spot_img
Home Blog Page 5494

ଭିକାରୀ ବେଶରେ ଆସିଲେ, ମୋବାଇଲ-ପର୍ସ ଧରି ଫେରାର ହେଲେ

ଭୁବନେଶ୍ୱର: ଭିକାରୀ ବେଶରେ ଲୁଟ । ଭୁବନେଶ୍ୱରରେ ଚକେଇସିଆଣିରେ ଅଞ୍ଚଳରେ ଥିବା ଜଣକ ଘରୁ ଚାରିଟି ମୋବାଇଲ ନେଇ ଛୁ ମାରିଲେ ଲୁଟେରା ।  ଜରି ଗୋଟାଳି ହୋଇଆସିଲେ, ମୋବାଇଲ ଲୁଟି ଚାଲିଲେ । ସେପଟେ ଲୁଟରେ ସଂଶ୍ଲିଷ୍ଟ ଥିବା ବ୍ୟକ୍ତି ସମସ୍ତେ ମହିଳା ବୋଲି ଜଣାପଡିଛି  । ଲୁଟ ବେଳର ଦୃଶ୍ୟ ସିସିଟିଭିରେ କୟଦ ମଧ୍ୟ ହୋଇଛି ।

ଲୁଟେରାଙ୍କ ସହ ଗୋଟିଏ ଛୋଟ ଶିଶୁ ଏବଂ ଆଉ ଜଣେ ପାଞ୍ଚ ବର୍ଷର ଶିଶୁ ଥିବା ସିସିଟିଭି ଫୁଟେଜରୁ ଜଣା ପଡିଛି । ତେବେ ଲୁଟର ଶିକାର ହୋଇଥିବା ଯୁବତୀ ହେଲେ ତାଳଚେର ଅଂଚଳର ଶାନ୍ତି ସ୍ୱରୂପା ସାହୁ । ସେ ଚକେଇ ସିଆଣିରେ ଥିବା ନିଜ ସାଙ୍ଗ ଘରକୁ ବୁଲିବା ପାଇଁ ଆସିଥିଲେ । ରାତିରେ ସୋଇଥିବା ବେଳେ କିଛି ଜରି ଗୋଟାଳି ପଶି ମୋବାଇଲ ଓ ପର୍ସ ଚୋରି କରି ନେଇଥିବା ସେ ଅଭିଯୋଗ କରିଛନ୍ତି  ।

ଲୁଟ  ଘଟିବାପରେ ଅଭିଯୋଗକାରୀ ମଞ୍ଚେଶ୍ୱର ଥାନାକୁ ଆସି ଅଭିଯୋଗ କରିଛନ୍ତି । ଅଭିଯୋଗ ପତ୍ରରେ ଉଲ୍ଲେଖ କରିଛନ୍ତି ଯେ, କିଛି ମହିଳା ଓ ସେମାନଙ୍କ ସାଥିରେ ଦୁଇ ଜଣ ଶିଶୁ ରହିଥିଲେ  । ସମସ୍ତ ମହିଳା ଭିକାରୀ ବେଶରେ ଆସିଥିଲେ ଅର୍ଥାତ ରାସ୍ତାରେ ଜରି ଗୋଟାଉଥିବା ବେଷ ପୋଷାକରୁ ଜଣା ପଡୁଥିଲା   । ସେପଟେ ଉକ୍ତ ବ୍ୟକ୍ତି ମାନେହିଁ ତାଙ୍କ ବନ୍ଧୁଙ୍କ ଘରେ ପସି ମୋବାଇଲ ଏବଂ ପର୍ସ ଚୋରି କରିଥିବା ଅଭିଯୋଗ ହୋଇଛି  ।

ଏଣକି ଟାଟା କମ୍ପାନୀ ବିକ୍ରି କରିିବ କୋରାପୁଟ କଫି: ବଜାୟ ରହିବ ସ୍ୱତନ୍ତ୍ରତା,ବଢ଼ିବ ଚାହିଦା

ଭୁବନେଶ୍ୱର: ଆଦିବାସୀ ଚାଷୀଙ୍କ ଆର୍ଥିକ ଓ ସାମାଜିକ ସ୍ଥିତିକୁ ସୁଦୃଢ଼ କରିବାରେ ବେଶ ସହାୟକ ହୋଇଛି ‘କୋରାପୁଟ କଫି’ । ନିଜ ସ୍ୱତନ୍ତ୍ରତା ଯୋଗୁଁ ଏହାର ଚାହିଦା ବଢ଼ିବାରେ ଲାଗିଥିବା ବେଳେ ଏହାକୁ ଚାଷ କରି ଆଦିବାସୀ ସମ୍ପ୍ରଦାୟ ଚାଷୀମାନେ ରୋଜଗାରକ୍ଷମ ହୋଇପାରିଛନ୍ତି । ଯାହାର ଏକ ଉଦାହରଣ ହେଉଛନ୍ତି କସମପଦର ଗାଁର ସୁଲୋଚନା ଖର । ସେ ଟିଡିସିସିଓଏଲକୁ କମ୍ପାନୀକୁ ୨୦୦ କେ.ଜି କଫି ଫଳ ବିକ୍ରି କରି ସଫଳ ଚାଷୀ ହୋଇପାରିଛନ୍ତି । ଯାହାଙ୍କ ବିଷୟରେ ଟ୍ୱିଟ୍ କରି ପ୍ରଶଂସା କରିଛନ୍ତି ଖୋଦ୍ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ମୁଖ୍ୟମନ୍ତ୍ରୀ ଲେଖିଛନ୍ତି ଯେ, କୋରାପୁଟ କଫି’ର ଲୋକପ୍ରିୟତା ବଜାୟ ରଖିବାରେ କସମପଦର ଗାଁର ସୁଲୋଚନା ଖରଙ୍କ ପରି ଚାଷୀଙ୍କ ନିଷ୍ଠା ଓ ପ୍ରତିବଦ୍ଧତା ଅତ୍ୟନ୍ତ ପ୍ରଶଂସନୀୟ। ସେ ଟିଡକଲ୍‌କୁ ୨୦୦ରୁ ଊର୍ଦ୍ଧ୍ଵ କେଜି କଫି ଫଳ ବିକ୍ରି କରି ​ସଫଳ ଚାଷୀ ହୋଇପାରିଛନ୍ତି। ‘କୋରାପୁଟ କଫି’ର ଆଦୃତି ଆଦିବାସୀ ଚାଷୀଙ୍କ ଆର୍ଥିକ-ସାମାଜିକ ସ୍ଥିତିକୁ ଆହୁରି ସୁଦୃଢ କରିଥିବା ମୁଖ୍ୟମନ୍ତ୍ରୀ ଲେଖିଛନ୍ତି । ଏଥିସହିତ ‘କୋରାପୁଟ କଫି’ର ସ୍ୱତନ୍ତ୍ରତାକୁ ବଜାୟ ରଖି ଟାଟା କମ୍ପାନୀ ଏହାର ବିକ୍ରି କରିବ ବୋଲି ମୁଖ୍ୟମନ୍ତ୍ରୀ ନିଜ ଟ୍ୱିଟ୍‌ରେ ସୂଚିତ କରିଛନ୍ତି । କୋଭିଡ ସମୟରେ ଆଦିବାସୀଙ୍କ ଜୀବନଜୀବିକା ସୁରକ୍ଷିତ କରିବାରେ ଏହା ବଡ଼ ଗୁରୁତ୍ୱ ବହନ କରିବ ବୋଲି ମୁଖ୍ୟମନ୍ତ୍ରୀ କହିଛନ୍ତି ।

