spot_img
Home Blog Page 5496

ଦିଲ୍ଲୀ ବିଶ୍ୱବିଦ୍ୟାଳୟର ଗୁରୁତ୍ୱପୂର୍ଣ୍ଣ ପଦକ୍ଷେପ, ବୃକ୍ଷ ରୋପଣ ବାଧ୍ୟତାମୂଳକ

ନୂଆଦିଲ୍ଲୀ: ବନୀକରଣ ଲାଗି ଦିଲ୍ଲୀ ବିଶ୍ବବିଦ୍ୟାଳୟର ଗୁରୁତ୍ବପୂର୍ଣ୍ଣ ପଦକ୍ଷେପ । ଦେଶର ଯେ କୌଣସି ସ୍ଥାନରେ ଅତି କମରେ ଗୋଟିଏ ବୃକ୍ଷ ରୋପଣ କରିବା ଲାଗି ନୂଆ ନିଷ୍ପତ୍ତି ନିଆଯାଇଛି । ଆସନ୍ତା ଶିକ୍ଷା ବର୍ଷରୁ ଏହି ନିୟମ ବାଧ୍ୟତାମୂଳକ ହେବ । ଅଣ୍ଡରଗ୍ରାଜୁଏଟ, ପୋଷ୍ଟଗ୍ରାଜୁଏଟ, ଏମଫିଲ, ପିଏଚଡି ସ୍ତରରେ ଏହାକୁ ବାଧ୍ୟତାମୂଳକ କରାଯାଇଛି ।

ଏହି କାର୍ଯ୍ୟକ୍ରମକୁ ମନିଟରିଂ କରାଯିବା ସହ ସଂଲଗ୍ନ କଲେଜ, ସେଣ୍ଟର ଓ ବିଭାଗ ଜରିଆରେ ମୂଲ୍ୟାୟନ କରାଯିବ ବୋଲି ରେଜିଷ୍ଟ୍ରାର ବିକାଶ ଗୁପ୍ତା କହିଛନ୍ତି ।
ବୃକ୍ଷରୋପଣ ସଂକ୍ରାନ୍ତରେ ଛାତ୍ରଛାତ୍ରୀ ପ୍ରମାଣ ଆଣିବେ ଏବଂ ଏହାକୁ ସେମାନଙ୍କ ବିଭାଗ ଓ କଲେଜରେ ଦାଖଲ କରିବେ । ବୃକ୍ଷ ରୋପଣ କଲେ ଛାତ୍ରଛାତ୍ରୀ ଜିପିଏସ ସଂକ୍ରାନ୍ତ ତଥ୍ୟ, ଏହାର ଫଟୋ ଆଦି ଦାଖଲ କରିବେ । ଏହା ସହ ଗଛର ନାମ ମଧ୍ୟ ଉଲ୍ଲେଖ କରିବେ ।

ଯେଉଁ ବୃକ୍ଷଟିକୁ ଲଗାଯାଇଥିବ ସେହି ଗଛର ରକ୍ଷଣାବେକ୍ଷଣ, ଦୀର୍ଘସୂତ୍ରୀ ମନିଟରିଂ, ୬ ମାସିଆ ରିପୋର୍ଟ, ଫଟୋଗ୍ରାଫ ଆଦି ମଧ୍ୟ ଦାଖଲ ହେବ । ଯଦି କୌଣସି କାରଣରୁ ବୃକ୍ଷଟି ମରିଯାଏ ତେବେ ନୂଆ ଚାରା ଲଗାଇବାକୁ ପଡିବ । ବିଶ୍ବବିଦ୍ୟାଳୟର ଏହି ମହତ ଯୋଜନା ନେଇ ଏକ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି କୁଳପତି ପି.ସି. ଯୋଷୀ । ଦେଶରେ ବ୍ୟାପକ ବୃକ୍ଷ ଛେଦନ, ଅମ୍ଲଜାନ ଅଭାବ ଆଦିକୁ ଦୃଷ୍ଟିରେ ରଖି ଏହି ପଦକ୍ଷେପ ନିଆଯାଇଛି ।

ବାଲୁକା କଳାରେ ସୂର୍ଣ୍ଣ ବିଜୟୀ ନୀରଜଙ୍କୁ ଶୁଭେଛା ଜଣାଇଲେ ଶିଳ୍ପୀ ସୁଦର୍ଶନ

ପୁରୀ: ଟୋକିଓ ଅଲିମ୍ପିକ୍ସରେ ନୀରଜ ଚୋପ୍ରା ଜିଣିଛନ୍ତି ସ୍ବର୍ଣ୍ଣ ପଦକ । ଜାଭେଲିନ ଥ୍ରୋରେ ତାଙ୍କର ଐତିହାସିକ ସଫଳତା ନେଇ ପୁରୀ ବେଳାଭୂମିରେ ବାଲୁକା କଳା କରିଛନ୍ତି ଆନ୍ତର୍ଜାତୀୟ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ । ବାଲୁକା କଳା ମାଧ୍ୟମରେ ଶୁଭେଚ୍ଛା ଜଣାଇବା ସହ ନୀରଜ ଦେଶ ପାଇଁ ଗୌରବ ବୋଲି କହିଛନ୍ତି ସୁଦର୍ଶନ ।

