spot_img
Home Blog Page 5267

୨୦୦୮ ଫେବ୍ରୁଆରୀ ନୟାଗଡ଼ ମାଓବାଦୀ ଆକ୍ରମଣ ମାମଲା, ୨ ମାଓ ନେତା ୨ଟି ମାମଲାରେ ନିର୍ଦ୍ଦୋଷ

ନୟାଗଡ଼: ବହୁଚର୍ଚ୍ଚିତ ୨୦୦୮ ଫେବ୍ରୁଆରୀ ୧୫ ନୟାଗଡ଼ ମାଓବାଦୀ ଆକ୍ରମଣ ଘଟଣା । ନିର୍ଦ୍ଦୋଷରେ ଖଲାସ ହେଲେ ୨ ମାଓ ନେତା । ଦଶପଲ୍ଲା ଥାନା ପୋଡ଼ି ଓ ଦଶପଲ୍ଲା ଥାନା ଅଧିକାରୀଙ୍କ ବାସଗୃହରେ ନିଆଁ ଲଗାଇବା ଆଦି ୨ଟି ପୃଥକ ମାମଲାରେ ମାଓନେତା ଆଜାଦ ଓ ସବ୍ୟସାଚି ପଣ୍ଡା ନିର୍ଦ୍ଦୋଷରେ ଖଲାସ ହୋଇଛନ୍ତି । ଉପଯୁକ୍ତ ସାକ୍ଷୀ ପ୍ରମାଣ ଅଭାବରୁ ନିର୍ଦ୍ଦୋଷରେ ଖଲାସ କରିଛନ୍ତି କୋର୍ଟ ।

2008 Nayagarh Maoist Attack Case, Two Mao Leader Acquitted

ନୟାଗଡ଼ ଟାଉନ ଥାନା ଆକ୍ରମଣ, ନୂଆଗାଁ ଥାନା ପୋଡ଼ି, ଦଶପଲ୍ଲା ଥାନା ପୋଡ଼ି ସହ ଅସ୍ତ୍ରାଗାର ଲୁଟ୍ ଭଳି ୯ଟି ପୃଥକ ମାମଲା ହୋଇଥିଲା । ସେଥିମଧ୍ୟରୁ ଦଶପଲ୍ଲା ଥାନା ପୋଡ଼ି ଓ ଦଶପଲ୍ଲା ଥାନା ଅଧିକାରୀଙ୍କ ବାସଗୃହରେ ନିଆଁ ଲଗାଇବା ଆଦି ଦୁଇଟି ମାମଲାରେ ନୟାଗଡ଼ ଜିଲ୍ଲା ଜଜ କୋର୍ଟ ଶୁଣାଣି ଶେଷ କରିଛନ୍ତି ।

ଏଥିସହ ପଢ଼ନ୍ତୁ: ସ୍ମାର୍ଟ କାର୍ଡ ବଣ୍ଟନ ବେଳେ ମୁଖ୍ୟମନ୍ତ୍ରୀ ନିଜ ମନକଥା କହିବାକୁ ଯାଇ କେଉଁ କଥାରୁ ଉଠାଇଲେ ପରଦା, ଜାଣନ୍ତୁ..

ଶୁଣାଣି ଶେଷ ହେବା ସହ ଉଭୟ ମାଓନେତାଙ୍କୁ ସାକ୍ଷ୍ୟ ପ୍ରମାଣ ଅଭାବରୁ ନିର୍ଦ୍ଦୋଷରେ ଖଲାସ କରିଛନ୍ତି ଜିଲ୍ଲା ଜଜ୍ । ଆସନ୍ତାକାଲି ଶୁକ୍ରବାର ମାଓବାଦୀଙ୍କ ଦ୍ୱାରା ବଳପୂର୍ବକ ଭାବେ ଦଶପଲ୍ଲାରେ ନଡ଼ିଆ ବୋଝେଇ ଟ୍ରକ୍ ଅପହରଣ ମାମଲାର ପରବର୍ତ୍ତୀ ଶୁଣାଣି ହେବ । ୨୦୦୮ ମାଓବାଦୀ ଆକ୍ରମଣରେ ୧୩ ପୋଲିସ କର୍ମଚାରୀଙ୍କ ସହ ୧୪ ଜଣଙ୍କ ମୃତ୍ୟୁ ହୋଇଥିଲା ।

ଆର୍ଯ୍ୟନ ଜାମିନ୍ ଖାରଜ, NCB ରିମାଣ୍ଡରେ ଅଛନ୍ତି କିଙ୍ଗଖାନଙ୍କ ପୁଅ

ମୁମ୍ବାଇ: ଡ୍ରଗ୍ସ ମାମଲାରେ ଏନସିବି ଦ୍ୱାରା ଗିରଫ ହୋଇଥିବା କିଙ୍ଗଖାନଙ୍କ ପୁଅ ଆର୍ଯ୍ୟନ ଖାନଙ୍କ ଜାମିନ୍ ଖାରଜ ହୋଇଛି  । ଡ୍ରଗ୍ସ ମାମଲାରେ ଗିରଫ ହୋଇଥିଲେ ଆର୍ଯ୍ୟନ
ଜାମିନ୍ ଖାରଜ କରିଛନ୍ତି ମୁମ୍ବାଇର କିଲ୍ଲା କୋର୍ଟ  । ଆର୍ଯ୍ୟନଙ୍କ ଓକିଲଙ୍କ ଦ୍ୱାରା କୋର୍ଟରେ ଜାମିନ ନେଇ ହୋଇଥିଲା ଆବେଦନ  । ଗୁରୁବାର କୋର୍ଟ ଜାମିନ ପ୍ରଦାନକୁ ଖାରଜ କରିଦେଇଥିବା ଜଣାପଡ଼ିଛି  । ସେପଟୋ କୋର୍ଟ ଆର୍ଯ୍ୟନଙ୍କ ସହ ଅନ୍ୟ ୭ ଜଣଙ୍କୁ ନ୍ୟାୟିକ ହେପାଜତକୁ ପଠାଇଛନ୍ତି  ।