ସୂଚନା ଯୋଗ୍ୟ ଯେ, କୋରାପୁଟର ଥଣ୍ଡା ଜଳବାୟୁ ପାଇଁ ଏଠାରେ କଫି ଚାଷ ଭଲ ହୋଇଥାଏ। କଫି ଚାଷ ପାଇଁ କୋରାପୁଟର ଏକ ସ୍ୱତନ୍ତ୍ର ପରିଚୟ ରହିଥିଲେ ମଧ୍ୟ ଏଠାରେ ପ୍ରକ୍ରିୟାକରଣ ୟୁନିଟ ନ ଥିବାରୁ କଫି ଚାଷୀମାନେ ଅସୁବିଧାରେ ପଡୁଥିଲେ। ଜିଲ୍ଲାରେ ପାଖାପାଖି ୩ ହଜାର ହେକ୍ଟର ଜମିରେ କଫି ଚାଷ କରାଯାଉଥିଲାବେଳେ କୋରାପୁଟରୁ ବର୍ଷକୁ ପ୍ରାୟ ୫୫୦ ମେଟ୍ରିକ ଟନ କଫି ମଞ୍ଜି ମିଳୁଛି। ଆଗରୁ ଚାଷୀମାନେ ଏହା ବାହାରକୁ ରପ୍ତାନୀ କରୁଥିଲେ। ଏଠାରୁ ମୁଖ୍ୟତଃ ଆନ୍ଧ୍ର ଓ କର୍ଣ୍ଣାଟକକୁ କଫି ବିକ୍ରି କରା ଯାଉଥିଲାବେଳେ ସେମାନେ ନିଜ ନାମରେ ବ୍ରାଣ୍ଡିଂ କରି କଫି ବିକ୍ରି କରୁଥିଲେ। ଫଳରେ କୋରାପୁଟ କଫି ଏହାର ଅସ୍ତିତ୍ୱ ହରାଉଥିଲା। ଚାଷୀଙ୍କ ସମସ୍ୟା ଦୂର କରିବା ସହ ନିଜ ପାଇଁ ପରିଚୟ ତିଆରି କରିବା ଲକ୍ଷ୍ୟ ନେଇ ରାଜ୍ୟର ପ୍ରଥମ କଫି ପ୍ରକିୟାକରଣ ୟୁନିଟ୍‌ ଉଦ୍‌ଘାଟନ କରିଥିଲେ । ଜୁନ ୨୦୨୧ ସୁଦ୍ଧା ୩୦,୦୦୦ ପରିବାରକୁ ୪୬,୦୦୦ ଏକରର ଜଙ୍ଗଲ ଜମି ଅଧିକାର ପ୍ରଦାନ କରାଯାଇଛି। ୨୦୨୦-୨୧ରେ କୋରାପୁଟ ଜିଲ୍ଲାର ‘ଲକ୍ଷ୍ମୀପୁର’, ‘କାଶିପୁର’, ‘ଦସମନ୍ତପୁର’, ‘ନନ୍ଦପୁର’, ‘ଲମଟାପୁଟ’, ‘କୋରାପୁଟ’ ଓ ‘ପଟ୍ଟାଙ୍ଗି’ ବ୍ଲକର ୧୯୩ ଜଣ ଆଦିବାସୀ କଫି ଚାଷୀଙ୍କଠାରୁ ଟିଡିସିସିଓଏଲ ୨୮,୭୯୦ କେଜି କଫି ଚେରୀ ସଂଗ୍ରହ କରିଛି। ୨୧-୨୨ ବର୍ଷରେ ଅଧିକ ୮୦ ହେକ୍ଟର ଜମିରେ କଫି ଉତ୍ପାଦନ ପାଇଁ ଲକ୍ଷ୍ୟ ରହିଛି। ଚଳିତ ବର୍ଷ କଫି ଉତ୍ପାଦନକାରୀଙ୍କୁ ଦକ୍ଷତା ବୃଦ୍ଧି ତାଲିମ ଦିଆଯାଇଥିବାରୁ ଗତ ବର୍ଷ ଅପେକ୍ଷା ଅଧିକ କଫି ଉତ୍ପାଦନ ହେବ ବୋଲି ଆଶା ରଖାଯାଇଛି।