ଅଲିମ୍ପିକ୍ସ ଇତିହାସରେ ଭାରତର ରେକର୍ଡ । ଜାପାନରେ ଭାରତର ଜୟ ଜୟକାର । ଜାଭେଲିନ ଥ୍ରୋ’ରେ ସ୍ବର୍ଣ୍ଣ ପଦକ ଜିତିଲେ ନୀରଜ ଚୋପ୍ରା । ଭାରତ ସ୍ବାଧୀନତା ପରଠାରୁ ଅଲିମ୍ପିକ୍ସରେ ଯାହା କରିପାରି ନଥିଲା, ତାହା ଆଜି କରି ଦେଖାଇଛନ୍ତି ନୀରଜ ଚୋପ୍ରା । ଜାଭେଲିନ ଥ୍ରୋ ଇଭେଣ୍ଟରେ ଭାରତର ନୀରଜ ଚୋପ୍ରା ଆଜି ସ୍ବର୍ଣ୍ଣ ପଦକ ଜିତିଛନ୍ତି ।

87 ଦଶମିକ 58 ମିଟର ରେକର୍ଡ ଥ୍ରୋ କରି ବିଶ୍ବର ସବୁଠୁ ଆଗରେ ରହିଛନ୍ତି ନୀରଜ ଚୋପ୍ରା । ଚଳିତ ଅଲିମ୍ପିକ୍ସରେ ଭାରତ ପାଇଁ ପ୍ରଥମ ସ୍ବର୍ଣ୍ଣ ଜିତିଛନ୍ତି ନୀରଜ ।

ଜାଣନ୍ତୁ କେମିତି ଭାରତୀୟ ସେନାର ଜୁନିୟର କମିସନଡ୍ ଅଫିସର ଦେଶକୁ ଦେଲେ ଆଥଲେଟିକ୍ସରେ ପ୍ରଥମ ସ୍ୱର୍ଣ୍ଣ

ଭୁବନେଶ୍ୱର: ପାନିପତରୁ ଟୋକିଓ । ୧୩ ବର୍ଷ ପରେ ମିଳିଲା ସ୍ୱର୍ଣ୍ଣ । ଟୋକିଓ ଅଲମ୍ପିକରେ ଭାରତକୁ ଏକମାତ୍ର ସ୍ୱର୍ଣ୍ଣ ମିଳିଛି । ଦେଶ ପାଇଁ ଜାଭେଲିନ୍ ଥ୍ରୋରେ ସ୍ୱର୍ଣ୍ଣ ଆଣିଛନ୍ତି ଆଥଲେଟିକ୍ସ ନୀରଜ ଚୋପ୍ରା । ଏଥିସହ ରଚିଛନ୍ତି ଇତିହାସ । ଫାଇନାଲକୁ ଯିବା ପାଇଁ ୮୩.୫୦ ମିଟର ଦୂରକୁ ଜାଭେଲିନ୍ ଥ୍ରୋ କରିବାର ଆବଶ୍ୟକତା ରହିଛି । ନୀରଜ ୮୬.୬୫ ମିଟର ଜାଭେଲିନ୍ ଥ୍ରୋ କରି ଫାଇନାଲରେ ସ୍ଥାନ ପକ୍କା କରିଥିଲେ । ଆଉ ଫାଇନାଲରେ ୧୨ ଖେଳାଳିଙ୍କ ସହ ସଂଘର୍ଷପୂର୍ଣ୍ଣ ମୁକାବିଲାରେ ୮୭.୫୮ ମିଟର ଜାଭେଲିନ୍ ଥ୍ରୋ କରି ସ୍ୱର୍ଣ୍ଣ ଜିତିଛନ୍ତି ।

 Know Success And Struggle Story Of Neeraj Chopra Javelin Throw

୧୯୯୭ ଡିସେମ୍ବର ୨୪ରେ ହରିୟାଣାର ପାନିପତ ଜିଲ୍ଲାର ଖାନ୍ଦ୍ରା ଗାଁରେ ନୀରଜଙ୍କ ଜନ୍ମ । ଚାଷୀ ପରିବାରରେ ଜନ୍ମ ହୋଇଥିବା ନୀରଜ ପିଲା ଦିନେ ବହୁ ଅସୁବିଧାର ସମ୍ମୁଖୀନ ହୋଇଥିଲେ । ସବୁ ବାଧାବିଘ୍ନକୁ ଅତିକ୍ରମ କରି ନୀରଜ ନିଜକୁ ଜଣେ ସଫଳ ଆଥେଲଟ୍ ଭାବେ ପ୍ରସ୍ତୁତ କରିବା ସହ ସରକାରୀ ଚାକିରି ହାତେଇଥିଲେ ।

