spot_img
Home Blog Page 5497

ପଲାସୀ ଯୁଦ୍ଧ ଦେଖିବାକୁ ଯେତିକି ଲୋକ ଆସିଥିଲେ ସେମାନେ ଯଦି ପଥର ଖଣ୍ଡିଏ ଲେଖା ଫୋପାଡି ଥାନ୍ତେ ତେବେ ଭାରତ ପରାଧିନ ହୋଇ ନଥାନ୍ତା

ନୂଆଦିଲ୍ଲୀ: ସାରା ଦେଶ ଅଗଷ୍ଟ ୧୫ରେ ସ୍ୱାଧୀନତାର ୭୫ତମ ବର୍ଷ ପୂର୍ତ୍ତି ପାଳନ କରିବ । ତେବେ ସ୍ୱାଧୀନତା ସଂଘର୍ଷର କାହାଣୀ ଆମେ ତ ଆଜି ଯାଏଁ ଶୁଣି ଆସିଛେ । ଏବେ ଜାଣିବା ସ୍ୱାଧୀନତା ପୂର୍ବର ପରାଧୀନ ଭାରତର କାହାଣୀ । କେମିତି ଇଷ୍ଟ ଇଣ୍ଡିଆ କମ୍ପାନୀ ଭାରତର ଶାସନ ଡୋରୀ ଧରିଥିଲା । ତା’ପରେ ଦେଶରେ କେମିତି ଆଧିପତ୍ୟ ବିସ୍ତାର କରିଥିଲେ ଇଂରେଜ ।

୧୬୦୦-୧୭୫୭ (ଇଷ୍ଟ ଇଣ୍ଡିଆ କମ୍ପାନୀରୁ-ପଲାସୀ ଯୁଦ୍ଧ)
ଭାରତର ସ୍ୱାଧୀନତାକୁ ବୁଝିବା ପୂର୍ବରୁ ଆମକୁ ସ୍ୱାଧୀନତା ହରାଇବାର କାହାଣୀ ଜାଣିବାକୁ ପଡ଼ିବ । ୧୬୦୦ ମସିହାରେ ବ୍ରିଟେନ୍ ମହାରାଣୀ ଭାରତ ସହିତ ବ୍ୟବସାୟ ପାଇଁ ଇଷ୍ଟ ଇଣ୍ଡିଆ କମ୍ପାନୀ ରାଜାଜ୍ଞା ପ୍ରଦାନ କରିଥିଲେ । ବ୍ରିଟିଶ୍ ବେପାରୀ ଭାରତକୁ ଆସିବା ବେଳକୁ ଭାରତରେ ଫ୍ରେଞ୍ଚ, ପର୍ତ୍ତୁଗାଲ ଓ ଡଚ୍ ଆଡ୍ଡା ଜମାଇ ସାରିଥିଲେ । ସେତେବେଳେ ଭାରତ ଉପରେ ଥିଲା ମୋଗଲ ସାମ୍ରାଜ୍ୟର ରାଜୁତି । ମୋଗଲ ସାମ୍ରାଜ୍ୟ ଥିଲା ବିଶ୍ୱର ସବୁଠାରୁ ଧନୀ ସାମ୍ରାଜ୍ୟ । ବ୍ରିଟେନ ସେତେବେଳର ଭାରତର ଧନ ସହିତ କୌଣସି ଟକ୍କରରେ ନଥିଲା ।

Battle of Plassey British East India Company Against Nawab of Bengal Siraj-ud-Daulah

ଭାରତରୁ ସୂତା, କପଡ଼ା, ଗୋଲମରିଚ, ଅଳେଇଚ, ଲବଙ୍ଗ ଓ ଡାଲଚିନି ଆଦି ନେଇ ୟୁରୋପରେ ବ୍ୟବସାୟ କରୁଥିଲେ ୟୁରୋପୀୟ ବଣିକ । ୧୬୦୮ ମସିହାରେ ଇଷ୍ଟ ଇଣ୍ଡିଆ କମ୍ପାନୀର ଜାହାଜ ସୁରଟରେ ପହଞ୍ଚିଥିଲା । ସେଠାରେ ଇଷ୍ଟ ଇଣ୍ଡିଆ କମ୍ପାନୀ ଡଚଙ୍କ ସହାୟତାରେ ପର୍ତ୍ତୁଗାଲଙ୍କୁ ହଟାଇବାରେ ସକ୍ଷମ ହୋଇଥିଲା ।

ପରେ ପରେ ମୋଗଲ ଶାସକ ଜହାଙ୍ଗିରଙ୍କ ସହ ସମ୍ପର୍କ ନିବିଡ଼ ହୋଇଥିଲା । ୟୁରୋପୀୟ ସାମଗ୍ରୀ ପ୍ରତିବଦଳରେ ଭାରତୀୟ ଶାସକଙ୍କ ହୃଦୟ ଜିତି ପାରିଥିଲା । ଧିରେ ଧିରେ କୂଟନୀତି ଜରିଆରେ ଦେଶରେ ଦଖଲ ଦେବା ସହ ଶକ୍ତି ବୃଦ୍ଧି ପାଇଥିଲା ।

