ଜଗାକୁ ମିଳିଲା ଭଉଣୀ ସୁଭଦ୍ରା
ଫୁଲବାଣୀ: ଭାଇକୁ ହରାଇଥିଲା ଏବେ ଭଉଣୀ ଟିଏ ପାଇଲା । ଫୁଲବାଣୀର ଯୋଡ଼ାମୁଣ୍ଡ ଶିଶୁ ଜଗା, ଭାଇ ବଳିଆକୁ ହରାଇଥିବା ବେଳେ ଏବେ ସେ ଭଉଣୀ ଟିଏ ପାଇଛି । ଯାହା ନାଁ ରହିଛି ସୁଭଦ୍ରା । ଆଉ ଏହା ପରେ ଭାଇକୁ ହରାଇ ଶୁଖିଲା ପଡ଼ିଥିବା ଜଗା ମୁହଁରେ ଫୁଟିଛି ହସ । ଖୁସିରେ ବିଭୋର ହୋଇପଡ଼ିଛ ଜଗା । ଉଭଣୀ କୋଳେଇ ଧରୁଛି, ତାକୁ ଗେଲ ମଧ୍ୟ କରିପକାଉଛି । ଯୋଡ଼ା ମୁଣ୍ଡ ଲାଗି ଦୀର୍ଘ ଦିନ ଚିକିତ୍ସା ଯନ୍ତ୍ରଣା ପରେ ସୁସ୍ଥ ହୋଇ ଜଗା ସିନା ଘରକୁ ଫେରିଥିଲା । ହେଲେ ବଳିଆ ଚାଲିଯାଇଥିଲା ଆରପାରିକୁ । ଘର ଲୋକେ ମଧ୍ୟ ନାନା ସମସ୍ୟା ମଧ୍ୟରେ ଦିଲ୍ଲୀରେ ରହିଛି ଚିକିତ୍ସା କରିଥିଲେ । ଦୀର୍ଘ ଦିନର ଅବସାଦ, ଅନିଶ୍ଚିତତା ପରେ ଏତେ ତାଙ୍କ ଘରେ ଦେଖିବାକୁ ମିଳିଛି ଖୁସିର ମାହୋଲ । ପ୍ରଥମ ସନ୍ତାନ ଦ୍ୱୟଙ୍କ ସ୍ୱାସ୍ଥ୍ୟଗତ ସମସ୍ୟା ଥିବା ବେଳେ ଏବେ କିନ୍ତୁ କନ୍ୟା ସନ୍ତାନ ପୂରା ସୁସ୍ଥ ଅଛି । ଯାହାକୁ ନେଇ ପରିବାର ଲୋକ ମଧ୍ୟ ଆଶ୍ୱସ୍ତ ।