ମୁମ୍ବାଇର ଏକ ଜାହାଜରେ କ୍ରୁଜ୍ ପାର୍ଟି ଚାଲିଥିବାବେଳେ ଏନସିବି ଦ୍ୱାରା ଗିରଫ ହୋଇଥିଲେ  । ସେପଟେ ଏନସିବି ଗିରଫ କରିବା ପରେ ରିମାଣ୍ଡରେ ଆଣି ପଚରା ଉଚରା ଜାରି ରଖିଛି  । ଆର୍ଯ୍ୟନଙ୍କ ବନ୍ଧୁଙ୍କ ନିକଟରୁ ବିପୁଣ ପରିମାଣର ଡ୍ରଗ୍ସ ଏବଂ ଅନ୍ୟ ମାଦକ ଦ୍ରବ୍ୟ ଜବତ କରିଥିଲା ଏନସିବି  । ଏଥିରେ ଆର୍ଯ୍ୟନଙ୍କ ପ୍ରତ୍ୟକ୍ଷ ସମ୍ପୃକ୍ତି ରହିଥିବାବେଳେ ଖୋଦ ଆର୍ଯ୍ୟନ ହିଁ ଉକ୍ତ କାର୍ଯ୍ୟରେ ସଂଶ୍ଲିଷ୍ଟ ରହିଥିବା ଏନସିବି କହିଛି  ।

ବର୍ଷକରେ ରାଜ୍ୟରେ ପ୍ରେମ ଯୋଗୁଁ ଯାଇଛି ୫୯ ଜୀବନ

ଭୁବନେଶ୍ୱର: ରାଜ୍ୟରେ ବଢୁଛି ପ୍ରେମ ଜନିତ ହତ୍ୟାକାଣ୍ଡ । ପ୍ରତିଶୋଧର ନିଆଁରେ ଜଳି ପୋଡ଼ି ପାଉଁଶ ହେଉଛି ଭଲ ପାଇବା । ଗତ ବର୍ଷ ୫୯ ଜଣ ପ୍ରେମ ଯଜ୍ଞରେ ବଳି ପଡ଼ିଥିବା ବେଳେ ସାରା ଦେଶରେ ପ୍ରେମ ଜନିତ ହତ୍ୟାକାଣ୍ଡରେ ସପ୍ତମ ସ୍ଥାନରେ ରହିଛି ଓଡ଼ିଶା ।

ଲଭ, ସେକ୍ସ, ଧୋକାର ସାଇଡ ଇଫେକ୍ଟ । ବର୍ଷକରେ ପ୍ରେମ ନେଇଛି ୫୯ ଜୀବନ । ପ୍ରେମ ଜନିତ ମୃତ୍ୟୁରେ ଦେଶରେ ସପ୍ତମ ସ୍ଥାନରେ ଓଡ଼ିଶା । ରେକର୍ଡ ସଂଖ୍ୟାରେ ଆଗରେ ୟୁପି । ପ୍ରେମ ସତ୍ୟ, ପ୍ରେମ ଶାଶ୍ୱତ, ପ୍ରେମ ଚିରନ୍ତନ । ହେଲେ ଏବେ ବଦଳି ଯାଇଛି ଏହାର ପରିଭାଷା । ଏନସିଆରବି ରିପୋର୍ଟ ଅନୁଯାୟୀ ୨୦୨୦ ମସିହାରେ ରାଜ୍ୟରେ ପ୍ରେମ ଜନିତ ମୃତ୍ୟୁରେ ୫୯ ଜଣଙ୍କ ଜୀବନ ଯାଇଛି । ଉତ୍ତରପ୍ରଦେଶରେ ପ୍ରେମ ପାଇଁ ସର୍ବାଧିକ ୩୫୧ ଜଣଙ୍କ ଜୀବନ ହାରିଛନ୍ତି । ଉଭୟ ବିହାର, ଗୁଜରାଟରେ ଗତବର୍ଷ ୧୭୦ ଲେଖାଏଁ ମୁଣ୍ଡ ଗଡ଼ିଥିବା ବେଳେ ମଧ୍ୟପ୍ରଦେଶରେ ୧୪୭ ଜଣଙ୍କ ଜୀବନ ଯାଇଛି ।

 59 Died In One Year For Love Odisha

ବିଗତ ୩ ବର୍ଷ ଧରି ଓଡ଼ିଶାରେ ବଢ଼ି ଚାଲିଛି ପ୍ରେମ ଜନିତ ମୃତ୍ୟୁ । କରୋନା, ବେକାରୀ ସମସ୍ୟା, ସୋସିଆଲ ମିଡିଆର ଅପବ୍ୟବହାର ଏହାର ମୁଖ୍ୟ କାରଣ ବୋଲି କହିଛନ୍ତି ବରିଷ୍ଠ ଆଇନଜୀବୀ । କାହାର ପ୍ରାଇଭେଟ ପାର୍ଟରେ ଟାଟ୍ଟୁକୁ ନେଇ ବିବାଦତ ଆଉ କେଉଁଠି ସ୍ୱାମୀ ନଥିବା ବେଳେ ଘରେ ପଶୁଛି ପର ପୁରୁଷ । ପୁଣି ଆଉ କେଉଁଠି ସ୍ୱାମୀ କଲାଣି ସ୍ତ୍ରୀର ଭିଡିଓ ଭାଇରାଲ ।