ଔରଙ୍ଗଜେବଙ୍କ ଶାସନ କାଳରେ ଇଂରଜ ବ୍ୟବସାୟୀ ନଇଁ ନମସ୍ତେ ହୋଇ ଥିଲେ । କିନ୍ତୁ ଔରଙ୍ଗଜେବଙ୍କ ନିଧନ ସହିତ ମୋଗଲ ସାମ୍ରାଜ୍ୟର ସୂର୍ଯ୍ୟାସ୍ତ ଆରମ୍ଭ ହୋଇଥିଲା । ବିଭିନ୍ନ ରାଜ୍ୟରେ ସ୍ଥାନୀୟ ଶାସକ ମୁଣ୍ଡ ଟେକିଥିଲେ । ଏହାର ସୁଯୋଗ ନେଇଥିଲା ଇଷ୍ଟଇଣ୍ଡିଆ କମ୍ପାନୀ । ନାମକୁ ମାତ୍ର ଥିବା ମୋଗଲ ସମ୍ରାଟଙ୍କଠାରୁ ଇଷ୍ଟ ଇଣ୍ଡିଆ କମ୍ପାନୀ କର ମୁକ୍ତ ବ୍ୟବସାୟ ପାଇଁ ଅନୁମତି ପାଇଥିଲା । ଯାହାର ବିରୋଧ କରିଥିଲେ ବଙ୍ଗର ନବାବ ସିରାଜୁଦ୍ଦୁଲା । କଲିକତାରେ ବ୍ରିଟିଶ ସମ୍ପତ୍ତି ଜବତ କରିନେବା ସହ ଅଧିକାରୀଙ୍କୁ ଗିରଫ କରି ନେଇଥିଲା । ଏହାପରେ ଇଷ୍ଟ ଇଣ୍ଡିଆ କମ୍ପାନୀ ଓ ସିରାଜଦ୍ଦୌଲା ମୁହାଁମୁହିଁ ହୋଇଥିଲେ ।

Battle of Plassey British East India Company Against Nawab of Bengal Siraj-ud-Daulah

ସେତେବେଳେ ଇଷ୍ଟ ଇଣ୍ଡିଆ କମ୍ପାନୀର ଆଉ ଏକ ଗଡ଼ ଥିଲା ମାଡ୍ରାସ ଯାହା ଆଜିର ଚେନ୍ନାଇ । ସେଠାରୁ ରବର୍ଟ କ୍ଲାଇଭ ନୌସେନାକୁ ନେଇ ଆସିଥିଲେ କଲିକତା । ଏବଂ ୧୭୫୭ରେ ସିରାଜୁଦ୍ଦୁଲା ଓ କ୍ଲାଇଭ୍ ପଲାସୀର ଆମ୍ବ ପଡିଆରେ ମୁହାଁମୁହିଁ ହୋଇଥିଲେ । ସିରାଜୁଦ୍ଦୁଲାଙ୍କ ସେନାପତି ମୀର ଜାଫର ବିଶ୍ୱାସଘାତକତା କରିବାକୁ ଯୁଦ୍ଧରେ ନବାବଙ୍କ ମୃତ୍ୟୁ ହୋଇଥିଲା ।

ସେନାପତିଙ୍କ ବିଶ୍ୱାସ ଘାତକତା ଯୋଗୁଁ ବଙ୍ଗ ରାଜା ସିରାଜୁଦ୍ଦୁଲା ପ୍ରାଣ ହରାଇଥିଲେ । ଯାହାକି ଇଷ୍ଟ ଇଣ୍ଡିଆ କମ୍ପାନୀ ପାଇଁ ଥିଲା ପ୍ରଥମ ବଡ଼ ବିଜୟ । ୧୭୫୭ ପରେ ଇଷ୍ଟ ଇଣ୍ଡିଆ କମ୍ପାନୀ ଦେଶରେ କ୍ଷମତା ଦଖଲ ପାଇଁ ଆହୁରି ଆଗକୁ ପାଦ ବଢ଼ାଇଥିଲା । ବଙ୍ଗର କ୍ଷମତା ଆସିଥିଲା କମ୍ପାନୀ ବାହାଦୂର ହାତକୁ ।

Battle of Plassey British East India Company Against Nawab of Bengal Siraj-ud-Daulah

ପଲାସୀ ଯୁଦ୍ଧ ଇଷ୍ଟ ଇଣ୍ଡିଆ କମ୍ପାନୀକୁ ଭାରତୀୟ ଉପମହାଦେଶରେ ଏକ ସାମରିକ ଶକ୍ତି ଭାବେ ଛିଡ଼ା କରିଥିଲା । କିନ୍ତୁ ଆପଣ ଜାଣିଲେ ଆଶ୍ଚର୍ଯ୍ୟ ହେବେ ପଲାସୀ ଯୁଦ୍ଧରେ ସିରାଜଙ୍କ ତରଫରୁ କେତେ ସୈନିକ ଲଢୁଥିଲେ ଛାଡନ୍ତୁ । କେତେ ଲୋକ କେବଳ ଯୁଦ୍ଧ ଦେଖିବାକୁ ଆସିଥିଲେ ତାହା କୁହେ ଭାରତ ପରାଧୀନ ହେବାର କାହାଣୀ ।

ବ୍ରିଟେନ୍ ଫେରିବା ପରେ କ୍ଲାଇଭ୍ ଲେଖିଥିଲେ ଯେ, ସେଦିନ ପଲାସିର ଆମ୍ବ ତୋଟାରେ ଯେତିକି ଭାରତୀୟ ଯୁଦ୍ଧ ଦେଖିବାକୁ ଏକାଠି ହୋଇଥିଲେ ସେମାନେ ଯଦି ପଥର ଖଣ୍ଡିଏ ଲେଖା କମ୍ପାନୀ ସୈନିକଙ୍କ ଉପରକୁ ଫୋପାଡି ଥାନ୍ତେ ତେବେ ସବୁ ସୈନିକଙ୍କ କବର ତିଆରି ହୋଇଥାନ୍ତା ।
କିନ୍ତୁ.. ସେ ସମୟର ଭାରତୀୟଙ୍କ ପାଇଁ ଶାସକ ବଦଳିବା କିଛି ନୂଆ କଥା ନଥିଲା । ସେମାନେ ଭାବିନେଲେ ଯେ, ମୋଗଲଙ୍କ ଯାଗା ନବାବ ନେଇଥିଲେ ଏବେ ନବାବଙ୍କ ଯାଗା ଆଉ କିଏ ନେବ ? ଆଉ ଯୁଦ୍ଧ ଦେଖିବା ପରେ ସେହି ଲୋକ ସବୁ ନିଜ ନିଜ ଘରକୁ ଫେରି ନିଜ ଦୈନନ୍ଦିନ କାର୍ଯ୍ୟରେ ବ୍ୟସ୍ତ ହୋଇଗଲେ । ଯାହାର ମୂଲ୍ୟ ଆଗାମୀ ୧୯୦ ବର୍ଷ ପର୍ଯ୍ୟନ୍ତ ଭାରତକୁ ଦେବାକୁ ପଡିଥିଲା ।

