spot_img
Home Blog Page 5495

ଆତଙ୍କବାଦୀଙ୍କ ଧମକ: ୩ ଦିନ ମଧ୍ୟରେ ଇନ୍ଦିରାଗାନ୍ଧୀ ଅନ୍ତର୍ଜାତୀୟ ବିମାନ ବନ୍ଦର ଉଡ଼ାଇଦେବୁ

ନୂଆଦିଲ୍ଲୀ:ନୂଆଦିଲ୍ଲୀ ଇନ୍ଦିରାଗାନ୍ଧୀ ଆନ୍ତର୍ଜାତିକ ବିମାନ ବନ୍ଦର ଉଡାଇଦେବା ଲାଗି ଧମକ । ଧମକ ମିଳିବା ପରେ ବିମାନବନ୍ଦରର ସୁରକ୍ଷାକୁ ବଢାଇ ଦିଆଯାଇଛି । ଦିଲ୍ଲୀ ପୋଲିସ ନିକଟକୁ ବିମାନ ବନ୍ଦର ଉଡାଇଦେବା ଲାଗି ଏକ ଧମକପୂର୍ଣ୍ଣ ଇ-ମେଲ ଆସିବା ପରେ ସଜାଗ ହୋଇଛି ପୋଲିସ । ଅଲକାଏଦା ଆତଙ୍କବାଦୀ ସଂଗଠନ ବିମାନବନ୍ଦରକୁ ଉଡାଇଦେବା ଲାଗି ଯୋଜନା କରୁଛି ବୋଲି ସୂଚନା ମିଳିବା ପରେ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଏହା ସହ ବିଭିନ୍ନ ନିରାପତ୍ତାମୂଳକ ପଦକ୍ଷେପ ନିଆଯାଇଛି । ଏହି ଧମକପୂର୍ଣ୍ଣ ମେଲ୍ ନେଇ ବିମାନବନ୍ଦର ପୋଲିସ ଷ୍ଟେସନ ପକ୍ଷରୁ ବିମାନବନ୍ଦରର ଏୟାରଲାଇନ ଅପରେସନସ କଣ୍ଟ୍ରୋଲ ସେଣ୍ଟର- ଏଓସିସିକୁ ସୂଚନା ଦିଆଯିବା ପରେ ଆତଙ୍କ ଖେଳିଥିଲା । ଏହି ମେଲର୍ ଦର୍ଶାଯାଇଥିଲା ଯେ, ବିମାନ ବନ୍ଦରକୁ ଅଲ କାଏଦା ସର୍ଗନା ସଂଗଠନ ପକ୍ଷରୁ ଉଡାଇ ଦେବା ଲାଗି ଯୋଜନା ହେଉଛନ୍ତି ଏବଂ କରନବୀର ସୁରି ଓରଫ ମହମ୍ମଦ ଜଲାଲ ଏବଂ ତାର ପତ୍ନୀ ଶୈଲୀ ଶାରଦା ଓରଫ ହାସିନା ସିଙ୍ଗାପୁରରୁ ଭାରତକୁ ଆସୁଛନ୍ତି ଏବଂ ତିନି ଦିନ ଭିତରେ ବିମାନ ବନ୍ଦରକୁ ଉଡାଇବା ଲାଗି ସେମାନେ ଯୋଜନା କରିଛନ୍ତି । ସୂଚନା ମିଳିବା ମାତ୍ରେ ସମସ୍ତ ଚେକ ପଏଣ୍ଟରେ ନାକାବନ୍ଦୀ କରାଯାଇ ବ୍ୟାପକ ଯାଞ୍ଚ କରାଯାଉଛି । ସମସ୍ତ ସମ୍ପୃକ୍ତ ବିଭାଗକୁ ଏସଓସିସି ପକ୍ଷରୁ ସୂଚନା ଦିଆଯିବା ପରେ ସମସ୍ତ ବିଭାଗ ଆଲର୍ଟ ଅଛନ୍ତି । ଇମେଲ ସମ୍ପର୍କରେ ଅଧିକ ଯାଞ୍ଚ କରୁଛି ଦିଲ୍ଲୀ ପୋଲିସ ।

ଏଥିସହିତ ପଢ଼ନ୍ତୁ: ଟୋକିଓ ଅଲିମ୍ପିକ୍ସର ଆଜି ଉଦ୍‌ଯାପନୀ ସମାରୋହ: ଜାଣନ୍ତୁ କେଉଁ ଦେଶ ପାଇଛି କେତେ ପଦକ