ନିର୍ଦ୍ଧିଷ୍ଟ ଟିକା ଅପେକ୍ଷା ମିକ୍ସ ଭ୍ୟାକ୍ସିନ ନେଇଥିବା ବ୍ୟକ୍ତିଙ୍କ ଅଧିକ ଆଣ୍ଟିବଡ଼ି

ଭୁବନେଶ୍ୱର: ଭ୍ୟାକ୍ସିନକୁ ନେଇ ଦ୍ୱନ୍ଦ ଏବେ ବି ଦୂର ହୋଇପାରୁନି  । ଗୋଟେପଟେ ସ୍ୱାସ୍ଥ୍ୟ ବିଭାଗର ପରାମର୍ଶ ବି ଫେଲ ହୋଇଥିବା ପ୍ରମାଣିତ ହୋଇଛି  । କେନ୍ଦ୍ର ସରକାରଙ୍କ ନିର୍ଦେଶ ମୁତାବକ ଯେଉଁବ୍ୟକ୍ତି ପ୍ରଥମ ଡୋଜରେ ନିର୍ଦ୍ଧିଷ୍ଟ କମ୍ପାନୀର ଭ୍ୟାକ୍ସିନ ନେଇଥିବା, ଦ୍ୱିତୀୟ ଡୋଜରେ ସେହି କମ୍ପାନୀର ଭ୍ୟାକ୍କସିନ ନେବା ବାଧ୍ୟତାମୂଳକ  । କାରଣ ପ୍ରଥମ ଡୋଜ ଏବଂ ଦ୍ୱିତୀୟ ଡୋଜ ଭିତରେ ବ୍ୟତିକ୍ରମ ହେଲେ ଜୀବନ ପ୍ରତି ବିପଦ ଥିବା ଦର୍ଶାଇଥିଲେ କେନ୍ଦ୍ର ସ୍ୱାସ୍ଥ୍ୟ ବିଭାଗ  । କିନ୍ତୁ ଏହି ନିର୍ଦେଶକୁ ଭୁଲ ପ୍ରମାଣିତ କରିଛି ତ୍ରୁଟି ସମ୍ପନ୍ନ ଟିକା  ।

ପ୍ରଥମ ଏବି ଦ୍ୱିତୀୟ ଡୋଜରେ ନିର୍ଦ୍ଧିଷ୍ଟ ଭ୍ୟାକ୍ସିନ ନେଇଥିବା ବ୍ୟକ୍ତିଙ୍କ ଅପେକ୍ଷା, ଉଭୟ କୋଭାକ୍ସିନ ଓ କୋଭିସିଲ୍ଡ ନେଇଥିବା ବ୍ୟକ୍ତିଙ୍କ କ୍ଷେତ୍ରରେ ସୃଷ୍ଟି ହେଉଛି ଅଧିକ ରୋଗ ପ୍ରତିରୋଧକ ଶକ୍ତି । କେବଳ କୋଭାକ୍ସିନ ବା କୋଭିସିଲ୍ଡ ନେଇଥିବା ବ୍ୟକ୍ତିଙ୍କ ତୁଳନାରେ ସେମାନଙ୍କ ଶରୀରରେ ଅଧିକ ପ୍ରତିରୋଧକ ଶକ୍ତି ଜାତ ହୋଇଥାଏ ବୋଲି ପୁଣେ ସ୍ଥିତ ଜାତୀୟ ଭୂତାଣୁ ଗବେଷଣା ପ୍ରତିଷ୍ଠାନ ବା ଏନଆଇଭି କହିଛି ।

ଉତ୍ତରପ୍ରଦେଶର ସିଦ୍ଧାନ୍ତ ନଗରରେ ଉଭୟ କୋଭାକ୍ସିନ ଓ କୋଭିସିଲଡ ନେଇଥିବା ୧୮ ଜଣ ବ୍ୟକ୍ତିଙ୍କୁ ପରୀକ୍ଷା କରିବା ପରେ ଏନଆଇଭି ତଥ୍ୟ ପ୍ରଦାନ କରିଛି । ଏହି ଗବେଷଣା ଆଇସିଏମଆର ଓ ଏନଆଇଭି ପକ୍ଷରୁ ମିଳିତ ଭାବେ କରାଯାଇଥିଲା । କୋଭିଡ ମହାମାରୀ ବିରୋଧରେ ଦେଶରେ ଗତ ଜାନୁଆରୀରୁ ଟିକାକରଣ ଆରମ୍ଭ କରାଯାଇଥିବା ବେଳେ କକଟେଲ ଟିକାକୁ ନେଇ ବିଶ୍ବରେ ବିଭିନ୍ନ ଚର୍ଚ୍ଚା ଜାରି ରହିଛି ।

ଆମେରିକାର ଏୟାର ଷ୍ଟ୍ରାଇକ୍‌ରେ ପ୍ରାଣ ହରାଇଛନ୍ତି ୨୦୦ରୁ ଅଧିକ ତାଲିବାନ ଆତଙ୍କବାଦୀ

ନୂଆଦିଲ୍ଲୀ: ଆଫଗାନିସ୍ତାନରେ ତାଲିବାନକୁ ଲାଗିଛି ଶକ୍ତ ଧକ୍କା । ଆମେରିକା ପକ୍ଷରୁ ହୋଇଥିବା ଏୟାର ଷ୍ଟ୍ରାଇକରେ ପ୍ରାଣ ହରାଇଛନ୍ତି ୨୦୦ରୁ ଅଧିକ ତାଲିବାନୀ ଆତଙ୍କୀ । ଆଜି ସକାଳେ ସେବରଗାନଠାରେ କିଛି ଆଡ୍ଡାସ୍ଥଳୀରେ ଏୟାରଷ୍ଟ୍ରାଇକ ହେବା ପରେ ତାଲିବାନର ୨୦୦ରୁ ଅଧିକ ଆତଙ୍କୀ ପ୍ରାଣ ହରାଇଛନ୍ତି ବୋଲି କହିଛି ଆଫଗାନ ପ୍ରତିରକ୍ଷା ମନ୍ତ୍ରାଳୟ । ଏହା ସହ ସେମାନଙ୍କର ୧୦୦ରୁ ଅଧିକ ଗାଡ଼ି ଓ ବିପୁଳ ଅସ୍ତ୍ରଶସ୍ତ୍ର ମଧ୍ୟ ନଷ୍ଟ ହୋଇଛି । ତାଲିବାନ ବାହିନୀର ଆଡ୍ଡାସ୍ଥଳୀ ଉପରେ ବି-୫୨ ବମ୍ପର ଜରିଆରେ ହମଲା ପରେ ସେମାନେ ପ୍ରାଣ ହରାଇଥିଲେ । ପୂର୍ବରୁ ଘଜନି ସହରରେ ଆଫଗାନ କମାଣ୍ଡୋ ବାହିନୀ ହାତରେ ଗିରଫ ହୋଇଥିଲା ଜଣେ ପାକିସ୍ତାନୀ ଆତଙ୍କବାଦୀ । ସେପଟେ ଉତ୍ତରାଞ୍ଚଳ ଆଫଗାନିସ୍ତାନର ଜଓ୍ୱାଜାନ ପ୍ରଜାତନ୍ତ୍ରର ରାଜଧାନୀ ସେବର୍ଜଗାନକୁ କବଳିତ କରିଛନ୍ତି ତାଲିବାନ ବାହିନୀ । ବର୍ତ୍ତମାନ ସୁଦ୍ଧା ବିଭିନ୍ନ ଆକ୍ରମଣରେ ୩୮୫ରୁ ଅଧିକ ତାଲିବାନ ପ୍ରାଣ ହରାଇଲେଣି ।