ଗଞ୍ଜାମରେ ପଞ୍ଚାୟତ ନିର୍ବାଚନ ପର୍ବପ୍ରସ୍ତୁତି, ଯୁବ ଓ ଛାତ୍ର ବିଜେଡି ପକ୍ଷରୁ ସମ୍ବର୍ଦ୍ଧନା ସଭା

ଗଞ୍ଜାମ: ପଞ୍ଚାୟତ ନିର୍ବାଚନ ପୂର୍ବରୁ ପ୍ରସ୍ତୁତି ଆରମ୍ଭ କରିଛି ବିଜେଡି । ତୃଣମୂଳ ସ୍ତରରେ ଦଳକୁ ସୁଦୃଢ କରିବାକୁ ଆରମ୍ଭ ହୋଇଛି ପ୍ରକ୍ରିୟା । ଗଞ୍ଜାମ ଜିଲ୍ଲା ପୁରୁଷୋତ୍ତମପୁରରେ ଖରିଡା ଗାଁରେ ଯୁବ ଓ ଛାତ୍ର ବିଜେଡି ପକ୍ଷରୁ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଛି । ବୈଠକରେ ନବନିଯୁକ୍ତ କର୍ମକର୍ତ୍ତାଙ୍କୁ ଗଛ ଓ ଉପଢୌକନ ଦେଇ ସମ୍ବର୍ଦ୍ଧନା ପ୍ରଦାନ କରାଯାଇଛି । ଏଥିରେ ମୁଖ୍ୟ ଅତିଥି ଭାବେ କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ ଯୋଗ ଦେଇଥିଲେ ।

ଆଗାମୀ ପଞ୍ଚାୟତ ନିର୍ବାଚନରେ ଦଳ କିଭଳି ଭଲ ପ୍ରଦର୍ଶନ କରିବ ଏଥିପାଇଁ ତୃଣମୂଳସ୍ତରରେ ସଙ୍ଗଠନକୁ ମଜଭୁତ କରିବାକୁ ଗୁରୁତ୍ବ ଦିଆଯାଇଛି । ଗାଁ ଗୁଡିକରେ ବିଜେଡ଼ି ଯୁବ ଓ ଛାତ୍ର ମାନେ ଏକତ୍ରିତ ହୋଇ ଦଳ ପାଇଁ କାମ କରିବାକୁ ଆହ୍ବାନ ଦିଆଯାଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସଦାସର୍ବଦା ଯୁବ ଓ ଛାତ୍ର ମାନଙ୍କୁ ଗୁରୁତ୍ବ ଦେଇଛନ୍ତି। ତେଣୁ ସମସ୍ତେ ମୁଖ୍ୟମନ୍ତ୍ରୀଙ୍କ ବିଶ୍ୱାସକୁ ସୁଦୃଢ଼ କରିବା ସହ ଦଳକୁ ଆଗକୁ ନେବାକୁ ବିଧାୟିକା ପରାମର୍ଶ ଦେଇଛନ୍ତି ।

ଅଗଷ୍ଟ ୧୫ରୁ ରାଜ୍ୟରେ ଆରମ୍ଭ ହେବ ଏକ୍‌ମୋ ଚିକିତ୍ସା: ତାଲିମ୍ ନେଇ କୋଲକାତାରୁ ଫେରିଲେ ଡାକ୍ତର ଓ ସ୍ୱାସ୍ଥ୍ୟକର୍ମୀ

ଭୁବନେଶ୍ୱର: ଏଣିକି ଇକମୋ ଚିକିତ୍ସା ପାଇଁ ବାହାର ରାଜ୍ୟକୁ ଯିବାକୁ ପଡ଼ିବନି । ଅଗଷ୍ଟ ଦ୍ୱିତୀୟ ସପ୍ତାହରେ ଏସସିବିରେ ଉପଲବ୍ଧ ହେବ ଏକ୍‌ମୋ ଚିକିତ୍ସା । ଅଗଷ୍ଟ ୧୫ରୁ ଓଡ଼ିଶାରେ ଆରମ୍ଭ ହେବ ଏକ୍‌ମୋ ସେବା । ୯ଟି ମେସିନ କଟକ ଏସସିବି ମେଡ଼ିକାଲରେ ଆଣି ରଖାଯାଇଛି | ଏଥିପାଇଁ ଆବଶ୍ୟକ ମାନବ ସମ୍ବଳଙ୍କୁ ମଧ୍ୟ ନିଯୁକ୍ତି ଦିଆଯାଇ ସରିଛି | ସ୍ୱତନ୍ତ୍ର ପ୍ରଶିକ୍ଷଣ ନେଇଛନ୍ତି ଡାକ୍ତର ଓ ସ୍ୱାସ୍ଥ୍ୟକର୍ମୀ । ଗୋଟିଏ ବ୍ୟାଚ୍‌ କଲିକତାରୁ ଟ୍ରେନିଂ ନେଇ ଆସିଛନ୍ତି, ଆଉ ଗୋଟିଏ ଟିମ ଖୁବଶୀଘ୍ର କଲିକତା ଯିବେ | ସମସ୍ତ ମେସିନ ଇନଷ୍ଟଲ ହୋଇସାରିଛି | ପ୍ରସ୍ତୁତିକରଣ ପ୍ରାୟ ଶେଷ ହୋଇଥିବା ଡିଏମଇଟି ନିର୍ଦ୍ଦେଶକ ସି.ବି.କେ ମହାନ୍ତି କହିଛନ୍ତି | ୯ଟି ମେସିନିକୁ ଦୁଇ ଭାଗରେ ବିଭକ୍ତ କରାଯିବ । ଅଧିକ ଲୋକ କୋଭିଡରୁ ଭଲ ହେବା ପରେ ଏକମୋ ମେସିନର ଆବଶ୍ୟକ ପଡୁଛି | ସେଥିପାଇଁ କୋଭିଡରୁ ଭଲ ହେଉଥିବା ରୋଗୀଙ୍କ ପାଇଁ ବଡ଼ ୟୁନିଟ କରାଯିବ ଓ ସଂକ୍ରମିତଙ୍କ ପାଇଁ ସ୍ମଲ ୟୁନିଟ କରାଯିବ | କୋଭିଡରୁ ଭଲ ହେଉଥିବା ରୋଗୀଙ୍କ ଲାଗି ୬ଟି ମେସିନ ବ୍ୟବହାର ହେବ ଓ ସଂକ୍ରମିତଙ୍କ ଲାଗି ୩ଟି ମେସିନ ବ୍ୟବହାର କରାଯିବ । ରାଜ୍ୟ ସରକାର ଲୋକଙ୍କୁ ମାଗଣା ଏକମୋ ଚିକିତ୍ସା ଯୋଗାଇ ଦେବାକୁ ବ୍ୟବସ୍ଥା କରିଛନ୍ତି । ଯାହାଦ୍ୱାରା ଲୋକ ଉପକୃତ ହେବେ ବୋଲି ଡିଏମ୍‌ଇଟି ନିର୍ଦ୍ଦେଶକ ସି.ବି.କେ ମହାନ୍ତି କହିଛନ୍ତି ।