ଆଧୁନିକତା ଆଳରେ ଏଭଳି ଘଟଣାକୁ ନେଇ ପ୍ରକାଶ ପାଇଛି ଉଦବେଗ  । ଅବାଟରେ ଯିବା ପୂର୍ବରୁ ନିଜ ପିଲାଙ୍କୁ ଅଭିଭାବକ ସୁଧାରିନିଅନ୍ତୁ ବୋଲି କହିଛନ୍ତି ସମାଜସେବୀ । ପରସ୍ପର ମଧ୍ୟରେ ଅବିଶ୍ୱାସ, ଅସହିଷ୍ଣୁତା, ଆର୍ଥିକ ଅନାଟନ ପ୍ରଭୃତିକୁ ଦାୟୀ କରାଯାଇଥିବା ବେଳେ ପରିବାରର ମଧ୍ୟ ଦୋଷ ଥିବା କହିଛନ୍ତି ବିଶେଷଜ୍ଞ ।

ଗାଧୋଇବା ବେଳେ ସମୁଦ୍ରରେ ଭାସିଗଲେ ପର୍ଯ୍ୟଟକ, ଏବେ ବି ଜଣେ ନିଖୋଜ

ପୁରୀ: ସମୁଦ୍ରରେ ଗାଧୋଇବା ବେଳେ ପୁରୀରେ ଅଘଟଣ । ଭାସିଗଲେ ୩ଜଣ ପର୍ଯ୍ୟଟକ । ବର୍ତ୍ତମାନ ସୁଦ୍ଧା ୨ଜଣ ଉଦ୍ଧାର ହୋଇଥିବାବେଳେ, ଜଣେ ଏବେବି ନିଖୋଜ ଅଛନ୍ତି। ସେପଟେ ମିଳିଥିବା ସୂଚନା ମୁତାବକ ନିଖୋଜ ଯୁବକ ଜଣଙ୍କ ହେଉଛନ୍ତି ସହିଦ ଅନଓ୍ବର । ଲାଇଟ ହାଉସ ସମ୍ମୁଖ ସମୁଦ୍ରରେ ସ୍ନାନ ସମୟରେ 3ଜଣ ପର୍ଯ୍ୟଟକ ବୁଡିଯାଇଥିଲେ ।

ଖବର ପାଇ ଅଗ୍ନିଶମ ବିଭାଗ ଓ ଲାଇଫ ଗାର୍ଡଙ୍କ ମିଳିତ ପ୍ରୟାସରେ 2ଜଣଙ୍କୁ ଉଦ୍ଧାର କରାଯାଇଥିବା ବେଳେ ଏବେ ବି ଜଣେ ନିଖୋଜ ଅଛନ୍ତି । ଉଦ୍ଧାର ପର୍ଯ୍ୟଟକ ଦ୍ବୟ ହେଲେ ଭଦ୍ରକର ରହେସ କୁମାର ସିଂ ଓ ଅନୁଗୁଳର ଓମ ପ୍ରକାଶ ୟାଦବ । ଉଭୟଙ୍କୁ ମେଡିକାଲରେ ଭର୍ତ୍ତି କରାଯାଇଛି । ତେବେ ନିଖୋଜ ସହିଦ ଅନଓ୍ବରଙ୍କ ଠିକଣା ବର୍ତ୍ତମାନ ପର୍ଯ୍ୟନ୍ତ ମଧ୍ୟ ମିଳି ପାରିନାହିଁ ।

ସହାରନପୁରରେ ଅଟକ ସିଦ୍ଧୁ, ମୃତକଙ୍କ ପରିବାରକୁ ଯାଉଥିଲେ ଭେଟିବାକୁ

ଲକ୍ଷ୍ନୌ: ଲକ୍ଷୀମପୁର ଅଭିମୁଖେ ଯାଉଥିବା ନବଜୋତ ସିଂହ ସିଦ୍ଧୁ ଙ୍କ ଗାଡ଼ିକୁ ଅଧାରେ ଅଟକାଇଲା ଉତ୍ତରପ୍ରଦେଶ ପୋଲିସ  । ମୃତ ଚାଷୀଙ୍କ ପରିଜନଙ୍କୁ ସାକ୍ଷାତ କରିବା ପାଇଁ ଯାଉଥିବା ପଞ୍ଜାବ କଂଗ୍ରେସ ନେତା ନବଜୌତ ସିଦ୍ଧୁଙ୍କୁ ସହାରନପୁର ନିକଟରେ ପୋଲିସ ଅଚକ ରଖିବା ସହ ଲଖୀମପୁର ଯିବାକୁ ଅନୁମତି ଦେଇନଥିଲା  । ଉତ୍ତରପ୍ରଦେଶ ପ୍ରଶାସନ କେବଳ ୫ ଜଣ ନେତାଙ୍କୁ ଉକ୍ତ ସ୍ଥାନକୁ ଯିବା ପାଇଁ ଅନୁମତି ପ୍ରଦାନ କରିଥିଲା  । କିନ୍ତୁ ସାଥିରେ ଆସିଥିବା ଅନ୍ୟ ନେତା ଓ କର୍ମୀଙ୍କ ଗାଡ଼ିକୁ ମଧ୍ୟ ଅନୁମତି ଦେବାନେଇ ଅଡି ବସିଥିଲେ ସିଦ୍ଧୁ  ।