ଏଥିସହିତ ପଢ଼ନ୍ତୁ: ନୀରଜ ବର୍ଛା ଫୋପାଡି ଭାରତକୁ ଦେଲେ ସ୍ୱର୍ଣ୍ଣ,ଏବେ ଦେଶ ଦେଉଛି ସୁନାପୁଅକୁ ଉପହାର

ନୀରଜ ବର୍ଛା ଫୋପାଡି ଭାରତକୁ ଦେଲେ ସ୍ୱର୍ଣ୍ଣ,ଏବେ ଦେଶ ଦେଉଛି ସୁନାପୁଅକୁ ଉପହାର

ନୂଆଦିଲ୍ଲୀ: ଭାରତ ପ୍ରଥମ ଥର ପାଇଁ ଆଥଲେଟିକ୍ସରେ ସ୍ୱର୍ଣ୍ଣ ପଦକ ପାଇଛି । ଆଉ ଏହା ସମ୍ଭବ ହୋଇଛି ନୀରଜ ଚୋପ୍ରାଙ୍କ ପାଇଁ । ନୀରଜଙ୍କ ସ୍ୱର୍ଣ୍ଣ ଭାରତକୁ ସ୍ୱପ୍ନ ଦେଖିବା ପାଇଁ ପ୍ରେରଣା ଦେଇଛି । ଅନ୍ୟପକ୍ଷରେ ଦେଶ ନୀରଜଙ୍କୁ ପୁରସ୍କାର ଦେବାରେ କୃପଣତା ଦେଖାଉନାହିଁ । ହରିଆନା ତାଙ୍କୁ ୬ କୋଟି ଟଙ୍କା ସହିତ କ୍ଲାସ୍ ୱାନ୍ ସରକାରୀ ଚାକିରି ଦେବାକୁ ଘୋଷଣା କରିଥିବା ବେଳେ ପଞ୍ଜାବ ସରକାର ତାଙ୍କୁ ଦୁଇ କୋଟି ଟଙ୍କାର ନଗଦ ପୁରସ୍କାର ଦେବାକୁ ଘୋଷଣା କରିଛନ୍ତି । ଦୁଇ କୋଟି ଟଙ୍କା ଦେବାକୁ ଘୋଷଣା କରି ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂହ କହିଛନ୍ତି ଯେ, ନୀରଜ ହରିଆନାର ପୁଅ କିନ୍ତୁ ପଂଜାବ ସହିତ ରହିଛି ତାଙ୍କର ସ୍ୱତନ୍ତ୍ର ସମ୍ପର୍କ । ଏମିତିରେ ଆମେ ତାଙ୍କୁ ସମ୍ମାନିତ କରି ଗର୍ବିତ ।
ପଞ୍ଜାବ ଯଦି ତାଙ୍କୁ ଦୁଇ କୋଟି ଟଙ୍କା ଦେଉଛି ତେବେ ମଣିପୁର ମଧ୍ୟ ପଛରେ ନାହିଁ । ମଣିପୁର କ୍ୟାବିନେଟ୍ ତାଙ୍କୁ ୧ କୋଟି ଟଙ୍କା ଦେବାକୁ ଘୋଷଣା କରିଛି । ସେପଟେ ଆଇପିଏଲ ଫ୍ରାଞ୍ଚାଇଜ୍ ଚେନ୍ନାଇ ସୁପର କିଙ୍ଗ୍ସ ନୀରଜଙ୍କୁ ଏକ କୋଟି ଟଙ୍କା ଦେବ ବୋଲି ଘୋଷଣ କରିଛି । ଏହା ସହିତ ନୀରଜଙ୍କୁ ସମ୍ମାନ ଜଣାଇ ସୁପରକିଙ୍ଗସ ୮୭୫୮ ସଂଖ୍ୟାରେ ଏକ ବିଶେଷ ଜର୍ସି ତିଆରି କରିବ ବୋଲି କହିଛି । ସୂଚନାଯୋଗ୍ୟ ଯେ, ନୀରଜ ଏହି ସଂଖ୍ୟା ଲିଖିତ ଜର୍ସି ପିନ୍ଧି ଟୋକିଓରେ ଦେଶର ଟେକ ରଖିଥିଲେ ।
ଅନ୍ୟପକ୍ଷରେ ବିଶ୍ୱର ସବୁଠାରୁ ଧନୀ କ୍ରିକେଟ୍ ବୋର୍ଡ ବିସିସିଆଇ ମଧ୍ୟ ନୀରଜଙ୍କୁ ଏକ କୋଟି ଟଙ୍କା ଦେବାକୁ ଘୋଷଣା କରିଛି । ଏହା ସହିତ ମୀରାବାଇ, ରବି ଦହିୟାଙ୍କୁ ୫୦ ଲକ୍ଷ ଟଙ୍କା ଓ ସିନ୍ଧୁ ତଥା ବଜରଙ୍ଗ ପୁନିଆଙ୍କୁ ୨୫ ଲକ୍ଷ ଟଙ୍କା ଦେବାକୁ ବିସିସିଆଇ ଘୋଷଣା କରିଛି ।
ଇଣ୍ଡିଗୋ ଏୟାରଲାଇନ୍ସ ମଧ୍ୟ ନୀରଜଙ୍କ ପାଇଁ ବିଶେଷ ପୁରସ୍କାର ଘୋଷଣା କରିଛି । ଇଣ୍ଡିଗୋ ନୀରଜଙ୍କୁ ବର୍ଷକ ପାଇଁ ଫ୍ରି ଏୟାର ଟିକେଟ୍ ଦେବାକୁ ଘୋଷଣା କରିଛି ।

