣ୍ଡର ଭ୍ୟାଲୁ ପ୍ରପଟି ରହିଛି ବୋଲି ସୂଚନା ମିଳିଛି । ମନି ଲଣ୍ଡ୍ରିଙ୍ଗ ନେଇ ଇଡି ତଦନ୍ତ କରୁଛି, ସେ ଦିଗରେ ଭିଜିଲାନ୍ସ ବି ନଜର ରଖିଛି  । ସେପଟେ ପତ୍ନୀ ଓ ସଢ଼ୁ ଏବେ ବି ଫେରାର ରହିଥିବା ସୂଚନା ମିଳିଛି ।

ଗଣମାଧ୍ୟମ ଜଗତର ନୂତନ ପରିଚୟ ନନ୍ଦିଘୋଷ ଟିଭି, ଉଲ୍ଲେଖନୀୟ ଭୂମିକା ପାଇଁ ସମ୍ପାଦକଙ୍କୁ ସମ୍ମାନ

ଭୁବନେଶ୍ୱର: ଓଡ଼ିଶାର ବୈଦ୍ୟୁତିକ ଗଣମାଧ୍ୟମ ଓ ସାମ୍ବାଦିକତା କ୍ଷେତ୍ରରେ ନୂଆ ପରିଚୟ ସୃଷ୍ଟି କରିଛି ନନ୍ଦିଘୋଷ ଟିଭି । କେବଳ ସମ୍ବାଦ ପରିବେଷଣ ନୁହେଁ ଓଡ଼ିଶାର କଳା, ସାହିତ୍ୟ, ସଂସ୍କୃତିକୁ ବିଶ୍ୱ ଦରବାରରେ ପରିଚିତ କରିବାରେ ଏହାର ରହିଛି ମହତ୍ୱପୂର୍ଣ୍ଣ ଅବଦାନ । ଏହି ଅନନ୍ୟ ଅବଦାନ ପାଇଁ ନନ୍ଦିଘୋଷ ଟିଭିର ସମ୍ପାଦକ ଶିଶିର ଭଟ୍ଟମିଶ୍ରଙ୍କୁ ବୀଣାପାଣି କଳାନିକେତନ – ୨୦୨୧ ସମ୍ମାନ ପ୍ରଦାନ କରାଯାଇଛି ।

ବୀଣାପାଣି କଳାନିକେତନ, ଆନନ୍ଦପୁର ତରଫରୁ ଏକ ନିରାଡାମ୍ବର ଉତ୍ସବରେ ଅନୁଷ୍ଠାନର ମୁଖ୍ୟ ନୃତ୍ୟ ଗୁରୁ ଜିତୁ ଦାଶ ପ୍ରଥମେ ମାନପତ୍ର ପାଠ କରିଥିଲେ  । ପରେ ସ୍ୱାଗତ କରିବା ସହ ଅନୁଷ୍ଠାନର ଉପଦେଷ୍ଟା ବୀଣାପାଣି ସେନାପତି ପୁଷ୍ପଗୁଚ୍ଛ ଓ ମାନପତ୍ର ଦେଇ ସମ୍ବର୍ଦ୍ଧିତ କରିଥିଲେ । ଅନ୍ୟମାନଙ୍କ ମଧ୍ୟରେ ବରିଷ୍ଠ କଳାକାର ଓ ନୃତ୍ୟଶିଳ୍ପୀ ଏହି କାର୍ଯ୍ୟକ୍ରମରେ ଉପସ୍ଥିତ ରହିଥିଲେ ।

ସ୍ୱାଧୀନତା ଦିବସରେ ତ୍ରିରଙ୍ଗା ରାଲି କରିବେ ଆନ୍ଦୋଳନରତ କୃଷକ

ନୂଆଦିଲ୍ଲୀ: ଜାନୁଆରୀ ୨୬ରେ ଦିଲ୍ଲୀ, ଅଗଷ୍ଟ ୧୫ରେ ସାରା ଦେଶ । ଟ୍ରାକ୍ଟର ପରେଡ୍ ପରେ ତ୍ରିରଙ୍ଗା ରାଲି କରିବେ ଆନ୍ଦୋଳନରତ କୃଷକ । କେନ୍ଦ୍ରର ୩ କୃଷି ଆଇନକୁ ନେଇ କୃଷକଙ୍କ ବିରୋଧ ଜାରି ରହିଛି । ଅଗଷ୍ଟ ୧୫ରେ ଧାରଣାରତ କୃଷକ ‘କିଷାନ ମଜଦୂର ଆଜାଦି ସଂଗ୍ରାମ ଦିବସ’ ପାଳନ କରିବେ । ଏହି ଅବସରରେ ଦେଶବ୍ୟାପୀ ତ୍ରିରଙ୍ଗା ଶୋଭାଯାତ୍ରା କରିବେ କୃଷକ । ଏ ଘୋଷଣା କରିଛି ସମ୍ୟୁକ୍ତ କିଷାନ ମୋର୍ଚ୍ଚା ।