ଯିବୁ ଯଦି ସମସ୍ତେ ଯିବୁ, ନଚେତ ଏଇଠାରେ ସଭିଙ୍କୁ ପୋଲିସ ଗିରଫ କରୁ ବୋଲି କହିଥିଲେ ପୂର୍ବତନ କଂଗ୍ରେସ ପିସିସି ଅଧ୍ୟକ୍ଷ  ନବଜୋତ ସିଂହ ସିଦ୍ଧୁ  ସିଦ୍ଧୁ। ସେପଟେ ବିଜେପିକୁ ଲଗାତର ଟାର୍ଗେଟ କରି ଆସୁଛନ୍ତି ସିଦ୍ଧୁ  । କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧୀଙ୍କୁ ବିନା କାରଣରେ ଅଟକ ରଖିବା  । ଏମିତିକି ଅଟକକୁ ୨୪ ଘଣ୍ଟାରୁ ଅଧିକ ସମୟ ବିତି ସାରିଥିଲେ ମଧ୍ୟ ତାଙ୍କୁ କୋର୍ଟରେ ଦାଖଲ କରାନଯିବା ନେଇ କେନ୍ଦ୍ର ସରକାର ଏବଂ ଉତ୍ତୟର ପ୍ରଦେଶ ସରକାରକୁ ବିରୋଧ କରି ଆସୁଛନ୍ତି ସିଦ୍ଧୁ  ।

କେନ୍ଦ୍ର ଗୃହ ରାଷ୍ଟ୍ର ମନ୍ତ୍ରୀ  ଅଜୟ ମିଶ୍ରଙ୍କ ପୁଅକୁ ତୁରନ୍ତ ଗିରଫ କରିବା ନେଇ ପୂର୍ବରୁ ଦାବି କରିଥିଲେ ସିଦ୍ଧୁ  । ସେ ଏକଥା ମଧ୍ୟ କହିଥିଲେ ପ୍ରିୟଙ୍କା ଗାନ୍ଧୀଙ୍କୁ ୟୁପି ପୋଲିସ ଯଦି ତୁରନ୍ତ ଖଲାସ ନକରେ ତେବେ ଆଗାମୀ ଦିନରେ ପଞ୍ଜାବ କଂଗ୍ରେସ ଲଖୀମପୁର ଖେରୀରେ ବିରାଟ ଶୋଭାଯାତ୍ରା କରିବ  ।

ସ୍ମାର୍ଟ କାର୍ଡ ବଣ୍ଟନ ବେଳେ ମୁଖ୍ୟମନ୍ତ୍ରୀ ନିଜ ମନକଥା କହିବାକୁ ଯାଇ କେଉଁ କଥାରୁ ଉଠାଇଲେ ପରଦା, ଜାଣନ୍ତୁ..

ଭୁବନେଶ୍ୱର: ମଞ୍ଚରେ ମନ କଥା କହିଲେ ମୁଖ୍ୟମନ୍ତ୍ରୀ । ବ୍ରହ୍ମଗିରିରେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ହେଲଥ କାର୍ଡ ବଣ୍ଟନ ବେଳେ ମନ କଥା କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପରିବାରର କେହି ସଦସ୍ୟ ଅସୁସ୍ଥ ହୋଇ ପଡ଼ିଲେ, ଆମ ଚିନ୍ତା ବଢ଼ିଯାଇ ଥାଏ । ସବୁଠାରୁ ବଡ଼ ଚିନ୍ତା ଥାଏ ଚିକିତ୍ସା ପାଇଁ ଟଙ୍କା । ଚିକିତ୍ସା ପାଇଁ କିଏ ଜମି ବିକେ ତ କିଏ ସୁନା ବିକେ । କେହି କେହି ଋଣ କରିବା ସହ ପିଲାଙ୍କ ପାଠପଢ଼ା ବନ୍ଦ କରି ଦେଇଥାନ୍ତି । ଏକଥା ଶୁଣି ବହୁତ ଦୁଃଖ ଲାଗେ ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

CM Naveen Reveals Why He Feeling Sad ?

ସ୍ୱାସ୍ଥ୍ୟସେବା କ୍ଷେତ୍ରରେ ରାଜ୍ୟ ସରକାରଙ୍କ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ଦେଶରେ ମାଇଲଖୁଣ୍ଟ ସ୍ଥାପନ କରିଛି । ଦେଶରେ ପ୍ରଥମ ରାଜ୍ୟ ଭାବେ ଲୋକଙ୍କୁ ଏଭଳି ସୁବିଧା ଯୋଗାଉଛି ଓଡ଼ିଶା । ରାଜ୍ୟର ୯୬ ଲକ୍ଷ ପରିବାର ବିଏସକେୱାଇ କାର୍ଡ ପାଇବେ । ଜାତୀୟ ଖାଦ୍ୟ ସୁରକ୍ଷା ଓ ରାଜ୍ୟ ଖାଦ୍ୟ ସୁରକ୍ଷାର ସମସ୍ତ ହିତାଧିକାରୀଙ୍କୁ ବିଏସକେୱାଇ କାର୍ଡ ମିଳିବ । ରାଜ୍ୟର ସାଢ଼େ ୩ କୋଟି ଲୋକ ଉପକୃତ ହେବେ । ଦେଶର ୨ଶହରୁ ଅଧିକ ବଡ଼ ବଡ଼ ହସ୍ପିଟାଲରେ ଏହି କାର୍ଡ ଜରିଆରେ ମାଗଣାରେ ଚିକିତ୍ସା ସେବା ମିଳିବ ।