ମହିନ୍ଦ୍ରା ଆଣ୍ଡ୍ ମହିନ୍ଦ୍ରର ଚେୟାରମ୍ୟାନ୍ ଆନନ୍ଦ ମହିନ୍ଦ୍ରା ନୀରଜଙ୍କୁ ଗୋଟିଏ ଲଗଜରି କାର ଦେବାକୁ ଘୋଷଣା କରିଛନ୍ତି । XUV700 କାର ମହିନ୍ଦ୍ରା ଚେୟାରମ୍ୟାନ୍ ଦିଅନ୍ତୁ ବୋଲି ଲେଖି ଜଣେ ଟ୍ୱିଟର ୟୁଜର ମହିନ୍ଦ୍ରାଙ୍କୁ ଟ୍ୟାଗ୍ କରିଥିଲେ । ଯାହାର ଉତ୍ତର ଦେଇ ଆନନ୍ଦ ଲେଖିଥିଲେ ଯେ, ହଁ ନିଶ୍ଚିତ ଭାବେ ଆମ ଗୋଲ୍ଡେନ ଆଥଲେଟଙ୍କୁ ଏକ ମହିନ୍ଦ୍ରା XUV700 କାର ଦେବା ବ୍ୟକ୍ତିଗତ ଭାବେ ମୋର ସୌଭଗ୍ୟ ଓ ସମ୍ମାନ ହେବ । ଏଭଳି ଲେଖି ଆନନ୍ଦ ମହିନ୍ଦ୍ରା ନିଜ କମ୍ପାନୀର ଡାଇରେକ୍ଟରଙ୍କୁ ଟ୍ୟାଗ୍ କରିଥିଲେ । ଆଉ ଲେଖିଥିଲେ ,ନୀରଜଙ୍କ ପାଇଁ ଗୋଟିଏ କାର ପ୍ରସ୍ତୁତ ରଖାଯାଉ ।
ଏଜୁକେସନ୍ ଆପ୍ ବାୟଜୁ ନୀରଜଙ୍କୁ ଦୁଇ କୋଟି ଟଙ୍କା ଦେବାକୁ ଘୋଷଣା କରିଛି । ବାୟଜୁ ବାକି ପଦକ ବିଜେତାଙ୍କୁ ଏକ-ଏକ କୋଟି ଦେବ ।
ବର୍ତ୍ତମାନ ପର୍ଯ୍ୟନ୍ତ ନୀରଜଙ୍କୁ ନ କୋଟି ଟଙ୍କାର ପୁରସ୍କାର ଘୋଷଣା ହୋଇଛି । ଆଗକୁ ଏହି ଧନରାଶି ବଢିବାର ଯଥେଷ୍ଟ ସମ୍ଭାବନା ରହିଛି ।
ସୂଚନାଯୋଗ୍ୟ ଯେ, ଶନିବାର ଦିନ ପଦକ ଜିତିବା ପରେ ନୀରଜ ଏହାକୁ ପୂର୍ବତନ ଆଥଲେଟ୍ ସ୍ୱର୍ଗୀୟ ମିଲଖା ସିଂଙ୍କୁ ସମର୍ପିତ କରିଥିଲେ ।

କଟକରୁ ପୁଣି ନକଲି ଜର୍ଦ୍ଦା ଜବତ

କଟକ: ପୁଣି ନକଲି ଜର୍ଦ୍ଦା ଜବତ । ନକଲି ଜର୍ଦ୍ଦା ସହ ଗୁଟଖା ଓ ସତାବରୀ ଜବତ କରିଛି ପୋଲିସ । ମାଲଗୋଦାମ ଅଞ୍ଚଳରୁ ବିପୁଳ ପରିମାଣର ନକଲି ଜର୍ଦ୍ଦା ଜବତ କରିଛି ପୋଲିସ । ସୂଚନା ଅନୁଯାୟୀ, 2ଦିନ ହେଲା ଏହି ଗୋଦାମ ଉପରେ ନଜର ରଖିଥିଲା ମାଲଗୋଦାମ ଥାନା ପୋଲିସ । କିଛି ରାସାୟନିକ ପଦାର୍ଥ ଓ ପତ୍ର ମିଶାଇ ଏହି ଜର୍ଦ୍ଦା ତିଆରି କରାଯାଉଥିଲା । ଏହି ଘଟଣାରେ ସଂପୃକ୍ତ ସଂସ୍ଥାର କର୍ମଚାରୀଙ୍କୁ ପୋଲିସ ଅଟକ ରଖି ପଚରାଉଚରା କରୁଛି । ଏହି ନକଲି ଜର୍ଦ୍ଦା କଟକ ଜିଲ୍ଲା ସମେତ ଆଖପାଖ ଜିଲ୍ଳାକୁ ଯୋଗାଣ ହେଉଥିବା କଟକ ଏସିପି ଜୋନ୍ -୧ ଅମରେନ୍ଦ୍ର ପଣ୍ଡାଙ୍କ ସୂଚନା ଦେଇଛନ୍ତି ।

ଏଥିସହିତ ପଢ଼ନ୍ତୁ: ନକଲି ନୋଟ ରାକେଟର ପର୍ଦ୍ଦାଫାସ: ୧୩ ଲକ୍ଷ ଟଙ୍କାର ନକଲି ନୋଟ ଜବତ

ଟୋକିଓ ଅଲିମ୍ପିକ୍ସରେ ସାମିଲ ତୀରନ୍ଦାଜ ପ୍ରବୀଣ ଯାଦବଙ୍କ ପରିବାରକୁ ଧମକ

ପୁଣେ: ଟୋକିଓ ଅଲିମ୍ପିକ୍ସରେ ଭାରତୀୟ ଦଳର ଅଂଶବିଶେଷ ତୀରନ୍ଦାଜ ପ୍ରବୀଣ ଯାଦବଙ୍କ ପରିବାରଙ୍କୁ ମିଳୁଛି ଧମକ। ପ୍ରବୀଣଙ୍କ ମାତାପିତା ତାଙ୍କ ଜୀବନ ପ୍ରତି ବିପଦ ରହିଥିବା କହିଛନ୍ତି। ସୂଚନା ଅନୁଯାୟୀ, ପ୍ରବୀଣଙ୍କ ମାତାପିତା ଗାଁରେ ଘର ନିର୍ମାଣ କାମ କରିବାକୁ ଚାହୁଁଛନ୍ତି। କିନ୍ତୁ ଗ୍ରାମବାସୀ ସେମାନଙ୍କୁ କାମ କରିବାକୁ ଦେଉନାହାଁନ୍ତି। ଏପରିକି ଧମକ ମଧ୍ୟ ଦେଉଛନ୍ତି। ଯାଦବଙ୍କ ପିତାମାତା କହିଛନ୍ତି ଯେ ଯଦି ସେମାନଙ୍କୁ ଘର ତିଆରି କରିବାକୁ ଅନୁମତି ନମିଳେ ତେବେ ସେମାନେ ନିଜ ଗାଁ ଛାଡିଦେବେବ।