ଏଥିସହିତ ପଢ଼ନ୍ତୁ: ତଦନ୍ତ ପାଇଁ ଯାଇଥିବା ପୋଲିସ କର୍ମଚାରୀଙ୍କୁ ଆକ୍ରମଣ: ୪ କନେଷ୍ଟବଳ ଆହତ

ତଦନ୍ତ ପାଇଁ ଯାଇଥିବା ପୋଲିସ କର୍ମଚାରୀଙ୍କୁ ଆକ୍ରମଣ: ୪ କନେଷ୍ଟବଳ ଆହତ

ଭଦ୍ରକ: ପୋଲିସ ଉପରେ ଆକ୍ରମଣ ଅଭିଯୋଗ । ଭଦ୍ରକ ଜିଲ୍ଲା ସାବରଙ୍ଗ ଥାନା ତୋରଣ ପଦା ଗାଁରେ ଗତକାଲି ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ହୋଇଥିଲା । ତଦନ୍ତ ପାଇଁ ପୋଲିସ ଯାଇଥିବା ସମୟରେ ହଠାତ ଗ୍ରାମବାସୀ ପୋଲିସ ଉପରେ କରିଛନ୍ତି ଆକ୍ରମଣ । ଗ୍ରାମବାସୀଙ୍କ ଆକ୍ରମଣରେ ୪ ଜଣ କନେଷ୍ଟବଳ ଆହତ ହୋଇଛନ୍ତି । ଜଣେ ମହିଳା କନେଷ୍ଟବଳ ଓ ୩ ଜଣ ପୁରୁଷ କନେଷ୍ଟବଳ ଆହତ ହୋଇଛନ୍ତି । ଏତଲା ଅନୁସାରେ, ତୋରଣପଦା ଗାଁର କରୁଣାକରଙ୍କ ଘର କବାଟ ବାଡ଼େଇବାରୁ ପୂର୍ବ ପ୍ରସ୍ତୁତ ହୋଇଥିବା କରୁଣାକର ଓ ତାଙ୍କ ସମର୍ଥକ ମାନେ ପୋଲିସକୁ ଅତର୍କିତ ଭାବେ ଆକ୍ରମଣ କରିଥିଲେ । ଆକ୍ରମଣରେ ସାବରଙ୍ଗ ପୋଲିସର ୪ଜଣ କନେଷ୍ଟବଳ ଆହତ ହୋଇଛନ୍ତି । ୨ ଜଣ କନେଷ୍ଟବଳ ଗୁରୁତର ହୋଇ ଭଦ୍ରକ ମେଡ଼ିକାଲରେ ଚିକିତ୍ସିତ ହେଉଛନ୍ତି ।

ଏଥିସହିତ ପଢ଼ନ୍ତୁ: ମଞ୍ଚେଶ୍ୱର ମୁଣ୍ଡା ସାହିରେ ଖଣ୍ଡା ବୁଲିବା ଘଟଣା: ୨୧ଜଣଙ୍କୁ ଗିରଫ କଲା ପୋଲିସ

ମଞ୍ଚେଶ୍ୱର ମୁଣ୍ଡା ସାହିରେ ଖଣ୍ଡା ବୁଲିବା ଘଟଣା: ୨୧ଜଣଙ୍କୁ ଗିରଫ କଲା ପୋଲିସ

ଭୁବନେଶ୍ୱର: ମଞ୍ଚେଶ୍ୱର ଥାନା ମୁଣ୍ଡାସାହି ଗୋଷ୍ଠୀ ସଂଘର୍ଷ ଘଟଣା । ମୋଟ ୨୧ ଜଣଙ୍କୁ ଗିରଫ କରିଲା ପୋଲିସ । ୨ ଜଣ ହୋଟେଲ ମାଲିକ ଓ ମ୍ୟାନେଜରଙ୍କ ସମେତ ୧୭ ଗିରଫ । ହୋଟେଲ ମିଡ୍ ଲ୍ୟାଣ୍ଡର ମାଲିକ ସମ୍ପୃକ୍ତ । ୪ ଜଣ ନାବାଳକ ଅଟକ । ବେସବଲ ବ୍ୟାଟ୍, ଖଣ୍ଡା , ଭୂଜାଲି ଜବତ । ଏଣିକି ବସ୍ତି ଅଞ୍ଚଳର ଗଣ୍ଡଗୋଳ ଓ ଅଶାନ୍ତି ରୋକିବା ପାଇଁ ସ୍ୱତନ୍ତ୍ର ଡ୍ରାଇଭ୍ କରାଯିବ ।

