spot_img
Home Blog Page 5475

ଏସିଏଫ୍ ସୌମ୍ୟ ରଞ୍ଜନଙ୍କ ମୃତ୍ୟୁ ମାମଲାର ତଦନ୍ତ କରିବ କ୍ରାଇମବ୍ରାଞ୍ଚ

ଭୁବନେଶ୍ୱର: ACF ସୌମ୍ୟରଂଜନ ମୃତ୍ୟୁ ମାମଲା । କ୍ରାଇମବ୍ରାଞ୍ଚକୁ ହସ୍ତାନ୍ତର ହେଲା ତଦନ୍ତ ଭାର । ଡିଜିପିଙ୍କ ନିର୍ଦ୍ଦେଶରେ ତଦନ୍ତ ଦାୟିତ୍ୱ ନେଲା କ୍ରାଇମବ୍ରାଞ୍ଚ । କ୍ରାଇମବ୍ରାଞ୍ଚ ଡିଏସପିଙ୍କ ନେତୃତ୍ୱରେ ୩ଜଣିଆ ଟିମ୍ ଗଠନ ହୋଇଛି । ଏନେଇ ପୋଲିସ ଡିଜି ସୂଚନା ଦେଇଛନ୍ତି । ବହୁ ଚର୍ଚ୍ଚିତ ପାରଳାଖେମୁଣ୍ଡି ଏସିଏଫ ମୃତ୍ୟୁ ମାମଲାକୁ ଗତ ୧୨ ତାରିଖକୁ ପୁରିଛି ମାସେ । ଏଯାଏଁ ସରିନି ତଦନ୍ତ। ଘଟଣାରୁ ହଟିପାରିନି ପରଦା। ସ୍ପଷ୍ଟ ହୋଇ ପାରିନାହିଁ ମୃତ୍ୟୁର କାରଣ। ଏବେ କ୍ରାଇମବ୍ରାଞ୍ଚ ଖୋଲିବ ସୌମ୍ୟ ମୃତ୍ୟୁ ରହସ୍ୟ ।

ସୂଚନା ଯୋଗ୍ୟ ଯେ, ପୂର୍ବରୁ ସିବିଆଇ ତଦନ୍ତ ଦାବିରେ ଭାରତୀୟ ବିକାଶ ପରିଷଦ ପକ୍ଷରୁ ହାଇକୋର୍ଟରେ ପିଟିସନ୍ ଦାଖଲ ହୋଇଥିଲା । ଏହା ଅତ୍ୟନ୍ତ ସମ୍ବେଦନଶୀଳ ମାମଲା । ତେଣୁ ଏହାର ତଦନ୍ତ CBIକୁ ଦେବା ପାଇଁ ହାଇକୋର୍ଟରେ ଦାବି ହୋଇଥିଲା । CBI ନଚେତ୍ ହାଇକୋର୍ଟଙ୍କ ତତ୍ୱାବଧାନରେ ସ୍ୱାଧୀନ କମିଟି ଦ୍ୱାରା ତଦନ୍ତ କରାଇବା ପାଇଁ ଦାବି ହୋଇଛି । ହାଇକୋର୍ଟରେ ଦାଖଲ ରିଟ୍ ପିଟିସନରେ ୬ ଜଣଙ୍କୁ ପକ୍ଷଭୁକ୍ତ କରାଯାଇଛି । କେନ୍ଦ୍ର ଗୃହ ସଚିବ, ରାଜ୍ୟ ମୁଖ୍ୟ ଶାସନ ସଚିବ, ରାଜ୍ୟ ଗୃହ ସଚିବ, ଡିଜିପି , ଗଜପତି ଏସ୍‌ପି ଓ ପାରଳାଖେମୁଣ୍ଡି ଆଇଆଇସିଙ୍କୁ ଏଥିରେ ପକ୍ଷଭୁକ୍ତ କରା ଯାଇଛି । ଡିଏଫଓ, ରୋଷେୟା ଓ ସୌମ୍ୟଙ୍କ ପତ୍ନୀ ବିଦ୍ୟାଭାରତୀଙ୍କ ବିରୋଧରେ ପରିବାର ପକ୍ଷରୁ ଏତଲା ଦିଆଯାଇଛି । DFOଙ୍କ ସହ ବିଦ୍ୟାଭାରତୀଙ୍କ ଅନୈତିକ ସଂପର୍କ ନେଇ ପରିବାର ଲୋକେ ଅଭିଯୋଗ କରିଛନ୍ତି ।