କୋଭିଡ କଟକଣା ଉଲ୍ଲଂଘନ ଅଭିଯୋଗରେ ସିଲ୍ ହେଲା ମାଛ ମାର୍କେଟ

ଭୁବନେଶ୍ୱର: ୪ନମ୍ବର ମାଛ ମାର୍କେଟ୍ ସିଲ । କୋଭିଡ କଟକଣା ଉଲ୍ଲଂଘନ କରିଥିବାରୁ ସିଲ କଲା ବିଏମସି । ସଟଡାଉନରେ ମାଛ ମାର୍କେଟରେ ପ୍ରବଳ ଭିଡ଼ ଜମିଥିଲା ଏ ନେଇ ଖବର ପାଇବା ପରେ ଘଟଣାସ୍ଥଳରେ ପହଞ୍ଚି ୪ନମ୍ବର ମାଛ ମାର୍କେଟ୍ ସିଲ କଲା ବିଏମସି । ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ ରହିବ ମାଛ ମାର୍କେଟ । ବାରମ୍ବାର ତାଗିଦ ସତ୍ତ୍ୱେ ଅବମାନନା ଅଭିଯୋଗ । ମାଛ ବଜାର ସିଲ୍ କରାଯିବାର ନେଇ ସୂଚନା ଦେଇଛନ୍ତି ଜୋନାଲ ଡେପୁଟୀ କମିଶନର ଅଂଶୁମାନ ରଥ ।

ଏଥିସହିତ ପଢ଼ନ୍ତୁ: ଟୋକିଓ ଅଲିମ୍ପିକ୍ସର ଆଜି ଉଦ୍‌ଯାପନୀ ସମାରୋହ: ଜାଣନ୍ତୁ କେଉଁ ଦେଶ ପାଇଛି କେତେ ପଦକ

ରାଜ୍ୟରେ ଆଉ ୧୨୪୩ ଜଣ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର: ରାଜ୍ୟରେ ଆଉ ୧୨ଶହ୪୩ ଜଣ କରୋନା ସଂକ୍ରମିତ ଚିହ୍ନଟ । ୬୯ ଆକ୍ରାନ୍ତଙ୍କ ଜୀବନ ନେଇଛି କିଲର କରୋନା । ୨୯ଜିଲ୍ଲା ଓ ଷ୍ଟେଟପୁଲରୁ ସଂକ୍ରମିତ ଚିହ୍ନଟ ହୋଇଥିବା ବେଳେ କୋରାପୁଟରେ ଦୈନିକ ସଂକ୍ରମଣ ଶୂନ ରହିଛି । କ୍ୱାରେଣ୍ଟାଇନ୍‌ରୁ ୭୧୮, ଲୋକାଲ କେସ୍ ୫୨୫ । ୨୪ଘଣ୍ଟାରେ ସୁସ୍ଥ ହୋଇଛନ୍ତି ୧୫ଶହ୨୫ । ଖୋର୍ଦ୍ଧାରୁ ସର୍ବାଧିକ ୩୯୯, କଟକରୁ ୧୭୭, ଜଗତସିଂହପୁରରୁ ୮୮, ଷ୍ଟେଟପୁଲରୁ ୮୪, ପୁରୀରୁ ୬୯ ସଂକ୍ରମିତ ଚିହ୍ନଟ ହୋଇଛନ୍ତି । ନୟାଗଡ଼ରୁ ୫୬, ଅନୁଗୁଳରୁ ୫୩, ଯାଜପୁରରୁ ୫୦, ବାଲେଶ୍ବରରୁ ୪୯, ମୟୂରଭଞ୍ଜରୁ ୩୫, କେନ୍ଦ୍ରାପଡାରୁ ୩୨, ଢେଙ୍କାନାଳରୁ ୨୯, ଭଦ୍ରକରୁ ୨୨, କେନ୍ଦୁଝରରୁ ୧୫, ସୁନ୍ଦରଗଡ଼ରୁ ୧୪, ରାୟଗଡ଼ାରୁ ୧୩, ସମ୍ବଲପୁରରୁ ୧୦, ବରଗଡ଼ରୁ ୯, ବଲାଙ୍ଗୀରରୁ ୬, କନ୍ଧମାଳ ଓ ସୋନପୁରରୁ ୫ଜଣ ଲେଖାଏଁ, ବୌଦ୍ଧ ଓ ଝାରସୁଗୁଡାରୁ ୪ଜଣ ଲେଖାଏଁ, ଗଜପତି ଓ ମାଲକାନଗିରିରୁ ୩ଜଣ ଲେଖାଏଁ, ଗଞ୍ଜାମ, କଳାହାଣ୍ଡି, ନବରଙ୍ଗପୁର, ନୂଆପଡାରୁ ୨ଜଣ ଲେଖାଏଁ, ଦେବଗଡ଼ରୁ ଜଣେ ସଂକ୍ରମିତ ଚିହ୍ନଟ । ରାଜ୍ୟରେ ମୋଟ୍ ସଂକ୍ରମିତଙ୍କ ସଂଖ୍ୟା ୯ଲକ୍ଷ ୮୭ହଜାର ୭୦, ମୋଟ୍ ସୁସ୍ଥ ହେଲେଣି ୯ଲକ୍ଷ ୬୮ହଜାର ୪୫୩, ଆକ୍ଟିଭ କେସ୍ ୧୨ହଜାର ୧୨୯ ।