CM Naveen Reveals Why He Feeling Sad

ଏହି ଯୋଜନାରେ ପରିବାରର ସଦସ୍ୟଙ୍କ ପାଇଁ ବର୍ଷକୁ ୫ ଲକ୍ଷ ଟଙ୍କା ଓ ମହିଳାଙ୍କ ପାଇଁ ୧୦ ଲକ୍ଷ ଟଙ୍କାର ଚିକିତ୍ସା ଖର୍ଚ୍ଚ ମିଳିବ । ମୁଖ୍ୟମନ୍ତ୍ରୀ କହିଛନ୍ତି, ସ୍ମାର୍ଟ କାର୍ଡ ଆପଣଙ୍କ ଏହି ସମସ୍ୟା ଦୂର କରିବ । ଚିକିତ୍ସା ପାଇଁ ରାଜ୍ୟ ସରକାର ଖର୍ଚ୍ଚ କରୁଛନ୍ତି, ଏଣୁ ଆପଣ ଏ ଟଙ୍କାରୁ ସଞ୍ଚୟ କରିପାରିବେ । ପିଲାଙ୍କ ପାଠପଢା଼ ସହ ପରିବାରର ଉନ୍ନତି ପାଇଁ ଖର୍ଚ୍ଚ କରିପାରିବେ । ସିଏଚସିରୁ ନେଇ ସରକାରୀ ମେଡିକାଲରେ ସରକାର ଚିକିତ୍ସା ଖର୍ଚ୍ଚ ବହନ କରୁଛନ୍ତି । ସରକାରୀ ମେଡିକାଲରେ ଡାଏଲେସିସ୍, କେମୋ ଥେରାପି, ସିଟି ସ୍କାନ୍, ଏମଆରଆଇ ସୁବିଧା ମାଗଣାରେ ଉପଲବ୍ଧ ବୋଲି କହିଛନ୍ତି ମୁଖ୍ୟମନ୍ତ୍ରୀ ।

CM Naveen Reveals Why He Feeling Sad

ମୁଖ୍ୟମନ୍ତ୍ରୀ କହିଛନ୍ତି, ମୋ ପାଇଁ ପ୍ରତିଟି ଜୀବନ ମୂଲ୍ୟବାନ । ଚାଷୀ ହେଉ ବା ମୂଲିଆ ବା ରିକ୍ସା ବାଲା, ସମସ୍ତେ ସମ୍ମାନର ସହ ବଞ୍ଚନ୍ତୁ । ଏହା ରାଜ୍ୟ ସରକାରଙ୍କ ବିଭିନ୍ନ କଲ୍ୟାଣ କାର୍ଯ୍ୟକ୍ରମର ଲକ୍ଷ୍ୟ । ପ୍ରତି ପରିବାରର ଉନ୍ନତିରେ ରାଜ୍ୟର ଉନ୍ନତି ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ବ୍ରହ୍ମଗିରିରୁ ମୁଖ୍ୟମନ୍ତ୍ରୀଙ୍କ ଘୋଷଣା, ୩ ଶହ ଶଯ୍ୟା ବିଶିଷ୍ଟ ହେବ ପୁରୀ ଜିଲ୍ଲା ହସ୍ପିଟାଲ

ବ୍ରହ୍ମଗିରି: ପୁରୀ ଜିଲ୍ଲାରେ ଆରମ୍ଭ ହେଲା ବିଏସକେୱାଇ କାର୍ଡ ବଣ୍ଟନ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବ୍ରହ୍ମଗିରିରୁ ପୁରୀ ଜିଲ୍ଲା ପାଇଁ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ସ୍ମାର୍ଟ ହେଲଥ କାର୍ଡ ବଣ୍ଟନ ଆରମ୍ଭ କରିଛନ୍ତି । ବ୍ରହ୍ମଗିରିରେ ସ୍ମାର୍ଟ ହେଲଥ କାର୍ଡ ବଣ୍ଟନ କରି ମୁଖ୍ୟମନ୍ତ୍ରୀ ଖୁସିବ୍ୟକ୍ତ କରିଛନ୍ତି । ବିଏସକେୱାଇ ଦ୍ୱାରା ଜିଲ୍ଲାର ୩ ଲକ୍ଷ ୬୪ ହଜାର ପରିବାର ଉପକୃତ ହେବେ । ଏହି ଅବସରରେ ମୁଖ୍ୟମନ୍ତ୍ରୀ ୧୦୦୬ କୋଟି ୮୨ ଲକ୍ଷ ଟଙ୍କାର ଅନେକ ପ୍ରକଳ୍ପର ଉଦଘାଟନ ସହ ଭିତ୍ତିପ୍ରସ୍ତର ସ୍ଥାପନ କରିଛନ୍ତି ।

CM Naveen Announces To Increase Beds In Puri District Hospital

ପୁରୀ ମହାପ୍ରଭୁଙ୍କ ପବିତ୍ର ଧାମ । ଧାମର ବିକାଶ ଆମର ଦାୟିତ୍ୱ । ନିକଟରେ ସରକାର ପୁରୀ ସହରରେ ଡ୍ରିଙ୍କ ଫ୍ରମ୍ ଟ୍ୟାପ ଯୋଜନା କାର୍ଯ୍ୟକାରୀ କରାଯାଇଛି । ଲୋକମାନେ ଏବେ ଟ୍ୟାପରୁ ଆଇଏସଓ ଗୁଣବତ୍ତା ମାନର ପାଣି ପାଉଛନ୍ତି । ଏଭଳି ସୁବିଧା ପାଇବାରେ ପୁରୀ ସାରା ଦେଶରେ ପ୍ରଥମ । ଲଣ୍ଡନ, ନ୍ୟୁୟର୍କ ଓ ଟୋକିଓ ସହର ଭଳି ପୁରୀ ବାସୀ ସୁବିଧା ପାଉଛନ୍ତି ।