ଏଥିସହିତ ପଢ଼ନ୍ତୁ: ଏସିଏଫ୍ ସୌମ୍ୟରଞ୍ଜନଙ୍କ ମୃତ୍ୟୁ ମାମଲାର ସିବିଆଇ ତଦନ୍ତ ଦାବି: ହାଇକୋର୍ଟରେ ପିଟିସନ୍ ଦାଖଲ

ଜଗାକୁ ମିଳିଲା ଭଉଣୀ ସୁଭଦ୍ରା

ଫୁଲବାଣୀ: ଭାଇକୁ ହରାଇଥିଲା ଏବେ ଭଉଣୀ ଟିଏ ପାଇଲା । ଫୁଲବାଣୀର ଯୋଡ଼ାମୁଣ୍ଡ ଶିଶୁ ଜଗା, ଭାଇ ବଳିଆକୁ ହରାଇଥିବା ବେଳେ ଏବେ ସେ ଭଉଣୀ ଟିଏ ପାଇଛି । ଯାହା ନାଁ ରହିଛି ସୁଭଦ୍ରା । ଆଉ ଏହା ପରେ ଭାଇକୁ ହରାଇ ଶୁଖିଲା ପଡ଼ିଥିବା ଜଗା ମୁହଁରେ ଫୁଟିଛି ହସ । ଖୁସିରେ ବିଭୋର ହୋଇପଡ଼ିଛ ଜଗା । ଉଭଣୀ କୋଳେଇ ଧରୁଛି, ତାକୁ ଗେଲ ମଧ୍ୟ କରିପକାଉଛି । ଯୋଡ଼ା ମୁଣ୍ଡ ଲାଗି ଦୀର୍ଘ ଦିନ ଚିକିତ୍ସା ଯନ୍ତ୍ରଣା ପରେ ସୁସ୍ଥ ହୋଇ ଜଗା ସିନା ଘରକୁ ଫେରିଥିଲା । ହେଲେ ବଳିଆ ଚାଲିଯାଇଥିଲା ଆରପାରିକୁ । ଘର ଲୋକେ ମଧ୍ୟ ନାନା ସମସ୍ୟା ମଧ୍ୟରେ ଦିଲ୍ଲୀରେ ରହିଛି ଚିକିତ୍ସା କରିଥିଲେ । ଦୀର୍ଘ ଦିନର ଅବସାଦ, ଅନିଶ୍ଚିତତା ପରେ ଏତେ ତାଙ୍କ ଘରେ ଦେଖିବାକୁ ମିଳିଛି ଖୁସିର ମାହୋଲ । ପ୍ରଥମ ସନ୍ତାନ ଦ୍ୱୟଙ୍କ ସ୍ୱାସ୍ଥ୍ୟଗତ ସମସ୍ୟା ଥିବା ବେଳେ ଏବେ କିନ୍ତୁ କନ୍ୟା ସନ୍ତାନ ପୂରା ସୁସ୍ଥ ଅଛି । ଯାହାକୁ ନେଇ ପରିବାର ଲୋକ ମଧ୍ୟ ଆଶ୍ୱସ୍ତ ।