ପ୍ରବୀଣ ଯାଦବଙ୍କ ପରିବାର ମହାରାଷ୍ଟ୍ରର ସାତାରା ଜିଲ୍ଲାର ସାରାଡେ ଗ୍ରାମରେ ରୁହନ୍ତି। ଏହି ଗାଁରେ ସେମାନଙ୍କର ଏକ ଛୋଟ ଘର ଅଛି, ଯାହାକୁ ସେମାନେ ବଢ଼େଇବାକୁ ଚାହୁଁଛନ୍ତି। ହେଲେ ପଡ଼ୋଶୀମାନେ ତାଙ୍କୁ ନିଜ ଜମିରେ ବି ଘର କରିବାକୁ ଦେଉନାହାଁନ୍ତି। ସେମାନେ କରିବାକୁ ଦେଉ ନାହାଁନ୍ତି ବୋଲି ଫ୍ରବୀଣଙ୍କ ପିତା ଅଭିଯୋଗ କରିଛନ୍ତି। ତେବେ ଯଦି ଏହି ବିବାଦ ତୁରନ୍ତ ନ ସୁଝେ ତେବେ ସେମାନେ ବାଧ୍ୟହୋଇ ଗାଁ ଛାଡିଦେବେ ବୋଲି ମଧ୍ୟ ସେ କହିଛନ୍ତି।

ଘଟଣା ସମ୍ପର୍କରେ ପ୍ରବୀଣ ଯାଦବ କହିଛନ୍ତି, “ମୋ ପିତା ରାଜ୍ୟ କୃଷି ନିଗମରେ ଚାକିରୀ କରନ୍ତି। ନିଗମ ତରଫରୁ ହିଁ ଆମକୁ ଏହି ଜମି ମିଳିଥିଲା। ସେନାରେ ଚାକିରି ପାଇବା ପରେ ଘରର ଆର୍ଥିକ ଅବସ୍ଥା ସୁଧୁରିଥିଲା ତେଣୁ ଆମେ ପ୍ରଥମେ ଦୁଇ କୋଠରୀ ବିଶିଷ୍ଟ ଘର ନିର୍ମାଣ କରିଥିଲୁ। ହେଲେ ବର୍ତ୍ତମାନ ଯେତେବେଳେ ଆମେ ଏକ ବଡ ଘର ନିର୍ମାଣ କରିବାକୁ ସ୍ଥିର କଲୁ, ପଡ଼ୋଶୀମାନେ ଏହାକୁ ବିରୋଧ କରୁଛନ୍ତି। ଆଉ ଦାବି କରୁଛନ୍ତି ଯେ, ସମଗ୍ର ଜମି ତାଙ୍କର।” ତେବେ ପ୍ରବୀଣଙ୍କ କହିବା ମୁତାବକ ନିଗମ ଦେଇଥିବା ଜମିର ପଟ୍ଟା ନଥିଲେ ବି ଏ ନେଇ ସେତବେଳେ ମୌଖୀକ ବୁଝାମଣା ହୋଇଥିଲା।

 

ଅଗଷ୍ଟ ୧୫ରୁ ବିଜୁ ସ୍ୱାସ୍ଥ୍ୟ କଲ୍ୟାଣ ହିତାଧିକାରୀଙ୍କୁ ମିଳିବ ସ୍ମାର୍ଟ କାର୍ଡ

ଭୁବନେଶ୍ୱର: ଆସନ୍ତା ଅଗଷ୍ଟ ୧୫ରୁ ରାଜ୍ୟର ସବୁ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ହିତାଧିକାରୀଙ୍କୁ ମିଳିବ ସ୍ମାର୍ଟ କାର୍ଡ । ରାଜ୍ୟର ଉଭୟ ଜାତୀୟ ଖାଦ୍ୟ ସୁରକ୍ଷା ଆଇନ ଓ ରାଜ୍ୟ ଖାଦ୍ୟ ସୁରକ୍ଷା ଆଇନ ଅନ୍ତର୍ଭୁକ୍ତ ୯୨ ଲକ୍ଷ ୫୦ ହଜାର ହିତାଧିକାରୀଙ୍କୁ ପର୍ଯ୍ୟାୟ କ୍ରମେ କାର୍ଡ ପ୍ରଦାନ କରାଯିବ । ପ୍ରଥମ ପର୍ଯ୍ୟାୟରେ ସ୍ୱାଧୀନତା ଦିବସରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମାଲକାନଗିରି, ସୁନ୍ଦରଗଡ଼, ଗଜପତି, ବଲାଙ୍ଗୀର ଓ ମୟୂରଭଞ୍ଜ ଜିଲ୍ଲାର ହିତାଧିକାରୀଙ୍କୁ କାର୍ଡ ବାଣ୍ଟିବେ । ପରବର୍ତ୍ତୀ ପର୍ଯ୍ୟାୟରେ ନଭେମ୍ବର ୨୦୨୧ ସୁଦ୍ଧା ସବୁ ହିତାଧିକାରୀଙ୍କୁ ମିଳିବ ସ୍ମାର୍ଟ କାର୍ଡ ।