ସୂଚନା ଯୋଗ୍ୟ ଯେ, ଗତକାଲି ମଞ୍ଚେଶ୍ଵର ମୁଣ୍ଡା ସାହିରେ ୨୦ ରୁ ୩୦ ମିନିଟ୍ ଧରି ଚାଲିଥିଲା ଦୁର୍ବୃତ୍ତଙ୍କ ଆତଙ୍କରାଜ । ଗତକାଲିର ଛୋଟ ଝଗଡ଼ାକୁ ନେଇ ମହାଭାରତ । ୪୦ରୁ ୫୦ ଯୁବକ ସାହି ଉପରେ ଆକ୍ରମଣ କରିଛନ୍ତି । ଅଭିଯୁକ୍ତମାନେ ଘର ଓ ଗାଡ଼ି ଭାଙ୍ଗି ଦେଇଥିଲେ । ଯିଏ ସାମ୍ନାକୁ ଆସିଲା ମାରଣାସ୍ତ୍ରରେ ଗୋଡାଇ ଗୋଡାଇ ହାଣୁଥିଲେ ଅଭିଯୁକ୍ତ ।

ଆକ୍ରମଣ ସମୟର ଭିଜୁଆଲ ସିସିଟିଭିରେ କଏଦ୍ ହୋଇଛି । ଘଟଣାରେ ୨୦ରୁ ଅଧିକ ଆହତ ହୋଇଥିବା ବେଳେ ୫ ରୁ ୬ ଜଣଙ୍କୁ ଗୁରୁତର ଭାବେ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି । ଆକ୍ରମଣକାରୀଙ୍କୁ ଗିରଫ ଦାବିରେ ପଳାଶୁଣୀ ଛକରେ ଏନଏଚ ଅବରୋଧ କରିଥିଲେ ସ୍ଥାନୀୟ ବାସିନ୍ଦା । ପୋଲିସର ବୁଝାସୁଝା ପରେ ଏହି ଅବରୋଧ ହଟିଛି । ଘଟଣାରେ ଜଣଙ୍କୁ ଗିରଫ କରିଛି ମଞ୍ଚେଶ୍ୱର ପୋଲିସ ।

ତେବେ ଥାନାଠୁ ମାତ୍ର ୩୦୦ ମିଟର ଦୂରରେ ଘଟଣା ଘଟିଥିଲା । ଏନେଇ ପୋଲିର ପାରିବା ପଣିଆ ଉପରେ ପ୍ରଶ୍ନ ଉଠାଇଛନ୍ତି ସ୍ଥାନୀୟ ବାସୀନ୍ଦା । ସ୍ଥାନୀୟ ଲୋକ ବାରମ୍ଭାର ପିସିଆର୍ ଡାକିଥିଲେ ବି ପୋଲିସ ପହଞ୍ଚି ନଥିବା ଅଭିଯୋଗ ମଧ୍ୟ ହୋଇଛି ।

ଏଥିସହିତ ପଢ଼ନ୍ତୁ: ମଞ୍ଚେଶ୍ଵରରେ ବୁଲିଲା ଖଣ୍ଡା-ଭୂଜାଲି, ଯାହାକୁ ଦେଖିଲେ ଗୋଡ଼ାଇ ହାଣିଲେ..

ଜନସନ ଆଣ୍ଡ ଜନସନର ସିଙ୍ଗଲ୍ ଡୋଜ୍ ଟିକାକୁ ମିଳିଲା ବ୍ୟବହାର ଅନୁମତି

ନୂଆଦିଲ୍ଲୀ: ଦେଶକୁ ପଞ୍ଚମ କୋଭିଡ୍ ଟିକା ମିଳିଛି । ଜନସନ ଆଣ୍ଡ ଜନସନର ସିଙ୍ଗଲ ଡୋଜ୍ ଟିକାକୁ ଭାରତରେ ଜରୁରୀକାଳୀନ ବ୍ୟବହାର ପାଇଁ ଅନୁମତି ମିଳିଛି । ଏନେଇ ଟ୍ୱିଟ୍ କରି ସୂଚନା ଦେଇଛନ୍ତି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମଣ୍ଡବିୟା ।

ଜନସନ ଆଣ୍ଡ ଜନସନର ଟିକାକୁ ଅନୁମତି ମିଳିବା ପରେ ଦେଶରେ ଜରୁରୀକାଳୀନ ବ୍ୟବହାର ଟିକା ସଂଖ୍ୟା ୫ରେ ପହଞ୍ଚିଛି । କୋଭିଡ୍ ବିରୋଧୀ ଯୁଦ୍ଧକୁ ଏହା ଆହୁରି ଅଧିକ ଶାଣିତ କରିବ । ଗୁରୁବାର କମ୍ପାନୀ ଜରୁରୀକାଳୀନ ବ୍ୟବହାର ନେଇ ଆବେଦନ କରିଥିବା ସୂଚନା ଦେଇଥିଲା ।

Johnson And Johnsons Single Dose Vaccine Got EUA In India

ଜନସନ ଆଣ୍ଡ ଜନସନର ଟିକାକୁ ବହୁତ କମ୍ ତାପମାତ୍ରାରେ ରଖିବାର ଆବଶ୍ୟକତା ନାହିଁ । ଏଥିସହ ଏହି ଟିକାର ଗୋଟିଏ ଡୋଜ୍ ଆକ୍ରାନ୍ତଙ୍କ ଚିକିତ୍ସା କରିପାରିବ । ଟିକାରେ କମ୍ପାନୀ ଏଡିନୋ ଭାଇରସର ବ୍ୟବହାର କରିଛି । ଟିକା ଶରୀରରେ ପହଞ୍ଚିବା ପରେ କଣିକା କରୋନା ଭାଇରସ୍ ପ୍ରୋଟିନ୍ ତିଆର କରିଥାଏ । ଏହା ପରେ ପ୍ରୋଟିନ୍ ଭାଇରସ୍ ସାମ୍ନା କରିବାକୁ ଇମ୍ୟୁନ ସିଷ୍ଟମର ସହାୟତା କରିଥାଏ ।