ଏଥିସହିତ ପଢ଼ନ୍ତୁ: ରାଜ୍ୟରେ ଆଉ ୧୧୩୨ କରୋନା ସଂକ୍ରମିତ ଚିହ୍ନଟ: ୧୦୬୩୨ ମାମଲା ସକ୍ରିୟ

ନାଜାଲ ଟିକାର ଦ୍ୱିତୀୟ ଓ ତୃତୀୟ ପର୍ଯ୍ୟାୟ କ୍ଳିନିକାଲ ଟ୍ରାଏଲକୁ ଅନୁମତି

ନୂଆଦିଲ୍ଲୀ: ନାଜାଲ ଟିକାକୁ ଅନୁମତି । ଟିକାର ଦ୍ୱିତୀୟ ଓ ତୃତୀୟ ପର୍ଯ୍ୟାୟ ପରୀକ୍ଷଣ ନେଇ ଅନୁମତି ଦେଇଛନ୍ତି ଡ୍ରଗ୍ସ କଣ୍ଟ୍ରୋଲର ଜେନେରାଲ ଅଫ୍ ଇଣ୍ଡିଆ (ଡିସିଜିଆ) । ଭାରତ ବାୟୋଟେକ କେନ୍ଦ୍ର ସରକାରଙ୍କ ବାୟୋଟେକ୍ନୋଲୋଜି ବିଭାଗ ଓ ରାଷ୍ଟ୍ରାୟତ୍ତ ସଂସ୍ଥା ବାୟୋଟେକ୍ନୋଲୋଜି ଇଣ୍ଡଷ୍ଟ୍ରି ରିସର୍ଚ୍ଚ ଆସିଷ୍ଟାନ୍ସ କାଉନସିଲ୍‌(ବିଆଇଆର୍‌ଏସି) ପକ୍ଷରୁ ମିଳିତ ଭାବେ ପ୍ରସ୍ତୁତ କରୋନା ପ୍ରତିରୋଧୀ ନାଜାଲ ଟିକା ‘ବିବିଭି୧୫୪’ର ଦ୍ୱିତୀୟ ଏବଂ ତୃତୀୟ ପର୍ଯ୍ୟାୟ ପରୀକ୍ଷାକୁ ଅନୁମତି ମିଳିଛି ।

ଏହି ଟିକା ନେବା ପରେ ଶରୀରରେ କୌଣସି ଗୁରୁତର ପାର୍ଶ୍ୱ ପ୍ରତିକ୍ରିୟା ଦେଖା ଯାଉନଥିବା ପ୍ରଥମ ପର୍ଯ୍ୟାୟ ପରୀକ୍ଷଣରୁ ଜଣାପଡ଼ିଛି । ଏହି ପର୍ଯ୍ୟାୟରେ ୧୮-୬୦ ବର୍ଷ ବ୍ୟକ୍ତିଙ୍କ ଠାରେ ଏହାର ପରୀକ୍ଷା କରାଯାଇଥିଲା । ତେଣୁ ସେଣ୍ଟ୍ରାଲ ଡ୍ରଗସ ଷ୍ଟାଣ୍ଡାର୍ଡ କଣ୍ଟ୍ରୋଲ ଅର୍ଗାନାଇଜେସନ  ଏହାର ଦ୍ୱିତୀୟ ଓ ତୃତୀୟ ପର୍ଯ୍ୟାୟ ପରୀକ୍ଷଣ ଲାଗି ଅନୁମତି ଦେଇଛନ୍ତି । ପଶୁଙ୍କ ଠାରେ ଏହାର ପରୀକ୍ଷଣ କରାଯାଇଥିବା ବେଳେ ଅଧିକ ପରିମାଣର ଆଣ୍ଟିବଡ଼ି ସୃଷ୍ଟି ହୋଇଥିବା ଜଣାପଡ଼ିଛି ।

ଅପରପକ୍ଷରେ ବାୟୋଟେକ୍ନୋଲୋଜି ବିଭାଗ ସଚିବ ଡ. ରେଣୁ ସ୍ୱରୁପ କହିଛନ୍ତି ଯେ, ଆମେ ସୁରକ୍ଷିତ ଏବଂ ପ୍ରଭାବଶାଳୀ ଭ୍ୟାକ୍ସିନ ବିକଶିତ କରିବା ଲାଗି ପ୍ରତିଶ୍ରୁତିବଦ୍ଧ । ଗତ ଜାନୁଆରୀ ୧୬ରୁ ଆରମ୍ଭ ହୋଇଥିବା ଭ୍ୟାକ୍ସିନ୍ ଡ୍ରାଇଭରେ ଏଯାବତ୍ ୫୨ କୋଟ ଲୋକଙ୍କୁ କରୋନା ଟିକା ଦିଆଯାଇ ସାରିଛି ।

ଏଥିସହିତ ପଢ଼ନ୍ତୁ: ମହାରାଷ୍ଟ୍ରରେ ନାହିଁ ପାର୍କିଂ ପାଇଁ ଜାଗା: ‘ଗୋଟିଏ ଫ୍ଳାଟ୍‌ରେ ଥିବା ପରିବାରଙ୍କୁ ୪-୫ଟି କାରର ମାଲିକାନ ଦିଆନଯାଉ’