 Know Success And Struggle Story Of Neeraj Chopra Javelin Throw

୨୦୧୬ରେ ପୋଲାଣ୍ଡରେ ହୋଇଥିବା IAAF ୱର୍ଲ୍ଡ ଅଣ୍ଡର-୨୦ ଚାମ୍ପିଅନସିପରେ ୮୬.୪୮ ମିଟର ଜାଭେଲିନ୍ ଥ୍ରୋ କରି ନୀରଜ ସ୍ୱର୍ଣ୍ଣ ପଦକ ଜିତିଥିଲେ । ଏହାପରେ ସେ ଆର୍ମିରେ ଜୁନିୟର କମିସନଡ୍ ଅଫିସର ଭାବେ ନିଯୁକ୍ତି ପାଇଥିଲେ । ୨୦୧୮ ଅଗଷ୍ଟରେ ମଧ୍ୟ ନିଜ ରେକର୍ଡ ଭାଙ୍ଗିଥିଲେ ନୀରଜ । ଏସିଆନ୍ ଗେମରେ ୮୮.୦୬ ମିଟର ଜାଭେଲିନ୍ ଥ୍ରୋ କରି ନିଜ ରେକର୍ଡ ଭାଙ୍ଗିବା ସହ ଜାତୀୟ ସ୍ତରରେ ନୂଆ ରେକର୍ଡର ଅଧିକାରୀ ହୋଇଥିଲେ ।

 Know Success And Struggle Story Of Neeraj Chopra Javelin Throw

କୁହାଯାଏ ସଫଳତାର କାହାଣୀ ଅସଫଳତା ଓ ସଂଘର୍ଷ ବିନା ପୂରଣ ହୁଏନି । ସେହିଭଳି ନୀରଜଙ୍କ କ୍ୟାରିଅରରେ ସଂଘର୍ଷ ମଧ୍ୟ ଆସିଥିଲା । ୨୦୧୯ରେ ତାଙ୍କ କାନ୍ଧରେ ଆଘାତ କାରଣରୁ ସର୍ଜରୀ କରିବାକୁ ପଡ଼ିଥିଲା । ଏହାପରେ ନୀରଜ ୬ ମାସ ପାଇଁ ଖେଳଠୁ ଦୂରରେ ରହିଥିଲେ । ଆଉ କରୋନା ପାଇଁ ଫିଲ୍ଡକୁ ଫେରିବା ବିଳମ୍ବ ହୋଇଥିଲା ।Know Success And Struggle Story Of Neeraj Chopra Javelin Throw

ତଥାପି ସବୁ ବାଧାବିଘ୍ନକୁ ମାତ୍ ଦେଇ ଫେରିଥିଲେ ନୀରଜ । ଚଳିତବର୍ଷ ମାର୍ଚ୍ଚରେ ଅନୁଷ୍ଠିତ ଇଣ୍ଡିଆନ୍ ଗ୍ରାଣ୍ଡ ପିକ୍ସରେ ୮୮.୦୭ ମିଟର ଥ୍ରୋ କରି ନିଜ ଜାତୀୟ ରେକର୍ଡକୁ ଭାଙ୍ଗିଥିଲେ ନୀରଜ । ଏଥିସହ ଟୋକିଓ ଟିକେଟ୍ ହାସଲ କରିଥିଲେ । ଟୋକିଓ ଅଲମ୍ପିକରେ ନିଜର ପ୍ରଥମ ଖେଳରେ ହିଁ ସେ କମାଲ୍ କରିବା ଫାଇନାଲରେ ଭାରତକୁ ସ୍ୱର୍ଣ୍ଣ ଭେଟି ଦେଇଛନ୍ତି ।

କଳିଙ୍ଗ ରଣଭୂମୀରୁ ଟୋକିଓ ରଣାଙ୍ଗନ, ‘ସୁନାପୁଅ’ର ଓଡ଼ିଶା ଲିଙ୍କ୍

ନନ୍ଦିଘୋଷ ବ୍ୟୁରୋ: ଶେଷରେ ସୁନା ପୁଅ ନିରୋଜ ଭାରତକୁ ଭେଟିଦେଲେ ସୁନା  । ଆଜିର ମ୍ୟାଚରୁ ହିଁ ଅଲିମ୍ପିକ୍ସରୁ ବିରାମ ନେଉଥିଲା ଭାରତ । ପ୍ରଥମେ କୁସ୍ତି ଯୋଦ୍ଧା ବଜରଙ୍ଗ ପୁନିଆଙ୍କ ବ୍ରୋଞ୍ଜ । ପରେ ପରେ ଭାରତକୁ ସ୍ୱର୍ଣ୍ଣ ଦେବାର ଆଶା ଦେଖାଇଥିଲେ ଜାଭେଲିନ ଖେଳାଳି ନୀରଜ ଚୋପ୍ରା । ଦ୍ୱିତୀୟ ସୁଯୋଗରେ ନୀରଜ ଲେଖିଥିଲେ ଇତିହାସ । କିନ୍ତୁ ନୀରଜଙ୍କ ଇତିହାସ ପଛର କାହାଣୀ ଏହି  ଓ଼ଡ଼ିଶାରୁ ଆରମ୍ଭ  ।  କଳିଙ୍ଗ ଷ୍ଟାଡ଼ିୟମ ନୀରଜଙ୍କୁ ଦେଖାଇଥିଲା ନୂତନ ଦିଶା  ।  ଜାଭେଲିନ୍ ଥ୍ରୋର ନିହାଣରେ ନୀରଜଙ୍କୁ କରିଥିଲା ଶକ୍ତ  । ଯେତେବେଳେ ପଞ୍ଜାବରେ ଟ୍ରେନିଂ ନେଉଥିବା ନିରୋଜଙ୍କୁ ସାଥ ଦେଇନଥିଲା ପାଗ, ସେତେବେଳେ ହାତ ଧରିଥିଲା କଳିଙ୍ଗ ଷ୍ଟାଡ଼ିୟମ  ।