CM Naveen Announces To Increase Beds In Puri District Hospital

ଭଲ ପିଇବା ପାଣି ବ୍ରହ୍ମଗିରି ଅଞ୍ଚଳର ସମସ୍ୟା । ବ୍ରହ୍ମଗିରି ଓ କୃଷ୍ଣପ୍ରସାଦ ବ୍ଲକ ପାଇଁ ୩୪୩ କୋଟି ଟଙ୍କାର ୨ଟି ମେଗା ପାଇପ୍ ପାଣି ପ୍ରକଳ୍ପ କାର୍ଯ୍ୟ ଚାଲିଛି । ୨ ବ୍ଲକର ୧୯୧ଟି ଗାଁ ଲୋକଙ୍କୁ ବିଶୁଦ୍ଧ ପାନୀୟ ଜଳ ମିଳିବ । ୩୫ କୋଟି ଟଙ୍କାରେ ପୁରୀ ଜିଲ୍ଲା ହସ୍ପିଟାଲକୁ ୩ ଶହ ଶଯ୍ୟା ବିଶିଷ୍ଟ କରାଯିବ ବୋଲି ମୁଖ୍ୟମନ୍ତ୍ରୀ କହିଛନ୍ତି । କୋଭିଡ୍ ଚିକିତ୍ସା ସହ ଟେଷ୍ଟିଂକୁ ରାଜ୍ୟ ସରକାର ମାଗଣାରେ ଯୋଗାଇ ଦେଉଛନ୍ତି ।

CM Naveen Announces To Increase Beds In Puri District Hospital

ଦେଶରେ ଏକମାତ୍ର ରାଜ୍ୟଭାବେ ଓଡ଼ିଶା ଏଭଳି ପଦକ୍ଷେପ ନେଇଛି । ରାଜ୍ୟର ୯୬ ଲକ୍ଷ ପରିବାର ବିଏସକେୱାଇ କାର୍ଡ ପାଇବେ । ଜାତୀୟ ଖାଦ୍ୟ ସୁରକ୍ଷା ଓ ରାଜ୍ୟ ଖାଦ୍ୟ ସୁରକ୍ଷାର ସମସ୍ତ ହିତାଧିକାରୀ ଏହି ସୁବିଧା ପାଇବେ । ରାଜ୍ୟର ସାଢ଼େ ୩ କୋଟି ଲୋକ ଉପକୃତ ହେବେ । ନୂଆ ବ୍ୟବସ୍ଥାରେ ହସ୍ପିଟାଲରେ କୌଣସି ଡକ୍ୟୁମେଣ୍ଟ ଦରକାର ନାହିଁ । ଦେଶର ୨ଶହରୁ ଅଧିକ ବଡ଼ ବଡ଼ ହସ୍ପିଟାଲରେ ଏହି କାର୍ଡ ଜରିଆରେ ଚିକିତ୍ସିତ ହୋଇପାରିବେ ।

CM Naveen Announces To Increase Beds In Puri District Hospital

ପରିବାରର ସଦସ୍ୟଙ୍କ ପାଇଁ ୫ ଲକ୍ଷ ଟଙ୍କା ଓ ମହିଳାଙ୍କ ପାଇଁ ୧୦ ଲକ୍ଷ ଟଙ୍କାର ଚିକିତ୍ସା ଖର୍ଚ୍ଚ ମିଳିବ । ଚିକିତ୍ସା ପାଇଁ କିଏ ଜମି ବିକେ ତ କିଏ ସୁନା ବିକେ । କେହି କେହି ଋଣ କରିବା ସହ ପିଲାଙ୍କ ପାଠପଢ଼ା ବନ୍ଦ କରି ଦେଇଥାନ୍ତେ । ଏକଥା ଶୁଣିଲେ ମୋତେ ଦୁଃଖ ଲାଗେ । ସ୍ମାର୍ଟ କାର୍ଡ ଆପଣଙ୍କ ଏହି ସମସ୍ୟା ଦୂର କରିବ । ଚିକିତ୍ସା ପାଇଁ ରାଜ୍ୟ ସରକାର ଖର୍ଚ୍ଚ କରୁଛନ୍ତି, ଆପଣ ସଞ୍ଚୟ କରିପାରିବେ । ସରକାରୀ ମେଡିକାଲରେ ଡାଏଲେସିସ୍, କେମୋ ଥେରାପି, ସିଟି ସ୍କାନ୍, ଏମଆରଆଇ ସୁବିଧା ମାଗଣାରେ ଉପଲବ୍ଧ ବୋଲି କହିଛନ୍ତି ମୁଖ୍ୟମନ୍ତ୍ରୀ । ପୂର୍ବରୁ ମାଲକାନଗିର, ସୁନ୍ଦରଗଡ଼, ବଲାଙ୍ଗିର, ଗଜପତି ଜିଲ୍ଲାରେ ଏହି କାର୍ଯ୍ୟକ୍ରମ ଆରମ୍ଭ ହୋଇଛି ।