ଏଥିସହିତ ପଢ଼ନ୍ତୁ: ଟୋକିଓ ଅଲିମ୍ପିକ୍ସର ଆଜି ଉଦ୍‌ଯାପନୀ ସମାରୋହ: ଜାଣନ୍ତୁ କେଉଁ ଦେଶ ପାଇଛି କେତେ ପଦକ

ଭିଜିଲାନ୍ସ ଜାଲରେ ଜିଲ୍ଲା ପ୍ରାଣୀଧନ ଚିକିତ୍ସାଧିକାରୀ: ୨ଲକ୍ଷ ୨୭ ହଜାର ଟଙ୍କା ଜବତ

ଭିଜିଲାନ୍ସ ହାତରେ ଧରାପଡ଼ିଲେ ନୂଆପଡା ଜିଲ୍ଲା ପ୍ରାଣୀଧନ ଚିକିତ୍ସା ଅଧିକାରୀ ତ୍ରିଲୋଚନ ଧଳ । ୨ଲକ୍ଷ ୨୭ ହଜାର ଟଙ୍କା ଧରି ନିଜ ଗାଁ କଟକକୁ ଯାଉଥିବା ବେଳେ ଜିଲ୍ଲା ସଦରର ତାରିଣୀ ଛକଠାରେ ଭିଜଲାନ୍ସ ହାବୁଡ଼ରେ ଧାର ପଡିଛନ୍ତି । ତ୍ରିଲୋଚନଙ୍କୁ ଭିଜଲାନ୍ସ ଗିରଫ କରି କଳାହାଣ୍ଡି ଭିଜିଲାନ୍ସ କୋର୍ଟକୁ ନିଆଯାଇଛି । ତାଙ୍କ ସରକାରୀ ବାସଭବନ ଶହ ସରକାରୀ କାର୍ଯ୍ୟାଳୟ ଓ କଟକ ନରାଜ ଗାଁ ରେ ଏକକାଳୀନ ଚଢାଉ ଜାରି ରହିଥିବା ଭିଜିଲାନ୍ସ DSP ସୂଚନା ଦେଇଛନ୍ତି । ସରକାରୀ କାର୍ଯ୍ୟାଳୟରୁ ୫୦ହଜାର ଟଙ୍କା ଜବତ ।