କଳିଙ୍ଗ ଷ୍ଟାଡିୟମରେ ଆୟୋଜନ ହୋଇଥିବା ଏସିଆନ ଆଥଲେଟିକ୍ସ ଚାମ୍ପିୟାନସିପରେ ନୀରଜ ସ୍ବର୍ଣ୍ଣ ପଦକ ଜିତିଥିଲେ । ଏହି ସମୟରେ ଦୁଇ ମାସରୁ ଅଧିକ ହେବ ସହ ଓଡ଼ିଶା ରହିଥିଲେ । କଳିଙ୍ଗ ଷ୍ଟାଡିୟମରେ ଲଗାତାର ଅଭ୍ୟାସ ଜାରି ରଖିଥିଲେ ନୀରଜ । କଳିଙ୍ଗରେ ଅଭ୍ୟାସ ତାଙ୍କୁ ବହୁତ ମାତ୍ରାରେ ଭଲ ଲାଗିଥିଲା ବୋଲି କହିଥିଲେ । ଅଭ୍ୟାସ ସମୟରେ କଳିଙ୍ଗ ଷ୍ଟାଡିୟମର ଉନ୍ନତ କ୍ରୀଡା ଭିତ୍ତିଭୂମିକୁ ଖୁବ୍ ପ୍ରଶଂସା କରିଥିଲେ ନୀରଜ । କ୍ରୀଡା କ୍ଷେତ୍ରରେ ରାଜ୍ୟ ସରକାରଙ୍କ ପ୍ରୋତ୍ସାହନକୁ ମଧ୍ୟ ସେ ପ୍ରଶଂସା କରିଥିଲେ । ଏପରିକି ଅଲିମ୍ପିକ୍ସ ପାଇଁ କଳିଙ୍ଗ ଷ୍ଟାଡିୟମରୁ ନିଜର ପ୍ରିୟ ଅଭ୍ୟାସ ଗ୍ରାଉଣ୍ଡ ଭାବେ ବାଛିଥିଲେ ନୀରଜ ।

 

 

ପଞ୍ଜାବର ପଟିଆଲାରେ ନେତାଜୀ ସୁବାଷ ବୋଷ ଟ୍ରେନିଂ କ୍ୟାମ୍ପରେ ପ୍ରଶିକ୍ଷଣ ପାଇଁ ନିରୋଜ ପହଁଚିଥିଲେ  । ଟୋକିଓ ଅଲିମ୍ପିକ୍ସରେ ଭାଗ ନେବା ପାଇଁ ଆରମ୍ଭ ହୋଇଥିଲା କସରତ  । କିନ୍ତୁ କସରତ ପୂର୍ବରୁ ନୀରଜଙ୍କୁ ଅସୁସ୍ଥ କରିଦେଇଥିଲା ସେଠାକାର ମୌସୁମୀ  । ପ୍ରଚୁର ଥଣ୍ଡା ପାଇଁ ପ୍ରଶିକ୍ଷଣ ନେବା ସମ୍ଭବପର ହେଉନଥିଲା  । ପରବର୍ତ୍ତୀ ସମୟରେ ଓଡିଶା ଆସିବାକୁ ଚାହିଁଥିଲେ ଜାଭଲିନ ଖେଳଳି ନୀରଜ  । ଶେଷରେ ଭୁବନେଶ୍ୱରର କଳିଙ୍ଗ ଷ୍ଟାଡ଼ିୟମରେ ୨୦୨୦ ମସିହା ଡିସେମ୍ବର ମାସରେ ପହଁଚିଥିଲେ ନୀରଜ  । ସାଥି ଖେଳାଳି ଶିବପାଲ ସିଂ, ଅନୁ ରାଣୀ, ରୋହିତ ଯାଦବ ମଧ୍ୟ କଳିଙ୍ଗ ଷ୍ଟାଡ଼ିୟମରେ ପହଁଚିଥିଲେ  ।

ଟୋକିଓ ଅଲିମ୍ପିକ୍ସ ପାଇଁ ଶେଷରେ ଜାଭେଲିନ କସରତର ଶେଷ ପ୍ରୟୋଗଶାଳା ପାଲଟିଥିଲା କଳିଙ୍ଗ ଷ୍ଟାଡ଼ିୟମ  । ଆଇ ଏହି ଠାରୁ ହିଁ ରଣନୀତି ପ୍ରସ୍ତୁତ କରିଥିଲେ ଆଜିର ସୁନା ପୁଅ ନୀରଜ  । ୨୦୧୭ ମସିହା ଏସିଆନ ଚମ୍ପିଆନସିପରେ ସ୍ୱର୍ଣ୍ଣ ଆଣିଥିବା ହରିଆଣାର ହିରୋ ହିଁ କଳିଙ୍ଗ ଷ୍ଟାଡ଼ିୟମର କ୍ରୀଡା ପରକିବେଶକୁ ପସନ୍ଦ କରିଥିଲେ  । ଓଡି଼ଶାର ପାଣିପାଗ ତାଙ୍କୁ ପ୍ରଶିକ୍ଷଣ ପାଇଁ ଆହୁରି ସକ୍ଷମ କରିଥିବା ସେ ନିଜେ ପ୍ରକାଶ କରିଥିଲେ  ।  ସେତେବେଳେ ବି ସେ ପ୍ରତିଶ୍ରୁତିବଦ୍ଧ ରହିଥିଲେ ଯେ ନିଶ୍ଚେ ଟୋକିଓରୁ ସୁନା ନେଇ ଫେରିବେ  । ଏବଂ ଶେଷରେ କଳିଙ୍ଗଷ୍ଟାଡ଼ିୟମର ରଣଭୂମୀରୁ ଟୋକିଓ ରଣାଙ୍ଗନକୁ ଯାଇଥିବା ନୀରଜ ଚୋପ୍ରା ସ୍ୱର୍ଣ୍ଣୀୟ ଇତିହାସରେ ଦସ୍ତଖସ୍ତ କରିଛନ୍ତି, ଶେଷ ମ୍ୟାଚରେ ଭାରତକୁ ସୁନା ଭେଟି ଦେଇଛନ୍ତି  ।