୪୦ଟି କୃଷକ ସଂଗଠନ ଏଥିରେ ସାମିଲ୍ ହେବେ । ବ୍ଲକରୁ ନେଇ ତହସିଲ୍, ଜିଲ୍ଲାସ୍ତରରେ ସ୍ୱାଧୀନତା ଦିବସରେ ତ୍ରିରଙ୍ଗା ରାଲି କରିବେ ଚାଷୀ । ଅନ୍ୟପଟେ କିଷାନ ସଂସଦ ଜାରି ରହିଛି । ସଂସଦ ବାହାରେ ଧାରଣା ଦେଉଛନ୍ତି କୃଷକ । ଆଇନଗତ ଭାବେ ସର୍ବନିମ୍ନ ସହାୟତା ମୂଲ୍ୟ (MSP) ଦାବି କରି ଆନ୍ଦୋଳନ ଜାରି ରହିଛି ।

Protesting farmer unions to hold Tiranga rallies on Independence Day

ଗତବର୍ଷ ନଭେମ୍ବରରୁ ଦିଲ୍ଲୀର ଏକାଧିକ ସୀମାନ୍ତରେ କେନ୍ଦ୍ରର ୩ କୃଷି ଆଇନକୁ ବିରୋଧ କରି ଆନ୍ଦୋଳନ ଜାରି ରହିଛି । ସରକାରଙ୍କ ସହ କୃଷକ ନେତା ୧୦ରୁ ଅଧିକ ଥର ଆଲୋଚନା କରିଛନ୍ତି । ତଥାପି ନିଷ୍କର୍ସ ବାହାରି ପାରୁନି । ସରକାର ଆଇନ୍ ପ୍ରତ୍ୟାହାର ପାଇଁ ଅରାଜି ଥିବାବେଳେ ଜିଦରେ ଅଟଳ କୃଷକ ।

ଗତ ଜାନୁଆରୀ ୨୬ରେ ୩ କୃଷି ଆଇନକୁ ବିରୋଧ କରି କୃଷକ ଟ୍ରାକ୍ଟର ପରେଡ୍ କରିଥିଲେ । ଆଲୋଚନା ଅନୁଯାୟୀ ଟ୍ରାକ୍ଟର ପରେଡ୍ ଦିଲ୍ଲୀ ସୀମାରେ ହେବାର ଥିଲା । କିନ୍ତୁ ହଠାତ୍ ଲାଲକିଲ୍ଲା ଆଡ଼କୁ ଟ୍ରାକ୍ଟର ଧରି ମାଡ଼ି ଯାଇଥିଲେ କୃଷକ । ଫଳରେ ଦିଲ୍ଲୀ ରଣକ୍ଷେତ୍ର ପାଲଟିବା ସହ ଲାଲକିଲ୍ଲାରେ ବ୍ୟାପକ ଭଙ୍ଗାରୁଜା ହୋଇଥିଲା । ଏବେ ସ୍ୱାଧୀନତା ଦିବସରେ କୃଷକଙ୍କ ତ୍ରିରଙ୍ଗା ରାଲି ଉପରେ ସମସ୍ତଙ୍କ ନଜର ।

ସର୍ପାଘାତର ଶିକାର ନବରଙ୍ଗପୁର ଝିଅ ମଞ୍ଜୁଳାର ଦ୍ୱିତୀୟ ପର୍ଯ୍ୟାୟ ପ୍ଳାଷ୍ଟିକ ସର୍ଜରୀ ଶେଷ

କଟକ: ଶୁକ୍ରବାର ଏସ୍‌ସିବିରେ ସର୍ପାଘାତରେ ଅସୁସ୍ଥ ମଞ୍ଜୁଳାର ଦ୍ୱିତୀୟ ପର୍ଯ୍ୟାୟ ପ୍ଳାଷ୍ଟିକ୍ ସର୍ଜରୀ ସଫଳତାର ସହ ପୂରା ହୋଇଛି । ଗତ ୩ସପ୍ତାହ ତଳେ ମଞ୍ଜୁଳାର ପ୍ରଥମ ପର୍ଯ୍ୟାୟ ଅପରେସନ ହୋଇଥିଲା। ତେବେ ଅବସ୍ଥା ସଂକଟାପର୍ଣ୍ଣ ଥିବାରୁ ୩ ସପ୍ତାହ ସମୟ ନିଆଯାଇଥିଲା। ଆଜି ୩ ଘଣ୍ଟାର ଅପରେସନରେ ସର୍ଜରୀ ଶେଷ ହୋଇଛି।