୨୦୧୮ ଅଗଷ୍ଟ ୧୫ ତାରିଖରେ ରାଜ୍ୟ ସରକାର ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ଆରମ୍ଭ କରିଥିଲେ । ସାର୍ବଜନୀନ ସ୍ୱାସ୍ଥ୍ୟ ସେବାରେ ବାର୍ଷିକ ପରିବାର ପିଛା ୫ ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ସ୍ୱାସ୍ଥ୍ୟସେବା ଯୋଗାଇ ଦିଆଯାଉଛି । ମହିଳାଙ୍କ କ୍ଷେତ୍ରରେ ୧୦ ଲକ୍ଷ ଟଙ୍କାର ସହାୟତା ମିଳୁଛି । ଗ୍ରାମାଞ୍ଚଳରେ ବାର୍ଷିକ ଆୟ ୫୦ ହାଜାର ତଳକୁ ଥିବା ସବୁ ବିଜୁ କୃଷକ କଲ୍ୟାଣ ଯୋଜନା କାର୍ଡଧାରୀ, ବିପିଏଲ ପରିବାର, ଇନ୍ଦିରା ଆବାସ ହିତାଧିକାରୀଙ୍କୁ ଏହି ସୁବିଧା ମିଳୁଥିଲା । ସହରାଞ୍ଚଳରେ ବାର୍ଷିକ ଆୟ ୬୦ ହଜାର ତଳକୁ ଥିବା ହିତାଧିକାରୀଙ୍କୁ ଏହି ସୁବିଧା ଉପଲବ୍ଧ ହେଉଥିଲା । ଆସନ୍ତା ଅଗଷ୍ଟ ୧୫ରୁ ଏହି ଯୋଜନାର ସଂପ୍ରସାରଣ କରାଯିବା ସହ ଅଧିକ ହସପିଟାଲକୁ ସାମିଲ କରାଯିବ । ହିତାଧିକାରୀଙ୍କ ଯୋଗ୍ୟତା ମାପକାଠିରେ ମଧ୍ୟ ପରିବର୍ତ୍ତନ କରାଯିବ । ରାଜ୍ୟ ବାହାରର ପ୍ରତିଷ୍ଠିତ ଘରୋଇ ହସ୍ପିଟାଲ ଗୁଡିକୁ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ସାମିଲ କରାଯିବ । ନୂଆ ମାନଦଣ୍ଡ ଅନୁସାରେ ସବୁ ବିଜୁ କୃଷକ କଲ୍ୟାଣ ହିତାଧିକାରୀ ଅର୍ଥାତ୍ ବିଜୁ କୃଷକ କଲ୍ୟାଣ ଯୋଜନା-1ର ୨୫ ଲକ୍ଷ ୬୧ ହଜାର ୬୦୨ ହିତାଧିକାରୀ, ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା-୨ର ୪୪ ଲକ୍ଷ ୮ ହଜାର ୭୦ ସହ ୨ ଲକ୍ଷ ବିପିଏଲ୍, ଇନ୍ଦିରା ଆବାସ ଓ ସ୍ୱଳ୍ପ ଆୟକାରୀ ହିତାଧିକାରୀ ସ୍ମାର୍ଟ କାର୍ଡ ଯୋଜନାରେ ସାମିଲ ହେବେ । ଏଥିସହ ଅତିରିକ୍ତ ୨୦ ଲକ୍ଷ ୮୦ ହଜାର ୩୨୮ ପରିବାର ଏହାର ସୁଫଳ ପାଇବେ । ନୂଆ କାର୍ଡ ନମିଳିବା ପର୍ଯ୍ୟନ୍ତ ହିତାଧିକାରୀ ଜାତୀୟ ଖାଦ୍ୟ ସୁରକ୍ଷା କିମ୍ବା ରାଜ୍ୟ ଖାଦ୍ୟ ସୁରକ୍ଷା କାର୍ଡରୁ ଏହି ସୁବିଧା ପାଇପାରିବେ । ସେପ୍ଟେମ୍ବର ପହିଲାରୁ ଏହି ସୁବିଧା ଉପଲବ୍ଧ ହେବ । ଏବେ ରାଜ୍ୟର ୧୮୩ଟି ହସ୍ପିଟାଲରେ ମାଗଣା ସ୍ୱାସ୍ଥ୍ୟ ସୁବିଧା ମିଳିପାରୁଛି । ରାଜ୍ୟ ବାହାରର ୧୭ଟି ହସ୍ପିଟାଲରେ ମଧ୍ୟ ରାଜ୍ୟ ଚିକିତ୍ସା ପାଣ୍ଠିରୁ ସହାୟତା ଯୋଗାଇ ଦିଆଯାଉଛି । ରାଜ୍ୟ ବାହାରେ ଥିବା ଜାତୀୟ ସ୍ତରର ପ୍ରତିଷ୍ଠିତ ହସ୍ପିଟାଲ ଗୁଡିକୁ ମଧ୍ୟ ସାମିଲ କରିବାକୁ ଯୋଜନା କରାଯାଉଛି ।