 

ନୀରଜଙ୍କ ସ୍ୱର୍ଣ୍ଣ ବିଜୟ ପରେ କିଏ, କଣ, କହିଲେ ?

ଭୁବନେଶ୍ୱର: ୧୩ ବର୍ଷ ପରେ ଭାରତକୁ ପୁଣି ମିଳିଲା ସ୍ୱର୍ଣ୍ଣ ପଦକ । ଜାଭେଲିନ୍ ଥ୍ରୋରେ ସ୍ୱର୍ଣ୍ଣ ପଦକ ଜିତି ଇତିହାସ ରଚିଛନ୍ତି ନୀରଜ ଚୋପ୍ରା । ନୀରଜ ୮୭.୫୮ ମିଟର ଜାଭେଲିନ୍ ଥ୍ରୋ କରି ଦେଶ ପାଇଁ ସ୍ୱର୍ଣ୍ଣ ଆଣିବା ସହ ଜିତିଛନ୍ତି ସମସ୍ତଙ୍କ ହୃଦୟ । ସ୍ୱର୍ଣ୍ଣ ବିଜୟ ପରେ ନୀରଜଙ୍କୁ ଛୁଟିଛି ଶୁଭେଚ୍ଛାର ସୁଅ ।

ନୀରଜଙ୍କୁ ରାଷ୍ଟ୍ରପତିଙ୍କ ଠାରୁ ନେଇ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀ ସମସ୍ତେ ଶୁଭେଚ୍ଛା ଜଣାଇଛନ୍ତି । ଶେଷଥର ପାଇଁ ୨୦୦୮ରେ ପ୍ରଥମଥର ସୁଟିଂରେ ଦେଶ ପାଇଁ ସ୍ୱର୍ଣ୍ଣ ଆଣିଥିଲେ ଅଭିନବ ବିନ୍ଦ୍ରା । ରାଷ୍ଟ୍ରପତି ଟ୍ୱିଟ୍ କରି ଶୁଭେଚ୍ଛା ଜଣାଇଛନ୍ତି । ଲେଖିଛନ୍ତି- ନୀରଜ ଇତିହାସ ସୃଷ୍ଟି କରିଛନ୍ତି ।

ପ୍ରଧାନମନ୍ତ୍ରୀ ମୋଦି ଶୁଭେଚ୍ଛା ଜଣାଇ ଲେଖିଛନ୍ତି- ଟୋକିଓରେ ନୀରଜ ଇତିହାସ ରଚିଛନ୍ତି । ନୀରଜଙ୍କ ପ୍ରଦର୍ଶନ ସବୁଦିନ ପାଇଁ ମନେ ରହିବ ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟଙ୍କ ମଧ୍ୟ ଅଭିନନ୍ଦନ ଜଣାଇଛନ୍ତି । ଦେଶ ନୀରଜଙ୍କୁ ନେଇ ଗର୍ବିତ । ନୀରଜ ପର ପିଢ଼ିକୁ ପ୍ରେରଣା ଦେଇଥିବା ଲେଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ଜାଭେଲିନ୍ ଥ୍ରୋରେ ଭାରତକୁ ସ୍ୱର୍ଣ୍ଣ, ପ୍ରଥମଥର ପାଇଁ ପଦକ ଆଣିଲେ ନୀରଜ

ଟୋକିଓ: ଆଶା, ଆଙ୍କାକ୍ଷା ଓ ଉତ୍କଣ୍ଠାର ଅନ୍ତ ହୋଇଛି । ୧୨୧ ବର୍ଷର ସଂଘର୍ଷ ପରେ ଜାଭେଲିନ୍ ଥ୍ରୋରେ ଭାରତକୁ ସ୍ୱର୍ଣ୍ଣ ଭେଟି ଦେଇଛନ୍ତି ନୀରଜ ଚୋପ୍ରା । ୮୭.୫୮ ମିଟର ବେଷ୍ଟ ଜାଭେଲିନ୍ ଥ୍ରୋ ସହ ନୀରଜଙ୍କୁ ଏହି ସଫଳତା ମିଳିଛି । ପ୍ରଥମଥର ପାଇଁ ଭାରତକୁ ଜାଭେଲିନ୍ ଥ୍ରୋରେ ପଦକ ମିଳିଛି, ତାହା ପୁଣି ସ୍ୱର୍ଣ୍ଣ । ୧୯୨୦ ମସିହାରେ ପ୍ରଥମ ଥର ପାଇଁ ଅଲମ୍ପିକ ଜାଭେଲିନ୍ ଥ୍ରୋରେ ଭାରତ ଭାଗ ନେଇଥିଲା । ସେବେଠୁ କେବେ ଭାରତ ଜାଭେଲିନ୍ ଥ୍ରୋରେ ପଦକ ପାଇନଥିଲା ।