‘ନିର୍ଭୟ‘ର ସଫଳ ପରୀକ୍ଷଣ, ଶତ୍ରୁ ଶିବିରରୁ ପଠାଇବ ତଥ୍ୟ

ବାଲେଶ୍ବର:  ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷା କେନ୍ଦ୍ରର 3ନଂ ଲଞ୍ଚ ପ୍ୟାଡ଼ରୁ ଆଜି ପରୀକ୍ଷା କରାଯାଇଛି ସବ୍‌-ସୋନିକ୍‌ କ୍ରୁଜ୍‌ ମିସାଇଲ ନିର୍ଭୟ । ମଧ୍ୟାହ୍ନ 2 ଟା 25 ମିନିଟ୍ ସମୟରେ ଏହି କ୍ଷେପଣାସ୍ତ୍ରକୁ ଡ଼େଭଲପ୍‌ମେଣ୍ଟ ପରୀକ୍ଷା କରାଯାଇଛି । ତଥ୍ୟ ସଂଗ୍ରହ ପାଇଁ ଖଞ୍ଜା ଯାଇଥିବା ରାଡ଼ାରୁ ମିଳିଥିବା ତଥ୍ୟକୁ ପ୍ରତିରକ୍ଷା ବିଭାଗର ବୈଜ୍ଞାନିକମାନେ ସମୀକ୍ଷା କରୁଛନ୍ତି । ନିର୍ଭୟ ମିସାଇଲକୁ ଆଜି 750ରୁ 1 ହଜାର କିଲୋମିଟର ପର୍ଯ୍ୟନ୍ତ ଲକ୍ଷ୍ୟଭେଦ କ୍ଷମତା ପରୀକ୍ଷା କରାଯାଇଛି ।

ପୂର୍ବରୁ ଏହି କ୍ଷେପଣାସ୍ତ୍ରରେ ରକେଟ୍‌ ଇଞ୍ଜିନ୍‌ ବ୍ୟବହାର କରାଯାଉଥିବାବେଳେ ଆଜିର ପରୀକ୍ଷାରେ ଏଥିରେ ଇଣ୍ଡିଜିନିୟସ୍‌ ସର୍ଟ ଟୋର୍ବୋଫ୍ୟାନ୍‌ ବା ମାନିକ୍‌ ଇଞ୍ଜିନ୍‌ର ବ୍ୟବହାର କରାଯାଇଛି । ଏହା ଫଳରେ ମିସାଇଲର ଓଜନ ହାଲୁକା ହେବା ସହିତ ଏହାର ଲକ୍ଷ୍ୟଭେଦ କ୍ଷମତା ବୃଦ୍ଧି ହୋଇପାରିବ ବୋଲି କୁହାଯାଉଛି । ଡ଼ିଆରଡ଼ିଓର ଏରୋନୋଟିକାଲ ଡ଼େଭଲମେଣ୍ଟାଲ ଏଷ୍ଟାବ୍ଲିସ୍‌ମେଣ୍ଟ ଦ୍ବାରା ପ୍ରସ୍ତୁତ ନିର୍ଭୟ କ୍ଷେପଣାସ୍ତ୍ରର ଓଜନ 1500 କିଲୋଗ୍ରାମ ଥିବାବେଳେ ଏହାର ଲମ୍ବ 6 ମିଟର ଓ ମୋଟେଇ 0.5 ମିଟର ।

ଏଥିରେ 2ଶହରୁ 3ଶହ କିଲୋଗ୍ରାମ ପର୍ଯ୍ୟନ୍ତ ଉଭୟ ପାରମ୍ପରିକ ଓ ଆଣବିକ ଯୁଦ୍ଧାସ୍ତ୍ର ବ୍ୟବହାର କରାଯାଇ ପାରିବ । ଏହି ମିସାଇଲର ଡ଼େଣାର ଲମ୍ବ 2.7 ମିଟର ଥିବାରୁ ଏହା ଭୂପୃଷ୍ଠରୁ 50 ମିଟରରୁ 4 କିଲୋମିଟର ଉଚ୍ଚତ୍ତାରେ ଏୟାରକ୍ରାଫ୍ଟ ଭଳି ଶତ୍ରୁ ଶିବିର ଚାରିପାଖରେ ଉଡ଼ାଣକରି କଣ୍ଟ୍ରୋଲ ରୁମ୍‌କୁ ଫଟୋ ଓ ଭିଡ଼ଓ ପଠାଇ ପାରିବାର କ୍ଷମତା ରହିଛି । ନିର୍ଭୟକୁ ଅଷ୍ଟମ ଥର ପାଇଁ ଗତ ଜୁନ୍‌ମାସ 24 ତାରିଖରେ ସଫଳତାର ସହିତ ପରୀକ୍ଷା କରାଯାଇଥିଲା ।

ନବଜାତକର ମୃତଦେହ ଧରି ମେଡିକାଲ ପରିସରରେ ବୁଲିଲା କୁକର

ବ୍ରହ୍ମଗିରି: କୁକୁର ମୁହଁରେ ନବଜାକତର ମୃତଦେହ । ଏଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ବଲାଙ୍ଗିର ଭୀମଭୋଇ ମେଡିକାଲ କଲେଜ ଓ ହସ୍ପିଟାଲ ପରିସରରେ । ମେଡିକାଲର ବର୍ହି ବିଭାଗ ପାର୍ଶ୍ୱରୁ ଏକ କୁକୁର ନବଜାକତର ମୃତଦେହ ଧରି ମେଡିକାଲ ପରିସରରେ ଏଣେ ତେଣେ ଧାଉଁଥିବା ଦେଖିବାକୁ ମିଳିଛି ।

ଏଥିସହ ପଢ଼ନ୍ତୁ: ନିରୁପମାଙ୍କ ମୃତ୍ୟୁ ପୂର୍ବରୁ ହଷ୍ଟେଲକୁ କିଏ କରିଥିଲା ଆତ୍ମହତ୍ୟା ନେଇ ଫୋନ୍ ?

