ଗଣମାଧ୍ୟମ ଜଗତର ନୂତନ ପରିଚୟ ନନ୍ଦିଘୋଷ ଟିଭି, ଉଲ୍ଲେଖନୀୟ ଭୂମିକା ପାଇଁ ସମ୍ପାଦକଙ୍କୁ ସମ୍ମାନ

ଭୁବନେଶ୍ୱର: ଓଡ଼ିଶାର ବୈଦ୍ୟୁତିକ ଗଣମାଧ୍ୟମ ଓ ସାମ୍ବାଦିକତା କ୍ଷେତ୍ରରେ ନୂଆ ପରିଚୟ ସୃଷ୍ଟି କରିଛି ନନ୍ଦିଘୋଷ ଟିଭି । କେବଳ ସମ୍ବାଦ ପରିବେଷଣ ନୁହେଁ ଓଡ଼ିଶାର କଳା, ସାହିତ୍ୟ, ସଂସ୍କୃତିକୁ ବିଶ୍ୱ ଦରବାରରେ ପରିଚିତ କରିବାରେ ଏହାର ରହିଛି ମହତ୍ୱପୂର୍ଣ୍ଣ ଅବଦାନ । ଏହି ଅନନ୍ୟ ଅବଦାନ ପାଇଁ ନନ୍ଦିଘୋଷ ଟିଭିର ସମ୍ପାଦକ ଶିଶିର ଭଟ୍ଟମିଶ୍ରଙ୍କୁ ବୀଣାପାଣି କଳାନିକେତନ – ୨୦୨୧ ସମ୍ମାନ ପ୍ରଦାନ କରାଯାଇଛି ।

ବୀଣାପାଣି କଳାନିକେତନ, ଆନନ୍ଦପୁର ତରଫରୁ ଏକ ନିରାଡାମ୍ବର ଉତ୍ସବରେ ଅନୁଷ୍ଠାନର ମୁଖ୍ୟ ନୃତ୍ୟ ଗୁରୁ ଜିତୁ ଦାଶ ପ୍ରଥମେ ମାନପତ୍ର ପାଠ କରିଥିଲେ  । ପରେ ସ୍ୱାଗତ କରିବା ସହ ଅନୁଷ୍ଠାନର ଉପଦେଷ୍ଟା ବୀଣାପାଣି ସେନାପତି ପୁଷ୍ପଗୁଚ୍ଛ ଓ ମାନପତ୍ର ଦେଇ ସମ୍ବର୍ଦ୍ଧିତ କରିଥିଲେ । ଅନ୍ୟମାନଙ୍କ ମଧ୍ୟରେ ବରିଷ୍ଠ କଳାକାର ଓ ନୃତ୍ୟଶିଳ୍ପୀ ଏହି କାର୍ଯ୍ୟକ୍ରମରେ ଉପସ୍ଥିତ ରହିଥିଲେ ।