Neeraj Chopra Clinch Gold In Javelin Throw

୧୨୧ ବର୍ଷର ଅଧୁରା ସ୍ୱପ୍ନକୁ ପୂରଣ କରିଛନ୍ତି ନୀରଜ ଚୋପ୍ରା । ଜାଭେଲିନ୍ ଥ୍ରୋରେ ଦେଶ ପାଇଁ ସ୍ୱର୍ଣ୍ଣ ପଦକ ଆଣିଛନ୍ତି । ନୀରଜଙ୍କ ସଫଳତାକୁ ନେଇ ଦେଶ ସାରା ଉତ୍ସାହ ଖେଳି ଯାଇଛି । ଏଥିସହ ଚଳିତ ଅଲମ୍ପିକରେ ଭାରତର ପଦକ ସଂଖ୍ୟା ୭କୁ ବୃଦ୍ଧି ପାଇଛି । ଟୋକିଓ ଅଲମ୍ପିକରେ ଭାରତକୁ ଗୋଟିଏ ସ୍ୱର୍ଣ୍ଣ, ୨ଟି ରୌପ୍ୟ ଓ ୪ଟି କାଂସ୍ୟ ମିଳିଛି ।

ଏଥିସହ ପଢ଼ନ୍ତୁ: ସୁନା ପାଇଁ ଭାରତର ଛାତି ଧଡ଼ ଧଡ଼

ଜାଭେଲିନ୍ ଥ୍ରୋରେ ନୀରଜ ପ୍ରଥମ ରାଉଣ୍ଡରେ ୮୭.୦୩, ଦ୍ୱିତୀୟ ରାଉଣ୍ଡରେ ୮୭.୫୮ ଓ ତୃତୀୟ ରାଉଣ୍ଡରେ ୭୬.୭୯ ମିଟର ଜାଭେଲିନ୍ ଥ୍ରୋ କରିଥିଲେ । ଚତୁର୍ଥ ଓ ପଞ୍ଚମ ରାଉଣ୍ଡ ଜାଭେଲିନ୍ ଥ୍ରୋ ଗଣତି ହୋଇ ନଥିଲା । ଫାଇନାଲରେ ନୀରଜଙ୍କ ସହ ୧୨ ଜଣ ଖେଳାଳି ଭାଗ ନେଇଥିଲେ । ସମସ୍ତଙ୍କୁ ମାତ୍ ଦେଇ ନୀରଜ ସ୍ୱର୍ଣ୍ଣ ପଦକ ଆଣିଛନ୍ତି ।

ଆକାଶରୁ ଖସିଲା ମୃତ୍ୟୁ, ବଜ୍ରପାତରେ ଆଖି ବୁଜିଲେ ୪

ବାଲେଶ୍ୱର: ଆକାଶରୁ ଖସିଲା ମୃତ୍ୟୁ । ହଠାତ ମାଡି ଆସିଲା କଳା ହାଣ୍ଡିଆ ମେଘ  । କିଛି ବୁଝିବା ଆଗରୁ ଅଚାନକ ମୃତ୍ୟୁର ମରୀଚିକା ସବୁକିଛି ସାରିଦେଇଥିଲା  । ପେଟ ପାଇଁ ଖଟିବାକୁ ଯାଇଥିବା ସାଧାରଣ ଲୋକଙ୍କୁ ଅତର୍କିତ ଆକ୍ରମଣ କରିଥିଲା କାଳରୂପୀ ବଜ୍ରପାତ  ।

ବିଲରେ କାମ କରୁଥିବା ବେଳେ ବଜ୍ରାପାତ ଘଟି 3 ଜଣଙ୍କର ମୃତ୍ୟୁ, 5 ଜଣ ଗୁରୁତର । ଗୁରୁତର ମାନଙ୍କୁ ବସ୍ତା ଏବଂ ଜଳେଶ୍ବର ହସପିଟାଲରେ ଭର୍ତ୍ତି କରା ଯାଇଛି । ବାଲେଶ୍ବର ଜିଲ୍ଲା ବସ୍ତା ଥାନା ଅନ୍ତର୍ଗତ ମଥାନୀ ଗାଁରେ ଘଟିଛି ଅଘଟଣ । ଏଠାରେ ବଜ୍ରପାତ ଘଟିଛି ଜଣକର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ହୋଇଛନ୍ତି ।

ସେହିଭଳି ସିଂଲା ଥାନା ଅନ୍ତର୍ଗତ ଶାସନ ଗ୍ରାମରେ  ବଜ୍ରାପାତରେ ଜଣଙ୍କର ମୃତ୍ୟୁ ହୋଇଥିବାବେଲେ ୨ଜଣ ଗୁରୁତର ଆହତ ହୋଇଛନ୍ତି । ବରଡିହା ଗାଁରେ ମଧ୍ୟ ଜଣକର ମୃତ ହୋଇଥିବା ବେଳେ 2 ଜଣ ଗୁରୁତର ହୋଇଛନ୍ତି । ଆଜି ଅପରାହ୍ନରେ ପ୍ରବଳ ଘଡଘଡି ସହ ବର୍ଷା ହେବାରୁ ଏଭଳି ଦୁର୍ଘଟଣା ଘଟିଛି ।