ନକଲି ନୋଟ ରାକେଟର ପର୍ଦ୍ଦାଫାସ: ୧୩ ଲକ୍ଷ ଟଙ୍କାର ନକଲି ନୋଟ ଜବତ

ସମ୍ବଲପୁର:  ବଡ଼ ଧରଣର ନକଲି ନୋଟ୍ ରାକେଟର ପର୍ଦ୍ଦାଫାସ କରିଛି ସମ୍ୱଲପୁର ପୋଲିସ । ୭ ଦିନ ତଳେ ଟାଉନ୍‌ ଥାନା ଅଞ୍ଚଳରୁ ଏକ ନକଲି ନୋଟ୍‌ ମିଳିବା ଘଟଣାରେ ପୁଲିସ୍‌ ଖୋଳତାଡ଼ କରୁ କରୁ ପୋଲିସ ଏହି ରାକେଟର ପର୍ଦ୍ଦାଫାସ କରିଛି । ଏହି ଘଟଣାରେ ପୋଲିସ ୬ ଜଣ ଅଭିଯୁକ୍ତଙ୍କୁ ଅଟକ ରଖି ପଚରାଉଚରା କରୁଥିବା ବେଳେ ସେମାନଙ୍କ ନିକଟରୁ ବିପୁଳ ନକଲି ନୋଟ୍‌ ଜବତ କରିଛି । ଏହି ନୋଟ୍‌ଗୁଡ଼ିକ ମଧ୍ୟରେ ୫ଶହ, ୨୦୦ ଓ ଶହେ ଟଙ୍କିଆ ନୋଟ୍‌ ରହିଛି । ତେବେ ଜବତ ନକଲି ନୋଟ୍‌ର ପରିମାଣ ପ୍ରାୟ ୧୩ ଲକ୍ଷ ଟଙ୍କାରୁ ଅଧିକ ।  ଘଟଣା ମୁତାବକ  କିଛି ଦିନ ପୂର୍ବେ ଲକ୍ଷ୍ମୀ ଟକିଜ ଛକରେ ଏକ ଚା’ ଦୋକାନରୁ ଗୋଟିଏ ନକଲି ନୋଟ୍‌ ମିଳିଥିଲା । ଏନେଇ ଥାନାରେ ଅଭିଯୋଗ ହୋଇଥିଲା । ଏହି ଘଟଣାରେ ପୁଲିସ୍‌ ଛାନ୍‌ଭିନ୍‌ କରୁ କରୁ ବରଗଡ଼ର ଭୁକ୍ତା ଦେଇ ଏହି ନୋଟ୍‌ ସମ୍ବଲପୁର ବଜାରକୁ ଆସୁଥିବା ତଦନ୍ତରୁ ଜଣାପଡ଼ିଥିଲା ।  ସୂଚନା ପାଇ ସମ୍ବଲପୁର ପୁଲିସ୍‌ ୨ଟି ଟିମ୍‌ ଗଠନ କରି ଭିନ୍ନ ଭିନ୍ନ ସ୍ଥାନରେ ଚଢ଼ଉ ଜାରି ରଖିଥିଲା । ଦୀର୍ଘ ୬ ଦିନ ପରେ ସମ୍ବଲପୁର ପୁଲିସ୍‌କୁ ଏହି ମିସନରେ ବଡ଼ ଧରଣର ସଫଳତା ମିଳିଛି । ଏହି ଘଟଣାରେ ପୁଲିସ୍‌ ବରଗଡ଼ର ୪ ଜଣ ଓ ଛତିଶଗଡ଼ର ୨ ଜଣ ଅଭିଯୁକ୍ତଙ୍କୁ ଅଟକ ରଖି ପଚରାଉଚରା ଚଳାଇଛି । ସେପଟେ, ଅଭିଯୁକ୍ତଙ୍କ ନିକଟରୁ ମୋଟ ୧୩ ଲକ୍ଷ ଟଙ୍କା ଜବତ ହୋଇଛି ।

ଅସ୍ଥାୟୀ ଭାବେ ରାହୁଲ ଗାନ୍ଧୀଙ୍କ ଆକାଉଣ୍ଟକୁ ଲକ୍‌ କଲା ଟ୍ୱିଟର

ନୂଆଦିଲ୍ଲୀ: କଂଗ୍ରେସ ପୂର୍ବତନ ଅଧ୍ୟକ୍ଷ ତଥା ସାଂସଦ ରାହୁଲ ଗାନ୍ଧୀଙ୍କ ବିରୋଧରେ ମାଇକ୍ରୋ ବ୍ଳଗିଂ ସାଇଟ ଟ୍ୱିଟର କାର୍ଯ୍ୟାନୁଷ୍ଠାନ । ଅସ୍ଥାୟୀ ଭାବେ ରାହୁଲଙ୍କ ଟ୍ୱିଟର ଆକାଉଣ୍ଟକୁ ଲକ୍ କରିଛି ଟ୍ୱିଟର । ଶ୍ରୀ ଗାନ୍ଧୀ ଦିଲ୍ଲୀ ପୁଷ୍କର୍ମ ପୀଡ଼ିତାଙ୍କ ପିତା ମାତାଙ୍କ ସହ ସାକ୍ଷାତବେଳର ଫଟୋକୁ ଟ୍ୱିଟରେ ସେୟାର କରିବା ନେଇ ଜାତୀୟ ଶିଶୁ ଅଧିକାର ସୁରକ୍ଷା ଆୟୋଗଙ୍କ ପକ୍ଷରୁ ଟ୍ୱିଟରକୁ ନୋଟିସ୍ ଜାରି କରାଯିବା ପରେ ରାହୁଲଙ୍କ ଆକାଉଣ୍ଟକୁ ଲକ୍‌ କରିଛି ଟ୍ୱିଟର ।

ଏ ନେଇ କଂଗ୍ରେସ ପକ୍ଷରୁ ସୂଚନା ଦିଆଯିବା ସହ ଆଗାମୀ ରାହୁଲ ଗାନ୍ଧୀ ଅନ୍ୟ ସୋସିଆଲ ମିଡିଆ ପ୍ଳାଟଫର୍ମ ଜରିଆରେ ଲୋକଙ୍କ ସହ ଯୋଡ଼ିହୋଇ ରହିବେ ବୋଲି କୁହାଯାଇଛି । ଏବଂ ଟ୍ୱିଟର ଆକାଉଣ୍ଟକୁ ସ୍ୱାଭାବିକ କରିବା ନେଇ ପ୍ରକ୍ରିୟା ଆରମ୍ଭ ହୋଇଥିବା କୁହାଯାଇଛି ।

ସୂଚନା ଯୋଗ୍ୟ, ଦିଲ୍ଲୀରେ ଦୁଷ୍କର୍ମ ପରେ ହତ୍ୟା କରାଯାଇଥିବା ୯ ବର୍ଷର ଦଳିତ ନାବାଳିକାର ପରିବାର ଲୋକଙ୍କୁ ଭେଟି ଟ୍ୱିଟରରେ ଏହାର ଫଟୋ ସେୟାର କରିଥିଲେ ରାହୁଲ । ଦୁଷ୍କର୍ମ ପୀଡିତା କି ତାଙ୍କ ପରିବାର ଲୋକଙ୍କ ପରିଚୟ ସାର୍ବଜନୀନ କରିବା ନେଇ ମାନ୍ୟବର ସୁପ୍ରିମକୋର୍ଟ କଟକଣା ଜାରି କରିଛନ୍ତି । ଏଭଳି କି ଏସମ୍ପର୍କିତ ଖବର ଖବର ପ୍ରସାରଣ ବେଳେ ସତର୍କତା ଅବଲମ୍ୱନ କରିବାକୁ କୁହାଯାଇଛି ।