ଅଗଷ୍ଟ୧୪ରୁ ୧୬ ମଧ୍ୟରେ ଆରମ୍ଭ ହେବ ଯୁକ୍ତ ୨ ନାମ ଲେଖା ନେଇ ଆବେଦନ

ଭୁବନେଶ୍ୱର: ଆସନ୍ତା ଅଗଷ୍ଟ ୧୪ରୁ ୧୬ ଭିତରେ ଯୁକ୍ତ ଦୁଇ ନାମ ଲେଖା ପାଇଁ ଆବେଦନ ପ୍ରକ୍ରିୟା ଆରମ୍ଭ ହେବ । ଗତ ବର୍ଷ ଅଗଷ୍ଟ ୨୧ରେ ପ୍ରକ୍ରିୟା ଆରମ୍ଭ ହୋଇଥିଲା । ଚଳିତ ବର୍ଷ ସପ୍ତାହକ ପୂର୍ବରୁ ଆରମ୍ଭ ହେବ । ଏଥର ୫୫ହଜାରରୁ ଅଧିକ ସିଟ୍‌ ବୃଦ୍ଧି ପାଇଁ ଆବେଦନ ହୋଇଛି । ତେବେ ବିଜ୍ଞାନ ପାଇଁ ଲାବରେଟୋରୀ ସମସ୍ୟା ହୋଇପାରେ । ତେଣୁ ଏ ସବୁର ଭିତ୍ତିଭୂମି ଯାଞ୍ଚ ଚାଲିଛି । ଗତକାଲି ପ୍ରମୁଖ ଶାସନ ସଚିବଙ୍କ ଅଧ୍ୟକ୍ଷତାରେ ଏ ନେଇ ବୈଠକ ବସିଥିଲା । ସେଲ୍ଫ ଫାଇନାନ୍ସିଂ କଲେଜର ଅଧିକ ଯାଞ୍ଚ ହେଉଛି । ସେମାନେ ଲାବରେଟୋରୀ ସୁବିଧା କେତେ ଯୋଗାଇ ପାରିବେ, ତାହାର ଅନୁଧ୍ୟାନ ଚାଲିଛି । ଆବେଦନ ପୂର୍ବରୁ କେତେ ସିଟ ବଢ଼ିଲା, SAMS ୱେବସାଇଟରେ ତଥ୍ୟ ଉପଲବ୍ଧ ହେବ ।

ଏଥିସହିତ ପଢ଼ନ୍ତୁ: ଅନ୍ୟ ଦେଶ ଓ କେରଳରେ ସଂକ୍ରମଣ ବଢ଼ୁଥିବାରୁ ଆଗାମୀ ୬ ମାସ ଗୁରୁତ୍ୱପୂର୍ଣ୍ଣ

ସୁନ୍ଦରଗଡ଼ ଗସ୍ତରେ 5-T ସଚିବ: ସ୍କୁଲ ଉନ୍ନତିକରଣ ସମେତ ଅନ୍ୟ ବିକାଶମୂଳକ କାର୍ଯ୍ୟର ସମୀକ୍ଷା କରୁଛନ୍ତି

ରାଉରକେଲା: ସୁନ୍ଦରଗଡ଼ରେ 5-T ସଚିବ ଭି. କେ ପାଣ୍ଡିଆନ । ଗସ୍ତ ଅବସରରେ ବିଭିନ୍ନ ଉନ୍ନୟନମୂଳକ କାର୍ଯ୍ୟର ସମୀକ୍ଷା କରୁଛନ୍ତି 5-T ସଚିବ । ସୁନ୍ଦରଗଡ଼ରେ ପହଞ୍ଚିବା ପରେ କୁଣ୍ଡୁକେଲାରେ ଥିବା ଗ୍ରୀଡ ସବଷ୍ଟେସନ ପରିଦର୍ଶନ କରିଛନ୍ତି । ପରେ ବାଙ୍କିବାହାଲରୁ ଭେଡାବାହାଲ କୋଲ କରିଡର ପ୍ରକଳ୍ପର ସମୀକ୍ଷା କରିଛନ୍ତି 5-T ସଚିବ ଭି.କେ ପାଣ୍ଡିଆନ । ସେହିପରି ଭବାନୀପୁର ଅଙ୍ଗନବାଡି କେନ୍ଦ୍ର ପରିଦର୍ଶନ କରିଛନ୍ତି । ଏହାପରେ କିଞ୍ଜିରିମା ହାଇସ୍କୁଲରେ ଚାଲିଥିବା ରୂପାନ୍ତରଣ କାର୍ଯ୍ୟକ୍ରମର ସମୀକ୍ଷା କରିଛନ୍ତି ଭି.କେ ପାଣ୍ଡିଆନ । ଏହି କାର୍ଯ୍ୟକ୍ରମ ଜରିଆରେ ଜିଲ୍ଲାର ୫୦ଟି ସରକାରୀ ହାଇସ୍କୁଲର ଭିତ୍ତିଭୂମି ଓ ଶୈକ୍ଷିକ ପରିବେଶର ଉନ୍ନତି କରାଯାଉଛି ।