ସୁନା ପାଇଁ ଭାରତର ଛାତି ଧଡ଼ ଧଡ଼

ଟୋକିଓ: ସୁନା ଆଣିବେ ନୀରଜ । ଟୋକିଓ ଅଲମ୍ପିକ୍ସର ଜାଭେଲିନ୍ ଥ୍ରୋର ଫାଇନାଲ୍ ମୁକାବିଲା ଚାଲିଛି । ଫାଇନାଲରେ ଜିତି ଭାରତ ପାଇଁ ନୀରଜ ଚୋପ୍ରା ସୁନା ଆଣିବେ ବୋଲି ସମସ୍ତଙ୍କ ଆଶା ରହିଛି । ୬ ରାଉଣ୍ଡ ମଧ୍ୟରୁ ବର୍ତ୍ତମାନ ସୁଦ୍ଧା ୪ ରାଉଣ୍ଡ ଖେଳ ସରିଛି । ଏଥିରେ ଆଗରେ ଅଛନ୍ତି ନୀରଜ ।Tokyo Olympics Javelin-throw-neeraj-chopra-

ନୀରଜ ପ୍ରଥମ ରାଉଣ୍ଡରେ ୮୭.୦୩ ମିଟର ଜାଭେଲିନ୍ ଥ୍ରୋ କରିଥିବା ବେଳେ ଦ୍ୱିତୀୟ ରାଉଣ୍ଡରେ ୮୭.୫୮ ମିଟର, ତୃତୀୟ ରାଉଣ୍ଡରେ ୭୬.୭୯ ମିଟର ଥ୍ରୋ କରିଛନ୍ତି । ଚତୁର୍ଥ ରାଉଣ୍ଡରେ ଜାଭେଲିନ୍ ଥ୍ରୋକୁ ଗଣନା କରାଯାଇନାହିଁ । ଏବେ ସୁଦ୍ଧା ନୀରଜ ଶୀର୍ଷରେ ରହିଛନ୍ତି ।

ପାକିସ୍ତାନରେ ହିନ୍ଦୁ ମନ୍ଦିର ଉପରେ ଆକ୍ରମଣ: ୨୦ ଗିରଫ, ୧୫୦ ଜଣଙ୍କ ନାମରେ ଏତଲା

ଇସଲମାବାଦ: ପଞ୍ଜାବର ହିନ୍ଦୁ ମନ୍ଦିର ଉପରେ ପାକିସ୍ତାନର ଆକ୍ରମଣ ପରେ ପ୍ରଧାନମନ୍ତ୍ରୀ ଇମରାନ ଖାନ ଏବେ ଅକଳରେ  ।  ହିନ୍ଦୁ ମନ୍ଦିର ଉପରେ ମୁସଲିମଙ୍କ ଆକ୍ରମଣ ଏବେ ବଡ଼ ପ୍ରସଙ୍ଗ ପାଲଟିଛି  । ଏମିତିକି ଏହି ଘଟଣାରେ ପୋଲିସ ତଦନ୍ତ ଚଳାଇବା ସହ ପାଖାପାଖି ୨୦ ଜଣଙ୍କୁ ଗିରଫ କରିଛି ପଞ୍ଜାବ ପୋଲିସ  । ସେପଟେ ୧୫୦ରୁ ଉର୍ଦ୍ଧ୍ୱ ଲୋକଙ୍କ ନାମରେ ପୋଲିସ ମାମଲା ରୁଜୁ କରିଛି  ।

ଶୁକ୍ରବାର ପଞ୍ଜାବ ପ୍ରାନ୍ତରେ ଘଟିଥିବା ଏହି ଘଟଣାରେ ପାକିସ୍ତାନ ସୁପ୍ରିମକୋର୍ଟ ହସ୍ତକ୍ଷେପ କରିବା ସହ, ଏଭଳି କାର୍ଯ୍ୟକୁ ତୁରନ୍ତ ରୋକିବା ଏବଂ ଯେଉଁମାନେ ହିନ୍ଦୁ ମନ୍ଦିର ଉପରେ ଆକ୍ରମଣ କରିଥିଲେ ସେମାନଙ୍କୁ ତୁରନ୍ତ ଗିରଫ ପାଇଁ ନିର୍ଦେଶ ଦେଇଥିଲେ । ପରବର୍ତ୍ତୀ ସମୟରେ ପାକିସ୍ତାନ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା  ।