ଏଥିସହତ ପଢ଼ନ୍ତୁ: ଆମ୍ୱୁଲାନ୍ସ ଆଡ଼ୁଆଳରେ ଚାଲିଛି ବ୍ରାଉନସୁଗାର ସେବନ

ଆମ୍ୱୁଲାନ୍ସ ଆଡ଼ୁଆଳରେ ଚାଲିଛି ବ୍ରାଉନସୁଗାର ସେବନ

ଭଦ୍ରକ: ଆମ୍ବୁଲାନ୍ସ ଭିତରେ ଟଣା ଚାଲିଛି ବ୍ରାଉନ ସୁଗାର । ରାତି ଅନ୍ଧାରରେ ପୋଲିସକୁ ଚକମା ଦେଇ ଚାଲିଛି ବେଆଇନ କାମ । ଆମ୍ବୁଲାନ୍ସକୁ ସୁରକ୍ଷା କବଚ ଭାବେ ବ୍ୟବହାର କରି, ତା ଭିତରେ ଏପରି ଅସାମାଜିକ କାମର ଭିଡିଓ ଭାଇରାଲ୍ ହେବାରେ ଲାଗିଛି । ଭିଡିଓଟି ଭଦ୍ରକ ଚରମ୍ପା ବଉଳପୋଖରୀ ଅଞ୍ଚଳର ବୋଲି ଜଣାପଡିଛି । ଏକ ଘରୋଇ ହସ୍ପିଟାଲର ଆମ୍ବୁଲାନ୍ସରେ ବେଆଇନ ନିଶା ସେବନର ଭିଡିଓ ଭାଇରାଲ ହୋଇଛି । ରୋଗୀ ସେବାରେ ଲାଗିଥାଏ ଆମ୍ବୁଲାନ୍ସ । ଗୁରୁତର ରୋଗୀଙ୍କୁ ଗୋଟିଏ ମେଡିକାଲରୁ ଅନ୍ୟ ଏକ ମେଡିକାଲକୁ ନେବାର ସାହାଯ୍ୟ କରିଥାଏ ଆମ୍ବୁଲାନ୍ସ । ହେଲେ ଆମ୍ବୁଲାନ୍ସକୁ ଚଳାଉଥିବା ଡ୍ରାଇଭର ଏବଂ ସହଯୋଗୀ ଆମ୍ବୁଲାନ୍ସ ଭିତରେ ହିଁ ବ୍ରାଉନସୁଗାର ଟାଣୁଥିବାର ଭିଡିଓ ଏବେ ଭାଇରଲ ହୋଇଛି । ପୋଲିସକୁ ଚକ୍‌ମା ଦେବାକୁ ଆମ୍ବୁଲାନ୍ସ ଭିତରେ ଚାଲିଥିଲା ଏହି ବେଆଇନ ନିଶା ସେବନ । ଏ ଦୃଶ୍ୟ ଦେଖିବା ପରେ ଆମ୍ବୁଲାନ୍ସରେ ରୋଗୀ କେତେ ସୁରକ୍ଷିତ ତାହା ପ୍ରଶ୍ନ ଘେରରେ ।

ଏଥିସହିତ ପଢ଼ନ୍ତୁ: ନୀରଜଙ୍କ ପଛରେ ଓଡ଼ିଆ ପ୍ରଶିକ୍ଷକ, ୧୦ ବର୍ଷ ଧରି ଦେଇଥିଲେ କୋଚିଂ

ଆଲମାରୀରୁ ବାହାରିଲା ୧୬୦ ପ୍ୟାକେଟ ଗଞ୍ଜେଇ

କୋରାପୁଟ: ଆଲମାରୀ ବୋଝେଇ ଗାଡ଼ିରୁ ଗଞ୍ଜେଇ ଜବତ, ୨ଗିରଫ । ପୋଲିସ ଆଖିରେ ଧୁଳି ଦେଇ ଅଭିନବ ଉପାୟରେ ଗଞ୍ଜେଇ ଚାଲାଣ କରୁଥିଲେ ଗଞ୍ଜେଇ ବେପାରୀ । କୋରାପୁଟ ଜିଲ୍ଲା ବାଡେଲ ଅଞ୍ଚଳରୁ ଉତ୍ତରପ୍ରଦେଶକୁ ଗଞ୍ଜେଇ ଚାଲାଣ ହେଉଥିବା ବେଳେ ଲମତାପୁଟ ଓ ମାଛକୁଣ୍ଡ ପୋଲିସ ଖବର ପାଇ ଲମତାପୁଟ ଠାରୁ ୪ କିଲୋମିଟର ଦୂର ଚାଙ୍ଗୁଡ଼ିପଡା ଛକ ନିକଟରେ ନାକାବନ୍ଦୀ କରି ଆଲମାରୀ ବୋଝେଇ ଗାଡିରୁ ଗଞ୍ଜେଇ ଜବତ କରିଛି । ଜବତ ୮ଗୋଟି ଆଲମାରୀରୁ ବାହାରିଥିବା ୧୬୦ଟି ପକେଟରୁ ୮ଶହ ୯ କେଜି ୬୦୦ଗ୍ରାମ ଗଞ୍ଜେଇ ସହ ଉତ୍ତରପ୍ରଦେଶ ପଞ୍ଜିକୃତ ଗାଡିରୁ ଗଞ୍ଜେଇ ଜବତ ହୋଇଛି । ଜବତ ଗଞ୍ଜେଇର ଆନୁମାନିକ ମୁଲ୍ୟ ୮୦ ଲକ୍ଷ ଟଙ୍କା ହେବ । ଏହି ମାମଲାରେ ମାଛକୁଣ୍ଡ ପୁଲିସ ଉତ୍ତରପ୍ରଦେଶ ଅଞ୍ଚଳର ଯଶବନ୍ତ ସିଂ ଓ ହରେନ୍ଦ୍ର ସିଂକୁ ଗିରଫ କରିଛି । ତାସହ ୨ଟିମୋବାଇଲ ଫୋନ ଓ ଆଧାର କାର୍ଡକୁ ମଧ୍ୟ ଜବତ କରିଛି ପୁଲିସ । ଏହି ଘଟଣାର ଅଧିକ ତଦନ୍ତ ଜାରି ରହିଥିବା ନନ୍ଦପୁର SDPO ସଞ୍ଜୟ ମହାପାତ୍ର କହିଛନ୍ତି ।