ସୂଚନା ଯୋଗ୍ୟ ଯେ,  ନବରଙ୍ଗପୁର ଜିଲ୍ଲା ରାଇଘର ବାଲିଧର ଗାଁର ୯ ବର୍ଷର ଝିଅ ମଞ୍ଜୁଳା ସର୍ପ ଦଂଶନ ଶିକାର ହେବା ପରେ ଅର୍ଥାଭାବରୁ ଘରେ ଯନ୍ତ୍ରଣାରେ ଛଟପଟ ହେଉଥିଲା ।  ସର୍ପ ଦଂଶନ କରଥିବା ଡାହାଣ ହାତର କହୁଣିରୁ ଆଙ୍ଗୁଠୁ ପାଖ ଯାଏ ଅଧା ପଚି ଘାଆ ହୋଇଯାଇଥିଲଶ । ଅନ୍ୟପକ୍ଷରେ ଝିଅ ମଞ୍ଜୁଳାକୁ ଦଂଶନ କରିଥିବା ନାଗସାପକୁ ପରିବାର ଲୋକ ବନ୍ଦ କରି ରଖିଥିଲେ ।  ଝିଅ ଭଲ ହେଲେ ସାପକୁ ଛାଡିବେ ବୋଲି କହିଥିଲେ ।

କିଛି ମାସ ପୂର୍ବେ ବାପା ସୁନାଧର ଚାଷ ପାଇଁ ଜମିକୁ ଯାଇଥିବା ବେଳେ ମା’ ଘର କାମରେ ବ୍ୟସ୍ତ ଥିଲେ। ଏହି ସମୟରେ ମଞ୍ଜୁଳା ତା’ ଛୋଟ ଭାଇ ସହ ବାହାରେ ଖେଳୁଥିଲା। ଖେଳୁ ଖେଳୁ ଘର ଦାଣ୍ଡରେ ଏକ ଗଛରେ ଚଢ଼େଇ ଧରିବାକୁ ଯାଇ ସର୍ପ ଦଂଶନର ଶିକାର ହୋଇଥିଲା। ପ୍ରଥମେ ପରିବାର ଲୋକ ତାକୁ ଉମରକୋଟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ। ସେଠାରେ ପ୍ରାଥମିକ ଚିକିତ୍ସା ପରେ ତାଙ୍କୁ ନବରଙ୍ଗପୁର ନିଆଯାଇଥିଲା। ନବରଙ୍ଗପୁରରେ ଗୋଟିଏ ଦିନ ଚିକିତ୍ସା ପରେ ସେଠାରୁ ତାକୁ ତା ପରିବାର ଲୋକ କୋରାପୁଟ ସହିଦ୍ ଲକ୍ଷ୍ମଣ ନାୟକ ମେଡିକାଲ କଲେଜ୍ ନେଇଥିଲେ। ସେଠାରେ ଡାକ୍ତର ତିନିଦିନ ଧରି ଚିକିତ୍ସା କରିବା ପରେ ଝିଅର ସ୍ୱାସ୍ଥ୍ୟାବସ୍ଥାରେ ସୁଧାର ନଆସିବାରୁ ଡାକ୍ତର ଝିଅକୁ ବ୍ରହ୍ମପୁର ନେବାପାଇଁ ପରାମର୍ଶ ଦେଲେ। ହେଲେ ପରିବାର ଲୋକଙ୍କ ପାଖରେ ଅର୍ଥ ନଥିଲା। ତେଣୁ ଝିଅ ଝିଅକୁ ଘରକୁ ନେଇ ଆସିଥିଲେ ପରିବାର ଲୋକ। ଏ ନେଇ ନନ୍ଦିଘୋଷ ଟିଭିରେ ପ୍ରଥମ ଖବର ପ୍ରସାରିତ ହୋଇଥିଲା । ଏବଂ ଏହାପରେ ଝିଅଟିକୁ ଏସ୍‌ସିବିରେ ଭର୍ତ୍ତି କରାଯାଇଥିଲା । ଏବଂ ଝିଅର ସମସ୍ତ ଚିକିତ୍ସା ଖର୍ଚ୍ଚ ରାଜ୍ୟ ସରକାରଙ୍କ ପକ୍ଷରୁ ବହନ କରାଯାଉଛି ।