ରାଜ୍ୟରେ ଆଉ ୧୧୩୨ କରୋନା ସଂକ୍ରମିତ ଚିହ୍ନଟ: ୧୦୬୩୨ ମାମଲା ସକ୍ରିୟ

ଭୁବନେଶ୍ୱର: ରାଜ୍ୟରେ ଆଉ ୧ହଜାର ୧୩୨ ଜଣ କରୋନା ସଂକ୍ରମିତ ଚିହ୍ନଟ ।  ସଂକ୍ରମିତଙ୍କ ମଧ୍ୟରୁ ୬୫୭ କ୍ୱାରେଣ୍ଟାଇନ୍‌ ସେଣ୍ଟରରୁ ଚିହ୍ନଟ ହୋଇଥିବା ବେଳେ ୪୭୫ ଜଣ ସ୍ଥାନୀୟ ସଂକ୍ରମିତ ଚିହ୍ନଟ ହୋଇଛନ୍ତି । ଖୋର୍ଦ୍ଧାରୁ ସର୍ବାଧିକ ୪୧୦ ଜଣ ଓ କଟକରୁ ୧୯୭ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ବାଲେଶ୍ୱରରୁ ୭୦ ଜଣ, ଜଗତସିଂହପୁରରୁ ୪୨ ଜଣ, ମୟୂରଭଞ୍ଜରୁ ୪୦ ଜଣ,ନୟାଗଡ଼ରୁ ୩୧ ଜଣ,ଅନୁଗୁଳରୁ ୨୫ ଜଣ,ସୁନ୍ଦରଗଡ଼ରୁ ୨୩ ଜଣ, ପୁରୀରୁ ୨୨ ଜଣ, କେନ୍ଦୁଝର ଓ ସମ୍ବଲପୁର ଜିଲ୍ଳାରୁ ୧୫ ଜଣ ଲେଖାଏଁ, ଭଦ୍ରକରୁ ୧୪ ଜଣ,ଢ଼େଙ୍କାନାଳରୁ ୧୧ ଜଣ, ବରଗଡ଼ ଓ ମାଲକାନଗିରି ଜିଲ୍ଲାରୁ ୧୦ ଜଣ ଲେଖାଏଁ ,ଗଜପତିରୁ ୬ ଜଣ, ବଲାଙ୍ଗୀର, କଳାହାଣ୍ଡି ଓ ରାୟଗଡ଼ା ଜିଲ୍ଲାରୁ ୭ ଜଣ ଲେଖାଏଁ, ବୌଦ୍ଧ, ଦେବଗଡ଼ ଓ କନ୍ଧମାଳ ଜିଲ୍ଲାରୁ ୪ ଜଣ ଲେଖାଏଁ, କୋରାପୁଟରୁ ୩ ଜଣ, ଗଞ୍ଜାମରୁ ୨ ଜଣ, ଝାରସୁଗୁଡ଼ାର, ନବରଙ୍ଗପୁର ଓ ସୋନପୁର ଜିଲ୍ଲାରୁ ଜଣେ ଲେଖାଏଁ ଏବଂ ଷ୍ଟେଟ୍ ପୋଲ୍‌ରୁ ୯୪ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ଯୁକ୍ତ ଦୁଇ କଳା ଓ ଧନ୍ଦାମୂଳକ ପରୀକ୍ଷା ଫଳ ଆଜି ପ୍ରକାଶ ପାଇବ