ଏଥିସହିତ ପଢ଼ନ୍ତୁ: ଟୋକିଓ ଅଲିମ୍ପିକ୍ସର ଆଜି ଉଦ୍‌ଯାପନୀ ସମାରୋହ: ଜାଣନ୍ତୁ କେଉଁ ଦେଶ ପାଇଛି କେତେ ପଦକ

ଟୋକିଓ ଅଲିମ୍ପିକ୍ସର ଆଜି ଉଦ୍‌ଯାପନୀ ସମାରୋହ: ଜାଣନ୍ତୁ କେଉଁ ଦେଶ ପାଇଛି କେତେ ପଦକ

ଟୋକିଓ:  ଆଜି ଶେଷ ହେଉଛି ଟୋକିଓ ଅଲିମ୍ପିକ୍ସ ଯାତ୍ରା । ଗତ ଜୁଲାଇ ୨୩ରୁ ଆରମ୍ଭ ହୋଇଥିବା ଟୋକିଓ ଅଲିମ୍ପିକ୍ସର ଆଜି ଉଦ୍‌ଯାପନୀ ସମାରୋହ । ଗତକାଲି ଜଭେଲିନ୍ ଥ୍ରୋ’ ଫାଇନାଲରେ ଭାରତ ଟ୍ରାକ୍ ଆଣ୍ଡ ଫିଲ୍ଡ ଇଭେଣ୍ଟରେ ପ୍ରଥମ ସ୍ୱର୍ଣ୍ଣ ହାସଲ କରିବା ଚଳିତ ଅଲିମ୍ପିକ୍ସ ପାଇଁ ମଧ୍ୟ ପ୍ରଥମ ସ୍ୱର୍ଣ୍ଣ ହାସଲ କରିଥିଲେ ନୀରଜ ଚୋପ୍ରା । ଏଥିସହିତ ଭାରତ ପଦକ ସଂଖ୍ୟା ୭ରେ ପହଞ୍ଚିଛି । ସେଥିମଧ୍ୟରେ ଗୋଟିଏ ସ୍ୱର୍ଣ୍ଣ ସହିତ ୨ଟି ରୌପ୍ୟ ଓ ୪ଟି କାଂସ୍ୟ ପଦକ ରହିଛି । ତେବେ ଚଳିତ ଅଲିମ୍ପିକ୍ସରେ ଆମେରିକାର ସର୍ବାଧିକ ପଦକ ବିଜୟୀ ସବୁଠାରୁ ଅଧିକ ସଂଖ୍ୟକ ସ୍ୱର୍ଣ୍ଣ ପଦକ ବିଜୟୀ ହୋଇଛି ଚୀନ । ଆମେରିକାରେ ମୋଟ ୧୦୮ଟି ପଦକ ବିଜୟୀ ହେବା ସହ ପଦକ ତାଲିକାର ଶୀର୍ଷରେ ରହିଛି । ଆମେରିକା ମୋଟ ୩୬ଟି ସ୍ୱର୍ଣ୍ଣ, ୩୯ଟି ରୌପ୍ୟ ଓ ୩୩ଟି ବ୍ରୋଞ୍ଚ ପଦକ ରହିଛି । ଚୀନ ମୋଟ ୮୭ଟି ପଦକ ଜିତିଥିବା ବେଳେ ମୋଟ ୩୮ଟି ସ୍ୱର୍ଣ୍ଣ ୩୧ଟି ରୌପ୍ୟ ଓ ୧୮ଟି ବ୍ରୋଞ୍ଚ ପଦକ ବିଜୟୀ ହୋଇଛି । ଚୀନ ତଳକୁ ରହିଛି ଆରଓସି (ଋଷ) । ମୋଟ ୬୯ ପଦକ ଜିତିଥିବା ବେଳେ ସେଥିମଧ୍ୟରେ ୨୦ଟି ସ୍ୱର୍ଣ୍ଣ, ୨୬ଟି ରୌପ୍ୟ ଓ ୨୩ଟି ବ୍ରୋଞ୍ଚ ପଦକ ରହିଛି । ତା’ ପଛକୁ ରହିଛି ଗ୍ରେଟ ବ୍ରିଟେନ । ଏହି ଦେଶର ପଦକ ସଂଖ୍ୟା ୬୩ରହିଥିବା ବେଳେ ସେଥିମଧ୍ୟରେ ୨୦ଟି ସ୍ୱର୍ଣ୍ଣ, ୨୧ ରୌପ୍ୟ ଓ ୨୨ଟି ବ୍ରୋଞ୍ଚ ପଦକ ରହିଛି । ଗ୍ରେଟ ବ୍ରିଟେନ ପରେ ତାଲିକାର ପଞ୍ଚମ ସ୍ଥାନରେ ରହିଛି ଆୟୋଜକ ଜାପାନ । ମୋଟ ୫୬ଟି ପଦକ ଜିତିଥିବା ବେଳେ ସେଥିମଧ୍ୟରେ ୨୬ଟି ସ୍ୱର୍ଣ୍ଣ, ୧୨ଟି ରୌପ୍ୟ ଓ ୧୭ଟି ବ୍ରୋଞ୍ଚ ପଦକ ରହିଛି ।