ଏହି ଘଟଣାର ସୂତ୍ରପାତ ହୋଇଥିଲା ପାକିସ୍ତାନର ରହିମ ୟାର ଖାନ ଜିଲ୍ଲାରେ  । ସ୍ଥାନୀୟ ଆଠ ବର୍ଷର  ହିନ୍ଦୁ ବାଳକ ଏକ ମାଦ୍ରାସାରେ ପରିସ୍ରା କରୁଥିବା ନେଇ ଅଭିଯୋଗ ହୋଇଥିଲା  । ଏହାପରେ କୋର୍ଟରେ ମାମଲା ପହଁଚିଥିଲା  । କୋର୍ଟ ଉକ୍ତ ବାଳକକୁ ମୁକ୍ତ ମଧ୍ୟ କରିଥିଲେ  । କିନ୍ତୁ ପରବର୍ତ୍ତୀ ସମୟରେ ପୋଲିସ ଦ୍ୱାରା ଗିରଫ ହୁଏ ଆଠ ବର୍ଷୀୟ ହିନ୍ଦୁ ବାଳକ  । ଏହା ପରେ ମଧ୍ୟ ସ୍ଥାନୀୟ ଲୋକ ହିଂସା ଘଟାଇଥିଲେ  । ଏକାଧିକତ ଲୋକ ହାତରେ ମାରଣାସ୍ତ୍ର ସହ ଲାଠି, ଠେଙ୍ଗା ଏବଂ ଅନ୍ୟାନ ଅସ୍ତ୍ରଶସ୍ତ୍ର ଧରି ପହଁଚିଯାଇଥିଲେ ହିନ୍ଦୁ ମନ୍ଦିର ନିକଟରେ  ।

ସେଠାରେ ପୋଡ଼ା ଜଳା କରିବା ସହ ସ୍ଥାନୀୟ ମନ୍ଦିରରେ ନିଆଁ ଲଗାଇଦେଥିଲେ  । ଏମିତିକି ମନ୍ଦିର ଉପରେ ଏକ ନିର୍ଦ୍ଧିଷ୍ଟ ଶ୍ରେଣିର ସଂଖାଧିକ ଲୋକ ଆକ୍ରମଣ କରିଥିଲେ  । ଏହାର ପରବର୍ତ୍ତୀ ସମୟରେ ପାକିସ୍ତାନ ପ୍ରଧାନମନ୍ତ୍ରୀ  ଇମରାନ ଖାନ ଘଟଣାକୁ ନିନ୍ଦା କରିଥିଲେ ।  ସେପଟେ ସୁପ୍ରିମକୋର୍ଟ ଏହାର ପୁଖାନୁଫୁଙ୍କ ତଦନ୍ତ ନିରେଦେଶ ଦେଇଥିଲେ  ।

୮-୦ରେ ଖେଳ ଖତମ୍, ଏମିତି ବ୍ରୋଞ୍ଜ ଜିତିଲେ ବଜରଙ୍ଗ

ନୂଆଦିଲ୍ଲୀ: ଭାରତ ପାଇଁ ଆଉ ଏକ ବ୍ରୋଞ୍ଜ ପଦକ ଆଣିଲେ ବଜରଙ୍ଗ ପୁନିଆ । ୬୫ କେଜି ବର୍ଗରେ ବଜରଙ୍ଗ ପୁନିଆ କାଂସ୍ୟ ପଦକ ଜିତିଛନ୍ତି । କାଜଖସ୍ତାନର ଦୌଲେତ ନିୟାଜବେକୋଭଙ୍କୁ ପୁନିଆ ୮-୦ରେ ମାତ୍ ଦେଇ ବ୍ରୋଞ୍ଜ ଜିତିଛନ୍ତି । ଏଥିସହ ଅଲମ୍ପିକ୍ସରେ ଭାରତର ପଦକ ସଂଖ୍ୟା ୬କୁ ବୃଦ୍ଧି ପାଇଛି ।

ପ୍ରଥମ ଭାଗରେ ବଜରଙ୍ଗ ୨-୦ରେ ଆଗୁଆ ଥିଲେ । ଏହାପରେ ଦ୍ୱିତୀୟ ପିରିୟଡରେ ଦୌଲେତଙ୍କ ଉପରେ ଚାପ ରହିଛି । ବଜରଙ୍ଗ ଏହି ଚାପର ଲାଭ ଉଠାଇ ଆରମ୍ଭରୁ ଆକ୍ରମଣ କରିଥିଲେ । ଏହା ଫଳରେ ବଜରଙ୍ଗ ଲିଡକୁ ୬-୦କୁ ନେଇ ଆସିଥିଲେ । ଆଉ ଶେଷ ୫୦ ସେକେଣ୍ଡରେ ବଜରଙ୍ଗ କୋଚ୍ ତାଙ୍କୁ ବାରମ୍ବାର ହାଲୁକା ନ ହେବାକୁ ଜୋଶ ଦେଉଥିଲେ । ବଜରଙ୍ଗ ୨ ଅଙ୍କ ସହ ୮-୦ରେ କାଂସ୍ୟ ଜିତିଥିଲେ ।

ବଜରଙ୍ଗ ବ୍ରୋଞ୍ଜ ଜିତିବା ପରେ ତାଙ୍କୁ ଶୁଭେଚ୍ଛାର ସୁଅ ଛୁଟିଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବଜରଙ୍ଗଙ୍କୁ ଅଭିନନ୍ଦନ ଜଣାଇଛନ୍ତି । ଆଗାମୀ ଦିନରେ ସେ ଆହୁରି ଭଲ ଖେଳିବେ ବୋଲି ଆଶା ରଖିଛନ୍ତି ମୁଖ୍ୟମନ୍ତ୍ରୀ ।