ସ୍କୁଲର ପରିବେଶକୁ ସୁନ୍ଦର ଓ ଆକର୍ଷଣୀୟ କରାଯାଉଛି । ଏହାସହ ସ୍ମାର୍ଟ କ୍ଲାସ ରୁମ, ଇ-ଲାଇବ୍ରେରୀ କରାଯିବା ସହ ଗୁଣାତ୍ମକ ଶିକ୍ଷାକୁ ପ୍ରୋତ୍ସାହନ ଦିଆଯାଉଛି । ସୁନ୍ଦରଗଡ଼ ଜିଲ୍ଲାରେ ଥିବା ସରକାରୀ ହାଇସ୍କୁଲଗୁଡ଼ିକର ଉନ୍ନତିକରଣ ସହ ସ୍କୁଲ ପରିବେଶକୁ ସମ୍ପୂର୍ଣ୍ଣ ନୂଆ ରୂପ ଦେବା ପାଇଁ 5-T ଓ ‘ମୋ ସରକାର’ ଅଧୀନରେ ରାଜ୍ୟ ସରକାରଙ୍କ ପକ୍ଷରୁ ‘ହାଇସ୍କୁଲ ଟ୍ରାନ୍ସଫର୍ମେସନ କାର୍ଯ୍ୟକ୍ରମ ଆରମ୍ଭ ହୋଇଛି । ଏହାପରେ ଶଙ୍କରାରେ ଏନଟିପିସି ମେଡିକାଲ କଲେଜ ଓ ହସ୍ପିଟାଲ ଗସ୍ତ କରି କୋଭିଡ ସ୍ଥିତିର ସମୀକ୍ଷା କରିଛନ୍ତି । ସୁନ୍ଦରଗଡ଼ ଜିଲ୍ଲାରେ ଫେବ୍ରୁଆରୀ ୧୬ ତାରିଖରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୪ ହଜାର କୋଟି ଟଙ୍କାର ବିଭିନ୍ନ ପ୍ରକଳ୍ପର ଭିତ୍ତି ସ୍ଥାପନ କରିଥିଲେ । ଏ ସମସ୍ତ ପ୍ରକଳ୍ପର ଅଗ୍ରଗତିର ସମୀକ୍ଷା ମଧ୍ୟ କରିଛନ୍ତି 5-T ସଚିବ । ରାଉରକେଲା ସହରର ପାନୀୟ ଜଳ ସମସ୍ୟାର ସମାଧାନ କରିବା ସହ ବୃହତ୍ତ ଜଳସେଚନ ପ୍ରକଳ୍ପ ହମିରପୁର କୋଏଲ ବ୍ୟାରେଜ ନିର୍ମାଣ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୨୨୦ କୋଟି ଟଙ୍କା ମଞ୍ଜୁର କରିଛନ୍ତି । 5-T ସଚିବଙ୍କ ସହ ମୁଖ୍ୟ ଶାସନ ସଚିବ ସୁରେଶ ମହପାତ୍ର, ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର  ସଚିବ ଭିନିଲ କ୍ରିଷ୍ଣା, ଏନଏଚଏମ ନିର୍ଦ୍ଦେଶିକା ଶାଳିନୀ ପଣ୍ଡିତ ମଧ୍ୟ ଗସ୍ତରେ ସାମିଲ ଅଛନ୍ତି ।

ବିଗ୍ ବିଙ୍କ ବଙ୍ଗଳା ସହ ୩ଟି ରେଲୱେ ଷ୍ଟେସନ ଉଡ଼ାଇ ଦେବାକୁ ଧମକ

ମୁମ୍ବାଇ: ମାୟା ନଗରୀରେ ବଡ଼ ଧରଣର ଆକ୍ରମଣ ପାଇଁ ଧମକ । ମୁମ୍ବାଇ ପୋଲିସର ସୂଚନା ଅନୁସାରେ, ଅଜଣା ବ୍ୟକ୍ତି ବିଗ୍ ବି ଅମିତାଭ ବଚ୍ଚନଙ୍କ ବଙ୍ଗଳା ସହ ୩ଟି ରେଲ ଷ୍ଟେସନ ଉଡ଼ାଇ ଦେବାକୁ ଧମକ ଦେଇଥିଲେ । ଧମକ ପରେ ଆରମ୍ଭ ହୋଇଥିଲା ତନାଘନା । ମୁମ୍ବାଇ ପୋଲିସ ସହ ରେଲୱେ ପୋଲିସ ଓ ବୋମା ନିଷ୍କ୍ରିୟକାରୀ ଦଳ ସାମିଲ୍ ହୋଇଥିଲା । ଏହା ଏକ ଗୁଜବ ବୋଲି ଜଣାପଡ଼ିଛି । ମାମଲାରେ ମୁମ୍ବାଇ କ୍ରାଇମବ୍ରାଞ୍ଚ ୨ ଜଣଙ୍କୁ ଧରିବାରେ ସଫଳ ହୋଇଛି ।

Bomb threat call causes scare at Amitabh Bachchan's bungalow, 3 railway stations

ଧମକ ଦେଇଥିବା ୨ ଜଣଙ୍କୁ କ୍ରାଇମବ୍ରାଞ୍ଚ ପଚରାଉଚରା କରୁଛି । ଏହି ମିଛ କଲ୍ ପୋଲିସକୁ ଗତକାଲି ରାତିରେ ଆସିଥିଲା । ଯେଉଁ କଲରେ କୁହାଯାଇଥିଲା ମୁମ୍ବାଇର ୪ଟି ସ୍ଥାନରେ ବୋମା ରଖାଯାଇଛି । ଏହାପରେ ମୁମ୍ବାଇ ପୋଲିସ ସହ ରେଲୱେ ପୋଲିସ ଓ ବୋମା ନିଷ୍କ୍ରିୟକାରୀ ଟିମ୍ ଯାଞ୍ଚରେ ଲାଗି ପଡ଼ିଥିଲେ । କିନ୍ତୁ କିଛି ମିଳିନଥିଲା । ପୋଲିସ ଫୋନ୍ ଆସିଥିବା ଅଜ୍ଞାତ ନମ୍ବରକୁ ଟ୍ରେସ୍ କରି ୨ ଜଣଙ୍କୁ ଧରି ଜେରା କରୁଛି ।