ତେବେ ମୋଟ ୭ ଟି ପଦକ ଜିତି ପଦକ ତାଲିକାର ୩୨ ନମ୍ୱର ସ୍ଥାନରେ ରହିଛି ଭାରତ ।  ନୀରଜ ଚୋପ୍ରା ଜାଭେଲିନରେ ସ୍ୱର୍ଣ୍ଣ ପଦକ ହାସଲ କରିଥିବା ବେଳେ ଭାରୋତ୍ତୋଳନରେ ମୀରାବାଇ ଚାନୁ ଓ କୁସ୍ତିରେ ରବି କୁମାର ଦହିୟା ରୌପ୍ୟ ପଦକ ହାସଲ କରିଛନ୍ତି । ଅନ୍ୟପକ୍ଷରେ ଭାରତୀୟ ପୁରୁଷ ହକି ଦଳ ସହିତ, ବ୍ୟାଡମିଣ୍ଟନରେ ପି.ଭିସିନ୍ଧୁ, ବିକ୍ସିଂରେ ଲଭଲିନା ଓ କୁସ୍ତିରେ ବଜରଙ୍ଗ ପୁନିଆ କାଂସ୍ୟ ପଦକ ବିଜୟୀ ହୋଇଛନ୍ତି ।

ସ୍ୱାଧିନତା ଦିବସରେ ସାମାନ୍ୟ କୋହଳ କଟକଣା, ପୁରୀ-ଭୁବନେଶ୍ୱର-କଟକରେ ଲାଗୁ

ଭୁବନେଶ୍ୱର: ଅଗଷ୍ଟ 15 ପାଇଁ ରାଜ୍ୟରେ ସାମାନ୍ୟ କୋହଳ ହୋଇଛି କଟକଣା  । ସାମାନ୍ୟ  ହେଲା ସଟଡାଉନ କଟକଣା  । ଜାତୀୟ ପତାକା ଉତ୍ତୋଳନ ପାଇଁ 5 ଘଣ୍ଟା କୋହଳ ହୋଇଛି  । କେବଳ ପୁରୀ ଭୁବନେଶ୍ୱର ଏବଂ କଟକରେ ଏହି କଟକଣା କୋହଳ ହୋଇଛି  । ଯେହେତୁ ରାଜ୍ୟରେ କେବଳ ଏହି ତିନୋଟି ସହରରେ ସଟଡାଉନ କଟକଣା ବଳବତ୍ତର ରହିଥିଲା  । ତେଣୁ ରାଜ୍ୟ ସରକାର ସ୍ୱାଧିନତା ଦିବସ ଅବସରରେ ଏହି କଟକଣାକୁ ସାମାନ୍ୟ କୋହଳ କରିଛନ୍ତି  ।

ଅଗଷ୍ଟ ୧୫ ଦିନ  11ଟା ଯାଏ କୋହଳ ହୋଇଛି କଟକଣା  । ରାଜ୍ୟ ସରକାରଙ୍କ ପକ୍ଷରୁ ଜାରି ହୋଇଥିବା ନିର୍ଦ୍ଦେଶନାମା ଅନୁଯାୟୀ ପତାକା ଉତ୍ତୋଳନରେ ସାମିଲ ହୋଇପାରିବେ ସର୍ବାଧିକ 10ଜଣ  । କେବଳ ଭୁବନେଶ୍ବର, କଟକ ଓ ପୁରୀ ସହରରେ କଟକଣା ଲାଗୁ ହୋଇପାରିବ  । ଅନ୍ୟ ସ୍ଥାନରେ ସର୍ବାଧିକ 20ଜଣ ସାମିଲ ହୋଇପାରିବେ  । ଏବଂ କାର୍ଯ୍ୟକ୍ରମରେ କୋଭିଡ କଟକଣା ଓ ସାମାଜିକ ଦୂରତା ବାଧ୍ୟତାମୂଳକ ଭାବେ ରଖାଯାଇଛି  ।