ଭୁବନେଶ୍ୱର: ଆଜି ପ୍ରକାଶ ପାଇବ ଯୁକ୍ତ ଦୁଇ କଳା ଓ ଧନ୍ଦାମୂଳକ ଫଳ । orisharesults.nic.in ଓ୍ୱେବସାଇଟରେ ଉପଲବ୍ଧ ହେବ ରେଜଲ୍ଟ । କଳା ଓ ଧନ୍ଦାମୂଳକ ଶିକ୍ଷାରେ ରାଜ୍ୟର ମୋଟ ୨ ଲକ୍ଷ ୨୧ ହଜାର ୮୬୭ ଜଣ ଛାତ୍ରଛାତ୍ରୀଙ୍କ ଫଳ ବାହାରିବ । ପୂର୍ବରୁ ଗତ ଜୁଲାଇ ୩୧ରେ ବିଜ୍ଞାନ ଓ ବାଣିଜ୍ୟ ଫଳ ପ୍ରକାଶ ପାଇଥିଲା । ଦୁଇ ସପ୍ତାହ ମଧ୍ୟରେ କଳା ଫଳ ପ୍ରକାଶ ପାଇବ ବୋଲି ବିଭାଗ ପକ୍ଷରୁ ଦର୍ଶାଯାଇଥିଲା । ଚଳିତ ବର୍ଷ ବିଜ୍ଞାନ ଓ ବାଣିଜ୍ୟରେ ରେକର୍ଡ ପାସ ହାର ହୋଇଛି । ବିଜ୍ଞାନରେ ୯୯ ଦଶମିକ ୮୮ ପ୍ରତିଶତ ପିଲା ପାସ କରିଥିବା ବେଳେ ବାଣିଜ୍ୟରେ ୯୯ ଦଶମିକ ୫୯ ପ୍ରତିଶତ ଛାତ୍ରଛାତ୍ରୀ ପାସ୍ କରିଥିଲେ । କରୋନା ପାଇଁ ବିନା ପରୀକ୍ଷାରେ ଏଥର ରେଜଲ୍ଟ ପ୍ରକାଶ ପାଇଛି ।

ଏଥିସହିତ ପଢ଼ନ୍ତୁ: ମେୟର ଓ ପୌରାଧ୍ୟକ୍ଷ ପଦବୀ ନେଇ ହେବ ପ୍ରତ୍ୟକ୍ଷ ନିର୍ବାଚନ: ସର୍ବସାଧାରଣଙ୍କ ମତାମତ ନେଇ ଚିଠା ପ୍ରସ୍ତାବ ଜାରି

ପୃଥକ ପୃଥକ ସ୍ଥାନରୁ ଗ୍ରୀଲ ଭାଙ୍ଗି ଲୁଟିନେଲେ ୧୫ ଲକ୍ଷ ଟଙ୍କା

ବ୍ରହ୍ମପୁର: ଗୋଟିଏ ରାତିରେ ଦୁଇ ଦୁଇଟି ଚୋରି । ତାହା ପୁଣି ଗୋଟିଏ ଥାନା ଇଲାକାରେ । ଏଭଳି ବଡ଼ ଧରଣର ଚୋରି ହୋଇଛି ବ୍ରହ୍ମପୁର ବୌଦ୍ୟନାଥପୁର ଥାନା ଅଞ୍ଚଳରେ । ଏକ ପ୍ଲାଇ ହାଉସ ଦୋକାନରୁ ୭ ଲକ୍ଷ ଟଙ୍କା ନଗଦ ଟଙ୍କା ଲୁଟେରା ମାନେ ଦୋକାନର ପଛ ପଟ ଗ୍ରିଲ୍‌ ଭାଙ୍ଗି ଡ୍ର ରୁ ଲୁଟିନେଇଛନ୍ତି । ପୋଲିସର ଢିଲା ପାଟ୍ରୋଲିଂ ଯୋଗୁଁ ଚୋରି ହୋଇଥିବା ଅଭିଯୋଗ ହୋଇଛି । ସେପଟେ ନୁଆଁ ବସଷ୍ଟାଣ୍ଡ ନିକଟରେ ଥିବା ଏକ ସପିଂ ମଲ୍‌ରୁ ସମାନ ଢଙ୍ଗରେ କବାଟ ଭାଙ୍ଗି ୮ଲକ୍ଷ ଟଙ୍କା ଲୁଟି ନେଇଛନ୍ତି ଦୁର୍ବୃତ୍ତ । ପୋଲିସ ଘଟଣା ସ୍ଥଳରେ ପହଁଚି ସାଇଣ୍ଟିଫିକ ଟିମ ସାହାର୍ଯ୍ୟରେ ତଦନ୍ତ ଆରମ୍ଭ କରିଛି ।

ଏଥିସହିତ ପଢ଼ନ୍ତୁ: ମେୟର ଓ ପୌରାଧ୍ୟକ୍ଷ ପଦବୀ ନେଇ ହେବ ପ୍ରତ୍ୟକ୍ଷ ନିର୍ବାଚନ: ସର୍ବସାଧାରଣଙ୍କ ମତାମତ ନେଇ ଚିଠା ପ୍ରସ୍ତାବ ଜାରି