ବିଳମ୍ବିତ ରାତିରେ ଆସିଥିବା ଧମକପୂର୍ଣ୍ଣ ଫୋନ କଲରେ ବୋମା ରଖାଯାଇଥିବା କୁହାଯାଇଥିଲା । ଛତ୍ରପତି ଶିବାଜୀ ମହାରାଜା ଟର୍ମିନସ୍, ଦାଦର ଓ ବାଇକୁଲ୍ଲା ରେଲୱେ ଷ୍ଟେସନ ସହ ବିଗ୍ ବିଙ୍କ ବଙ୍ଗଳାରେ ବୋମାଥିବା ଫୋନ୍ ଆସିଥିଲା । ସର୍ଚ୍ଚ ଅପରେସନ୍ ପରେ ପୋଲିସକୁ କିଛି ମଧ୍ୟ ମିଳିନଥିଲା ।

ଅନ୍ୟ ଦେଶ ଓ କେରଳରେ ସଂକ୍ରମଣ ବଢ଼ୁଥିବାରୁ ଆଗାମୀ ୬ ମାସ ଗୁରୁତ୍ୱପୂର୍ଣ୍ଣ

ଭୁବନେଶ୍ୱର: ରାଜ୍ୟ କୋଭିଡ ସ୍ଥିତିରେ ଲଗାତାର ସୁଧାର ଆସୁଛି । ଦୈନିକ ସଂକ୍ରମଣ ସଂଖ୍ୟା କମୁଛି । ଆକ୍ଟିଭ କେସ କମି ୧୨ ହଜାର ତଳେ ରହିଛି । ହସ୍ପିଟାଲରେ ଆଡମିଶନ ହେଉଥିବା ଲୋକଙ୍କ ସଂଖ୍ୟା ବି କମିଚାଲିଛି । ଖୋର୍ଦ୍ଧା ଜିଲ୍ଲାରେ ବି ସଂକ୍ରମଣ ସ୍ଥିର ରହିଛି । ବ୍ୟସ୍ତ ହେଲାଭଳି ପରିସ୍ଥିତି ନାହିଁ । ଏଠାରେ ବି ହସ୍ପିଟାଲ ଆଡ଼ମିଶନ ସଂଖ୍ୟା କମିଛି ବୋଲି କହିଛନ୍ତି ଜନସ୍ୱାସ୍ଥ୍ୟ ଡା. ନିରୋଜ ମିଶ୍ର ।

ଡେଙ୍ଗୁ ସ୍ଥିତି ଉପରେ ପ୍ରତିକ୍ରିୟା ରଖି ଡା. ମିଶ୍ର କହିଛନ୍ତି ଯେ, ଜାନୁଆରୀରୁ ବର୍ତ୍ତମାନ ସୁଦ୍ଧା ରାଜ୍ୟରେ ପାଖାପାଖି ହଜାରେ ଡେଙ୍ଗୁ କେସ ଅଛି । ସେଥିରୁ ୭୧୪ ବିଏମସିରୁ ଆସିଛି । ଗଲା ମାସରେ ଯାହା ବିଏମସି ଏରିଆରେ ବଢ଼ିଛି । ପ୍ରତିଦିନ ୩୦ରୁ ୪୦ ଡେଙ୍ଗୁ କେସ ଆସୁଛି । ଏହାଠୁ ଉପରକୁ ଯାଉନି । ଡେଙ୍ଗୁ ଭାଇରସ ଏଲିସା ପଦ୍ଧତିରେ ଟେଷ୍ଟ ହେବା କଥା । ଘରୋଇ ହସ୍ପିଟାଲ ଏଲିସା ପଦ୍ଧତିରେ ଟେଷ୍ଟ କରୁନାହାନ୍ତି । ସେମାନେ କାର୍ଡ ଟେଷ୍ଟ କରୁଛନ୍ତି । ତେଣୁ ଫଲସ ପଜିଟିଭ ବହୁତ ଅଧିକ ଆସୁଛି । କିନ୍ତୁ ସେମାନେ ନମୁନା କ୍ୟାପିଟାଲ ହସ୍ପିଟାଲ କିମ୍ବା RMRCକୁ ପଠାଇ ପାରିବେ । ସମସ୍ତ ସହରାଞ୍ଚଳ PHC, CHC ରେ ଡେଙ୍ଗୁ ଟେଷ୍ଟ ବ୍ୟବସ୍ଥା ହୋଇଛି ।

ଖାଲି ସଂକ୍ରମଣକୁ ଦେଖି ସବୁ ବନ୍ଦ କରିଦେବା କହିଲେ ହେବନି । ବର୍ତ୍ତମାନ ଟ୍ରାଏଲ ବେସିସରେ ଦେଖିବାକୁ ପଡ଼ିବ । କୋଭିଡ ଅନୁରୂପ ନିୟମ ପାଳନ କରି ଯଦି ସ୍କୁଲ ଚଳାଇ ପାରିବା ନିଶ୍ଚିତ ଭଲ । ଅନ୍ୟ ଦେଶରେ ଓ କେରଳରେ ସଂକ୍ରମଣ ବଢ଼ିଛି । କିନ୍ତୁ ଆମର କଣ ସ୍ଥିତି ହେବ, ଏବେଠୁ ଆତଙ୍କିତ ହେବାର ନାହିଁ । ଆମେ ପ୍ରସ୍ତୁତ ଅଛୁ, ଆମର ବ୍ୟବସ୍ଥା ଅଛି । ଆଗାମୀ ୬ ମାସକୁ ନଜରରେ ରଖି ବ୍ୟବସ୍ଥାକୁ ଆକ୍ଟିଭେଟ କରି ରଖିବା । ଯଦି 6 ମାସ ସଂକ୍ରମଣ ହାର ନିୟନ୍ତ୍ରଣରେ ରହିବ, ତାହେଲେ ଆତଙ୍କିତ ହେବା ଭଳି କିଛି ନାହିଁ ।