୨୪ ଘଣ୍ଟାରେ ଭୁବନେଶ୍ୱରରେ ୪୬ ଡେଙ୍ଗୁ ରୋଗୀ ଚିହ୍ନଟ

ଭୁବନେଶ୍ୱର: ରାଜଧାନୀରେ ଡରାଉଛି ଡେଙ୍ଗୁ । ଗତ 24ଘଣ୍ଟାରେ ଭୁବନେଶ୍ୱରରେ 46ଜଣ ଡେଙ୍ଗୁ ରୋଗୀ ଚିହ୍ନଟ ହୋଇଛନ୍ତି । ଫଳରେ ଭୁବନେଶ୍ୱରର ଏହି ନୂଆ ଆକ୍ରାନ୍ତଙ୍କୁ ମିଶାଇ ମୋଟ ଡେଙ୍ଗୁ ରୋଗୀଙ୍କ ସଂଖ୍ୟା 877କୁ ବୃଦ୍ଧି ପାଇଛି । ଡେଙ୍ଗୁ ପାଇଁ ରାଜଧାନୀରେ ବିଏମ୍ସି ପକ୍ଷରୁ ବ୍ୟାପକ ସଚେତନତା କରାଯାଉଛି । ଗତ ୨୪ ଘଣ୍ଟାରେ ବିଏମ୍ସି 7581ଟି ଘରର ମୋଟ 31ହଜାର 496 ଲୋକଙ୍କ ଠାରୁ ତଥ୍ୟ ସଂଗ୍ରହ କରିଥିବା ଜଣାପଡ଼ିଛି ।

ସେହିପରି 25867ଟି ସମ୍ଭାବ୍ୟ ମଶା ବୃଦ୍ଧି ସ୍ଥାନକୁ ହଟେଇବା ସହ 25771ଟି ସ୍ଥାନରେ ମଶାର ଲାର୍ଭାକୁ ଚିହ୍ନଟ କରି ନଷ୍ଟ କରିଛି ବିଏମସି । ଅନ୍ୟପଟେ ଭୁବନେଶ୍ବରରl ପ୍ଲେଟଲେଟ୍ ଅଭାବ ବଢାଇଲା ଚିନ୍ତା । ପ୍ଲେଟଲେଟ୍ ଅଭାବ ଯୋଗୁ ରୋଗୀଙ୍କ ଜୀବନ ବିପଦରେ ପଡ଼ୁଛି । ମନୁଷ୍ୟ ଶରୀରରେ ଦେଢଲକ୍ଷରୁ 4 ଲକ୍ଷ ପର୍ଯ୍ୟନ୍ତ ପ୍ଲେଟଲେଟ୍ ରହିବା ଉଚିତ ।

ତେବେ ଡେଙ୍ଗୁ ଭଳି ଭାଇରଲ ଜ୍ବର ହେଲେ ପ୍ଲେଟଲେଟ୍ 20 ହଜାର ଓ ତା ତଳକୁ ମଧ୍ୟ ଖସିଯାଏ । ଯାହା ରୋଗୀପାଇଁ ବିପଦଜନକ । ଗୋଟିଏ ୟୁନିଟ ରକ୍ତରୁ ୬ ଘଣ୍ଟା ମଧ୍ୟରେ ପୃଥକୀକରଣ କରି ପ୍ଲାଜ୍ମା, ପ୍ଲେଟଲେଟ୍ ଓ ପେକ୍ସେଲ ବାହାର କରାଯାଇଥାଏ । ତେବେ ବର୍ତ୍ତମାନ ପରିସ୍ଥିତିରେ ଦୈନିକ 25 ରୁ 30 ୟୁନିଟ୍ ପ୍ଲେଟଲେଟ୍ ସଂଗ୍ରହ ସମ୍ଭବ ହୋଇପାରିଛି । ଅଭାବ ପୂରଣ ପାଇଁ ସ୍ବେଚ୍ଛାକୃତ ରକ୍ତଦାନକୁ ଗୁରୁତ୍ବ ଦିଆଯାଇଥିବାବେଳେ ସହଯୋଗର ହାତ ବଢାଇଛି କମିଶନରେଟ ପୋଲିସ ।