ରାଜଧାନୀ ଭୁବନେଶ୍ୱରରେ ମିଳିବ ବ୍ଲୁ କ୍ରାବ ଦମ୍ ବିରିୟାନି

ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ମିଳିବ ବ୍ଲୁ କ୍ରାବ ଦମ୍ ବିରିୟାନି । ଇନଫୋସିଟି ଛକ ନିକଟରେ ସ୍କ୍ରମ୍ପସିୟସ ବିରିୟାନି ପଏଣ୍ଟର ଶୁଭ ଉଦଘାଟନ ହୋଇଛି । ବିରିୟାନି ପଏଣ୍ଟରେ ବ୍ଲୁ କ୍ରାବ ଦମ୍ ବିରିୟାନି, ଚିକେନ ବିରିୟାନି, ପନିର ବିରିୟାନିର ସ୍ୱତନ୍ତ୍ର ମଜା ନେଇପାରିବେ ଗ୍ରାହକ । ବିଶେଷକରି ଗ୍ରାହକଙ୍କ ସ୍ୱାସ୍ଥ୍ୟ ଓ ସ୍ୱାଦକୁ ଦୃଷ୍ଟିରେ ରଖି ଉତ୍ତମ ମାନର ବିରିୟାନି ପ୍ରସ୍ତୁତ କରାଯାଉଛି । ଗ୍ରାହକଙ୍କ ସୁବିଧା ପାଇଁ ପ୍ୟାକେଜିଂରେ ସାନିଟଇଜର, ଉଡେନ୍ ସ୍ପୁନ୍, ଉଡ଼େନ୍ ଫର୍କ, ଲୁଣ, ମାଉଥ ଫ୍ରେଶନର ଉପଲବ୍ଧ ରଖାଯାଇଛି । ସ୍କ୍ରମ୍ପସିୟସ ବିରିୟାନି ପଏଣ୍ଟ ଆଗକୁ ଗ୍ରାହକଙ୍କର ଅତିପ୍ରିୟ ଫୁଡ୍ ଡେଷ୍ଟିନେସନ ହେବ ବୋଲି ମାଲିକ ଆଶା ରଖିଛନ୍ତି ।

ମେୟର ଓ ପୌରାଧ୍ୟକ୍ଷ ପଦବୀ ନେଇ ହେବ ପ୍ରତ୍ୟକ୍ଷ ନିର୍ବାଚନ: ସର୍ବସାଧାରଣଙ୍କ ମତାମତ ନେଇ ଚିଠା ପ୍ରସ୍ତାବ ଜାରି