ନବଜାତକର ମୃତ୍ୟୁ ପରେ କେହି ବାହାରେ ଫିଙ୍ଗି ଦେବା ପରେ ବୁଲା କୁକୁରଟି ମୃତଦେହ ଧରି ମେଡିକାଲ ପରିସରରେ ବୁଲିଥିଲା । ତେବେ ନବଜାତକଙ୍କ ମୃତଦେହ ଫିଙ୍ଗିବା/ପୋତିବା ପାଇଁ ମେଡିକାଲରେ ବ୍ୟବସ୍ଥା ରହିଥିବା ବେଳେ କିଏ ବାହାରେ ଫିଙ୍ଗିଲା ଜଣାପଡ଼ି ନାହିଁ । ଏହାକୁ ନେଇ ବିଭିନ୍ନ ମହଲରେ ନାନା ପ୍ରତିକ୍ରିୟା ପ୍ରକାଶ ପାଇଛି ।

 

ତ୍ରିରଙ୍ଗାକୁ ଅସମ୍ମାନ କଲେ ଛାତ୍ର, ରାଗିବାରୁ ଶିକ୍ଷକଙ୍କୁ ହତ୍ୟା କଲେ ଆତଙ୍କବାଦୀ

କାଶ୍ମୀର:  ଇଦଗାହ ଅଂଚଳର ସହନ ଉଚ୍ଚ ପ୍ରାଥମିକ ବିଦ୍ୟାଳୟରେ ହୋଇଥିବା ଆତଙ୍କୀ ହମଲା, ସମସ୍ତଙ୍କୁ ଚକିତ କଲାଭଳି  । ତ୍ରିରଙ୍ଗାକୁ ଅସମ୍ମାନ କରିଥିବା ଛାତ୍ରଙ୍କ ଉପରେ ଶିକ୍ଷକ ଜଣଙ୍କ ରାଗିଥିବାରୁ ଏହି ଆତଙ୍କବାଦୀ ମାନେ ଉକ୍ତ ଶିକ୍ଷକଙ୍କୁ ହତ୍ୟା କରିଛନ୍ତି  । ଗତ ସ୍ୱାଧିନତା ଦିବସରେ ପତାକା ଉତ୍ତୋଳନ ସମୟରେ ବିଦ୍ୟାଳୟର ୧୫ ଜଣ ଛାତ୍ର ତ୍ରିରଙ୍ଗାକୁ ସମ୍ମାନ ଦେବା ବଦଳରେ ଅସମ୍ମାନ କରିଥିଲେ  ।

ପରବର୍ତ୍ତୀ ସମୟରେ ବିଦ୍ୟାଳୟରେ ଶିକ୍ଷକ ଜଣଙ୍କ ସେହି ଛାତ୍ରମାନଙ୍କ ଉପରେ ରାଗିଥିଲେ  । ଅର୍ଥାତ ସେମାନଙ୍କୁ ବୁଝାଇଥିଲେ ଯେ, ଏ ଦେଶର ତ୍ରିରଙ୍ଗା ପତାକାକୁ ସମ୍ମାନ ଦେବା ଆମ କର୍ତ୍ତବ୍ୟ  । ତେଣୁ ଆଗାମୀ ଦିନରେ ଏପରି ନକରିବାକୁ ତାଗିଦ କରିଥିଲେ ଶିକ୍ଷକ  । ଆଉ ଏଥିପାଇଁ ହିଁ ଉକ୍ତ ହିନ୍ଦୁ ଶିକ୍ଷକ ଜଣଙ୍କ ଆତଙ୍କବାଦୀଙ୍କ ଟାର୍ଗେଟରେ ରହିଥିଲେ ବୋଲି ସୂଚନା ମିଳିଛି  ।

ସେପଟେ ଏହି ସବୁ ଆକ୍ରମଣ ପାଇଁ ଦି ରେଜିଷ୍ଟାନ୍ସ ଫୋର୍ସ ନାମକ ଏକ ଆତଙ୍କବାଦୀ ସଂଗଠନ ନିଜକୁ ଦାୟୀ କରିଛି । ସୁରକ୍ଷା ବିଶେଷଜ୍ଞଙ୍କ ଅନୁସାରେ ରେଜିଷ୍ଟାନସ ଫୋର୍ସ ହେଉଛି ଲସ୍କର ଇ ତୋଇବାର ଫ୍ରଣ୍ଟ୍ । ଏହା ଅନେକ ସମୟରେ ଲସ୍କର ଇ ତୋଇବା ପାଇଁ କାମ ମଧ୍ୟ କରିଥାଏ  ।  ଗୋଇନ୍ଦା ବିଭାଗର ସୂଚନା ମୁତବାକ କାଶ୍ମୀରର ଅଳ୍ପ ସଂଖ୍ୟକ ହିନ୍ଦୁ ଏବଂ ଶୀଖଙ୍କୁ ହତ୍ୟା କରିବା ପାଇଁ  ଉକ୍ତ ସଂଗଠନ ୧୦୦ଟି ବ୍ୟକ୍ତିଙ୍କ ତାଲିକା ପ୍ରସ୍ତୁତ କରିଛି  ।