ନୀରଜଙ୍କ ପଛରେ ଓଡ଼ିଆ ପ୍ରଶିକ୍ଷକ, ୧୦ ବର୍ଷ ଧରି ଦେଇଥିଲେ କୋଚିଂ

ଭୁବନେଶ୍ୱର: ଟୋକିଓ ଅଲିମ୍ପିକ୍ସର ସ୍ୱର୍ଣ୍ଣିମ ଯାତ୍ରାରେ ନୀରଜ ଚୋପ୍ରାଙ୍କ ସହ ରହିଛି ଓଡ଼ିଆ ଲିଙ୍କ୍‌ । ଓଡ଼ିଆ ଆଥଲେଟିକ୍‌ କୋଚ ସଞ୍ଜୟ ଗଡ଼ନାୟକ ନୀରଜଙ୍କୁ ପାଖାପାଖି ୧୦ ବର୍ଷ ଧରି ବିଭିନ୍ନ କ୍ୟାମ୍ପରେ କୋଚିଂ ଦେଇଛନ୍ତି । ଭାରତୀୟ ଜୁନିଅର ଆଥଲେଟିକ୍‌ ଟିମ୍‌ର ଚିଫ କୋଚ୍‌ ଥିଲେ ସଞ୍ଜୟ ଗଡ଼ନାୟକ । ପଞ୍ଜାବ, ହରିୟାଣାରେ ବିଭିନ୍ନ କ୍ୟାମ୍ପରେ ନୀରଜ ତାଙ୍କ ଅଧିନରେ କୋଚିଂ ନେବା ସହ ଚମତ୍କାର ପ୍ରଦର୍ଶନ କରିଥିଲେ ବୋଲି କହିଛନ୍ତି ସଂଜୟ ଗଡ଼ନାୟକ ।

ନୀରଜ ଚୋପ୍ରା ରାତାରାତି ସଫଳତା ପାଇ ନାହାନ୍ତି ବୋଲି କହିଛନ୍ତି ସଂଜୟ । ଅନେକ ବର୍ଷର କଡା ସଂଘର୍ଷ ଏବଂ ଅନବରତ ଅଭ୍ୟାସ ତାଙ୍କୁ ଆଜି ସାରା ବିଶ୍ବରେ ଟପ୍‌ ସ୍ଥାନରେ ରଖିଛି । ଅଲମ୍ପିକ୍ସକୁ ମିଶାଇ ନୀରଜ ବିଭିନ୍ନ ଚାମ୍ପିଆନସିପ୍‌ରେ ୬ଟି ସ୍ବର୍ଣ୍ଣ ପଦକ ହାସଲ କରିଛନ୍ତି । ନୀରଜଙ୍କ ପ୍ରଦର୍ଶନ ପାଇଁ ପୋଲାଣ୍ଡରେ ଅନୁଷ୍ଠିତ ହୋଇଥିବା ଓ୍ବାର୍ଲ୍ଡ ଅଣ୍ଡର ୨୦ ଚାମ୍ପିଆନସିପ୍‌ ପାଇଁ ଚୟନ ହୋଇଥିଲେ । ସେଠାରେ ସେ ବିଶ୍ୱ ରେକର୍ଡ ସୃଷ୍ଟି କରିଥିଲେ ।

ପରେ ପରେ ଏସିଆନ୍‌ ଗେମ୍ସ, କମନଓ୍ବେଲଥ ଗେମ୍ସ, ସାଉଥ ଏସିଆନ୍‌ ଗେମ୍ସ, ଓ୍ବାର୍ଲ୍ଡ ୟୁଥ୍‌ ଚାମ୍ପିଆନ୍‌ସିପ୍‌ ଏସିଆନ ଜୁନିଅର ଚାମ୍ପିଆନ୍‌ସିପ୍‌, ଏସିଆନ୍‌ ଗ୍ରାଣ୍ଡ ପିକ୍ସ ସିରିଜ୍‌, ଡାଇଣ୍ଡ ଲିଗ୍‌ ଭଳି ଚାମ୍ପିୟାନ୍‌ସିପ୍‌ ତାଙ୍କୁ ଟୋକିଓ ଅଲିମ୍ପିକ୍ସରେ ବିଜୟ ପାଇଁ ପଥ କଡେଇଥିଲା । ୨୦୧୮ରେ ସିଜିନ୍‌ ବେଷ୍ଟ ରେକର୍ଡ କରିଥିଲେ ନୀରଜ ।