ଭୁବନେଶ୍ୱର: ଏଣିକି ଭୋଟରଙ୍କ ଦ୍ୱାରା ସିଧାସଳଖ ନିର୍ବାଚିତ ହେବେ ପୌରଧ୍ୟକ୍ଷ ଓ ମହାନଗର ନିଗମ ମେୟର । ପୂର୍ବରୁ ରାଜ୍ୟ କ୍ୟାବିନେଟ ଏନେଇ ନିଷ୍ପତ୍ତି ହୋଇଥିବା ବେଳେ ଗୃହ ଓ ନଗର ଉନ୍ନୟନ ବିଭାଗର ପକ୍ଷରୁ ବିଧିବଦ୍ଧ ଭାବେ ବିଜ୍ଞପ୍ତି ଜାରି ହୋଇଛି । ଏଥିପାଇଁ ଓଡ଼ିଶା ମ୍ୟୁନିସିପାଲ(ସୀମା ପୁନନିର୍ଦ୍ଧାରଣ) ରୁଲ୨୦୨୧ର ହେବ ସଂଶୋଧନ । ନଗର ଉନ୍ନୟନ ବିଭାଗ ପକ୍ଷରୁ ଚିଠା ପ୍ରସ୍ତାବ ପ୍ରସ୍ତୁତ ହୋଇଛି । ସର୍ବସାଧାରଣଙ୍କ ମତାମତ ପାଇଁ ଚିଠା ପ୍ରସ୍ତାବ ଜାରି ହୋଇଛି । ନୂତନ ଚିଠା ପ୍ରସ୍ତାବର ନାମ ହେଲା ଓଡ଼ିଶା ମ୍ୟୁନିସିପାଲ ଓ୍ୱାର୍ଡ ସୀମା ପୁନନିର୍ଦ୍ଧାରଣ ସଂଶୋଧନ ଅଧିନିୟମ ୨୦୨୧ । ଅଧ୍ୟକ୍ଷଙ୍କ ନାମାଙ୍କନପତ୍ର ପାଇଁ ସମ୍ପୃକ୍ତ ପୌରାଞ୍ଚଳର ୨ଜଣ ଭୋଟର ଦସ୍ତଖତ କରିବେ । ସେହିପରି କାଉନସିଲରଙ୍କ ନାମାଙ୍କନ ପତ୍ରରେ ସମ୍ପୃକ୍ତ ଓ୍ୱାର୍ଡର ୨ଜଣ ଦସ୍ତଖତ କରିବେ । ଅଧ୍ୟକ୍ଷ ଓ କାଉନସିଲର ନିର୍ବାଚନ ପାଇଁ ପୃଥକ ବ୍ୟାଲେଟ୍ ବକ୍ସ ବ୍ୟବହାର ହେବ । ଅଧ୍ୟକ୍ଷ ଓ କାଉନସିଲର ଭୋଟ୍ ପାଇଁ ୨ଟି ଅଲଗା ବ୍ୟାଲେଟ ପେପର ଦିଆଯିବ । ଇଭିଏମରେ ଭୋଟ ହେଲେ ୨ଟି ପୃଥକ ଇଭିଏମ ମେସିନ ବ୍ୟବହାର ହେବ । ଗୋଟିଏ ଅଧ୍ୟକ୍ଷ ପଦ ଓ ଅନ୍ୟଟି କାଉନସିଲର ପଦ ପାଇଁ ଉଦ୍ଦିଷ୍ଟ ରହିବ ।

ଏଥିସହିତ ପଢ଼ନ୍ତୁ: ସମ୍ଭାବ୍ୟ ତୃତୀୟ ଲହର ପାଇଁ ଜିଲ୍ଲା ସ୍ତରୀୟ ଟାସ୍କଫୋର୍ସ ଗଠନ: ଡିଏମଇଟି ନିର୍ଦ୍ଦେଶକ

ମହାରାଷ୍ଟ୍ରରେ ନାହିଁ ପାର୍କିଂ ପାଇଁ ଜାଗା: ‘ଗୋଟିଏ ଫ୍ଳାଟ୍‌ରେ ଥିବା ପରିବାରଙ୍କୁ ୪-୫ଟି କାରର ମାଲିକାନ ଦିଆନଯାଉ’

ମୁମ୍ୱାଇ: ମହାରାଷ୍ଟ୍ରରେ ପାର୍କିଂ ସ୍ପେସର ଅଭାବ ସହ ଏନେଇ କୌଣସି ସ୍ପଷ୍ଟ ନୀତି ନଥିବାରୁ କ୍ଷୁବ୍ଧ ହୋଇଛନ୍ତି ବମ୍ବେ ହାଇକୋର୍ଟ । ଗୋଟିଏ ଫ୍ଲାଟ ଥିବା ପରିବାରକୁ ୪-୫ଟି କାରର ମାଲିକାନା ନେଇ ଅନୁମତି ଦିଆ ନଯାଉ ବୋଲି କହିଛନ୍ତି କୋର୍ଟ । ମୁଖ୍ୟ ବିଚାରପତି ଜଷ୍ଟିସ ଦୀପଙ୍କର ଦତ୍ତ ଓ ଜଷ୍ଟିସ ଜି.ଏସ. କୁଲକର୍ଣ୍ଣୀଙ୍କୁ ନେଇ ଗଠିତ ଖଣ୍ଡପୀଠ କହିଛନ୍ତି- ଯଦି ଗୋଟିଏ ପରିବାରର ଗୋଟିଏ ଫ୍ଲାଟ ରହିଛି ଏବଂ ସେହି ଫ୍ଲାଟରେ ଅଧିକ ସ୍ପେସ ନାହିଁ ତେବେ ସେହି ପରିବାରକୁ ୪ ବା ୫ଟି କାର୍ ମାଲିକ ହେବାକୁ ଅନୁମତି ଦିଆନଯାଉ । ନଭି ମୁମ୍ବାଇର ଜଣେ ବାସିନ୍ଦାଙ୍କ ପକ୍ଷରୁ ଆଗତ ଏକ ଜନସ୍ୱାର୍ଥ ମାମଲାର ଶୁଣାଣି କରି ଖଣ୍ଡପୀଠ ଏହି ପରାମର୍ଶ ସରକାରଙ୍କୁ ଦେଇଛନ୍ତି । ପାର୍କିଂ ସ୍ପେସ ହ୍ରାସ କରିବା ସଂକ୍ରାନ୍ତ ଏକକ ବିକାଶ ନିୟନ୍ତ୍ରଣ ନିୟମାବଳୀର ସଂଶୋଧନ ପ୍ରସଙ୍ଗରେ ସରକାରଙ୍କ ଏକ ବିଜ୍ଞପ୍ତିକୁ ଚାଲେଞ୍ଜ କରି ଉକ୍ତ ବ୍ୟକ୍ତି ଏହି ପିଟିସନ ଦାୟର କରିଥିଲେ । ପିଟିସନର ଦର୍ଶାଇଥିଲେ ଯେ ନୂଆ ଆପାର୍ଟମେଣ୍ଟଗୁଡିକରେ ବିଲଡରମାନେ ପାର୍କିଂ ନିମନ୍ତେ ପର୍ଯ୍ୟାପ୍ତ ସ୍ଥାନ ଯୋଗାଉନାହାନ୍ତି । ଫଳରେ ଲୋକେ ବାହାରେ ଗାଡ଼ି ରଖୁଛନ୍ତି ।

ଏଥିସହିତ ପଢ଼ନ୍ତୁ: ସାଉଥ୍‌ ଷ୍ଟାର ପ୍ରକାଶ ରାଜ୍‌ଙ୍କ ଅସ୍ତ୍ରୋପଚାର ସଫଳ

ଏଣିକି ପ୍ରତି ଶନିବାର ଇଲେକ୍ଟ୍ରୋନିକ୍ସ ଏବଂ ବିପଜ୍ଜନକ ବର୍ଜ୍ୟବସ୍ତୁ ସଂଗ୍ରହ କରାଯିବ

ଭୁବନେଶ୍ୱର: ଏଣିକି ପ୍ରତି ଶନିବାର ଇଲେକ୍ଟ୍ରୋନିକ୍ସ ଏବଂ ବିପଜ୍ଜନକ ବର୍ଜ୍ୟବସ୍ତୁ  ସଂଗ୍ରହ କରାଯିବ । ଏ ନେଇ ଗୃହ ଓ ନଗର ଉନ୍ନୟନ ପ୍ରମୁଖ ସଚିବ ସମସ୍ତ ଅର୍ବାନ ଲୋକାଲ୍ ବଡିକୁ ନିର୍ଦ୍ଦେଶ ଦେଇଛନ୍ତି । ଏ ଦିନ ମାନଙ୍କରେ କୌଣସି ଶୁଖିଲା ବର୍ଜ୍ୟବସ୍ତୁ ସଂଗ୍ରହ କରାଯିବ ନାହିଁ । ତେବେ ଶୁଖିଲା ଏବଂ ଓଦା ଉଭୟ ବର୍ଜ୍ୟବସ୍ତୁ ଶନିବାର ବ୍ୟତୀତ ଅନ୍ୟ ଦିନମାନଙ୍କରେ ସଂଗ୍ରହ କରାଯିବ । ଏ ନେଇ ବିଭିନ୍ନ ମାଧ୍ୟମରେ ସଚେତନ କରାଯାଇଛି । ଡାକବାଜି ଯନ୍ତ୍ରରେ ଘୋଷଣା କରାଯିବା ସହ ବ୍ୟାନର ଧରି ବୁଲି ଏ ବିଷୟରେ ଲୋକଙ୍କୁ ଅବଗତ କରାଯାଉଛି । ଏଥିସହିତ ଓ୍ୱାଲ୍ ପେଣ୍ଟିଂ, ବିଭିନ୍ନ ମିଡିଆରେ ଏ ନେଇ ପ୍ରଚାର କରିବା ସହ ଲୋକଙ୍କୁ ସଚେତନ କରାଯାଉଛି ।